Nunavut Hansard — 9 June 2026 (Blues, Inuktitut)

2026-06-09 Blues Inuktitut

Nunavut — Debates (Hansard)

ᒪᓕᒐᓕᐅᕐᕕᒻᒥ ᑲᑎᒪᔾᔪᑎᒥᓃᑦ ᐋᖅᑭᒋᐊᖅᓯᒪᓐᖏᑦᑐᑦ ᓇᕿᑦᑕᖅᑕᐅᓯᒪᔪᑦ ᐊᐃᑉᐹ, ᔫᓂ 09, 2026 ᐃᖃᓗᐃᑦ, ᓄᓇᕗᑦ ᐋᖅᑭᒋᐊᕈᑎᑦ: ᐊᑏ ᐅᑎᖅᑎᓯᐅᒃ ᐋᖅᑭᒋᐊᖅᑕᐅᔪᐃᑦ ᑎᑎᕋᖅᑎᒧᑦ ᐅᕝᕙᓘᓐᓃᑦ ᑐᖏᓕᐊᓄᑦ ᒪᓕᒐᓕᐅᕐᕕᒻᒥ ᑲᑎᒪᔾᔪᑎᒥᓃᑦ ᓇᕿᔾᔪᑕᐅᓐᖏᓚᑦ ᑐᑭᓕᐊᖅᑕᐃᓐᓇᕆᓗᒋᑦ ᒪᓕᒐᓕᐅᖅᑏᑦ ᐊᐃᕙᓂᖏᑦ. ᓇᕿᑕᐅᓯᒪᑐᐃᓐᓇᖅᑐᐃᑦ ᐅᖃᐅᓯᐅᓪᓗᐊᑕᖅᑐᑦ. ᐅᖃᖅᑕᐅᒃᑲᓂᖅᑐᒥᒃ ᐊᓯᐊᑎᒍᓪᓘᓐᓃᑦ ᓲᕐᓗ ᓇᓗᓇᐃᖅᑕᐅᔪᖃᒃᑲᓐᓂᕆᐊᖃᖅᐸᑦ ᐋᖅᑭᒋᐊᖅᑕᐅᔪᓐᓇᖅᑐᑦ ᑭᓇᑐᐃᓐᓇᖅ ᒪᓕᒐᓕᐅᕐᕕᒻᒥ ᑲᑎᒪᔾᔪᑎᓂᑦ ᐅᖃᓕᒫᖅᑐᑦ ᓱᖅᑯᐃᒪᓂᐊᕐᒪᑦ ᐅᖃᖅᑕᒥᓂᕐᒥᒃ. ᑲᑎᒪᐅᑎᒥᓂᓕᕆᔪᑦ ᐅᖃᓕᒫᕋᓐᓂᑦᑎᑦᓯᔭᕆᐊᓖᑦ ᐊᔾᔨᒌᑉᐸᓐᖏᒻᒪᑎᒃ ᐅᖃᖅ ᑕᐅᔪᖅ ᑎᑎᕋᖅᓯᒪᔪᕐᓗ. ᐊᐃᕙᔾᔪᑎᒥᓃᑦ, ᓯᑎᐱᕆ 20, 1983, ᒪᑉᐱᑐᒐᖓ 27299. ᐴᓯᔅᓂᐅᑉ 6-ᖓᓐᓂᒃ ᓇᕿᑕᐅᔾᔪᑎᖓ, ᑎᓕᓯᔾᔪᑎᒃ 55

ᓄᓇᕗᑦ ᒪᓕᒐᓕᐅᕐᕕᖓ ᐅᖃᖅᑎ ᐊᖓᔪᖅᑳᖅ ᑕᐃᕕᑎ ᔪᐊᓇᓯ (ᕿᑭᖅᑖᓘᑉ ᓂᒋᐊ) ᐊᐅᓚᑦᑎᔩᑦ ᐊᓪᓚᑦᑎᐅᑲᐃᓐᓇᖅᑐᖅ ᐊᓪᓚᑦᑎᐅᑉ ᑐᓪᓕᐊ ᓯᑏᕙᓐ ᐃᓄᒃᓱᒃ ᕙᓐᑎ ᐱᐊᓐᔅ ᐊᓪᓚᑦᑎᐅᑉ ᐃᑲᔪᖅᑎᖓ ᖂᔪ ᓄᓱᑦᑕᖅ ᒪᓕᒐᓕᕆᔨ ᒪᐃᑯᓪ ᓵᓐᑐᓗ ᐃᖅᓱᖅᑎ ᒪᓕᒃᑐ ᓄᓱᑦᑕᖅ ᑲᑎᒪᐅᑎᓂᒃ ᐋᖅᑭᒃᓱᐃᔩᑦ ᐅᖃᐅᓯᕐᒥᒃ ᐅᖃᐅᓯᕐᒧᑦ ᑎᒥᖓᑦ ᑎᑎᖅᑲᒃᑯᕕᒃ 1200 ᐃᖃᓗᐃᑦ, ᓄᓇᕗᑦ X0A 0H0 ᐅᖄᓚᐅᑖ (867) 975-5000 ᓱᒃᑲᕈᑖ (867) 975-5190 ᐊᑭᖃᓐᖏᑦᑐᖅ (877) 334-7266 ᐊᖓᔪᖅᑳᖅ ᒍᐊᐃᓐ Hᐄᓕ ᐊᕿᐊᕈᖅ (ᐃᖃᓗᐃᑦ−ᒪᓂᕋᔭᒃ) ᒥᓂᔅᑕ ᐃᓄᓕᕆᔨᒃᑯᓐᓄᑦ;ᒥᓂᔅᑕ ᑲᒪᒋᔭᖃᖅᑐᖅ ᖁᓪᓕᖅ ᐆᒻᒪᖅᑯᑎᓕᕆᔨᒃᑯᓐᓂᑦ; ᒥᓂᔅᑕ ᑲᒪᒋᔭᖃᖅᑐᖅ ᐊᖏᕐᕋᖃᖏᓐᓂᕐᒥᒃ; ᒥᓂᔅᑕ ᑲᒪᒋᔭᖃᖅᑐᖅ ᐊᒃᖢᓂᕐᒥᒃ ᒥᒃᖠᒋᐊᖅᑎᑦᑎᓂᕐᒧᑦ; ᒥᓂᔅᑕ ᑲᒪᒋᔭᖃᖅᑐᖅ ᐊᕐᓇᐃᑦ ᑲᑎᒪᔨᖏᓐᓂᒃ; ᐊᖓᔪᖅᑳᖅ ᑕᐃᕕᑎ ᐊᕿᐊᕈᖅ (ᐃᖃᓗᐃᑦ-ᓂᐊᖁᙴ) ᒐᕙᒪᒃᑯᑦ ᓯᕗᒃᑲᖅᑕᖅᑎᖓ; ᒥᓂᔅᑕ ᐃᓕᓐᓂᐊᖅᑐᓕᕆᓂᕐᒧᑦ; ᒥᓂᔅᑕ ᑲᒪᒋᔭᖃᖅᑐᖅ ᓄᓇᕗᒻᒥ ᓯᓚᑦᑐᖅᓴᕐᕕᖕᒥᒃ ᕼᐋᓇ ᐊᖑᑎᐊᓗᒃ (ᐊᐃᕕᓕᒃ) ᐃᐊᑦᕗᑦ ᐊᑕᒍᑦᑖᓗᒃ (ᐊᒡᒍ) ᐊᖓᔪᖅᑳᖅ ᔮᓂᑦ ᐳᕉᔅᑐ (ᐃᖃᓗᐃᑦ-ᓯᓈ) ᒥᓂᔅᑕ ᐋᓐᓂᐊᖃᕐᓇᓐᖏᑦᑐᓕᕆᓂᕐᒧᑦ; ᒥᓂᔅᑕ ᑲᒪᒋᔭᖃᖅᑐᖅ ᐃᒻᒥᓃᖅᑕᐃᓕᒪᑎᑦᑎᓂᕐᒧᑦ ᐊᖓᔪᖅᑳᖅ ᔪᐊᔾ Hᐃᒃᔅ (ᐃᖃᓗᐃᑦ-ᑕᓯᓗᒃ) ᓄᓇᕗᒻᒧᑦ ᓯᕗᓕᖅᑎᐅᑦ ᑐᖓᓕᖓ; ᒥᓂᔅᑕ ᒪᓕᒐᓕᕆᓂᕐᒧᑦ; ᒥᓂᔅᑕ ᐃᖏᕐᕋᔪᓕᕆᓂᕐᒧᑦ ᒪᑭᒪᐅᑎᓄᓪᓗ; ᒥᓂᔅᑕ ᑲᒪᒋᔭᖃᖅᑐᖅ ᐃᖅᑲᓇᐃᔭᖅᑐᓕᕆᓂᕐᒧᑦ ᑲᑎᒪᔨᓂᒃ; ᒥᓂᔅᑕ ᑲᒪᒋᔭᖃᖅᑐᖅ ᐃᓄᐃᑦ ᐱᔪᓐᓇᐅᑎᖏᓐᓄᑦ ᑲᑎᒪᔨᓂᒃ ᔭᐃᒥ ᖃᑉᓗᑦᓯᐊᖅ (ᐊᕐᕕᐊᑉ ᓂᒋᐊ) ᕗᕆᐊᑦ ᐲᑕᓴᓐ (ᐃᖃᓗᒃᑑᑦᑎᐊᖅ) ᒍᐊᑕᓐ ᑲᐅᑕᒃ (ᐅᖅᑯᒻᒥᐅᑦ) ᐊᖓᔪᖅᑳᖅ ᐳᕋᐃᔭᓐ ᑯᓄ (ᑐᓄᓂᖅ) ᒥᓂᔅᑕ ᐃᓕᖅᑯᓯᓕᕆᔨᒃᑯᑦ; ᒥᓂᔅᑕ ᐅᖃᐅᓯᓕᕆᓂᕐᒧᑦ; ᒥᓂᔅᑕ ᐊᕙᑎᓕᕆᓂᕐᒧᑦ; ᒥᓂᔅᑕ ᐆᒻᒪᖅᑯᑎᓕᕆᓂᕐᒧᑦ ᓴᐃᒪᓐ ᖁᓕᒃᑖᓇ (ᖁᕐᓗᖅᑑᖅ) ᐊᖓᔪᖅᑳᖅ ᓯᓯᐅᓪ ᓂᐅᓪᕙᓇ ᓚᐃᔪᓪ (ᓇᑦᓯᓕᒃ) ᒥᓂᔅᑐ ᑲᒪᒋᔭᖃᖅᑐᖅ ᓄᓇᕘᑉ ᐃᒡᓗᓕᕆᔨᕐᔪᐋᒃᑯᖏᓂ ᐊᖓᔪᖅᑳᖅ ᐋᕐᓗᒃ ᒪᐃᓐ (ᐊᕐᕕᐊᑉ ᐅᐊᓐᓇᖓ-ᑎᑭᕌᕐᔪᐊᖅ) ᓯᕗᓕᖅᑎ ᓄᓇᕗᒻᒥ; ᒥᓂᔅᑕ ᓯᕗᓕᖅᑎᓄᑦ ᒐᕙᒪᐅᖃᑎᒌᒃᑐᓕᕆᔨᒃᑯᓐᓄᓪᓗ; ᒥᓂᔅᑕ ᑮᓇᐅᔭᓕᕆᓂᕐᒧᑦ; ᒥᓂᔅᑕ ᑲᒪᒋᔭᖃᖅᑐᖅ ᓄᓇᖃᖅᑳᖅᓯᒪᔪᓕᕆᓂᕐᒥᒃ; ᒥᓂᔅᑕ ᑲᒪᒋᔭᖃᖅᑐᖅ ᑲᓇᑕᐅᑦ ᓯᓚᑖᓃᖖᒑᖅᑐᓄᑦ; ᒥᓂᔅᑕ ᑲᒪᒋᔭᖃᖅᑐᖅ ᐆᒻᒪᖅᑯᑎᑦ ᐊᑭᖏᓐᓂᒃ ᕿᒥᕐᕈᔩᑦ ᑲᑎᒪᔨᖏᑦ; ᒥᓂᔅᑕ ᑲᒪᒋᔭᖃᖅᑐᖅ ᐃᓐᓇᕐᓂᒃ; ᒥᓂᔅᑕ ᑲᒪᒋᔭᓕᒃ ᓄᓇᕗᒻᒥ ᐃᒥᐊᓗᓕᕆᓂᕐᒧᑦ ᓱᕐᕋᓐᓇᖅᑐᓕᕆᓂᕐᒧᓪᓗ ᑲᒥᓴᓐ; ᒥᓂᔅᑕ ᑲᒪᒋᔭᓕᒃ ᓄᓇᕗᒻᒥ ᐃᒥᐊᓗᓕᕆᓂᕐᒧᑦ ᓱᕐᕋᓐᓇᖅᑐᓕᕆᓂᕐᒧᓪᓗ ᑲᑎᒪᔨᖏᓐᓄᑦ; ᔮᓂ ᒪᐃᒃ (ᐸᓐᓂᖅᑑᖅ) ᑕᐃᕕᑦ ᐳᐊᑐ (ᐅᖅᓱᖅᑑᖅ) ᐊᐃᕝᕙᓚᕼᐋ ᖃᒪᓂᖅ (ᐊᒥᑦᑐᖅ) ᐃᓄᖃᕈᓐᓃᖅᑐᖅ (ᑕᓯᐅᔭᕐᔪᐊᖅ) ᐋᓕᒃᓵᓐᑐ ᓴᒻᒧᖅᑐᖅ (ᑲᖏᖅᖠᓂᐅᑉ ᐅᐊᓐᓇᖓ-ᐃᒡᓗᓕᒑᕐᔪᒃ) ᐃᓐᓇᖓᔪᖅ ᖂᑭᐊᖅ (ᓇᑦᓯᓕᒃ) ᐋᓕᒃᓵᓐᑐ ᓴᒻᒧᖅᑐᖅ (ᑲᖏᖅᖠᓂᐅᑉ ᐅᐊᓐᓇᖓ-ᐃᒡᓗᓕᒑᕐᔪᒃ) ᐊᖓᔪᖅᑳᖅ ᑯᕋᐃᒃ ᓯᒪᐃᓚᒃ (ᖃᒪᓂᑦᑐᐊᖅ) ᒥᓂᔅᑕ ᓄᓇᓕᖕᓂ ᒐᕙᒪᒃᑯᓂᓪᓗ ᐱᔨᑦᑎᖅᑎᒃᑯᑦ; ᒥᓂᔅᑕ ᑲᒪᒋᔭᖃᖅᑐᖅ ᓄᓇᕗᒻᒥ ᓇᖕᒥᓂᖃᖅᑐᓄᑦ ᐊᑐᖅᑐᐊᕐᕕᒃ; ᒥᓂᔅᑕ ᑲᒪᒋᔭᖃᖅᑐᖅ ᐅᔭᕋᖕᓂᐊᕐᓂᕐᒧᑦ; ᒥᓂᔅᑕ ᑕᐅᖅᓯᕋᕐᓂᕐᒥᒃ ᐱᓕᕆᐊᒃᓴᓕᒃ; ᐊᖓᔪᖅᑳᖅ ᐋᓂ ᑕᑦᑐᐃᓂ (ᑲᖏᖅᖠᓂᐅᑉ ᓂᒋᐊ) ᒥᓂᔅᑕ ᑲᒪᒋᔭᖃᖅᑐᖅ ᐃᖅᑲᓇᐃᔭᖅᑐᓕᕆᓂᕐᒧᑦ; ᒥᓂᔅᑕ ᑲᒪᒋᔭᖃᖅᑐᖅ ᐃᖅᑲᐃᔭᖅᑎᓄᑦ ᐊᑦᑕᕐᓇᖅᑐᓂᒃ ᐊᒻᒪ ᓇᓪᓕᐊᒃᑯᒫᓂᒃ ᖃᐅᔨᓴᖅᑏᑦ ᓯᑏᕙᓐ ᑕᖅᑐ (ᖁᑦᑎᒃᑐᕐᒃ)

ᖃᕋᓴᐅᔭᑎᒍᑦ ᑐᕌᕈᑎᖓᑦ: www.assembly.nu.ca

ᐃᓗᓕᖏᑕ ᓇᓕᖅᑲᖏᑦ ᑐᒃᓯᐊᕐᓂᕐᒧᑦ ᒪᑐᐃᖅᑕᐅᓂᖓ ............................................................................................................................................... 1 ᐊᖓᔪᖅᑳᑦ ᐅᖃᐅᓯᖏᑦ .......................................................................................................................................................... 1 ᒪᓕᒐᓕᐅᖅᑏᑦ ᐅᖃᐅᓯᖏᑦ .................................................................................................................................................... 6 ᑭᐅᔾᔪᑎᑦ ᐅᖃᐅᓯᒃᑯᑦ ᐊᐱᖅᑯᑕᐅᓚᐅᖅᑐᓄᑦ ................................................................................................................... 10 ᐃᓕᑕᖅᓯᓂᖅ ᑐᓵᔭᖅᑐᖅᓯᒪᔪᓂᒃ ᒪᓕᒐᓕᐅᕐᕕᒻᒧᑦ .......................................................................................................... 10 ᐅᖃᐅᓯᒃᑯᑦ ᐊᐱᖅᑯᑎᑦ ......................................................................................................................................................... 12 ᓴᖅᑭᑕᐅᓂᖏᑦ ᑎᑎᖅᑲᐃᑦ................................................................................................................................................... 27 ᖃᐅᔨᒃᑲᐃᓂᖅ ᐱᒋᐊᖅᑎᑕᒃᓴᓂᑦ ........................................................................................................................................ 27 ᐱᒋᐊᖅᑎᑕᐃᑦ ......................................................................................................................................................................... 27 ᑲᑎᒪᔨᕋᓛᑦ ᑲᑎᒪᑐᐃᓐᓇᖅᑎᓪᓗᒋᑦ ᐃᓱᒪᒃᓴᖅᓯᐅᖅᑕᐅᓂᖏᑦ ᒪᓕᒐᒃᓴᐃᑦ ᐊᓯᖏᓪᓗ ............................................. 28 ᑲᑎᒪᔨᕋᓛᑦ ᑲᑎᒪᑐᐃᓐᓇᓚᐅᖅᑎᓪᓗᒋᑦ ᐅᓂᒃᑳᖓᑦ ....................................................................................................... 62 ᑲᑎᒪᔾᔪᑎᒃᓴᐃᑦ ....................................................................................................................................................................... 62

ᐃ. ᖃᐅᑕᒫᒧᑦ ᖃᐅᔨᒋᐊᕈᑎᑦ ᐊᐃᑉᐹ, ᔫᓂ 09, 2026 ......................................................................................................................................................... 1 ᐅ. ᐊᖓᔪᖅᑳᑦ ᐅᓂᒃᑳᖏᑦ 74 - 7(2): ᐃᖅᑲᐅᒪᔾᔪᑎᒃᓴᖅ ᓗᐃ ᑕᐹᕐᔫᓚᐅᖅᑐᒥᒃ (ᐊᕿᐊᕈᖅ) ................................................................................ 1 75 - 7(2): ᐊᔪᙱᔾᔪᑎᓄᑦ ᑲᓇᑕ ᓄᓇᕗᑦ (ᕼᐄᓕ-ᐊᕿᐊᕈᖅ) ...................................................................................... 2 76 - 7(2): ᓄᓇᓕᖕᓂᑦ ᐱᕋᔭᒃᑐᕕᓂᕐᓄᑦ ᐅᐃᒍᔾᔪᑎᓴᓄᑦ ᑕᑯᒃᓴᕈᖅᑕᖅ (ᕼᐃᒃᔅ) ....................................................... 3 77 - 7(2): ᑎᒃᑯᐊᖅᑕᐅᓂᖏᑦ ᓅᑕᓐ ᑲᑎᒪᔨᑦ ᐃᓄᐃᑦ ᐅᖃᐅᓯᖏᓐᓂᒃ ᑕᐃᒎᓯᓕᐅᖅᑏᑦ (ᑯᓄ) ............................ 4 78 - 7(2): ᑲᓇᑕᒥ ᐃᓕᓐᓂᐊᕐᕕᓂᑦ ᓂᕆᔭᒃᓴᓄᑦ ᑕᑯᒃᓴᕈᖅᑕᖅ (ᐊᕿᐊᕈᖅ) ............................................................. 5 ᐊ. ᒪᓕᒐᓕᐅᖅᑏᑦ ᐅᓂᒃᑳᖏᑦ 75 - 7(2): ᐃᓕᓴᕆᔭᐅᓂᖓ ᐋᔅᓕ ᓂᐅᒻᒪᓐ (ᖁᓕᒃᑖᓇ) ............................................................................................... 6 76 - 7(2): ᐅᓕᓴᕆᔭᐅᓂᖓ ᔨᒥ ᓇᐸᔪᖅ (ᖃᑉᓗᑦᓯᐊᖅ) ................................................................................................ 6 77 - 7(2): ᖃᖓᑕᓲᒃᑯᑦ ᑐᐊᕕᕐᓇᖅᑐᓂᒃ ᐱᔨᑦᑎᖅᑎᖏᑦ (ᐲᑕᓴᓐ) ............................................................................. 7 78 - 7(2): ᓄᑖᕈᖅᓯᒪᔪᑦ ᓄᓕᐊᒪ ᖃᓂᒻᒪᓯᕆᔭᖓᓄᑦ (ᐊᕿᐊᕈᖅ) .............................................................................. 7 79 - 7(2): ᐃᓕᓴᕆᔭᐅᓂᖓ ᐋᓕᒃᔅ ᑯᒃ ᖃᒪᓂᑦᑎᐋᒻᒥᐅᑕᖅ (ᓯᒪᐃᓚᒃ) ...................................................................... 9 ᐱ. ᑭᐅᔾᔪᑏᑦ ᐅᖃᐅᓯᒃᑯᑦ ᐊᐱᖅᑯᑕᐅᓚᐅᖅᑐᓄᑦ 68 - 6(2): (ᑯᓄ) .................................................................................................................................................................. 10 ᐳ. ᐅᖃᐅᓯᒃᑯᑦ ᐊᐱᖅᑯᑎᑦ 105 - 7(2): ᖃᖓᑕᓲᒃᑯᑦ ᑐᐊᕕᕐᓇᖅᑐᓂᒃ ᐱᔨᑦᑎᖅᑎᖏᑦ (ᐲᑕᓴᓐ)......................................................................... 12

106 - 7(2): ᐱᓕᕆᐊᖏᓄᑦ ᓄᓇᕘᑉ ᐃᒡᓗᓕᕆᔨᕐᔪᐊᖏᑕ (ᖃᒪᓂᖅ) ...................................................................... 13 107 - 7(2): ᐃᖃᓗᒐᓱᒃᑎᓐ ᐊᒡᒍᖅᓯᒪᓂᐊᓄᑦ (ᒪᐃᒃ) ................................................................................................... 15 108 - 7(2): ᐅᑭᐅᖅᑕᖅᑐᒥ ᐱᖁᑎᔾᔪᐊᓄᑦ ᑮᓇᐅᔭᖏᑦ (ᑲᐅᑐᖅ) .............................................................................. 17 109 - 7(2): ᐃᓅᓕᓴᐃᔪᖅ ᐃᖅᑲᖅᑐᐃᕕᓕᕆᔨᒃᑯᑦ ᑕᑯᒃᓴᕈᖅᑕᖓ ᐊᕐᕕᐊᓂ (ᖃᑉᓗᑦᓯᐊᖅ) ................................. 19 110 - 7(2): ᖃᖓᑕᓲᒃᑯᑦ ᑐᐊᕕᕐᓇᖅᑐᓂᒃ ᐱᔨᑦᑎᖅᑎᖏᑦ (ᖁᓕᒃᑖᓇ) ................................................................... 21 111 - 7(2): ᖃᕆᓴᐅᔭᓕᕆᔾᔪᑦ ᐅᐊᔭᖏᑕ ᐱᖁᑎᔾᔪᐊᖏᑦ (ᐊᖑᑎᐊᓗᒃ) ................................................................. 23 112 - 7(2): ᖃᖓᑕᓲᒃᑯᑦ ᑐᐊᕕᕐᓇᖅᑐᓂᒃ ᐱᔨᑦᑎᖅᑎᖏᑦ (ᐳᐊᑕ) ........................................................................... 25 ᐸ. ᓴᖅᑭᑕᐅᓂᖏᑦ ᑎᑎᖅᑲᐃᑦ 30 - 7(2): ᐊᒡᒍᖅᓯᒪᔪᑦ ᑲᓇᑕᒥ-ᐅᑭᐅᖅᑕᖅᑑᑉ ᐊᕕᒃᓯᒪᔪᖏᑦ ᐊᒻᒪᑦᑕᐅᖅ ᒐᕙᒪᑐᖃᒃᑯᑦ-ᐊᒡᒍᖅᓯᒪᔪᑦ- ᐅᑭᐅᖅᑕᖅᑑᓪᓗ ᒥᓂᑕᖏᑦ ᑲᒪᒋᔭᖃᖅᑐᓐ ᐃᓕᓕᓵᕈᑎᓄᑦ ᐸᐃᕆᔭᓄᓪᓗ (ᐊᕿᐊᕈᖅ) .................................... 27 ᑎ. ᐱᒋᐊᖅᑎᑕᐃᑦ 7 - 7(2): ᓄᖅᑲᖓᑯᑖᕐᓂᖅ - ᖃᐅᔨᒃᑲᐃᒍᑦ (ᑕᖅᑐ) ..................................................................................................... 27 7 - 7(2): ᓄᖅᑲᖓᑯᑖᕐᓂᖅ (ᑕᖅᑐ) .................................................................................................................................. 27 ᑐ. ᒪᓕᒐᒃᓴᐃᑦ ᒪᓕᒐᒃᓴᖅ 1 - ᑮᓇᐃᔭᑦ ᐊᑐᖅᑕᐅᑲᐃᓐᓇᕐᓂᐊᖅᑐᑦ (ᐊᐅᓚᔾᔪᑏᑦ ᐋᖅᑭᐅᒪᐃᓐᓇᕈᑏᓪᓗ) ᒪᓕᒐᖅ, 2026-2027 – ᑲᑎᒪᔨᕋᓛᓄᑦ ᐃᓱᒪᒃᓴᖅᓯᐅᖅᑕᐅᓂᖓ ................................................................................................................. 28

ᐊᐃᑉᐹ, ᔫᓂ 09, 2026 ᓄᓇᕗᒥ ᒪᓕᒐᓕᐅᕐᕕᒻᒧᑦ ᑲᑎᒪᔾᔪᑏᑦ 1 ᐃᖃᓗᐃᑦ, ᓄᓇᕗᑦ ᐊᐃᑉᐹ, ᔫᓂ 09, 2026 ᒪᓕᒐᓕᐅᖅᑏᑦ ᐅᐸᒃᑐᑦ: ᐊᖓᔪᖅᑳᖅ ᒍᐃᐊᓐ ᕼᐄᓕ−ᐊᕿᐊᕈᖅ, ᒥᔅ ᕼᐋᓇ ᐊᖑᑎᐊᓗᒃ, ᒥᔅᑕ ᐃᐊᑦᕗᑦ ᐊᑕᒍᑦᑖᓗᒃ, ᐊᖓᔪᖅᑳᖅ ᔮᓂᑦ ᐱᑦᓯᐅᓛᖅ, ᐊᖓᔪᖅᑳᖅ ᔪᐊᔾ ᕼᐃᒃᔅ, ᐊᖓᔪᖅᑳᖅ ᑕᐃᕕᑎ ᔪᐊᓇᓯ, ᐊᖓᔪᖅᑳᖅ ᒍᐊᑕᓐ ᑲᐅᑐᒃ, ᐊᖓᔪᖅᑳᖅ ᐳᕋᐃᔭᓐ ᑯᓄᒃ; ᒥᔅᑕ ᓴᐃᒻᒪ ᑯᓕᒃᑖᓇ, ᐊᖓᔪᖅᑳᖅ ᓯᓯᐅᓪ ᓂᐅᓪᕚᓇ ᓚᐃᔪᓪ, ᐊᖓᔪᖅᑳᖅ ᐋᕐᓗᒃ ᒪᐃᓐ, ᒥᔅᑕ ᔮᓂ ᒪᐃᒃ, ᒥᔅᑕ ᕗᕆᐊᑦ ᐲᑕᓴᓐ, ᒥᔅᑕ ᑕᐃᕕᑦ ᐳᐊᑐ, ᒥᔅᑕ ᐊᐃᕙᓚᕼᐋᒻ ᖃᒪᓂᖅ, ᒥᔅᑕ ᑖᓂᐅᓪ ᖃᕝᕕᒃ, ᒥᔅᑕ ᐋᓕᒃᓵᓐᑐ ᓴᒻᒧᖅᑐᖅ, ᒥᔅᑕ ᓯᑏᕙᓐ ᑕᖅᑐ, ᐊᖓᔪᖅᑳᖅ ᐋᓂ ᑕᑦᑐᐃᓂ. >>ᑲᑎᒪᓯᒋᐊᖅᑐᑦ 013:30ᒧᐊᖅᑎᓪᓗᒍ ᑲᑎᒪᔾᔪᑎᒃᓴᖅ 1: ᑐᒃᓯᐊᕐᓂᕐᒧᑦ ᒪᑐᐃᖅᑕᐅᓂᖓ ᐅᖃᖅᑎ (ᐊᖓᔪᖅᑳᖅ ᑕᐃᕕᑎ ᔪᐊᓇᓯ): ᒥᔅᑕ ᐊᕿᐊᕈᖅ, ᑐᒃᓯᐊᕐᓂᒃᑯᑦ ᒪᑐᐃᖅᑎᒍᓐᓇᖅᐱᑎᒍᑦ. >>ᑐᒃᓯᐊᒃᑐᖅ ᐅᖃᖅᑎ: ᑐᙵᓱᑦᓯᐊᕆᑦ ᒪᓕᒐᓕᐅᖅᑎ ᐊᕿᐊᕈᖅ, ᖁᕕᐊᓇᖅ ᐅᑎᕐᒥᒐᕕᑦ. ᐊᒻᒪᓗ ᐅᓪᓗᒃᑰᖅᐸᕗᑦ ᓄᓇᕗᒻᒥᐅᑦ, ᑕᓚᕖᓴᒃᑯᓪᓗ ᑕᑯᓐᓇᖅᑐᐃᑦ, ᑐᓵᔪᓪᓗ ᓈᓚᐅᑎᒃᑯᑦ. ᑲᑎᒪᔾᔪᑎᑦᑕ ᓈᓴᐅᑎᖓ 2, ᒥᓂᔅᑕᐃᑦ ᐅᖃᐅᓯᖏᑦ. ᓄᓇᕗᑦ ᓯᓚᑦᑐᖅᓴᕐᕕᒃᑯᓐᓄᑦ, ᒥᓂᔅᑕ ᐊᕿᐊᕈᖅ. ᑲᑎᒪᔾᔪᑎᒃᓴᖅ 2: ᐊᖓᔪᖅᑳᑦ ᐅᖃᐅᓯᖏᑦ ᐊᖓᔪᖅᑳᑉ ᐅᖃᐅᓯᖓ 74 - 7(2): ᐃᖅᑲᐅᒪᔾᔪᑎᒃᓴᖅ ᓗᐃ ᑕᐹᕐᔫᓚᐅᖅᑐᒥᒃ (ᐊᕿᐊᕈᖅ) ᐊᖓᔪᖅᑳᖅ ᑕᐃᕕᑎ ᐊᕿᐊᕈᖅ: ᖁᔭᓐᓇᒦᒃ, ᐅᖃᖅᑏ. ᖁᔭᓐᓇᒦᖅᑳᕈᒪᕗᖓ ᑖᒃᑯᐊ ᒪᓕᒐᓕᐅᖅᑎᐅᖃᑎᒃᑲ ᐱᓗᐊᙳᐊᖅᑐᑦ ᑖᒃᑯᐊ ᓯᕗᓕᐅᖅᑏᑦ ᐅᕙᓐᓂᒃ ᑭᖑᕝᕕᖅᓯᓯᒪᑲᐃᓐᓇᖃᑦᑕᓚᐅᕐᒪᑕ ᐊᒃᓱᐊᓗᒃ ᖁᔭᓕᓯᒪᕗᖓ ᑖᔅᓱᒧᖓ ᑕᒫᓃᒍᓐᓇᖏᑎᓪᓗᒐ. ᐅᖃᖅᑎᑦᑎᔩ, ᐊᐃᕆᓕ 7, 2026−ᒥ, ᓄᓇᕗᒻᒥᐅᑦ ᑐᓴᓚᐅᖅᐳᑦ ᓗᐃ ᑕᐹᕐᔪᒃ ᐃᓅᔪᓐᓃᕐᓂᖓᓂᒃ. ᓗᐃ ᒥᒃᓵᓄᑦ ᐊᒥᓱᐊᓗᖕᓂᒃ ᐃᖅᑲᐅᒪᔭᒃᓴᖅᑕᖃᖅᐳᖅ, ᐅᐱᒋᔭᐅᒋᐊᖃᖅᖢᓂ, ᐊᒻᒪ ᖁᕕᐊᓲᑕᐅᒋᐊᖃᖅᖢᓂ. ᐅᐃᒋᔭᐅᓚᐅᖅᑐᖅ, ᐊᑖᑕᒋᔭᐅᓪᓗᓂ, ᐃᑦᑐᕆᔭᐅᓪᓗᓂᓗ, ᑕᖅᑲᒃᑯᓄᖓ ᖃᐅᔨᒪᔭᐅᑦᑎᐊᓚᐅᖅᑐᖅ ᑕᖃᓱᐃᑦᑑᓪᓗᓂ ᐱᓕᕆᖃᑦᑕᓚᐅᖅᑐᖅ ᓄᓇᕗᒻᒧᑦ. ᓗᐃ ᐃᑲᔪᖅᑐᐃᓚᐅᖅᐳᖅ ᐃᒡᓗᓕᖕᒥ ᐅᓂᒃᑳᖅᑐᐊᓄᑦ ᐱᓕᕆᐊᓄᑦ ᖃᓄᑐᐃᓐᓇᑦᑎᐊᖅ ᐱᓕᕆᐊᖃᖅᐸᒃᖢᓂ ᐃᓚᐅᖏᓐᓇᖅᐸᒃᖢᓂᓗ ᐱᒻᒪᕆᐅᔪᓂᑦ ᐅᖃᐅᓯᕐᓄᑦ ᐱᓕᕆᐊᖑᔪᓂᑦ ᐊᕐᕌᒍᒐᓴᕐᓄᑦ, ᐃᓐᓇᐅᓗᐊᓕᒧᑦ ᐃᖅᑲᓇᐃᔭᖅᑎᐅᔪᓐᓃᕋᓗᐊᖅᑎᓪᓗᒍᓘᓐᓃᑦ. ᓯᓚᑦᑐᖅᓴᕐᕕᒃ ᐃᓕᓴᖅᓯᕗᖅ ᐱᓕᕆᐊᖃᓪᓚᕆᒍᒪᕙᓚᐅᕐᓂᖓᓂ ᐃᓄᐃᑦ ᐅᖃᐅᓯᖏᓐᓄᑦ ᐃᓕᖅᑯᓯᖏᓐᓄᓪᓗ. ᐅᖓᑖᒍᑦ ᐅᓄᖅᑐᓂᒃ ᐃᓄᖕᓄᑦ ᐱᓕᕆᐊᕆᕙᒃᑕᖏᓐᓂᑦ, ᓗᐃ ᑎᑎᕋᕐᕕᖕᒧᐊᖃᑦᑕᓚᐅᖅᐳᖅ ᐅᓪᓛᑕᒫᑦ 5:30- ᒧᐊᕌᖓᑦ — ᐃᓅᔪᓐᓃᓚᐅᙱᓐᓂᖓᓂ — ᖃᐅᔨᓴᕆᐊᖅᑐᖅᖢᓂ 600 ᐅᖓᑖᓃᑦᑐᓂᒃ ᐊᐱᖅᓱᖅᑕᐅᔪᓂᒃ ᐃᒡᓗᓕᖕᒥ ᐅᓂᒃᑳᖅᑐᐊᓂᒃ ᐱᓕᕆᐊᖑᖃᑦᑕᕐᓂᑯᓂᒃ, ᓇᓗᓇᐃᖅᓯᓪᓗᓂ ᓇᓗᓇᐃᔭᐃᕙᒃᖢᓂᓗ ᐊᔾᔨᐅᙱᑦᑐᓂᒃ ᑕᐃᒎᓯᕐᓂᒃ ᓯᕗᕚᕆᓚᐅᖅᑕᑦᑎᓐᓂ. ᐱᓕᕆᐊᕆᓯᒪᔭᖏᑦ ᓴᖅᑭᑎᑕᐅᓂᐊᖅᑐᑦ ᑐᑭᖏᑦ ᓄᓇᕗᒻᒥ ᓯᓚᑦᑐᓴᕐᕕᖕᒥᑦ, ᐊᑐᖅᑕᐅᖏᓐᓇᖁᓪᓗᒍ ᐱᕈᖅᐸᓪᓕᐊᖏᓐᓇᖁᓪᓗᒍᓗ ᐃᓄᒃᑎᑐᑦ ᑭᖑᕚᕆᓂᐊᖅᑕᑎᓐᓄᑦ. ᓗᐃ ᐃᓅᓯᖓ ᐆᒻᒪᕆᒃᑐᒻᒪᕆᐅᓚᐅᖅᐳᖅ ᓄᓇᓕᖕᓂ ᐱᕈᖅᓴᓚᐅᖅᑕᒥᓄᑦ ᐊᒻᒪ ᓄᓇᕗᒻᒥ ᐱᔨᑦᑎᕋᖅᑕᒥᓄᑦ. ᐅᓂᒃᑳᓚᐅᖅᑐᖅ "ᐱᔪᓐᓇᐅᑎᕗᑦ ᐱᓇᓱᒃᖢᒋᑦ," ᐃᓚᒋᔭᐅᓪᓗᓂ ᐃᓄᐃᑦ ᓯᕗᓕᖅᑎᐅᓂᕐᒧᑦ ᐊᐅᓚᑦᑎᓂᕐᒧᓪᓗ ᐅᖃᓕᒫᒐᓕᐊᕆᓯᒪᔪᓂ − ᐃᓅᓯᖅ ᐃᒃᐱᒋᔭᖃᖅᑐᖅ ᐃᓄᖕᓄᑦ ᐱᔾᔪᑎᖃᖅᖢᓂ ᐊᓯᔾᔨᕐᓂᕐᒥᒃ, ᐊᒃᓱᕈᕐᓇᖅᑐᓂᒃ,

ᐊᐃᑉᐹ, ᔫᓂ 09, 2026 ᓄᓇᕗᒥ ᒪᓕᒐᓕᐅᕐᕕᒻᒧᑦ ᑲᑎᒪᔾᔪᑏᑦ 2 ᐊᒻᒪ ᓴᐱᓕᖅᑕᐃᓕᓂᕐᒥᒃ. ᐊᑭᖃᙱᑦᑐᒥᒃ ᖃᕆᑕᐅᔭᒃᑯᑦ ᐊᔾᔨᖓᓂᒃ ᒪᓂᒪᔪᖃᖅᐳᖅ nacmedia.ca-ᒥ, ᑭᒃᑯᑐᐃᓐᓇᑦᑎᐊᓪᓗ ᐅᖃᓕᒫᖁᕙᒃᑲ. ᐃᓅᓯᖓ ᐱᒻᒪᕆᐅᕗᖅ ᐊᖅᑯᑎᒋᔭᐅᓪᓗᓂ ᐅᕙᑦᑎᓐᓄᓕᒫᖅ − ᐃᖅᑲᐃᓯᔾᔪᑕᐅᓪᓗᓂ ᐊᔪᕐᓇᙱᒻᒪᖔᑦ ᐊᖏᖅᓯᒪᑦᑎᐊᕈᓂ ᑐᑭᓯᐅᒪᓂᕐᒥᒃ, ᖁᕝᕙᕆᐊᖅᑎᑦᑎᓂᕐᒥᒃ, ᖃᐅᔨᒪᖃᑎᒌᖕᓂᕐᒥᒡᓗ ᐃᓄᐃᑦ ᐊᑐᖅᓯᒪᔭᖏᓐᓂᑦ, ᐃᓅᓯᖏᓐᓂᑦ, ᖃᐅᔨᒪᓂᖏᓐᓂᒡᓗ. ᓗᐃ ᑭᒡᒐᖅᑐᐃᑦᑎᐊᓚᐅᖅᐳᖅ ᐊᒻᒪ ᐋᔩᖃᑎᖃᖅᐸᒃᖢᓂ ᐃᓄᖕᓄᑦ ᐊᒻᒪ ᓄᓇᕗᒻᒧᑦ, ᑐᙵᕕᖃᐃᓐᓇᐅᔭᖅᖢᓂ ᒥᑭᓪᓕᑎᖅᓯᒪᓪᓗᓂ ᐃᓄᖁᑎᒥᓄᑦ. ᐃᓅᖃᑕᐅᓪᓚᕆᓚᐅᖅᑐᖅ ᐊᒻᒪᓗ ᐃᓄᖕᓄᓪᓗ ᐱᓕᕆᓪᓚᕆᓚᐅᖅᑐᖅ, ᐊᒻᒪᓗ ᓄᓇᕗᑦ ᐊᔪᖅᓴᙱᓐᓂᖅᓴᐅᕗᖅ ᑖᓐᓇ ᐱᔾᔪᑕᐅᓪᓗᓂ. ᑐᙵᓱᒃᑎᑦᑐᒪᕙᒃᑲ ᒪᓕᒐᓕᐅᖅᑎᐅᖃᑎᒃᑲ ᐃᓚᐅᖁᓪᓗᒋᑦ ᑕᖅᑲᒃᑯᓄᖓ ᑐᓵᔭᐅᓗᖓ ᐊᒻᒪ ᐃᓅᔪᓐᓃᖅᓯᒪᓕᖅᑎᓪᓗᒍ ᖁᔭᓐᓇᒦᕐᓗᒍ ᓗᐃ ᐱᓕᕆᑦᑎᐊᖏᓐᓇᓚᐅᕐᓂᖓᓄᑦ ᐃᓄᖕᓄᑦ, ᐊᒻᒪ ᒪᓂᒻᒪᐃᕝᕕᒋᔪᓐᓇᕋᑦᑎᒍᑦ ᐆᒻᒪᑎᑦᑎᓐᓂᙶᖅᑐᒥᒃ ᓇᒡᓕᒍᓱᖕᓂᕐᒥᑦ ᓄᓕᐊᖓᓄᑦ ᓘᓯᒧᑦ ᖃᑕᙳᑎᒌᓄᓪᓗ. ᖁᔭᓐᓇᒦᒃ, ᐅᖃᖅᑎᑦᑎᔩ. >>ᐸᑦᑕᑐᖅᑐᑦ ᐅᖃᖅᑎ: ᖁᔭᓐᓇᒦᑦᑎᐊᖅᐸᕗᑦ, ᒥᔅᑕ ᓗᐃ ᑕᐹᕐᔪᒃ, ᐱᓕᕆᐊᕆᓚᐅᖅᓯᒪᔭᖏᑦ ᓄᓇᕗᒻᒥᐅᓄᑦ. ᒥᓂᔅᑕᐃᑦ ᐅᖃᐅᓯᖏᑦ. ᐃᓄᓕᕆᔨᒃᑯᓐᓄᑦ ᒥᓂᔅᑕ, ᒥᔅ ᕼᐄᓕ ᐊᕿᐊᕈᖅ. ᐊᖓᔪᖅᑳᑉ ᐅᖃᐅᓯᖓ 75 - 7(2): ᐊᔪᙱᔾᔪᑎᓄᑦ ᑲᓇᑕ ᓄᓇᕗᑦ (ᕼᐄᓕ-ᐊᕿᐊᕈᖅ) ᐊᖓᔪᖅᑳᖅ ᒍᐊᐃᓐ ᕼᐄᓕ ᐊᕿᐊᕈᖅ: ᖁᔭᓐᓇᒦᒃ, ᐅᖃᖅᑎᑦᑎᔩ. (ᑐᓵᔨᑎᒎᓕᖅᑐᖅ) ᐅᖃᖅᑎᑦᑎᔩ, ᐅᓪᓗᒥ ᓇᖏᖅᓯᕗᖓ ᑐᓴᖅᑎᑦᑎᔪᒪᓪᓗᖓ ᑲᔪᓯᑦᑎᐊᕐᓂᕆᓚᐅᖅᑕᖓᓂᒃ ᒫᓐᓇᕋᑖᖑᓚᐅᖅᑐᖅ ᐊᔪᙱᓐᓂᐅᓴᔪᓄᑦ ᓄᓇᕗᒻᒥ ᐱᒡᒍᓴᐅᔾᔪᐊᕐᓂᐅᓚᐅᖅᑐᖅ. ᑖᒃᑯᐊ Skills Canada-Nunavut-ᑯᑦ ᑮᓇᐅᔭᓕᐅᕋᓱᐊᖅᑎᐅᒐᑎᒃ ᑎᒥᙳᖅᑎᑕᐅᓯᒪᔪᑦ ᒪᒃᑯᒃᑐᓂᒃ ᐱᕕᖃᖅᑎᑦᑎᖃᑦᑕᕐᒪᑕ ᓴᓇᔨᕈᕆᐅᖅᓴᓂᕐᒧᑦ ᐊᒻᒪᓗ ᓴᓇᔪᓕᕆᓂᕐᒧᑦ ᐱᓕᒻᒪᓴᖅᑕᐅᖃᑦᑕᖅᖢᑎᒃ. ᐱᓕᕆᐊᒃᓴᕆᑎᑕᐅᔪᑦ ᑲᑎᑎᑦᑎᔪᒪᓪᓗᑎᒃ ᐃᓕᓐᓂᐊᕐᓂᓕᕆᓂᕐᒥᒃ ᓴᓇᕝᕕᖕᓂᓪᓗ, ᒪᒃᑯᒃᑐᓕᒫᑦ ᓄᓇᕗᒻᒥ ᖃᐅᔨᔪᓐᓇᕐᓂᐊᕐᒪᑕ ᐊᔪᙱᓐᓂᕆᔭᒥᓂᒃ ᓴᓇᔪᓕᕆᓂᕐᒥᒃ. ᑕᖅᑭᐅᓚᐅᖅᑐᒥ, ᐊᑑᑎᖃᕐᓂᖓ ᑖᔅᓱᒪ ᐱᓕᕆᐊᒃᓴᐅᑉ ᑕᑯᒃᓴᐅᑎᑕᐅᓚᐅᖅᐳᖅ ᐅᐃᕖᑦ ᐃᓕᓐᓂᐊᕐᕕᖓᓂ ᐊᒻᒪ ᐊᖅᓴᕐᓃᑦ ᐃᓕᓐᓂᐊᕐᕕᖓᓂ ᐃᖃᓗᖕᓂ. 37 ᒪᒃᑯᒃᑐᑦ ᓵᓚᖃᕋᓱᐊᓚᐅᖅᐳᑦ ᐅᐱᒋᔭᐅᓂᕐᒧᑦ 13-ᓂ ᓴᓇᔪᓕᕆᓂᕐᒥ ᕿᔪᓕᕆᓂᕐᒥᒃ, ᓄᔭᓕᕆᓂᕐᒥᒃ ᐊᒻᒪ ᖃᕋᓴᐅᔭᒃᑰᖓᔪᓂᒃ ᐋᖅᑭᒃᓱᐃᓂᕐᒥᒃ. ᑕᑯᒃᓴᐅᑎᑦᑎᓚᐅᖅᑐᑦ ᐃᓕᓯᒪᔭᒥᓂᒃ ᐃᓚᐅᖃᑕᐅᓂᕐᒥᒍᑦ Skills Canada-Nunavut-ᑯᓐᓄᑦ ᐊᕐᕌᒎᓵᖅᑐᒥ. ᓵᓚᖃᓚᐅᖅᑐᑦ ᓄᓇᕗᒻᒥ ᐱᒡᒍᓴᐅᔾᔪᐊᕐᓂᐅᔪᓂᑦ ᐅᑯᐊᖑᕗᑦ: ᒪᕐᕉᓕᖅᑲᖓᔫᒃ ᑕᕐᕆᔮᒃᓴᓕᐊᑦ - ᓯᐴᓚ ᓴᑐᖅᓯ ᐊᒻᒪ ᑕᐃᔮᓐ ᑯᓄᒃ, ᐃᒡᓗᓕᒃ; ᑕᑯᒥᓇᖅᑐᑦ – ᕕᒃᑑᕆᐊ ᓕᓐᑎᐅᓪ, ᐃᖃᓗᐃᑦ; ᐃᒐᓂᖅ – ᓲᐱᐊ ᕼᐊᐅᓕ, ᐃᒡᓗᓕᒃ; ᓴᐸᖓᓕᕆᓂᖅ - ᐊᓛᓇ-ᕉᔅ ᐊᑕᒍᑦᑖᓗᒃ, ᐃᒡᓗᓕᒃ; ᕿᔪᓕᕆᓂᖅ - Honore ᐊᒡᓘᒃᑲᖅ, ᓇᐅᔮᑦ; ᓂᖅᖠᐅᕐᓂᖅ - ᓴᕚᓇ ᓯᐅᓵᕐᓈᖅ, ᓇᐅᔮᑦ; ᐊᔾᔨᓕᐅᕆᔨ – ᐅᐊᕚ ᕕᐅᓴ ᕋᕼᐊᒪᓐ, ᐃᖃᓗᐃᑦ; ᑭᒃᑯᑐᐃᓐᓇᕐᓄᑦ ᐅᖃᓪᓚᖕᓂᖅ – ᐋᔅᕆᐅᓪ ᑕᖏᖑ ᐸᑎᖕᑭᐅ, ᐃᖃᓗᐃᑦ; ᑕᕐᕆᔮᒃᓴᓕᐅᕐᓂᖅ - ᓵᔅ ᐃᕐᖓᐅᑦ ᐊᒻᒪ ᐅᐊᓯ ᐊᑉᑐᕐ ᕋᕼᐊᒪᓐ, ᐃᖃᓗᐃᑦ; ᐃᖅᑲᓇᐃᔭᕐᕕᖕᒥ ᐊᑦᑕᕐᓇᖅᑕᐃᓕᒪᓂᖅ − ᑐᕈᐃ ᑳᒃᔅ, ᐃᖃᓗᐃᑦ; ᓯᓚᒥ ᐊᐅᓚᐅᑎᑦ ᐱᙳᐊᖅᑐᓕᕆᓂᕐᓗ (ᐊᐅᓚᐅᑎᕋᓛᑦ) − ᐃᓚᐃᔭ ᐄᓯᒪᐃᓕ, ᐸᓐᓂᖅᑑᖅ; ᓄᔭᓕᕆᔨ – ᐃᒪᓕ ᐊᓕᕙᖅᑕᖅ, ᐸᓐᓂᖅᑑᖅ; ᐊᒻᒪᓗ, ᐅᑭᐅᖅᑕᖅᑐᒥ ᐊᓐᓄᕌᓕᐅᖅᑏᑦ - ᓯᓯᐊ-ᕉᔅ ᑭᑉᓯᒐᖅ, ᐃᒡᓗᓕᒃ. ᐅᖃᖅᑎᑦᑎᔩ, ᑕᒪᒃᑯᐊ ᓴᓇᔨᕈᕆᐅᖅᓴᓂᕐᒧᑦ ᐃᓕᓐᓂᐊᓕᓵᖅᑎᓪᓗᒋᑦ ᐱᔪᒥᓇᖅᓯᑎᑦᑎᓲᖑᖕᒪᑦ ᐃᓕᓐᓂᐊᖅᑎᓂᒃ ᐊᒻᒪᓗ ᑕᑯᑎᑦᑎᓪᓗᓂ ᐊᖅᑯᑎᒃᓴᒥᒃ ᐃᑲᔪᖅᑐᐃᓂᕐᒧᑦ ᓄᓇᓕᖏᓐᓂᑦ ᐊᒻᒪᓗ ᑮᓇᐅᔭᑎᒍᑦ

ᐊᐃᑉᐹ, ᔫᓂ 09, 2026 ᓄᓇᕗᒥ ᒪᓕᒐᓕᐅᕐᕕᒻᒧᑦ ᑲᑎᒪᔾᔪᑏᑦ 3 ᒪᑭᒪᔪᓐᓇᖅᓯᕙᓪᓕᐊᓪᓗᑎᒃ. ᑕᒪᓐᓇ ᓴᙱᓕᖅᐹᓪᓕᕈᑕᐅᔪᓐᓇᕐᒪᑦ ᑮᓇᐅᔭᓕᐅᕈᑕᐅᔪᓐᓇᖅᑐᓄᑦ ᐊᒻᒪᓗ ᒥᑭᒡᓕᕚᓪᓕᖅᑎᑦᑎᓗᓂ ᐃᖅᑲᓇᐃᔭᖅᑎᓂᒃ ᑎᑭᑎᑕᐅᕙᒃᑐᓂᒃ ᓄᓇᕗᑦ ᓯᓚᑖᓂᙶᖅᑐᓂᒃ. ᓄᓇᕗᑦ ᓴᙱᔪᒥᒃ, ᑲᔪᓰᓐᓇᕈᓐᓇᖅᑐᒥᒃ ᐃᖅᑲᓇᐃᔭᖅᑎᖃᕆᐊᖃᖅᐳᑦ − ᒪᒃᑯᒃᑐᖁᑎᕗᓪᓗ ᐱᕕᒃᓴᖃᖅᑎᑕᐅᔭᕆᐊᖃᖅᑐᐃᓐᓇᐅᓪᓗᑎᒃ. ᐅᖃᖅᑎᑦᑎᔩ, ᑖᒃᑯᐊ Skills Canada-Nunavut-ᑯᑦ ᑕᒪᑐᒥᖓ ᐱᓕᕆᐊᖃᕈᓐᓇᓚᐅᙱᒻᒪᑕ ᐱᓕᕆᖃᑎᖃᙱᒃᑯᑎᒃ ᐃᓕᓐᓂᐊᕐᕕᖕᓂᑦ, ᓄᓇᓕᖕᓂᑦ, ᓴᓇᕝᕕᖕᓂᑦ ᐊᒻᒪᓗ ᐃᓄᓕᕆᔨᒃᑯᓐᓂᑦ. ᑮᓇᐅᔭᖃᖅᑎᑦᑎᔨᐅᖃᑦᑕᖅᓯᒪᔪᑦ Skills Canada-Nunavut-ᑯᓐᓄᑦ ᐊᕐᕌᒍᓄᑦ 12-ᓄᑦ, ᐃᓄᓕᕆᔨᒃᑯᑦ ᐱᓕᕆᐊᖃᖃᑦᑕᖅᓯᒪᕗᑦ ᒪᒃᑯᒃᑐᓂᒃ ᐃᖅᑲᓇᐃᔮᖅᑖᕈᓐᓇᖁᓪᓗᒋᑦ ᓴᓇᔨᕈᕆᐅᖅᓴᓂᕐᒧᑦ ᖃᕆᑕᐅᔭᓅᕈᑎᓄᓪᓗ. ᖁᔭᓐᓇᒦᕈᒪᔭᕋ ᐊᐅᓚᑦᑎᔨᒻᒪᕆᒃ ᐳᕌᓐᑕᓐ ᕕᓕᓅᕝ ᑲᑎᒪᔨᖏᓪᓗ ᑕᒪᑐᒥᖓ ᐱᒻᒪᕆᐅᔪᒥᒃ ᐱᓕᕆᐊᖃᓚᐅᕐᒪᑕ. (ᑐᓵᔨᑎᒎᕈᓐᓃᖅᑐᖅ) ᖁᔭᓐᓇᒦᒃ, ᐅᖃᖅᑎᑦᑎᔩ. >>ᐸᑦᑕᑐᖅᑐᑦ ᐅᖃᖅᑎ: ᖁᔭᓐᓇᒦᒃ. ᒥᓂᔅᑕᐃᑦ ᐅᖃᐅᓯᖏᑦ. ᒪᓕᒐᓕᕆᔨᒃᑯᓐᓄᑦ, ᒥᓂᔅᑕ ᕼᐃᒃᔅ. ᐊᖓᔪᖅᑳᑉ ᐅᖃᐅᓯᖓ 76 - 7(2): ᓄᓇᓕᖕᓂᑦ ᐱᕋᔭᒃᑐᕕᓂᕐᓄᑦ ᐅᐃᒍᔾᔪᑎᓴᓄᑦ ᑕᑯᒃᓴᕈᖅᑕᖅ (ᕼᐃᒃᔅ) ᐊᖓᔪᖅᑳᖅ ᔪᐊᔾ ᕼᐃᒃᔅ (ᑐᓵᔨᑎᒍᑦ): ᖁᔭᓐᓇᒦᒃ, ᐅᖃᖅᑏ. ᐅᖃᖅᑎᑦᑎᔩ, ᓄᕕᐱᕆ 2025−ᒥ, ᓄᓇᓕᖕᓂ ᑎᒍᔭᐅᓯᒪᔪᓕᕆᔨᒃᑯᑦ ᓄᓇᓕᖕᓂᓗ ᐃᖅᑲᖅᑐᐃᕕᓕᕆᔨᒃᑯᑦ ᑭᙵᕐᓂ ᓴᖅᑭᑎᑦᑎᓚᐅᖅᐳᑦ ᓄᑖᒥᒃ ᐱᓕᕆᖃᑎᒌᖕᓂᕐᒥᒃ ᐱᕕᒃᓴᖃᖅᑎᑦᑎᔪᒥᒃ ᓄᓇᓕᖕᓂ ᑎᒍᔭᐅᓯᒪᔪᓕᕆᔨᓂᒃ ᑐᓐᓂᖅᑯᑎᖃᕈᓐᓇᕐᓗᑎᒃ ᐊᔪᖅᑎᑕᐅᙱᑦᑐᓂᒃ ᓱᕋᐃᔪᓂᒃ ᓄᓇᓕᖕᓂ ᒪᓕᒐᓕᕆᓂᕐᒧᑦ ᐱᓕᕆᖃᑎᒌᒃᐸᒃᑐᓄᑦ ᐊᑐᖅᑕᐅᖔᕈᓐᓇᕐᓗᑎᒃ ᐃᖅᑲᖅᑐᐃᕕᒃᑰᙱᖔᕐᓗᑎᒃ. ᑖᓐᓇ ᐊᓯᐊᒎᖔᖅᑎᑦᑎᓂᖅ ᑕᐃᔭᐅᔪᖅ ᐱᒋᐊᒃᑲᓂᖅ, ᑐᑭᖃᖅᑐᖅ "ᐱᕕᖃᖅᑎᑦᑎᒃᑲᓐᓂᕐᓂᖅ" ᐃᓄᒃᑎᑐᑦ, ᐱᔾᔪᑎᖃᖅᖢᓂ ᐱᔾᔪᑎᖓᓂᒃ ᐱᒻᒪᕆᐅᒋᔭᖏᓐᓂᒡᓗ ᐊᑐᖅᑎᑕᖏᓐᓂᒃ. ᑖᓐᓇ ᐱᓕᕆᐊᖑᔪᖅ ᑐᕌᖓᕗᖅ ᑭᓯᐊᓂ ᐊᑦᑎᒃᑐᒦᑦᑐᓄᑦ, ᐊᐅᓚᑦᑎᓂᕐᒧᑦ ᓱᕋᐃᔪᓄᑦ ᓲᕐᓗ ᐅᖃᐅᓯᖃᙱᓐᓂᕐᒧᑦ, ᐅᐸᖃᑦᑕᙱᓐᓂᕐᒧᑦ ᐃᓅᓯᓕᕆᔭᐅᓂᕐᒧᑦ, ᐱᔭᕇᖅᓯᙱᓐᓂᕐᒧᓪᓘᓐᓃᑦ ᑕᒪᐃᓐᓂᑦᑎᐊᖅ ᓄᓇᓕᖕᓂ ᐱᔨᑦᑎᕋᕐᕕᖃᕐᓂᕐᒧᑦ ᐃᑲᕐᕋᕆᔭᐅᔪᓂᒃ. ᖃᓄᑐᐃᓐᓇᖅ ᓱᕋᐃᓂᖅ ᐱᔾᔪᑎᖃᕐᓗᓂ ᐋᓐᓂᖅᓯᕆᓂᕐᒥᒃ, ᐱᓂᕐᓗᒃᑕᐅᒃᑲᓐᓂᕐᓂᕐᒥᒃ, ᐅᕝᕙᓘᓐᓃᑦ ᓄᑖᓂᒃ ᐱᕋᔭᒃᑕᐅᔪᓂᒃ ᑲᔪᓯᔪᖃᐃᓐᓇᖅᐳᖅ ᓄᓇᕗᒻᒥ ᐃᖅᑲᖅᑐᐃᕕᒃᑯᑎᒍᑦ. ᐃᓚᐅᖃᑕᐅᓂᖅ ᐃᓱᒪᖅᓲᑕᐅᕗᖅ, ᐱᔨᑦᑎᕋᖅᑕᐅᔪᑦ ᐱᕕᖃᖅᑎᑦᑎᓪᓗᑎᒃ ᐋᖅᑭᒋᐊᖅᓯᓂᕐᒥᒃ ᐃᓕᖅᑯᓯᕐᒥᓂᒃ ᐃᖅᑲᖅᑐᐃᕕᖕᒧᑦ ᐅᑎᙱᖔᕐᓗᑎᒃ ᐸᓯᔭᒃᓴᙳᖅᑎᑕᐅᒃᑲᓐᓂᑐᐃᓐᓇᕆᐊᖃᕐᓗᑎᒡᓗ. ᑕᒪᓐᓇ ᓄᓇᓕᓐᓂ ᑐᙵᕕᓕᒃ ᐱᓕᕆᔾᔪᓯᖅ ᐃᑲᔪᖅᐸᒃᐳᖅ ᓅᑎᑦᑎᓂᕐᒥᒃ ᐱᕋᔭᒃᑕᐃᓕᒪᑎᑦᑎᓂᕐᒥᒃ ᐊᓄᓪᓚᒃᓯᖅᑕᐅᑐᐃᓐᓇᖅᐸᙱᖦᖢᑎᒃ ᒪᓂᒪᑎᑦᑎᖔᓕᕐᓗᑎᒃ ᐊᑐᕈᓐᓇᑦᑎᐊᖅᑐᓂᒃ, ᐅᑎᖅᑎᑦᑎᓂᕐᒧᑦ ᐊᑐᖅᑕᐅᖔᕈᓐᓇᖅᑐᓂᒃ ᐃᑲᔪᖅᑐᐃᔪᓂᒃ ᐃᓄᖕᓂᒃ ᑲᒪᒋᔭᖃᓕᕐᓗᑎᒃ ᓇᖕᒥᓂᖅ ᒪᒥᓴᕐᓂᕐᒥᓂᒃ. ᑲᔪᓯᓂᖃᑦᑎᐊᓚᐅᖅᑎᓪᓗᒍ ᑭᙵᕐᓂ, ᑕᒪᓐᓇ ᐱᓕᕆᐊᖑᔪᖅ ᐊᖏᒡᓕᒋᐊᖅᓯᒪᓕᖅᐳᖅ ᓄᓇᕘᓕᒫᒥ ᐊᑐᖅᑕᐅᔪᓐᓇᖅᓯᓪᓗᓂᓗ ᐱᕋᔭᒃᑕᐃᓕᒪᑎᑕᐅᔪᓄᑦ ᓄᓇᓕᓕᒫᑦᑎᓐᓂ. ᐃᑲᔪᖅᑐᐃᔪᒪᓂᕐᒧᑦ ᐊᑕᐅᓰᓐᓇᓕᔪᒥᒃ ᑲᔪᓯᓂᖃᑦᑎᐊᖅᑐᒥᒡᓗ ᑲᔪᓯᑎᑦᑎᓂᕐᒥᒃ ᑕᒪᑐᒥᖓ ᐱᓕᕆᐊᒃᓴᒥᒃ, ᒪᓕᒐᓕᕆᔨᒃᑯᑦ ᐱᑎᑦᑎᓚᐅᖅᐳᑦ ᑲᑐᔾᔨᓪᓗᑎᒃ ᐊᔪᕈᓐᓃᖅᓴᖅᑎᑦᑎᓂᕐᒥᒃ ᑕᒪᐃᓐᓄᑦᑎᐊᖅ ᓄᓇᓕᖕᓂ ᒪᓕᒐᓕᕆᓂᕐᒧᑦ ᐱᓕᕆᖃᑎᖃᖅᐸᖕᓂᕐᒧᑦ ᐱᓕᕆᔨᓂᒃ ᓄᓇᓕᖕᓂᓗ ᑎᒍᔭᐅᓯᒪᔪᓕᕆᓂᕐᒧᑦ ᐱᓕᕆᔨᓂᒃ.

ᐊᐃᑉᐹ, ᔫᓂ 09, 2026 ᓄᓇᕗᒥ ᒪᓕᒐᓕᐅᕐᕕᒻᒧᑦ ᑲᑎᒪᔾᔪᑏᑦ 4 ᖃᖓᑦᑎᐊᓵᖅ ᐳᓛᕆᐊᖅᓯᒪᑎᓪᓗᖓ ᒪᓕᒐᓕᕆᔨᒃᑯᑦ ᐃᖅᑲᓇᐃᔭᖅᑎᖏᓐᓂᒃ ᑲᖏᖅᖠᓂᕐᒥ, ᐃᓕᑦᑎᓚᐅᖅᐳᖓ ᓇᖕᒥᓂᖅ ᖃᓄᖅ ᑕᒪᓐᓇ ᐱᓕᕆᐊᖑᔪᖅ ᒪᓂᒪᑎᑦᑎᕙᖕᒪᖔᑦ ᐊᑐᕐᓂᖃᑦᑎᐊᖅᑐᒥᒃ, ᐋᖅᑭᑦᑎᐊᖅᓯᒪᔪᒥᒃ ᑭᐅᓯᔪᓐᓇᕐᓂᕐᒥᒃ ᒥᑭᑦᑐᓄᑦ ᓱᕋᐃᔪᖃᖅᐸᖕᓂᖓᓄᑦ, ᐃᑲᔪᖅᐸᒃᖢᒋᓪᓗ ᐱᕋᔭᒃᑕᐃᓕᒪᑎᑕᐅᔪᑦ ᓇᒧᙵᐅᕙᓪᓕᐊᓂᕆᔭᖏᓐᓄᑦ, ᑲᑎᑎᖦᖢᒋᑦ ᓄᓇᓕᖕᓂ ᐃᑲᔪᖅᑐᐃᔨᓄᑦ, ᐊᒃᓱᕈᕐᓇᕈᓐᓃᖅᑎᑦᑎᓪᓗᓂᓗ ᐃᖅᑲᖅᑐᐃᕕᖕᓂ. ᖁᔭᓐᓇᒦᒃ, ᐅᖃᖅᑎᑦᑎᔩ. >>ᐸᑦᑕᑐᖅᑐᑦ ᐅᖃᖅᑎ: ᖁᔭᓐᓇᒦᑦᑕᐅᖅ. ᒥᓂᔅᑕᐃᑦ ᐅᖃᐅᓯᖏᑦ. ᒥᓂᔅᑕ ᐅᖃᐅᓯᓕᕆᓂᕐᒧᑦ, ᑯᓄ. ᐊᖓᔪᖅᑳᑉ ᐅᖃᐅᓯᖓ 77 - 7(2): ᑎᒃᑯᐊᖅᑕᐅᓂᖏᑦ ᓅᑕᓐ ᑲᑎᒪᔨᑦ ᐃᓄᐃᑦ ᐅᖃᐅᓯᖏᓐᓂᒃ ᑕᐃᒎᓯᓕᐅᖅᑏᑦ (ᑯᓄ) ᐊᖓᔪᖅᑳᖅ ᐳᕋᐃᔭᓐ ᑯᓄ: ᖁᔭᓐᓇᒦᒃ, ᐅᖃᖅᑎᑦᑎᔩ. ᐅᖃᖅᑎᑦᑎᔩ, ᐅᓪᓗᒥ ᓇᖏᖅᓯᕗᖓ ᑐᓴᖅᑎᑦᑎᔪᒪᓪᓗᖓ ᑎᒃᑯᐊᖅᓯᔪᖃᕐᓂᖓᓂᒃ 7−ᓂᒃ ᓄᑖᓂᒃ ᑲᑎᒪᔨᒃᓴᓂᒃ ᐃᓄᐃᑦ ᐅᖃᐅᓯᖏᓐᓂᒃ ᑕᐃᒎᓯᓕᐅᖅᑎᒃᑯᓐᓄᑦ, ᑖᒃᑯᐊ ᐃᓛᒃᑰᖅᖢᑎᒃ ᐅᖃᐅᓯᕐᓄᑦ ᐱᔪᓐᓇᐅᑎᖃᖅᑎᑕᐅᔪᑦ ᐋᖅᑭᒃᑕᐅᓯᒪᓪᓗᑎᒃ ᐃᓄᒃᑐᑦ ᓴᐳᔾᔨᓯᒪᓂᕐᒧᑦ ᐱᖁᔭᕐᒥ ᓯᕗᓕᖅᑎᐅᓂᐊᕐᓗᑎᒃ ᔭᒐᑎᑦᑎᑦᑕᐃᓕᒪᓂᕐᒥᒃ, ᐅᔾᔨᕐᓇᖅᓯᑎᑦᑎᓂᕐᒥᒃ, ᐱᕙᓪᓕᐊᑎᑦᑎᓂᕐᒥᒡᓗ ᐃᓄᒃᑐᑦ ᓄᓇᕘᓕᒫᒥ. ᓄᑖᑦ ᑎᒃᑯᐊᖅᑕᐅᔪᑦ ᑲᑎᒪᔩᑦ ᐅᑯᐊᖑᕗᑦ: ᐊᐃᑕ ᐊᔭᓕᒃ-ᒪᒃᐅᐃᓕᐊᒻ ᖁᕐᓗᖅᑐᕐᒥᐅᖅ, ᕌᐳᑦ ᔫᓇᔅ ᑲᖏᖅᑐᒑᐱᒻᒥᐅ, ᓯᐅᓪᑕᓐ ᓂᐱᓴ ᐊᕐᕕᐊᕐᒥᐅᖅ, ᒫᒍᕆᑦ ᐅᑲᑦᓯᐊᖅ ᑲᖏᖅᖠᓂᕐᒥᐅᖅ, ᑳᑎ ᐅᒃᐱᒃ ᐊᒻᒪᓗ ᐄᕙ ᐋᕆᐊᒃ ᐃᖃᓗᒻᒥᐅᑦ, ᐊᒻᒪᓗ ᒥᐊᓕ ᑖᒻᓴᓐ ᐊᕐᕕᐊᕐᒥᐅᖅ, ᑎᓕᔭᐅᓯᒪᔾᔪᑎᖏᑦ ᓄᑖᙳᕆᐊᖅᑕᐅᓯᒪᓕᖅᑐᑦ. ᐅᖃᖅᑎᑦᑎᔩ, ᑖᒃᑯᐊ ᐊᑐᓂ ᐃᓄᐃᑦ ᓇᒃᓴᖅᐳᑦ ᖃᐅᔨᒪᓂᖃᑦᑎᐊᕐᓂᕐᒥᒃ, ᓄᓇᓕᖕᓂ ᐃᓱᒪᒋᔭᖃᕐᓂᕐᒥᒃ, ᑲᑐᔾᔨᓪᓗᑎᒃ ᐱᓕᕆᐊᖃᓪᓚᕆᒍᒪᓂᕐᒥᒃ ᓴᙱᒃᑎᒋᐊᖅᑎᑦᑎᔪᒪᓪᓗᓂ ᐆᒻᒪᕆᖕᓂᖓᓂᒃ ᐃᓄᒃᑐᑦ. ᑖᒃᑯᐊ ᓯᕗᓕᖅᑎᐅᓂᖏᑦ ᐃᑲᔪᖅᑐᐃᓂᐊᖅᐳᑦ ᑲᔪᓰᓐᓇᖅᑐᒥᒃ ᐱᓇᔪᖕᓂᕆᔭᐅᔪᒥᒃ ᓴᐳᔾᔨᓯᒪᔪᒪᓂᕐᒧᑦ ᐅᖃᐅᓯᑦᑎᓐᓂᒃ, ᐊᖏᒡᓕᒋᐊᖅᑎᑦᑎᓂᕐᒥᒃ ᐅᖃᐅᓯᕐᓄᑦ ᐊᑐᖅᑕᐅᔪᓐᓇᖅᑐᓂᒃ, ᓇᓗᙱᑦᑎᐊᕈᒪᓂᕐᒧᓪᓗ ᐃᓄᐃᑦ ᓂᐱᖏᑦ ᑕᓯᐅᖅᓯᕙᓪᓕᐊᖏᓐᓇᕋᓗᐊᕐᒪᖔᑕ ᑕᒪᑐᒥᖓ ᐱᒻᒪᕆᐊᓗᖕᒥᒃ ᐱᓕᕆᐊᖑᔪᒥᒃ. ᖁᔭᓐᓇᒦᕈᒪᒻᒥᔭᒃᑲ ᒪᓕᒐᓕᐅᖅᑎᐅᓚᐅᖅᑐᑦ—ᒥᐊᓕ ᕗᐃᓯ, ᓴᓗᒥ ᕿᑦᓱᐊᓕᒃ, ᐊᒻᒪᓗ ᓵᓚᒨᓂ ᐳᑐᒍᖅ— ᑲᑎᒪᔨᐅᓂᖏᑦ ᐃᓱᓕᒻᒪᑕ. ᐱᓕᕆᓪᓚᕆᒍᒪᓂᖏᑦ ᐅᔾᔨᕐᓇᖅᑐᒻᒪᕆᖕᒥᒃ ᐱᐅᓯᒋᐊᖅᑎᑦᑎᓯᒪᕗᖅ ᐃᓄᒃᑐᑦ ᐱᓕᕆᐊᖑᕙᓪᓕᐊᔪᒪᔪᓂᒃ, ᐃᑲᔪᖅᑐᐃᓪᓗᑎᒃ ᐅᖃᐅᓯᕐᓂᒃ ᐋᖅᑭᒃᓱᐃᕙᓪᓕᐊᓂᕐᒥᒃ, ᓴᙱᒃᑎᒋᐊᖅᑎᑦᑎᓪᓗᑎᒡᓗ ᐃᓕᖅᑯᓯᑐᖃᕐᓄᑦ ᑐᙵᕕᒋᔭᐅᔪᓂᒃ ᑲᔪᓯᑎᑦᑎᔪᓂᒃ ᓄᓇᓕᑦᑎᓐᓂᒃ. ᖁᔭᒋᕙᕗᑦ ᐱᔨᑦᑎᕋᕐᓂᕆᓚᐅᖅᑕᖏᓐᓄᑦ ᓯᕗᓂᒃᓴᖃᑦᑎᐊᖁᕙᕗᓪᓗ. ᐅᖃᖅᑎᑦᑎᔩ, ᑖᒃᑯᐊ ᑎᒃᑯᐊᖅᑕᐅᔪᑦ ᓇᓗᓇᐃᖅᓯᒃᑲᓐᓂᖅᐳᑦ ᒐᕙᒪᑦᑕ ᐊᖏᖅᓯᒪᓂᖓᓂᒃ ᐃᓄᒃᑐᑦ ᓯᕗᓕᖅᑎᐅᓂᕐᒥᒃ ᑲᑐᔾᔨᓗᑕᓗ ᑲᒪᒋᔭᒃᓴᑦᑎᓐᓂᒃ ᓴᐳᔾᔨᓂᕐᒥᒃ ᓴᙱᒃᑎᒋᐊᖅᑎᑦᑎᓂᕐᒥᒡᓗ ᐅᖃᐅᓯᑐᖃᑦᑎᓐᓂᒃ. ᓴᖅᑭᑎᑕᐅᓯᒪᓪᓗᓂ ᐃᓄᒃᑐᑦ ᓴᐳᔾᔨᓂᕐᒧᑦ ᐱᖁᔭᒃᑯᑦ, ᐃᓄᐃᑦ ᐅᖃᐅᓯᖏᓐᓂᒃ ᑕᐃᒎᓯᓕᐅᖅᑏᑦ ᐱᓕᕆᐊᖃᓪᓗᐊᑕᖅᐳᑦ ᐆᒻᒪᖅᑎᑦᑎᒃᑲᓐᓂᕐᓂᕐᒥᒃ, ᐊᑕᐅᓰᓐᓇᒃᑰᓕᖅᑎᑦᑎᓂᕐᒥᒃ, ᓄᑖᙳᕆᐊᖅᑎᑦᑎᓂᕐᒥᒡᓗ ᐃᓄᒃᑐᑦ, ᓴᙱᓂᖃᖅᑎᑕᐅᓪᓗᑎᒡᓗ ᑐᓴᐅᒪᑦᑎᐊᕐᓗᑎᒃ ᐋᖅᑭᒃᓯᒪᓕᖅᑎᑦᑎᔪᓐᓇᕐᓂᕐᒥᒃ ᑭᒡᒐᖅᑐᕐᓗᒋᑦ ᓄᓇᕗᒻᒥᐅᓕᒫᑦ. ᐅᖃᖅᑏ, ᓂᕆᐅᑦᑎᐊᖅᐳᖓ ᐃᑲᔫᑎᒋᓂᐊᖅᑕᖏᓐᓂᑦ ᓄᑖᑦ ᒪᓕᒐᓕᐅᖅᑏᑦ. ᐃᓚᐅᖃᑕᐅᒋᑦᑎ ᑐᙵᓱᒃᑎᓪᓗᒋᑦ ᑲᑎᒪᔨᙳᖃᑕᐅᓂᖏᓐᓄᑦ. ᖁᔭᓐᓇᒦᒃ, ᐅᖃᖅᑎᑦᑎᔩ.

ᐊᐃᑉᐹ, ᔫᓂ 09, 2026 ᓄᓇᕗᒥ ᒪᓕᒐᓕᐅᕐᕕᒻᒧᑦ ᑲᑎᒪᔾᔪᑏᑦ 5 >>ᐸᑦᑕᑐᖅᑐᑦ ᐅᖃᖅᑎ: ᖁᔭᓐᓇᒦᒃ. ᒥᓂᔅᑕᐃᑦ ᐅᖃᐅᓯᒃᓴᖏᑦ. ᐃᓕᓐᓂᐊᖅᑐᓕᕆᔨᒃᑯᓐᓄᑦ, ᒥᓂᔅᑕ ᐊᕿᐊᕈᖅ. ᐊᖓᔪᖅᑳᑉ ᐅᖃᐅᓯᖓ 78 - 7(2): ᑲᓇᑕᒥ ᐃᓕᓐᓂᐊᕐᕕᓂᑦ ᓂᕆᔭᒃᓴᓄᑦ ᑕᑯᒃᓴᕈᖅᑕᖅ (ᐊᕿᐊᕈᖅ) ᐊᖓᔪᖅᑳᖅ ᑕᐃᕕᑎ ᐊᕿᐊᕈᖅ (ᑐᓵᔨᑎᒍᑦ): ᖁᔭᓐᓇᒦᒃ, ᐅᖃᖅᑎᑦᑎᔩ. ᑕᕝᕙᓂ ᐅᖃᓪᓚᒍᒪᓕᖅᓯᒪᕐᔪᐊᖅᓱᖓ ᑕᒪᐅᖓ ᑎᑭᑉᐳᖓ, ᒪᕐᕈᐃᖅᓱᒻᒪᕆᓕᖅᐳᖓ ᑖᓐᓇ ᒥᓂᔅᑕᐅᓂᕐᓄᑦ ᐊᑐᖅᖢᒍ ᐅᖃᓪᓚᑲᐃᓐᓇᖅᑎᑕᐅᒐᒪ, ᖁᔭᓐᓇᒦᒃ. ᐅᖃᖅᑎᑦᑎᔩ, ᒪᓕᒐᓕᐅᖅᑎᐅᖃᑎᒃᑲ ᑐᓴᖅᑎᑦᑐᒪᕙᒃᑲ ᐱᓕᕆᐊᖑᕙᓪᓕᐊᔪᓂᒃ ᓄᓇᓕᑦᑎᓐᓂ ᐊᑐᓕᖅᑎᑦᑎᔪᒪᓪᓗᑎᒃ ᑲᓇᑕᓕᒫᒥ ᐃᓕᓐᓂᐊᕐᕕᖕᒥ ᓂᕿᓕᕆᓂᕐᒧᑦ ᐱᓕᕆᐊᖑᕙᒃᑐᒥᒃ. ᕕᕗᐊᕆ 2025−ᒥ, ᓄᓇᕗᑦ ᒐᕙᒪᖓ ᐊᑎᓕᐅᖅᓯᓚᐅᖅᐳᖅ ᐊᖏᖃᑎᒌᒍᑎᒥᒃ ᒐᕙᒪᑐᖃᒃᑯᓐᓂ ᐱᓯᒪᓕᕈᒪᓪᓗᑎᒃ $7.6−ᒥᓕᐊᓂᒃ ᑮᓇᐅᔭᖁᑎᒋᔭᐅᔪᓂᒃ ᐊᕐᕌᒍᓄᑦ ᐱᖓᓱᓄᑦ ᐅᑯᑎᒎᓇᖅ ᑲᓇᑕᓕᒫᒥ ᐃᓕᓐᓂᐊᕐᕕᖕᒥ ᓂᕿᓕᕆᓂᕐᒧᑦ ᐱᓕᕆᐊᖑᕙᒃᑐᒥ. (ᑐᓵᔨᑎᒎᓕᖅᑐᖅ) ᐅᖃᖅᑎᑦᑎᔩ, ᐊᑎᓕᐅᖅᑕᐅᓚᐅᖅᑎᓪᓗᒍ ᐊᖏᖃᑎᒌᒍᑎ, ᐃᓕᓐᓂᐊᕐᓂᓕᕆᔨᒃᑯᑦ ᑮᓇᐅᔭᖃᖅᑎᑦᑎᖃᑦᑕᖅᓯᒪᕗᑦ ᐃᓕᓐᓂᐊᖅᑐᓕᕆᔨᒃᑯᑦ ᑲᑎᒪᔨᖏᓐᓂᑦ ᓄᓇᓕᓕᒫᓂ ᐱᕕᖃᖁᓪᓗᒋᑦ ᐱᐅᓯᒋᐊᖅᑎᑦᑎᓂᕐᒥᒃ ᐱᑕᖃᖅᐸᒌᖅᑐᓂᒃ ᐃᓕᓐᓂᐊᕐᕕᖕᒥ ᓂᕆᔭᒃᓴᓄᑦ ᐱᓕᕆᐊᒃᓴᓂᒃ. ᐃᓕᓐᓂᐊᕐᕕᕗᑦ ᐊᒻᒪᓗ ᓄᓇᓕᖕᓂ ᐃᓕᓐᓂᐊᖅᑐᓕᕆᔨᒃᑯᑦ ᑲᑎᒪᔨᖏᑦ ᑖᒃᑯᓂᖓ ᑮᓇᐅᔭᓂᒃ ᐊᑐᑦᑎᐊᖅᓯᒪᔪᑦ. ᐃᓕᓐᓂᐊᕐᕖᑦ ᐊᑐᕈᓐᓇᖅᑎᑕᐅᔪᑦ ᑖᒃᑯᓂᖓ ᑮᓇᐅᔭᓂᒃ ᐊᔾᔨᒌᙱᑦᑐᓄᑦ ᓲᕐᓗ ᓂᕿᑖᕈᑎᓄᑦ, ᐃᓄᐃᑦ ᓂᕿᖏᓐᓂᑦ ᐊᑐᐃᓐᓇᐅᑎᑦᑎᓂᕐᒧᑦ, ᐅᕝᕙᓘᓐᓃᑦ ᐊᑭᓖᖃᑦᑕᕐᓗᑎᒃ ᓂᕿᓕᐅᖅᑎᓂᒃ ᓂᕿᓕᐅᖃᑦᑕᖅᑐᓂᒃ ᐊᒻᒪᓗ ᓂᕆᑎᑦᑎᖃᑦᑕᖅᑐᓂᒃ ᕿᑐᕐᖓᑦᑎᓐᓂᒃ. ᐅᖃᖅᑎᑦᑎᔩ, ᖁᕕᐊᓱᒃᐳᖓᑦᑕᐅᖅ ᑐᓴᖅᑎᑦᑎᔪᓐᓇᕋᒪ ᐃᓚᖏᑦ ᒐᕙᒪᑐᖃᒃᑯᓐᓂᑦ ᑮᓇᐅᔭᑦ ᓴᓂᕐᕙᒃᑕᐅᓯᒪᖕᒪᑕ ᒥᑭᑦᑑᑎᓄᑦ ᐊᑭᑐᔫᑕᐅᓪᓗᑎᒃ ᓂᐅᕕᕈᑕᐅᓂᐊᖅᑐᓄᑦ ᓄᑖᙳᕆᐊᖅᑎᑦᑎᔾᔪᑕᐅᓂᐊᖅᖢᑎᒃ ᒥᑭᑦᑑᑎᓂᒃ ᑲᑉᐳᔾᔭᖅᑐᒨᖅᑐᓂᒃ ᐱᖁᑎᓂᒡᓗ ᐃᓕᓐᓂᐊᕐᕖᑦ ᓂᕿᓕᐅᕐᕕᖏᓐᓂᑦ. ᐃᓕᓐᓂᐊᕐᓂᓕᕆᔨᒃᑯᑦ ᐱᓕᕆᖃᑎᖃᕐᒥᔪᑦ ᐃᖏᕐᕋᔪᓕᕆᔨᒃᑯᓐᓂᑦ ᐊᒻᒪ ᐱᖁᑎᕐᔪᐊᓕᕆᔨᒃᑯᓐᓂᑦ ᓄᓇᕗᒻᒥ ᖃᐅᔨᓴᕈᒪᓪᓗᑎᒃ ᐊᖏᓂᖅᓴᓂᒃ ᐊᑭᑐᔪᓂᒃ ᓈᒻᒪᙱᓪᓕᐅᕈᑕᐅᔪᓂᒃ ᐃᓕᓐᓂᐊᕐᕖᑦ ᓂᕿᓕᐅᕐᕕᖏᓐᓂᒃ ᓯᕗᓂᒃᓴᒥ ᒐᕙᒪᑐᖃᒃᑯᓐᓂ ᑮᓇᐅᔭᖃᖅᑎᑕᐅᓛᖅᑐᓂᒃ ᐃᑲᔫᑕᐅᔪᓐᓇᖅᑐᓂᒃ. ᑮᓇᐅᔭᖃᖅᑎᑕᐅᓂᖅ ᐱᕕᖃᖅᑎᑦᑎᓚᐅᕆᕗᖅ ᐃᓕᓐᓂᐊᕐᓂᓕᕆᔨᒃᑯᓐᓂᑦ, ᓯᕗᓪᓕᖅᐹᑦᑎᐊᒥ, ᐃᖅᑲᓇᐃᔭᖅᑎᑖᕈᓐᓇᖅᓯᓪᓗᑎᒃ ᐅᓪᓗᓕᒫᖅᓯᐅᑎᒥᒃ ᐃᓕᓐᓂᐊᕐᕕᖕᒥ ᓂᕿᓕᕆᓂᕐᒧᑦ ᐱᓕᕆᐊᒃᓴᓕᕆᔨᒥᒃ ᐃᑲᔪᕐᓂᐊᖅᑐᒥᒃ ᐊᐅᓚᑦᑎᓂᕐᒥᒃ ᑮᓇᐅᔭᖃᖅᑎᑦᑎᓂᕐᒥᒃ ᐅᓂᒃᑳᓕᐅᕐᓂᕐᒥᒡᓗ ᐃᓕᓐᓂᐊᕐᕕᑦᑎᓐᓄᑦ. ᐅᖃᖅᑎᑦᑎᔩ, ᖃᐅᔨᒪᔪᒍᑦ ᐱᒻᒪᕆᐅᓂᖓᓂᒃ ᓄᑕᖅᑲᑦ ᓂᕿᑦᑎᐊᕙᖕᓂᒃ ᓂᕆᖃᑦᑕᕆᐊᖃᕐᓂᖏᓐᓂᒃ ᐅᓪᓗᓕᒫᖅ. ᐱᐅᓯᕚᓪᓕᖅᑎᑦᑎᑐᐃᓐᓇᙱᓚᖅ ᖃᓄᐃᙱᑦᑎᐊᕐᓂᖏᓐᓂ ᐃᓅᑦᑎᐊᕈᑎᖏᓐᓂᒡᓗ, ᑭᓯᐊᓂᑦᑕᐅᖅ ᐃᑲᔪᖅᓱᐃᔪᓐᓇᕆᕗᖅ ᐱᐅᓂᖅᓴᒥ ᐃᓕᑦᑎᕙᓪᓕᐊᓂᕐᒧᑦ ᖃᓄᐃᓕᖓᓕᕐᓂᐅᔪᓂ. ᖁᔭᓕᕗᒍᑦ ᒐᕙᒪᑐᖃᒃᑯᓐᓂᑦ ᑮᓇᐅᔭᖃᖅᑎᑕᐅᓂᖏᓐᓄᑦ, ᖁᔭᓕᓗᐊᙳᐊᖅᖢᑕᓗ ᐃᓕᓐᓂᐊᕐᕕᖕᒥ ᐃᖅᑲᓇᐃᔭᖅᑎᓕᒫᓄᑦ ᐊᑭᓕᖅᓱᖅᑕᐅᙱᖦᖢᑎᒡᓗ ᐱᓕᕆᕙᒃᑐᓄᑦ ᐃᓕᓐᓂᐊᕐᕕᖕᒥ ᓂᕆᔭᒃᓴᖃᖅᑎᑦᑎᕙᖕᓂᕐᒧᑦ ᐊᔪᕐᓇᙱᑎᑦᑎᕙᒃᑐᓄᑦ. ᖁᔭᓐᓇᒦᒃ, ᐅᖃᖅᑎᑦᑎᔩ. >>ᐸᑦᑕᑐᖅᑐᑦ

ᐊᐃᑉᐹ, ᔫᓂ 09, 2026 ᓄᓇᕗᒥ ᒪᓕᒐᓕᐅᕐᕕᒻᒧᑦ ᑲᑎᒪᔾᔪᑏᑦ 6 ᐅᖃᖅᑎ: ᖁᔭᓐᓇᒦᒃ. ᑲᑎᒪᔾᔪᑎᑦᑕ ᓈᓴᐅᑎᖓ 3, ᒪᓕᒐᓕᐅᖅᑏᑦ ᐅᖃᐅᓯᖏᑦ. ᖁᕐᓗᖅᑐᕐᒧᑦ ᒪᓕᒐᓕᐅᖅᑎ ᖁᓕᒃᑖᓇ. ᑲᑎᒪᔾᔪᑎᒃᓴᖅ 3: ᒪᓕᒐᓕᐅᖅᑏᑦ ᐅᖃᐅᓯᖏᑦ ᒪᓕᒐᓕᐅᖅᑎᐅᑉ ᐅᖃᐅᓯᖓ 75 - 7(2): ᐃᓕᓴᕆᔭᐅᓂᖓ ᐋᔅᓕ ᓂᐅᒻᒪᓐ (ᖁᓕᒃᑖᓇ) ᖁᓕᒃᑖᓇ (ᑐᓵᔨᑎᒍᑦ): ᖁᔭᓐᓇᒦᒃ, ᐅᖃᖅᑏ. ᐅᓪᓗᒥ ᓂᑯᕕᒃᑐᖓ ᐃᓕᓴᖅᓯᔪᒪᓪᓗᖓ ᓇᒻᒥᓂᕆᔭᑦᑎᓐᓂᒃ ᓄᓇᕗᒻᒥᐅᑦ, ᐋᔅᓕ ᓅᒪᓐ. ᐋᔅᓯ ᓅᒪᓐ ᑖᓐᓇ ᖁᕐᓗᖅᑑᖅ ᐃᓕᓐᓂᐊᕐᕕᐊᓗᐊᓂ ᐱᔭᕇᖅᓯᓚᐅᕐᒪᑦ 2018-ᒥ. ᐃᓕᓐᓂᐊᖏᓐᓇᓚᐅᖅᑐᖅ ᓯᓚᑦᑐᓴᕐᕕᔾᔪᐊᖓᓂ ᐆᑲᓈᒐᓐ ᐳᕆᑎᔅ ᑲᓚᒻᐱᐊᒥ 2023-ᒥ ᐱᔭᕇᖅᖢᓂ ᐋᓐᓂᐊᓯᐅᑎᐅᓂᕐᒧᑦ. ᐅᑭᐅᖅᑕᖅᑐᒥᐅᑕᐅᓂᕐᒥᒃ ᐱᐅᒋᓂᕐᒥᓄᑦ ᓄᓇᓕᓐᓂ, ᓄᓇᓕᓐᓂ ᐋᓐᓂᐊᕕᒻᒥ ᐃᖅᑲᓇᐃᔭᓚᐅᖅᑐᑦ. ᓄᓇᓖᑦ ᑕᒪᒃᑯᐊ ᑕᐃᒪᓐᓇᐃᑦᑐᓂᒃ ᐊᔾᔨᒥᒋᔭᐅᔪᓂᒃ ᒪᒃᑯᒃᑐᓂᒃ ᐱᖃᒃᑲᓐᓂᕆᐊᖃᓕᕐᒪᑕ ᑕᐃᒪᓐᓇ ᐱᓕᕆᖁᓪᓗᓯ ᐱᔪᒪᔅᓯᓐᓂ. ᐅᓪᓗᒥ ᒪᓕᒐᓕᐅᕐᕕᒃ ᖁᔭᓕᖃᑎᒋᔪᒪᕙᕋ ᖁᕕᐊᓱᖃᑎᒋᓗᒋᑦ ᐃᓕᓐᓂᐊᕐᓂᕐᒥᓂᒃ ᐱᔭᕇᖅᓯᓯᒪᑦᑎᐊᕐᒪᑦ ᐊᒻᒪᓗ ᑕᐅᑐᙳᐊᖅᑕᖏᓐᓂᒃ. ᖁᔭᓐᓇᒦᒃ, ᐅᖃᖅᑏ. >>ᐸᑦᑕᑐᖅᑐᑦ ᐅᖃᖅᑎ: ᖁᔭᓐᓇᒦᒃ. ᐅᐱᒍᓱᖃᑎᒋᕙᑦᓯ. ᒪᓕᒐᓕᐅᖅᑏᑦ ᐅᖃᐅᓯᖏᑦ. ᐊᕐᕕᐊᑦ ᓂᒡᒋᐊᓄᑦ ᒪᓕᒐᓕᐅᖅᑎ, ᒥᔅᑕ ᖃᑉᓗᑦᓯᐊᖅ. ᒪᓕᒐᓕᐅᖅᑎᐅᑉ ᐅᖃᐅᓯᖓ 76 - 7(2): ᐅᓕᓴᕆᔭᐅᓂᖓ ᔨᒥ ᓇᐸᔪᖅ (ᖃᑉᓗᑦᓯᐊᖅ) ᖃᑉᓗᑦᓯᐊᖅ (ᑐᓵᔨᑎᒍᑦ): ᖁᔭᓐᓇᒦᒃ, ᐅᖃᖅᑏ. ᑖᓐᓇ ᒪᐃ ᐃᓕᓴᖅᓯᒐᓗᐊᕐᒪᑦ ᐃᓱᒪᓕᕆᓂᕐᒧᑦ ᖃᐅᔨᒪᑎᑦᑎᓂᕐᒧᑦ, ᐃᓕᓴᖅᓯᔪᒪᔪᖓ ᔨᒥ ᓇᐸᔪᕐᒥᒃ ᐊᕐᕕᐊᓂ. ᐅᖃᖅᑏ, ᔨᒥ ᓇᐸᔪᖅ ᑖᒃᑯᐊ ᐊᖑᑎᓄᑦ ᑖᓐᓇ ᐳᓛᕐᕕᒻᒥ ᐱᓕᕆᔾᔪᑎᒋᔭᖏᓐᓂᒃ ᐊᑏ ᐊᖑᑏᑦ ᑖᒃᑯᐊ ᐱᓕᕆᓂᖓᑎᒍᑦ ᑖᒃᑯᐊ ᐋᓐᓂᐊᖃᕐᓇᙱᑦᑐᓕᕆᔨᒃᑯᓐᓄᑦ ᐃᖅᑲᓇᐃᔭᕐᒪᑦ. ᔨᒥ ᐱᓕᕆᐊᖃᖃᑦᑕᖅᑐᖅ ᐊᖑᑏᑦ ᖃᓄᐃᙱᑦᑎᐊᓂᕐᓴᐅᖁᓪᓗᒋᑦ ᐃᑲᔪᖅᑐᐃᔨᐅᓪᓗᓂ. ᑕᖅᑭᒋᔭᑦᑎᓐᓂ ᐊᖑᑎᓂᒃ ᑲᑎᑎᑦᑎᓚᐅᖅᑐᖅ ᐃᓄᐃᑦ ᓂᕿᖏᓐᓂᒃ ᓂᕆᑎᑦᑎᓪᓗᑎᒃ ᐃᓄᓗᒃᑖᓂᒃ ᑐᙵᓱᒃᑎᑦᑎᓪᓗᑎᓪᓗ ᐅᖃᐅᓯᖃᖅᓱᑎᒃᓗ ᑕᒪᒃᑯᓂᖓ ᐃᓱᒪᓕᕆᓂᕐᒥᒃ ᐊᑐᖅᓯᒪᔭᒪᒥᓐᓂᓪᓗ ᑎᓕᐅᕈᑎᖃᖅᖢᑎᒃ. ᑕᐃᒪᓐᓇᐃᑦᑐᒥᒃ ᑲᑎᒪᑎᓪᓗᒋᑦ 30-ᓂᒃ 50-ᓄᑦ ᑎᑭᒃᖢᒋᑦ ᐊᖑᑎᓄᑦ ᐅᐸᒃᑕᐅᒐᔪᒃᑐᑦ. ᐅᖃᖅᑏ, ᔨᒥ ᓇᐸᔪᖅ ᑖᒃᑯᓂᖓ ᓄᓇᓂᒃ ᐊᐅᓪᓚᖅᓯᒪᑎᑦᑎᓂᕐᒥᒃ ᐃᑲᔪᖃᑦᑕᖅᑐᖅ ᐊᕐᕌᒍᓂᒃ ᕖᕗᐊᕆ 2026 ᐊᖑᑎᓂᒃ ᐅᑭᐅᒃᑯᑦ ᐃᖃᓪᓕᐊᖅᑎᑦᑎᓚᐅᖅᑐᖅ, ᐊᒻᒪ ᓄᓗᔾᔨᕐᓂᕐᒥᒃ ᓯᑯᒥ. ᐊᒻᒪ ᐊᐅᔭᒃᑯᑦ ᕿᓚᓗᒃᑭᐊᖃᑦᑕᖅᑐᑦ ᐅᓄᖅᑐᑦ ᑕᐃᒃᑯᐊ ᕿᓚᓗᒐᕈᓐᓇᖅᓯᓚᐅᕐᒪᑕ ᐱᔭᕆᐅᖅᖢᑎᒃ. ᔨᒥᑦᑕᐅᖅ ᑖᓐᓇ ᐃᓕᓐᓂᐊᖅᑎᑦᑎᖃᑦᑕᖅᑐᖅ ᐃᓄᐃᑦ ᐃᓕᖅᑯᓯᖓᓂᑦ ᓴᓇᑎᓪᓗᒋᑦ ᐃᓄᐃᑦ ᓴᓇᕐᕈᑎᖏᓐᓂᒃ, ᐅᓈᕐᓂᒃ, ᖃᒧᑏᓐᓂᒃ, ᓂᒃᑯᓕᐅᕐᕕᓐᓂᓪᓗ. ᐅᖃᖅᑏ, ᔨᒥ ᐱᔭᕇᖅᓯᓯᒪᒻᒪᑦ ᐃᓱᒪᓕᕆᓂᕐᒧᑦ ᐃᓕᓐᓂᐊᕐᓂᕐᒥᓂᒃ ᐳᓛᕐᕕᒃᑯᑦ ᐃᓕᓴᖅᑕᐅᑎᓪᓗᒋᑦ ᐊᖑᑎᓂᒃ ᐊᕐᕕᐊᕐᒥᐅᓂᒃ ᐃᑲᔪᖅᑐᐃᓂᐊᕐᓗᓂ, ᐊᒻᒪ ᑲᖏᖅᖠᓂᕐᒥ ᐃᑲᔪᓚᐅᕐᒥᔪᖅ ᐃᓪᓗᕋᓛᓕᐅᖅᑎᓪᓗᒋᑦ ᐊᖑᑎᓂᒃ ᐊᑐᖅᑕᐅᓂᐊᖅᑐᑦ ᑕᐃᒃᑯᐊ ᐃᓕᖅᑯᓯᕐᒥᒃ ᐃᓕᓴᐃᓂᐊᖅᑐᑦ ᖃᓄᐃᙱᑦᑎᐊᕋᓱᓐᓂᕐᒧᓪᓗ ᐊᐅᓪᓚᖅᓯᒪᑎᑕᐅᓪᓗᑎᓪᓗ ᑭᕙᓪᓕᕐᒥᐅᑦ ᑕᐃᒪᓐᓇ ᐊᕐᕕᐊᓂ ᐃᓪᓗᕋᓛᓕᐅᕈᒫᕐᒥᔪᑦ ᑕᐃᒪᓐᓇ ᐸᕐᓇᒃᓯᒪᔪᖅ. ᐊᒻᒪᓗᑦᑕᐅᖅ ᐃᖅᑲᓇᐃᔭᖅᑎᓪᓗᒋᑦ ᔨᒥ ᐃᑲᔪᖅᑐᐃᖃᑦᑕᖅᑐᖅ ᐃᓱᒪᓕᕆᓂᕐᒧᑦ ᐃᓕᖅᑯᓯᓕᕆᓂᕐᒧᑦ ᐱᖅᑯᓯᑐᖃᕐᓂᓪᓗ ᐃᓕᓴᐃᓪᓗᓂ ᐊᖏᖅᓯᒪᑦᑎᐊᖅᖢᓂᓗ.

ᐊᐃᑉᐹ, ᔫᓂ 09, 2026 ᓄᓇᕗᒥ ᒪᓕᒐᓕᐅᕐᕕᒻᒧᑦ ᑲᑎᒪᔾᔪᑏᑦ 7 ᐅᖃᖅᑏ, ᓄᓇᕗᒻᒥᐅᑦ ᑕᐃᒪᓐᓇ ᑎᓕᐅᖅᐸᒃᑲ ᐃᑲᔪᖅᑐᐃᖁᓪᓗᒋᑦ ᓄᓇᕗᒻᒥ ᑲᒪᑦᓯᐊᖅᑐᑦ ᐅᖄᓚᕕᐅᖃᑦᑕᖅᑐᖅ ᒪᒥᓴᕐᓗᑎᒃ ᐊᒻᒪᓗᑦᑕᐅᖅ ᐋᓐᓂᐊᕕᒻᒧᑦ ᐅᖄᓚᓗᑎᒃ ᐊᒃᓱᕉᓴᓕᕈᑎᒃ. ᖁᔭᓐᓇᒦᒃ, ᐅᖃᖅᑏ. >>ᐸᑦᑕᑐᖅᑐᑦ ᐅᖃᖅᑎ: ᖁᔭᓐᓇᒦᒃ. ᒪᓕᒐᓕᐅᖅᑏᑦ ᐅᖃᐅᓯᖏᑦ. ᐃᖃᓗᒃᑑᑦᑎᐊᕐᒧᑦ ᒪᓕᒐᓕᐅᖅᑎ, ᐲᑕᓴᓐ. ᒪᓕᒐᓕᐅᖅᑎᐅᑉ ᐅᖃᐅᓯᖓ 77 - 7(2): ᖃᖓᑕᓲᒃᑯᑦ ᑐᐊᕕᕐᓇᖅᑐᓂᒃ ᐱᔨᑦᑎᖅᑎᖏᑦ (ᐲᑕᓴᓐ) ᐲᑕᓴᓐ (ᑐᓵᔨᑎᒍᑦ): ᖁᔭᓐᓇᒦᒃ, ᐅᖃᖅᑏ. ᐅᓪᓗᒃᑰᖅᐸᔅᓯ ᐃᓘᓐᓇᓯ, ᐃᖃᓗᒃᑑᑦᑎᐊᕐᒥᐅᓪᓗ ᑕᐅᑐᒃᑐᑦ ᑲᑎᒪᓂᑦᑎᓐᓂᒃ. ᐅᖃᖅᑏ, ᓴᙱᔪᒃᑯᑦ ᐅᒃᐱᕈᓱᒃᑲᒪ ᐋᓐᓂᐊᕕᒻᒥ ᐃᖅᑲᓇᐃᔭᑦᑎᐊᖁᓪᓗᒋᑦ ᐊᐅᓚᓂᖃᑦᑎᐊᖁᓪᓗᒋᑦ ᓄᓇᖃᖅᑐᑦ ᑕᒪᒃᑯᐊ ᑭᖑᕙᖅᓯᒪᙱᑦᑐᒃᑯᑦ ᐱᔨᔅᓯᖅᑕᐅᖃᑦᑕᖁᓪᓗᒋᑦ. ᐃᔨᒋᓂᖅᓴᐅᔪᒪᓪᓗᖓ ᒐᕙᒪᒃᑯᑦ ᑳᓐᑐᕌᒃᖓ ᖃᖓᑕᓲᒃᑯᑦ ᑎᑭᑎᑦᑎᖃᑦᑕᕐᓂᖅ ᑐᐊᕕᕐᓇᖅᑐᒃᑯᑦ. ᐅᖃᖅᑏ, ᐅᖃᖃᑎᒋᓪᓗᒋᑦ ᕿᑎᕐᒥᐅᖑᖃᑎᒃᑲ, ᓇᓗᓇᕈᓐᓃᕐᒪᑦ ᐃᓱᒫᓘᑎᖃᕋᑦᑕ ᐅᓄᖅᑐᓂᒃ ᕿᑎᕐᒥᐅᓂᒃ ᑕᒪᑐᒪ ᒥᒃᓵᓄᑦ. ᐃᓕᓴᖅᓯᔪᖓ ᓱᖅᑯᐃᖅᓯᓪᓗᖓᓗ ᑕᒪᒃᑯᐊ ᖃᐅᔨᒪᔾᔪᑎᓂᒃ ᕿᒥᕐᕈᓇᑦᑎᐊᕆᐊᖃᕐᒪᑕ ᓈᒻᒪᒋᔭᐅᔪᓐᓃᕐᒪᑕ ᒫᓐᓇ ᐊᑯᓂᐊᓗᒃ ᑭᐅᓇᓱᖃᑦᑕᕐᒪᑕ ᑐᐊᕕᕐᓇᖅᑐᓕᕆᔨ ᖃᖓᑕᓲᒃᑯᑦ. ᐃᓛᓐᓂᒃᑯᓪᓗ 24-ᓂᒃ ᐃᑲᕐᕋᓄᑦ ᑭᖑᕙᖃᑦᑕᖅᑐᑦ ᑐᐊᕕᕐᓇᖅᑐᒃᑯᓪᓗ ᐊᐅᓪᓚᖃᑦᑕᖅᑐᑦ ᕿᑎᕐᒥᐅᑦ ᓯᓚᑖᓂ ᑭᓯᐊᓂ ᓄᓇᕗᑦ ᓯᓚᑖᓂ ᑭᓯᐊᓂ ᓄᓇᕗᑦ ᓯᓚᑖᓂ ᑎᑭᖃᑦᑕᕐᒥᒻᒪᑦ ᖃᖓᑕᓲᖅ, ᑐᐊᕕᕐᓇᖅᑐᖃᓚᐅᕐᒪᑦ ᐃᖃᓗᑦᑑᑦᑎᐊᕐᒥ ᓴᐅᓂᖏᓪᓗ ᓱᕋᒃᖢᑎᒃ, ᓂᐊᖁᐊᓗ ᐊᕚᖅᖢᓂ ᑖᒃᑯᐊ ᐱᕐᕈᓗᐊᕿᓚᐅᕐᒪᑕ ᓲᑦᓯᐅᓪ, ᒫᓂᑑᐸᒥ ᑎᑭᓚᐅᕐᒪᑦ 28-ᓄᑦ ᐃᑲᕐᕋᓄᑦ ᑎᑭᓐᓇᓱᒃᖢᓂ. ᐱᓕᕆᕕᒃ ᕿᒥᕐᕈᓇᒋᐊᖃᓕᖅᑐᖅ ᑕᒪᑐᒥᖓ ᑐᐊᕕᕐᓇᖅᑐᒃᑯᑦ. ᐅᖃᖅᑏ, ᑕᒪᒃᑯᐊ ᒐᕙᒪᒃᑯᑦ ᑳᓐᑐᕌᒃᑦᖏᑦ ᖃᖓᑕᓲᒃᑯᑦ ᑐᐊᕕᕐᓇᖅᑐᓕᕆᔨᒃᑯᑦ ᐊᐱᖅᑯᑎᒋᖃᑦᑕᖅᓯᒪᒐᑦᑎᒍᑦ, ᐱᒻᒪᕆᐅᒻᒪᑦ ᑳᓐᑐᕌᒃᑕᐅᔪᑦ ᓄᑖᖅ ᑭᐅᓯᒪᑦᑎᐊᖁᓪᓗᒋᑦ ᖃᖓᑕᓲᑦ ᓇᓃᓐᓂᐊᕐᒪᖔᑕ ᐊᒻᒪ ᕿᓚᒥᐅᓂᖅᓴᒃᑯᑦ ᑎᑭᖃᑦᑕᖁᓪᓗᒋᑦ. ᐅᖃᖅᑏ, ᐊᐱᖅᓲᑎᖃᕐᓂᐊᖅᑐᖓ ᑖᒃᑯᓄᖓ ᒥᒃᓵᓄᑦ ᐅᓪᓗᒥ, ᑭᐅᖁᔨᓂᐊᕋᓗᐊᕆᕗᖓ ᑕᒪᒃᑯᓄᖓ. ᖁᔭᓐᓇᒦᒃ, ᐅᖃᖅᑏ. ᐅᖃᖅᑎ: ᖁᔭᓐᓇᒦᒃ. ᒪᓕᒐᓕᐅᖅᑏᑦ ᐅᖃᐅᓯᖏᑦ, ᐃᖃᓗᐃᑦ ᓂᐊᖁᙴᕐᒧᑦ ᒪᓕᒐᓕᐅᖅᑎ, ᐊᕿᐊᕈᖅ. ᒪᓕᒐᓕᐅᖅᑎᐅᑉ ᐅᖃᐅᓯᖓ 78 - 7(2): ᓄᑖᕈᖅᓯᒪᔪᑦ ᓄᓕᐊᒪ ᖃᓂᒻᒪᓯᕆᔭᖓᓄᑦ (ᐊᕿᐊᕈᖅ) ᐊᖓᔪᖅᑳᖅ ᑕᐃᕕᑎ ᐊᕿᐊᕈᖅ: ᖁᔭᓐᓇᒦᒃ, ᐅᖃᖅᑎᑦᑎᔩ. ᐅᖃᖅᑎᑦᑎᔩ, ᐱᒋᐊᖅᑳᕐᓗᖓᖃᐃ ᖁᔭᓐᓇᒦᕈᒪᑦᑎᐊᖅᐸᒃᑲ ᑕᐃᒃᑯᐊ ᐅᕙᓐᓂᒃ ᓂᕈᐊᖅᓯᒪᔪᐃᑦ ᑕᐃᑲᓂ ᐃᖃᓕᐅᑦ ᓂᐊᖁᙴᕐᒥᑦ. ᖃᐅᔨᒪᔪᐃᓐᓇᐅᕈᔪᖕᒪᑕ ᐊᒻᒪᓗ ᖃᐅᔨᒪᔪᐃᓐᓇᕈᔫᒐᔅᓯᑦ ᑕᕝᕙᓂ ᐃᒡᓗᕐᔪᐊᕐᒦᑲᑕᙱᓐᓇᒪ ᐊᒻᒪᓗ ᐃᖃᓗᓐᓃᑲᑕᙱᓐᓇᒪ ᒫᓐᓇᐅᔪᖅ. ᖁᔭᓐᓇᒦᑦᑎᐊᕈᒪᒋᕙᒃᑲ ᑖᒃᑯᐊ ᒥᓂᔅᑕᐅᖃᑎᒃᑲ, ᑖᒃᑯᐊ ᐅᖁᒪᐃᑦᑐᓂᑦ ᑐᓂᓯᓯᒪᒐᒃᑭᑦ ᑖᒃᑯᐊ ᐱᓕᕆᐊᕆᓂᐊᖅᓯᒪᔭᒃᑲ ᑖᒃᑯᓄᖓ ᐱᓕᕆᔭᐅᑲᐃᓐᓇᖃᑦᑕᖅᓯᒪᒻᒪᑕ. ᑕᐃᒪᓐᓇᐃᑎᓪᓗᒍ, ᑐᑭᓯᐅᒪᑎᑦᑎᒍᒪᓪᓗᖓ ᒫᓐᓇᐅᔪᖅ ᑖᓐᓇ ᓄᓕᐊᓐᓇᕆᔭᑯᓗᒐ ᐋᓐᓂᐊᕐᒧᑦ ᑎᑭᑕᐅᓯᒪᒻᒪᑦ. ᖃᐅᔨᒪᔪᐃᓐᓇᐸᓘᖅᑰᓕᖅᑑᒐᓗᐊᑦ ᑭᓯᐊᓂ ᑕᐃᒃᑯᐊ ᑐᓴᓚᐅᙱᑦᑐᐃᑦ ᑐᓴᖅᑎᒍᒪᕙᕗᑦ, ᓄᓕᐊᕋᓗ ᑐᓴᖅᑎᑦᑎᔪᒪᕗᒍᒃ ᒫᓐᓇᐅᔪᖅ ᓄᖑᓴᖅᑕᐅᒻᒪᑦ ᑐᓴᖅᓯᒪᓪᓗᑕ ᓈᓴᐅᑎᓕᒻᒥ 4, ᐃᖅᖢᖓᒍᑦ ᐋᓐᓂᐊᖃᖅᑐᖅ. ᖃᐅᔨᒪᙱᒃᑲᓗᐊᖅᑐᒍᑦ ᑭᓯᐊᓂ ᓂᕆᐅᒃᑐᒍ ᖃᐅᔨᔭᐅᔅᓵᓕᓯᒪᔪᖅ.

ᐊᐃᑉᐹ, ᔫᓂ 09, 2026 ᓄᓇᕗᒥ ᒪᓕᒐᓕᐅᕐᕕᒻᒧᑦ ᑲᑎᒪᔾᔪᑏᑦ 8 ᖁᕕᐊᓱᕝᕕᐅᑉ ᑕᖅᑭᖓᓂᒃ ᑕᐃᒪᙵᓂ ᐅᑎᖅᑕᖅᓯᒪᒐᑦᑕ ᐋᓐᓂᐊᕐᕕᒻᒧᑦ, ᐊᒻᒪᓗ ᒫᓐᓇ ᑕᓪᓕᒪᒋᓕᖅᑕᖓᓂᑦ ᐃᒻᒥᖅᓱᖅᑕᐅᓯᒪᓕᖅᓱᓂ ᐊᒻᒪᓗ ᑐᓴᖅᓯᒪᓪᓗᑕ ᑖᓐᓇ ᑎᒥᖓᓄᒡᒎᖅ ᐃᑲᔫᑎᖃᖅᑐᖅ ᐊᒻᒪᓗ ᑖᒃᑯᐊ ᐋᓐᓂᐊᓯᐅᖅᑎᕈᔪᑉᐳᑦ ᑕᐃᒪᓐᓇᐃᑎᓪᓗᒍ ᑕᒪᐅᖓ ᐊᖏᕐᕋᖅᑎᑕᐅᑲᐃᓐᓈᕐᔪᒍᓐᓇᕋᑦᑕ. ᑖᓐᓇ ᓱᓕ ᑲᔪᓯᓂᐊᕐᒪᑦ, ᓘᑦᑖᑦᑎᓄᓪᓗ ᐅᖃᐅᔾᔭᐅᓯᒪᓪᓗᑕ ᑖᓐᓇᒎᖅ ᐊᑯᓂ ᐱᓕᕆᐊᕆᔭᐅᓂᐊᖅᑐᖅ, ᐊᖏᖅᓯᒪᑦᑎᐊᖅᓱᑎᒍ ᐊᒻᒪᓗ ᑐᓐᓂᖅᑯᑎᒋᑦᑎᐊᖅᓯᒪᓪᓗᑕ ᑖᒃᑯᓄᖓ ᐋᓐᓂᐊᓯᐅᖅᑎᖁᑎᑦᑎᓐᓄᑦ. ᑖᓐᓇ ᐊᓂᒎᑎᓛᖅᑐᖅ ᖃᐅᔨᒪᓪᓗᑕ ᐊᒻᒪᓗ ᑕᐃᒪᓐᓇᐃᑎᓪᓗᒍ ᐱᓕᕆᐊᕆᔭᐅᑦᑎᐊᕋᓱᐃᓐᓇᖅᑐᖅ. ᐅᖃᖅᑎᑦᑎᔩ, ᐱᕕᖃᒃᑲᓐᓂᐊᕈᔪᒍᒪᓪᓗᖓ ᑖᓐᓇ ᐃᓱᓕᒍᒪᓪᓗᒍᒃ ᐅᖃᐅᓯᕆᔪᒪᔭᕋ. ᖁᔭᓐᓇᒦᒃ, ᐅᖃᖅᑏ. ᐅᖃᖅᑎ: ᒪᓕᒐᓕᐅᖅᑎ ᐊᐱᕆᒻᒪᑦ ᐅᖃᐅᓯᒃᓴᕆᔭᒥᓐᓂᑦ ᐃᓱᓕᒍᒪᓪᓗᓂᐅᒃ ᐅᓪᓗᒥ. ᐋᒃᑳᖅᑐᖃᖅᐸ? ᑐᓴᙱᓐᓇᒪ, ᒥᔅᑕ ᐊᕿᐊᕈᖅ ᑲᔪᓯᒋᑦ. ᐊᖓᔪᖅᑳᖅ ᑕᐃᕕᑎ ᐊᕿᐊᕈᖅ: ᖁᔭᓐᓇᒦᒃ, ᑲᑎᒪᔨᐅᖃᑎᒃᑲ. ᐊᒻᒪᓗ ᖁᔭᓐᓇᒦᒃ ᐅᖃᖅᑎᑕᐅᒃᑲᓐᓂᕈᓐᓇᕋᒪ. ᖁᔭᓐᓇᒦᕈᒪᑦᑎᐊᖅᐳᒍᑦ ᐃᓄᒐᓴᐃᑦ ᐅᕙᑦᑎᓐᓄᑦ ᐅᖃᖅᓯᒪᒻᒪᑕ ᑐᔅᓯᐅᔾᔨᖃᑦᑕᖅᑐᑦ, ᑖᔅᓱᒥᖓ ᐱᓗᐊᙳᐊᖅᑐᒥᒃ ᓄᓕᐊᓐᓇᕆᔭᑯᓗᓐᓄᑦ. ᐊᒻᒪᓗ ᑕᐃᒃᑯᐊ ᑐᔅᓯᐊᖃᑦᑕᖅᑐᐃᑦ ᐃᑉᐱᓐᓇᖃᑦᑕᑦᑎᐊᕐᒪᑕ ᑖᓐᓇ ᓇᓗᓇᖅᑐᐊᓗᒃᑰᖅᑎᓪᓗᑕ ᒫᓐᓇᐅᔪᖅ. ᑕᐃᒃᑯᐊᓗ ᑖᒃᑯᓂᖓ ᓄᖑᓴᖅᑕᐅᖃᑦᑕᖅᓯᒪᔪᐃᑦ ᐊᒻᒪᓗ ᐊᐃᑉᐸᕆᔭᐅᔪᐃᑦ ᐅᕙᑦᑎᓐᓄᒃ ᐅᓂᒃᑳᖃᑦᑕᖅᓱᑎ ᐊᒻᒪᓗ ᐅᖃᓪᓚᖃᑦᑕᖅᓱᑎ ᖃᐅᔨᒋᐊᖏᓐᓇᖃᑦᑕᖅᓱᑎ, ᐊᒃᓱᐊᓗᒃ ᐃᑉᐱᓐᓇᖃᑦᑕᕐᓇᖅᑐᖅ ᐊᒃᓱᕈᕐᓇᖅᑎᓪᓗᒍ. ᑕᐃᒪᓐᓇᐃᑎᓪᓗᒍ ᖁᔭᓐᓇᒦᕈᒪᑦᑎᐊᖅᐸᕗᑦ ᑕᐃᒃᑯᐊᑦ. ᓄᓕᐊᕋᓗ ᐊᒃᓱᐊᓗᒃ ᖁᔭᓕᕐᔪᐊᖅᐳᒍᒃ ᑖᒃᑯᐊ ᕿᑐᕐᖓᕗᑦ ᐃᓐᓇᕈᖅᓯᒪᓕᖅᑐᐃᑦ, ᓇᒻᒥᓂᑯᓗᒃ ᐸᖅᑭᑦᑎᐊᖏᓐᓇᕐᒪᑕ ᐊᒻᒪᓗ ᓄᑲᖅᑎᓂ ᕿᑐᕐᖓᑦᑎᓐᓂᑦ ᐸᖅᑭᑦᑎᐊᖅᓱᑎ, ᐊᒻᒪᓗ ᐃᓚᕗᑦ, ᐱᖃᓐᓇᕆᔭᕗᑦ ᑕᕝᕙᓂ ᐃᑲᔪᖅᓱᖅᔪᐊᕐᒪᑕ ᑕᒫᓂᙱᑎᓪᓗᑕ ᐊᒃᓱᐊᓗᒃ ᓇᓪᓕᓂᕐᒥᑦ ᖁᔭᓕᓯᒪᕗᒍᒃ. ᓘᒃᑖᒧᑦ ᐅᓂᒃᑲᐅᔾᔭᐅᓚᐅᖅᓱᑕ ᑖᓐᓇᒎᖅ ᕿᓚᒥᑯᓗᒃ ᐱᔭᐅᔾᔮᙱᒻᒪᑦ, ᐃᖃᓗᓐᓃᙱᑯᑖᑲᐃᓐᓇᖃᑦᑕᓂᐊᕐᓂᑦᑎᓐᓂ ᐅᖃᐅᔾᔨᓯᒪᓪᓗᓂ. ᑭᓯᐊᓂ ᑖᒃᑯᐊ ᑕᓚᐴ, ᖃᕋᓴᐅᔭᐃᓪᓗ ᐊᑐᐃᓐᓇᐅᓕᕐᓂᖏᓐᓄᑦ ᑕᕝᕙᓂ ᒪᓕᒐᓕᐅᖅᑎᐅᓂᕐᓂ ᑕᕝᕙᓂ ᐃᖃᓗᐃᑦ ᓂᐊᖁᙴᒧᑦ, ᐱᓕᕆᐊᒃᑲ ᐱᓕᕇᓐᓇᕈᓐᓇᖅᓱᒋᑦ ᐃᖅᑲᓇᐃᔭᖅᑎᐊᓐᓄᒃᑲᓗ ᐃᑲᔪᖅᑎᒋᓪᓗᒋᑦ ᑕᐃᒪᓐᓇᐃᑎᓪᓗᒍ. ᑖᒃᑯᐊ ᓂᕈᐊᖅᑎᒃᑲ, ᑕᕝᕙᓂ ᐊᓪᓚᕕᓐᓂ ᖃᐅᔨᓴᐃᓐᓇᖃᑦᑕᖅᓱᖓ ᐊᒻᒪᓗ ᐃᑲᔪᖅᑕᐅᔪᒪᔪᐃᑦ ᐃᑲᔪᖅᑕᐅᖃᑦᑕᖅᓱᑎᑦ, ᐊᒻᒪᓗ ᐊᑐᐃᓐᓇᐅᖏᓐᓇᖅᓱᑕ ᑕᐃᒪᓐᓇ ᑕᕝᕙᓂ ᐊᖏᖅᓯᒪᒐᒪ ᑲᑎᒪᔨᐅᓂᐊᕐᓂᓐᓂ ᐊᒻᒪᓗ ᒥᓂᔅᑑᓂᐊᕐᓂᓐᓃᕗᖓ. ᖁᔭᓐᓇᒦᕈᒪᑦᑎᐊᐸᒃᑲ ᑖᒃᑯᐊ ᒥᓂᔅᑕᐃᑦ ᑲᑎᒪᔨᖏᑦ ᐊᒻᒪᓗ ᐃᖅᑲᓇᐃᔭᖅᑎᐊᓐᓄᑉᐳᑦ ᐊᒃᓱᐊᓗᒃ ᐃᑲᔪᖅᑐᕐᒪᑕ, ᑕᒪᒃᑯᐊ ᐊᐅᓚᑦᑕᕆᐊᓖᑦ ᑕᒫᓂ ᐃᓪᓗᕐᔪᐊᒥ ᐱᔭᐅᔭᕆᐊᓖᑦ ᐱᓕᕆᐊᕆᔭᐅᑦᑎᐊᖃᑦᑕᕐᒪᑕ ᑕᕝᕙᓃᙱᒃᑲᓗᐊᖅᑎᓪᓗᖓ. ᐊᒃᓱᐊᓗᒃ ᖁᔭᓕᖃᑦᑕᖅᐳᖓ. ᐊᒻᒪᓗ ᑕᑯᕋᓐᓈᖃᑦᑕᖅᓱᖓ ᖃᕋᓴᐅᔭᒃᑯᑦ ᑭᐅᒐᔭᙳᐊᑐᐊᑦᑕᕐᓂᑦ ᓲᕐᓗ ᓯᕗᓕᖅᑎ ᑭᐅᒋᐊᒻᒪᑦ, ᐄ’, ᐱᓕᕆᖃᑎᒌᑦᑎᐊᖅᐳᒍᑦ ᑕᕝᕙ ᓇᓗᓇᖃᑦᑕᙱᒻᒪᑦ ᑕᐃᒪᓐᓇᐃᑦᑎᓪᓗᒍ.

ᐊᐃᑉᐹ, ᔫᓂ 09, 2026 ᓄᓇᕗᒥ ᒪᓕᒐᓕᐅᕐᕕᒻᒧᑦ ᑲᑎᒪᔾᔪᑏᑦ 9 ᑭᖑᓪᓕᖅᐹᖑᓗᒍᖃᐃ, ᐅᖃᕈᒪᓪᓗᖓ ᓄᓕᐊᑯᓗᒐ ᓴᙱᔪᐊᓘᒻᒪᑦ; ᐅᕙᓐᓂᑦ ᓴᙱᓂᖅᓴᐅᒻᒪᑦ ᐊᒻᒪᓗ ᕿᐊᕗ ᖃᓂᑦᑐᑯᓘᖏᓐᓇᕐᒪᑎ. ᑕᐃᒪᓐᓇᐃᑎᓪᓗᒍ, ᐱᓕᕆᔭᐅᒐᓗᐊᖅᑎᓪᓗᒍ ᐊᒃᓱᐊᓗᒃ ᓴᙱᓂᖓ ᓴᖅᑭᖃᑦᑕᕐᒪᑦ. ᓴᐱᓕᓪᓚᐅᔭᕆᐊᖂᖅᔨᖃᑦᑕᕋᓗᐊᖅᑐᓂ, ᑭᓯᐊᓂ ᐃᒻᒥᓂᒃ ᖁᕝᕙᖅᑎᖃᑦᑕᕐᒪᑦ ᑕᐃᒪᓐᓇᐃᑎᓪᓗᒍ. ᐊᑏ, ᑐᔅᓯᐅᔾᔨᖃᑦᑕᕆᔅᓯ, ᐱᓗᐊᙳᐊᖅᑐᒥ ᑕᐃᒃᑯᐊ ᓄᖑᓴᖅᑕᐅᔪᐃᑦ ᐊᒥᓱᐋᓗᐃᑦ ᓇᓗᓇᖅᑐᒃᑰᖅᑐᐃᑦ ᒫᓐᓇᐅᔪᖅ ᖃᓄᐃᓕᐅᖅᑕᐅᕙᓪᓕᐊᓂᖏᓐᓂ. ᖁᔭᓐᓇᒦᒃ, ᐅᖃᖅᑎᑦᑎᔩ. >>ᐸᑦᑕᑐᖅᑐᑦ ᐅᖃᖅᑎ: ᐅᑎᑦᑎᐊᕆᑦ, ᒪᓕᒐᓕᐅᖅᑎᐅᖃᑎᕗᑦ ᕿᐊᕈᖅ. ᐅᑎᕐᒥᒐᕕᓂᓛᒃ ᖁᕕᐊᓇᑦᑎᐊᖅᑐᖅ ᐊᒻᒪᓗ ᐃᓱᒪᓇᖅᓯᒪᕗᓯ ᑭᒥᓇᖅᓯᒪᕗᓯ. ᑭᓯᐊᓂ ᓄᓕᐊᑯᓗᐃᑦ, ᕿᑐᕐᖓᓯ, ᐃᕐᖑᑕᓯ ᐃᓱᒪᓇᑦᑎᐊᖅᓯᒪᕗᑦ ᓇᓪᓕᓐᓂᒃᑯᑦ. ᑲᑎᒪᔾᔪᑎᑦᑎᓐᓄᑦ. ᒪᓕᒐᓕᐅᖅᑏᑦ ᐅᖃᐅᓯᖏᑦ. ᐊᑐᖁᑎᖃᕈᓐᓃᕋᒪ. ᒪᒥᐊᓇᖅ. ᖃᒪᓂᑦᑐᐊᕐᒧᑦ ᒪᓕᒐᓕᐅᖅᑎ ᓯᒪᐃᓚᒃ. ᒪᓕᒐᓕᐅᖅᑎᐅᑉ ᐅᖃᐅᓯᖓ 79 - 7(2): ᐃᓕᓴᕆᔭᐅᓂᖓ ᐋᓕᒃᔅ ᑯᒃ ᖃᒪᓂᑦᑎᐋᒻᒥᐅᑕᖅ (ᓯᒪᐃᓚᒃ) ᐊᖓᔪᖅᑳᖅ ᑯᕋᐃᒡ ᓯᒪᐃᓚᒃ (ᑐᓵᔨᑎᒍᑦ): ᖁᔭᓐᓇᒦᒃ, ᐅᖃᖅᑏ. ᐅᓐᓄᓴᒃᑯᑦ ᒪᓕᒐᓕᐅᖅᑎᐅᖃᑎᒃᑲ ᖃᒪᓂᑦᑐᐊᕐᒥᐅᓪᓗ. ᐅᖃᖅᑏ, ᒫᓐᓇ ᐅᖃᐅᓯᖄᕐᔪᒍᒪᔪᖓ ᒪᒃᑯᑦᑐᒥᑦ ᓂᕈᐊᖅᑎᒋᓯᒪᔭᕋ ᖃᒪᓂᑦᑐᐊᕐᒥ ᓇᒻᒥᓂᖁᑎᖃᓕᕐᒪᑦ ᒫᓐᓇ ᐋᓕᒃᔅ ᑯᒃ-ᒥᑦ ᐊᑎᖃᖅᑐᖅ. ᑖᓐᓇ ᐃᒡᓗᓕᐅᕐᓂᕐᒥ ᓇᒻᒥᓂᖓᓂ ᐱᒋᐊᖅᑎᑦᑎᓚᐅᕐᒪᑦ ᖃᒪᓂᑦᑐᐊᕐᒥ ᐋᖅᑭᒃᓱᐃᓪᓗᑎᑦ ᐃᒡᓗᓂᑦ ᓴᓇᓯᒪᕙᒌᖅᑐᓂᑦ ᑕᐃᓐᓇ ᐋᖅᑭᒃᓱᐃᔨᐅᖃᑕᐅᒻᒪᑦ. ᑖᓐᓇ ᖃᓪᓗᓈᓂ ᓄᓇᖓᓃᒻᒪᑦ, ᐋᑐᕚ ᓯᓚᑖᓂ, ᐃᓄᓐᓂᑦ ᐃᓕᓐᓂᐊᖅᑎᑦᑎᓪᓗᓂ ᖃᓄᖅ ᑕᒪᒃᑯᓂᖓ ᓴᓇᓂᕐᒥᑦ ᐃᒡᓗᓂᑦ ᓴᓇᒪᕙᒌᖅᑐᓂᑦ. ᐃᑲᔪᖅᑐᖅᑕᐅᖃᑦᑕᖅᓯᒪᔪᖅ ᑲᐃᕚᓐ-ᑯᓐᓂ ᐊᒻᒪ ᐋᑦᔅ ᑎᐊᒃ; ᐃᓕᓐᓂᐊᑎᑦᑎᔾᔪᑎᒃᑯᓐᓂ ᐃᒡᓗᓕᐅᖅᑎᓂᑦ ᐃᑲᔪᖅᑕᐅᓚᐅᖅᑐᖅ ᐃᓕᓴᐃᔾᔪᑎᓂᑦ. ᐊᒻᒪᓗᑦᑕᐅᖅ, ᑲᓇᑕᒥ ᐃᒡᓗᓕᕆᔨᕐᔪᐊᒃᑯᑦ ᑕᐃᒃᑯᓇᙵᑦ ᐃᑲᔪᖅᑕᐅᓪᓗᑎᑦ ᓇᒻᒥᓂᕐᓗ ᑲᒻᐸᓂᖓ ᑮᓇᐅᔭᓂᑦ ᐊᑐᖅᖢᑎᑦ $450,000 ᑲᑎᒃᖢᒋᑦ. ᐊᒻᒪᓗᑦᑕᐅᖅ ᑖᒃᑯᐊ ᐃᓕᓐᓂᐊᖅᑎᑦᑎᔾᔪᑎᓂᑦ ᓴᖅᑭᓯᒪᔪᖅ, ᑖᒃᑯᐊ ᐱᔭᕇᖅᓯᓂᐊᖅᑐᑦ ᐃᓕᓐᓂᐊᖅᑎᑕᖓᓂᑦ ᐊᑐᖅᑕᐅᖏᓐᓇᕐᓗᑎᑦ ᐃᖅᑲᓇᐃᔭᐃᓐᓇᕐᓂᐊᓕᕐᒪᑕ ᑕᐃᑲᓂ ᐃᒡᓗᓕᐅᕐᕕᐅᖃᑦᑕᖅᑐᒥ ᓴᓇᒪᕙᒌᖅᑐᓂᑦ. ᑕᐃᒃᑯᐊᓗ ᐃᓕᓐᓂᐊᖅᑐᑦ ᐃᓄᐃᓐᓇᐅᓪᓗᑎᑦ. ᐃᓄᐃᑦ ᐊᑕᖏᖅᖢᑎᑦ ᐃᓅᓪᓗᑎ: ᐃᐅᓪᕙᓐ ᐳᑦᓈᖅ, ᑕᐃᕕᑦ ᔮᒃᓴᓐ ᒫᓴᐃ, ᒐᐃᐳᕆᐅᓪ ᓇᒡᔪᒐᓕᒃ, ᑲᐃᔪᓪ ᒧᓕᓐᔅ, ᒪᓚ ᑰᓕ, ᒫᒃ ᐃᑦᑐᖅ, ᐊᒻᒪ ᓄᑲᕋᑦᑕᐅᖅ ᓵᓚᒪᓐ. ᑕᐃᒪᓗ, ᐱᔭᕇᖅᐸᑕ ᐃᓕᓐᓂᐊᕐᓂᖏᑦ, ᔪᓚᐃᒥᖃᐃ ᐱᔭᕇᖅᓯᓂᐊᖅᑐᑦ, ᖃᒪᓂᑦᑐᐊᕐᒧᑦ ᐅᑎᕐᓂᐊᖅᑐᑦ ᐃᒡᓗᓕᐅᕐᓂᐊᓕᖅᑐᑦ ᓴᓇᒪᕙᒌᖅᑐᓂᑦ ᐃᒡᓗᓕᐅᕐᓂᐊᕐᒪᑕ ᓄᑖᓂᑦ ᑕᐃᒪᓐᓇᖃᐃ ᓄᓇᕗᒻᒥᐅᓂ ᐱᔨᔅᓯᕐᓗᑎᑦ ᐃᓘᓐᓇᖏᓐᓂ ᓄᓇᓕᓐᓂ. ᐅᐱᒋᕙᒋᑦ ᐋᓕᒃᔅ, ᓯᕗᒧᐊᑦᑎᐊᕐᓂᐊᖅᐳᓯ. ᖁᔭᓐᓇᒦᒃ, ᐅᖃᖅᑏ. >>ᐸᑦᑕᑐᖅᑐᑦ

ᐊᐃᑉᐹ, ᔫᓂ 09, 2026 ᓄᓇᕗᒥ ᒪᓕᒐᓕᐅᕐᕕᒻᒧᑦ ᑲᑎᒪᔾᔪᑏᑦ 10 ᐅᖃᖅᑎ: ᖁᔭᓐᓇᒦᒃ. ᒪᓕᒐᓕᐅᖅᑏᑦ ᐅᖃᐅᓯᖏᑦ. ᑲᑎᒪᔾᔪᑎᒃᓴᖅ 4. ᐅᖃᐅᓯᒃᑯᑦ ᐊᐱᖅᑯᑎᕕᓂᕐᓄᑦ ᐃᓚᒋᐊᕈᑏᑦ. ᐃᓕᖅᑯᓯᓕᕆᔨᒃᑯᓐᓄᑦ ᒥᓂᔅᑕ ᑯᓄ. ᑲᑎᒪᔾᔪᑎᒃᓴᖅ 4: ᑭᐅᔾᔪᑎᑦ ᐅᖃᐅᓯᒃᑯᑦ ᐊᐱᖅᑯᑕᐅᓚᐅᖅᑐᓄᑦ ᑭᐅᔾᔪᑎᒃ ᐅᖃᐅᓯᒃᑯᑦ ᐊᐱᖅᑯᑎᒧᑦ 68 - 6(2): (ᑯᓄ) ᐊᖓᔪᖅᑳᖅ ᐳᕋᐃᔭᓐ ᑯᓄ: ᖁᔭᓐᓇᒦᒃ, ᐅᖃᖅᑏ. ᖁᔭᓐᓇᒦᒃ ᐅᖃᖅᑎᑦᑎᔩ, ᐅᓪᓗᒥ ᓇᖏᖅᓯᕗᖓ ᐃᓚᒋᐊᕈᒪᓪᓗᒍ ᑭᐅᔾᔪᑎᒐ ᐅᖃᐅᓯᒃᑯᑦ ᐊᐱᖅᑯᑕᐅᓚᐅᖅᑐᒧᑦ 68 - 7(2) ᔫᓂ 1, 2026-ᒥ ᒪᓕᒐᓕᐅᖅᑎ ᐊᐃᕕᓕᖕᒧᑦ, ᕼᐋᓇ ᐊᖑᑎᐊᓗᒃ. ᖁᔭᓐᓇᒦᕈᒪᔭᕋ ᒪᓕᒐᓕᐅᖅᑎ ᐊᐱᖅᑯᑎᖓᓄᑦ ᐃᓄᐃᑦ ᖃᐅᔨᒪᔭᑐᖃᖏᓐᓄᑦ ᑲᑎᒪᔩᑦ ᐊᒻᒪᓗ ᑐᑦᑕᕐᕖᑦ. ᖁᕕᐊᓱᒃᐳᖓ ᓇᓗᓇᐃᖅᓯᔪᓐᓇᕋᒪ, ᐅᖃᖅᑎᑦᑎᔩ, ᐊᖏᖅᑕᐅᓯᒪᔪᒥ 2025-2026−ᒧᑦ ᐱᓕᕆᐊᖃᕐᓂᐊᕐᓂᕐᒧᑦ ᐸᕐᓇᐅᑎᒥ, ᐊᑐᐊᒐᓕᕆᓂᕐᒧᑦ ᒪᓕᒐᓕᕆᓂᕐᒧᓪᓗ ᐋᖅᑭᒃᓱᐃᕙᓪᓕᐊᓂᕐᒧᑦ ᑲᔪᓯᓂᕆᔭᐅᕙᒃᑐᖅ ᐃᓱᓕᔾᔪᑎᖃᓚᐅᖅᐳᖅ ᐊᑐᐊᒐᓕᕆᓂᕐᒧᑦ ᑲᔪᓯᓂᕆᔭᐅᕙᒃᑐᒧᑦ ᒪᒃᐱᖅᑐᒐᕆᔭᐅᔪᒥᒃ ᐃᓚᖃᖅᖢᓂ ᐱᓕᕆᖃᑎᖃᕐᓂᕐᒥᒃ ᐃᓄᐃᑦ ᖃᐅᔨᒪᔭᑐᖃᖏᓐᓄᑦ ᑲᑎᒪᔨᓂᒃ ᑐᑦᑕᕐᕕᒃᑯᓐᓂᒡᓗ. ᓱᓕᒃᑲᓐᓂᖅ, ᐅᖃᖅᑎᑦᑎᔩ, 2026-2027−ᒧᑦ ᐃᓕᖅᑯᓯᓕᕆᔨᒃᑯᑦ ᐱᓕᕆᐊᖃᕐᓂᐊᕐᓂᕐᒧᑦ ᐸᖕᓇᐅᑎᓄᑦ ᓯᕗᓪᓕᖅᐸᐅᔾᔭᐅᓯᒪᔪᓂ, ᑖᓐᓇ ᐱᓕᕆᕝᕕᒋᔭᐅᔪᖅ ᐱᓕᕆᐊᖃᓪᓚᕆᒍᒪᓯᒪᕗᖅ ᓄᑖᙳᕆᐊᖅᑎᑦᑎᔪᒪᓪᓗᓂ ᒪᓕᒃᑕᐅᔭᕆᐊᖃᖅᐸᒃᑐᓂᒃ ᖃᓄᐃᓕᐅᕐᓂᐊᕐᓗᓂ ᑕᒪᐃᓐᓄᑦ ᐃᓄᐃᑦ ᖃᐅᔨᒪᔭᑐᖃᖏᓐᓄᑦ ᑲᑎᒪᔨᓄᑦ ᑐᑦᑕᕐᕕᒋᔭᐅᔪᒧᓪᓗ ᐃᑲᔪᖅᑐᐃᔪᒪᓂᕐᒧᑦ ᐊᖏᒡᓕᒋᐊᖅᓯᒪᔪᒥᒃ ᑐᑭᖃᑦᑎᐊᕐᓂᖅᓴᒥᒡᓗ ᐃᓚᐅᑎᑦᑎᓂᕐᒥᒃ ᐊᑐᐊᒐᓕᕆᓂᕐᒧᑦ ᐱᖁᔭᓕᕆᓂᕐᒧᓪᓗ ᐋᖅᑭᒃᓱᐃᕙᓪᓕᐊᓂᕐᒧᑦ. ᖃᓄᐃᓕᐅᕐᓂᐅᓂᐊᖅᑐᓂ, ᐅᖃᖅᑏ, ᑭᖑᓪᓕᕐᒥ ᐃᓄᐃᑦ ᖃᐅᔨᒪᔭᑐᖃᖏᓐᓄᑦ ᑲᑎᒪᔩᑦ ᑲᑎᒪᓂᒃᓴᖓ ᐸᕐᓇᒃᑕᐅᓯᒪᔪᖅ ᓯᑎᐱᕆᒥ ᐊᒻᒪᓗ ᐃᖃᓗᓐᓃᓛᖅᑐᓂ. ᑐᓴᖅᑎᑦᑎᔪᒪᒻᒥᔪᖓ ᒪᓕᒐᓕᐅᕐᕕᒻᒥ ᐃᓄᐃᑦ ᖃᐅᔨᒪᔭᑐᖃᖏᓐᓄᑦ ᑲᑎᒪᓂᖅ, ᒪᕐᕈᐊᑎᖅᑐᑎᒃ ᑭᖑᕙᕆᐊᖅᑕᐅᓚᐅᖅᑎᓪᓗᒍ ᐱᔾᔪᑎᒋᑦᓱᒍ ᐱᓕᕆᔾᔪᑎᑦᓴᐃᑦ ᐊᒻᒪᓗ ᐊᕕᑦᑐᖅᓯᒪᔪᓂ ᑲᑎᒪᑎᑦᓯᓂᖅ ᐊᒥᒐᕐᓂᖏᓐᓄᑦ, ᑲᔪᓯᓂᐊᕐᒪᑦ ᑏᓰᕝᕙ 1-ᒥᑦ 3-ᒧᑦ ᐃᖃᓗᓐᓂ, ᐊᖏᖅᑐᐃᓐᓇᐅᓗᑎᒃ ᐃᓄᐃᑦ ᖃᐅᔨᒪᔭᑐᖃᖏᓐᓄᑦ ᑲᑎᒪᔩᑦ. ᐅᖃᖅᑎᑦᑎᔩ, ᒪᑐᓯᔪᒪᕗᖓ ᐃᓕᓴᕆᔪᒪᓪᓗᒋᑦ ᐱᒻᒪᕆᐅᔪᑦ ᑕᑯᒃᓴᐅᙱᓗᐊᖅᑐᓪᓗ ᐱᓕᕆᐊᖑᓯᒪᔪᑦ ᐃᓚᒋᔭᐅᔪᓄᑦ ᐃᓄᐃᑦ ᖃᐅᔨᒪᔭᑐᖃᖏᓐᓄᑦ ᑲᑎᒪᔨᓄᑦ ᐊᒻᒪ ᑐᑦᑕᕐᕖᑦ, ᐃᓐᓇᖁᑎᕗᑦ, ᐃᓄᐃᑦ ᐊᑐᐊᒐᓕᕆᔨᒻᒪᕆᖏᑦ, ᐊᒻᒪ ᐃᕕᖅᑎᑉᐸᓪᓕᐊᔪᑦ ᐅᖃᐅᔾᔨᒋᐊᖅᑎᑦ ᐃᓄᐃᑦ ᖃᐅᔨᒪᔭᑐᖃᖏᓐᓂᒃ ᐆᒻᒪᑎᖓᓄᐊᖅᓯᖃᑦᑕᖅᑐᑦ ᒐᕙᒪᒃᑯᓐᓄᑦ. ᐃᑲᔪᕐᓂᕆᓚᐅᖅᑕᖏᑦ ᐱᒻᒪᕆᐅᕗᑦ, ᖁᔭᓕᕗᖓᓗ ᐱᕕᖃᖅᑎᑕᐅᒐᒪ ᐃᓕᓴᕆᔪᒪᓪᓗᒍ. ᖁᔭᓐᓇᒦᒃ, ᐅᖃᖅᑎᑦᑎᔩ. ᐅᖃᖅᑎ: ᖁᔭᓐᓇᒦᒃ. ᑲᑎᒪᔾᔪᑎᒃᓴᖅ 5. ᐳᓛᕆᐊᖅᓯᒪᔪᓂᑦ ᐃᓕᑕᖅᓯᓂᖅ. ᐃᖃᓗᐃᑦ ᒪᓂᕋᔭᒻᒧᑦ ᒪᓕᒐᓕᐅᖅᑎ ᕼᐄᓕ ᐊᕿᐊᕈᖅ. ᑲᑎᒪᔾᔪᑎᒃᓴᖅ 5: ᐃᓕᑕᖅᓯᓂᖅ ᑐᓵᔭᖅᑐᖅᓯᒪᔪᓂᒃ ᒪᓕᒐᓕᐅᕐᕕᒻᒧᑦ ᐊᖓᔪᖅᑳᖅ ᒍᐊᐃᓐ ᕼᐄᓕ ᐊᕿᐊᕈᖅ: ᖁᔭᓐᓇᒦᒃ, ᐅᖃᖅᑎᑦᑎᔩ. (ᑐᓵᔨᑎᒎᓕᖅᑐᖅ) ᓯᕗᓪᓕᖅᐹᒥ ᑐᙵᓱᑎᑦᑎᔪᒪᓪᓗᖓ ᐅᑎᖅᓯᒪᔪᐊᐱᐅᓕᕐᒥᒻᒪᑦ ᑲᑎᒪᔨᐅᖃᑎᕗᑦ. ᐅᖃᖅᑎᑦᑎᔩ, ᓇᖏᖅᓯᒋᐊᖅ ᖁᕕᐊᓱᑉᐳᖓ ᐃᓕᑕᖅᓯᒋᐊᒥ ᓄᓇᕗᒻᒥ ᑭᒡᒐᑐᖅᑐᓂ ᐃᓚᐅᔪᑦ. ᐅᑎᕋᑖᓚᐅᖅᑐᑦ ᐱᙳᐊᓕᐅᑎᔪᓂᑦ ᑐᕌᓐᑐᒥ. ᓵᓚᖃᓚᐅᙱᑦᑑᒐᓗᐊᑦ ᐅᑭᐅᖅ, ᑭᓯᐊᓂ ᖃᓂᑦᓴᓪᓚᕆᓕᓚᐅᖅᑐᑦ.

ᐊᐃᑉᐹ, ᔫᓂ 09, 2026 ᓄᓇᕗᒥ ᒪᓕᒐᓕᐅᕐᕕᒻᒧᑦ ᑲᑎᒪᔾᔪᑏᑦ 11 ᑐᙵᓱᑎᖃᑎᒋᙵ, ᐅᖃᖅᑎᑦᑎᔩ, ᐅᑯᓇᙵᑦ. ᓇᖏᖅᓯᖃᑦᑕᓂᐊᖅᐳᓯ ᑕᐃᑐᐊᕋᐃᒍᔅᓯ. ᑖᒃᑯᐊ ᐱᙳᐊᖅᑏᑦ ᐅᑯᐊ: ᓴᔭᔅ ᓵᓚᒪᓐ, ᐃᖅᑲᓇᐃᔮᒃᓴᒥᑦ ᕿᓂᕐᓂᕐᒧᑦ >>ᐸᑦᑕᑐᖅᑐᑦ ᐅᐊᓯ ᐊᑉᑐ ᕌᒪᓐ ᐊᒻᒪ ᓵᔅ ᐃᕐᖓᐅᑦ, ᑕᕐᕆᔭᓕᐅᖅᑏᒃ >>ᐸᑦᑕᑐᖅᑐᑦ ᔪᓴᐃᔭ ᔫᓯᕝ, ᐃᓚᒋᔭᐅᖃᑕᐅᓚᐅᖅᑐᖅ >>ᐸᑦᑕᑐᖅᑐᑦ ᑯᐄᓐ ᐋᔨᐹᑎ, ᐄᖅᑲᓇᐃᔮᒥᓂᒃ ᑕᑯᓐᓈᑎᑦᑎᕙᓚᐅᖅᑐᖅ >>ᐸᑦᑕᑐᖅᑐᑦ ᑐᙵᓱᑦᑎᒻᒥᔭᕗᑦ ᒪᐃᑯᓪ ᓛᓐᑐᕆ, ᐊᖏᔪᖅᑳᕆᔭᐅᔪᖅ ᑲᑎᒪᔨᓄᑦ >>ᐸᑦᑕᑐᖅᑐᑦ ᐳᕌᓐᑕᓐ ᕕᐅᓪᓂᕝ, ᐊᐅᓚᑦᑎᔨ ᓄᓇᕗᒻᒥ >>ᐸᑦᑕᑐᖅᑐᑦ ᓕᐊᒻ ᐴᕈᔅ, ᐱᓕᕆᐊᒧᑦ ᑐᑭᒧᐊᑦᑎᑦᑎᔨᒋᔭᐅᔪᖅ >>ᐸᑦᑕᑐᖅᑐᑦ ᑕᐅ ᐳᕆᐅᓪ, ᐃᑲᔪᖅᑎᐅᔪᖅ ᑐᑭᒧᐊᑦᑎᑦᑎᔨᒧᑦ >>ᐸᑦᑕᑐᖅᑐᑦ ᔭᔅᑎᓐ ᑖᒻᐸᒐᓐ, ᐊᑭᓕᖅᓱᖅᑕᐅᒐᓂ ᐃᑲᔪᖅᑐᐃᖃᑕᐅᔪᖅ >>ᐸᑦᑕᑐᖅᑐᑦ ᐊᒻᒪᑦᑕᐅᖅ, ᐅᑯᐊᖑᒻᒥᔫᒃ ᐃᑲᔪᖅᑐᓪᓚᕆᑦᑑᒃ ᐃᓕᓐᓂᐊᕐᕕᒻᒥᑦ: ᐋᓂ ᓚᕌᒃ ᐊᒻᒪᓗ ᓇᐃᑏᓐ ᐱᐊᑦᑯ, ᐊᒻᒪᓗ ᓇᐃᑏᓐ, ᐅᐃᕖᑦ ᐃᓕᓐᓂᐊᕐᕕᖓᓂ ᐊᖏᔪᖅᑳᕆᔭᐅᓪᓗᓂ. >>ᐸᑦᑕᑐᖅᑐᑦ ᑐᙵᓱᒋᑦᓯ ᐃᓪᓗᒧᑦ. ᖁᔭᓐᓇᒦᒃ, ᐅᖃᖅᑎᑦᑎᔩ. >>ᐸᑦᑕᑐᖅᑐᑦ

ᐊᐃᑉᐹ, ᔫᓂ 09, 2026 ᓄᓇᕗᒥ ᒪᓕᒐᓕᐅᕐᕕᒻᒧᑦ ᑲᑎᒪᔾᔪᑏᑦ 12 ᐅᖃᖅᑎ: ᖁᔭᓐᓇᒦᒃ. ᑐᙵᓱᑦᑎᐊᕆᑦᓯ ᒪᓕᒐᓕᐅᕐᕕᒻᒧᑦ. ᑐᙵᓱᖃᑦᑕᕐᓕᑦ ᓄᓇᕗᒻᒥᐅᓕᒪᑦ. ᐳᓛᕆᐊᖅᓯᒪᔪᓂᑦ ᐃᓕᑕᖅᓯᓂᖅ. ᑲᑎᒪᔾᔪᑎᒃᓴᖅ 6. ᐅᖃᐅᓯᒃᑯᑦ ᐊᐱᖅᑯᑏᑦ. ᒪᓕᒐᓕᐅᖅᑎ ᐃᖃᓗᒃᑑᑦᑎᐊᕐᒧᑦ, ᒥᔅᑕ ᐲᑕᓴᓐ. ᑲᑎᒪᔾᔪᑎᒃᓴᖅ 6: ᐅᖃᐅᓯᒃᑯᑦ ᐊᐱᖅᑯᑎᑦ ᐊᐱᖅᑯᑦ 105 - 7(2): ᖃᖓᑕᓲᒃᑯᑦ ᑐᐊᕕᕐᓇᖅᑐᓂᒃ ᐱᔨᑦᑎᖅᑎᖏᑦ (ᐲᑕᓴᓐ) ᐲᑕᓴᓐ (ᑐᓵᔨᑎᒍᑦ): ᖁᔭᓐᓇᒦᒃ, ᐅᖃᖅᑎᑦᑎᔩ. ᐅᖃᖅᑲᐅᒐᒪ ᒪᓕᒐᓕᐅᖅᑏᑦ ᐅᖃᐅᓯᒃᓴᖏᓐᓂ, ᐊᐱᖅᑯᑎᒃᑲ ᐋᓐᓂᐊᖅᑐᓕᕆᔨᒃᑯᑦ ᒥᓂᔅᑕᖓᓐᓄᑦ ᑐᐊᕕᕐᓇᖅᑐᓕᕆᓂᖅ ᖃᖓᑕᓲᒃᑯᑦ ᐱᓪᓗᒍ. ᐅᖃᖅᑎᑦᑎᔩ, ᒥᓂᔅᑕ ᖃᐅᔨᒪᑦᓯᐊᖅᐳᖅ ᐊᐱᖅᑯᑕᐅᖃᑦᑕᖅᓯᒪᒻᒪᑦ ᑕᕝᕙᓂ ᐃᓪᓗᒥ ᐅᑕᖅᑭᒋᐊᖃᕐᓂᕆᔭᖏᓐᓂ ᑐᐊᕕᕐᓇᖅᑐᒃᑯᑦ ᑎᒻᒥᓲᒥ. ᒥᓂᔅᑕ ᑐᓴᖅᑎᑦᑎᓚᐅᖅᑐᖅ ᐋᔩᖃᑎᒌᒻᒪᑕᒎᖅ ᓄᑖᒥᑦ ᑳᓐᑐᕌᑕᐅᓚᐅᙱᓐᓂᖏᓐᓂ ᒫᓐᓇ ᐱᑐᖃᐅᓕᖅᑐᒥ ᑳᓐᑐᕌᒧᑦ ᐊᐅᓚᕗᒍᑦ. ᑐᑭᓯᐅᒪᓪᓗᒋᑦ ᑕᒪᒃᑯᐊ ᑳᓐᑐᕌᖑᔪᑦ ᐃᒪᐃᑦᑑᕗᑦ: ᓯᕗᓪᓕᖅ, ᒐᕙᒪᒃᑯᑦ ᒪᓂᒪᑎᑦᑎᓲᑦ ᐊᑭᑦᑐᕋᐅᑕᐅᒍᓐᓇᖅᑐᒥ ᕿᓂᖅᑕᖏᑦ ᑭᓱᒧᑦ ᓇᓗᓇᐃᕆᓪᓗᑎᑦ. ᑭᖑᓪᓕᖅ, ᑭᒃᑯᑦ ᐱᔨᑦᓯᕈᓐᓇᑐᐃᓐᓇᕆᐊᓖᑦ ᑐᑦᓯᕋᐅᑎᒥᑦ ᑎᑎᕋᖅᓯᒪᔪᓂᑦ ᖃᑦᑎᓂᓪᓗ ᐊᑭᖃᕋᔭᕐᒪᖔᑕ. ᐱᖓᔪᐊᑦ, ᑖᒃᑯᐊᓗ ᒐᕙᒪᒃᑯᑦ ᕿᒥᕐᕈᓕᖅᓱᑎᑦ ᑐᓂᓯᓯᒪᔪᑦ ᐱᐅᓛᖅ ᐊᑭᑦᑐᕋᐅᑎᓂᖅ ᒪᓕᑦᑕᐅᓕᖅᓱᓂ ᒪᓕᒋᐊᓕᒃ ᒪᓕᑦᑐᒋᑦ. ᑕᕝᕙᓂ ᐊᑕᐅᓯᑐᐊᖅ ᑐᓂᓯᓚᐅᕐᒪᑦ ᐃᓱᓕᕝᕕᖃᖅᑎᓪᓗᒍ ᐊᑭᑦᑐᕋᐅᑎᔪᓂᑦ. ᐊᐱᖅᑯᑎᒋᓕᖅᐸᕋ ᖃᖓᒃᑯᑦ ᐋᔩᖃᑎᒌᓐᓂᐅᔪᖅ ᓄᑖᒧᑦ ᑳᓐᑐᕌᒧᑦ ᐱᐊᓂᑦᑕᐅᓛᖅᐸ ᐊᒻᒪ ᖃᖓᒃᑯᑦ ᐃᓗᓕᖏᑦ ᑳᓐᑐᕌᒧᑦ ᒪᓕᒋᐊᓖᓪᓗ ᓇᒦᑉᐸᒋᐊᖃᕐᓂᖓᓂ ᑎᒻᒥᓲᖅ ᐅᐸᑦᓵᓕᒍᓐᓇᕆᐊᖃᕐᓂᖓᓂ, ᐅᖃᐅᓯᐅᔪᓐᓇᖅᐸ ᑕᕝᕗᖓ ᒪᓕᒐᓕᐅᖅᑎᓄᑦ ᒪᓕᒐᓕᐅᕐᕕᒻᒥ? ᖁᔭᓐᓇᒦᒃ, ᐅᖃᖅᑏ. ᐅᖃᖅᑎ: ᒥᓂᔅᑕ ᐋᓐᓂᐊᖃᕐᓇᙱᑦᑐᓕᕆᓂᕐᒧᑦ, ᒥᓂᔅᑕ ᐳᕉᔅᑐ. ᐊᖓᔪᖅᑳᖅ ᔮᓇᑦ ᐳᕉᔅᑐ (ᑐᓵᔨᑎᒍᑦ): ᖁᔭᓐᓇᒦᒃ, ᐅᖃᖅᑏ, ᖁᔭᓐᓇᒦᖅᐸᕋ ᒪᓕᒐᓕᐅᖅᑎ ᐊᐱᖅᑯᑎᒋᒻᒪᒍ, ᑐᑭᓯᓯᒪᓪᓗᖓ ᐃᓱᒫᓘᑕᐅᓯᒪᔪᒧᑦ. ᐊᑐᐃᓐᓇᖃᑦᓘᓵᓕᒋᐊᖃᕐᓂᖅ ᑐᐊᕕᕐᓇᖅᑐᓕᕆᔨᒃᑯᓐᓂ ᐃᓱᒪᓕᐅᓵᓕᒋᐊᖃᕐᒪᑕ ᐃᑲᕐᕋᐃᑦ ᒪᓕᑦᓱᒋᑦ ᐱᔭᕆᐊᖃᕐᓂᖓ ᐋᓐᓂᐊᔪᒧᑦ ᖃᓄᐃᓐᓂᖏᓪᓗ ᐊᐅᓚᓂᕆᔭᒧᑦ. ᑳᓐᑐᕌᖑᔪᖅ ᐅᐃᒍᔭᐅᓯᒪᒻᒪᑦ ᒫᑦᓯ 31, 2027 ᑎᑭᒐᓱᓐᓂᖓᓄᑦ. ᐋᔩᖃᑎᒌᑉᐸᓪᓕᐊᓕᖅᐳᒍᑦ. ᑐᖔᒍᓪᓕ, ᒫᓐᓇ ᑳᓐᑐᕌᖑᔪᖅ ᐊᑑᑎᖃᖅᐳᖅ ᑖᒃᑯᐊ ᑎᒻᒥᓲᑦ ᑐᕌᖓᓪᓚᑦᑖᖅᑐᑦ ᐃᖃᓗᒃᑑᑦᓯᐊᕐᒧ ᔭᓗᓇᐃᕝᒧᓪᓗ, ᐊᒻᒪ ᑐᕌᖓᑦᓴᐃᓐᓇᙱᒻᒥᔫᒐᓗᐊᖅ ᐃᖃᓗᓐᓂ ᐅᐃᓂᐸᐃᒡᒥᓗ. ᐊᑕᐅᓯᐅᙱᑦᑐᑦ ᑎᒻᒥᓲᑦ ᐊᑐᖅᑕᐅᓪᓗᑎ: ᑭᖕ ᐃᐊᒃᑯᑦ 200, ᐊᒻᒪ PC-12, ᑖᒃᑯᐊ ᑭᖕ ᐃᐊᓪᓗ 200-ᑲᓐᓂᖅ. ᐅᖃᖅᑏ, ᐱᓕᕆᔨᕗᑦ ᐊᑦᓱᕈᖅᑑᒐᓗᐊᑦ ᑳᓐᑐᕌᖑᔪᖅ ᐱᔭᕇᖅᑕᐅᖁᓪᓗᒋᑦ, ᐱᔭᕇᖅᑕᐅᓯᒪᓕᕈᑎ, ᐅᖃᐅᓯᕆᔪᓐᓇᓛᖅᐸᕗᑦ ᐃᓗᓕᖏᑦ ᑳᓐᑐᕌᖑᔪᓂ. ᖁᔭᓐᓇᒦᒃ, ᐅᖃᖅᑏ. ᐅᖃᖅᑎ: ᓯᕗᓪᓕᖅᐹᖅ ᐃᓚᒋᐊᕈᑏᑦ ᐊᐱᖅᑯᑎᓐᓄᑦ, ᒥᔅᑕ ᐲᑕᓴᓐ. ᐲᑕᓴᓐ (ᑐᓵᔨᑎᒍᑦ): ᖁᔭᓐᓇᒦᒃ, ᐅᖃᖅᑏ, ᐊᒻᒪᓗ ᖁᔭᓐᓇᒦᖅᐸᕋ ᒥᓂᔅᑕ ᑭᐅᒻᒪᑦ. ᐅᖃᖅᑏ, ᑲᑎᒪᔨᐅᖃᑎᒃᑲᓗ ᐊᐱᖅᑯᑎᖃᖃᑦᑕᖅᓯᒪᓕᕋᑦᑕ ᓄᑖᒧᑦ ᑐᐊᕕᕐᓇᖅᑐᒧᑦ ᑳᓐᑐᕌᒥ ᖃᓄᕐᓗ ᐃᒃᐱᒋᓪᓚᑦᑖᒻᒪᖔᑦᑎᒍ ᓇᒦᑉᐸᓐᓂᖓ ᑐᐊᕕᕐᓇᖅᑐᔅᓯᐅᖅ ᑎᒻᒥᓲᖅ ᕿᑎᕐᒥᐅᓂ. ᒥᓂᔅᑕ ᐅᖃᑦᑎᐊᕈᓐᓇᖅᐹ ᖃᓄᖅ ᐊᑦᑎᓛᒍᑦ ᒪᓕᖁᔨᒐᔭᕐᒪᖔᑕ ᑕᒪᓐᓇ ᐱᓪᓗᒍᑲ ᖁᔭᓐᓇᒦᒃ, ᐅᖃᖅᑏ.

ᐊᐃᑉᐹ, ᔫᓂ 09, 2026 ᓄᓇᕗᒥ ᒪᓕᒐᓕᐅᕐᕕᒻᒧᑦ ᑲᑎᒪᔾᔪᑏᑦ 13 ᐅᖃᖅᑎ: ᒥᓂᔅᑕ ᐋᓐᓂᐊᖃᕐᓇᙱᑦᑐᓕᕆᓂᕐᒧᑦ, ᒥᓂᔅᑕ ᐳᕉᔅᑐ. ᐊᖓᔪᖅᑳᖅ ᔮᓇᑦ ᐳᕉᔅᑐ (ᑐᓵᔨᑎᒍᑦ): ᖁᔭᓐᓇᒦᒃ, ᐅᖅᑏ. ᐱᒋᐊᕐᓂᖓᓂ ᑕᒪᒃᑯᐊ ᑎᒻᒥᓲᑦ ᐊᑐᕈᒫᕐᓂᐊᖅᓯᒪᔪᑦ ᐅᖃᓵᖅᑕᒃᑲ. ᐅᖃᖅᑏ, ᐃᓚᖓ ᑕᐃᒪ ᐱᒻᒪᕆᐅᒻᒥᒻᒪᑦ ᑐᓴᕐᕕᒋᓚᑖᓚᐅᕐᓗᑕ ᑐᐊᕕᕐᓇᖅᑐᓕᕆᔨᖁᑎᑦᑎᓐᓂ ᐊᒥᓲᓂᖏᑦ ᑐᐊᕕᕐᓇᖅᑐᓯᐅᕈᑕᐅᕙᑦᑐᑦ ᐱᓪᓗᒋᑦ, ᖃᑦᑎᓂᓪᓗ ᓱᒃᑲᑎᒋᓲᖑᕙᑦ ᑲᒪᓵᓕᕙᓐᓂᖏᑦ ᑐᐊᕕᕐᓇᖅᑐᖃᖅᑎᓪᓗᒍ. ᐃᖃᓗᑦᑑᑦᓯᐊᕐᒨᕐᓂᕐᖓᓄᓪᓕ 2025-ᒥ 106 ᑐᐊᕕᕐᓇᖅᑐᒃᑯᑦ ᑐᐊᕕᕐᓇᖅᑐᖅᓯᐅᕐᒧᑦ ᑎᑭᑕᐅᑦᓴᕆᐊᖃᓚᐅᖅᑐᑦ. ᑖᓐᓇ ᑎᒻᒥᓲᖅ ᐊᐅᓚᐅᑎᖏᑦ ᐊᐅᓚᔾᔭᑦᑕᐅᒐᒥ ᐊᒻᒪ ᖃᓄᑎᒋᒃ ᖃᖓᑕᓂᖓ, ᓯᑕᒪᐅᔪᖅᑐᑦ ᐃᑲᕐᕋᑦ ᐅᐸᑦᓵᓕᒍᓐᓇᖃᑦᑕᓚᐅᖅᑐᑦ ᑐᖔᓂ. ᑕᒪᒃᑯᐊ ᑕᐃᒪ ᐃᖅᑲᓇᐃᔮᕆᕙᓪᓕᐊᕙᕗᑦ ᐱᔨᑦᓯᕈᑎᐅᑉ ᐃᓗᐊᓂ, ᑭᐅᔅᓵᓕᕙᓪᓗᑎᒃ ᐊᑐᐃᓐᓇᐅᑲᐅᑎᒋᓗᑎᒃ ᑎᒻᒥᓲᑦ ᑖᒃᑯᐊ ᐋᔩᖃᑎᒌᓐᓂᑎᓐᓄᑦ ᐃᓚᓕᐅᖅᑕᐅᓲᖑᕗᑦ. ᐅᖃᖅᑏ, ᐄ, ᐋᓐᓂᐊᖅᑐᓕᕆᔨᒃᑯᑦ ᓈᓚᐃᓐᓇᖅᐸᑉᐳᑦ ᒪᓕᒐᓕᐅᕐᕕᒻᒥᑑᙱᑦᑐᖅ ᑭᓯᐊᓂ ᐃᓄᓐᓂᑦ ᑕᖅᑳᙵᑦ, ᐃᓱᒫᓘᑎᒋᔭᑦᑎᓐᓂᓪᓗ, ᐃᓱᒫᓘᑎᒋᔭᐅᔪᓂᑦ ᑐᓴᖅᓱᑕ ᐊᑐᓕᖅᑎᒐᓱᑉᐸᑦᑕᕗᑦ ᐋᔩᕈᑎᓄᑦ ᐃᓚᓕᐅᑎᒐᓱᑦᑐᒋᑦ. ᖁᔭᓐᓇᒦᒃ, ᐅᖃᖅᑏ. ᐅᖃᖅᑎ: ᖁᔭᓐᓇᒦᒃ. ᑐᒡᓕᐊ ᐊᒻᒪᓗ ᑭᖑᓪᓕᖅᐹᖅ ᐊᐱᖅᑯᑏᑦ, ᒥᔅᑕ ᐲᑕᓴᓐ. ᐲᑕᓴᓐ (ᑐᓵᔨᑎᒍᑦ): ᖁᔭᓐᓇᒦᒃ, ᐅᖃᖅᑏ. ᖁᔭᓐᓇᒦᒃᑲᓐᓂᖅᐸᕋ ᒥᓂᔅᑕ ᑭᐅᓂᖓᓄᑦ. ᐅᖃᖅᑲᐅᒐᒪ ᒪᓕᒐᓕᐅᖅᑎᑉ ᐅᖃᐅᓯᖏᓐᓂᒃ, ᑐᓴᕈᓘᔭᖅᐸᓕᕋᑦᑕ ᐃᓱᒫᓘᑎᓂᑦ ᐅᐸᔅᓵᓕᕙᙱᓐᓂᖏᑦ ᑐᐊᕕᕐᓇᖅᑐᒃᑯᑦ ᑎᒻᒥᓲᑦ. ᒥᓂᔅᑕ ᐅᖃᕈᓐᓇᖅᐹ ᖃᓄᖅ ᑐᖔᒍᑦ ᒪᓕᒍᓐᓇᖅᑕᖏᓐᓂᒃ ᓄᑖᕐᒧᑦ ᐃᓚᓯᒪᕚᑦ ᑳᓐᑐᕌᑦᒧᑦ? ᖁᔭᓐᓇᒦᒃ, ᐅᖃᖅᑏ. ᐅᖃᖅᑎ: ᒥᓂᔅᑕ ᐳᕉᔅᑐ. ᐊᖓᔪᖅᑳᖅ ᔮᓇᑦ ᐳᕉᔅᑐ (ᑐᓵᔨᑎᒍᑦ): ᖁᔭᓐᓇᒦᒃ, ᐅᖃᖅᑏ. ᓱᓕ ᖁᕕᐊᓱᐃᓐᓇᖅᐸᒃᑲᓗᐊᖅᐳᒍᑦ ᐃᓱᒻᒥᒍᑎᑦᓴᒥᑦ ᑐᓂᔭᐅᔭᕌᖓᑦᑕ ᐋᖅᑭᒋᐊᕈᑎᑦᓴᒧᑦ. ᑖᒃᑯᐊ ᐊᑦᑎᓛᒍᑦ ᐊᑐᖅᑕᐅᔪᓐᓇᖅᑐᓂᑦ ᐊᑐᐃᓐᓇᐅᒋᐊᖃᖅᑎᒋᓂᖏᑕ ᑎᒻᒥᓲᑦ ᑭᙳᓕᕋᐃᒐᑦᑎᒍ ᕿᓚᒥᐅᔾᔫᒥᔪᒃᑯᑦ ᓱᒋᐊᖅᐹᓪᓕᓵᖃᑦᑕᖁᓲᕆᔭᕗᑦ ᐊᔪᕐᓇᙱᑦᑕᕌᖓᑦ. ᑖᒃᑯᐊᓗ ᑭᓱᑦ ᐱᔾᔪᑕᐅᒍᓐᓇᕐᒥᒻᒪᑕ ᑭᖑᕙᕈᑕᐅᔪᑦ, ᓲᕐᓗ ᖃᖓᑕᓲᖅᑎᑦ ᕿᑲᕆᐊᖃᕈᑎᒃ, ᓯᓚᓘᓐᓃᑦ, ᓇᓕᐊᓪᓘᓐᓃᑦ ᓯᕗᓪᓕᐅᔾᔭᐅᔪᓂᒃ ᐅᖃᓗᑦᑐᖃᕌᖓᑦ ᑐᐊᕕᕐᓇᖅᑐᒥᒃ ᐊᓯᐊᓂᒃ ᐃᒻᒪᖄ ᑐᐊᕕᕐᓇᖅᑐᒧᑦ ᓯᕗᓪᓕᐅᔾᔭᐅᓂᖅᓴᐅᔭᕆᐊᖃᓕᖅᑐᒥᒃ ᑭᖑᕙᕈᑕᐅᓲᖑᒻᒥᒻᒪᑦ. ᐅᓇ ᐱᓗᐊᖅᑐᒥᓪᓗᖃᐃ, ᑎᒻᒥᓲᑦ ᐊᑐᐃᓐᓇᐅᖁᓲᕆᔭᕗᑦ ᖃᖓᑕᓲᖅᑏᓪᓗ ᐊᒻᒪᓗ ᐊᑐᖅᑕᐃᓕᒪᖃᑦᑕᕈᒪᓛᕋᓗᐊᖅᐳᒍᑦ ᖃᓄᑐᐃᓐᓇᑦᓯᐊᖅ ᑭᖑᕙᕆᐊᖅᑎᑦᓯᔪᖃᖅᐸᑦ ᑐᐊᕕᕐᓇᖅᑐᒃᑯᑦ ᐊᐅᓪᓚᐅᔾᔭᐅᔅᓵᓕᖃᑦᑕᖁᓪᓗᑎᒍᑦ ᑕᒪᒃᑯᐊ ᐋᓐᓂᐊᔪᑦ, ᐋᓐᓂᖅᑐᑦ. ᖁᔭᓐᓇᒦᒃ, ᐅᖃᖅᑏ. ᐅᖃᖅᑎ: ᖁᔭᓐᓇᒦᒃ. ᐅᖃᐅᓯᒃᑯᑦ ᐊᐱᖅᑯᑏᑦ, ᐊᒥᑦᑐᕐᒧᑦ ᒪᓕᒐᓕᐅᖅᑎ, ᖃᒪᓂᖅ. ᐊᐱᖅᑯᑦ 106 - 7(2): ᐱᓕᕆᐊᖏᓄᑦ ᓄᓇᕘᑉ ᐃᒡᓗᓕᕆᔨᕐᔪᐊᖏᑕ (ᖃᒪᓂᖅ)

ᐊᐃᑉᐹ, ᔫᓂ 09, 2026 ᓄᓇᕗᒥ ᒪᓕᒐᓕᐅᕐᕕᒻᒧᑦ ᑲᑎᒪᔾᔪᑏᑦ 14 ᖃᒪᓂᖅ: ᐄ, ᖁᔭᓐᓇᒦᒃ, ᐅᖃᖅᑏ. ᐅᓪᓗᒥᓕ ᐊᐱᕆᓂᐊᖅᑕᕋ ᑖᓐᓇ ᐃᒡᓗᓕᕆᔨᒃᑯᓐᓄᑦ ᒥᓂᔅᑕ. ᑖᓐᓇ ᒥᓂᔅᑕ ᖃᐅᔨᒪᖕᒪᑦ, ᓴᓂᕋᔭᖕᒥᐅᑦᑕᐅᖅ ᐃᒡᓗᑭᒃᓴᓗᐊᖃᑕᐅᓪᓚᑦᑖᕐᒪᑕ. ᓴᖅᑭᑕᐅᓯᒪᔪᑦ ᐅᑯᐊ ᓄᓇᕘᒥ, ᐃᒡᓗᓕᕆᔨᕐᔪᐊᒃᑯᑦ ᔪᓚᐃ 2025, ᓇᓗᓇᐃᖅᓯᒪᖕᒪᑕ ᑖᒃᑯᐊ ᐃᒡᓗᒃᓴᐃᑦ ᓴᓇᔭᐅᔪᒃᓴᐅᑕᒻᒪᕆᑦ 8-ᖑᓚᐅᖅᑐᑦ ᓴᓂᕋᔭᖕᒧᑦ ᑎᑭᓚᐅᖅᓯᒪᔪᑦ. ᐊᒻᒪ ᐱᒋᐊᖅᑐᒃᓴᐅᑕᒫᖑᓪᓗᑎᒃ ᐱᐊᓂᒡᓗᑎᒡᓗ 2026 ᓄᕐᖑᐊᓂ. ᐅᖃᕈᓐᓇᖅᐸ ᒥᓂᔅᑕ, ᐅᓪᓗᒥᒨᐅᖓᓕᖅᑎᑦᑎᒋᐊᕐᓗᓂ ᖃᓄᐃᓕᖓᓕᕐᒪᖔᑦ ᑖᒃᑯᐊ ᐃᒡᓗᒃᓴᐃᑦ? ᖁᔭᓐᓇᒦᒃ, ᐅᖃᖅᑏ. ᐅᖃᖅᑎ: ᖁᔭᓐᓇᒦᒃ. ᓄᓇᕗᒻᒥ ᐃᓪᓗᓕᕆᔨᕐᔪᐊᒃᑯᑦ ᒥᓂᔅᑕᖓᑦ, ᓚᐃᔪᓪ. ᐊᖓᔪᖅᑳᖅ ᓯᓯᐅᓪ ᓚᐃᔪᓪ (ᑐᓵᔨᑎᒍᑦ): ᖁᔭᓐᓇᒦᒃ, ᐅᖃᖅᑏ. ᖁᔭᓐᓇᒦᑦᑕᐅᖅ ᒪᓕᒐᓕᐅᖅᑎ ᐊᐱᕆᒻᒪᑦ. ᓴᓂᕋᔭᒻᒥ ᒪᓕᒐᓕᐅᖅᑎ ᐅᖃᕋᑖᕐᖓᑦ, 8-ᓂᑦ ᑲᑎᙵᔪᓂᑦ ᐃᓪᓗᓕᐅᖅᑐᖃᕋᔭᖅᑐᖅ. ᑖᒃᑯᐊ ᐃᓪᓗᔅᓴᐃᑦ ᐊᓯᐊᓄᖔᖅ ᑳᓐᑐᕌᒃᑕᐅᓯᒪᒻᒪᑦ ᓄᓇᓕᖓᓃᑦᑐᒧᑦᑕᐅᖅ, ᐊᒻᒪ ᓴᐅᓂᖏᑦ ᓇᑉᐸᖅᑎᖅᑕᐅᕙᓪᓕᐊᓯᒪᓕᖅᑐᒥᓃᒡᒎᖅ ᐅᑭᐅᖅ ᐅᑭᐅᕈᔾᔭᐅᓂᕐᖓᑕ ᐅᑭᐅᕐᓂᐊᓕᖅᑎᓪᓗᒍ. ᐃᓚᖏᑦ ᐱᔭᕇᕈᔪᔅᓯᒪᑦᑕᓕᖅᑯᑦ ᐊᒻᒪ ᐱᔭᕇᕐᕕᔅᓴᖓ ᓄᑖᖅ ᐊᑦᑑᕝᕙ ᑕᕝᕙᓂ ᐊᕐᕌᒍᑦᑎᓐᓂ ᐊᒻᒪᓗ ᐱᒋᐊᕈᓐᓇᓕᕋᔭᖅᑐᒍᑦ ᐱᔭᕇᖅᑕᐅᑦᑎᐊᖅᓯᒪᒻᒪᖔᑕ ᖃᐅᔨᓴᕐᓗᒋᑦ, ᑕᕝᕙᓂᑦᑕᐅᖅ ᐊᕐᕌᒍᑦᑐᓐᓂ ᐱᔭᕇᖅᑕᐅᒍᓐᓇᕐᓂᐊᖅᑑᔮᖅᑐᖅ. ᖁᔭᓐᓇᒦᒃ, ᐅᖃᖅᑏ. ᐅᖃᖅᑎ: ᓯᕗᓪᓕᖅᐹᕐᒥ ᐊᐱᖅᑯᑎᕕᑦ ᐃᓚᒋᐊᕈᑖ, ᒥᔅᑕ ᖃᒪᓂᖅ. ᖃᒪᓂᖅ: ᐄ, ᖁᔭᓐᓇᒦᒃ, ᐅᖃᖅᑏ. ᐄ, ᖁᔭᓐᓇᒦᒡᓗ ᑭᐅᒐᕕᑦ. ᓱᖅᑯᐃᓇᖅᓯᒋᐊᒃᑲᓐᓂᕈᓐᓇᕆᕕᐅᒃ ᖃᓄᐃᒻᒪᑦ ᐃᒡᓗᓕᕆᔨᕐᔪᐊᒃᑯᑦ ᓴᓇᓂᕐᒧᑦ ᐸᕐᓇᐅᑎᖏᑦ 2026-2027 ᐊᕐᕌᒍᖓ ᑮᓇᐅᔭᐃᑦ ᐃᓚᐅᙱᓚᖅ ᐃᒡᓗᑖᒃᑲᓐᓂᕋᓱᒋᐊᓕᒑᓂᕐᒧᑦ 26-27 ᐊᕐᕌᒍᖓᓄᑦ ᓴᓂᕋᔭᖕᒥ? ᖁᔭᓐᓇᒦᒃ, ᐅᖃᖅᑏ. ᐅᖃᖅᑎ: ᒥᓂᔅᑕ ᓚᐃᔪᓪ. ᐊᖓᔪᖅᑳᖅ ᓯᓯᐅᓪ ᓚᐃᔪᓪ (ᑐᓵᔨᑎᒍᑦ): ᖁᔭᓐᓇᒦᒃ, ᐅᖃᖅᑏ. ᖁᔭᓐᓇᒦᑦᑕᐅᖅ ᑲᑎᒪᔨ ᐊᐱᕆᒻᒪᑦ. ᐱᓕᕆᔪᒍᑦ ᐱᒍᓐᓇᖅᑕᓕᒫᑦᑎᒍᑦ ᐃᖅᑲᓇᐃᔭᖅᑎᑭᖅᓱᖅᑐᑕᑦᑕᐅᖅ, ᖃᐅᔨᒪᔪᒍᑦ ᐃᓕᓴᖅᓯᔪᒍᑦ ᐊᒥᓱᒃᑲᓐᓂᕐᓂ ᐃᓪᓗᓕᐅᕆᐊᖃᕋᑦᑕ ᓄᓇᓕᓕᒫᑦᑎᐊᕐᓂ. ᓄᓇᓕᓕᒫᑦᑎᐊᖏᑦ ᓄᓇᕗᒻᒥ ᐃᓪᓗᑖᒃᑲᓐᓂᕆᐊᖃᕐᖓᑕ ᐃᓪᓗᓕᕆᔨᒃᑯᑎᒎᖅᑐᓪᓗ ᐃᓪᓗᑖᒃᑲᓐᓂᕆᐊᖃᕐᓂᖏᑦ ᐊᔅᓱᐊᓘᒻᒪᑕ. ᑖᒃᑯᐊ ᑮᓇᐅᔭᕗᑦ ᐊᑐᕈᒫᕐᓂᐊᖅᑕᕗᑦ ᐊᑭᑐᔪᖅᑐᕈᑎᔅᓴᐃᑦ ᐊᖏᔪᔭᕗᑦ ᐊᓯᐊᓂ ᐃᔅᓯᕙᓂᖃᖅᑎᓪᓗᑕ, ᑕᐃᑲᓂ ᓴᓂᕋᔭᒻᒧᑦ ᑐᕌᖅᑐᖃᒃᑲᓐᓂᖅᑑᔮᔪᙱᒻᒪᑦ ᐅᒥᐊᕐᔪᐊᖃᕐᓇᐅᓂᐊᖅᑐᒧᑦ ᒫᓐᓇ. ᐊᕐᕌᒍᑦᑎᓐᓂᖃᐃ ᓯᕗᓂᑦᑎᓐᓂᒃᑲᓐᓂᖅ ᐊᕐᕌᒍᓂ ᑮᓇᐅᔭᓂᑦ ᑲᑐᔾᔨᖃᑎᔅᓴᖃᕈᓐᓇᕈᑦᑕ ᓄᑖᕐᓂᒃ ᐃᓪᓗᓕᐅᕋᔅᓴᓂᑦ ᑐᓂᔭᐅᒃᑲᓐᓂᕈᓐᓇᕋᔭᖅᑑᒐᓗᐊᖅ ᓯᕗᓂᑦᑎᓐᓂ ᓴᓂᕋᔭᒃ. ᖁᔭᓐᓇᒦᒃ, ᐅᖃᖅᑏ. ᐅᖃᖅᑎ: ᑐᒡᓕᐊ ᐊᒻᒪᓗ ᑭᖑᓪᓕᖅᐹᖅ ᐊᐱᖅᑯᑎᕕᑦ ᐃᓚᒋᐊᕈᑖ, ᒪᓕᒐᓕᐅᖅᑎ ᖃᒪᓂᖅ. ᖃᒪᓂᖅ: ᖁᔭᓐᓇᒦᒃ, ᐅᖃᖅᑏ. ᒥᓂᔅᑕ, ᓱᖅᑯᐃᓇᖅᓯᒋᐊᑦᑎᐊᒃᑲᓐᓂᕈᓐᓇᖅᐱᐅᒃ ᐃᒡᓗᓕᕆᔨᕐᔪᐊᒃᑯᑦ ᖃᖓᓪᓚᕆᒃ ᐃᒡᓗᑖᒃᑲᓐᓂᕋᔭᕐᒪᖔᑦ ᓄᓇᓕᕗᑦ? ᖁᔭᓐᓇᒦᒃ, ᐅᖃᖅᑏ. ᐅᖃᖅᑎ: ᓄᓇᕗᒻᒥ ᐃᓪᓗᓕᕆᔨᕐᔪᐊᒃᑯᑦ ᒥᓂᔅᑕᖓᑦ, ᓚᐃᔪᓪ.

ᐊᐃᑉᐹ, ᔫᓂ 09, 2026 ᓄᓇᕗᒥ ᒪᓕᒐᓕᐅᕐᕕᒻᒧᑦ ᑲᑎᒪᔾᔪᑏᑦ 15 ᐊᖓᔪᖅᑳᖅ ᓯᓯᐅᓪ ᓚᐃᔪᓪ (ᑐᓵᔨᑎᒍᑦ): ᖁᔭᓐᓇᒦᒃ, ᐅᖃᖅᑏ. ᖁᔭᓐᓇᒦᑦᑕᐅᖅ ᑲᑎᒪᔨ ᐊᐱᕆᒻᒪᑦ ᑕᐃᒫᒃ. ᒫᓐᓇ ᐅᕙᒍᑦ ᐸᕐᓇᐅᑎᖏᓐᓂᑦ ᓂᕆᐅᑦᑐᒍᑦ ᓄᑖᕐᓂᒃ ᐃᓪᓗᓕᐅᖅᑎᑦᑎᒍᓐᓇᓛᕐᓗᑕ ᓄᑖᕐᒥᒃ ᑭᖑᓪᓕᕐᒥ ᐊᑭᑐᔪᖅᑐᕈᑎᔅᓴᓕᐅᓕᕐᒥᒍᑦᑕ 27-28 ᐊᕐᕌᒍᖓᓄᑦ. ᐄ, ᑖᒃᑯᐊ ᒪᓕᑐᐃᓐᓇᕋᔭᕐᒥᔪᐃᑦ ᓄᓇᓖᑦ ᐊᑎᐅᓐᓇᕈᖅᓴᐃᓯᒪᑉᐸᑦ ᐃᓪᓗᖃᕐᕕᔅᓴᓂᑦ. ᐊᒻᒪᓗᑦᑕᐅᖅ ᑳᓐᑐᕌᒃᑦᓂᑦ ᐃᓪᓗᓕᐅᕈᒪᔪᓂ ᑳᓐᑐᕌᒃᓯᐊᕈᓐᓇᕈᑦᑕ ᐊᖏᓂᖅᓴᐅᖏᑦᑐᓂ ᑮᓇᐅᔭᑦᑕ ᐊᑐᐃᓐᓇᕆᔭᖏᓐᓂᑦ ᐱᒍᓐᓇᕋᔭᖅᑐᒍᑦ. ᖁᔭᓐᓇᒦᒃ, ᐅᖃᖅᑏ. ᐅᖃᖅᑎ: ᖁᔭᓐᓇᒦᒃ. ᐅᖃᐅᓯᒃᑯᑦ ᐊᐱᖅᑯᑏᑦ, ᐸᓐᓂᖅᑑᕐᒧᑦ ᒪᓕᒐᓕᐅᖅᑎ, ᒪᐃᒃ. ᐊᐱᖅᑯᑦ 107 - 7(2): ᐃᖃᓗᒐᓱᒃᑎᓐ ᐊᒡᒍᖅᓯᒪᓂᐊᓄᑦ (ᒪᐃᒃ) ᒪᐃᒃ: ᖁᔭᓐᓇᒦᒃ, ᐅᖃᖅᑏ. ᐅᓪᓗᒃᑰᖅᐸᒃᑲ ᓄᓇᕗᒻᒥᐅᑦ, ᐸᓐᓂᖅᑑᕐᒥᐅᑦ. ᐊᒻᒪ ᓯᕗᓪᓕᕐᒥ ᐅᖃᕆᐊᕐᓚᖓ ᐊᐱᕆᒋᐊᓚᐅᙱᓂᓐᓂᒃ, ᒪᓕᒐᓕᐅᖅᑎᐅᖃᑎᕗᑦ ᑐᙵᓱᑦᑎᐊᕆᑦ, ᖁᕕᐊᓱᑉᐳᒍᑦ ᐅᑎᕋᕕᑦ ᑕᕝᕗᖓ ᐃᓪᓗᒧᑦ. ᐅᖃᖅᑎᑦᑎᔩ, ᐊᐱᖅᑯᑎᔅᓴᖃᖅᑐᖓᓪᓕᐊᓯᑦ ᐃᖃᓗᓕᕆᓂᕐᒧᑦ ᑲᒪᔨᐅᔪᒧᑦ ᑕᕝᕙᓂ ᓄᓇᓕᓐᓂ ᐱᔨᑦᑎᕋᖅᑎᒃᑯᑦ ᐱᔭᔅᓴᖃᖅᑐᖅ ᐃᖃᓗᓕᕆᓂᕐᒥᒃ. ᓇᒥᑐᐃᓐᓇᖅ ᑕᐃᒪᐃ ᐃᖃᓗᒐᓱᒻᒪᑕ, ᐊᒧᓯᕙᑦᑐᑎᓪᓗ (ᑐᓵᔨᑎᒎᓕᖅᑐᖅ) ᐃᖃᓗᒐᓱᑉᐳᖓ ᓱᓕ ᑭᐅᔾᔪᑎᓂᑦ. ᐊᐱᖅᑯᑎᔅᓴᖃᖅᑯᖓ ᒥᓂᔅᑕᒧᑦ, ᑕᐃᒪ ᖃᐅᔨᒪᒻᒪᑦ ᐱᓕᕆᕝᕕᒋᔭᖓ ᐸᕐᓇᐅᑎᖏᑦᑎᒍᑦ ᐃᖃᓗᓕᕆᓂᕐᒧᑦ ᐱᓗᐊᖅᑐᒥᒃ ᐃᑭᕐᒨᓕᖓᔪᓄᑦ. ᑖᓐᓇ ᐃᓪᓘᑉ ᐃᓗᐊᓄᑦ ᓴᖅᑭᑕᐅᓚᐅᖅᓯᒪᒻᒪᑦ ᓅᕖᕝᕙ 3-ᖑᑎᓪᓗᒍ, 2023. (ᔅᑦᕋᑦeᒋc ᑉᓚᓐᔅ foᕐ fᐃᔅHeᕆeᔅ) ᑕᕝᕙᓂ ᓯᕗᓪᓕᖅᐸᐅᑎᒍᒪᔭᖏᓐᓂᑦ, ᐱᓕᕆᐊᔅᓴᕆᔪᒪᔭᖏᓐᓂᑦ ᓇᓗᓇᐃᖅᓯᓯᒪᒻᒪᑦ, ᑖᓐᓇ ᐱᔭᕆᐊᖃᒻᒪᕆᑦᑐᓂ (ᑐᓵᔨᑎᒎᓕᖅᑐᖅ) ᐊᔭᐅᕆᓗᖓ ᐊᔭᐅᕆᓗᑎᒃ ᑲᔪᓰᓐᓇᖅᑐᒥᒃ ᖃᐅᔨᓴᐃᓐᓇᕈᓐᓇᖁᓪᓗᒋᑦ ᐃᑭᕐᒥ ᐃᖃᓗᖏᓐᓂᑦ ᐱᒐᓱᐊᕋᔅᓴᐅᔪᓂᓪᓗ ᐊᖏᓪᓕᒋᐊᖅᑕᐅᓗᑎᓪᓗ ᒐᕙᒪᑐᖃᒃᑯᑦ ᐅᑭᐅᖅᑕᖅᑐᒧᑦ ᑐᓂᔭᐅᖔᕐᓗᑎᑦ. (ᑐᓵᔨᑎᒎᕈᓐᓃᖅᑐᖅ) ᑕᐃᔅᓱᒪᓂ ᖃᖓᑭᐊᕐᖏᓐᓇ 2023-ᖑᑎᓪᓗᒍᖃᐃ, ob-ᒥᓗ, oᐊ-ᒥᓗ ᖃᓕᕋᓕᓐᓄᑦ ᐅᖁᒪᐃᓐᓂᖅ ᐃᓚᙵᖅᑕᐅᓚᐅᖅᓯᒪᒻᒪᑦ ᖃᐅᔨᓴᖅᑕᐅᖃᑦᑕᖏᓐᓂᖓᓄᑦ. (ᑐᓵᔨᑎᒎᓕᖅᑐᖅ) ᐅᖃᖅᑏ, ᖃᐅᔨᒪᒐᒪ ᐊᑐᖅᓯᒪᔭᓐᓂ ᐱᓕᕆᓂᐅᔪᖅ ᑕᒪᓐᓇ ᐱᓕᕆᐊᖑᑉᐸᑦ ᐱᒻᒪᕆᐊᓘᒻᒪᑦ ᓄᓇᕗᒻᒥᐅᑦ ᐅᑉᐱᓇᖅᑐᒥᒃ ᐱᑎᑕᐅᑦᑎᐊᖃᑦᑕᕐᓂᖅᓴᐅᒍᒪᓪᓗᑎᑦ ᑰᑕᓂᑦ. ᒥᓂᔅᑕ ᓇᓗᓇᐃᖅᓯᒍᓐᓇᖅᑳ, ᖃᓄᖅ ᐱᓕᕆᕕᖓ ᐱᓕᕆᓯᒪᒻᒪᖔᖅ ᐊᑐᓕᖅᑎᑦᑎᒐᓱᐊᕐᓗᓂ ᑖᔅᓱᒥᖓ ᓯᕗᓪᓕᐅᖁᔭᐅᓯᒪᔪᒥᒃ? ᖁᔭᓐᓇᒦᒃ, ᐅᖃᖅᑏ. ᐅᖃᖅᑎ: ᓄᓇᓕᓂᑦ ᐱᔨᑦᓯᖅᑎᒃᑯᑦ ᒥᓂᔅᑕᖓᑦ, ᓯᒪᐃᓚᒃ. ᐊᖓᔪᖅᑳᖅ ᑯᕋᐃᒡ ᓯᒪᐃᓚᒃ (ᑐᓵᔨᑎᒍᑦ): ᖁᔭᓐᓇᒦᒃ, ᐅᖃᖅᑏ. ᖁᔭᓐᓇᒦᑦᑕᐅᖅ ᒪᓕᒐᓕᐅᖅᑎ ᐊᐱᕆᒻᒪᑦ. ᐄ, ᐃᖃᓗᒐᓱᒻᒪᑦ, ᐄ, ᐃᖃᓗᓐᓂᐊᖅᑐᔅᓴᐅᒐᓗᐊᖅᑯᖅ ᐅᕙᖓ ᑭᐅᔾᔪᑎᖓᓂᒃ. ᐅᖃᖅᑏ, ᑭᐅᔾᔪᑎᔅᓴᖅᓯᐅᕋᑖᕐᖓᑦ. ᖃᓄᐃᓕᐅᕐᒪᖔᑦᑕ ᐊᐱᕆᕋᑖᕐᖓᑦ ᐃᓂᐅᑦ ᑲᑐᔾᔨᖃᑎᒌᖏᓐᓂᒃ ᐱᓕᕆᖃᑎᖃᖅᐸᑦᑐᒍᑦ ᖃᐅᔨᒐᓱᑦᑐᑕ ᖃᓄᖅ ᖃᐅᔨᓴᖅᑕᐅᑎᑦᑎᒍᓐᓇᕋᔭᕐᒪᖔᑦᑕ ᐊᒻᒪᓗ ᖃᑦᓯᓂᑦ ᐃᖃᓗᓐᓂ ᐱᒐᓱᐊᕋᔅᓴᓂᑦ ᑮᓇᐅᔭᓕᐅᕈᑎᒋᓗᒋᑦ ᐱᒍᓐᓇᕋᔭᕐᒪᖔᑦᑕ. ᑰᑕᓂᑦ ᐊᐅᓪᓛᖅᑕᐅᖁᔨᒻᒥᔪᒍᑦᑕᐅᖅ ᐅᖁᒪᐃᓐᓂᕐᓂᑦ ᓄᓇᕗᒻᒧᑦ.

ᐊᐃᑉᐹ, ᔫᓂ 09, 2026 ᓄᓇᕗᒥ ᒪᓕᒐᓕᐅᕐᕕᒻᒧᑦ ᑲᑎᒪᔾᔪᑏᑦ 16 ᐊᓪᓛᑦ ᐊᖏᔪᖅᑳᖓᓂᒃ ᕿᑭᖅᑕᓂ ᐃᓄᐃᑦ ᑲᑐᔾᔨᖃᑎᒌᖓᓄᑦ ᐅᖃᖃᑎᖃᖅᑲᐅᔪᖓ ᑲᑎᒪᖃᑎᒋᔪᒪᓂᕋᖅᑐᒍᒃ ᐱᔾᔪᑎᖃᕐᓗᓂ ᑮᓇᐅᔭᓕᐅᕋᓱᓪᓗᓂ ᐃᖃᓗᒐᓱᓐᓂᕐᒥᒃ. ᑲᑐᔾᔨᖃᑎᒌᑦᑎᐊᕈᓐᓇᓛᕋᓐᓄᒃ ᐊᔭᐅᕆᔾᔪᔾᔨᓗᑕ ᐅᖁᒪᐃᓐᓂᕐᓂᑦ ᐊᖏᓂᖅᓴᓂᑦ ᓄᓇᕗᒻᒨᖅᑎᑦᑎᒐᓱᐊᕐᓗᑕ. ᖁᔭᓐᓇᒦᒃ, ᐅᖃᖅᑏ. ᐅᖃᖅᑎ: ᓯᕗᓪᓕᖅᐹᕐᒥ ᐊᐱᖅᑯᑎᒋᔭᕕᑦ ᐃᓚᒋᐊᕈᑖ, ᒥᔅᑕ ᒪᐃᒃ. ᒪᐃᒃ: ᓯᕗᓪᓕᕐᒥᖃᐃ ᖁᔭᓐᓇᒦᕐᓗᒍ, ᒥᓂᔅᑕ. ᐅᑯᐊ ᐅᖃᐅᓯᕆᔨᐊᒃᑲ 2023-2028 (ᑐᓵᔨᑎᒎᓕᖅᑐᖅ) ᑐᑭᒧᐊᒍᑎᔅᓴᓂ ᐸᕐᓇᐅᑎᖏᓐᓂᑦ ᒪᑉᐱᖅᑐᒐᖓᓂ 12-ᖓᓂ, ᐃᑭᕐᒥ ᐃᖃᓗᒐᓱᓐᓂᕐᒥᒃ ᐱᔾᔪᑎᓕᒃ. ᑖᔅᓱᒪ ᐱᓕᕆᕕᐅᑉ ᓯᕗᓪᓕᐅᖁᓯᒪᔭᖏᑦ ᐊᔭᐅᕆᖃᑕᐅᓗᑎᒃ ᐊᔾᔨᒌᔾᔫᒥᔪᓂᑦ ᑐᓂᓯᖃᑦᑕᖁᓪᓗᒋᑦ ᐃᑭᕐᒥ ᐅᖁᒪᐃᓐᓂᐅᔪᓂᑦ ᐱᒐᓱᐊᕋᔅᓴᓂᑦ. ᐊᒻᒪᓗᑦᑕᐅᖅ ᒐᕙᒪᑐᖃᒃᑯᑦ ᐱᓕᕆᔾᔪᑎᖏᑦ ᐊᖏᓪᓕᒋᐊᖅᑕᐅᓗᑎᒃ ᐅᑭᐅᖅᑕᖅᑐᒧᑦ ᑐᕌᖓᔪᐃᑦ. ᐊᐅᓚᔾᔭᐃᒋᐊᕈᑎᖓᑕ ᐸᕐᓇᐅᑎᖓᑕ ᒥᓂᔅᑕᐅᑉ ᐱᓕᕆᕕᖓᑕ, ᕿᒥᕐᕈᔭᐅᑎᑦᑎᓗᑎᒃ ᒐᕙᒪᑐᖃᒃᑯᓐᓂᑦ ᑮᓇᐅᔭᖅᑖᔅᓴᐅᕙᑦᑐᓂᑦ ᐊᒻᒪᑦᑕᐅᖅ ᑐᕌᖓᔪᓂᑦ ᖃᐅᔨᓴᕈᑎᔅᓴᐅᔪᓂᑦ ᓄᓇᕘᑉ ᐃᑭᖓᓂ. ᖃᓪᓗᓈᓂᑦᑕᐅᖅ ᐱᔭᐅᒍᓐᓇᖅᐸᑦᑐᐃᑦ ᐱᒍᒪᓪᓗᑎᒍᑦ. (ᑐᓵᔨᑎᒎᕈᓐᓃᖅᑐᖅ) ᐅᖃᖅᑎᑦᑎᔩ, ᑖᓐᓇ ᑭᐅᖅᑰᕋᑖᙱᒻᒪᒍᒃ ᐊᐱᖅᑯᑎᒋᒃᑲᓐᓂᖅᑕᕋ. ᖁᔭᓐᓇᒦᒃ, ᐅᖃᖅᑎᑦᑎᔩ. ᐅᖃᖅᑎ: ᓄᓇᓕᓐᓂ ᐱᔨᑦᓯᖅᑎᒃᑯᑦ ᒥᓂᔅᑕᖓᑦ, ᓯᒪᐃᓚᒃ. ᐊᖓᔪᖅᑳᖅ ᑯᕋᐃᒡ ᓯᒪᐃᓚᒃ (ᑐᓵᔨᑎᒍᑦ): ᖁᔭᓐᓇᒦᒃ, ᐅᖃᖅᑏ. ᑖᓐᓇ ᒐᕙᒪᑐᖃᒃᑯᑦ ᒥᓂᔅᑕᖓᓐᓄᑦ ᐅᖃᐅᓯᕇᓐᓇᖃᑦᑕᕐᓂᐊᖅᑕᕗᑦ ᐃᖃᓗᒐᓱᓐᓂᕐᒧᑦ ᑐᑭᒧᐊᒍᑎᔅᓴᐅᑉ ᐃᓚᒋᔭᐅᓗᓂ. ᐱᕙᓪᓕᐊᑎᑕᐅᓂᖓᑕ ᐃᓚᒋᓗᓂᐅᒃ ᐊᕐᕌᒍᓕᒫᒥ ᖃᐅᔨᒋᐊᕆᐊᖃᓚᐅᕐᖓᑕ ᐆᒪᔪᓕᕆᔩᑦ ᑲᑎᒪᔨᖏᓐᓂᑦ, ᐃᓄᐃᑦ ᑲᑐᔾᔨᖃᑎᒌᖏᓐᓂᓪᓗ, ᒐᕙᒪᓂᓪᓗ ᐊᔾᔨᒌᙱᑦᑐᓂ ᖁᑦᑎᓐᓂᓕᓐᓂ. ᑕᐃᒪ 300-ᖑᓗᐊᖅᑐᓂᑦ ᐃᖃᓗᒐᓱᑦᑎᓂᑦᑕᐅᖅ ᑐᓴᔪᒻᒥᔪᒍᑦ, ᕿᓯᓕᕆᔨᐅᔪᓂᓪᓗ, ᓴᓇᙳᐊᖅᑎᓂᓪᓗ, ᑮᓇᐅᔭᓕᐅᕈᑎᔅᓴᐃᑦ ᐅᖃᐅᓯᐅᓪᓗᑎᒃ. ᑕᐃᒪᓕ ᐊᑐᓕᖅᑎᑕᐅᕙᓪᓕᐊᓂᖓᓄᑦ ᐃᓚᒋᔭᐅᒐᔭᖅᑐᖅ ᓈᓴᐅᑎᓕᒃ 23 ᐊᑐᓕᖅᑎᑕᐅᕙᓪᓕᐊᑎᓪᓗᒍ. ᖁᔭᓐᓇᒦᒃ, ᐅᖃᖅᑏ. ᐅᖃᖅᑎ: ᑐᒡᓕᐊ ᐊᒻᒪᓗ ᑭᖑᓪᓕᖅᐹᖅ ᐃᓚᒋᐊᕈᑏᑦ ᐊᐱᕆᓚᐅᕐᒥᒍᒃ, ᒥᔅᑕ ᒪᐃᒃ. ᒪᐃᒃ: ᖁᔭᓐᓇᒦᒃ, ᐅᖃᖅᑎᑦᑎᔩ. ᐃᑭᕐᒨᓕᖓᔪᒥᒃ ᐊᐱᖅᑯᑎᖃᕋᒪ. ᑖᒃᑯᐊ ᐃᖃᓗᐃᑦ ᐅᓄᕐᓂᖏᑦ ᖃᐅᔨᓴᖅᑕᐅᓇᓵᓗᐊᓕᖅᑎᓪᓗᒋᑦ ᐃᓚᙵᖅᑕᐅᓲᖑᒻᒪᑕ ᐅᖁᒪᐃᓐᓂᖅ, ᑐᕌᖓᔪᖅ ᓄᓇᕗᒻᒧᑦ. ᐅᖃᕋᓱᒃᑲᓗᐊᖅᑐᖓᓕ ᖃᐅᔨᓴᖃᑦᑕᕆᐊᖃᕐᖓᑕ ᐃᒪᕐᒥᐅᑕᓕᕆᔨᒃᑯᑦ ᑕᒫᓂ ᐃᑭᕐᒥᐅᑕᓂᑦ ᐅᖁᒪᐃᓐᓂᕐᓂᒃ ᐱᓗᐊᖅᑐᒥᒃ ᖃᓕᕋᓖᑦ ᐅᖁᒪᐃᓐᓂᖏᓐᓂᒃ. ᐅᕝᕙᓗ ᐃᓚᙶᔭᐅᖏᓐᓇᕐᖓᑕ ᓄᖑᑉᐸᓪᓕᐊᓕᙱᒃᑲᓗᐊᕐᒪᖔᑕ, ᐃᒪᕐᒥᐅᑕᓕᕆᔨᒃᑯᑦ ᐱᔭᔅᓴᖃᕋᓗᐊᕐᖓᑕ ᖃᐅᔨᒪᔭᕗᓪᓕ ᐅᕙᒍᑦ ᑕᒪᔅᓱᒥᖓ ᓵᖓᑏᓐᓇᖅᑐᑎᒍᑦ. ᐊᕐᕌᒍᓄᑦ ᑕᓪᓕᒪᓅᖅᑰᖅᑐᖅ ᖃᐅᔨᓴᙱᑐᐊᕐᖓᑕ ᑖᓐᓇ ᑰᑕ ᐅᕙᑦᑎᓐᓄᑦ ᕿᑭᖅᑖᓗᒻᒥᐅᓄᑦ ᑐᓂᔭᐅᕙᑦᑐᖅ ᐃᓚᙵᖅᑕᐅᓲᖑᒻᒪᑦ. ᑭᖑᓪᓕᖅᐹᕐᒥ ᐃᓚᙵᕐᖓᑦ 0A-ᒥ 900 ᑕᓐᔅᒥᑦ ᐃᓚᙵᓚᐅᖅᓯᒪᔪᖅ, ᖃᐅᔨᓴᖅᑕᐅᙱᓗᐊᕐᖓᑦ. ᖃᐅᔨᓴᕈᑎᔅᓴᓂᑦ ᑮᓇᐅᔭᓂᑦ ᓴᖅᑮᓯᒪᔪᖃᙱᓗᐊᕐᖓᑦ. ᑖᓐᓇ ᐊᐱᖅᑯᑎᒋᓇᓱᑦᑕᕋᓗᐊᕋᓕ ᒥᓂᔅᑕᒧᑦ ᖃᐅᔨᓴᕐᓂᕐᒨᓕᖓᔪᖅ. (ᑐᓵᔨᑎᒎᓕᖅᑐᖅ) ᐃᑭᕐᒥ ᐃᖃᓗᒐᓱᒐᔅᓴᐅᔪᓂᑦ. (ᑐᓵᔨᑎᒎᕈᓐᓃᖅᑐᖅ) ᑖᓐᓇ ᖃᐅᔨᓴᖅᑕᐅᖏᒻᒥᑉᐸᑦ, ᑖᒃᑯᐊ ᐱᔭᐅᓯᒪᔫᒐᓗᐊᑦ

ᐊᐃᑉᐹ, ᔫᓂ 09, 2026 ᓄᓇᕗᒥ ᒪᓕᒐᓕᐅᕐᕕᒻᒧᑦ ᑲᑎᒪᔾᔪᑏᑦ 17 ᐃᖃᓗᒐᓱᑦᑎᓄᑦ ᐅᖁᒪᐃᓐᓃᑦ ᐃᓚᙵᖅᑕᐅᓛᕐᒥᒻᒪᑕ. ᐊᐱᕆᓇᓱᑦᑐᖓᓕ ᑲᓇᑕᐅᑉ ᒐᕙᒪᒃᑯᖏᓐᓂᖃᐃ ᐱᓕᕆᖃᑎᖃᖅᑲᑦ ᑖᒃᑯᓂᖓ ᐱᔾᔪᑎᒋᓪᓗᒋᑦ ᐅᖃᐅᓯᕆᔭᑦᑎᓐᓂᑦ ᒫᓐᓇ? ᐅᖃᖅᑏ, ᖁᔭᓐᓇᒦᒃ. ᐅᖃᖅᑎ: ᒥᓂᔅᑕ ᓯᒪᐃᓚᒃ. ᐊᖓᔪᖅᑳᖅ ᑯᕋᐃᒃ ᓯᒪᐃᓚᒃ (ᑐᓵᔨᑎᒍᑦ): ᖁᔭᓐᓇᒦᒃ, ᐅᖃᖅᑏ. ᖁᔭᓐᓇᒦᓪᓗ ᒪᓕᒐᓕᐅᖅᑎ ᐊᐱᕆᒻᒪᑦ. ᐄ’, ᐊᔭᐅᖅᓯᒪᔭᕋᓗᐊᕗᑦ ᒐᕙᒪᑐᖃᒃᑯᑦ ᖃᐅᔨᓴᕈᑎᔅᓴᓂ ᑮᓇᐅᔭᓄᑦ ᑐᔅᓯᕋᖅᑐᑕ. ᐊᖏᓪᓕᒋᐊᕈᓐᓇᕈᒪᒐᑦᑎᒍᑦ ᑰᑕᕗᑦ, ᐅᖁᒪᐃᓐᓂᖁᑎᕗᑦ. ᑕᐃᒫᓪᓗ ᒫᓐᓇᒎᖅ ᖃᐅᔨᓴᖅᑯᑦ, ᐱᓕᕆᕕᒐ ᓱᓕ ᖃᐅᔨᓴᖅᑐᑦ ᑖᒃᑯᐊ ᐊᑐᓕᖅᑎᑕᐅᑉᐸᑕ ᑭᓯᐊᓂ ᒪᓕᒐᓕᐅᕐᕕᒻᒨᖅᑕᐅᒍᒫᕐᖓᑕ. ᐊᕐᕌᒍᖓᓂ ᓯᕗᓪᓕᖅᐹᖓᓃᒻᒪᑕ. ᐃᓛᒃ ᓄᕙᓐᓇᕐᔪᐊᕐᒥ ᐱᔾᔪᑎᖃᔪᒋᓪᓗᓂ, ᐊᒻᒪᑦᑕᐅᖅ ᐃᖅᑲᓇᐃᔭᖅᑎᑭᔅᓱᓗᐊᔪᒋᓪᓗᑕ. ᑮᓇᐅᔭᓂᒃ ᑐᔅᓯᕋᒃᑲᓐᓂᕋᓗᐊᖅᑐᒍᑦ ᑰᑕᓂᑦ ᓄᓇᕗᒻᒨᖅᓯᑲᓐᓂᖁᔨᓪᓗᑕ, ᐊᔭᐅᒃᑲᓐᓂᕐᓂᐊᕐᒥᔭᕗᑦᑕᐅᖅ ᖃᐅᔨᓴᕈᑎᔅᓴᓂᑦ ᐱᒍᒪᓗᑕ. ᐃᖃᓗᓕᕆᓂᕐᒧᑐᐊᖑᙱᒻᒪᑦ, ᓇᑦᑎᓕᕆᓂᖅᑕᐅᖅ ᑖᓐᓇ ᐃᖃᓗᓐᓂ ᓂᕆᔪᕕᔾᔪᐊᕌᓘᖃᑦᑕᖅᑲᑕᓘᓐᓃᑦ ᐊᑦᑐᖅᓯᒍᓐᓇᕋᔭᕐᒥᒻᒪᑕ, ᑕᕝᕘᓇ ᖃᐅᔨᓴᖅᑕᐅᒍᓐᓇᕋᔭᕐᒥᔪᖅᑕᐅᖅ. ᒐᕙᒪᑐᖃᒃᑯᓂᓛᒃ ᐊᔭᐅᖏᓐᓇᖅᑕᕋᓗᐊᕗᑦ. ᖁᔭᓐᓇᒦᒃ, ᐅᖃᖅᑏ. ᐅᖃᖅᑎ: ᐅᖃᐅᓯᒃᑯᑦ ᐊᐱᖅᑯᑏᑦ. ᐅᖅᑯᕐᒥᐅᒧᑦ ᒪᓕᒐᓕᐅᖅᑎ, ᑲᐅᑐᖅ. ᐊᐱᖅᑯᑦ 108 - 7(2): ᐅᑭᐅᖅᑕᖅᑐᒥ ᐱᖁᑎᔾᔪᐊᓄᑦ ᑮᓇᐅᔭᖏᑦ (ᑲᐅᑐᖅ) ᑲᐅᑐᖅ (ᑐᓵᔨᑎᒍᑦ): ᖁᔭᓐᓇᒦᒃ, ᐅᖃᖅᑏ. ᐊᐱᖅᑯᑎᒃᑲ ᑐᕌᖓᙳᓱᑦᑐᐃᑦ ᓯᕗᓕᖅᑎᒧᑦ. ᓯᕗᓕᖅᑎ ᑕᐃᒪ ᖃᐅᔨᒪᒻᒪᑦ, ᕿᑭᖅᑕᕐᔪᐊᕐᒥᐅᑕᐃᑦ ᓂᕆᐅᑦᑎᐊᕐᖓᑕ ᓴᓇᔭᐅᓂᕆᒐᔭᖅᑕᖓᓂᒃ ᓄᓇᓕᖓᑕ ᑐᓚᑦᑕᕐᕕᒃ, ᐄᒐᕐᕕᒃ. ᑖᓐᓇ ᐱᒻᒪᕆᐊᓗᒃ ᐃᑲᔪᖅᓰᓂᐊᕐᖓᑦ ᐱᕙᓪᓕᐊᑎᑕᐅᓂᖓᓂ ᐃᖃᓗᓕᕆᓂᐅᑉ ᐊᒻᒪ ᐃᒫᓂ ᐃᒪᕕᒻᒥᑦ ᑮᓇᐅᔭᓕᐅᕈᑎᖃᖅᐸᑦᑐᓄᑦ. ᓯᕗᓕᖅᑎ ᖃᐅᔨᒪᒻᒪᑦ ᒐᕙᒪᒃᑯᑦ ᑐᓴᖅᑕᐅᑎᑦᑎᔪᒻᒪᑕ ᑖᓐᓇᒎᖅ ᑲᒪᒋᔭᐅᓂᖓ ᑐᓂᔭᐅᓛᕐᖓᑦ ᕿᑭᖅᑕᓂ ᐃᓄᐃᑦ ᑲᑐᔾᔨᖃᑎᒌᖓᓄᑦ ᐊᒻᒪ ᕿᑭᖅᑖᓗᒃ ᑯᐊᐳᕇᓴᓐᑯᓐᓄᑦ. ᑐᑭᓯᐅᒪᔾᔪᑏᑦ ᓴᖅᑭᖅᑕᐅᕋᑖᓚᐅᖅᑐᐃᑦ ᑖᒃᑯᓄᖓ ᓴᖅᑭᖅᓯᒐᓱᐊᖅᑐᓄᑦ, ᐊᑎᓕᒃ ᐅᑭᐅᖅᑕᖅᑐᒥ ᐱᕙᓪᓕᐊᑎᑦᑎᓂᕐᒧᑦ ᑯᐊᐳᕇᓴᑦ ᐅᖃᐅᔪᒻᒪᑕ ᓴᓇᔭᐅᓂᖓᒎᖅ ᓄᑖᖅ ᑐᓚᑦᑕᕐᕕᒃ ᑭᖑᕙᕆᐊᖅᑕᐅᓯᒪᒻᒪᑦ, ᐱᔾᔪᑎᖃᖅᑐᑎᒃ ᓄᑖᕐᓂ ᐅᑭᐅᖅᑕᖅᑐᒥ ᐱᖁᑎᕐᔪᐊᓕᐅᕈᑎᔅᓴᓂᑦ ᑮᓇᐅᔭᓂᑦ ᐱᒃᑲᓐᓂᕆᐊᖃᕐᖓᑕ, ᐱᒋᐊᖃᕐᖓᑕ. ᐅᖃᖅᑏ, ᖃᐅᔨᒪᔪᖓ ᐊᒥᓱᑲᓪᓚᐅᒻᒪᑕ ᑐᔅᓯᕋᖅᑐᐃᑦ ᑖᒃᑯᓂᖓᔅᓴᐃᓐᓇᖅ ᑮᓇᐅᔭᓂᑦ. ᒥᓂᔅᑕ ᓇᓗᓇᐃᕆᒍᓐᓇᖅᑳ ᖃᓄᖅ ᒐᕙᒪᖓᑦ ᓂᕈᐊᓛᕐᒪᖔᖅ, ᓇᓕᐊᒃ ᑐᔅᓯᕋᐅᑎᒃ ᐃᑲᔪᖅᓯᕈᒪᒻᒪᖔᕐᒥᐅᒃ? ᖁᔭᓐᓇᒦᒃ, ᐅᖃᖅᑏ. ᐅᖃᖅᑎ: ᓄᓇᕗᒻᒧᑦ ᓯᕗᓕᖅᑎ, ᒥᔅᑕ ᒪᐃᓐ. ᓯᕗᓕᖅᑎ ᐋᕐᓗᒃ ᒪᐃᓐ: ᒪ’ᓇ, ᐅᖃᖅᑎᑦᓯᔩ. (ᑐᓵᔨᑎᒎᓕᖅᑐᖅ) ᖁᔭᓐᓇᒦᓪᓗ ᑲᑎᒪᔨ ᐊᐱᕆᒻᒪᑦ ᑕᐃᒫᒃ. ᕿᑭᖅᑕᕐᔪᐊ ᐄᒐᕐᕕᖓ, ᑐᓚᑦᑕᕕᔅᓴᖓ, ᐱᓕᕆᐊᖑᓛᖅᑐᖏᓛᖅ ᒪᓕᒐᓕᐅᖅᑎ ᓱᓕᔪᖅ. ᐱᓕᕆᐊᖑᓂᐊᕐᓂᖓ ᑐᓂᔭᐅᓯᒪᒻᒪᑦ ᒐᕙᒪᒋᓚᐅᖅᑕᑎᓐᓄᑦ ᓄᓇᕗᑦ ᒐᕙᒪᖏᑦ ᓇᒻᒥᓂᖃᐅᑎᓕᓐᓄᑦ ᑐᓂᔭᐅᔪᒻᒪᑕ.

ᐊᐃᑉᐹ, ᔫᓂ 09, 2026 ᓄᓇᕗᒥ ᒪᓕᒐᓕᐅᕐᕕᒻᒧᑦ ᑲᑎᒪᔾᔪᑏᑦ 18 ᐅᑭᐅᖅᑕᖅᑐᒥ ᐱᖁᑎᕐᔪᐊᓕᐅᕈᑎᔅᓴᐃᑦ ᑮᓇᐅᔭᑦ, ᑐᔅᓯᕌᕕᔾᔪᐊᓘᒻᒪᑕ ᓇᑭᕈᓘᔭᖅ. ᐅᖃᕈᓐᓇᖅᑐᖓ ᒐᕙᒪᑦᑎᓐᓂ ᐱᒍᒪᓂᖃᕐᒥᔪᒍᑦᑕᐅᖅ ᑮᓇᐅᔭᓂᑦ ᑕᐃᒃᑯᓂᖓᔅᓴᐃᓐᓇᖅ; ᐊᒻᒪ ᓇᒻᒥᓂᖃᐅᑎᓖᑦᑕᐅᖅ ᐱᒍᒪᓂᖃᓲᖑᒻᒥᒻᒪᑕ ᑮᓇᐅᔭᓂᑦ, ᓄᓇᕗᒻᒥᑐᐊᖅ. ᑕᐃᒪ ᑕᑯᓐᓈᕆᐊᖃᕐᒥᔭᕗᑦ ᑮᓇᐅᔭᑦ ᑖᒃᑯᐊ ᑲᑐᔾᔭᐅᖃᑦᑕᕐᖓᑕ ᐊᕕᒃᑐᖅᓯᒪᓂᕋᓛᖑᔪᓂ ᐱᖓᓱᓂᑦ. ᑕᐃᒫᓪᓗ ᓇᓗᓇᕈᓐᓃᑦᑕᐅᑎᒋᓚᐅᖅᑐᓂ, ᐅᕙᖓᓖᓛᒃ ᑐᑭᓯᔭᖓᒍᑦ, ᐊᒥᓲᓂᖅᓴᕐᔪᐊᕌᓘᒻᒪᑕ ᐱᒍᒪᔪᐃᑦ ᑮᓇᐅᔭᓂᑦ ᐊᒻᒪ ᑮᓇᐅᔭᑦ ᑖᒃᑯᐊ ᐱᒍᒪᔪᓕᒫᓄᑦ ᓈᒻᒪᓂᐊᖅᑑᔮᕋᑎ. ᐊᑭᑦᑐᕋᐅᑎᔪᕕᔾᔪᐊᕌᓘᒻᒪᑕ ᑮᓇᐅᔭᒧᑦ. ᐅᑭᐅᖅᑕᖅᓱᑐᒥ ᐱᖁᑎᕐᔪᐊᓕᐅᕈᑎᔅᓴᐃᑦ ᑮᓇᐅᔭᐃᑦ ᐅᖃᐅᓯᕆᒋᐊᖃᕐᒥᔭᒃᑲ. ᐃᑲᔪᖅᓰᓪᓚᕆᒃᑲᑦᑕ ᒐᕙᒪᑐᖃᒃᑯᑦ ᑮᓇᐅᔭᓂᑦ ᑖᒃᑯᓂᖓ ᐊᑐᐃᓐᓇᕈᐃᓯᒪᒻᒪᑕ. ᐊᑯᓂᐊᓗᒃ ᓴᖅᑭᖅᓯᒪᒋᐊᖃᓕᖅᑑᒐᓗᐊᑦ. ᐅᖃᖅᑲᐅᒐᒪ, ᐊᑭᑦᑐᕋᐅᑎᓕᕕᔾᔪᐊᕌᓘᒐᑦᑕ. ᕿᒥᕐᕈᐊᑦᑎᐊᕋᓱᓪᓚᕆᑦᑐᒍᑦ ᑭᓇᒧᑦ ᐃᑲᔪᖅᓰᓂᐊᕐᒪᖔᑦᑕ. (ᑐᓵᔨᑎᒎᕈᓐᓃᖅᑐᖅ) ᒪ’ᓇ, ᐅᖃᖅᑎᑦᓯᔩ. ᐅᖃᖅᑎ: ᓯᕗᓪᓕᖅᐹᖅ ᐃᓚᒋᐊᕈᑏᑦ ᐊᐱᖅᑯᑎᓐᓄᑦ, ᒥᔅᑕ ᑲᐅᑐᒃ. ᑲᐅᑐᒃ (ᑐᓵᔨᑎᒍᑦ): ᖁᔭᓐᓇᒦᒃ, ᐅᖃᖅᑏ ᐊᒻᒪᓗ ᖁᔭᓐᓇᒦᒃ, ᓯᕗᓕᖅᑎ ᑭᐅᒐᕕᑦ. ᑐᓴᐅᒪᔾᔪᑏᑦ ᐊᑐᐃᓐᓇᕈᖅᑎᑕᐅᓚᐅᖅᓯᒪᔪᑦ ᐅᑭᐅᖅᑕᖅᑐᒥ ᐱᕙᓪᓕᐊᔪᓕᕆᓂᕐᒧᑦ ᑯᐊᐳᕇᓴᒃᑯᑦ ᐅᖃᖃᑎᖃᖅᑐᒡᒎᖅ ᐅᓇᑕᖅᑐᔅᓴᓕᕆᔨᒃᑯᓐᓂ ᓯᑯᓯᐅᑎᓕᕆᔨᒃᑯᓪᓗ ᑖᓐᓇ ᐊᑐᖅᑕᐅᖃᑦᑕᕈᓐᓇᓂᐊᕐᒪᑦ ᑐᓚᒃᑕᕐᕕᒃ ᑲᓇᑕᒥᐅᑕᐅᖃᑎᐅᓂᕗᑦ ᒪᓕᓪᓗᒍ. ᓯᕗᓕᖅᑎᖃᐃ ᓇᓗᓇᐃᖅᓯᔪᓐᓇᖅᐸ ᖃᓄᖅ ᒐᕙᒪᓕᕆᔨᒃᑯᑦ ᑕᒪᒃᑯᐊ ᐅᖃᐅᓯᐅᑎᓪᓗᒋᑦ ᐃᓚᐅᖃᑦᑕᖅᓯᒪᒻᒪᖔᖏᑦ? ᖁᔭᓐᓇᒦᒃ, ᐅᖃᖅᑏ. ᐅᖃᖅᑎ: ᓯᕗᓕᖅᑎ ᓄᓇᕗᒻᒧᑦ, ᒥᔅᑕ ᒪᐃᓐ. ᓯᕗᓕᖅᑎ ᐋᕐᓗᒃ ᒪᐃᓐ: ᒪ’ᓇ, ᐅᖃᖅᑎᑦᓯᔩ. ᐄ’, ᑖᒃᑯᐊ ᐅᓇᑕᖅᑐᒃᓴᓕᕆᔨᒃᑯᑦ ᐅᖃᖃᑎᒋᑦᑕᐅᔭᐃᓐᓇᖅᓯᒪᔪᔭᕗᑦ ᑐᓴᐅᒪᕐᕕᒋᓂᓗᒃᖢᑎᒍ ᖃᓄᐃᑦᑐᓂᑦ ᐸᕐᓇᐃᖅᓯᒪᔪᖁᑎᖃᕐᒪᖔᑕ ᓄᓇᓕᓐᓄᑦ ᐊᒃᑐᐃᓂᖃᕐᔪᐊᓂᐊᕐᒪᑕ ᐅᓇᑕᖅᑐᒃᓴᓕᕆᔩᑦ ᐱᓕᕆᓂᕆᒋᐊᒐᐃᑦ ᐅᑭᐅᓂ ᖃᐃᔪᓂᑦ ᑖᒃᑯᐊ ᐃᓚᒋᔭᐅᓪᓗᑎᓪᓗ ᐅᖃᖃᑎᒋᔭᕌᖓᑉᑎᒍ, ᑖᒃᑯᐊ ᐅᓇᑕᖅᑐᒃᓴᓕᕆᔨᒃᑯᑦ ᐅᒥᐊᖅᑐᖅᑐᓕᕆᔩᑦ Canadian Navy ᐅᕝᕙᓘᓐᓃᑦ ᑎᒻᒥᓲᑐᖅᑐᓕᕆᔩᑦ Air Force ᐊᓯᖏᓪᓘᓐᓃᑦ. ᑖᒃᑯᐊ ᐃᓱᒪᒋᔭᖃᖁᕐᒪᑕ ᓇᒻᒥᓂᖅ ᐃᖢᐊᕆᓂᐊᒐᕐᒥᓂᑦ ᐃᑲᔫᑕᐅᓱᒋᓂᐊᕋᕐᒥᓂᑦ ᓇᒻᒥᓂᖅ ᐃᓱᒪᒃᓴᖅᓯᐅᖁᕐᒪᑕ. ᐅᕙᒍᑦ ᒐᕙᒪᐅᓪᓗᑕ ᐃᓱᒪᒃᓴᖅᓯᐅᕈᑎᒃᓴᓂᑦ ᑐᓂᓯᖅᑕᖁᕋᓗᐊᖅᑐᒍᑦ ᑭᓯᐊᓂ ᓇᒻᒥᓂᖅ ᑖᒃᑯᐊ ᐅᓇᑕᖅᑐᒃᓴᐃᑦ ᐃᓗᐊᓂ ᐱᓕᕆᔪᑦ ᐅᑭᐅᖅᑕᖅᑐᒥ ᓴᐳᔾᔨᒋᐊᖃᕐᓂᕐᒥᑦ ᑕᐅᑐᒃᖢᑎᑦ ᐃᑲᔪᕐᓂᖅᓴᐅᓂᐊᖅᑐᓂᑦ ᐃᓱᒪᒃᓴᖅᓯᐅᖁᕐᒪᑕ. ᐊᑕᐅᕼᐋ ᐅᓇᑕᖅᑐᒃᓴᐅᓂᕐᒥᓂᑦ ᐊᑐᖅᖢᑎᑦ. ᐃᓚᒋᔭᐅᑦᑕᖅᑐᒍᑦ ᐅᖃᖃᑎᒋᔭᐅᑦᑕᖅᑐᒍᑦ, ᑭᓯᐊᓂ ᐅᑯᐊ ᐅᓇᑕᖅᑐᒃᓴᓕᕆᔩᑦ ᓇᒻᒥᓂᖅ ᐃᓱᒪᒃᓴᖅᓯᐅᖅᑕᖅᑐᑦ ᓂᕈᐊᖃᑦᑕᖅᖢᑎᓪᓗ ᓱᓇᓂᑦ ᐃᑲᔪᖅᑐᐃᓂᐊᕐᒪᖔᕐᒥ. ᒪ’ᓇ, ᐅᖃᖅᑎᑦᓯᔩ. ᐅᖃᖅᑎ: ᑐᒡᓕᐊ ᑭᖑᓪᓕᖅᐹᕐᓗ ᐃᓚᒋᐊᕈᑏᑦ ᐊᐱᖅᑯᑎᓐᓄᑦ, ᒥᔅᑕ ᑲᐅᑐᒃ. ᑲᐅᑐᒃ (ᑐᓵᔨᑎᒍᑦ): ᖁᔭᓐᓇᒦᒃ, ᐅᖃᖅᑏ, ᐊᒻᒪᓗ ᖁᔭᓐᓇᒦᒃ ᑭᐅᒐᕕᑦ ᓯᕗᓕᖅᑎ. ᓯᕗᓕᖅᑎᖃᐃ ᓇᓗᓇᐃᖅᓯᔪᓐᓇᖅᐸ ᓄᓇᕗᑦ ᒐᕙᒪᒃᑯᑦ ᐃᑲᔪᖅᓰᑦᑎᐊᕐᒪᖔᖅ ᕿᑭᖅᑕᕐᔪᐊᕐᒥ ᑐᓚᒃᑕᕐᕕᒃ ᑖᒃᑯᓇᙵᑦ ᐅᑭᐅᖅᑕᖅᑐᒥ ᐱᖁᑎᕐᔪᐊᓂ ᑮᓇᐅᔭᑦ ᐱᓪᓗᒋᑦ? ᖁᔭᓐᓇᒦᒃ, ᐅᖃᖅᑏ. ᐅᖃᖅᑎ: ᓯᕗᓕᖅᑎ ᓄᓇᕗᒻᒧᑦ.

ᐊᐃᑉᐹ, ᔫᓂ 09, 2026 ᓄᓇᕗᒥ ᒪᓕᒐᓕᐅᕐᕕᒻᒧᑦ ᑲᑎᒪᔾᔪᑏᑦ 19 ᓯᕗᓕᖅᑎ ᐋᕐᓗᒃ ᒪᐃᓐ: ᒪ’ᓇ, ᐅᖃᖅᑎᑦᓯᔩ. (ᑐᓵᔨᑎᒎᓕᖅᑐᖅ) ᐅᖃᖅᑲᐅᒐᒪ ᑭᐅᒐᒪᓗ ᐅᐊᑦᑎᐊᑲᓐᓂᖅ, ᖃᐅᔨᒪᑦᑎᐊᖅᑐᒍᑦ ᐊᑭᑦᑐᕋᐅᑎᔪᑦ ᑕᒪᒃᑯᐊ ᐊᒥᓲᒻᒪᑕ. ᐊᒻᒪᓗ ᖁᔭᓐᓇᒦᖅᖢᑕ ᑖᒃᑯᐊ ᑮᓇᐅᔭᑦ ᓴᖅᑭᑕᐅᓚᐅᖅᓯᒪᒻᒪᑕ ᐅᑭᐅᖅᑕᖅᑐᖅ ᑮᓇᐅᔭᓕᖅᑕᐅᕙᓪᓕᐊᕋᔮᖅᑐᖅ ᑲᓇᑕᐅᑉ ᒐᕙᒪᒃᑯᖏᓐᓄᑦ. ᐊᒻᒪᓗ ᑕᐃᒃᑯᐊ ᐃᑲᔪᖅᓱᕐᓂᐊᖅᑕᕗᑦ ᐱᓕᕆᐊᑦ, ᑖᒃᑯᑎᒎᓇᖅ ᑮᓇᐅᔭᐃᑦ ᐱᓪᓗᒋᑦ. ᒫᓐᓇ ᑕᐃᒪᐃᓕᑐᐃᓐᓇᕈᓐᓇᖅᑐᖓ. (ᑐᓵᔨᑎᒎᕈᓐᓃᖅᑐᖅ) ᒪ’ᓇ, ᐅᖃᖅᑎᑦᓯᔩ. ᐅᖃᖅᑎ: ᐅᖃᐅᓯᒃᑯᑦ ᐊᐱᖅᑯᑏᑦ. ᐊᕐᕕᐊᑦ ᓂᒡᒋᐊᓄᑦ ᒪᓕᒐᓕᐅᖅᑎ ᖃᑉᓗᑦᓯᐊᖅ. ᐊᐱᖅᑯᑦ 109 - 7(2): ᐃᓅᓕᓴᐃᔪᖅ ᐃᖅᑲᖅᑐᐃᕕᓕᕆᔨᒃᑯᑦ ᑕᑯᒃᓴᕈᖅᑕᖓ ᐊᕐᕕᐊᓂ (ᖃᑉᓗᑦᓯᐊᖅ) ᖃᑉᓗᑦᓯᐊᖅ (ᑐᓵᔨᑎᒍᑦ): ᖁᔭᓐᓇᒦᒃ, ᐅᖃᖅᑎᑦᑎᔩ. ᐅᑯᐊ ᐅᓪᓗᒥ ᐊᐱᖅᑯᑎᒋᓂᐊᖅᑕᒃᑲ ᒪᓕᒐᓕᕆᔨᒃᑯᑦ ᒥᓂᔅᑕᖓᓐᓄᑦ ᐱᔾᔪᑎᓖᑦ ᑕᐃᒃᑯᐊ ᐃᖅᑲᖅᑐᐃᕕᑦᑎᒎᙱᖔᖅᖢᑎᑦ ᑲᒪᒋᔭᖃᖃᑦᑕᖅᑐᑦ ᐱᕋᔭᑦᑐᕕᓂᕐᓂᑦ ᐊᕐᕕᐊᓂ. ᐃᒪᐃᓕᖓᔪᖅ “ᓄᓇᓕᓐᓄᑦ ᓵᖓᓪᓗᑎᑦ ᐊᒻᒪᓗ ᐃᖅᑲᖅᑐᐃᕕᑦᑎᒎᙱᖔᖅᖢᑎᑦ ᐃᓄᓐᓄᑦ ᓯᕗᒃᑲᑕᖅᑏᑦ ᐊᖅᑯᑎᒋᔭᐅᓪᓗᑎᑦ ᐊᑐᖃᑦᑕᖅᑐᑦ ᐃᓄᐃᑦ ᖃᐅᔨᒪᔭᑐᖃᖏᑦᑎᒍᑦ ᖃᐅᔨᒪᔭᐅᔪᓂᑦ, ᑐᙵᕕᒋᔭᐅᔪᓂᓪᓗ. ᐃᓱᒪᓕᕆᓂᕐᒧᑦ ᐃᓕᖅᑯᓯᓕᕆᓂᕐᒧᓪᓗ ᑕᒪᒃᑯᐊ ᑐᕌᖓᔪᑦ ᑖᒃᑯᐊ ᑐᙵᕕᒋᔭᐅᖃᑦᑕᖅᑐᑦ ᐱᕋᔭᒃᑐᕕᓃᑦ ᑲᒪᒋᔭᐅᑎᓪᓗᒋᑦ.” ᐅᖃᖅᑏ, ᖁᔭᓐᓇᒦᕈᒪᓪᓗᒍ ᑖᓐᓇ ᒥᓂᔅᑕᕆᔭᐅᔪᖅ ᐃᖅᑲᓇᐃᔭᖅᑎᖓ ᐊᒃᓱᕉᑎᖃᕐᒪᑕ ᐃᑲᔪᕈᒪᓪᓗᑎᑦ ᐃᓄᓐᓂᑦ ᒪᓕᒐᓂᑦ ᓯᖁᒥᑦᑎᔪᕕᓂᕐᓂᑦ, ᐊᒻᒪᓗ ᑕᒪᒃᑯᐊ ᐱᕋᔭᐃᓐᓇᖃᑦᑕᖅᑐᑦ ᐅᑎᖅᑕᕋᐅᔭᖃᑦᑕᖅᑐᑦ ᐅᓄᙱᓂᖅᓴᐅᓕᖁᓪᓗᖏᑦ. ᒥᓂᔅᑕᖃᐃ ᐅᓪᓗᒥ ᓇᓗᓇᐃᖅᓯᔪᓐᓇᖅᐸ ᖃᔅᓯᑦ ᑲᒪᒋᔭᐅᒻᒪᖔᖏᑦ ᑖᒃᑯᑎᒎᓇᖅ ᐃᖅᑲᖅᑐᐃᕕᒃᑎᒎᙱᖔᖅᑐᓂᑦ ᐊᕐᕕᐊᓂ 2025-2026 ᐊᕐᕌᒍᐊᓂ ᐊᒻᒪᓗ 2026-2027 ᐊᕐᕌᒍᐊ ᐃᓗᐊᓂ? ᖁᔭᓐᓇᒦᒃ, ᐅᖃᖅᑏ. ᐅᖃᖅᑎ: ᒥᓂᔅᑕ ᒪᓕᒐᓕᕆᔨᒃᑯᓐᓄᑦ ᒥᓂᔅᑕ, ᒥᔅᑕ ᕼᐃᒃᔅ. ᐊᖓᔪᖅᑳᖅ ᔪᐊᔾ ᕼᐃᒃᔅ (ᑐᓵᔨᑎᒍᑦ): ᖁᔭᓐᓇᒦᒃ, ᐅᖃᖅᑏ. ᒥᓂᔅᑕᐃᑦ ᐅᖃᐅᓯᖏᑦᑎᒍᑦ ᑖᓐᓇ ᐅᖃᐅᓯᕆᖅᑲᐅᒐᒃᑯ. ᖃᓄᖅᑑᕈᑏᓐᓇᖅᑕᕗᑦ ᑕᐃᒃᑯᐊ ᐃᖅᑲᖅᑐᐃᕕᙱᖓᕐᓗᑎᑦ ᑲᒪᒋᔭᐅᔪᓐᓇᕐᒪᖔᑕ ᒪᑯᐊ ᒥᑭᔫᑏᑦ ᓯᖁᒥᑦᑎᔾᔪᑏᑦ. ᐊᒃᓱᐊᓗᒃ ᐱᐅᒋᒐᒃᑯ ᑖᓐᓇ ᐃᖏᕐᕋᑎᐊᖅᖢᓂᓗ. ᐆᒃᑑᑎᒋᓗᒍ ᐊᕐᕕᐊᑦ, ᑕᐃᒪ ᐊᓯᖏᓐᓂ ᓄᓇᓕᓐᓂ ᑕᒪᓐᓇ ᐱᕙᓪᓕᐊᑎᓐᓂᐊᖅᑕᕗᑦ, ᖁᔭᓐᓇᒦᕈᒪᓪᓗᒋᓪᓗ ᑖᒃᑯᐊ ᓄᓇᕗᑦ ᑐᙵᕕᒃᑯᑦ, ᐊᕐᕕᐊᓂ ᐃᖅᑲᓇᐃᔭᖅᑎᑦᑎᒻᒪᑕ. 2025-2026-ᒥ 16-ᖑᓚᐅᖅᑐᑦ. 2026-2027-ᒥ, ᒪᐃ 4, ᐅᓪᓗ ᑕᓪᓕᒪᐃᓐᓇᑯᓗᒃ ᑕᒪᓐᓇ ᐊᑐᓕᕐᒪᑦ. ᓈᓴᐅᑎᓂᑦ ᐱᓯᒪᙱᑦᑐᖓ ᑕᕝᕗᖓ. ᑭᓯᐊᓂ ᐅᖃᖅᑏ, ᐊᕐᕌᓂ 16-ᖑᓚᐅᖅᓯᒪᔪᑦ ᐃᖅᑲᖅᑐᐃᕕᒃᑰᖅᑎᑕᐅᙱᖔᖅᖢᑎᑦ ᑲᒪᒋᔭᐅᔪᑦ. ᖁᔭᓐᓇᒦᒃ. ᖃᑉᓗᑦᓯᐊᖅ (ᑐᓵᔨᑎᒍᑦ): ᖁᔭᓐᓇᒦᒃ, ᐅᖃᖅᑏ. ᑕᐃᒃᑯᐊ ᒪᓕᒐᓕᕆᔨᒃᑯᓐᓄᑦ ᓴᖅᑭᑕᐅᔪᑦ ᑐᓴᐅᒪᔾᔪᑏᑦ ᐃᒪᐃᓕᖓᔪᑦ:

ᐊᐃᑉᐹ, ᔫᓂ 09, 2026 ᓄᓇᕗᒥ ᒪᓕᒐᓕᐅᕐᕕᒻᒧᑦ ᑲᑎᒪᔾᔪᑏᑦ 20 “ᒪᕐᕈᐃᓕᖓᓪᓗᐊᑕᖅᑐᑦ ᑕᒪᓐᓇ ᐱᓕᕆᐊᖑᔪᖅ ᐃᑲᔪᖅᓱᖅᑕᐅᔪᓐᓇᕐᓂᖏᑦ ᐃᓱᒪᓕᕆᓂᕐᒧᑦ ᐃᓅᓯᓕᕆᔩᑦ, ᓘᒃᑖᑦ, ᐃᓅᓕᓴᐃᔩᑦ, ᐊᒻᒪᓗ ᐃᓱᒪᓕᕆᔩᒃ, ᐃᑲᔪᖅᓱᖅᑕᐅᓪᓗᑎᑦ ᓄᓇᓕᓐᓂ ᐃᓅᓯᓕᕆᔨᓂᑦ ᐃᓄᓐᓄᓪᓗ ᐃᓐᓇᕐᓄᑦ ᐃᓕᖅᑯᓯᓕᕆᓂᖅ ᑕᒪᓐᓇ ᑲᒪᒋᔭᐅᑎᓪᓗᒍ.” ᒥᓂᔅᑕᖃᐃ ᓇᓗᓇᐃᖅᓯᔪᓐᓇᖅᐸ ᐃᖅᑲᖅᑐᐃᕕᒃᑰᙱᖔᕐᓗᑎᑦ ᖃᓄᐃᑦᑐᓂᑦ ᐱᔨᑦᑎᕈᑎᓂᑦ ᐊᑐᐃᓐᓇᕈᐃᖃᑦᑕᕐᒪᖔᖅ ᐊᕐᕕᐊᓂ? ᖁᔭᓐᓇᒦᒃ, ᐅᖃᖅᑏ. ᐅᖃᖅᑎ: ᒥᓂᔅᑕ ᕼᐃᒃᔅ. ᐊᖓᔪᖅᑳᖅ ᔪᐊᔾ ᕼᐃᒃᔅ (ᑐᓵᔨᑎᒍᑦ): ᖁᔭᓐᓇᒦᒃ, ᐅᖃᖅᑏ. ᖁᔭᓐᓇᒦᖅᖢᒍ ᑖᓐᓇ ᐊᐱᖅᑯᑎᒋᒃᑲᓂᕐᒪᒍ. ᑲᒪᓐᓇ ᐃᓱᒪᒃᓴᖅᓯᐅᕈᑕᐅᑦᑎᐊᓚᐅᖅᓯᒪᔪᖅ ᐊᑐᐃᓐᓇᕈᖅᑎᑕᐅᔪᓐᓇᖅᖢᓂ ᐱᓗᐊᕐᓗᒍ ᒪᒃᑯᑦᑐᓄᑦ. ᐊᒻᒪᓗ ᐊᕐᕕᐊᑦ ᐅᖃᐅᓯᕆᓗᒍ, ᒥᖅᓱᖅᑎᒡᒋᖃᑦᑕᖅᑐᑦ ᒪᑯᓂᖓ ᔭᐸᓕᐅᖅᖢᑎᑦ ᐳᐊᓗᓕᐅᖅᖢᑎᓪᓗ, ᐊᓐᓄᕌᑦ ᑖᒃᑯᐊ ᐃᓕᓐᓂᐊᖅᑐᓄᑦ ᑐᓐᓂᖅᑯᑎᒋᔭᐅᖃᑦᑕᖅᑐᑦ. ᐊᒻᒪᓗ ᐱᔅᓯᓕᐅᕐᓂᖅ ᑕᒪᓐᓇ ᐊᑐᖅᑕᐅᖃᑦᑕᕐᒥᔪᑦ ᐃᓐᓇᕐᓂ ᓯᕗᒃᑲᑕᖅᑎᖃᖅᖢᑎᑦ. ᑕᐃᓐᓇ ᐱᔅᓯᓕᐅᖅᖢᓂ ᐃᓚᖏᓂᒃᑯᐊ ᕿᔪᐃᑦ ᐃᓐᓂᒋᔭᐅᖃᑦᑕᓂᐊᖅᑐᑦ ᐊᑭᖃᙱᑎᑕᐅᓪᓗᑎᑦ ᑕᐃᒃᑯᓄᖓ ᑐᓂᔭᐅᓚᐅᖅᓯᒪᔪᑦ, ᐅᖃᖅᑏ, ᐃᓐᓇᐃ. ᐅᖃᓪᓚᒋᐊᖅᑐᖃᑦᑕᕐᒥᔪᑦ ᐃᓕᓐᓂᐊᕐᕕᓐᓄᑦ ᖃᐅᔨᒪᑦᑎᐊᓂᐊᕐᒪᑕ ᐃᖅᑲᓇᐃᔮᒃᓴᓪᓗ ᑕᒪᒃᑯᐊ ᐊᑐᐃᓐᓇᕈᖅᑎᑕᐅᖃᑦᑕᖅᑐᑦ ᒪᓕᒐᓕᕆᔨᒃᑯᑦ ᐱᓕᕆᕕᖏᑦᑎᒍᑦ ᐊᒻᒪ ᐃᓕᓐᓂᐊᖅᓯᒪᔪᑦ ᐃᓅᓕᓴᐃᔩᑦ, ᑕᒪᒃᑯᐊ ᐃᓚᒋᔭᐅᖃᑕᐅᖃᑦᑕᖅᑐᑦ. ᑕᒪᒃᑯᓂᖓ ᐊᑐᐃᓐᓇᖃᖅᑎᑕᐅᓪᓗᓂ ᐱᔪᒥᒃᓱᓂᖅᓴᐅᓕᓲᖑᒻᒪᑕ ᖃᓄᖅᑑᕈᑎᒋᓕᖅᖢᓂᔾᔪᓪᓗ ᑕᐃᒪᐃᑦᑐᒥᒃ ᐃᖅᑲᓇᐃᔮᖅᑖᕈᓐᓇᓂᐊᕐᒪᖔᖅ. ᐃᖅᑲᖅᑐᐃᕕᑦᑎᒎᙱᖔᖅᑐᓂᑦ ᐃᓕᐸᓪᓕᐊᓲᑦ ᒪᓕᒐᓕᕆᔨᒃᑯᑦ ᖃᓄᐃᑦᑐᓂᑦ ᐊᑐᐃᓐᓇᖃᖃᑦᑕᕐᒪᖔᑦ ᐊᒻᒪᓗ ᖃᓄᐃᑦᑐᓂᑦ ᐃᖅᑲᓇᐃᔮᖅᑖᕈᓐᓇᕐᒪᖔᖅ. ᖁᔭᓐᓇᒦᒃ, ᐅᖃᖅᑏ. ᐅᖃᖅᑎ: ᑐᒡᓕᐊ ᐊᒻᒪᓗ ᑭᖑᓪᓕᖅᐹᖅ ᐃᓚᒋᐊᕈᑏᑦ ᐊᐱᖅᑯᑎᓐᓄᑦ, ᒥᔅᑕ ᖃᑉᓗᑦᓯᐊᖅ. ᖃᑉᓗᑦᓯᐊᖅ (ᑐᓵᔨᑎᒍᑦ): ᖁᔭᓐᓇᒦᒃ, ᐅᖃᖅᑏ. ᐃᖅᑲᖅᑐᐃᕕᒃᑰᙱᖔᕐᓗᓂ ᑕᒪᓐᓇ ᐱᒋᐊᖅᑕᐅᓚᐅᖅᓯᒪᔪᖅ ᐆᒃᑑᑎᒋᔭᐅᓪᓗᓂ ᐃᖃᓗᒃᑑᑦᑎᐊᕐᒥ 2019-ᒥ, ᐊᒻᒪ ᐊᕐᕕᐊᑦ ᐃᓚᓕᐅᔾᔭᐅᓚᐅᖅᖢᓂ 2021-ᒥ. ᐅᖃᖅᑏ, ᑕᐃᒃᑯᐊ ᐊᖏᖅᑕᐅᓯᒪᔪᑦ 2025-2026 ᐱᓕᕆᐊᖑᓂᐊᖅᑐᑦ ᐸᕐᓇᐅᑎᖏᑦ ᐅᖃᖅᓯᒪᔪᑦ ᒪᓕᒐᓕᕆᔨᒃᑯᑦ ᕿᒥᕐᕈᓇᓚᐅᖅᑐᑦ ᑕᒪᓐᓇ ᐊᓯᖏᓐᓄᑦ ᐊᑐᓕᖅᑎᑕᐅᓂᐊᕐᒪᖔᖅ ᕿᑭᖅᑖᓗᒻᒥ. ᒥᓂᔅᑕᖃᐃ ᐅᓪᓗᒥ ᓇᓗᓇᐃᖅᓯᔪᓐᓇᖅᐸ ᖃᓄᐃᑦᑐᓂᑦ ᒫᓐᓇ ᐃᖅᑲᓇᐃᔭᑎᖃᕐᒪᖔᑕ ᐃᖅᑲᖅᑐᐃᕕᒃᑰᖅᑎᑕᐅᙱᖔᕐᓗᑎᑦ ᐱᓕᕆᕕᒻᒥ? ᖁᔭᓐᓇᒦᒃ, ᐅᖃᖅᑏ. ᐅᖃᖅᑎ: ᒪᓕᒐᓕᕆᔨᒃᑯᓐᓄᑦ ᒥᓂᔅᑕ ᕼᐃᒃᔅ. ᐊᖓᔪᖅᑳᖅ ᔪᐊᔾ ᕼᐃᒃᔅ (ᑐᓵᔨᑎᒍᑦ): ᖁᔭᓐᓇᒦᒃ, ᐅᖃᖅᑏ. ᐄ’, ᐊᒻᒪᓗ ᖁᔭᓐᓇᒦᖅᖢᑎᑦ ᐊᐱᖅᑯᑎᒋᒐᕕᒋᑦ. ᑕᐃᒃᑯᐊ ᐱᑕᓖᑦ ᑕᐃᑲᓂ ᐊᕐᕕᐊᑦ ᐊᒻᒪᓗ ᐃᓐᓄᑦᑕᐅᓵᓚᐅᖅᖢᓂ. ᒥᑦᑎᒪᑕᓕᒃ ᑕᐃᓐᓇ ᐃᖅᑲᓇᐃᔭᖅᑎᔅᓴᖅᓯᐅᓕᖅᑐᑦ. ᑲᒪᔨᐅᔪᒥᑦ ᑕᒫᓂ ᐃᖃᓗᓐᓃᑦᑐᒥᑦ ᐱᑕᖃᕐᒥᔪᖅ ᑕᒪᒃᑯᓂᖓ ᐱᔨᔅᓯᕈᑎᓂᑦ ᐊᐅᓚᑦᑎᖃᑦᑕᖅᑐᒥᑦ. ᐊᑕᐅᓯᖅ ᐃᓐᓄᑦᑕᐅᖅᓯᒪᙱᑦᑐᖅ ᒥᑦᑎᒪᑕᓕᒻᒥ. ᖁᔭᓐᓇᒦᒃ, ᐅᖃᖅᑏ.

ᐊᐃᑉᐹ, ᔫᓂ 09, 2026 ᓄᓇᕗᒥ ᒪᓕᒐᓕᐅᕐᕕᒻᒧᑦ ᑲᑎᒪᔾᔪᑏᑦ 21 ᐅᖃᖅᑎ: ᐅᖃᐅᓯᒃᑯᑦ ᐱᖅᑯᑏᑦ. ᐊᑎᖁᑎᒃᑲ ᒪᓕᓪᓗᒋᑦ. ᖁᕐᓗᖅᑐᕐᒧᑦ ᒪᓕᒐᓕᐅᖅᑎ ᖁᓕᒃᑖᓇ. ᐊᐱᖅᑯᑦ 110 - 7(2): ᖃᖓᑕᓲᒃᑯᑦ ᑐᐊᕕᕐᓇᖅᑐᓂᒃ ᐱᔨᑦᑎᖅᑎᖏᑦ (ᖁᓕᒃᑖᓇ) ᖁᓕᒃᑖᓇ (ᑐᓵᔨᑎᒍᑦ): ᖁᔭᓐᓇᒦᒃ, ᐅᖃᖅᑏ. ᐅᓪᓗᒥ ᐋᓐᓂᐊᖃᕐᓇᙱᑦᑐᓕᕆᔨᒃᑯᑦ ᒥᓂᔅᑕᖓᓐᓄᑦ ᐊᐱᖅᑯᑎᖃᕐᓂᐊᖅᑐᖓ ᑐᐊᕕᕐᓇᖅᑐᑦ ᑕᐃᒃᑯᐊ ᐃᓐᓄᑦᑕᐅᑏᑦ ᐱᓪᓗᒋᑦ ᕿᑎᕐᒥᐅᓂ. ᑐᒃᓯᕋᐅᑎᓂᑦ ᑖᒃᑯᐊ ᐱᒋᐊᖅᑎᑦᑎᓚᐅᖅᓯᒪᔪᑦ ᐊᐃᐳᕈᓪ 2025-ᒥ, ᐊᕐᕌᒍᓪᓗᐊᖑᓕᖅᑐᖅ. ᑕᒪᒃᑯᐊ ᑐᓴᐅᒪᔾᔪᑏᑦ ᐱᓕᕆᕕᐅᑉ ᐊᑐᐃᓐᓇᕈᖅᑎᓯᒪᔭᖏᑦ ᓄᑖᒥᒎᖅ ᑳᓐᑐᕌᒥ ᐱᑕᖃᕆᐊᖃᓚᐅᖅᓯᒪᒐᓗᐊᕐᒪᑦ ᐊᐃᐳᕈᓪ ᐱᒋᐊᓕᓵᖅᑎᓪᓗᒍ ᑕᒫᓂ ᐊᕐᕌᒍᒥ. ᔫᓐᖑᓕᖅᑐᖅ. ᒥᓂᔅᑕᖃᐃ ᓇᓗᓇᐃᖅᓯᔪᓐᓇᖅᐸ ᖃᓄᐃᒻᒪᑦ ᐊᑯᓂᓗᐊᕌᓗᒃ ᑖᓐᓇ ᓄᑖᖅ ᑳᓐᑐᕌᑦ ᐱᔭᕇᖅᑕᐅᔪᓐᓇᐃᓕᐅᖅᑲᕐᒪᖔᖅ? ᖁᔭᓐᓇᒦᒃ, ᐅᖃᖅᑏ. ᐅᖃᖅᑎ: ᒥᓂᔅᑕ ᐋᓐᓂᐊᖃᕐᓇᙱᑦᑐᓕᕆᓂᕐᒧᑦ, ᒥᔅ ᐳᕉᔅᑐ. ᐊᖓᔪᖅᑳᖅ ᔮᓇᑦ ᐳᕉᔅᑐ (ᑐᓵᔨᑎᒍᑦ): ᖁᔭᓐᓇᒦᒃ, ᐅᖃᖅᑏ, ᐊᒻᒪᓗ ᖁᔭᓐᓇᒦᖅᖢᒍ ᑖᓐᓇ ᐊᐱᖅᑯᑎᒋᒻᒪᒍ ᐊᒻᒪᓗ ᐃᓱᒫᓘᑎᒋᒻᒪᒍ ᒪᑯᐊ ᑐᐊᕕᕐᓇᖅᑐᒃᑯᑦ ᐊᐅᓪᓚᖅᑎᑕᐅᖃᑦᑕᕆᐊᓖᑦ ᐱᓪᓗᒋᑦ ᓄᓇᕗᒻᒥᐅᑕᐃᑦ. ᐃᓗᓕᑯᓘᔭᖏᓐᓂᑦ ᐋᔩᖃᑎᒌᒍᑎᒋᔭᐅᔪᖅ, ᓇᓗᓇᐃᖅᓯᕕᒋᔪᓐᓇᙱᒃᖢᒍ ᑭᓯᐊᓂ ᐊᑦᑕᓇᔾᔭᐃᖅᓯᒪᓂᖅ ᑕᒪᓐᓇ ᐊᒃᓱᕉᑎᒋᓪᓚᕆᒃᑲᑦᑎᒃᑯ ᐋᔩᖃᑎᒌᓐᓂᑯᓪᓗ ᑕᒪᓐᓇ ᑐᐊᕕᕐᓇᖅᑐᒃᑯᑦ ᐊᐅᓪᓚᖅᑎᑕᐅᓂᖅ ᐱᕐᔪᐊᖑᓂᖅᐹᕆᔭᐅᔪᖅ. ᐋᔩᖃᑎᒌᓐᓂᒃᑯᑦ ᐊᖏᕈᑏᑦ ᕿᓚᒥᐅᓂᖅᓴᖅ ᑎᑭᐅᑎᔪᒪᓛᖅᑕᕗᑦ. ᖁᔭᓐᓇᒦᒃ, ᐅᖃᖅᑏ. ᐅᖃᖅᑎ (ᑐᓵᔨᑎᒍᑦ): ᓯᕗᓪᓕᖅᐹᖅ ᐃᓚᒋᐊᕈᑦ, ᒥᔅᑕ ᖁᓕᒃᑖᓇ. ᖁᓕᒃᑖᓇ (ᑐᓴᔨᑎᒍᑦ): …ᖁᔭᓐᓇᒦᒃ, ᐅᖃᖅᑏ. ᐃᓱᒫᓘᑎᒋᔭᐅᓯᒪᔪᑦ ᑎᑎᕋᕐᕕᕗᑦ ᐱᔾᔪᑎᒋᓪᓗᒋᑦ ᒪᑯᐊ ᑐᐊᕕᕐᓇᖅᑐᒃᑯᑦ ᐱᔨᑦᑎᕈᑏᑦ ᕿᑎᕐᒥᐅᓂ, ᐊᐃᑦᑖᖑᖃᑦᑕᖅᐳᖅ ᐃᑲᕐᕋᓄᑦ 24-ᓄᑦ ᐅᑕᖅᑭᖃᑦᑕᕐᒪᑕ ᑐᐊᕕᕐᓇᖅᑐᒥᒃ. ᒥᓂᔅᑕᖃᐃ ᓇᓗᓇᐃᖅᓯᔪᓐᓇᖅᐳᖅ ᑕᐃᓐᓇ ᒫᓐᓇ ᑳᓐᑐᕌᕆᔭᐅᔪᖅ ᖃᓄᐃᑦᑐᓂᑦ ᐊᑐᖃᑦᑕᕆᐊᖃᕐᒪᖔᑦ. ᖁᔭᓐᓇᒦᒃ, ᐅᖃᖅᑏ. ᐅᖃᖅᑎ (ᑐᓵᔨᑎᒍᑦ): ᒥᓂᔅᑕ ᐳᕉᔅᑐ. ᐊᖓᔪᖅᑳᖅ ᔮᓇᑦ ᐳᕉᔅᑐ (ᑐᓵᔨᑎᒍᑦ): ᖁᔭᓐᓇᒦᒃ, ᐅᖃᖅᑏ. ᒪᓕᒐᖃᐅᖅᑐᒍᑦ, ᓲᕐᓗᖃᐃ ᐅᓄᖅᓯᑲᓐᓂᖅᐸᑕ ᒪᑯᐊ ᑐᐊᕕᕐᓇᖅᑐᓕᕆᔩᑦ ᐊᑐᖅᑕᐅᔭᕆᐊᖃᕐᓂᖏᑦ, ᐊᒻᒪᓗ ᐅᖃᖅᑏ, ᖃᐅᔨᒪᒡᓗᖓ ᖁᕐᓗᒃᑑᕐᒥ 2025ᒥ 62ᖑᓚᐅᖅᓯᒪᔪᑦ ᑐᐊᕕᕐᓇᖅᑐᒃᑯᑦ ᐊᐅᓪᓚᖅᑎᑕᐅᔭᕆᐊᖃᓚᐅᖅᖢᑎᒃ, ᐊᒻᒪᓗ 60 ᑲᔪᓯᓚᐅᖅᖢᑎᒃ. ᑐᐊᕕᕐᓇᖅᑐᒥᑦ ᖃᐃᖁᔭᐅᔪᖅᑕᖃᖅᑎᓪᓗᒍ 25 ᒥᓂᑦᓯᓂ ᑎᑭᖃᑦᑕᖅᑐᑦ, ᐊᒻᒪᓗ ᐅᐸᒋᐊᖃᖅᑕᖏᓐᓄᑦ ᓂᐅᔭᐅᓂᖓ, ᐊᐃᑦᑖ ᐅᐊᑦᑎᐊᕈᐊᐃ...ᐄ’, 26 ᒥᓂᑦᓯᖑᓚᐅᖅᑐᖅ, 8ᓗ ᐃᑲᕐᕋᓄᑦ ᐱᔭᕇᖅᑕᐅᓪᓗᓂ. ᐊᒻᒪᓗ ᖃᐅᔨᒪᒡᓗᖓ, ᑐᐊᕕᕐᓇᖅᑐᒃᑰᖅᑎᑕᐅᑎᒡᓗᒍ ᐊᒃᓱᐊᓗᒃ ᐅᖁᒪᐃᑦᑑᓇᕐᒪᑦ. ᑭᖑᕙᖅᑐᖃᖅᑎᒡᓗᒍ ᖃᐃᖁᔭᐅᔪᖃᖅᑎᓪᓗᒍ ᐱᔾᔪᑎᒃᓴᖃᕋᒥᒃ ᑭᓯᐊᓂ. ᐊᒻᒪᓗ ᐃᓱᒪᓕᐅᕈᑎᒋᖃᑦᑕᕆᐊᖃᖅᑕᕗᑦ ᑖᓐᓇ ᐋᓐᓂᖅᓯᒪᔪᖅ ᐱᓪᓗᒍ ᐋᓐᓂᐊᖅᑐᕐᓘᓐᓃᑦ. ᑲᒪᑦᑎᐊᕐᓂᖅ, ᒪᑯᐊᓗ ᓱᕈᓰᑦ ᐊᓂᖅᓵᖅᑐᒡᒐᖅᑐᖅ ᑲᒪᒋᑦᑎᐊᕋᓱᖃᑦᑕᖅᑕᕗᑦ, ᐊᒻᒪᓗ ᐋᓐᓂᐊᓯᐅᖅᑎᓂᑦ ᐅᓄᒃᑲᓂᖅᑐᓂᑦ ᐃᖅᑲᓇᐃᔭᖅᑎᑦᑎᔪᒍᑦ ᓄᓇᓕᑦᑎᓐᓂ ᐋᓐᓂᐊᕕᓐᓂ ᓄᓇᕗᒻᒥᐅᑦ ᐃᓅᓯᖃᑦᑎᐊᕐᓂᖁᒡᓗᒋᑦ

ᐊᐃᑉᐹ, ᔫᓂ 09, 2026 ᓄᓇᕗᒥ ᒪᓕᒐᓕᐅᕐᕕᒻᒧᑦ ᑲᑎᒪᔾᔪᑏᑦ 22 ᐊᒻᒪᓗ ᐃᓱᒪᓕᕆᓂᕐᒧᑦ ᐱᖁᔭᕐᔪᐊᖅ ᑕᐃᓐᓇ ᐊᑐᓕᖅᑎᑕᐅᓵᕐᓂᐊᖅᑐᖅ ᒫᓐᓇᕈᓗᒃ ᑐᐊᕕᕐᓇᖅᑐᒃᑰᕆᐊᖃᔾᔮᙱᒻᒪᑕ. ᑕᐃᒪᖓᓕᒫᖅ ᐱᐅᓯᑎᑦᑎᓇᓱᐃᓐᓇᐅᔭᖅᑐᒍᑦ. ᖁᔭᓐᓇᒦᒃ, ᐅᖃᖅᑏ. ᐅᖃᖅᑎ (ᑐᓵᔨᑎᒍᑦ): ᑐᒡᓕᐊᓂ ᑭᖑᓪᓕᖅᐹᒥᓗ ᐊᐱᖅᑯᑏᑦ, ᒥᔅᑕ ᖁᓕᑦᑖᓈ. ᖁᓕᒃᑖᓇ (ᑐᓵᔨᑎᒍᑦ): ᖁᔭᓐᓇᒦᒃ ᐅᖃᖅᑏ, ᒥᓂᔅᑕᓗ ᖁᔭᓐᓇᒦᖅᐸᕋ ᑭᐅᖕᒪᑦ. ᒥᓂᔅᑕ ᐅᖃᖅᑲᐅᒻᒪᑦ, ᐅᖃᕋᑖᕐᒪᑦ ᖃᖓᒃᑯᑦ ᐊᑯᓂᐅᑎᒋᔪᖅ ᑎᑭᖃᑦᑕᕐᒪᖔᑕ, ᑭᓱᓂᑦ ᒪᓕᒐᓕᐅᕐᕕᖕᒧᑦ ᐅᖃᕈᒪᔪᖅ ᐅᑕᖅᑭᖃᑦᑕᖅᑐᑦ 24 ᐃᑲᕐᕋᑦ ᐅᖓᑖᓄᑦ ᑲᖓᑕᓲᕐᒥᒃ ᐅᑕᖅᑭᒡᓗᑎᒃ. ᐅᖃᖅᑏ, ᐋᓐᓂᐊᕕᒻᒥ ᐃᖅᑲᓇᐃᔭᖅᑏᑦ ᖁᔭᓐᓇᒦᖅᑕᒃᑲ ᐊᒃᓱᕈᖅᖢᑎᒃ ᐃᖅᑲᓇᐃᔭᖃᑦᑕᕐᒪᑕ ᖃᖓᑕᓲᖕᒥᒃ ᐅᑕᖅᑭᕐᓗᑎᒃ, ᓲᕐᓗ ᕿᓚᒥᑯᓘᖅᑑᒐᓗᐊᖅ, ᐊᑯᓂᐊᓘᖅᑰᓕᖃᑦᑕᕐᒪᑦ. ᒥᓂᔅᑕ ᐅᓂᒃᑳᕈᓐᓇᖅᐹ ᖃᓄᖅ ᑐᓴᐅᒪᑎᑦᑎᖕᒪᖔᑕ ᐋᓐᓂᐊᕕᖕᓂ, ᑭᖑᕙᕆᐊᖃᑦᑕᑎᒡᓗᒋᑦ ᖃᖓᑕᓲᑦ ᑐᐊᕕᕐᓇᖅᑐᓕᕆᔩᑦ ᑎᑭᓐᓂᕆᔭᖏᑦ. ᖁᔭᓐᓇᒦᒃ, ᐅᖃᖅᑏ. ᐅᖃᖅᑎ: ᐃᓄᓕᕆᔨᒃᑯᓐᓄᑦ ᒥᓂᔅᑕ ᐳᕉᔅᑐ. ᐊᖓᔪᖅᑳᖅ ᔮᓇᑦ ᐳᕉᔅᑐ (ᑐᓵᔨᑎᒍᑦ): ᖁᔭᓐᓇᒦᒃ, ᐅᖃᖅᑏ. ᒪᒥᐊᑉᐳᖓ ᐊᐱᖅᑯᑏᑦ ᔭᒐᕋᑖᕋᒃᑯ. ᑲᑎᒪᔨ ᑖᓐᓇ ᐅᖃᒃᑲᓐᓂᐊᒡᓚᓪᓕ ᐊᐱᖅᑯᑎᖓᓄᑦ. ᖁᔭᓐᓇᒦᒃ, ᐅᖃᖅᑏ. ᐅᖃᖅᑎ (ᑐᓵᔨᑎᒍᑦ): ᐊᐱᖅᑯᑎᒃᓴᑲᓐᓂᕐᒥᓂᒃ ᓴᖅᑭᑦᑎᑲᓐᓂᕈᓐᓇᖅᐹ? ᒥᔅᑕ ᖁᓕᑦᑖᓈ, ᐃᑲᔪᕐᓗᓂᐅᒃ ᒥᓂᔅᑕ. ᖁᓕᑦᑖᓇ (ᑐᓵᔨᑎᒍᑦ): ᖁᔭᓐᓇᒦᒃ. ᒥᓂᔅᑕ, ᐅᓂᒃᑳᕈᓐᓇᖅᐹ ᖃᓄᖅ ᐱᓕᕆᕕᖓᑦ ᑐᓴᐅᒪᑎᑦᑎᖕᒪᖔᖅ ᐋᓐᓂᐊᕕᖕᒥᒃ ᑭᖑᕙᕆᐊᖅᑐᖃᕐᓂᐊᕌᖓᑦ ᖃᖓᑕᓲᓂᑦ ᑎᑭᓐᓂᐊᖅᑐᓂᑦ ᑐᐊᕕᕐᓇᖅᑐᓄᑦ. ᖁᔭᓐᓇᒦᒃ, ᐅᖃᖅᑏ. ᐅᖃᖅᑎ (ᑐᓵᔨᑎᒍᑦ): ᒥᓂᔅᑕ ᐳᕉᔅᑐ. ᐊᖓᔪᖅᑳᖅ ᔮᓇᑦ ᐳᕉᔅᑐ (ᑐᓵᔨᑎᒍᑦ): ᖁᔭᓐᓇᒦᒃ ᐅᖃᖅᑏ, ᖁᔭᓕᑦᑎᐊᖅᐳᖓ ᑲᑎᒪᔨ ᐅᖃᒃᑲᓂᕐᒪᑦ ᐊᐱᖅᑯᑎᒥᓂᒃ. ᐅᖃᐅᑎᔪᓐᓇᖅᑕᕋ ᑲᑎᒪᔨ, ᑐᓴᒐᔅᓴᐃᑦ ᐱᓯᒪᔭᒃᑲ 2025ᒦᖔᕐᒪᑕ. ᑭᖑᕙᕆᐊᖃᑦᑕᖅᓯᒪᔪᑦ 13 ᐃᑲᕐᕋᐃᑦ 76ᓗ ᐃᑲᕐᕋᐃᑦ ᐅᑕᖅᑭᖃᑦᑕᕐᒪᑕ, ᓱᓕᔪᖅ ᑕᒪᓐᓇ. ᑭᖑᕙᕆᐊᖃᑦᑕᕐᒪᑕ ᒪᕐᕈᐊᖅᑎ ᐱᔾᔪᑎᒋᓪᓗᒍ ᑐᐊᕕᕐᓇᖅᑐᓕᕆᓕᕐᒥᖕᒪᑕ ᐸᓖᓯᒃᑯᓪᓗ ᐃᓚᐅᒡᓗᑎᒃ, ᐃᖅᑲᓇᐃᔭᖅᑏᑦ ᐊᑦᑕᕐᓇᖅᑐᒦᓕᕐᒪᑕ 20-21ᓄᑦ ᑐᐊᕕᕐᓇᖅᑐᓕᕆᔨᐅᔪᑦ ᐸᓖᒃᑯᑦ ᐃᓚᐅᓪᓗᑎᒃ ᓯᓚᒧᓪᓗ, ᑭᖑᕙᕆᐊᕈᑎᒋᔭᐅᔪᖅ 76ᓄᑦ ᐃᑲᕐᕋᓄᑦ ᓯᓚᒧᑦ ᐱᔾᔪᑎᖃᓚᐅᖅᑐᖅ ᐊᐅᓚᑦᑐᓐᓇᖏᓐᓇᑦᑎᒍ. ᐅᖃᕈᓐᓇᖅᑐᖓ ᐅᖃᖅᑏ, ᐅᖃᐅᑎᔪᓐᓇᖅᑕᒋᑦ ᑕᐃᒪᓐᓇ ᑐᐊᕕᕐᓇᖅᑐᒃᑯᑦ ᐊᐅᓪᓚᖅᑐᖃᕆᐊᖃᖅᑎᒡᓗᒍ ᖃᐅᔨᓴᐃᒃᑲᓐᓃᓐᓇᐅᔭᕐᒪᑕ ᑖᔅᓱᒥᖓ ᐋᓐᓂᐊᖅᑐᒥᒃ ᐸᖅᑭᔭᐅᔪᒥᒃ. ᖃᐅᔨᓴᐃᒃᑲᓐᓂᖅᑎᒡᓗᒋᑦ ᑐᓴᐅᒪᑎᑦᑎᖃᑦᑕᖅᑐᑦ ᐋᓐᓂᐊᓯᐅᑎᓂᑦ ᐋᓐᓂᐊᕕᒻᒥᓂᑦᑐᓂᒃ ᑲᖓᑕᓲᓕᕆᔨᒃᑯᓐᓄᑦ ᑐᓴᐅᒪᑎᑦᑎᓇᓱᖃᑦᑕᖅᑐᑦ ᐋᓐᓂᐊᓯᐅᑎᓂᑦ ᑐᓴᖅᑎᑕᐅᒡᓗᑎᒃ, ᐅᖃᕐᕕᒋᔭᖓ ᓘᑦᑖᖑᑉᐸᑦ ᐅᕝᕙᓘᓐᓃᑦ ᐊᓯᒋᑉᐸᒍ, ᐱᒻᒪᕆᐅᔪᖅ ᑖᒃᑯᐊ ᐅᖃᖅᑏ. ᑖᒃᑯᐊ ᐋᓐᓂᐊᖅᑐᖅ ᐊᒻᒪ ᐃᓚᒋᔭᖏᑦ ᑐᓴᐅᒪᑎᑕᐅᓇᓱᖃᑦᑕᕐᒥᔪᖅ ᑕᐃᒪᓐᓇ ᐅᖃᖃᑎᒌᖏᓐᓇᖅᑎᑕᐅᒡᓗᑎᒃ.

ᐊᐃᑉᐹ, ᔫᓂ 09, 2026 ᓄᓇᕗᒥ ᒪᓕᒐᓕᐅᕐᕕᒻᒧᑦ ᑲᑎᒪᔾᔪᑏᑦ 23 ᒪᑐᐃᖓᑦᑎᐊᕋᓱᖃᑦᑕᖅᑐᑦ ᐱᒻᒪᕆᐅᖕᒪᑦ, ᑐᓴᐅᒪᑎᑦᑎᓇᓱᐃᓐᓇᖅᐸᑦᑐᑦ ᑕᐃᒃᑯᓂᖓ. ᑖᓐᓇ ᐃᓛᓐᓂᒃᑯᑦ ᑐᐊᕕᕐᓇᖅᑐᒃᑯᑦ ᐊᐅᓪᓚᕐᓂᐊᖅᑎᒡᓗᒋᑦ, ᓄᖅᑲᖅᑎᑕᐅᓚᐅᓲᖑᒻᒥᔪᖅ ᐃᓛᓐᓂᒃᑯᑦ. ᖁᕐᓗᒃᑐᒧᑦ 2025ᒧᑦ ᐃᓚᖓ ᐊᐅᓪᓚᕆᐊᓕᒃ ᑐᐊᕕᕐᓇᖅᑐᒃᑯᑦ ᓄᖅᑲᖅᑎᑕᐅᓚᐅᖅᓯᒪᖕᒥᖕᒪᑦ. ᑕᐃᒪᓐᓇ ᐱᔾᔪᑎᒋᒡᓗᒍ ᖃᐅᔨᓴᐃᒃᑲᓐᓂᖃᑦᑕᕐᓂᖅ ᐋᓐᓂᐊᖅᑐᓂᑦ ᑐᓴᐅᒪᑦᑎᐊᖅᑎᖃᑦᑕᕆᐊᖃᑦᑕᕐᒪᑕ ᐃᖅᑲᓇᐃᔭᖅᑎᕗᑦ. ᓯᕗᓪᓕᐅᔾᔨᓯᒪᔭᖓ ᐋᓐᓂᐊᖅᑐᑦ ᑖᔅᓱᒪ ᐊᑦᑕᓇᔾᔭᐃᓯᒪᓂᕆᔭᖓᓄᑦ. ᐅᖃᖅᑏ, ᖁᔭᓐᓇᒦᖅᐸᕋ ᑲᑎᒪᔨ ᐊᐱᕆᕋᑖᕐᒪᑦ. ᖁᔭᓐᓇᒦᒃ, ᐅᖃᖅᑏ. ᐅᖃᖅᑎ: ᐅᖃᐅᓯᒃᑯᑦ ᐊᐱᖅᑯᑏᑦ. ᐊᐃᕕᓕᖕᒧᑦ ᒪᓕᒐᓕᐅᖅᑎ, ᐊᖑᑎᐊᓗᒃ. ᐊᐱᖅᑯᑦ 111 - 7(2): ᖃᕆᓴᐅᔭᓕᕆᔾᔪᑦ ᐅᐊᔭᖏᑕ ᐱᖁᑎᔾᔪᐊᖏᑦ (ᐊᖑᑎᐊᓗᒃ) ᐊᖑᑎᐊᓗᒃ: ᖁᔭᓐᓇᒦᒃ, ᐅᖃᖅᑎᑦᑎᔩ. (ᑐᓵᔨᑎᒍᑦ) ᐊᐱᖅᑯᑎᒋᓂᐊᖅᑕᕋ ᒥᓂᔅᑕᖓᓐᓄᑦ, ᐱᓕᕆᕕᖓᓐᓄᑦ ᐃᖏᕐᕋᔾᔪᑎᓕᕆᔨᒃᑯᑦ ᐊᐅᓚᔪᓐᓇᐅᓯᕆᔨᒃᑯᑦ, ᐱᔾᔪᑎᖃᖅᑐᖅ ᑭᕙᓪᓕᕐᒥ, ᕿᑭᖅᑖᓗ`ᒥ ᐅᐊᔭᖓᓄᑦ ᐊᓕᒎᔭᐃᑦ ᖃᕋᓴᐅᔭᒧᑦ. ᒥᓂᔅᑕ ᖃᐅᔨᒪᖕᒪᑦ, ᒐᕙᒪᑐᖃᒃᑯᑦ ᑮᓇᐅᔭᓂᑦ ᐊᖏᖅᓯᒪᖕᒪᑕ $270. ᒥᓕᐊᓂᑦ ᑖᔅᓱᒥᖓ ᐱᓕᕆᔾᔪᑕᐅᓂᐊᖅᑐᓂᑦ ᓴᓇᔾᔪᑕᐅᓂᐊᕐᒪᑕ, 103 ᑭᓚᒥᑐᓂᑦ ᐅᐊᔭ ᐃᓕᔭᐅᓗᓂ ᐊᓕᒎᔭᖅ ᓄᓇᓕᖕᓄᑦ ᖃᕋᓴᐅᔭᖅᓯᐅᑎ ᐃᖃᓗᓐᓄᑦ, ᑭᒻᒥᕈᑦ, ᑭᙵᐃᑦ, ᓴᓪᓕᕐᓄᓪᓗ. ᑐᓴᒐᔅᓴᐃᑦ ᓴᖅᑭᑕᐅᓚᐅᖅᑐᑦ ᒐᕙᒪᑐᖃᒃᑯᓐᓂᑦ ᐅᖃᖅᓯᒪᖕᒪᑕ ᐃᒪᓐᓇ, ᐱᓕᕆᐊᒃᓴᖅ ᑐᒃᓯᕋᖅᓯᒪᔪᖅ ᐱᐅᓯᒋᐊᖁᒡᓗᒍ ᐱᑐᖅᓯᒪᓂᕆᔭᖏᑦ 80ᖑᔪᑦ ᐱᓕᕆᕕᐅᔪᑦ, ᐃᓕᓐᓂᐊᕐᕖᑦ, ᐅᖃᓕᒫᒐᖃᕐᕖᑦ, ᐋᓐᓂᐊᕖᑦ, ᓄᓇᓕᖕᓂᓗ ᐃᓐᓇᕐᓄᑦ ᐃᓕᓐᓂᐊᕐᕖᑦ ᐱᑐᒃᓯᒪᓕᕇᖕᒪᑕ ᓄᓇᕘ ᒐᕙᒪᒃᑯᖏᑕ ᖃᕋᓴᐅᔭᓕᕆᔾᔪᑎᖏᓐᓄᑦ. ᑖᒃᑯᐊ ᐃᓕᔭᐅᑉᐸᑕ ᐅᐊᔭᐃᑦ ᐊᓯᖏᑦ ᐱᓕᕆᐊᒃᓴᐃᑦ ᐱᓕᕆᔾᔪᑎᐅᔪᓄᑦ ᐊᑐᖅᑕᐅᖃᑦᑕᕈᓐᓇᓂᐊᖅᑐᑦ ᐱᑐᒍᑕᐅᓗᑎᒃ ᐊᖏᕐᕋᕆᔭᐅᔪᓄᑦ, ᓇᖕᒥᓂᖁᑎᒋᔭᐅᔪᓄᓪᓗ ᑎᓴᒪᓄᑦ ᐊᑦᑐᖅᑕᐅᓯᒪᔪᓄᑦ ᓄᓇᓕᖕᓂ. ᐅᖃᖅᑏ, ᐱᒻᒪᕆᐅᖕᒪᑦ ᕼᐊᒻᓚᒃᑯᑦ ᓴᓪᓕᕐᓂ, ᐊᒻᒪᓗᑦᑕᐅᖅ ᐊᓯᖏᓐᓂ ᑎᒥᖁᑎᒋᔭᐅᔪᑦ ᐃᑲᔪᖅᑐᖅᑕᐅᔭᕆᐊᖃᕋᓗᐊᕐᒥᖕᒪᑕ ᑖᔅᓱᒪᖓᑦ ᐱᓕᕆᐊᒥᑦ. ᒥᓂᔅᑕ ᐅᓂᒃᑳᕈᓐᓇᖅᐹ, ᖃᓄᖅ ᐃᖅᑲᓇᐃᔭᖃᑎᖃᕐᒪᖔᑕ ᕼᐊᒻᓚᒃᑯᓐᓂᑦ ᑕᓐᓇ ᐱᔾᔪᑎᒋᒡᓗᒍ. ᖁᔭᓐᓇᒦᒃ, ᐅᖃᖅᑎᑦᓯᔩ. ᐅᖃᖅᑎ: ᐃᖏᕐᕋᔪᓕᕆᔨᒃᑯᓐᓂᑦ ᐊᐅᓚᔪᓐᓇᐅᑎᓕᕆᔨᒃᑯᓐᓄᑦ ᒥᓂᔅᑕ, ᕼᐃᒃᔅ. ᐊᖓᔪᖅᑳᖅ ᔪᐊᔾ ᕼᐃᒃᔅ (ᑐᓵᔨᑎᒍᑦ): ᖁᔭᓐᓇᒦᒃ ᐅᖃᖅᑏ, ᖁᔭᓐᓇᒦᖅᐸᕋᓗ ᐊᐱᕆᖕᒪᑦ ᑲᑎᒪᔨᐅᖃᑕᐅᔪᖅ. ᐅᖃᖅᑏ, ᕿᒥᕐᕈᓇᑦᑎᒡᓗᒋᑦ ᐅᐊᔭᓕᐅᕐᓂᕐᒥᒃ ᐊᓕᒎᔭᓂᑦ ᖃᕋᓴᐅᔭᒧᑦ ᐱᑐᒍᑎᒃᓴᓂᑦ. ᑖᓐᓇ ᐊᐱᖅᑯᑎ, ᒫᓐᓇ ᐱᓕᕆᔭᐅᔪᑦ ᑕᒪᒃᑯᓂᖓ ᐅᖃᐅᓯᕆᔭᐅᓪᓚᕆᓕᕐᒪᑦ ᑕᒪᓐᓇ. ᐅᖃᖅᑏ, ᐊᔭᐅᖅᑐᐃᖏᓐᓇᓂᐊᖅᑐᒍᑦ ᑐᓴᐅᒪᑎᑦᑎᓂᕐᒧᑦ ᐊᒃᑐᖅᑕᐅᓯᒪᔪᓂᑦ ᓄᓇᓕᖕᓂ, ᐊᑦᑐᖅᑕᐅᓂᐊᖅᓱᒋᑉᐸᑕ ᓄᓇᓕᐅᔪᑦ, ᐅᖃᖅᑏ ᒫᓐᓇ ᐃᓗᓕᑯᓘᔭᖏᓐᓂᑦ ᑐᓴᕋᓱᐊᕈᑎᓂᑦ ᖃᓄᖅ ᑐᓴᕋᓱᐊᕈᑎᖃᕐᓂᕐᒪᖔᑕ ᓴᓪᓕᕐᒥᐅᑦ ᕼᐊᒻᓚᒃᑯᖏᓐᓂ. ᐅᖃᖅᑏ, ᑖᒃᑯᐊ ᐃᓱᒫᓘᑎᑕᖃᖅᐸᑦ ᓄᓇᓕᖕᓃᖔᖅᑐᓂᑦ ᐱᓕᕆᕕᖕᓂ, ᐃᖅᑲᓇᐃᔭᖅᑏᑦ ᖁᕕᐊᓱᑦᑎᐊᕋᔭᖅᑐᑦ ᑭᐅᔪᓐᓇᕐᓂᕈᑎᒃ ᑖᔅᓱᒪ ᒥᒃᓵᓄᑦ. ᖁᔭᓐᓇᒦᒃ. ᐅᖃᖅᑎ: ᓯᕗᓪᓕᖅᐹᖅ ᐃᓚᒋᐊᕈᑏᑦ ᐊᐱᕆᒍᒃ, ᒥᔅ ᐊᖑᑎᐊᓗᒃ.

ᐊᐃᑉᐹ, ᔫᓂ 09, 2026 ᓄᓇᕗᒥ ᒪᓕᒐᓕᐅᕐᕕᒻᒧᑦ ᑲᑎᒪᔾᔪᑏᑦ 24 ᐊᖑᑎᐊᓗᒃ: ᖁᔭᓐᓇᒦᒃ, ᐅᖃᖅᑎᑦᓯᔩ. (ᑐᓵᔨᑎᒍᑦ) ᐊᒻᒪᓗᑦᑕᐅᖅ ᒥᓂᔅᑕ ᐃᖅᑲᐅᒪᔪᒃᓴᐅᖕᒪᑦ, ᒫᓐᓇᕌᑖᖑᓚᐅᖅᑐᖅ ᒪᓕᒐᓕᐅᕐᕕᖕᒥ ᑐᓴᖅᑎᑦᑎᓚᐅᕐᒪᑦ ᒐᕙᒪᒃᑯᑦ ᐃᓱᒪᒃᓴᖅᓯᐅᕈᑎᖃᕐᒪᑕ ᐊᔾᔨᒌᖏᑦᑐᓂᑦ ᓇᓖᕌᕈᑎᓂᑦ ᐅᐊᔭᓄᑦ ᖃᕆᓴᐅᔭᓄᑦ ᐱᑐᒍᑏᑦ ᐱᓕᕆᔭᐅᑎᒡᓗᒍ. ᒥᓂᔅᑕ ᓇᓗᓇᐃᖅᓯᔪᓐᓇᖅᐹ, ᖃᖓᒃᑯᑦ ᖃᕆᓴᐅᔭᕐᓄᑦ ᐱᑐᒍᑎᓄᑦ ᐅᐊᔭᓕᖅᓯᓂᐊᕐᒪᖔᑕ. ᖁᔭᓐᓇᒦᒃ, ᐅᖃᖅᑎᑦᓯᔩ. ᐅᖃᖅᑎ (ᑐᓵᔨᑎᒍᑦ): ᒥᓂᔅᑕ ᕼᐃᒃᔅ. ᐊᖓᔪᖅᑳᖅ ᔪᐊᔾ ᕼᐃᒃᔅ (ᑐᓵᔨᑎᒍᑦ): ᖁᔭᓐᓇᒦᒃ, ᐅᖃᖅᑏ. ᖁᔭᓕᑦᑎᐊᖅᐳᖓ ᑲᑎᒪᔨ ᐊᐱᖅᑯᑎᖃᕐᒪᑦ ᑖᒃᓱᒥᖓ. ᐃᓚᖏᑦ ᑭᒡᒍᓯᕆᖅᑲᐅᔭᒃᑲ, ᐃᓚᖏᑦ ᑐᓴᒐᔅᓴᐃᑦ ᑮᓇᐅᔭᖃᖅᑎᑦᑎᓂᕐᒧᑦ. ᐅᐊᔭᓂᑦ ᐃᓕᓯᓂᕐᒧᑦ ᖃᕋᓴᐅᔭᓄᑦ ᐱᑐᒍᑎᓂᑦ, ᒫᓐᓇ ᐊᒥᒐᓗᐊᓕᕐᒪᑕᒎᖅ ᐱᕕᖃᕐᓂᖏᓐᓄᑦ, ᐃᓛᒃ ᐊᑯᓂᐅᓂᖓᓄᑦ ᐊᒻᒪ ᐊᑭᑦᑐᖅᐸᒡᓕᐊᓂᖏᓐᓄᑦ ᑕᒪᒃᑯᐊᑦ ᑐᒃᓯᕋᐅᑎᒋᓯᒪᔭᕗᑦ ᐱᓕᕆᐊᒃᓴᓄᑦ ᑕᒪᒃᑯᓄᖓ, ᐊᑐᑦᑎᐊᖁᒡᓗᒋᑦ ᑮᓇᐅᔭᓂᑦ ᐊᑭᓕᐅᑎᒋᔭᒃᓯᓐᓂᑦ, ᓄᓇᕘᒥᓗ ᓄᓇᓕᖕᓂ ᐊᑦᑐᐃᑦᑎᐊᖁᓪᓗᒋᑦ. ᐊᔾᔨᒌᖏᑦᑐᑦ ᐃᓗᓕᑯᓘᔭᖏᑦ ᖃᕋᓴᐅᔭᒧᑦ ᐱᑐᒍᑎᓄᑦ ᐅᐊᔭᓕᐅᕐᓂᕐᒧᑦ. ᑭᓯᐊᓂᓕ ᒫᓐᓇ ᓇᓗᓇᐃᖅᓯᓯᒪᙱᑦᑐᖓ ᖃᖓᒃᑯᑦ ᑖᓐᓇ ᑲᑎᒪᔨᐅ ᐊᐱᖅᑯᑎᒋᔭᖓᓄᑦ ᐱᓕᕆᔭᐅᓂᐊᕐᒪᖔᑦ. ᖁᔭᓐᓇᒦᒃ, ᐅᖃᖅᑏ. ᐅᖃᖅᑎ: ᑐᒡᓕᐊᓄᑦ ᐊᒻᒪᓗ ᑭᖑᓪᓕᖅᐹᖅ ᐊᐱᖅᑯᑎᕕᑦ ᐃᓚᒋᐊᕈᑖ, ᒥᔅ ᐊᖑᑎᐊᓗᒃ. ᐊᖑᑎᐊᓗᒃ (ᑐᓵᔨᑎᒍᑦ): ᒥᓂᔅᑕ ᖃᐅᔨᒪᖕᒪᑦ, ᐱᓕᕆᕕᖓ ᒫᓐᓇ ᐸᕐᓇᐅᑎᒋᔭᖓ ᐅᖃᖅᓯᒪᔪᖅ, ᐱᓕᕆᐊᒃᓴᖏᓐᓄᑦ ᓯᕗᓪᓕᐅᑎᓯᒪᔪᒪᔭᖏᑦ, ᐃᒪᓐᓇ ᐅᖃᓚᐅᕐᒪᑕ ᓄᓇᕗᒻᒥᐅᑦ ᐱᔭᕇᖅᑕᐅᓗᑎᒃ ᐅᐊᔭᓕᐅᕐᓂᕐᒧᑦ ᖃᕋᓴᐅᔭᒃᑯᑦ ᐱᑐᒍᑎᓂᑦ ᑕᐅᕘᓇ ᐱᖓᓐᓇᖓᓂ ᑕᓯᐅᔭᕐᔪᐊᑉ. ᑖᒃᑯᐊ ᑕᒪᑐᒧᖓ ᐱᓕᕆᔭᐅᔪᑦ ᑭᕙᓪᓕᕐᒧᑦ ᓄᓇᓕᖁᑎᖏᖕᓂ ᐊᕐᕕᐊᕐᒥᐅᓂ, ᑲᖏᖅᖠᓂᕐᒥ, ᑎᑭᕋᕐᔪᐊᒥᓗ ᐱᖃᓯᐅᔾᔨᓯᒪᖕᒪᑕ. ᒥᓂᔅᑕ ᑐᓴᖅᑎᑦᑎᔪᓐᓇᖅᐹ, ᖃᓄᖅ ᑖᒃᑯᐊ ᓄᓇᓖᑦ ᓂᕈᐊᖅᑕᐅᓂᕐᒪᖔᑕ, ᓇᓗᓇᐃᖅᓯᔪᓐᓇᖅᐸᓘ ᖃᓄᐃᑦᑐᓂᑦ ᐸᕐᓇᐅᓯᒪᖕᒪᖔᑕ ᒐᕙᒪᒃᑯᑦ ᐅᐊᔭᓕᐅᕐᓂᖅ ᖃᕋᓴᐅᔭᓄᑦ ᐱᑐᒍᑎᖏᓐᓄᑦ ᐊᓯᖏᓐᓄᑦ ᓄᓇᓕᖕᓄᑦ, ᐱᖃᓯᐅᑎᓗᒍ ᓇᐅᔮᑦ. ᖁᔭᓐᓇᒦᒃ, ᐅᖃᖅᑎᑦᓯᔩ. ᐅᖃᖅᑎ: ᐃᖏᕐᕋᔪᓕᕆᔨᒃᑯᓐᓄᑦ ᐊᐅᓚᔪᓐᓇᐅᑎᓕᕆᔨᒃᑯᓐᓂᑦ ᒥᓂᔅᑕ, ᕼᐃᒃᔅ. ᐊᖓᔪᖅᑳᖅ ᔪᐊᔾ ᕼᐃᒃᔅ (ᑐᓵᔨᑎᒍᑦ): ᖁᔭᓐᓇᒦᒃ, ᐅᖃᖅᑏ. ᑖᒃᑯᐊ ᑕᐃᒪᓐᓇ ᑕᕝᕙ ᐱᔾᔪᑎᖏᑦ ᐅᖃᐅᓯᕆᖅᑲᐅᔭᕋᓗᐊᕋ. ᓇᓗᓇᐃᖅᓯᑦᑎᐊᕐᓂᖏᓐᓇᒪᖃᐃ. ᐅᖃᖅᑏ, ᖃᐅᔨᓴᐃᑎᓪᓗᑕ ᑐᒃᓯᕋᐅᑎᐅᔪᓂᑦ ᑭᖑᓂᑦᑎᓐᓂ ᑐᓂᔭᐅᓂᑯᓂᑦ ᐃᓕᓴᖅᓯᓪᓗᑕ ᐊᑭᑦᑐᖅᐹᓪᓕᖅᑐᐊᓘᖕᒪᑦ ᑕᒪᒃᑯᓄᖓᑦ ᑐᒃᓯᕋᐅᑎᒋᔭᐅᔪᓂᑦ, ᑮᓇᐅᔭᖃᖅᑎᑕᐅᓚᐅᖅᓯᒪᔫᒐᓗᐊᓪᓗ ᑭᖑᓂᑦᑎᓐᓂ ᐊᒥᒐᓗᐊᓕᕐᒪᑕ ᐱᔭᕇᖅᓯᔪᓐᓇᐃᓕᐅᖅᑲᕐᔪᑎᒋᔭᖓᑦ ᑕᒪᓱᒧᖓ ᐸᕐᓇᐅᑎᐅᓚᐅᖅᑑᒐᓗᐊᒧᑦ. ᐅᖃᖅᑏ, ᑭᓯᐊᓂ ᐅᑎᕆᐊᖃᕐᓂᐊᕋᑦᑕ ᑮᓇᐅᔭᖃᖅᑎᑦᑎᔪᓄᑦ ᐅᑎᕐᕕᒋᓪᓗᑎᒍ ᐱᓕᕆᐊᒃᓴᕗᑦ ᐱᓪᓗᑎᒍ, ᓲᕐᓗ ᒫᓐᓇ ᐃᒪᐅᑉ ᐃᖅᑲᖓᓂᑦ ᑭᒥᕐᕈᓇᓕᖅᑐᑦ, ᕿᒥᕐᕈᓇᕆᐊᖃᖅᑐᒍᑦ ᓇᓕᐊᒃ ᓄᓇᓖᑦ ᑕᐃᒃᑯᐊ ᐃᓚᒋᔭᐅᓂᐊᕐᒪᖔᑕ ᐱᑐᒃᑎᑕᐅᔪᑦ ᑖᒃᓱᒧᖓ.

ᐊᐃᑉᐹ, ᔫᓂ 09, 2026 ᓄᓇᕗᒥ ᒪᓕᒐᓕᐅᕐᕕᒻᒧᑦ ᑲᑎᒪᔾᔪᑏᑦ 25 ᒪᒥᐊᓇᖅ ᐅᖃᖅᑏ, ᐱᓯᒪᙱᓇᒪ ᑭᒡᒍᓯᑦᑎᐊᕙᖕᒥᒃ ᒫᓐᓇ ᐅᓪᓗᒥᐅᔪᖅ, ᑭᓯᐊᓂ ᖃᐅᔨᓴᖅᑕᐅᖏᓐᓇᖅᑐᖅ ᒫᓐᓇ, ᓯᕗᒧᐊᒃᐸᒡᓕᐊᓯᑎᒡᓗᒋᑦ ᐱᓕᕆᔾᔪᑎᒋᔭᕗᑦ ᑕᒪᒃᑯᐊ ᐃᓗᓕᕆᔭᖏᑦ, ᑮᓇᐅᔭᖃᖅᑎᑦᑎᔩᑦ ᐅᕙᑦᑎᓐᓂᑦ ᑕᐃᒃᑯᓂᖓ ᐊᓯᔾᔩᒐᓚᓕᕋᑦᑕ ᐊᒥᒐᖅᓯᒧᑦ ᑖᒃᑯᐊ ᐊᑯᓂᑲᓪᓚᒃ ᑖᓐᓇ ᑲᒪᒋᔭᐅᓂᐊᖅᑐᖅ ᓯᕗᒧᐊᑉᐸᓪᓕᐊᖁᓪᓗᑕ. ᑕᐃᑯᖓ ᓱᓕ ᑎᑭᓚᐅᙱᓇᑦᑕ. ᖁᔭᓐᓇᒦᒃ, ᐅᖃᖅᑏ. ᐅᖃᖅᑎ: ᐅᖃᐅᓯᒃᑯᑦ ᐊᐱᖅᑯᑏᑦ. ᑲᔪᓯᓗᑕ ᑲᑎᒪᔾᔪᑎᑦᑎᓐᓄᑦ. ᒪᒥᐊᓇᖅ. ᐅᖅᓱᖅᑑᒧᑦ ᒪᓕᒐᓕᐅᖅᑎ ᐳᐊᑐ. ᐊᐱᖅᑯᑦ 112 - 7(2): ᖃᖓᑕᓲᒃᑯᑦ ᑐᐊᕕᕐᓇᖅᑐᓂᒃ ᐱᔨᑦᑎᖅᑎᖏᑦ (ᐳᐊᑕ) ᐳᐊᑐ (ᑐᓵᔨᑎᒍᑦ): ᖁᔭᓐᓇᒦᒃ, ᐅᖃᖅᑏ. ᐊᐱᖅᑯᑎᒃᑲ ᒥᓂᔅᑕᖓᓐᓄᑦ ᐋᓐᓂᐊᖃᕐᓇᙱᑦᑐᓕᕆᔨᒃᑯᑦ. ᐅᖃᖅᑏ, ᑖᒃᑯᐊ ᕿᑎᕐᒥᐅᖃᑎᒃᑲ ᐱᖅᓱᕐᒪᑕ ᒐᕙᒪᒃᑯᑦ ᑳᓐᑐᕌᖓᓄᑦ ᖃᖓᑕᓲᒃᑯᑦ ᑐᐊᕕᕐᓇᖅᑐᓕᕆᔾᔪᑎᐅᓂᖅ ᕿᑎᕐᒥᐅᓂ. ᒥᓂᔅᑕ ᖃᐅᔨᒪᒻᒪᑦ, ᑐᓴᒐᒃᓴᐃᑦ ᓴᖅᑭᑕᐅᓚᐅᖅᑐᑦ ᐱᓕᕆᕕᒻᒧᑦ ᐅᖃᖅᓯᒪᒻᒪᑕ 125-ᖑᓚᐅᕐᒪᑕ ᑐᐊᕕᕐᓇᖅᑐᒃᑯᑦ ᐊᐅᓪᓛᖅᑕᐅᔪᑦ ᐅᖅᓱᖅᑑᒥᑦ ᐊᕐᕌᒍᐊᓂ 2022, 625-ᖑᓚᐅᖅᑐᑦ ᐅᖓᑖᓂ ᕿᑎᕐᒥᐅᑦ ᓄᓇᓕᖏᓐᓂ ᑎᑭᖃᑦᑕᖅᑐᑦ ᖃᖓᑕᓲᑦ ᑐᐊᕕᕐᓇᖅᑐᓕᕆᔪᑦ. ᒥᓂᔅᑕ ᓇᓗᓇᐃᖅᓯᔪᓐᓇᖅᐹ ᐅᖅᓱᖅᑑᕐᒥ ᐊᓯᖏᓐᓂᓪᓗ ᓄᓇᓕᖏᓐᓂ ᕿᑎᕐᒥᐅᑦ ᐅᓄᖅᓯᒋᐊᖅᓯᒪᕙᑦ ᐅᕝᕙᓘᓐᓃᑦ ᐃᓄᐃᓴᓪᓕᒋᐊᖅᓯᒪᕙᑦ ᐊᕐᕌᒍᑦ ᑎᓴᒪᑦ ᐊᓂᒍᖅᑐᑦ ᐃᓗᐊᓂ? ᖁᔭᓐᓇᒦᒃ, ᐅᖃᖅᑏ. ᐅᖃᖅᑎ: ᒥᓂᔅᑕ ᐋᓐᓂᐊᖃᕐᓇᙱᑦᑐᓕᕆᓂᕐᒧᑦ, ᒥᔅ ᐳᕉᔅᑐ. ᐊᖓᔪᖅᑳᖅ ᔮᓇᑦ ᐳᕉᔅᑐ (ᑐᓵᔨᑎᒍᑦ): ᖁᔭᓐᓇᒦᒃ, ᐅᖃᖅᑏ. ᐅᖃᕈᓐᓇᖅᑐᖓ ᑲᑎᒪᔨᒧᑦ ᑖᒃᑯᓄᖓ 2025- ᖑᑎᓪᓗᒍ 128-ᖑᓚᐅᖅᑐᑦ ᑐᒃᓯᕋᖅᑐᑦ ᑐᐊᕕᕐᓇᖅᑐᒃᑯᑦ ᐊᐅᓪᓚᖁᔨᓪᓗᑎᑦ ᐅᖅᓱᖅᑑᒧᑦ, ᐊᒻᒪᓗ 121-ᖑᔪᑦ ᐱᔭᕇᖅᑕᐅᓚᐅᖅᑐᑦ. ᑭᓯᐊᓂ ᓈᓴᐅᑎᓂ ᐱᓯᒪᒐᒪ. ᑲᑎᓪᓗᒋᑦ ᕿᑎᕐᒥᐅᓄᑦ ᑐᕌᖓᔪᓕᒫᑦ. ᐅᖃᖅᑏ, ᐅᓄᖅᑐᐋᓗᓐᓂᑦ ᑐᓴᒐᒃᓴᓂᑦ ᐱᓯᒪᔅᓯᒐᒪ ᓵᓐᓂ, ᐱᔭᕐᓂᖏᒻᒪᑦ ᒫᓐᓇ ᑕᐃᒃᑯᓄᖓ ᓈᓴᐅᑎᖏᑦ ᖃᔅᓯᓪᓚᕆᐅᓐᓇᕐᒪᖔᑕ. ᑭᓯᐊᓂᓕ, ᖁᕕᐊᓱᓐᓂᐊᖅᑐᖓ ᕿᓂᕆᐊᒃᓴᖅ ᐊᓕᐊᓇᐃᒍᓱᓐᓂᐊᖅᑐᖓ ᐅᑎᕐᕕᒋᓂᐊᕋᒃᑯ ᑲᑎᒪᔨᐅᖃᑕᐅᔪᖅ. ᐅᖃᕈᓐᓇᖅᑐᖓ ᐃᒪᓐᓇ ᑐᐊᕕᕐᓇᖅᑐᒃᑯᑦ ᐊᐅᓪᓚᕈᑎᐅᖃᑦᑲᑕᖅᑐᖅ ᐊᓯᔾᔨᑲᑕᖃᑦᑕᕐᒪᑕ ᐅᓄᕐᓂᕆᔭᖏᓐᓂ. ᓂᕆᐅᓇᙱᑦᑑᒻᒪᑕ ᐊᒻᒪ ᒥᒃᓴᐅᓴᓐᓇᙱᒻᒪᑦ ᖃᔅᓯᐅᓂᐊᕐᒪᖔᑕ ᐃᖅᑲᐅᒪᐃᓐᓇᕆᐊᖃᖅᑐᒍᑦ ᒫᓐᓇ ᐱᕕᖃᖅᑎᑕᐅᑦᑎᐊᕐᓗᑕ ᐋᓐᓂᐊᖅᑕᐃᓕᒪᖃᑦᑕᕐᓗᓯ ᓇᓪᓕᒋᔭᔅᓯᓗ ᐋᓐᓂᐊᖅᑕᐃᓕᒪᑎᓪᓗᒋᑦ. ᑕᒪᒃᑯᐊ ᑐᐊᕕᕐᓇᖅᑐᒃᑯᑦ ᐊᐅᓪᓚᕈᑕᐅᖃᑦᑕᖅᐳᑦ ᐊᒃᑐᐊᓂᖃᖃᑦᑕᕐᒪᑕ ᐱᔾᔪᑎᐅᔪᓄᑦ ᓲᕐᓗ ᑕᐃᒪᐃᑦᑕᐃᓕᒪᔾᔪᑎᐅᖃᑦᑕᖅᑐᑦ ᐸᖅᑭᒍᕕᑦ ᐋᓐᓂᐊᖅᑕᐃᓕᒪᓐᓇᓱᒃᑯᕕᑦ, ᐳᕙᒡᓗᓂᒃᑯᓪᓘᓐᓃᑦ ᐅᕝᕙᓘᓐᓃᑦ ᐆᒻᒪᑎᓕᕆᓂᒃᑯᑦ ᑐᐊᕕᕐᓇᖅᑐᒃᑰᕈᑕᐅᖃᑦᑕᖅᑐᑦ, ᐃᖃᐃᓕᓴᑦᑎᐊᖅᓗᑎᑦ, ᓂᕆᑦᑎᐊᖃᑦᑕᕐᓗᑎ, ᑲᐱᔭᐅᑦᑎᐊᖃᑦᑕᕐᓗᑎ. ᓄᕙᔾᔪᐊᖅᑕᐃᓕᒪᓂᕐᒧᑦ ᑲᐱᔭᐅᑦᑕᐃᓕᒍᓰᑦ COVID ᓄᕙᔾᔪᐊᕐᓇᕐᒧᓪᓗ ᐊᐅᐸᓛᓇᕐᒧᓪᓗ. ᑕᒪᒃᑯᐊ ᐋᓐᓂᐊᖅᑕᐃᓕᒪᔾᔪᑏᑦ ᐃᒻᒥᒧᑦ ᓴᐳᒻᒥᐅᓯᖅᓯᒪᔾᔪᑎᒋᓗᒋᑦ ᐅᓄᙱᓂᖅᓴᐅᓕᖃᑦᑕᕐᒪᑕ ᑐᐊᕕᕐᓇᖅᑐᒃᑯᑦ ᐊᐅᓪᓚᕆᐊᓖᑦ ᐅᓄᖅᑐᓄᑦ ᐱᔾᔪᑎᖃᖅᖢᑎᑦ. ᐅᓄᖅᑐᓂᖏᓛᒃ ᐱᔾᔪᑎᖃᒐᔪᒻᒪᑕ, ᐊᔪᕐᓇᖃᑦᑕᕐᒪᑦ ᐃᒻᒥᓂᒃ ᓴᐳᒻᒥᑦᑎᐊᕆᐊᓐᓄᒋᐊᔅᓴᖅ. ᑭᓯᐊᓂᓕ, ᐱᒻᒪᕆᐅᔪᖅ ᑖᒃᑯᓂᖓ ᑎᒦᓐ ᖃᓄᐃᙱᑦᑎᐊᖁᓪᓗᒍ. ᖁᔭᓐᓇᒦᒃ, ᐅᖃᖅᑏ. ᐅᖃᖅᑎ: ᓯᕗᓪᓕᖅᐹᒥ ᐃᓚᒋᐊᕈᑏᑦ ᐊᐱᖅᑯᑎᓐᓄᑦ, ᒥᔅᑕ ᐳᐊᑐ.

ᐊᐃᑉᐹ, ᔫᓂ 09, 2026 ᓄᓇᕗᒥ ᒪᓕᒐᓕᐅᕐᕕᒻᒧᑦ ᑲᑎᒪᔾᔪᑏᑦ 26 ᐳᐊᑐ (ᑐᓵᔨᑎᒍᑦ): ᖁᔭᓐᓇᒦᒃ, ᐅᖃᖅᑏ. ᖁᔭᓐᓇᒦᒃ ᑭᐅᒐᕕᑦ. ᒪᓕᒐᓕᐅᖅᑎᐅᓪᓗᓂ ᐅᖅᓱᖅᑑᒧᑦ, ᐃᓱᒫᓘᑎᖃᕋᒪ ᐊᒥᓱᓂᑦ ᓂᕈᐊᖅᑎᖁᑎᒋᔭᓐᓂ ᑐᐊᕕᕐᓇᖅᑐᓕᕆᓂᖅ ᑎᒻᒥᓲᒃᑯᑦ ᕿᑎᕐᒥᐅᓂ ᐱᓪᓗᒍ. ᒥᓂᔅᑕ ᐅᓂᒃᑳᕈᓐᓇᖅᐹ ᖃᓄᖅ ᒐᕙᒪᒃᑯᑦ ᓄᑖᖅ ᑳᓐᑐᕌᖓ ᐋᖅᑭᕚᓪᓕᕈᑎᐅᓂᐊᕐᒪᖔᖅ ᐅᐸᔅᓵᓕᖃᑦᑕᕈᓐᓇᓕᕐᓗᑎᑦ ᑳᓐᑐᕌᓯᒪᔪᑦ ᑐᐊᕕᕐᓇᖅᑐᓕᕆᓂᕐᒧᑦ? ᖁᔭᓐᓇᒦᒃ, ᐅᖃᖅᑏ. ᐅᖃᖅᑎ: ᒥᓂᔅᑕ ᐋᓐᓂᐊᖃᕐᓇᙱᑦᑐᓕᕆᓂᕐᒧᑦ, ᒥᔅ ᐳᕉᔅᑐ. ᐊᖓᔪᖅᑳᖅ ᔮᓇᑦ ᐳᕉᔅᑐ (ᑐᓵᔨᑎᒍᑦ): ᖁᔭᓐᓇᒦᒃ, ᐅᖃᖅᑏ. ᓱᓕᑦᑕᐅᖅ ᐊᒥᓲᕗᑦ ᓱᓕ ᐋᖅᑭᒋᐊᕈᑎᒃᓴᐅᓴᐃᓐᓇᕈᓐᓇᖅᑐᑦ ᐃᖅᑲᓇᐃᔮᕆᔭᑦᑎᓐᓂ ᐃᓕᓐᓂᐊᕈᑎᒋᖃᑦᑕᕈᑦᑎᒍ ᑐᑭᓯᕙᓪᓕᐊᔭᕗᑦ ᑭᓱᓕᒫᑦ ᑐᐊᕕᕐᓇᖅᑐᒃᑰ ᐅᖃᓘᑕᐅᔪᓕᒫᑦ, ᑕᒪᕐᒥᑦᑎᐊᖅ ᑐᐊᕕᕐᓇᑐᒃᑰᖅᑐᑦ ᐱᓪᓗᒋᑦ, ᐱᐅᓛᒥᑦ ᑐᓴᐅᒪᓂᖃᑦᑎᐊᖁᓪᓗᑕ ᐊᑐᕈᓐᓇᕋᔭᖅᑕᑎᓐᓂ ᐋᔩᖃᑎᖃᓕᕈᑦᑕ. ᓱᒃᑲᓕᓗᐊᓕᖅᐳᖔ? ᖁᔭᓐᓇᒦᒃ, ᐅᖃᖅᑏ. ᐋᖅᑭᐸᓪᓕᐊᒐᓱᑦᑕᕗᑦ ᑐᐊᕕᕐᓇᖅᑐᓕᕆᓂᖅ, ᐋᔩᖃᑎᒌᓐᓂᑎᒍᑐᐃᓐᓇᐅᙱᑦᑐᖅ ᑳᓐᑐᕌᓂᑦ. ᑭᓯᐊᓂᑦᑕᐅᖅ, ᐋᖅᑭᒋᐊᖏᓐᓇᖅᑕᕗᑦ ᖃᐅᑕᒫᑦ, ᑐᓴᖅᐸᓪᓕᐊᔭᕗᑦ ᒪᓕᑦᑐᒋᑦ ᑐᐊᕕᕐᓇᖅᑐᓕᕆᓂᕐᒥ, ᖃᐅᔨᒪᓂᕆᔭᕗᑦ ᐊᑐᓕᖅᑏᓐᓇᓱᑉᐸᑉᐸᕗᑦ ᖃᐅᑕᒫᑦ. ᐊᒻᒪᓗ ᑕᐅᑐᓪᓚᕆᑦᑐᑎᒍ ᐃᓄᑐᐃᓐᓇᐃᑦ ᑭᒃᑯᑐᐃᓐᓇᐃᑦ, ᑐᐊᕕᕐᓇᖅᑐᖅᓯᐅᖅᑕᐅᓗᓂ ᐊᓕᐊᓇᐃᙱᑦᑐᒻᒪᕆᐅᒍᓐᓇᕐᒪᑦ, ᑕᐃᒪᐃᒻᒪᑦ ᐱᑦᑎᐊᓂᖅᓴᐅᖃᑦᑕᕈᒪᒐᓗᐊᖅᐳᒍᑦ ᑭᒃᑯᓕᒫᑦ ᐊᑐᐃᓐᓇᖃᑦᑎᐊᖃᑦᑕᖁᓪᓗᒋᑦ ᐋᓐᓂᐊᖅᑐᓕᕆᓂᕐᒥᑦ. ᑲᓇᑕᒥᐅᑕᐅᓪᓗᑕ, ᐅᕙᒍᑦ ᐱᔪᓐᓇᐅᑎᖃᕋᑦᑕ ᐊᑐᐃᓐᓇᖃᕐᕕᐅᑦᑎᐊᕆᐊᖃᕋᑦᑕ ᐋᓐᓂᐊᖅᑐᓕᕆᓂᕐᒥ ᑲᓇᑕᒥᐅᑎᑐᑦ. ᑖᓐᓇ ᑕᐅᑐᑦᑐᒍ ᐱᔭᕗᑦ ᐋᖅᑭᒋᐊᕆᓇᓱᓐᓂᕗᑦ ᐋᓐᓂᐊᖅᑐᓕᕆᔨᒃᑯᓐᓂ, ᖃᓄᐃᙱᑦᑎᐊᕐᓂᕐᒧᑦ ᐱᐅᓛᒥᓪᓗ ᐃᓱᐊᖅᓴᐃᒍᑎᖃᕐᓂᕐᒧᑦ ᖃᐅᑕᒫᑦ. ᖁᔭᓐᓇᒦᒃ, ᐅᖃᖅᑏ. ᐅᖃᖅᑎ: ᑐᒡᓕᐊ ᐊᒻᒪᓗ ᑭᖑᓪᓕᖅᐹᖅ ᐃᓚᒋᐊᕈᑏᑦ ᐊᐱᖅᑯᑎᓐᓄᑦ, ᒥᔅᑕ ᐳᐊᑐ. ᐳᐊᑐ (ᑐᓵᔨᑎᒍᑦ): ᖁᔭᓐᓇᒦᒃ, ᐅᖃᖅᑏ, ᐊᒻᒪᓗ ᖁᔭᓐᓇᒦᖅᐸᕋ ᒥᓂᔅᑕ. ᒥᓂᔅᑕ ᖃᐅᔨᒪᕗᖅ, ᐋᓐᓂᐊᖅᑐᓕᕆᔨᒃᑯᑦ ᒪᓂᒪᑎᑖᓴᓚᐅᕐᓂᕆᔭᖓᑦ ᐊᑭᑦᑐᕋᐅᑎᔅᓴᒥᑦ ᐅᖃᖅᓯᒪᒻᒪᑦ, ᐅᖃᖅᑐᒍ, “ᓇᔪᕐᕕᒋᔪᒥᓇᖅᑐᒥ ᑎᒻᒥᓲᖃᕐᕕᒻᒥ ᕿᑎᕐᒥᐅᓄᑦ” ᒫᓐᓇᐅᔪᖅ ᔭᓗᓇᐃᕝᓅᒦᒻᒪᑕ ᐃᖃᓗᒃᑑᑦᑎᐊᒥᓘᓐᓃᑦ. ᒥᓂᔅᑕ ᐅᖃᕈᓐᓇᖅᐹ ᑐᐊᕕᕐᓇᖅᑐᓕᕆᓂᖅ ᑎᒻᒥᓲᒃᑯᑦ ᐊᑐᐃᓐᓇᐅᑦᑎᐊᓂᖅᓴᐅᖃᑦᑕᕈᓐᓇᓕᕐᓗᑎ ᕿᑎᕐᒥᐅᓃᑦᑐᖃᓕᕐᓗᓂ ᑎᒻᒥᓲᒥᒃ? ᖁᔭᓐᓇᒦᒃ, ᐅᖃᖅᑏ. ᐅᖃᖅᑎ: ᒥᓂᔅᑕ ᐳᕉᔅᑐ. ᐊᖓᔪᖅᑳᖅ ᔮᓇᑦ ᐳᕉᔅᑐ (ᑐᓵᔨᑎᒍᑦ): ᖁᔭᓐᓇᒦᒃ, ᐅᖃᖅᑏ. ᑕᐃᒫᒃ ᓱᓕ, ᐃᓗᓕᑯᓗᖏᓐᓂ ᐅᖃᐅᓯᖃᕈᓐᓇᙱᓐᓇᒪ ᐋᔩᕈᑕᐅᔪᓂᑦ. ᑭᓯᐊᓂᓕ, ᐅᖃᕈᓐᓇᕋᓗᐊᖅᐳᖓ ᑕᒪᒃᑯᐊ ᑭᙳᖅᑕᐅᓂᖏᑦ ᑐᐊᕕᕐᓇᖅᑐᓕᕆᔨᓂᑦ ᑎᒻᒥᓲᖅᓴᖃᕆᐊᖃᕌᖓᑦ ᐊᑐᐃᓐᓇᐅᔪᖃᙱᑎᓪᓗᒍ. ᑕᒪᒃᑯᐊ ᐊᑐᐃᓐᓇᐅᙱᑦᑐᑦ ᐊᑐᓲᕆᔭᕗᑦ ᓇᑭᑦ ᐊᒻᒪᓗ ᐊᑐᖅᑕᐅᓲᖑᒋᓪᓗᓂ ᐱᑦᓴᕆᐊᖃᕌᖓᑦ ᐊᕕᒃᑐᖅᓯᒪᓂᕗᑦ ᓇᓕᐊᓐᓄᑦ ᐱᔪᓐᓇᕐᓗᑎ, ᐃᓱᒪᖅᓲᑕᐅᓯᓲᖑᔪᖅ ᐋᓐᓂᐊᖅᑐᓕᕆᔨᐅᔪᒧᑦ ᓇᒥ ᓄᓇᓕᒻᒥ ᑐᐊᕕᕐᓇᖅᑐᖅᓯᐅᒻᒥ ᑭᙳᖅᑐᖃᕌᖓᑦ. ᓇᓕᐊᓐᓂᓚᑦᑖᖅ ᑎᒥᓲᒥᒃ ᐊᒡᒍᑐᖅᓯᒪᓂᖏᑦ ᒪᓕᑦᑐᒋᑦ ᓇᓕᐊᓐᓂ ᐊᕕᒃᑐᖅᓯᒪᓂᕐᒥ ᐊᑐᐃᓐᓇᐅᔪᖃᙱᕌᖓᑦ ᓇᓕᐊᓐᓂ ᑐᔅᓯᕋᓲᖑᔪᑦ. ᖁᔭᓐᓇᒦᒃ, ᐅᖃᖅᑏ.

ᐊᐃᑉᐹ, ᔫᓂ 09, 2026 ᓄᓇᕗᒥ ᒪᓕᒐᓕᐅᕐᕕᒻᒧᑦ ᑲᑎᒪᔾᔪᑏᑦ 27 ᐅᖃᖅᑎ: ᐅᖃᐅᓯᒃᑯᑦ ᐊᐱᖅᑯᑏᑦ. ᑲᔪᓯᓗᑕ. ᑲᑎᒪᔾᔪᑎᒃᓴᖅ 7. ᑎᑎᖅᑲᑎᒍᑦ ᐊᐱᖅᑯᑏᑦ. ᑲᑎᒪᔾᔪᑎᒃᓴᖅ 8. ᑎᑎᖅᑲᑎᒍᑦ ᐊᐱᖅᑯᑎᕕᓂᕐᓄᑦ ᑭᐅᔾᔪᑏᑦ. ᑲᑎᒪᔾᔪᑎᒃᓴᖅ 9. ᒪᑐᐃᖅᓯᔾᔪᑎᓄᑦ ᑭᐅᔾᔪᑏᑦ. ᑲᑎᒪᔾᔪᑎᒃᓴᖅ 10. ᐊᑎᓕᐅᖅᓯᒪᔪᑎᒍᑦ ᑐᒃᓯᕋᐅᑏᑦ. ᑲᑎᒪᔾᔪᑎᒃᓴᖅ 11. ᐊᑎᓕᐅᖅᓯᒪᔪᑎᒍᑦ ᑐᒃᓯᕋᐅᑎᓄᑦ ᑭᐅᔾᔪᑏᑦ. ᑲᑎᒪᔾᔪᑎᒃᓴᖅ 12. ᑲᑎᒪᔨᕋᓛᑦ ᑲᑎᒪᔨᕋᓛᖑᑲᐃᓐᓇᖅᑐᓪᓗ ᐅᓂᒃᑳᖏᑦ ᕿᒥᕐᕈᓇᓚᐅᖅᑎᓪᓗᒋᑦ ᒪᓕᒐᒃᓴᓂᑦ ᐊᓯᖏᓐᓂᓪᓗ. ᑲᑎᒪᔾᔪᑎᒃᓴᖅ 13. ᑎᑎᖅᑲᑦ ᓴᖅᑭᑕᐅᓂᖏᑦ. ᐃᓕᓐᓂᐊᖅᑐᓕᕆᔨᒃᑯᓐᓄᑦ ᒥᓂᔅᑕ ᐊᕿᐊᕈᖅ. ᑲᑎᒪᔾᔪᑎᒃᓴᖅ 13: ᓴᖅᑭᑕᐅᓂᖏᑦ ᑎᑎᖅᑲᐃᑦ ᓴᖅᑭᑕᐅᔪᖅ ᑎᑎᖅᑲᒃ 30 - 7(2): ᐊᒡᒍᖅᓯᒪᔪᑦ ᑲᓇᑕᒥ-ᐅᑭᐅᖅᑕᖅᑑᑉ ᐊᕕᒃᓯᒪᔪᖏᑦ ᐊᒻᒪᑦᑕᐅᖅ ᒐᕙᒪᑐᖃᒃᑯᑦ-ᐊᒡᒍᖅᓯᒪᔪᑦ-ᐅᑭᐅᖅᑕᖅᑑᓪᓗ ᒥᓂᑕᖏᑦ ᑲᒪᒋᔭᖃᖅᑐᓐ ᐃᓕᓕᓵᕈᑎᓄᑦ ᐸᐃᕆᔭᓄᓪᓗ (ᐊᕿᐊᕈᖅ) ᐊᖓᔪᖅᑳᖅ ᑕᐃᕕᑎ ᐊᕿᐊᕈᖅ (ᑐᓵᔨᑎᒍᑦ): ᖁᔭᓐᓇᒦᒃ, ᐅᖃᖅᑏ. ᖁᕕᐊᓱᑉᐳᖓ ᓴᖅᑭᑦᑎᒋᐊᒥ ᐊᕕᒃᑐᖅᓯᒪᔪᑦ ᑲᓇᑕᒥ ᒐᕙᒪᑐᖃᒃᑯᓪᓗ ᒥᓂᔅᑕᖏᑦ ᑲᒪᒋᔭᖃᖅᑐᑦ ᐃᓕᓐᓂᐊᓵᓕᓂᕐᒧᑦ ᐊᒻᒪ ᐸᐃᕆᔪᓕᕆᓂᕐᒧᑦ ᑲᑎᒪᓂᕆᓚᐅᖅᑕᖓᓄᑦ. ᖁᔭᓐᓇᒦᒃ, ᐅᖃᖅᑏ. ᐅᖃᖅᑎ: ᖁᔭᓐᓇᒦᒃ. ᑲᑎᒪᔾᔪᑎᒃᓴᖅ 13. ᑎᑎᖅᑲᑦ ᓴᖅᑭᑕᐅᓂᖏᑦ. ᑲᑎᒪᔾᔪᑎᒃᓴᖅ 14. ᖃᐅᔨᒃᑲᐃᔾᔪᑏᑦ ᐱᖁᔨᕗᖔᕈᑕᐅᓂᐊᖅᑐᓂᑦ. ᖁᑦᑎᑦᑐᒧᑦ ᒪᓕᒐᓕᐅᖅᑎ ᑕᖅᑐ. ᑲᑎᒪᔾᔪᑎᒃᓴᖅ 14: ᖃᐅᔨᒃᑲᐃᓂᖅ ᐱᒋᐊᖅᑎᑕᒃᓴᓂᑦ ᐱᒋᐊᖅᑎᑕᖅ 7 - 7(2): ᓄᖅᑲᖓᑯᑖᕐᓂᖅ - ᖃᐅᔨᒃᑲᐃᒍᑦ (ᑕᖅᑐ) ᑕᖅᑐ (ᑐᓵᔨᑎᒍᑦ): ᖁᔭᓐᓇᒦᒃ, ᐅᖃᖅᑏ. ᑐᓴᖅᑎᑦᑎᕗᖓ ᓯᑕᒻᒥᐅᓕᖅᐸᑦ, ᔫᓐ 11, 2026, ᐱᒋᐊᖅᑎᑦᑎᔪᒫᖅᐳᖓ ᐆᒪᙵᑦ: ᐱᒋᐊᖅᑎᑦᑎᕗᖓ, ᐊᐃᑉᐱᖅᑕᐅᓪᓗᓂ ᒪᓕᒐᓕᐅᖅᑎᒧᑦ ᐃᖃᓗᐃᑦ ᓂᐊᖁᙴᒧᑦ, ᐅᖃᖅᑎᐅᔪᑦ ᐱᔪᓐᓇᖅᑎᑕᐅᖁᓪᓗᒍ ᐃᑦᓯᕙᓂᖏᓐᓂ ᐃᑲᕐᕋᓕᐅᕈᓐᓇᕐᓗᓂ ᐅᓪᓗᓂᓪᓗ ᓈᒻᒪᒋᔭᖓᓂ ᐱᓕᕆᔭᐅᒋᐊᖃᖅᑐᒋᔭᖓᓂ ᐅᖃᖅᑎᐅᑉ ᐃᓪᓗᒥ ᑲᑎᒪᓚᐅᙱᓐᓂᖏᓂ ᑕᒪᑐᒪᓂ ᐃᑦᓯᕙᓂᑦᑎᓐᓂ ᐅᐱᕐᖔᖅ. ᓈᒻᒪᓕᖅᐸᑦ ᑲᒪᒋᔪᒪᓂᐊᖅᑕᕋ ᐱᖁᔨᕗᖔᕈᑎᒐ ᐅᓪᓗᒥ. ᖁᔭᓐᓇᒦᒃ, ᐅᖃᖅᑏ. ᐅᖃᖅᑎ: ᑲᑎᒪᔾᔪᒃᓴᖅ 15. ᖃᐅᔨᒃᑲᐃᔾᔪᑏᑦ ᐱᖁᔨᕗᖔᕈᑕᐅᓂᐊᖅᑐᓂᑦ ᓯᕗᓪᓕᖅᐹᒥ ᐅᖃᓕᒫᖅᑕᐅᓂᖏᑦ ᒪᓕᒐᒃᓴᑦ. ᑲᑎᒪᔾᔪᑎᒃᓴᖅ 16. ᐱᖁᔨᕗᖔᕈᑏᑦ. ᖁᑦᑎᑦᑐᒧᑦ ᒪᓕᒐᓕᐅᖅᑎ ᑕᖅᑐ. ᑲᑎᒪᔾᔪᑎᒃᓴᖅ 16: ᐱᒋᐊᖅᑎᑕᐃᑦ ᐱᒋᐊᖅᑎᑕᖅ 7 - 7(2): ᓄᖅᑲᖓᑯᑖᕐᓂᖅ (ᑕᖅᑐ) ᑕᖅᑐ (ᑐᓵᔨᑎᒍᑦ): ᖁᔭᓐᓇᒦᒃ, ᐃᒃᓯᕙᐅᑖᖅ. ᐊᖏᖅᑕᐅᔪᒪᕗᖓ ᑲᒪᒋᔪᒪᓪᓗᒍ ᐱᖁᔨᕗᖔᕈᑎᒐ ᐅᓪᓗᒥ. ᖁᔭᓐᓇᒦᒃ, ᐅᖃᖅᑏ. ᐅᖃᖅᑎ: ᒪᓕᒐᓕᐅᖅᑎ ᐊᐱᕆᒻᒪᑦ ᐱᖁᔨᕗᖔᕈᑎᒥᓂᑦ ᐱᓕᕆᐊᕆᔪᒪᓪᓗᓂᐅᒃ ᐅᓪᓗᒥ. ᐋᒡᒑᖅᑐᖃᖅᐸ? ᑐᓴᙱᓐᓇᒪ. ᒪᓕᒐᓕᐅᖅᑎ ᑕᖅᑐ ᑲᔪᓯᒋᑦ. ᑕᖅᑐ (ᑐᓵᔨᑎᒍᑦ): ᖁᔭᓐᓇᒦᒃ, ᐅᖃᖅᑏ.

ᐊᐃᑉᐹ, ᔫᓂ 09, 2026 ᓄᓇᕗᒥ ᒪᓕᒐᓕᐅᕐᕕᒻᒧᑦ ᑲᑎᒪᔾᔪᑏᑦ 28 ᐱᒋᐊᖅᑎᑦᑎᕗᖓ, ᐊᐃᑉᐱᖅᑕᐅᓪᓗᓂ ᒪᓕᒐᓕᐅᖅᑎᒧᑦ ᐃᖃᓗᐃᑦ ᓂᐊᖁᙴᒧᑦ, ᐅᖃᖅᑎᐅᔪᑦ ᐱᔪᓐᓇᖅᑎᑕᐅᖁᓪᓗᒍ ᐃᑦᓯᕙᓂᖏᓐᓂ ᐃᑲᕐᕋᓕᐅᕈᓐᓇᕐᓗᓂ ᐅᓪᓗᓂᓪᓗ ᓈᒻᒪᒋᔭᖓᓂ ᐱᓕᕆᔭᐅᒋᐊᖃᖅᑐᒋᔭᖓᓂ ᐅᖃᖅᑎᐅᑉ ᐃᓪᓗᒥ ᑲᑎᒪᓚᐅᙱᓐᓂᖏᓂ ᑕᒪᑐᒪᓂ ᐃᑦᓯᕙᓂᑦᑎᓐᓂ ᐅᐱᕐᖔᖅ. ᖁᔭᓐᓇᒦᒃ, ᐅᖃᖅᑏ. ᐅᖃᖅᑎ: ᐱᖁᔨᕗᖔᕈᑦ ᓈᒻᒪᒻᒪᑦ. ᓈᒻᒪᓴᖅᑐᑦ ᐃᓵᓪᓕᑦ? ᓈᒻᒪᓴᙱᑦᑐᑦ? ᐱᖁᔨᕗᖔᕈᑦ ᑲᔪᓯᕗᖅ. ᑲᑎᒪᔾᔪᑎᒃᓴᖅ 17. ᓯᕗᓪᓕᖅᐹᒥ ᐅᖃᓕᒫᖅᑕᐅᓂᖏᑦ ᒪᓕᒐᒃᓴᑦ. ᑲᑎᒪᔾᔪᑎᒃᓴᖅ 18. ᑐᒡᓕᐊᓂ ᐅᖃᓕᒫᖅᑕᐅᓂᖏᑦ ᒪᓕᒐᒃᓴᑦ. ᑲᑎᒪᔾᔪᑎᒃᓴᖅ 19. ᑲᑎᒪᑐᐃᓐᓇᕐᓂᖅ ᐃᓱᒪᒃᓴᖅᓯᐅᕈᑎᖃᕐᓗᑎ ᒪᓕᒐᒃᓴᓂᑦ ᐊᓯᖏᓐᓂᓪᓗ. ᐊᒻᒪᓗ ᐱᔪᓐᓇᓂᑖᖅᑎᑕᐅᓯᒪᓂᕋ ᐱᖁᔨᕗᖔᕈᑦ 4 – 7(2) ᒪᓕᓪᓗᒍ, ᑖᒃᑯᐊ ᑲᑎᒪᑐᐃᓐᓇᓂᐊᖅᑐᐃᑦ ᐱᔭᕇᕈᒪᙱᓂᓕᒫᔅᓯᓐᓂ, ᑕᐃᒪᐃᓕᒍᒃᑯᖃᐃ. ᑭᓯᐊᓂ ᑕᕝᕗᖓ ᑲᑎᒪᑐᐃᓐᓇᓚᐅᙱᑎᓪᓗᖏᑦ, ᓄᖅᑲᖓᑲᐃᓐᓇᓂᐊᕋᑦᑕ 20 ᒥᓂᑦᓯᒥᒃ. ᐃᖅᓱᖅᑏ. >>ᑲᑎᒪᓂᖅ ᓄᖅᑲᖅᑐᖅ 15:19 ᐊᒻᒪᓗ ᑲᑎᒪᑐᐃᓐᓇᕐᓂᖅ ᐱᒋᐊᖅᑐᖅ 15:50 ᑲᑎᒪᔾᔪᑎᒃᓴᖅ 19: ᑲᑎᒪᔨᕋᓛᑦ ᑲᑎᒪᑐᐃᓐᓇᖅᑎᓪᓗᒋᑦ ᐃᓱᒪᒃᓴᖅᓯᐅᖅᑕᐅᓂᖏᑦ ᒪᓕᒐᒃᓴᐃᑦ ᐊᓯᖏᓪᓗ ᐃᒃᓯᕙᐅᑕᖅ (ᑐᓵᔨᑎᒍᑦ): ᖁᔭᓐᓇᒦᒃ, ᑲᑎᒪᓂᖅᐳᑦ ᐱᒋᐊᖁᓕᖅᖢᒍ. ᑲᑎᒪᔨᑎᒍᑦ ᐅᑯᐊ ᑲᒪᒋᓂᐊᖅᑕᕗᑦ ᐱᖁᔭᒃᓴᖅ 1, 2, 3 ᐊᒻᒪ 4. ᖃᓄᐃᑦᑐᒪᕙᑦ ᑲᑎᒪᔨᕋᓛᑦ ᒥᔅᑕ ᑕᖅᑐ. ᑕᖅᑐ (ᑐᓵᔨᑎᒍᑦ): ᖁᔭᓐᓇᒦᒃ, ᐃᒃᓯᕙᐅᑖᖅ. ᓱᓕ ᑲᔪᓯᒍᒪᕗᒍᑦ ᐃᓱᒪᒃᓴᖅᓯᐅᓂᑦᑎᓐᓂᒃ ᐱᖁᔭᒃᓴᒥ 1, ᑮᓇᐅᔭᓂᒃ ᐃᓚᒋᐊᕈᑎᐅᔪᖅ ᐅᐊᓚᔾᔪᑎᓄᑦ ᓴᓇᑐᓂᒃ ᐱᖁᔭᖅ 2026-2027 ᕿᒥᕐᕈᓂᕗᑦ 2026-2027 ᕿᒥᕐᕈᓗᒋᑦ ᑮᓇᐅᔭᖅᑐᕈᑎᑦᓴᖏᑕ ᒪᓕᒐᓕᕆᔨᒃᑯᑦ. ᐱᕕᖃᕈᑦᑕ ᑲᔪᓯᒋᐊᕐᓂᐊᖅᐳᒍᑦ 2026-2027 ᑮᓇᐅᔭᖅᑐᕈᑎᒃᓴᖏᑕ ᐊᕙᑎᓕᕆᔨᒃᑯᑦ. ᐃᒃᓯᕙᐅᑕᖅ (ᑐᓵᔨᑎᒍᑦ): ᖁᔭᓐᓇᒦᒃ, ᒥᔅᑕ ᑕᖅᑐ. ᐊᖏᖃᑎᒌᒃᐱᑕ ᑖᓐᓇ ᒪᓕᒐᒃᓴᖅ 1 ᓯᕗᓪᓕᐅᓗᒍ? ᐃᓚᖏᑦ ᑲᑎᒪᔩᑦ: ᐊᖏᖅᑐᒍᑦ. ᐃᒃᓯᕙᐅᑕᖅ: ᖁᔭᓐᓇᒦᒃ. ᒥᓂᔅᑕ ᕼᐃᒃᔅ, ᐱᓕᕆᔨᖃᑎᖕᓂᒃ ᑕᒫᓂᖃᑎᖃᕈᒪᕕᑦ? ᐊᖓᔪᖅᑳᖅ ᔪᐊᔾ ᕼᐃᒃᔅ (ᑐᓵᔨᑎᒍᑦ): ᖁᔭᓐᓇᒦᒃ, ᐃᒃᓯᕙᐅᑖᖅ. ᐄ. ᖁᔭᓐᓇᒦᒃ, ᐃᒃᓯᕙᐅᑖᖅ. ᐃᒃᓯᕙᐅᑕᖅ (ᑐᓵᔨᑎᒍᑦ): ᖁᔭᓐᓇᒦᒃ. ᑲᑎᒪᔨᕋᓛᑦ ᓈᒻᒪᑦᓴᖅᐹᑦ ᓵᑦᓯᓐᓃᑦᑐᓐᓇᕈᑎᒃ? ᐃᓚᖏᑦ ᑲᑎᒪᔩᑦ: ᐊᖏᖅᑐᒍᑦ. ᐃᒃᓯᕙᐅᑕᖅ: ᖁᔭᓐᓇᒦᒃ. ᐃᖅᓱᖅᑏ, ᑕᑉᐸᐅᙵᐅᑎᒃᑭᑦ ᐊᒻᒪ ᖃᐅᔨᒪᓂᐊᕋᑦᑕ ᒥᓂᔅᑕ ᕼᐃᒃᔅ ᑭᒃᑰᓂᖏᓐᓂᒃ ᐅᖃᒃᑲᓐᓂᒃᑭᑦ ᐱᓕᕆᔨᑎᑦ. ᒪᓕᒐᒃᓴᖅ 1 - ᑮᓇᐃᔭᑦ ᐊᑐᖅᑕᐅᑲᐃᓐᓇᕐᓂᐊᖅᑐᑦ (ᐊᐅᓚᔾᔪᑏᑦ ᐋᖅᑭᐅᒪᐃᓐᓇᕈᑏᓪᓗ) ᒪᓕᒐᖅ, 2026- 2027 – ᑲᑎᒪᔨᕋᓛᓄᑦ ᐃᓱᒪᒃᓴᖅᓯᐅᖅᑕᐅᓂᖓ

ᐊᐃᑉᐹ, ᔫᓂ 09, 2026 ᓄᓇᕗᒥ ᒪᓕᒐᓕᐅᕐᕕᒻᒧᑦ ᑲᑎᒪᔾᔪᑏᑦ 29 ᐊᖓᔪᖅᑳᖅ ᔪᐊᔾ ᕼᐃᒃᔅ (ᑐᓵᔨᑎᒍᑦ): ᖁᔭᓐᓇᒦᒃ, ᐃᒃᓯᕙᐅᑕᖅ. ᑕᓕᖅᐱᓐᓂ ᑐᖏᓕᕋ ᑯᕆᔅᑏᓐ ᐃᐅᓪᔅᕗᐊᑦ ᐊᒻᒪ ᑐᖏᓕᒃᑲᓐᓂᖓ ᐊᓐᓇᓘᓯ ᐸᓛᒃᐊᑕ. ᖁᔭᓐᓇᒦᒃ, ᐃᒃᓯᕙᐅᑖᖅ. ᐃᒃᓯᕙᐅᑕᖅ (ᑐᓵᔨᑎᒍᑦ): ᖁᔭᓐᓇᒦᒃ, ᒥᓂᔅᑕ ᕼᐃᒃᔅ. ᑲᔪᓯᑐᐃᓐᓇᓕᕐᒥᓗᑕ ᐊᑐᓂ ᒪᑉᐱᒐᖏᑦ 2026-2027 ᑮᓇᐅᔭᖅᑐᕈᑎᑦᓴᐅᔪᓂᒃ ᐅᓪᓗᒥ ᐱᒋᐊᕐᓂᐊᖅᑐᒍᑦ E-5. ᑕᕝᕙᓃᑉᐳᒍᑦ ᒪᓕᒐᓕᕆᔨᒃᑯᑦ ᐸᓖᓯᓕᕆᔨᒃᑯᖏᑦ. ᐊᐱᖅᑯᑎᑦᓴᖃᖅᐸᑦ ᒪᓕᒐᓕᐅᖅᑎᑦ? ᐃᓕᑕᕆᕙᕋ ᒥᔅᑕ ᖃᑉᓗᑦᓯᐊᖅ, ᑲᔪᓯᒋᑦ. ᖃᑉᓗᑦᓯᐊᖅ (ᑐᓵᔨᑎᒍᑦ): ᖁᔭᓐᓇᒦᒃ, ᐃᒃᓯᕙᐅᑖᖅ. ᒪᐃ 31ᖑᑎᓪᓗᒍ 2023 ᓄᓇᕗᑦ ᒥᓂᔅᑕᖓ ᒪᓕᒐᓕᕆᔨᒃᑯᓐᓄᑦ ᓄᓇᕗᓪᓗ ᐸᓖᓯᒃᑯᑦ ᐊᖓᔪᖅᑳᖓ ᐊᖏᖃᑎᒌᒍᑎᒥᒃ ᐅᖃᐅᓯᑦᓴᖃᓚᐅᖅᐳᑦ 2022-2025ᒥ ᐃᓪᓗᒧᓪᓗ ᓴᖅᑭᑕᐅᓪᓗᓂ. ᑖᒃᑯᐊ ᑲᑐᔾᔨᒍᑎᒃ ᐅᖃᐅᓯᖏᑦ ᑕᓪᓕᒪᐅᓕᖅᑲᖓᓚᐅᖅᑐᑦ ᓯᕗᓪᓕᐅᑎᓂᒃ ᐱᕋᔭᒃᑕᐃᓕᑎᑦᓯᓂᖅ ᓄᖑᑉᐹᓪᓕᑎᑦᓯᓂᕐᓗ. ᑎᑎᕋᖅᓯᒪᔪᓪᓗ ᑖᒃᑯᐊ ᐅᖃᖅᓱᒋᑦ ᓄᓇᕗᑦ ᒐᕙᒪᒃᑯᑦ ᐊᒻᒪᓗ ᐸᓖᓯᒃᑯᑦ ᐊᖏᖃᑎᒌᑉᐳᑦ ᑲᒪᒐᓱᓐᓂᐊᕐᓗᑎᒃ ᐊᑦᑕᓇᕐᓂᖏᑕ ᐊᒻᒪᓗ ᐱᕋᔭᓐᓂᐅᕙᑦᑐᖅ ᓂᐅᕕᐅᑎᖃᖅᐸᑦᑐᑦ ᐃᒥᐊᓗᓐᓂᒃ ᓱᕐᕋᓇᖅᑐᓂᓪᓗ. ᖃᓄᓪᓚᑦᑖᖅ ᐱᓇᓱᐊᖅᓯᒪᓕᖅᐱᓯ ᐃᑲᔪᓐᓇᕐᓗᒍ ᑖᒃᑯᐊ ᐸᓖᓯᑦᑐᖅ ᑖᓐᓇ ᓯᕗᓪᓕᐅᔾᔭᐅᔪᖅ ᐱᓪᓗᒍ? ᖁᔭᓐᓇᒦᒃ, ᐃᒃᓯᕙᐅᑖᖅ. ᐃᒃᓯᕙᐅᑕᖅ (ᑐᓵᔨᑎᒍᑦ): ᖁᔭᓐᓇᒦᒃ, ᒥᔅᑕ ᖃᑉᓗᑦᓯᐊᖅ. ᒥᓂᔅᑕ ᕼᐃᒃᔅ. ᐊᖓᔪᖅᑳᖅ ᔪᐊᔾ ᕼᐃᒃᔅ (ᑐᓵᔨᑎᒍᑦ): ᖁᔭᓐᓇᒦᒃ, ᐃᒃᓯᕙᐅᑖᖅ. ᐊᓪᓗᐃᓂᐊᙱᓐᓇᒪ ᒥᔅᑕ ᐸᓛᒃᐊᑕ ᑭᐅᖁᓪᓗᒍ ᐊᐱᖅᑯᒻᒧᑦ. ᖁᔭᓐᓇᒦᒃ, ᐃᒃᓯᕙᐅᑖᖅ. ᐃᒃᓯᕙᐅᑕᖅ (ᑐᓵᔨᑎᒍᑦ): ᒥᔅᑕ ᕙᓛᑲᑖ ᑲᔪᓯᒋᑦ. ᕙᓛᑲᑖ (ᑐᓵᔨᑎᒍᑦ): ᖁᔭᓐᓇᒦᒃ ᐊᐱᖅᑯᑎᒋᒐᕕᐅᒃ. ᐊᑕᐅᓯᐅᙱᑦᑐᑦ ᐊᔾᔨᒌᙱᑦᑐᑦ ᐱᓕᕆᓯᒪᓕᖅᑕᕗᑦ ᐸᓖᓯᒃᑯᑦ ᐃᓚᒋᓪᓗᑎᒍᑦ ᓄᖑᑉᐹᓪᓕᖁᓪᓗᒋᑦ ᐊᑦᑕᕐᓇᕐᓂᖏᑦ ᐃᒥᐊᓗᓐᓂᒃ ᓂᐅᕕᐅᑎᖃᖅᐸᑦᑐᑦ ᐊᒻᒪᓗ ᐱᓗᐊᖅᑐᒥᒃ ᓱᕐᕋᓇᖅᑐᑦ ᓄᓇᕗᒻᒧᑦ. ᐸᓖᓯᒃᑯᑦ ᖃᓄᖅᑑᕈᑎᑦᓴᒥᒃ ᐋᖅᑮᕙᓪᓕᐊᕗᑦ ᓄᓇᓕᓐᓂ ᐅᖃᖃᑎᖃᖅᐸᓪᓗᑎᒃ ᖃᐅᔨᒪᖁᑦᓯᐊᖁᓪᓗᒋᑦ ᐊᑦᑕᕐᓇᕐᓂᖏᓐᓂᒃ ᐊᒻᒪᓗ ᐸᓖᓯᒃᑯᑦ ᖃᓄᖅ ᐱᓇᓱᐊᖃᑦᑕᖅᓯᒪᓕᖅᐳᑦ ᐱᕋᔭᑦᑕᐃᓕᓇᓱᑦᓱᑎᒃ, ᓇᓗᓇᐃᖅᓯᖃᑦᑕᖁᔨᓪᓗᑎᒃ ᓄᓇᓕᓐᓂᒃ. ᑭᒃᑯᑦ ᐃᓯᖅᑎᑦᓯᕙᒻᒪᖔᑕ ᐊᑦᑕᓇᖅᑐᓂᒃ ᓱᕐᕋᓇᖅᑑᔪᓂᒃ ᐊᒻᒪᓗ ᐃᒥᐊᓗᓐᓂᒃ. ᐅᓄᖅᓯᕙᓪᓕᐊᓯᒪᒻᒪᑕ ᖃᐅᔨᓴᕋᓱᐊᖅᓯᒪᓕᖅᑕᕗᑦ ᐊᖅᓵᖃᑦᑕᖅᓯᒪᓕᖅᑕᕗᓪᓗ ᐅᓄᖅᓯᓪᓗᑎᒃ ᓄᓇᕗᒻᒥ. ᐱᓕᕆᐊᒃᓴᖃᒃᑲᓐᓂᕆᐊᖃᖅᑐᒍᑦ ᓱᓕ ᐱᕋᔭᑦᑕᐃᓕᑎᑦᓯᓂᕐᒧᑦ ᑲᒪᒋᔭᑦᑎᓐᓂᒃ. ᒐᕙᒪᑐᖃᒃᑯᓐᓃᑦᑐᑦ ᐊᓯᕗᑦ ᐃᓚᒋᓗᒋᑦ ᐊᑦᑕᕐᓇᕐᓂᖏᑕ ᐋᖓᔮᕐᓇᖅᑐᑦ, ᓱᕐᕋᓇᖅᑐᑦ, ᐃᒥᐊᓗᐃᓪᓗ ᓄᓇᓕᑦᑎᓐᓂ. ᖁᔭᓐᓇᒦᒃ, ᐃᒃᓯᕙᐅᑖᖅ. ᐃᒃᓯᕙᐅᑕᖅ (ᑐᓵᔨᑎᒍᑦ): ᖁᔭᓐᓇᒦᒃ, ᒥᔅᑕ ᐸᓛᑲᑕ. ᒥᔅᑕ ᖃᑉᓗᑦᓯᐊᖅ, ᑲᔪᓯᒋᑦ. ᖃᑉᓗᑦᓯᐊᖅ (ᑐᓵᔨᑎᒍᑦ): ᖁᔭᓐᓇᒦᒃ, ᐃᒃᓯᕙᐅᑕᖅ. ᓄᓇᕗᑦ ᒪᓕᒐᓕᕆᔨᒃᑯᑦ ᒥᓂᔅᑕᖓᑦ ᐸᓖᓯᒃᑯᓪᓗ 2022- 2025ᒥ ᐅᖃᐅᓯᖃᑎᒌᓚᐅᖅᓯᒪᒻᒪᑎᒃ ᓴᖅᑭᑕᐅᓪᓗᓂᓗ ᒪᐃ 31, 2023ᒥ. ᑖᒃᑯᐊ ᑎᑎᕋᖅᓯᒪᔪᑦ ᐅᖃᖅᓯᒪᕗᑦ ᑕᓪᓕᒪᓂᒃ ᓯᕗᓪᓕᐅᔾᔭᐅᔪᑦ ᐃᓚᖓᑦ ᐅᖃᖅᖢᒋᑦ ᐱᓇᓱᐊᓪᓚᕆᓐᓂᐊᖅᐳᑦ ᑲᔪᖏᖅᓴᐃᓗᑎᓪᓗ ᐃᓄᓐᓂᒃ ᐸᓖᓯᐅᒍᓐᓇᖅᑐᓂᒃ ᐃᖅᑲᓇᐃᔭᖅᑎᐅᔪᔅᓴᓂᓪᓗ ᖃᐅᑕᒫᑦ. ᖃᓄᓪᓚᑦᑖᖅ ᐱᓇᓱᔅᓯᒪᓕᖅᐱᓯ, ᐱᓇᓱᐊᓕᖅᐱᓯ ᑖᓐᓇ ᐱᔪᓐᓇᖁᓪᓗᒍ? ᖁᔭᓐᓇᒦᒃ, ᐃᒃᓯᕙᐅᑖᖅ. ᐃᒃᓯᕙᐅᑕᖅ (ᑐᓵᔨᑎᒍᑦ): ᖁᔭᓐᓇᒦᒃ, ᒥᔅᑕ ᖃᑉᓗᑦᓯᐊᖅ. ᒥᓂᔅᑕ ᕼᐃᒃᔅ. ᐊᖓᔪᖅᑳᖅ ᔪᐊᔾ ᕼᐃᒃᔅ (ᑐᓵᔨᑎᒍᑦ): ᖁᔭᓐᓇᒦᒃ, ᐃᒃᓯᕙᐅᑖᖅ. ᐄ’, ᐃᑉᐸᑦᓴᖅ ᐅᖃᐅᓯᕆᒐᓛᓚᐅᖅᑕᕋᓗᐊᕗᑦ ᒫᓐᓇ ᓯᑕᒪᐅᔪᑦ ᕿᒥᕐᕈᔪᐃᑦ ᐃᓚᐅᑎᒐᔭᕆᐊᒥᒃ ᐸᓖᓯᒃᑯᓐᓄᑦ ᑲᔪᓯᑦᓯᐊᕐᓂᖃᒐᓚᒃᓯᒪᓪᓗᓂᓗ

ᐊᐃᑉᐹ, ᔫᓂ 09, 2026 ᓄᓇᕗᒥ ᒪᓕᒐᓕᐅᕐᕕᒻᒧᑦ ᑲᑎᒪᔾᔪᑏᑦ 30 ᐊᓪᓚᕝᕕᓕᕆᔨᐅᔪᒃᓴᓂᒃ ᒪᕐᕉᓐᓂᒃ ᑕᐃᑲᓂ ᐱᑕᖃᓕᖅᑐᓂ. ᐱᓇᓱᓪᓚᑦᑖᖅᓯᒪᕙᑦ ᒥᔅᑕ ᐸᓛᒃᐸᐅᑦ ᐃᑉᐸᒃᓴᖅ ᐅᖃᐅᓯᕆᒐᓛᓚᐅᖅᑕᕋᓗᐊᖓ. ᑐᒃᓯᓇᑦᓯᐊᕐᓂᐊᕐᒪᖃᐃ ᒥᔅᑕ ᕙᓛᑲᑖ ᓱᓕ ᑭᐅᔅᓴᐃᓐᓇᕈᓐᓇᕈᓂᐅᒃ ᐊᐱᖅᑯᑎᐅᔪᖅ? ᖁᔭᓐᓇᒦᒃ, ᐃᒃᓯᕙᐅᑖᖅ. ᐃᒃᓯᕙᐅᑕᖅ (ᑐᓵᔨᑎᒍᑦ): ᖁᔭᓐᓇᒦᒃ, ᒥᓂᔅᑕ. ᑲᔪᓯᒋᑦ ᒥᔅᑕ ᐸᓛᑲᑖᑦ. ᕙᓛᑲᑖ (ᑐᓵᔨᑎᒍᑦ): ᖁᔭᓐᓇᒦᒃ, ᐃᒃᓯᕙᐅᑖᖅ. ᐃ’, ᖁᔭᓐᓇᒦᒃ ᐊᐱᖅᑯᑎᒋᒐᕕᐅᒃ. ᐸᓖᓯᒃᑯᑦ ᒫᓐᓇ 47%ᖑᕗᑦ ᐃᖅᑲᓇᐃᔭᖅᐸᑦᑐᑦ ᐱᔨᑦᓯᖅᑎᐅᔪᓂ, ᐃᒫᒃ ᐸᓖᓯᒻᒪᕆᐅᙱᑦᑑᒐᓗᐊᑦ ᐸᓖᒃᑯᓐᓂ. ᐊᕐᕕᓂᓖᑦ ᐃᖅᑲᓇᐃᔭᖅᑏᑦ ᐸᓖᓯᒃᑯᑦ ᐃᓅᕗᑦ. ᐸᓖᓯᒃᑯᑦ ᓱᓕ ᓄᓇᓕᓐᓂ ᐃᓕᓐᓂᐊᕐᕕᓐᓄᑦ ᐊᐃᖃᑦᑕᓲᖑᔪᑦ ᓯᓚᑦᑐᓴᕐᕕᒻᒧᑦ ᓇᐅᒃᑯᑦ ᐊᖅᑯᑎᖃᖅᓱᑎᒃ ᐅᐸᑦᑕᐅᖃᑦᑕᖅᓯᒪᒻᒥᔪᑦ. ᐃᑉᐸᒃᓴᕐᓗ ᐅᖃᓚᐅᕐᒥᒐᒪ ᐸᓖᓯᒃᑯᑦ ᐃᖅᑲᓇᐃᔭᑦᓴᐃᓐᓇᖅᐳᑦ ᑭᒃᑯᑐᐃᓐᓇᕐᓄᑦ ᓄᓇᕗᒻᒥ. ᐃᒻᒪᖄ ᐃᓚᐅᒍᒪᒐᔭᖅᑐᓂᒃ ᐸᓖᓯᒃᑯᓐᓄᑦ ᐃᒻᒪᖄ ᐃᖅᑲᓇᐃᔭᖅᑎᐅᓗᑎᑦ ᐅᕝᕙᓗ ᐸᓖᓯᐅᓗᑎᑦ, ᐸᓖᓯᐅᖃᑕᐅᓗᑎᒃ. ᑖᒃᑯᐊ ᓇᒧᑦ ᐱᓇᓱᓐᓂᕆᔭᕗᑦ ᐊᑕᐅᓯᐅᖃᑎᒌᑉᐸᓐᓂᖅ ᐱᕙᒻᒧᑦ ᓄᓇᓕᓐᓅᖃᑦᑕᖅᑐᑦ ᖃᕆᑕᐅᔭᕐᓂᒃ ᓇᑦᓴᖅᓱᑎᒃ ᐃᑲᔪᖅᓱᑎᓪᓗ ᓄᓇᕗᒻᒥᐅᓂᒃ ᐸᓖᓯᐅᒍᒪᒐᔭᙳᐊᖅᑐᓂᒃ. ᐱᕙᓪᓕᐊᑦᓴᐃᓐᓇᖅᑑᒐᓗᐊᖅ ᐅᖃᑦᑎᐊᕈᓐᓇᖅᑰᖅᐳᖓ ᑭᓯᐊᓂ ᐱᔭᕆᐊᑐᔪᐊᓘᔾᔭᙱᑦᑐᖅ ᐸᓖᓯᒃᑯᓐᓄᑦ ᐃᑉᐱᒋᔭᐅᑦᓯᐊᖅᓱᓂ ᑲᒪᒋᔭᐅᑦᓱᓂ. ᖁᔭᓐᓇᒦᒃ, ᐃᒃᓯᕙᐅᑖᖅ. ᐃᒃᓯᕙᐅᑕᖅ (ᑐᓵᔨᑎᒍᑦ): ᖁᔭᓐᓇᒦᒃ, ᒥᔅᑕ ᕙᓛᑲᑖ. ᒥᔅᑕ ᖃᑉᓗᑦᓯᐊᖅ, ᑲᔪᓯᒋᐊᕆᑦ. ᖃᑉᓗᑦᓯᐊᖅ (ᑐᓵᔨᑎᒍᑦ): ᖁᔭᓐᓇᒦᒃ, ᐃᒃᓯᕙᐅᑖᖅ. ᖁᔭᓐᓇᒦᓪᓗ ᑭᐅᔪᖅ. ᓄᓇᕗᑦ ᒐᕙᒪᖓᑕ ᓯᕗᓪᓕᖅᐹᖅᓯᐅᑎᖏᑦ 2026-2030ᒧᑦ ᐱᓕᕆᐊᔅᓴᓄᑦ ᐸᕐᓇᐅᑎᒧᑦ ᐅᖃᖅᓯᒪᒻᒪᑕ ᑕᐃᑲᓂ ᓴᓂᕌᖏᓐᓂᒃ ᕿᒥᕐᕈᑎᓪᓗᒋᒡᒎᖅ 2025ᒥ ᑲᑎᓪᓗᒋᑦ 159ᒥᓂᐅᔪᐃᑦ ᐸᓖᓯᐅᔪᐃᑦ ᓄᓇᕗᒻᒥ. 15 ᑕᕝᕙᙵᑦ ᑮᓇᐅᔭᖃᖅᑎᑕᐅᓚᐅᖅᑐᐃᑦ ᐊᓪᓚᓂᑦ ᐃᓄᓐᓂᓪᓗ ᐸᓖᓯᖃᖅᑎᑦᑎᒍᑕᐅᔪᓂᒃ. ᑕᕝᕙᙵᓪᓕ ᖃᑦᑏᑦ ᐃᓐᓄᑦᑕᐅᓯᒪᕙᑦ, ᖃᑦᑎᑦ ᐃᓐᓄᑦᑕᐅᓯᒪᙱᓚᑦ? ᖁᔭᓐᓇᒥᒃ, ᐃᒃᓯᕙᐅᑖᖅ. ᐃᒃᓯᕙᐅᑕᖅ (ᑐᓵᔨᑎᒍᑦ): ᖁᔭᓐᓇᒦᒃ, ᒥᔅᑕ ᖃᑉᓗᑦᓯᐊᖅ. ᒥᓂᔅᑕ ᕼᐃᒃᔅ. ᐊᖓᔪᖅᑳᖅ ᔪᐊᔾ ᕼᐃᒃᔅ (ᑐᓵᔨᑎᒍᑦ): ᖁᔭᓐᓇᒦᒃ, ᐃᒃᓯᕙᐅᑖᖅ. ᒪᐃ 1ᒥ ᑕᖅᑭᐅᓚᐅᖅᑐᒥ ᐊᕙᑎᐅᓚᐅᖅᑐᐃᑦ ᐸᓖᓯᑐᐃᓐᓇᐃᑦ ᐃᓂᖏᑦ ᐃᓐᓄᑦᑕᐅᓯᒪᙱᑦᑐᑦ 17 ᐸᓖᓯᑐᐃᓐᓇᐃᑦ, ᑭᖑᕝᕕᖅᑏᓪᓗ ᐊᒻᒪ ᐱᖓᓱᑦ ᑳᓐᓄᕌᑦᑎᒍᑦ. 15 ᐊᓪᓚᓂᒃ ᐃᓄᓐᓂᓪᓗ ᐸᓖᓯᖃᖅᑎᒍᑕᐅᔪᓂᒃ 12 ᐃᓐᓄᑦᑕᐅᓯᒪᔪᑦ. ᑕᕝᕙ ᑖᒃᑯᐊᖑᕙᓪᓚᐃᔪᑦ ᐊᐱᖅᑯᑎᒋᕋᑖᖅᑕᖏᑦ. ᖁᔭᓐᓇᒦᒃ. ᐃᒃᓯᕙᐅᑕᖅ (ᑐᓵᔨᑎᒍᑦ): ᖁᔭᓐᓇᒦᒃ, ᒥᓂᔅᑕ ᕼᐃᒃᔅ. ᒥᔅᑕ ᖃᑉᓗᑦᓯᐊᖅ, ᑲᔪᓯᒋᐊᕆᑦ. ᖃᑉᓗᑦᓯᐊᖅ (ᑐᓵᔨᑎᒍᑦ): ᖁᔭᓐᓇᒦᒃ ᑭᐅᒐᕕᙵ ᒥᓂᔅᑕ ᐊᒻᒪ ᖁᔭᓐᓇᒦᒃ ᐃᒃᓯᕙᐅᑖᖅ. ᓄᓇᕗᑦ ᒐᕙᒪᖓᑕ ᓯᕗᓪᓕᖅᐹᖅᓯᐅᑎᖏᑦ 2025-2026 ᐱᓕᕆᐊᔅᓴᓄᑦ ᐸᕐᓇᐅᑎᖏᑦ ᐅᖃᖅᓯᒪᒻᒪᑕ ᓴᓂᕋᖏᓐᓂᒡᒎᖅ ᕿᒥᕐᕈᓪᓗᑎᒃ ᒐᕙᒪᒃᑯᑦ ᓱᓕ ᐱᓕᕆᖃᑎᖃᖅᑯᑦ ᑲᓇᑕᒥ ᐸᓖᓯᒃᑯᓐᓂᒃ ᐊᓯᖏᓐᓂᓪᓗ ᑲᑐᔾᔨᖃᑎᒋᓲᖏᓐᓂᒃ, ᐱᖃᓯᐅᔾᔭᐅᓪᓗᑎᒃ ᑎᑎᖅᑲᓂᐊᕐᒃᕕᒃᑯᑦ, ᖃᖓᑕᓲᓕᕆᔨᒃᑯᓪᓗ ᑲᒪᒋᔭᖃᕋᓱᐊᖅᑐᑎᒃ ᐱᕋᔭᓐᓂᒃᑯᑦ ᑎᑭᑎᑦᑎᓂᐅᖃᑦᑕᖅᑐᓂᒃ ᓱᕐᕋᓇᖅᑐᓂᒃ ᐃᒥᐊᓗᓐᓂᓪᓗ ᓄᓇᓕᓐᓄᑦ. ᖃᓄᓪᓚᑦᑖᖅ ᐱᓕᕆᓯᒪᕙ ᐱᓕᕆᕕᓯ ᐃᑲᔪᕋᓱᑦᑐᑎᒃ ᐸᓖᓯᒃᑯᓐᓂᒃ ᑖᓐᓇ ᓯᕗᓪᓕᐅᖁᔭᐅᓯᒪᔪᖅ ᐱᓪᓗᒍ? ᖁᔭᓐᓇᒦᒃ, ᐃᒃᓯᕙᐅᑖᖅ. ᐃᒃᓯᕙᖁᑖ: ᖁᔭᓐᓇᒦᒃ, ᒥᔅᑕ ᖃᑉᓗᑦᓯᐊ. ᒥᓂᔅᑕ Hᒃᔅ. ᐊᖓᔪᖅᑳᖅ ᔪᐊᔾ Hᐃᒃᔅ (ᑐᓵᔨᑎᒍᑦ): ᖁᔭᓐᓇᒦᒃ, ᐃᒃᓯᕙᐅᑖ, ᖁᔭᒋᓪᓚᕆᒃᑕᕋ ᑕᐃᒫ ᐊᐱᖅᓱᖔᖓ ᐅᖃᖃᑦᑕᕐᓯᒪᒐᒪ ᐊᓂᒍᖅᓯᒪᔪᓂᑦ, ᒥᓂᔅᑕ ᐊᓇᓐᑕᐊᖓᕆᓗ ᐊᒻᒪ ᒪᐃᑯ ᑎHᐊᒻ ᐸᓖᓯᒃᑯᓐᓂᖔᖅᑐ, ᐊᒻᒪ ᑳᓇᑕᒥᑦ ᑭᒡᓕᓕᕆᔨᖏᑦ ᐊᓯᖏᓪᓗ ᒐᕙᒪᑐᖃᒃᑯᑦ ᑎᒥᖁᑎᖏᑦ, ᐅᕙᓐᓂ ᒪᓕᔪᒻᒪᑕ ᔭᓗᓇᐃᓕᐊᖅᑎᓪᓗᖓ

ᐊᐃᑉᐹ, ᔫᓂ 09, 2026 ᓄᓇᕗᒥ ᒪᓕᒐᓕᐅᕐᕕᒻᒧᑦ ᑲᑎᒪᔾᔪᑏᑦ 31 ᐃᖃᓗᒃᑑᑦᑎᐊᓕᐊᓂᐊᓱᔪᒐᓗᐊᕋᑦᑕᑦᑕᐅ; ᑕᑉᐸᐅᖓᕈᓇᔪᖏᓐᓇᑦᑕ, ᖃᖓᑕᒡᓲ ᐊᐅᓚᑎᕐᓗᔪᖕᒪᑦ. ᑕᐃᒫ ᓄᓇᕘᒥᑦ ᐊᐅᓪᓚᑲᖅᑕᕈᓘᔭᕐᓂᖅᒥᑦ ᐃᓕᑉᐹᓪᓕᔪᔪᑦ. ᐊᒻᒪ ᐅᒃᑑᑎᒋᓗᒍ, ᐃᖃᓗᑦᑑᑦᑎᐊ ᔭᓗᓇᐃᒥᖔᖅᑐᑎ, ᐃᖃᓗᑦᑑᑎᐊ ᑎᑭᕕᐅᖃᑦᑕᖓ ᐊᖓᔮᕐᓇᖅᑐᓂᑦ ᐊᓯᖏᓐᓄᓪᓗ, ᒐᕙᒪᑐᖃᒃᑯᓪᓗ ᑖᓐᓇ ᐃᓕᓴᕆᓯᒪᖕᒪᒍ ᑎᑎᖃᓐᓂᐊᕕᖕᒥᑯᓪᓗ ᑳᓇᑕᒥᑦ. ᐱᒋᐊᖅᑎᑎᖃᑦᑕᓯᒪᔪᒍᑦ ᐅᒃᑐᕋᖅᑕᑦᑎᓐᓂ ᑎᑎᖃᓂᐊᕕᒃᑯᑦ ᐸᓖᓯᒃᑯᓐᓂ ᑲᑐᔾᔨᖃᑎᖃᑐᑎ, ᖃᐅᔨᓴᖃᑦᑕᖅᑐᑎ ᑎᑭᑉᐸᓪᓕᐊᔪᓂᑦ, ᐊᒻᒪ ᒪᓗᖕᓇᖅᑐᖃᕋᐃᒪᓪᓗ, ᕿᓂᕈᑎᓂᒃ ᐱᖃᑦᑕᕐᓯᒪᓪᓗᑎ ᐊᒥᓱᑲᓪᓚᖕᓂᑦ ᓄᖃᑎᑦᑎᓯᒪᔫᒐᓗᐊᑦ ᑎᑭᑎᑕᐅᒐᓱᒃᑐᓂ. ᒥᓂᔅᑕ ᐊᓇᓐᑎᓵᖕᒍᕆᓗ ᐅᖃᖃᑎᒋᕋᑖᔪᒥᒐᒃᑯ, ᒐᕙᒪᑐᖃᒃᑯ ᒪᓕᒐᓕᐅᕐᓂᐅᓴᖕᒪᑕᒎ ᑎᑎᖃᓂᐊᕕᒃᑯᑦ ᕿᒥᕈᒍᓐᓇᓂᕐᓴᐅᒍᓐᓇᓛᖓᑕ ᑎᑭᑎᑕᐅᒐᓱᒃᑐᓂᑦ. ᑖᓐᓇ ᐱᖁᔭ ᑲᔪᓯᑎᑎᑕᐅᒃᐸᑦ ᐊᒃᑐᕐᓯᓛᖓᑦ ᕿᓂᖃᑦᑕᕐᓂᕆᒍᓐᓇᕐᑕᖏᓐᓂᑦ ᐸᓖᓯᒃᑯᑦ ᒥᕝᕕᒥ ᓄᓇᕘᒥᑦ. ᖁᔭᓐᓇᒦᒃ, ᐃᒃᓯᕙᐅᑖ. ᐃᒃᓯᕙᐅᑕ:: ᖁᔭᓐᓇᒦᒃ. ᖃᑉᓗᑦᓯᐊᒃ: ᖁᔭᓐᓇᒦᒃ, ᐃᒃᓯᕙᐅᑖ, ᖃᓄᕐᓕ ᐱᓕᕆᕕᓯ ᑲᑐᔾᔨᖃᑎᖃᑐᑎ ᑳᓇᑕᒥᒃ ᐸᓖᓯᒃᑯᓐᓂᑦ ᖃᐅᔨᖃᑦᑕᖃᑦ ᖃᑦᑎᓂ ᐸᓖᓯᖃᕆᐊᖃᕆᐊᖃᕐᒪᖔᑕ ᓄᓇᓕᖕᓂ ᐸᓖᓯᒃᑯᖏᑦ? ᖁᔭᓐᓇᒦᒃ, ᐃᒃᓯᕙᐅᑖ. ᐃᒃᓯᕙᐅᑕ:: ᖁᔭᓐᓇᒦᒃ, ᒥᔅᑕ ᖃᑉᓗᑦᓯᐊᖅ. ᒥᓂᔅᑕ Hᑉᒃᔅ, ᑲᔪᓯᒋᐊᕆ. ᐊᖓᔪᖅᑳᖅ ᔪᐊᔾ Hᐃᒃᔅ (ᑐᓵᔨᑎᒍᑦ): ᖁᔭᓐᓇᒦᒃ, ᐃᒃᓯᕙᐅᑖ. ᖃᐅᔨᒪᓪᓚᕆᖏᒃᑲᓗᐊᕐᑐᖓ ᐃᓛᒃᑯ ᐸᓖᓯᒃᑯᑦ ᐊᓪᓚᕕᖏ ᖃᓄ ᐃᖃᓇᐃᔭᖅᑖᑎᑕᐅᕙᖕᒪᖔᑕ; ᒥᔅᑕ ᐸᓛᑲᑖ ᓇᓗᓇᐃᕈᓐᓇᐸᓪᓚᐃᔭᖏᑦ ᒪᓐᓇᕈᓗᓂᐊᕐᑐ. ᐅᐊᑦᑎᐊᕈᓂᓪᓕ ᐸᓖᓯᒃᑯ ᐊᒥᓱᕈᕆᐊᓯᖃᑦᑕᖁᔨᓯᒪᔪᑦ ᐸᓖᓯᓂᑦ ᓄᓇᕗᒻᒧ. ᐱᕙᓪᓕᐊᑎᓯᒪᔭᕋᓗᐊᕗᒃ ᐊᕐᕌᒍ ᐊᓂᒍᕋᑖᓯᒪᔪᓂᑦ, ᐸᓛᑲᑖᒧᑦ ᑖᓐᓇ ᑭᐅᔭᐅᒋᖁᔭᕋ, 6−ᖑᕙᓪᓕᐊᔪᓂᑦ ᐃᖃᓇᐃᔮᓂᑦ ᓴᖀᒃᑲᓐᓂᔪᖕᒪᑕ ᐊᕐᕌᓂ, ᐊᒻᒪ ᐃᓚᒋᐊᕋᔪᓐᓂᐊᐸᓪᓚᐃᒥᖕᒪᑕ, ᒥᔅᑕ ᐸᓛᑲᑖ ᓇᓗᓇᐃᖅᑐᐃᖁᔭᕋᓗᐊᕋ. ᖁᔭᓐᓇᒦᒃ, ᐃᒃᓯᕙᐅᑖᖅ. ᐃᒃᓯᕙᐅᑕ:: ᖁᔭᓐᓇᒦᒃ, ᒥᓂᔅᑕ Hᐃᒃᔅ, ᒥᔅᑕ ᐸᓛᑲᑖ. ᕙᓛᑲᑖ: ᖁᔭᓐᓇᒦᒃ, ᐃᒃᓯᕙᐅᑖᖅ. ᑖᓐᓇ ᑭᐅᔭᕐᓂᖏᖃᑕᐅᕙᓪᓚᐃᔪ ᐅᕙᑦᑎᓐᓄᑦ ᐊᐱᖁᑎᐅᓲᓂ ᐸᓖᓯᒃᑯᓐᓄᓗᑦᑕᐅ, ᖃᓄᐊᓗ ᖃᐅᔨᒐᓱᖃᑦᑕᖃ ᖃᑦᑎᓂ ᐸᓖᓯᖃᕆᐊᒪᖔᑕ ᓄᓇᓕᖕᓂ? ᖃᓪᓗᓐᓈᓂᓪᓕ ᐃᒃᑯᐊᓕ ᓈᓴᐅᑎᓂ ᒪᓕᑐᐃᓐᓇᕐᑐᑎ ᐱᖃᑦᑕᖅᑐᑦ, ᖃᓄᑎᒋ ᕿᓚᒥᐅᑎᒋ ᐅᐸᒍᑎᔪᓐᓇᒪᖔᑕ, 7−ᒥᓂᒥᑦ ᐅᐸᒍᑎᔪᓐᓇᕋᓱᓲᖑᖕᒪᑕ. ᒫᓂ ᓄᓇᕘᒥᑦ ᐊᑐᕋᓴᐅᖏᑦᑐ. ᒪᓕᒐᓕᕆᔨᒃᑰ, ᐸᓖᓯᒃᑯᓪᓗ, ᐸᓖᓯᖃᖁᔨᔫᒐᓗᐊᑦ ᓄᓇᓕᓕᒫᑦᑎᐊᓂ ᐃᓛᒃᑯ ᐃᓄᐃᑦ ᐊᑦᑕᓇᑐᒦᖁᓇᒋᑦ ᑭᒃᑯᓕᒫᑦ, ᑕᐃᒫ ᒥᑭᓐᓂᕐᐹᕆᓪᓗᒍ ᒪᓕᒃᑕᐅᖃᑦᑕᑐ, ᒪᕐᕉ ᐸᓖᓯ ᐊᑕᐅᓯᕐᒧᑦ ᓄᓇᓕᖕᒧ. ᖁᑦᑎᒃᑐᒥ ᖃᐅᓱᐃᑦᑐ ᐊᐅᓱᐃᑦᑐ ᒪᕐᕈᒍᑎᓂ ᐸᓖᓯᖃᐅᖁ. ᖃᑦᑏᓇᐅᓂᕐᓴᐅᒍᓇᖏᒻᒪᑕ ᑭᖑᕕᑕᑦᑎᒋᒋᐊᖃᖓᑕ. 140−ᐅᑎᓪᓗᒋ ᐃᓄᖐ, ᐊᒻᒪᓗ 100−ᐃᕋᕐᓗᓂ ᐅᖄᓚᔪᖃᖃᑦᑕᕐᓗᓂ ᐃᑲᔪᕐᑕᐅᔪᒪᔪᓂ ᐸᓖᓯᒃᑯ ᐊᒥᓲᓗᐊᕐᑑᔭᕋᓗᐊᑎᓪᓗᒋᑦ, ᑕᐃᒪᐃᓕᖓᒋᐊᖃᖓᑕ. ᒪᓕᒐᓕᕆᔨᒃᑯ ᐸᓖᓯᒃᑯᓐᓂ ᑲᑐᔾᔨᖃᑎᖃᖅᑐ ᕿᒥᕐᕈᔪᑦ ᖃᓄ ᖃᓂᑉᐸᑦ ᐃᑲᔪᕆᐊᕈᓐᓇᕐᑐᑦ, ᓄᓇᕘᓕᒫ ᑕᑯᓐᓇᕐᓗᒍ. ᑕᐃᑲᓂ ᓄᓇᓕᖕᒦᖏᒃᑯᕕ ᖃᖓᑕᓲᒃᑯᑦ ᑭᓯᐊᓂ ᐃᑲᕐᕋᒐᓚᖕᓄᑦ ᑎᑭᒐᓱᒋᐊᖃᕋᔭᕆᓪᓗᑎ. ᐃᓄᒋᐊᖕᓂᕐᓴᐅᔪᓄᑦ ᑲᖏᓯᓂᕐᑎᑐᑦ ᐃᖃᓗᑐᑦᑎᐊᕐᑎᑐᑦ, ᐃᖃᓗᐃᓪᓗ, ᐸᓖᓯᒃᑯᓐᓂ ᐅᐸᒃᓴᕋᐃᒐᓱᖕᓂᕐᒥᑦ ᒪᓕᖃᑦᑕᖅᑐᑦ. ᑭᐅᔭᕐᓂᖏᑐ ᑖᓐᓇ. ᐊᑕᐅᓯᕐᒧᑦ ᐊᔾᔨᒌᖏᑦᑐᓂ ᐊᒃᑐᓯᔪᓂᑦ ᕿᒥᕐᕈᖃᑦᑕᕆᐊᖃᕐᒥᒐᑦᑕ

ᐊᐃᑉᐹ, ᔫᓂ 09, 2026 ᓄᓇᕗᒥ ᒪᓕᒐᓕᐅᕐᕕᒻᒧᑦ ᑲᑎᒪᔾᔪᑏᑦ 32 ᐸᓖᓯᒃᑯᓪᓗ. ᑲᑐᔾᔨᖃᑎᒋᒋᐊᖃᕐᒥᖕᒪᑕ ᐃᖃᓇᐃᔭᕐᑎᖏᑦ, ᑕᐃᒃᑯᐊᓗᑦᑕᐅ ᖃᑦᑎᐅᒋᐊᖃᕐᒪᒡᖓᑕ ᐸᓖᓯ ᓄᓇᓕᖕᒥᑦ ᐅᖃᖃᑕᐅᖃᑦᑕᓕᕐᒥᖕᒪᑕ. ᓇᓕᕇᒃᑎᒋᐊᖃᕋᓱᕇᔭᕗᑦ ᐊᓯᐊᑦᑕᐅ ᕿᒥᕐᕈᓲᕆᖕᒥᒐᑦᑎᒍ ᐱᓕᕆᕕᒃ ᑕᐃᒃᑯᓂᖓ ᐊᑐᖃᑦᑕᖃᑕ ᐊᑐᖃᑦᑕᖁᓪᓗᒋ ᐊᓪᓚᓄᑦ ᐃᓄᖕᓄᓪᓗ ᐸᓖᓯᑖᑎᑎᒍᑕᐅᒐᓱᒃᑐᓂᑦ ᑕᐃᒫ ᓄᓇᓕᖕᓂᓪᓗ ᐃᓕᖁᓯᕐᒧᒃ ᑐᕌᖓᔪᓂᑦ ᑕᕌᖓᔪᓂᑦ ᐃᓕᓐᓂᐊᕐᑎᑕᐅᖃᑦᑕᕋᔭᖓᑕ. ᐊᔨᒌᖏᑦᑐᕈᓘᔭᓗᖕᓂ ᕿᒥᕐᕈᖃᑦᑕᓲᖑᔪᐃᑦ ᐃᓱᒪᒃᓴᓯᐅᕈᑎᒋᔭᐅᓪᓗᑎ ᐸᓖᓯᒃᑯᓐᓄᑦ ᑲᑐᔾᔨᖃᑎᖃᑐᑎ ᐱᓕᕆᕕᑦᑎᓐᓂ ᖃᐅᔨᒐᓱᒃᑐᑎ ᖃᓄ ᐊᑐᕐᑕᐅᑦᑎᐊᕐᓂᖅᐹᖑᔪᓐᓇᒪᖔᑕ ᐱᓕᕆᔾᔪᑎᖏᑦ ᓄᓇᓕᓕᒫᓂ. ᖁᔭᓐᓇᒦᒃ, ᐃᒃᓯᕙᐅᑖᖅ. ᐃᒃᓯᕙᐅᑖ:: ᖁᔭᓐᓇᒦᒃ, ᒥᔅᑕ ᕙᓛᑲᑖ. ᒥᔅᑕ ᖃᑉᓗᑦᓯᐊᖅ. ᖃᑉᓗᑦᓯᐊᖅ (ᑐᓵᔨᑎᒍᑦ): ᖁᔭᓐᓇᒦᒃ, ᐃᒃᓯᕙᐅᑖᖅ. ᐃᓄᒋᐊᓂᖅᓴᐅᔪᓂᓪᓕ ᓄᓇᓕᖕᓂᑦ − ᐅᖃᐅᓯᕆᕋᑖᕋᕕᒋᑦ ᐊᕐᕕᐊᑦ ᓄᓇᑦᑕᐅ ᐃᓄᒋᐊᖕᓂᕋᕐᑕᐅᔪᓄᑦ ᐃᓚᒋᔭᐅᒋᐊᖃᕐᑑᔭᖓᑦ, ᐱᓕᕆᕕᓰ 2021-2024 ᐱᓕᕆᐊᒃᓴᓄᑦ ᐸᕐᓇᐅᑎᖓ ᐅᖃᕐᓯᒪᔪᖕᒪᑦ ᑖᒃᑯᐊᒎ ᐸᓖᓯᒃᑯ “ᐊᑎᓕᐅᕐᓯᒪᓕᖓᑕ ᐅᖃᓕᒫᕐᓗᒋᑦ ᓄᑖᖑᔪᒥᒃ ᐱᓕᕆᖃᑎᒌᖕᓂᕐᒧᑦ ᐊᖏᖃᑎᒋᒍᑎᒥᒃ” ᐱᔾᔪᑎᖃᖅᑐᑎ ᒪᓕᒐᓕᕆᔨᒃᑯᑦ ᐃᖅᑲᖅᑐᐃᔪᓕᕆᓂᕆᔭᖏᓐᓂᒃ. ᖃᖓ ᐊᔾᔨᖓ ᐊᖏᖃᑏᒋᒍᑎᐅᑉ ᒪᓕᒐᓕᐅᕐᕕᖕᒨᕐᑕᐅᓛᖃ? ᖁᔭᓐᓇᒦᒃ ᐃᒃᓯᕙᐅᑖᖅ. ᐃᒃᓯᕙᐅᑖ:: ᖁᔭᓐᓇᒦᒃ, ᒥᔅᑕ ᖃᑉᓗᑦᓯᐊᖅ. ᒥᓂᔅᑕ Hᐃᒃᔅ. ᐊᖓᔪᖅᑳᖅ ᔪᐊᔾ Hᐃᒃᔅ: ᖁᔭᓐᓇᒦᒃ, ᐃᒃᓯᕙᐅᑖᖅ. ᖃᐅᔨᒋᐊᕆᐊᖃᕐᓂᐊᖅᑕᕋ ᖃᓄᖅ ᐱᕙᓪᓕᐊᔭᐅᓯᒪᓕᕐᒪᖔ ᑐᕌᕐᑕᖃᔪᒐᓗᐊᕋᑦᑕ ᐅᑭᐊᒃᓵᒥᑦ ᑕᑉᐸᓂ ᐊᕐᕌᒍᒥᑦ. ᖁᔭᓐᓇᒦᒃ, ᐃᒃᓯᕙᐅᑖᖅ. ᐃᒃᓯᕙᐅᑖ:: ᖁᔭᓐᓇᒦᒃ, ᒥᔅᑕ Hᐃᒃᔅ. ᒪᓕᒐᓕᐅᖅᑎ ᐊᐱᖁᑎᒃᓴᖃᒃᑲᓐᓂᖄ ᐸᓖᓯᓕᕆᓂᕐᒧᑦ? ᒥᔅᑕ ᒪᐃᒃ, ᒪᐃᒃ: (ᑐᓵᔨᑎᒍᑦ): ᖁᔭᓐᓇᒦᒃ, ᐃᒃᓯᕙᐅᑖᖅ. ᖁᔭᓐᓇᒦᒃ ᒥᓂᔅᑕ, ᐃᖃᓇᐃᔭᖅᑎᑎᓪᓗ ᑐᖓᓱᒋᓯ. (ᑐᓵᔨᑎᒎᕈᓐᓃᖅᑐᖅ) ᑕᑉᐹᓂ ᐱᓕᕆᐊᒃᓴᓂᑦ ᐸᕐᓇᐅᑎᖏᑕ ᐃᓗᐊᓂᑦ ᓇᓗᓇᐃᖅᑕᐅᑦᑎᐊᖁᔨᑦᑕᕋᓗᐊᕐᐳᖓ ᐊᑐᓕᕐᑎᑎᒐᓱᖕᓂᐅᔪᓄᒃ ᐱᓕᕆᓂᐅᓯᒪᔪᓂᑦ ᐱᐅᓯᕚᓪᓕᖅᑎᑎᒐᓱᓪᓗᑎ ᑎᑎᕋᑦᑎᐊᖃᑦᑕᕐᒪᖔᑕ, ᐊᒻᒪᓗ ᐸᓖᓰ ᐊᔾᔨᒌᖏᑦᑐᐃᑦ ᑕᐅᖅᓯᕋᖃᑦᑕᓂᕆᔭᖏᓐᓂ ᖃᐅᔨᔭᐅᔪᓂᒃ ᑕᒪᒃᑯᐊᓗ ᑲᑐᔾᔨᖃᑎᒌᖑᔪᐃᑦ ᐱᕋᔭᐃᑦ ᓂᐅᕕᐊᒃᓴᖃᖃᑦᑕᖅᑐᐃᑦ ᑕᒪᒃᑯᐊ ᑭᒃᑯᓐᓄᑦ ᐅᖃᐅᓯᐅᑎᓪᓗᒋᑦ ᐊᔾᔨᒌᒥᑦ ᐊᐅᓚᑦᑎᔾᔪᑎᖃᓂᐊᕐᓗᑎ ᐊᒻᒪᓗᒍ ᕿᒥᕈᓛᕐᓗᑎ ᐊᕐᕌᒍᑕᒫᓯᐅᑎᓂᓗ ᐅᓂᒃᑳᓕᐅᕐᓗᓂ ᒪᓕᒐᓕᕆᔨᒃᑯᑦ ᒥᓂᔅᑕᖓᓄᑦ. (ᑐᓵᔨᑎᒎᕈᓐᓃᖅᑐᖅ) ᖁᔭᓐᓇᒦᒃ, ᐃᒃᓯᕙᐅᑖᖅ. ᐃᒃᓯᕙᐅᑕ:: ᖁᔭᓐᓇᒦᒃ, ᒥᔅᑕ ᒪᐃᒃ. ᒥᓂᔅᑕ Hᒃᔅ. ᐊᖓᔪᖅᑳᖅ ᔪᐊᔾ Hᐃᒃᔅ (ᑐᓵᔨᑎᒍᑦ): ᖁᔭᓐᓇᒦᒃ, ᐃᒃᓯᕙᐅᑖᖅ. ᐊᔾᔨᐸᓗᖓ ᑭᐅᔾᔪᑎᒋᖃᐅᔭᓐᓄᑦ, ᑲᑐᔾᔨᖃᑎᒌᖕᓂᕆᔭᕗᑦ ᑕᒫᖓᐸᑦᑐ ᒐᕙᒪᑐᖃᒃᑯᓐᓂ ᐱᓕᕆᖃᑎᒋᕙᒃᑕᑦᑎᓐᓂ ᐊᑦᑕᓇᕐᑐᓕᕆᓂᕐᒥᑦ. ᐊᒻᒪ ᑲᑐᔾᔨᖃᑎᖃᕐᑐᑕ ᑎᑎᖃᓂᐊᐱᑯᓐᓂ, ᑳᓇᑕᒥᑦ ᑭᒡᓕᓕᕆᔨᒃᑯᖏᓐᓂ, ᓄᓇᕘ ᒐᕙᒪᖓᓂᓪᓗ ᑲᑐᔾᔨᖃᑎᒌᒃᑐᑎ ᖃᐅᔨᒪᑦᑎᐊᕋᓱᒃᑐᑎ ᐃᓛ ᐱᕙᓪᓕᐊᑎᑦᑎᒐᓱᐊᕐᑐᑏ ᖃᓄᖅ ᑐᓴᖅᑎᑎᕙᖕᒪᖔᑕ ᐅᖃᖃᑎᖃᐸᖕᒪᖔᑕ ᓄᓇᓕᖕᓂᑦ, ᐊᒻᒪᓗᑦᑕᐅ ᑭᒃᑯᑐᐃᓐᓇᕐᓂᑦ ᒪᓕᒐᕐᓂ ᓱᕋᐃᖏᓐᓇᖃᑦᑕᖅᑐᓄᑦ ᐅᕝᕙᓘᓐᓂ ᓱᕋᐃᒐᓱᖃᑦᑕᕐᑐᓄ ᒪᓕᒐᕐᓂᑦ, ᐱᓗᐊᕐᑐᓄᑦ ᑕᐃᒃᑯᐊ ᑲᑐᔾᔨᖃᑎᒌ ᐱᕋᔭᐅᔪᐃᑦ, ᐅᖃᐅᓯᐅᖑᐊᖃᑦᑕᓚᐅᕐᓯᒪᖕᒥᒪᑦ ᒫᓐᓇᕈᓗᒃ ᓄᓇᕘᒻᒥᑦ ᑕᐃᒪᓇᐃᑦᑐᑕᖃᓂᕋᖅᑕᐅᓇᓂ, ᑭᓯᐊᓂ ᐊᓯᔾᔨᐸᓪᓕᐊᓯᒪᖕᒪᕆᖕᒪᑦ.

ᐊᐃᑉᐹ, ᔫᓂ 09, 2026 ᓄᓇᕗᒥ ᒪᓕᒐᓕᐅᕐᕕᒻᒧᑦ ᑲᑎᒪᔾᔪᑏᑦ 33 ᑲᑎᒪᖃᑎᖃᕈᓐᓇᔪᒐᒪ ᐸᓖᓯᑯᓐᓂ ᐅᕙᒍᑦ ᓵᖓᓂᑦᑐᖃᔪᖕᒪᓂᓛᒃ ᑕᐅᓴᒐᓛᓗᖕᓂᑦ ᑮᓇᐅᔭᓂᑦ ᐊᖓᔮᕐᓇᖅᑐᕈᓘᔭᓗᖕᓂᑦ ᐊᒻᒪ ᖁᑭᐅᑎᓂᑦ. ᑕᐃᒫᒃ ᑕᕝᕙ ᐸᓖᓯᒃᑯᑦ ᑎᒍᓯᕙᓪᓕᐊᑐᐃᓐᓇᖅᑯᑦ ᑕᐃᒪᐃᑦᑐᓂᒃ ᐊᒻᒪᓗᑦᑕᐅᖅ ᐱᕙᓪᓕᐊᔪᒃᑯᑦ ᐅᓂᒃᑳᖑᓕᖅᐸᓪᓕᐊᑐᐃᓐᓇᖅᑐᐃᑦ ᐊᖏᔪᓂᒃ ᐊᖓᔮᕐᓇᖅᑐᓂᒃ ᐃᒥᐊᓗᓐᓂᒃ ᖁᑭᐅᑎᓂᒃ ᐃᓛᒃ ᓱᒋᐊᕈᑎᓂᒃ ᑎᒍᔭᐅᖃᑦᑕᖅᑐᓂᒃ, ᑐᓴᕐᓂᖅᓴᐅᕙᓕᖅᑐᒍᑦ. ᑕᐃᒫᒃ ᓄᖅᑲᖓᑎᑕᐅᒐᓱᐊᕐᓂᖅᓴᐅᕙᓪᓕᐊᖃᑦᑕᕐᖓᑕ ᑕᐃᒪᓕᐅᖃᑦᑕᖅᑐᐃᑦ. ᐊᒻᒪᓗᑦᑕᐅᖅ ᓱᕋᐃᔪᐃᑦ ᒪᓕᒐᕐᓂᒃ ᑕᐃᒪᐃᑦᑐᓂᒃ ᐊᔅᓱᐊᓗᒃ ᓱᒋᐊᖅᑕᐅᒍᓐᓇᖃᑦᑕᖅᑐᑎᒃ. ᑭᐅᒐᓗᐊᖅᑲᕋᖃᐃ? ᖁᔭᓐᓇᒦᒃ. ᐃᒃᓯᕙᐅᑕᖅ (ᑐᓵᔨᑎᒍᑦ): ᖁᔭᓐᓇᒦᒃ, ᒥᓂᔅᑕ ᕼᐃᒃᔅ. ᒥᔅᑕ ᒪᐃᒃ, ᑲᔪᓯᒋᐊᕆᑦ. ᒪᐃᒃ: ᖁᔭᓐᓇᒦᒃ, ᐃᒃᓯᕙᐅᑖᖅ. ᖁᔭᓐᓇᒦᒃ ᒥᓂᔅᑕ. ᐃᓛᒃ’, ᑖᓐᓇ ᐱᔭᕆᐊᑐᒻᒪᑦ. (ᑐᓵᔨᑎᒎᓕᖅᑐᖅ) ᓇᓗᓇᐃᕆᒋᐊᒃᑲᓐᓂᕈᓐᓇᖅᑮᑦ ᖃᓄᖅ ᐊᑐᓕᖅᑎᑦᑎᒐᓱᒻᒪᖔᔅᓯ ᐅᖃᐅᓯᐅᖃᑦᑕᖅᑐᑦ ᓱᓕᑦᑎᐊᕐᒪᖔᑕ ᖃᐅᔨᒪᔾᔪᓯᓂᒃ? ᖃᐅᔨᒪᙱᑐᐃᓐᓇᕆᐊᖃᕋᒪ ᖃᓄᑎᒋᒃ ᐱᔭᕆᐊᑐᒻᒪᖔᖅ ᓄᖅᑲᑎᑦᑎᒋᐊᔅᓴᖅ ᐅᕝᕙᓘᓐᓃᑦ ᐸᕝᕕᓴᒋᐊᔅᓴᖅ ᑲᑐᔾᔨᖃᑎᒌᓂᒃ ᐱᕋᔭᐅᔪᓂᒃ, ᓇᒥᓂᕐᓕ ᖃᓄᖅ ᓱᒋᐊᕐᓂᐅᒍᓐᓇᖅᑐᐃᑦ ᖃᓄᖅ ᓱᒋᐊᖅᑐᖃᖅᐸᒻᒪᖔᖅ ᐸᓖᓯᒃᑯᓐᓂ. ᖁᔭᓐᓇᒦᒃ. ᐃᒃᓯᕙᐅᑕᖅ (ᑐᓵᔨᑎᒍᑦ): ᖁᔭᓐᓇᒦᒃ, ᒥᔅᑕ ᒪᐃᒃ. ᒥᓂᔅᑕ ᕼᐃᒃᔅ. ᐊᖓᔪᖅᑳᖅ ᔪᐊᔾ ᕼᐃᒃᔅ (ᑐᓵᔨᑎᒍᑦ): ᖁᔭᓐᓇᒦᒃ, ᐃᒃᓯᕙᐅᑖᖅ. ᐃᓛᒃ ᐃᓕᓴᖅᓯᒐᓗᐊᖅᑐᖓᐃᓛᒃ ᓴᖅᑭᔮᕆᐊᖃᕋᑦᑕ ᑭᓯᐊᓂ ᐃᓗᓕᖏᑦ ᐅᖃᐅᓯᕆᔭᐃᓐᓇᕆᒋᐊᖃᙱᓇᒃᑭᑦ ᐸᓖᓯᒃᑯᕗᑦ ᐱᓕᕆᐊᕆᕙᑦᑕᖏᑦ ᓄᖅᑲᑎᑦᑎᒐᓱᐊᖅᑐᑎᒃ ᑎᑭᑎᑦᑎᖃᑦᑕᖅᑐᓂᒃ, ᒥᔅᑕ ᐸᓛᑲᑖᒧᑦ ᑖᓐᓇ ᐃᓚᒋᐊᖅᑕᐅᖁᔭᕋᓗᐊᕋ ᑭᐅᔾᔪᑎᒐ. ᐊᒻᒪ ᐃᓅᓯᖅ ᐊᓯᔾᔨᖅᓯᒪᔪᕕᔾᔪᐊᕌᓘᒻᒪᑦ ᖁᓕᑦ, ᐊᕙᑏᑦ, 30 ᐊᕐᕌᒍᐃᑦ ᐊᓂᒍᓕᖅᑎᓪᓗᒋᑦ ᐃᓱᒪᐃᓐᓇᖅ ᐳᓚᕋᖃᑦᑕᕈᒪᒍᓐᓇᕋᓗᐊᖅᑎᓪᓗᒋᑦ ᓄᓇᕘᒥ ᓄᓇᑦᓯᐊᕐᒧᑦ ᒫᓐᓇᓕ ᑕᕝᕙ ᑖᒃᑯᐊ ᐅᐊᑦᑎᐊᔭᐅᒋᐊᖃᓕᕆᕗᐃᑦ. ᐊᒻᒪᓗ ᐸᓖᓯᒃᑯᑦ ᐱᓕᕆᒐᓱᓐᓂᕆᕙᑦᑕᖏᑦ ᑕᒪᐅᓇᖃᐃ ᐅᖁᒪᐃᑦᑐᐊᓗᓐᓂᒃ ᐋᖓᔮᕐᓇᖅᑐᓂᒃ ᑎᒍᓯᔪᖃᖅᑲᑦ ᓇᒻᒥᓂᖅ ᐱᔭᔅᓴᒥᓂᒃ ᑎᑭᑎᑦᑎᕙᙱᒻᒪᑕ ᐊᖏᔪᐊᓗᓐᓂᒃ ᑎᑭᑎᑦᑎᖃᑦᑕᕐᖓᑕ ᑲᑐᔾᔨᓪᓗᑎᒃ, ᑲᑐᔾᔨᖃᑎᒌᑦᑐᑎᒃ ᒪᒃᑯᑦᑐᖁᑎᑦᑎᓐᓂᒃ ᐊᒻᒪ ᐊᔪᓕᕈᑎᖃᖅᓯᒪᔪᓂᒃ ᐱᙳᐊᖃᑐᐃᓐᓇᖃᑦᑕᕐᖓᑕ. $100,000-ᑕᐅᓴᒐᓛᓗᐃᑦ ᒥᓕᐊᓃᙱᑉᐸᑕ, ᐋᖓᔮᕐᓇᖅᑐᐃᑦ ᓄᓇᕘᒨᖃᑦᑕᕐᖓᑕ ᐃᓚᒌᓂᒃ ᓱᕋᐃᕙᓪᓕᐊᓪᓚᕆᑦᑐᑎᒃ ᓄᓇᓕᓐᓂᓪᓗ. ᐃᒃᓯᕙᐅᑖᖅ, ᖃᓄᐃᔅᓴᖏᒃᑯᕕᑦ, ᒥᔅᑕ ᐸᓛᑲᑖᒧᑦ ᐃᓚᔭᐅᖁᔭᕋᓗᐊᕋ. ᖁᔭᓐᓇᒦᒃ. ᐃᒃᓯᕙᐅᑕᖅ (ᑐᓵᔨᑎᒍᑦ): ᖁᔭᓐᓇᒦᒃ, ᒥᓂᔅᑕ. ᐊᑏ’, ᒥᔅ ᐸᓛᑲᑖ. ᕙᓛᑲᑖ (ᑐᓵᔨᑎᒍᑦ): ᖁᔭᓐᓇᒦᒃ, ᐃᒃᓯᕙᐅᑖᖅ. ᑖᓐᓇ ᐊᐱᖅᑯᑦ ᓲᕐᓗ ᐸᓖᓯᐅᙱᒃᖢᓂ, ᑕᒪᓐᓇ ᐃᓱᒫᓘᑕᐅᓇᕐᒪᑦ. ᐊᒻᒪᓗ ᐊᑐᕈᒫᕐᓂᐊᖅᑐᓂᒃ ᑖᒃᑯᓂᖓ ᐊᑐᖅᑐᓪᓚᕇᑦ ᐃᓐᑲᒪᑖᔅᓯᑎᒍᓪᓗ ᐊᑭᓕᖅᓱᖅᑕᐅᖃᑦᑕᖅᖢᑎᒃ. ᐄ’, ᐸᓖᓯᒃᑯᑦ ᐋᖅᑭᒃᓱᖅᓯᒪᔪᓂᒃ ᒪᓕᖃᑦᑕᕐᒪᑕ. ᐊᒻᒪᓗ ᐸᓖᓯᒃᑯᑦ ᓇᓗᓇᐃᔭᐃᖃᑦᑕᖅᑐᑦ ᑕᒪᒃᑯᓂᖓ ᐱᕋᔭᓐᓂᕐᓂᒃ. ᓲᕐᓗ ᑎᑎᖅᑲᒃᑯᕕᒃᑎᒎᖅᐸᑦ ᐅᕝᕙᓘᓐᓃᑦ ᐃᓛᒃ ᑕᒫᓂᓕ ᐊᖅᑯᑎᖃᙱᒻᒪᑦ, ᑕᒪᒃᑯᐊ ᓱᕐᕋᓐᓇᖅᑐᑦ, ᐃᒥᐊᓗᐃᓪᓗ ᑕᒪᐅᖓ ᑎᑭᑉᐸᓪᓕᐊᖃᑦᑕᕐᒪᑕ. ᖃᓄᖅᑑᕈᑎᒋᖃᑦᑕᖅᑕᕗᑦ ᑕᒪᒃᑯᐊ ᖃᓄᖅ ᓄᓇᓕᓐᓄᑦ ᑎᑭᑦᑕᖃᑦᑕᕐᒪᖔᑦ? ᑕᒪᒃᑯᓂᖓ ᐊᑐᖅᖢᑎᒃ ᐋᖅᑭᔅᓱᐃᖃᑦᑕᖅᑐᑦ, ᐃᓛᒃ, ᕿᒥᕐᕈᓇᖃᑦᑕᖅᑐᑦ ᑐᑭᒧᐊᕈᑎᑎᒍᑦ ᒪᑯᐊ ᐸᓖᓯᒃᑯᑦ ᐃᑲᔪᕋᓱᖃᑦᑕᕋᑦᑎᒃᑯᑦ ᐃᖅᑲᓇᐃᔭᕐᓂᓕᒫᒥᓂᒃ ᑕᐃᒃᑯᓂᖓ 5%-ᐳᓴᒥᒃ ᐱᕋᔭᒃᐸᑦᑐᓂᒃ ᑲᒪᒋᔭᖃᓲᑦ.

ᐊᐃᑉᐹ, ᔫᓂ 09, 2026 ᓄᓇᕗᒥ ᒪᓕᒐᓕᐅᕐᕕᒻᒧᑦ ᑲᑎᒪᔾᔪᑏᑦ 34 ᑕᐃᒃᑯᐊ 5%−ᖑᔪᑦ ᖁᕝᕙᓯᓐᓂᖅᐹᑦ ᐱᕋᔭᓐᓂᐅᖃᑦᑕᖅᑐᑦ ᑕᐃᒪ ᐱᕋᔭᓐᓂᖅ ᒥᑭᓪᓕᕚᓪᓕᕋᔭᖅᑐᑦ ᒪᑯᐊᓗ ᐊᑦᑕᓇᙱᑦᑐᒦᓐᓂᕐᒥᓂᒃ ᖃᐅᔨᒪᓗᑎᒃ. ᐄ, ᑕᒪᒃᑯᐊ ᑕᐃᒪᓐᓇ ᐋᖅᑭᒃᓯᒪᖃᑦᑕᖅᑐᒍᑦ ᓇᓕᐊᒃ ᓄᓇᓖᒃ, ᐃᓛᒃ ᖃᓪᓗᓈᑦ ᓄᓇᖏᓐᓂᙶᖅᑐᑦ ᓇᑭᙶᖃᑦᑕᕐᒪᖔᑦ ᐊᒻᒪᓗ ᑕᒪᒃᑯᐊ ᐊᑐᖅᖢᑎᒃᑯᑦ ᐋᖅᑭᒃᓱᐃᖃᑦᑕᖅᑐᒍᑦ ᐊᑭᑭᓐᓂᖅᓴᐅᓕᓲᖑᓪᓗᓂᓗ. ᑕᐃᒪᑐᖅ ᑭᐅᕗᖓ. ᖁᔭᓐᓇᒦᒃ, ᐃᒃᓯᕙᐅᑖᖅ. ᐃᒃᓯᕙᐅᑕᖅ (ᑐᓵᔨᑎᒍᑦ): ᐊᓯᖏᑦ ᐊᐱᖅᑯᑎᒃᓴᐃᑦ, ᐸᓖᓯᒃᑯᑦ ᐱᓪᓗᒋᑦ. ᒥᔅᑕ ᖃᒪᓂᖅ. ᖃᒪᓂᖅ: ᖁᔭᓐᓇᒦᒃ, ᐃᒃᓯᕙᐅᑖᖅ ᐊᒻᒪ ᑐᙵᓱᒋᑦᑎ. (ᑐᓵᔨᑎᒍᑦ): ᐱᓕᕆᕝᕕᓯ ᐊᖏᖅᓯᓚᐅᖅᑐᑦ 2025-2026 ᐱᓕᕆᐊᖑᓂᐊᖅᑐᑦ ᐸᕐᓇᐅᑎᖏᑦ ᑕᒪᑐᒪᓂ 2024-2025ᒥ ᓯᕗᓪᓕᐅᔾᔨᓚᐅᖅᑐᑦ ᐸᓖᓯᒃᑯᑦ ᐃᑲᔪᕐᓗᒋᑦ ᐊᑐᓕᖅᑎᑦᑎᕙᓪᓕᐊᑎᓪᓗᒋᑦ ᓄᑖᕐᓂᒃ ᓂᖓᕐᓂᖅ ᑕᒪᓐᓇ ᒥᒃᖠᕚᓪᓕᖁᓪᓗᒍ ᓄᓇᕗᒻᒥ. 2025-2026 ᐱᓕᕆᐊᖑᓂᐊᖅᑐᑦ ᐸᕐᓇᐅᑏᑦ ᐅᓇ ᐊᖅᑯᑎᒋᓪᓗᒍ ᓂᖓᖃᑦᑕᕐᓂᕐᒧᑦ ᑐᕌᖓᔪᖅ ᑮᓇᐅᔭᑦ, ᐸᓖᓯᒃᑯᑦ ᑮᓇᐅᔭᓂᒃ ᐊᑐᐃᓐᓇᕈᐃᓯᒪᔪᑦ ᑕᒪᓐᓇ ᑲᒪᒋᔭᐅᖁᓪᓗᒍ ᓂᖓᕐᓂᖅ. ᑲᓄᐃᑦᑐᓂᒃ ᓴᖅᑭᑦᑎᓯᒪᕙᖅ ᐱᒋᐊᖅᑎᑦᑎᓯᒪᕙᑦ ᐸᓖᓯᒃᑯᑦ ᑮᓇᐅᔭᖃᖅᑎᑕᐅᓂᖅ 2024-2025 ᐊᕐᕌᒍᐊᓂ? ᖁᔭᓐᓇᒦᒃ, ᐃᒃᓯᕙᐅᑖᖅ. ᐃᒃᓯᕙᐅᑕᖅ (ᑐᓵᔨᑎᒍᑦ): ᖁᔭᓐᓇᒦᒃ, ᒥᔅᑕ ᕼᐃᒃᔅ. ᐊᖓᔪᖅᑳᖅ ᔪᐊᔾ ᕼᐃᒃᔅ (ᑐᓵᔨᑎᒍᑦ): ᖁᔭᓐᓇᒦᒃ, ᐃᒃᓯᕙᐅᑖᖅ. ᐄ, ᖃᐅᔨᒪᓪᓗᖓ ᐱᖁᔭᕐᔪᐊᖅᑕᖃᕐᒪᑦ ᐊᖅᑯᑎᒋᔭᐅᖃᑦᑕᖅᑐᑦ ᐱᒋᐊᕈᑎᒋᓯᒪᓪᓗᑎᒃᑯᓪᓗ ᑕᐃᒃᑯᐊ. ᒥᔅᑕ ᐸᓛᑲᑖᑦ ᑭᐅᔪᓐᓇᖅᑐᖅ ᑖᔅᓱᒧᖓ ᐊᐱᖅᑯᒻᒧᑦ. ᖁᔭᓐᓇᒦᒃ. ᐃᒃᓯᕙᐅᑕᖅ (ᑐᓵᔨᑎᒍᑦ): ᖁᔭᓐᓇᒦᒃ. ᐊᑏ, ᒥᔅᑕ ᐸᓛᑲᑖ. ᕙᓛᑲᑖ (ᑐᓵᔨᑎᒍᑦ): ᖁᔭᓐᓇᒦᒃ, ᐃᒃᓯᕙᐅᑖᖅ ᐊᒻᒪᓗ ᖁᔭᓐᓇᒦᒃ ᑖᓐᓇ ᐊᐱᖅᑯᑎᒋᒐᖕᓂᒃ. ᑕᒪᒃᑯᐊ ᐱᒋᐊᖅᑎᓯᒪᔭᕗᑦ ᓄᓇᓕᖕᓂ ᒪᓕᒐᓕᕆᓂᖅ ᒪᒥᓴᕐᓂᕐᓗ ᑕᒪᒃᑯᐊ ᐋᖅᑭᒃᓯᒪᔭᕗᑦ ᑐᑭᓯᒃᑲᓐᓂᐅᑎᒋᔭᐅᓂᐊᕐᒪᑦ ᐃᒪᐃᓕᐅᕈᑎᒃ, ᓂᖓᕐᓂᕈᑎᒃ ᐃᒪᓐᓇᐃᑦᑐᒥᒃ ᓴᖅᑭᕕᐅᓂᐊᖅᑐᑦ ᐊᒻᒪ ᐃᒃᓯᕙᐅᑕᖅ, ᐊᓯᐊᑦᑕᐅᖅ ᐱᓕᕆᐊᕆᖃᑦᑕᖅᓯᒪᔭᕗᑦ ᑕᐃᒃᑯᐊᓗ ᐃᖅᑲᓇᐃᔭᖅᑎᕗᑦ ᓄᓇᓕᖕᓂ ᐃᑲᔪᖃᑦᑕᖅᑐᑦ ᑕᒪᒃᑯᓂᖓ ᓂᖓᖅᑕᕕᓂᕐᓂᒃ ᑕᐃᒃᑯᐊ ᓂᖓᖅᑕᐅᕙᒃᑐᑦ ᐊᑦᑕᓇᙱᑦᑐᒧᐊᕈᓐᓇᕐᓂᐊᕐᒪᑕ ᐊᒻᒪᓗ ᐊᓯᐊ ᐃᑲᔪᖅᓲᑎᒋᔭᐅᖃᑦᑕᕐᒥᔪᑦ ᑐᑭᒧᐊᒃᑎᖃᕋᑦᑕ ᐸᓖᓯᒃᑯᑦ ᐃᓗᐊᓂ. ᑖᓐᓇ ᐊᕐᕌᒎᓄᑦ ᒪᕐᕉᖕᓄᖅᑲᐃ ᐃᓐᓄᒃᑕᐅᓯᒪᓕᖅᑕᖅ ᐊᒻᒪᓗ ᑖᓐᓇ ᑭᖑᓪᓕᖅᐹᖅ ᑭᐅᔾᔪᑎᖅᑲᐅᔭᕋ ᑕᐃᓐᓇ ᐸᓖᓯᐅᓪᓗᓂ ᒪᑯᓂᖓ ᐱᕙᓪᓕᐊᔪᓂᒃ ᓇᐅᑦᑎᖅᓱᖅᑎᒋᔭᐅᖃᑦᑕᖅᑐᑦ ᐊᑐᐊᒐᓪᓗ ᒪᓕᒃᑕᐅᖃᑦᑕᖅᖢᑎᒃ. ᑐᙵᕕᖃᑦᑎᐊᖅᑐᑦ ᓴᐳᒻᒥᐅᓯᖅᑕᐅᖁᓪᓗᒋᑦ ᓂᖓᕐᓂᖅ ᑕᒪᓐᓇ ᒥᒃᖠᕚᓪᓕᖁᓪᓗᒍ. ᑕᒪᒃᑯᐊ ᑲᒪᒋᖃᑦᑕᖅᑕᕗᑦ ᓂᖓᕐᓂᖅ ᐱᔾᔪᑎᒋᓪᓗ. ᖁᔭᓐᓇᒦᒃ. ᐃᒃᓯᕙᐅᑕᖅ (ᑐᓵᔨᑎᒍᑦ): ᖁᔭᓐᓇᒦᒃ, ᒥᔅᑕ ᐸᓛᑲᑖ. ᒥᔅᑕ ᖃᒪᓂᖅ, ᐊᑏ. ᖃᒪᓂᖅ: ᖁᔭᓐᓇᒦᒃ, ᐃᒃᓯᕙᐅᑖᖅ ᐊᒻᒪ ᖁᔭᓐᓇᒦᒃ ᑭᐅᒐᕕᑦ. (ᑐᓵᔨᑎᒍᑦ): ᓄᕙᒻᐸ 8, 2022ᖑᑎᓪᓗᒍ ᑲᓇᑕᐅᑉ ᒐᕙᒪᒃᑯᖏᑦ ᐊᑦᑕᓇᔾᔭᐃᖅᓯᒪᓂᕐᒧᑦ ᒥᓂᔅᑕᖓᑦ ᐊᒻᒪᓗ ᒪᓕᒐᓕᕆᔨᒃᑯᑦ ᒥᓂᔅᑕᖓᑦ ᐃᓄᐃᑦ ᓄᓇᖃᖅᑳᖅᓯᒪᔪᑦ ᐃᓄᐃᓪᓗ ᐸᓖᓯᙳᖅᑎᑕᐅᓂᕐᒥᒃ ᐃᓕᓐᓂᐊᕈᑎᒃᓴᖏᓐᓂᒃ ᐊᖏᒡᓕᒋᐊᖅᑎᑦᑎᓚᐅᕐᒪᑕ ᐊᒻᒪᓗ ᐸᓖᓰᑦ ᓄᓇᓕᖕᓄᐊᖅᑕᐅᔪᒃᓴᐃᑦ ᑕᐃᒪᙵᓕᒫᖅ ᑲᒪᒋᔭᐅᖏᓐᓇᖅᑐᑦ. ᐅᓪᓗᒥᒧᑦ ᑎᑭᖦᖢᒍ ᖃᔅᓯᑦ ᐃᓐᓄᒃᑕᐅᓯᒪᓕᖅᐸᑦ ᐊᒻᒪᓗ ᓇᓕᐊᖕᓄᑦ ᓄᓇᓕᖕᓄᑦ ᐃᓕᐅᖅᑲᖅᑕᐅᓚᐅᖅᐸᑦ? ᖁᔭᓐᓇᒦᒃ. ᐃᒃᓯᕙᐅᑕᖅ (ᑐᓵᔨᑎᒍᑦ): ᖁᔭᓐᓇᒦᒃ, ᒥᔅᑕ ᖃᒪᓂᖅ. ᒥᔅᑕ ᕼᐃᒃᔅ. ᐊᖓᔪᖅᑳᖅ ᔪᐊᔾ ᕼᐃᒃᔅ (ᑐᓵᔨᑎᒍᑦ): ᖁᔭᓐᓇᒦᒃ, ᐃᒃᓯᕙᐅᑖᖅ. ᐅᖃᖅᑲᐅᒐᒪ ᑕᐃᒃᑯᐊ 15 ᐃᓐᓄᒃᑕᐅᓯᒪᓕᖅᑐᖅ. ᐊᑕᐅᓯᖅ, ᒪᕐᕉᓪᓗᑎᒃ ᐊᑕᐅᓯᖅ ᒫᓂ ᐃᖃᓗᖕᓂ, ᐊᑕᐅᓯᖅ ᑭᙵᕐᓂ ᐊᒻᒪ ᐸᖕᓂᖅᑑᕐᒥ, ᒥᑦᑎᒪᑕᓕᒃ, ᐃᒃᐱᐊᕐᔪᒃ ᐃᓐᓄᒃᑕᐅᓯᒪᙱᖦᖤᖅᐳᖅ. ᐃᒡᓗᓕᖕᒥ ᐃᓐᓄᒃᑕᐅᓯᒪᓕᖅᑐᖅ, ᑲᖏᖅᖠᓂᖅ,

ᐊᐃᑉᐹ, ᔫᓂ 09, 2026 ᓄᓇᕗᒥ ᒪᓕᒐᓕᐅᕐᕕᒻᒧᑦ ᑲᑎᒪᔾᔪᑏᑦ 35 ᖃᒪᓂᑦᑐᐊᖅ, ᐃᒡᓗᓕᒑᕐᔪᒃ ᐃᓐᓄᒃᑕᐅᓯᒪᔪᑦ. ᐃᖃᓗᒃᑑᑦᑎᐊᖅ ᒪᕐᕉᓪᓗᑎᒃ ᑕᐃᒃᑯᐊ ᐃᓐᓄᒃᑕᐅᓯᒪᔪᑦ. ᐅᖅᓱᖅᑑᖅ ᐃᓐᓄᒃᑕᐅᓯᒪᔪᖅ, ᑰᒑᕐᔪᒡᓗ ᐊᒻᒪᓗ ᖁᕐᓗᖅᑑᖅ ᐃᓐᓄᒃᑕᐅᓯᒪᙱᖦᖢᓂ. ᐃᒃᐱᐊᕐᔪᖕᒧᐊᖅᑐᒃᓴᒥᒃ ᖁᕐᓗᖅᑑᕐᒧᐊᖅᑐᒥᒡᓗ ᓇᓗᓇᐃᖅᓯᒪᓕᖅᑐᑦ. ᐃᒡᓗᓕᕆᓂᕐᒥᒃ ᐅᑲᐅᙱᓕᐅᕈᑎᖃᕐᒪᑦ. ᐄ, ᑕᒪᓐᓇ ᐊᑲᐅᙱᓕᐅᕈᑎᖃᖃᑦᑕᕋᑦᑯ ᐃᒡᓗᖃᙱᓐᓂᖅ ᐅᕝᕙᓘᓐᓃᑦ ᐃᓐᓄᒃᑕᐅᓯᒪᔪᐃᓐᓇᐅᔭᕌᖓᑦᑕ ᐃᖅᑲᓇᐃᔭᖅᑏᑦ ᐃᒡᓗᖏᑦ ᐊᒥᒐᖅᓯᓕᖃᑦᑕᖅᑐᒍᑦ. ᖁᔭᓐᓇᒦᒃ, ᐃᒃᓯᕙᐅᑖᖅ. ᐃᒃᓯᕙᐅᑕᖅ (ᑐᓵᔨᑎᒍᑦ): ᖁᔭᓐᓇᒦᒃ, ᒥᔅᑕ ᕼᐃᒃᔅ. ᒥᔅᑕ ᖃᒪᓂᖅ. ᖃᒪᓂᖅ: ᖁᔭᓐᓇᒦᒃ, ᐃᒃᓯᕙᐅᑖᖅ ᐊᒻᒪ ᖁᔭᓐᓇᒦᒃ ᐅᓂᒃᑳᕋᕕᑦ. (ᑐᓵᔨᑎᒍᑦ): ᓄᓇᖃᖅᑳᖅᓯᒪᔪᑦ ᐃᓄᐃᓪᓗ ᐸᓖᓯᙳᖅᑎᑕᐅᓂᕐᒥᒃ ᐃᓕᓐᓂᐊᕈᑎᒃᓴᖏᑦ ᐅᖃᖅᓯᒪᔪᑦ ᓄᓇᖃᖅᑳᖅᓯᒪᔪᑦ ᐃᓄᐃᓪᓗ ᑕᐃᒃᑯᐊ ᐸᓖᓯᒃᑯᑦ ᐱᔭᒃᓴᖅᑖᖅᑎᑕᐅᓂᐊᖅᑐᖅ ᐅᖃᖃᑎᒋᔭᐅᓚᐅᕐᓗᑎᒃ ᑕᐃᒃᑯᐊ ᓄᓇᓖᑦ ᐱᔨᑦᑎᕐᕕᒋᔭᖏᑦ. ᖃᖓ ᑖᒃᑯᐊ ᐅᖃᓪᓚᒡᕕᐅᔭᐅᔪᐃᓐᓇᐅᓕᕐᓂᐊᖅᐸᑦ ᐅᕝᕙᓘᓐᓃᑦ ᐃᓱᓕᓛᖅᐸ ᖃᖓ? ᖁᔭᓐᓇᒦᒃ, ᐃᒃᓯᕙᐅᑖᖅ. ᐃᒃᓯᕙᐅᑕᖅ (ᑐᓵᔨᑎᒍᑦ): ᒥᔅᑕ ᕼᐃᒃᔅ. ᐊᖓᔪᖅᑳᖅ ᔪᐊᔾ ᕼᐃᒃᔅ (ᑐᓵᔨᑎᒍᑦ): ᖁᔭᓐᓇᒦᒃ. ᒥᔅᑕ ᕙᓛᑲᑖ ᑕᐃᒪᐃᑦᑐᓕᕆᓚᐅᕐᒪᑦ ᓄᓇᕗᑦ ᑐᙵᕕᒃᑯᓐᓂᓪᓗ ᑲᑎᒪᖃᑎᖃᖅᓯᒪᓪᓗᓂ. ᐃᒃᓯᕙᐅᑕᖅ, ᒥᔅᑕ ᐸᓛᑲᑖᑦ ᑭᐅᖁᓪᓗᒍ. ᖁᔭᓐᓇᒦᒃ. ᐃᒃᓯᕙᐅᑕᖅ (ᑐᓵᔨᑎᒍᑦ): ᖁᔭᓐᓇᒦᒃ, ᒥᓂᔅᑕ. ᐊᑏ ᒥᔅᑕ ᕙᓛᑲᑖ. ᕙᓛᑲᑖ (ᑐᓵᔨᑎᒍᑦ): ᖁᔭᓐᓇᒦᕐᔪᐊᒻᒪᕆᐊᓗᒃ, ᐃᒃᓯᕙᐅᑕᖅ. ᑖᒃᑯᐊ ᓄᓇᖃᖅᑳᖅᓯᒪᔪᑦ ᐃᓄᐃᓪᓗ ᐸᓖᓯᙳᖅᐸᓪᓕᐊᔪᑦ ᑕᐃᓐᓇ ᐃᓐᓄᒃᑕᐅᓯᒪᙱᑦᑐᖅ ᑕᒫᓂ ᐃᖃᓗᖕᓂ ᐃᓐᓄᒃᑕᐅᓯᒪᙱᓐᓂᖓ ᑕᐃᓐᓇ ᐃᓕᓐᓂᐊᕈᑎᒃᓴᖅ ᐊᑐᓕᖅᑎᑕᐅᓴᕋᐃᖁᓚᐅᖅᓯᒪᒋᕗᑦ 6ᓄᑦ 8ᓄᑦ ᑕᖅᑭᓄᑦ ᑎᒥᑕᖃᓕᖅᑐᖅ ᑕᒪᒃᑯᓂᖓ ᑲᒪᒋᔭᐅᔪᑦ ᐊᒻᒪᓗ ᐃᓄᐃᑦ ᑲᑐᔾᔨᖃᑎᒌᖏᑦ. ᑎᓴᒪᐅᓪᓗᑎᒃ ᓄᓇᓖᑦ. ᒫᓂ ᐊᑕᐅᓯᖅ ᐃᖃᓗᐃᑦ ᓂᒋᐊᓂ ᐅᐊᖕᓇᖓᓄᑦ ᐊᒻᒪ ᕿᑎᕐᒥᐅᑦ ᑭᕙᓪᓕᕐᒥᓗ. ᓯᕗᓪᓕᖅᐹᒥ ᑲᑎᒪᓂᖃᓚᐅᖅᑐᑦ ᐱᓇᓱᐊᕈᓯᐅᓚᐅᖅᑐᒥ ᔫᓐ 2ᒥ ᐊᒻᒪᓗ ᑕᐃᑲᙵᓂᑦ ᑖᑯᐊ ᑎᒥᐅᔪᑦ ᑲᑎᒪᔨᕋᓛᑯᓗᖕᓄᑦ ᐃᓕᓯᓚᐅᖅᑐᑦ ᐊᒻᒪᓗ ᓯᕗᓪᓕᐅᔾᔭᐅᔪᒃᓴᓂᒃ ᓇᓗᓇᐃᔭᐃᓚᐅᖅᖢᑎᒃ. ᑕᐃᒪᓐᓇ ᑖᒃᑯᐊ ᑎᒥᐅᔪᑦ ᐃᒪᐃᑦᑐᓂᒃ ᓂᕆᐅᒋᔭᖃᕐᕕᒋᓚᕗᑦ ᑕᐃᒪᐃᓕᓯᒪᓕᖅᑕᕗᑦ. ᓄᓇᓕᖕᓄᑦ ᑕᒪᓐᓇ ᐊᐅᓚᑕᐅᓪᓚᕆᒃᑐᖅ. ᐊᐅᔭᓕᒫᖅ ᑖᒃᑯᐊ ᑲᑎᒪᖃᑦᑕᕐᓂᐊᖅᑐᑦ ᐅᑭᐊᒃᓵᖑᓕᖅᐸᓪᓗ ᑕᒪᓐᓇ ᐱᔭᕇᖅᑕᐅᓗᓂ ᐊᒻᒪ ᐊᖏᕈᑎᓕᐅᖅᓯᒪᖕᒪᑕ ᓄᓇᕗᑦ ᒐᕙᒪᒃᑯᑦ ᑲᓇᑕᒥᓗ ᐊᑦᑕᓇᔾᔭᐃᖅᓯᒪᓂᕐᒧᑦ ᑕᐃᒃᑯᐊ ᐊᑐᓕᓛᖅᑐᑦ. ᖁᔭᓐᓇᒦᒃ, ᐃᒃᓯᕙᐅᑖᖅ. ᐃᒃᓯᕙᐅᑕᖅ (ᑐᓵᔨᑎᒍᑦ): ᒥᔅᑕ ᖃᒪᓂᖅ, ᐊᑏ. ᖃᒪᓂᖅ: ᖁᔭᓐᓇᒦᒃ, ᐃᒃᓯᕙᐅᑕᖅ ᐊᒻᒪ ᖁᔭᓐᓇᒦᒡᓗ. (ᑐᓵᔨᑎᒎᓕᖅᑐᖅ) ᐱᓕᕆᕕᓯ 2025-2026 ᐱᓕᕆᐊᕆᓂᐊᖅᑕᖏᑦᑕ ᐸᕐᓇᐅᑎᖏᑦ ᓯᕗᓪᓕᐅᔾᔨᓯᒪᔪᒡᒎᖅ 2025ᒥ ᐸᓖᓯᒃᑯᑦ ᐃᑲᔪᖅᓱᕐᓗᒋᑦ ᐊᑐᓕᖅᑎᑦᑎᕙᓪᓕᐊᑎᓪᓗᒋᑦ ᓴᖅᑭᓵᖅᑐᕕᓂᕐᓂᒃ ᓂᖓᕐᓂᖅ ᓄᖑᑉᐹᓪᓕᖁᓪᓗᒍ ᓄᓇᕗᒻᒥ. ᐱᓕᕆᕕᓯ ᖃᓄᐃᓕᐅᖅᓯᒪᕙᑦ ᑖᓐᓇ ᓯᕗᓪᓕᐅᔾᔭᖅ ᑲᔪᓯᖁᓪᓗᒍ? ᖁᔭᓐᓇᒦᒃ, ᐃᒃᓯᕙᐅᑖᖅ. ᐃᒃᓯᕙᐅᑕᖅ (ᑐᓵᔨᑎᒍᑦ): ᖁᔭᓐᓇᒦᒃ. ᒥᔅᑕ ᕼᐃᒃᔅ. ᐊᖓᔪᖅᑳᖅ ᔪᐊᔾ ᕼᐃᒃᔅ (ᑐᓵᔨᑎᒍᑦ): ᖁᔭᓐᓇᒦᒃ, ᐃᒃᓯᕙᐅᑖᖅ. ᑕᐃᒫᑐᐃᓐᓇᖅ ᒥᔅᑕ ᐸᓛᑲᑖᑦ ᑭᐅᖅᑲᐅᔭᖓ. ᐃᖅᑲᓇᐃᔭᖃᑎᖃᖅᑐᒍᑦ ᑕᐃᒃᑯᓄᖓ ᑎᒥᐅᔪᓂᒃ. ᓂᖓᕐᓂᕐᒧᑦ ᑐᕌᖓᔪᑦ ᓴᖅᑭᔮᖅᑎᑕᕗᑦ ᓄᓇᕗᒻᒥ ᖃᓄᐃᑦᑐᓂᒃ

ᐊᐃᑉᐹ, ᔫᓂ 09, 2026 ᓄᓇᕗᒥ ᒪᓕᒐᓕᐅᕐᕕᒻᒧᑦ ᑲᑎᒪᔾᔪᑏᑦ 36 ᐊᐳᖅᑕᐅᑎᖃᖃᑦᑕᕐᒪᖔᑦᑕ ᑕᐃᒃᑯᐊ ᐸᓖᓯᒃᑯᑦ ᐊᒻᒪᓄ ᐊᓄᓪᓚᒃᓰᕖᑦ ᐊᒻᒪ ᐃᓱᒪᒋᖃᓯᐅᑎᓯᒪᔭᕗᑦ ᓲᕐᓗ ᐃᓄᓕᕆᔨᒃᑯᑦ ᐋᓐᓂᐊᖃᕐᓇᙱᑦᑐᓕᕆᔨᒃᑯᑦ ᐱᓕᕆᕕᖏᑦ. ᖁᔭᓐᓇᒦᒃ, ᐃᒃᓯᕙᐅᑖᖅ. ᐃᒃᓯᕙᐅᑕᖅ (ᑐᓵᔨᑎᒍᑦ): ᖁᔭᓐᓇᒦᒃ, ᒥᔅᑕ ᖃᒪᓂᖅ. ᖃᒪᓂᖅ: ᖁᔭᓐᓇᒦᒃ ᐃᒃᓯᕙᐅᑕᖅ ᐊᒻᒪ ᖁᔭᓇᒦᒃ ᑭᐅᒐᕕᑦ. (ᑐᓵᔨᑎᒍᑦ) ᐱᓕᕆᕕᓯ 2026-2030 ᐱᓕᕆᐊᖑᓂᐊᖅᑐᑦ ᐸᕐᓇᐅᑎᖏᑦ 2026-2027ᒥ ᐊᐅᓚᔾᔭᒃᑕᐅᔪᒃᓴᑦ ᓄᑖᓂᒃ ᐱᔭᒃᓴᖅᑖᖅᑎᑕᐅᓗᑎᒃ ᐊᒻᒪ ᐃᓄᐃᑦ ᐃᓕᖅᑯᓯᖓᑦ ᐃᓱᒪᒋᓗᒍ. ᑖᒃᑯᓄᖓ ᐸᓖᓯᒃᑯᑦ ᕖᒥᒃ ᓇᓗᓇᐃᒃᑯᑕᓖᑦ. ᖃᖓ ᑕᒪᓐᓇ ᐱᔭᕇᖅᑕᐅᓂᐊᖅᑰᖅᐸ ᐱᓕᕆᐊᕆᔭᐅᔪᖅ? ᖁᔭᓐᓇᒦᒃ, ᐃᒃᓯᕙᐅᑖᖅ. ᐃᒃᓯᕙᐅᑕᖅ (ᑐᓵᔨᑎᒍᑦ): ᖁᔭᓐᓇᒦᒃ, ᒥᔅᑕ ᖃᒪᓂᖅ. ᒥᔅᑕ ᕼᐃᒃᔅ. ᐊᖓᔪᖅᑳᖅ ᔪᐊᔾ ᕼᐃᒃᔅ (ᑐᓵᔨᑎᒍᑦ): ᖁᔭᓇᒦᒃ, ᐃᒃᓯᕙᐅᑖᖅ. ᑕᐃᒃᑯᐊ ᐃᖅᑲᓇᐃᔭᖃᑎᒋᔭᕗᑦ ᓇᓗᓇᐃᔭᐃᕙᓪᓕᐊᓪᓗᑕ ᐊᑐᐃᓐᓇᕈᖅᑎᑕᐅᔪᓐᓇᕐᓂᐊᕐᒪᑕ ᑕᐃᒃᑯᓂᖓ ᐃᓕᓐᓂᐊᕈᑎᒃᓴᓂᒃ. ᑕᒪᑐᒪᓂ ᐊᕐᕌᒍᒥ ᑮᓇᔭᓕᕆᓐᓇᐅᑉ ᐊᕐᕌᒍᐊᓂ ᐱᔭᕇᖅᑕᐅᓛᖅᑐᖅ. ᖁᔭᓐᓇᒦᒃ, ᐃᒃᓯᕙᐅᑖᖅ. ᐃᒃᓯᕙᐅᑕᖅ (ᑐᓵᔨᑎᒍᑦ): ᖁᔭᓐᓇᒦᒃ, ᒥᔅᑕ ᕼᐃᒃᔅ. ᒥᔅᑕ ᖃᒪᓂᖅ. ᖃᒪᓂᖅ: ᖁᔭᓐᓇᒦᒃ, ᐃᒃᓯᕙᐅᑖᖅ ᐊᒻᒪ ᖁᔭᓐᓇᒦᒃ. (ᑐᓵᔨᑎᒍᑦ): ᐱᓕᕆᕝᕕᓯ 2026-2030 ᐱᓕᕆᐊᖑᓂᐊᖅᑐᑦ ᐸᕐᓇᐅᑎᖏᑦ ᐅᖃᖅᓯᒪᔪᑦ 2026-2027ᒥ ᐊᐅᓚᔾᔭᒃᑕᐅᓂᐊᖅᑐᑦ ᐊᑐᓕᖅᑎᑕᐅᓗᑎᒃ ᑕᒻᒪᖅᓯᒪᙱᑦᑐᑦ ᑭᖑᕙᖅᓯᒪᙱᑦᑐᓪᓗ ᑕᒪᒃᑯᐊ ᐱᕋᔭᐃᑦ ᑲᑐᔾᔨᖃᑎᒌᖏᑦ ᓱᕐᕋᖕᓇᖅᑐᓂᒃ ᓂᐅᕐᕈᑎᖃᖃᑦᑕᖅᑐᑦ ᑖᒃᑯᓄᖓ ᐊᑐᕋᔭᖅᑕᓂᒃ ᐊᒻᒪᓗ ᐊᕐᕌᒎᑉ ᐃᓗᐊᓂ ᒪᕐᕈᐊᖅᑕᕐᓗᑎᒃ ᕿᒥᕐᕈᓇᖃᑦᑕᕐᓗᑎᒃ ᐊᒻᒪᓗ ᐊᕐᕌᒍᑕᒫᖅᓯᐅᑏᑦ ᐅᓂᒃᑳᖏᓐᓂᒃ ᑐᓐᓂᖅᑯᑎᖃᖃᑦᑕᕐᓗᑎᒃ ᒪᓕᒐᓕᕆᔨᒃᑯᑦ ᒥᓂᔅᑕᖓᓐᓄᑦ. ᖃᓄᐃᑦᑑᓂᐊᖅᐸᑦ ᑕᐃᒃᑯᐊ ᐊᐅᓚᔾᔭᒃᑕᐅᓂᐊᖅᑐᑦ ᐃᑲᔫᑎᒋᐅᓂᐊᖅᑐᓪᓗ ᓯᕗᓪᓕᐅᔾᔭᐅᓯᒪᔪᒥ? ᖁᔭᓐᓇᒦᒃ, ᐃᒃᓯᕙᐅᑖᖅ. ᐃᒃᓯᕙᐅᑕᖅ (ᑐᓵᔨᑎᒍᑦ): ᖁᔭᓐᓇᒦᒃ, ᒥᔅᑕ ᕼᐃᒃᔅ. ᐊᖓᔪᖅᑳᖅ ᔪᐊᔾ ᕼᐃᒃᔅ (ᑐᓵᔨᑎᒍᑦ): ᖁᔭᓐᓇᒦᒃ, ᐃᒃᓯᕙᐅᑖᖅ. ᒥᔅᑕ ᒪᐃᒃ ᑖᓐᓇ ᐊᐱᖅᑯᑎᒋᖕᒪᒍ. ᑕᐃᒃᑯᐊ ᕿᒥᕐᕈᓇᒃᑲᑦᑎᒍᑦ ᐃᖅᑲᓇᐃᔭᖃᑎᒋᔪᓐᓇᕐᒪᖔᑦᑎᒍᑦ ᑕᐃᒃᑯᐊᓗ ᐊᒃᑯᖅᑕᐅᓯᒪᔪᑦ ᑖᒃᑯᐊ ᐱᓕᕆᖃᑎᒌᓕᕐᒪᑕ ᐊᔾᔨᒌᓕᖅᑎᑕᐅᓪᓗᑎᒡᓗ ᒪᓕᒐᖏᑦ ᒐᕙᒪᑐᖃᒃᑯᑦ ᐱᖁᔭᕐᔪᐊᖏᑦ ᑕᐃᒃᑯᐊ ᓴᖅᑭᑕᐅᓂᐊᕐᒪᑕ ᑖᒃᑯᓂᖓ ᓲᕐᓗ ᕿᓂᕐᓂᕐᒧᑦ ᑎᑎᖅᑲᕐᓂᐊᕐᕕᒃᑯᑦ ᑎᒍᓯᓂᕐᒧᓪᓗ ᓇᒃᓯᐅᔾᔭᐅᔪᕕᓂᕐᓂᒃ ᑖᒃᑯᓂᖓ ᐱᓕᕆᔾᔪᑎᖃᒃᓴᖕᓂᒃ. ᑲᓇᑕᒥᓗ ᑕᐃᒃᑯᓂᖓ ᓄᓇᖅᑲᑎᒋᙱᑕᑦᑎᓐᓂᒃ ᐸᓖᓯᒃᑯᓐᓂᒃ ᖃᐅᔨᓴᖅᑏᑦ ᐊᔾᔨᒌᙱᑦᑐᑦ ᐱᓕᕆᖃᑎᒋᓪᓗᒋᑦ ᐱᓕᕆᕝᕕᖓᓂ ᒐᕙᒪᒃᑯᑦ. ᖁᔭᓐᓇᒦᒃ, ᐃᒃᓯᕙᐅᑖᖅ. ᐃᒃᓯᕙᐅᑕᖅ (ᑐᓵᔨᑎᒍᑦ): ᖁᔭᓐᓇᒦᒃ. ᒥᔅᑕ ᖃᒪᓂᖅ. ᖃᒪᓂᖅ: ᖁᔭᓐᓇᒦᒃ, ᐃᒃᓯᕙᐅᑖᖅ ᐊᒻᒪ ᖁᔭᓐᓇᒦᒃ ᐅᓂᒃᑳᕋᕕᐅᒃ. (ᑐᓵᔨᑎᒍᑦ) ᐱᓕᕆᕕᓯ ᐆᒃᑑᑎᖓ 2026- 2030ᒧᑦ ᐸᕐᓇᐅᑎᖓ ᐅᖃᖅᓯᒪᖕᒪᑕ ᐊᐅᓚᔾᔭᒃᑕᐅᔪᒥᒃ 2026-2027ᒥ ᐱᓕᕆᖃᑎᖃᕐᓗᑎᒃ ᓄᓇᓕᖕᓂᒃ ᑐᓴᕋᓱᐊᕐᕕᖃᕐᓗᑎᒃ ᑎᒥᐅᔪᓂᒃ ᐊᓯᖏᓐᓂᒡᓗ. ᑖᒃᑯᐊ ᑭᐅᔭᐅᖁᓪᓗᒋᑦ ᓄᓇᓕᖕᓂ ᐃᖅᑲᓇᐃᔭᖅᑕᐅᓂᐊᖅᑐᓄᑦ ᐸᕐᓇᒃᑕᐅᔪᐃᑦ ᐊᓪᓚᐃᑦ ᐃᓄᐃᓪᓗ ᐸᓖᓯᙳᖅᓴᕐᓂᕐᒧᑦ ᐱᓕᕆᔾᔪᑎᒃᓴᖏᑦ ᑐᑭᒧᐊᕈᑕᐅᓗᑎᒃ, ᐃᓕᖅᑯᓯᕐᒥᒡᓗ ᑐᕌᖓᔪᓂᒃ ᐃᓕᓐᓂᐊᕈᑎᒃᓴᓕᐅᕐᓗᑎᒃ, ᐱᓕᕆᔾᔪᑎᒃᓴᓕᐅᕐᓗᑎᒃ ᑭᐅᓂᐊᕐᒪᑕ ᐃᓚᒌᓪᓗ ᐊᐃᑉᐸᕇᓪᓗ ᓂᖓᖃᑦᑕᕐᓂᖏᓐᓄᑦ ᖃᖓᓕ ᑖᒃᑯᐊ ᐱᔭᕇᖅᑕᐅᓂᐊᖅᐸᑦ ᐸᕐᓇᐅᑎᒃᓴᖏᑦ ᓄᓇᓕᖕᓂ ᐊᑐᓂ ᑐᕌᖓᔪᑦ? ᖁᔭᓐᓇᒦᒃ, ᐃᒃᓯᕙᐅᑖᖅ. ᐃᒃᓯᕙᐅᑕᖅ (ᑐᓵᔨᑎᒍᑦ): ᖁᔭᓐᓇᒦᒃ. ᑖᓐᓇ ᐊᐱᖅᑯᑕᐅᔭᕇᖅᑲᐅᔪᖅ ᑭᐅᔭᐅᓪᓗᓂᓗ. ᒥᓂᔅᑕ ᑭᐅᖁᓗᒍ ᐱᔾᔮᙱᑕᕋ. ᐊᓯᖏᓐᓂᒃ ᐊᐱᖅᑯᑎᒃᓴᖃᖅᐱᑦ? ᐊᑏ.

ᐊᐃᑉᐹ, ᔫᓂ 09, 2026 ᓄᓇᕗᒥ ᒪᓕᒐᓕᐅᕐᕕᒻᒧᑦ ᑲᑎᒪᔾᔪᑏᑦ 37 ᖃᒪᓂᖅ: ᖁᔭᓐᓇᒦᒃ, ᐃᒃᓯᕙᐅᑖᖅ. ᐄ’, ᒪᒥᐊᓇᖅ. ᑕᕝᕙ ᐊᐱᖅᓱᐃᓐᓈᓗᖕᓂᐊᓕᕆᕕᖓ ᐊᐱᖅᑯᑕᐅᓯᒪᔪᓂᒃ ᑕᐃᒫᕐᓂᐊᓕᖅᐳᖓᖃᐃ. (ᑐᓵᔨᑎᒍᑦ) ᐱᓕᕆᕝᕕᓯ 2026-2030ᒧᑦ ᐅᖃᖅᓯᒪᔪᖅ ᓯᕗᓪᓕᐅᑎᔭᐅᓯᒪᔪᑦ 2027- 2028ᒥ ᓴᓇᖁᓪᓗᒋᑦ ᑲᑐᔾᔨᓗᑎᒃ ᑭᐅᔾᔪᑎᒃᓴᐃᑦ ᒪᓕᒐᕆᓂᐊᖅᑕᖏᓐᓄᑦ ᓄᓇᓕᖕᓂ ᐃᓱᒪᓕᕆᓂᕐᒧᑦ ᐃᓄᓕᕆᔨᒃᑯᓐᓄᓪᓗ ᐃᖅᑲᓇᐃᔭᖅᑎᓄᑦ ᐊᑐᖅᑕᐅᓂᐊᖅᑐᓄᑦ ᑕᒪᒃᑯᓂᖓ ᓄᖅᑲᖅᑎᑦᑎᓂᕐᒧᑦ ᐃᓕᓐᓂᐊᖅᑎᑕᐅᖁᓪᓗᒋᑦ ᐸᓖᓰᑦ ᖁᐊᖅᓵᖏᓐᓂᖅᓴᐅᓕᖁᓪᓗᒋᑦ ᑕᒪᒃᑯᐊ ᐸᓖᓯᒃᑯᑦ, ᑭᐅᑦᑎᐊᖁᒡᓗᒋᑦ ᐊᐃᑉᐸᕇᑦ ᓂᖓᖃᑦᑕᕐᓂᖏᓐᓄᑦ, ᐊᒻᒪᓗ ᐃᓱᒪᒥᑎᒍᑦ ᑕᐃᒪᓐᓇᐃᑦᑎᐊᕈᓐᓃᕌᖓᑕ ᐅᖄᓚᔾᔪᑕᐅᔭᕌᖓᑕ. ᖃᖓᓕ ᑕᒪᑐᒧᖓ ᐱᓕᕆᔭᐅᒧᑦ ᐃᖅᑲᓇᐃᖅᑕᐅᓂᐊᖅᐸ? ᖁᔭᓐᓇᒦᒃ. ᐃᒃᓯᕙᐅᑕᖅ (ᑐᓵᔨᑎᒍᑦ): ᖁᔭᓐᓇᒦᒃ, ᒥᔅᑕ ᖃᒪᓂᖅ. ᒥᓂᔅᑕ ᕼᐃᒃᔅ. ᐊᖓᔪᖅᑳᖅ ᔪᐊᔾ ᕼᐃᒃᔅ (ᑐᓵᔨᑎᒍᑦ): ᖁᔭᓐᓇᒦᒃ, ᐃᒃᓯᕙᐅᑖᖅ. ᒪᓕᒃᓯᒪᒡᓗᑎᒃ ᐸᕐᓇᐅᑎᒋᔭᑦᑎᓐᓂ ᐱᔭᕇᖅᑕᐅᓂᐊᖅᑐᑦ ᑮᓇᐅᔭᓕᕆᖕᓇᐅ ᐊᕐᕌᒍᐊᓂ ᑕᒪᑐᒪᓂ. ᖁᔭᓐᓇᒦᒃ. ᐃᒃᓯᕙᐅᑕᖅ (ᑐᓵᔨᑎᒍᑦ): ᖁᔭᓐᓇᒦᒃ, ᒥᓂᔅᑕ ᕼᐃᒃᔅ. ᐊᓯᖏᓐᓂᑦ ᐊᐱᖅᑯᑎᒃᓴᖃᖅᑐᑦ, ᒥᔅᑕ ᖃᒪᓃᖅ ᐊᑏᓗ. ᖃᒪᓂᖅ: ᐄ’, ᖁᔭᓐᓇᒦᒃ, ᐃᒃᓯᕙᐅᑖᖅ, ᐊᒻᒪ ᖁᔭᓐᓇᒦᒃ. (ᑐᓵᔨᑎᒍᑦ) ᐱᓕᕆᕕᓯ ᐆᑦᑑᑎᓕᐊᖏᑦ 2026-2030ᒧᑦ ᐸᕐᓇᐅᑎᖓ ᐅᖃᓚᐅᖅᓯᒪᖕᒪᑕ, ᓯᕗᓪᓕᐅᔾᔭᐅᓯᒪᔪᑦ 2027-2028 ᐊᕐᕌᒍᐊᓂ ᐱᐅᓯᖁᒡᓗᒋᑦ ᓴᖅᑭᔮᑦᑎᐊᓂᖅᓴᐅᖁᒡᓗᒋᑦ. ᑕᒪᒃᑯᓂᖓ ᐅᓂᕐᓗᒃᓴᖅᑐᓂᑦ ᐃᓄᒃᑎᑐᑦ ᐅᓂᕐᓗᒍᑎᖃᖅᑐᓂᑦ ᑲᒪᖁᒡᓗᒋᑦ, 50%- ᒥ ᒥᒃᖠᒋᐊᖁᒡᓗᒋᑦ ᐊᑯᓂᐅᓂᕆᔭᑦᑕᖓ. ᖃᓄᐃᑦᑐᓂᑦ ᐱᓕᕆᕕᓯ ᐸᕐᓇᑦᓯᒪᕙᑦ ᐸᓖᓯᒃᑯᑦ ᑕᒪᑐᒥᖓ ᐱᓕᕆᖁᒡᓗᒋᑦ ᓯᕗᓪᓕᐅᔾᔭᐅᓯᒪᔪᒥᒃ. ᖁᔭᓐᓇᒦᒃ. ᐃᒃᓯᕙᐅᑕᖅ (ᑐᓵᔨᑎᒍᑦ): ᖁᔭᓐᓇᒦᒃ, ᒥᔅᑕ ᖃᒪᓂᖅ. ᒥᔅᑕ ᕼᐃᒃᔅ. ᐊᖓᔪᖅᑳᖅ ᔪᐊᔾ ᕼᐃᒃᔅ (ᑐᓵᔨᑎᒍᑦ): ᖁᔭᓐᓇᒦᒃ, ᐃᒃᓯᕙᐅᑖᖅ. ᑖᒃᑯᐊ ᖃᕋᓴᐅᔭᒃᑯᑦ ᐱᔨᔅᓯᕈᑏᑦ ᑕᒪᒃᑯᐊ ᐊᑐᐃᓐᓇᐅᔪᑦ ᒫᓐᓇ. ᐃᖅᑲᓇᐃᔭᕋᑦᑕ ᑕᒪᒃᑯᓂᖓ ᐊᑐᐃᓐᓇᐅᓂᐊᖅᑐᓂᑦ ᑐᓴᐅᒪᑎᑦᑎᔾᔪᑎᓂᑦ ᐃᓄᒃᑎᑑᖓᔪᓂᒃ ᑖᒃᑯᓂᖓ ᐱᓕᕇᓐᓇᓂᐊᖅᑐᒍᑦ. ᖁᔭᓐᓇᒦᒃ. ᐃᒃᓯᕙᐅᑕᖅ (ᑐᓵᔨᑎᒍᑦ): ᖁᔭᓐᓇᒦᒃ, ᒥᓂᔅᑕ ᕼᐃᒃᔅ. ᐊᐱᖅᑯᑎᒃᓴᐃᑦ. ᒥᔅᑕ ᒪᐃᒃ. ᒪᐃᒃ (ᑐᓵᔨᑎᒍᑦ): ᐄ’. ᐊᑐᖏᓪᓗᒋᑦ ᑕᐅᒃᑯᐊ ᐸᕐᓇᐅᑎᓯ 2027-2028ᒧᑦ. ᐸᕐᓇᐅᑎᓯ ᐱᓪᓗᒋᑦ, ᑐᓴᒐᔅᓴᒃᑲᓐᓂᕐᓂᒃ ᐱᔪᒪᔫᖅ. ᐅᓄᖅᓯᒋᐊᖁᒡᓗᒋᑦ ᐃᓄᖕᓂᑦ ᐱᕋᔭᑦᑕᐃᓕᒪᑎᑦᑎᓂᕐᒧᑦ ᐱᓕᕆᔾᔪᑎᒋᔭᐅᔪᖅ 50%-ᖃᐃ ᓄᓇᓖᑦ ᒪᒃᑯᑦᑐᓂᑦ 12ᒥᑦ 18ᒧᑦ ᑎᑭᒡᓗᒍ ᐃᓕᓐᓂᐊᕐᕕᑦᑎᒍᑦ, ᓄᓇᒥᓘᓐᓃᑦ ᐊᐅᓪᓚᖅᓯᒪᑎᑦᑎᖃᑦᑕᕐᓂᒃᑯᑦ ᐱᓕᕆᖃᑎᖃᕐᓗᑎᒃ ᓄᓇᓕᖕᓂ, ᐊᒻᒪᓗᑦᑕᐅᖅ ᓄᓇᓕᖕᓂ ᐊᑐᖅᑕᐅᔪᓂᑦ ᐱᓕᕆᔾᔪᑎᒃᓴᐅᔪᓂᑦ ᓄᓇᓕᖕᓄᑦ, ᐊᓪᓚᓄᑦ, ᐃᓄᖕᓄᓪᓗ ᐱᓕᕆᔾᔪᑎᒋᔭᐅᔪᓂᑦ ᐸᓖᓯᒃᑯᓐᓄᑦ. ᖃᖓᓕ ᓂᕆᐅᑉᐱᓯ ᖃᖓ ᐱᔭᕇᖅᑕᐅᓂᐊᕐᒪᖔᖅ ᑕᒪᓐᓇ. ᑐᓴᕈᒥᓇᖅᑐᖅ ᐸᕐᓇᐅᑎ. ᖁᔭᓐᓇᒦᒃ. ᐃᒃᓯᕙᐅᑕᖅ (ᑐᓵᔨᑎᒍᑦ): ᖁᔭᓐᓇᒦᒃ, ᒥᔅᑕ ᒪᐃᒃ. ᒥᓂᔅᑕ ᕼᐃᒃᔅ. ᐊᖓᔪᖅᑳᖅ ᔪᐊᔾ ᕼᐃᒃᔅ (ᑐᓵᔨᑎᒍᑦ): ᖁᔭᓐᓇᒦᒃ, ᐃᒃᓯᕙᐅᑖᖅ. ᑖᒃᑯᐊ ᐃᓐᓄᑦᑕᐅᓇᓱᑦᑐᑦ ᐸᓖᓯᒃᑯᑦ ᐃᖅᑲᓇᐃᔭᖅᑎᐅᓂᐊᕐᓗᑎᒃ ᐊᓪᓚᐃᒡᓗ, ᐃᓄᐃᓪᓗ ᑖᒃᑯᐊ ᐅᓄᖅᓯᒋᐊᖁᒡᓗᒋᑦ ᐃᖅᑲᓇᐃᔮᒃᓴᐃᑦ, ᑕᐃᒪᓐᓇ ᐱᕕᔅᓴᖃᑎᓪᓗᒋᑦ ᓴᖅᑭᑉᐸᓪᓕᐊᖁᒡᓗᒋᑦ.

ᐊᐃᑉᐹ, ᔫᓂ 09, 2026 ᓄᓇᕗᒥ ᒪᓕᒐᓕᐅᕐᕕᒻᒧᑦ ᑲᑎᒪᔾᔪᑏᑦ 38 ᑖᒃᑯᐊ ᓄᓇᓕᖓᓄᑦ ᐸᒃᑯᐊ ᒪᒃᑯᑦᑐᑦ ᐊᐅᓪᓚᐅᔾᔭᐅᖃᑦᑕᓚᐅᖅᓯᒪᖕᒪᑕ ᐊᔪᕆᖅᓲᔾᔭᐅᓪᓗᑎᒃ ᐱᒻᒪᕆᐅᓂᖓᓂᒃ, ᐸᓖᓯᒃᑯᓐᓂᑦ ᐃᓕᓐᓂᐊᖅᑎᓪᓗᒋᑦ ᑭᓯᐊᓂ ᐸᓖᓯᒃᑯᑦ. ᑖᓐᓇ, ᑕᐃᒪᓐᓇ ᑐᕌᖓᖏᑦᑑᒐᓗᐊᖅ ᐱᓕᕆᔾᔪᑎᕗᑦ, ᑭᓯᐊᓂ ᐃᓕᖅᑯᓯᕐᒧᑦ ᑐᕌᖓᔪᓂᑦ ᐱᕕᖃᖅᑎᑦᑎᓗᑎᒃ, ᑕᐃᒃᑯᓂᖓᑑᖏᑦᑐᖅ ᐃᖅᑲᓇᐃᔭᖃᑎᒋᔭᖏᓐᓂᑦ ᐸᓖᓯᒃᑯᑦ. ᑭᓯᐊᓂ ᐃᒡᓗᑦᑐᑦ ᐃᓕᑉᐹᓪᓕᖅᑐᐃᓐᓇᐅᔪᓐᓇᕐᒪᑎᒃ. ᓂᕆᐅᑦᑐᒍᑦ ᑖᒃᑯᐊ ᓴᖅᑭᑉᐸᓪᓕᐊᓂᐊᖅᑕᕗᑦ ᐊᑐᐃᓐᓇᕈᖅᐸᓪᓕᐊᓂᖏᑦ ᐃᖅᑲᓇᐃᔭᖅᑎᐅᔪᑦ ᐃᓐᓄᑦᑕᐅᕙᓪᓕᐊᓂᖏᑦ, 2027-28ᓗ ᐊᕐᕌᒍᐊᓂ ᐋᖅᑭᑦᓯᒐᔭᖅᑐᒍᑦ ᑕᒪᑐᒧᖓ. ᖁᔭᓐᓇᒦᒃ, ᐃᒃᓯᕙᐅᑖᖅ. ᓯᕙᐅᑕᖅ (ᑐᓵᔨᑎᒍᑦ): ᖁᔭᓐᓇᒦᒃ, ᒥᓂᔅᑕ ᕼᐃᒃᔅ. ᐊᐱᖅᑯᑎᒃᓴᖅᑕᖃᖅᐹ ᐸᓖᓯᓕᕆᔾᔪᑎᒃᓴᓄᑦ? ᒥᔅᑕ ᒪᐃᒃ. ᒪᐃᒃ: ᖁᔭᓐᓇᒦᒃ, ᐃᒃᓯᕙᐅᑖᖅ. ᖁᔭᓐᓇᒦᒃ ᒥᓂᔅᑕ. ᖃᐅᔨᒍᒪᑐᐃᓐᓇᖅᑐᖓ ᓄᓇᓕᓕᒫᑦ ᓄᓇᕘᒥ ᑖᔅᓱᒥᖓ ᐊᑐᕐᕕᐅᒐᔭᕐᒪᖔᑕ. ᖁᔭᓐᓇᒦᒃ, ᐃᒃᓯᕙᐅᑖᖅ. ᐃᒃᓯᕙᐅᑕᖅ (ᑐᓵᔨᑎᒍᑦ): ᖁᔭᓐᓇᒦᒃ, ᒥᔅᑕ ᒪᐃᒃ. ᒥᓂᔅᑕ ᕼᐃᒃᔅ. ᐊᖓᔪᖅᑳᖅ ᔪᐊᔾ ᕼᐃᒃᔅ (ᑐᓵᔨᑎᒍᑦ): ᖁᔭᓐᓇᒦᒃ, ᐃᒃᓯᕙᐅᑖᖅ. ᑖᒃᑯᐊ ᒪᓕᒃᓯᒪᓂᐊᖅᑐᑦ ᐃᖅᑲᓇᐃᔭᖅᑎᖃᕆᐊᖃᕐᓂᖏᓐᓂᑦ ᐃᓐᓄᒃᓯᒪᓂᖏᓐᓂ, ᖃᓄᕐᓗ ᐊᑐᐃᓐᓇᕈᖅᓯᒪᒻᒪᖔᖅ ᓄᓇᓕᖓ. ᒫᓐᓇ ᐊᓪᓚᐃᑦ, ᐃᓄᐃᒡᓗ ᐸᓖᓯᓕᕆᔾᔪᑏᑦ ᒫᓐᓇ 15-ᑐᐃᓐᓇᐅᒻᒪᑕ ᒫᓐᓇ. ᓄᓇᕗᒥ ᓂᕆᐅᖅᑐᖓ ᐅᓄᖅᓯᒋᐊᖁᒡᓗᒋᑦ ᓂᕆᐅᑦᑐᒍᑦ. ᐊᔭᐅᖅᑐᐃᑲᑕᒃᓯᒪᒐ ᐊᓪᓚᐃᑦ ᑮᓇᐅᔭᖃᖅᑎᑕᐅᖁᒡᓗᒋᑦ ᑖᒃᑯᐊ ᐊᑯᓂᐊᓗᒃ, ᑕᐃᔅᓱᒪᓂ ᒪᓕᒐᓕᐅᖅᑎᐅᑎᓪᓗᒍ ᐃᓕᑉᐹᓪᓕᖅᑎᓪᓗᖓ ᑕᒪᑐᒪ ᒥᒃᓵᓄᑦ ᓴᖅᑭᑕᐅᖁᒡᓗᒍ ᐊᐅᔭᐅᖅᑐᐃᓇᓱᒃᓯᒪᔪᖓ ᐅᒡᓗᒥᒧᑦ ᑎᑭᓪᓗᒍ. ᓯᕗᒧᐊᑦᑎᐊᑦᓯᒪᓪᓚᕆᑦᑐᖅ ᑕᒪᒃᑯᐊ. ᑕᐃᔅᓱᒪᓂ ᒥᓂᔅᑕ ᒪᐃᓐ, ᑮᓇᐅᔭᓕᕆᔨᐅᓂᕐᒧᑦ ᒥᓂᔅᑕᐅᑎᓪᓗᖓ ᐃᖅᑲᓇᐃᔭᖃᑦᑕᓚᐅᖅᓯᒪᔪᖓ ᐱᐅᓪ ᐱᓕᐅᒧᑦ ᐱᒻᒪᕆᐅᓂᖓᓄᑦ ᑕᒪᓐᓇ ᓄᓇᓕᖕᓂ ᓄᓇᕗᒻᒥ ᐃᑲᔪᖅᑐᐃᒐᔭᕐᓂᖏᓐᓂ. ᑕᒪᓐᓇ ᐱᕚᓪᓕᖅᓯᒪᔪᖅ ᐅᖃᖃᑎᒌᑉᐸᓪᓕᐊᔪᒍᓪᓗ ᐃᓕᓴᕆᓪᓗᑎᒍᓪᓗ ᐃᑲᔪᕐᓂᕆᔪᓐᓇᖅᑕᖓ ᑕᒪᑐᒥᖓ ᓄᓇᕗᒥ ᐊᔾᔨᒌᖏᑦᑐᑎᒍᑦ, ᑖᓐᓇ ᑕᕝᕙ ᑖᓐᓇ ᐱᒻᒪᕆᐅᖃᓯᐅᖕᒪᑦ. ᓄᓇᓕᖕᓂ ᐱᓕᕆᖃᑎᖃᕐᓗᓂ ᒪᒃᑯᑦᑐᓂᑦ, ᑖᓐᓇ ᐃᓚᒋᓪᓚᕆᒻᒪᒍ ᑕᒪᑐᒪ ᓯᕗᒧᐊᒃᐸᓪᓕᐊᓂᖓᑕ. ᖁᔭᓐᓇᒦᒃ, ᐃᒃᓯᕙᐅᑖᖅ. ᐃᒃᓯᕙᐅᑕᖅ (ᑐᓵᔨᑎᒍᑦ): ᖁᔭᓐᓇᒦᒃ, ᒥᓂᔅᑕ ᕼᐃᒃᔅ. ᒥᔅᑕ ᒪᐃᒃ, ᐊᑏ. ᒪᐃᒃ: ᖁᔭᓐᓇᒦᒃ, ᒥᓂᔅᑕ. ᐃᒃᓯᕙᐅᑖᖅ, ᖁᔭᓐᓇᒦᑦᑕᐅᖅ. ᐊᐱᕆᒃᑲᓐᓂᓛᓕᖅᑯᖓ 2027-2028 ᐊᑐᓕᖅᑲᑦ. (ᑐᓵᔨᑎᒍᑦ) ᐃᓂᒃᓴᓕᐅᖅᑐᖓ ᐊᐱᖅᑯᑎᒃᓴᕆᓂᐊᖅᑕᓄᑦ. ᖁᔭᓐᓇᒦᒃ. ᐃᒃᓯᕙᐅᑕᖅ (ᑐᓵᔨᑎᒍᑦ): ᖁᔭᓐᓇᒦᒃ, ᒥᔅᑕ ᒪᐃᒃ ᓂᓪᓕᕋᕕᑦ. ᐊᐱᖅᑯᑎᒃᓴᖅᑕᖃᖅᐸ ᓱᓖ ᐸᓖᓯᔨᕆᔾᔪᑎᒃᓴᓄ ᒪᑉᐱᒐᒐᓂ? ᐱᑕᖃᖏᒻᒪᑦ. ᐊᖏᖅᐱᓰ ᒪᓕᒐᓕᕆᔨᒃᑯᑦ ᐸᓖᓯᓕᕆᔾᔪᑎᒃᓴᖓ ᐊᐅᓚᔾᔪᑎᒃᓴᐃᑦ $75.913.0000.00, ᐊᖏᖅᐱᓯᐅᒃ? ᐃᓚᖏᑦ ᑲᑎᒪᔩᑦ: ᐊᖏᖅᑐᑦ. ᐃᒃᓯᕙᐅᑕᖅ (ᑐᓵᔨᑎᒍᑦ): ᖁᔭᓐᓇᒦᒃ.

E-6ᒨᕐᓗᓯ. ᒪᓕᒐᓕᕆᔨᒃᑯᑦ ᒪᓕᒐᓕᕆᔨᒃᑯᖏᑕ ᐱᓕᕆᕕᖓᓐᓅᕐᓂᐊᓕᖅᑐᒍᑦ ᒪᓕᒐᕐᓂᐊᖅᑎᓂᑦ ᐃᑲᔪᖅᑐᐃᔾᔪᑎᒃᓴᐃᑦ. ᖁᔭᓐᓇᒦᒃ. ᐊᐱᖅᑯᑎᒃᓴᖅᑕᖃᖅᐹ? ᒥᔅᑕ ᑲᐅᑐᒃ. ᑲᐅᑐᒃ (ᑐᓵᔨᑎᒍᑦ): ᖁᔭᓐᓇᒦᒃ, ᐃᒃᓯᕙᐅᑖᖅ. ᑐᙵᓱᒃᑲᓐᓂᕆᑦ ᒥᓂᔅᑖ. ᐱᓕᕆᕕᓯ ᐆᑦᑑᑎᖓ 2026-2027ᒥ ᐊᑐᕈᒫᖅᑕᖓ ᐅᖃᖅᓯᒻᒪᔪᖅ, ᑮᓇᐅᔭᖅᑐᕈᑎᒃᓴᖏᑦ ᒪᓕᒐᓕᕆᓂᕐᒧᑦ ᐊᒻᒪ ᑐᙵᕕᓕᕆᓂᕐᒧᑦ ᐱᓕᕆᕕᖓᑦ

ᐊᐃᑉᐹ, ᔫᓂ 09, 2026 ᓄᓇᕗᒥ ᒪᓕᒐᓕᐅᕐᕕᒻᒧᑦ ᑲᑎᒪᔾᔪᑏᑦ 39 ᑖᒃᑯᐊ ᐅᓄᖅᓯᒋᐊᕐᓂᐊᕐᒪᑕ ᐊᑐᒐᒃᓴᖏᑦ $86.0000.00ᓚᐅᖅᑐᑦ, $3.101. ᒥᓕᐊᖑᓂᐊᖅᑐᑦ ᐊᕐᕌᒍᐊᓂ 2025, $3.187. ᒥᓕᐊᖑᓂᐊᓕᕐᒪᑦ 2026-2027ᒥ, ᐅᓄᖅᓯᒋᐊᕐᒪᑕ 2.7%-ᒥᒃ. ᖃᓄᕐᓕ ᑖᒃᑯᐊ ᐅᓄᕐᓂᕆᔭᖏᑦ ᓇᐃᓴᐅᑏᑦ ᐋᖅᑭᑦᑕᐅᓂᖅᐸᑦ? ᖁᔭᓐᓇᒦᒃ, ᐃᒃᓯᕙᐅᑖᖅ. ᐃᒃᓯᕙᐅᑕᖅ (ᑐᓵᔨᑎᒍᑦ): ᖁᔭᓐᓇᒦᒃ, ᒥᔅᑕ ᑲᐅᑐᒃ. ᒥᓂᔅᑕ ᕼᐃᒃᔅ. ᐊᖓᔪᖅᑳᖅ ᔪᐊᔾ ᕼᐃᒃᔅ (ᑐᓵᔨᑎᒍᑦ): ᖁᔭᓐᓇᒦᒃ, ᐃᒃᓯᕙᐅᑖᖅ. ᑖᒃᑯᐊ ᐃᑉᐸᔅᓴᖅ ᑭᔅᒍᓯᕆᓚᐅᖅᑕᒪ ᐊᔾᔨᑲᓴᖓ 3 ᐳᓴᓐᒥᑦ ᐊᑭᑦᑐᕆᐊᖅᑐᑦ. ᑖᒃᑯᓂᖓ ᐊᖏᖃᑎᒌᒍᑎᖏᑎᒍᑦ ᑲᑐᔾᔨᖃᑎᒌᖏᑕ ᐃᖅᑲᓇᐃᔭᖅᑏᑦ, ᑖᒃᑯᐊ ᐊᑭᑦᑐᕆᐊᓚᐅᕐᒪᑕ. ᑖᒃᑯᐊ ᐅᓄᖅᓯᒋᐊᓚᐅᕐᒪᑕ ᐊᑭᓕᖅᓱᔾᔭᐅᔾᔪᑎᖏ ᐃᖅᑲᓇᐃᔭᖅᑏᑦ. ᖁᔭᓐᓇᒦᒃ. ᐃᒃᓯᕙᐅᑕᖅ (ᑐᓵᔨᑎᒍᑦ): ᖁᔭᓐᓇᒦᒃ, ᒥᓂᔅᑕ ᕼᐃᒃᔅ. ᒥᔅᑕ ᑲᐅᑐᒃ. ᑲᐅᑐᒃ (ᑐᓵᔨᑎᒍᑦ): ᖁᔭᓐᓇᒦᒃ, ᐃᒃᓯᕙᐅᑖᖅ. ᖁᔭᓐᓇᒦᒃ ᒥᔅ ᒥᓂᔅᑖ ᑭᐅᒐᕕᑦ. ᐃᖅᑲᓇᐃᔭᕐᕕᓯ 2026-2027ᒥ ᐊᑐᕈᒫᖅᑕᖏᑦ ᐅᖃᖅᓯᒪᖕᒪᑕ, ᑮᓇᐅᔭᖅᑐᕈᑎᒃᓴᖏᑦ ᒪᓕᒐᕐᓂᐊᖅᑏᓐᓄᑦ ᐱᓕᕆᕕᐅᔪᖅ ᐅᓄᖅᓯᒋᐊᕐᓂᐊᕐᒪᑕ $59,000 $2.5-ᒥᓕᐊᖑᓚᐅᖅᓯᒪᔫᒐᓗᐊᑦ 2025-2026ᒥ. $2.314-ᒥᓕᐊᖑᓚᐅᕐᒥᔪᑦ 2025-2026 ᐊᕐᕌᒍᐊᓄᑦ. ᐊᑭᑦᑐᕆᐊᕐᒪᑕ 2.5ᒥᑦ. ᖃᓄᕐᓕ ᑖᓐᓇ ᐋᖅᑭᑦᑕᐅᓐᓂᖅᐸᑦ ᐅᓄᕐᓂᕆᔭᖏᑦ ᑖᔅᓱᒪ ᐊᑭᑦᑐᕆᐊᕈᑎᐅᑉ? ᖁᔭᓐᓇᒦᒃ. ᐃᒃᓯᕙᐅᑕᖅ (ᑐᓵᔨᑎᒍᑦ): ᖁᔭᓐᓇᒦᒃ, ᒥᔅᑕ ᑲᐅᑐᒃ. ᒥᓂᔅᑕ ᕼᐃᒃᔅ. ᐊᖓᔪᖅᑳᖅ ᔪᐊᔾ ᕼᐃᒃᔅ (ᑐᓵᔨᑎᒍᑦ): ᖁᔭᓐᓇᒦᒃ, ᐃᒃᓯᕙᐅᑖᖅ. ᑖᒃᑯᐊ ᐊᑭᑦᑐᕆᐊᖅᑐᑦ, ᑮᓇᐅᔾᔭᒃᓵᑦ ᐊᑭᑦᑐᕆᐊᕐᒥᖕᒪᑕ ᐊᖏᖃᑎᒌᒍᑎᑎᒍᑦ ᐃᖅᑲᓇᐃᔭᖅᑏᑦ ᑲᑐᔾᔨᖃᑎᒌᖏᑎᒍᑦ, ᑕᐃᒪᐃᓕᓚᕿᓚᐅᖅᑐᖅ. ᖁᔭᓐᓇᒦᒃ. ᐃᒃᓯᕙᐅᑕᖅ (ᑐᓵᔨᑎᒍᑦ): ᖁᔭᓐᓇᒦᒃ, ᒥᓂᔅᑕ. ᐊᐱᖅᑯᑎᒃᓴᖅᑕᖃᖅᐹ? ᒪᓕᒐᕐᓂᐊᖅᑏᑦ ᐃᑲᔪᖅᑕᐅᓂᖏᓐᓂ ᐱᔨᔅᓯᕈᑏᑦ. ᒥᔅᑕ ᒪᐃᒃ. ᒪᐃᒃ: ᖁᔭᓐᓇᒦᒃ ᐃᔅᓯᕙᐅᑖᖅ. ᑕᕝᕙᓂ ᐱᓕᕆᐊᖑᔪᒪᔪᒥᑦ, ᑕᕝᕙᓃᑦᑐᒃᓴᐅᒐᓗᐊᖅᐳᖓ. (ᑐᓵᔨᑎᒍᑦ) ᐱᓕᕆᕕᓯ ᐊᖏᖅᑕᐅᓚᐅᕐᒪᑕ 2025-26ᒥ ᐸᕐᓇᐅᑎᖓᓂ ᐅᖃᖅᓯᒪᒻᒪᑕ, ᐃᓚᖏᑦ ᓯᕗᓪᓕᐅᔾᔭᐅᓯᒪᔪᑦ 2024-2025 ᐊᕐᕌᒍᐊᓄᑦ ᐱᖁᔭᒃᓴᓂᑦ ᑎᑎᕋᖁᒡᓗᒋᑦ ᑐᑭᓕᐅᕈᑎᖃᕐᓂᕐᒧᑦ ᐱᔨᔅᓯᕈᑏᑦ ᐊᑐᖅᑕᐅᔭᕆᐊᓖᑦ ᓇᖕᒥᓂᖅᓱᓐᓂᕐᒧᑦ. ᐱᓕᕆᕕᓰ ᐊᖏᖅᓯᒪᔪᑦ, ᐄ’, ᐊᖏᖅᑕᐅᓯᒪᔪᑦ. ᐱᓕᕆᒃᓴᓄᑦ ᐸᕐᓇᐅᑎᖓ ᐅᖃᖅᓯᒪᓚᐅᕐᒪᑕ ᐱᖁᔭᒃᓴᓕᕆᓂᕐᒧᑦ ᐱᓕᕆᕕᖓ ᐸᕐᓇᒃᓯᒪᖕᒪᑕ ᐃᖅᑲᓇᐃᖅᓯᔪᒪᒡᓗᑎᒃ ᑎᑎᕋᖅᑕᐅᓂᖓᓄᑦ ᖃᓪᓗᓈᑎᑑᖓᔪᑦ ᐱᖁᔭᒃᓴᐃᑦ, ᓇᖕᒥᓂᖅᓱᕐᓂᕐᒧᑦ ᐊᑐᖅᑕᐅᔭᕆᐊᓖᑦ ᐃᓱᓕᓚᐅᖏᓐᓂᖓᓂ ᑮᓇᐅᔭᓕᕆᖕᓇᐅ ᐊᕐᕌᒍᐊ ᑐᓴᕋᓱᐊᕈᑎᖃᕐᓂᕐᒧᑦ ᐃᑲᔪᖅᑐᐃᓂᐊᕐᒪᑕ 2025-2026ᒥ. ᐊᓯᖏᑦ ᐅᖃᐅᓰᑦ ᐱᖁᔭᒃᓴᐃᑦ ᐊᑐᖅᓯᒪᔪᑦ ᒪᓕᒐᕋᓛᖏᑦ ᐸ`ᖕᓇᑦᑕᐅᓯᒪᒡᓗᑎᒃ ᓴᓇᔭᐅᓂᐊᕐᓂᖏᓐᓂᑦ ᐊᕐᕌᒍᓄᑦ ᐊᒡᒋᖅᑐᓂ. ᖃᓄᐃᓕᖓᓕᖅᐸᑦ ᑖᔅᓱᒧᖓ ᐃᖅᑲᓇᐃᔭᖅᑕᐅᔪᖅ? ᖁᔭᓐᓇᒦᒃ. ᐃᒃᓯᕙᐅᑕᖅ (ᑐᓵᔨᑎᒍᑦ): ᖁᔭᓐᓇᒦᒃ, ᒥᔅᑕ ᒪᐃᒃ. ᒥᓂᔅᑕ ᕼᐃᒃᔅ, ᐊᑏ. ᐊᖓᔪᖅᑳᖅ ᔪᐊᔾ ᕼᐃᒃᔅ (ᑐᓵᔨᑎᒍᑦ) ᖁᔭᓐᓇᒦᒃ, ᐃᒃᓯᕙᐅᑖᖅ. ᐃᒃᓯᕙᐅᑖᖅ, ᑖᒃᑯᐊ ᐱᖁᔭᒃᓴᐃᑦ ᑕᒪᒃᑯᐊ ᓯᕗᓕᖅᑎᐅᑉ ᐱᓇᓱᐊᕈᓯᕆᓚᐅᖅᑕᑎᓐᓂ ᑭᒡᒍᓯᕆᓚᐅᖅᑕᖏᑦ, ᑭᓯᐊᓂ ᖃᔅᓯᐅᒻᒪᖔᑕ ᐱᖁᔭᕐᔪᐊᑦ ᑎᑎᕋᖅᑕᐅᔭᕆᐊᓖᑦ ᐃᓕᓴᕆᔭᐅᔭᕆᐊᓖᑦ ᒐᕙᒪᑐᖃᒃᑯᓐᓂ, ᐊᒻᒪ ᐅᕙᒍᑦ ᒪᓕᒐᓕᐅᕐᕕᖓᓐᓂ ᐃᓕᓴᖅᓯᖁᒡᓗᒋᑦ

ᐊᐃᑉᐹ, ᔫᓂ 09, 2026 ᓄᓇᕗᒥ ᒪᓕᒐᓕᐅᕐᕕᒻᒧᑦ ᑲᑎᒪᔾᔪᑏᑦ 40 ᑎᒍᓯᓂᕐᒧᑦ ᓇᖕᒥᓂᖅᓱᓂᕐᒥᑦ ᐱᓕᕆᐊᒃᓴᓂᑦ ᐃᓱᓕᓚᐅᖏᓐᓂᖓᓂ ᐊᕐᕌᒍᖓᓂ ᑕᒪᑐᒧᖓ ᐊᑐᖅᑕᖅᑕ ᑮᓇᐅᔭᓕᕆᖕᓇᐅ ᐊᕐᕌᒍᐊᓂ. ᐱᓕᕆᕕᕗᑦ ᐃᖅᑲᓇᐃᔭᖃᑎᖃᕐᒪᑕ ᒐᕙᒪᑐᖃᒃᑯᓐᓂᑦ ᐱᓕᕆᕕᖓᓐᓂ ᐊᑦᑐᖅᑕᐅᓯᒪᔪᓄᑦ ᒐᕙᒪᒃᑯᖏᓐᓂ ᓄᓇᕗᑦ ᐱᓕᕆᕕᐊᑕ ᐃᓗᐊᓂ. ᑖᒃᑯᐊ ᑕᕝᕙ ᐱᓕᕆᓇᓱᒃᑕᕗᑦ, ᑕᒪᒃᑯᐊ ᐱᖁᔭᐃᑦ ᑕᒪᒃᑯᐊ ᐃᔾᔪᐊᖅᓯᓗᑎᒃ ᐊᔾᔨᒋᓪᓗᓂᒋᑦ ᒐᕙᒪᑐᖃᒃᑯᑦ ᑎᑎᕋᕈᒪᓪᓗᑎᒃ, 6ᖑᒻᒪᑕ ᐱᖁᔭᒃᓴᐃᑦ. ᓂᕆᐅᑦᑐᒍᑦ ᐃᖅᑲᓇᐃᖅᑕᐅᓂᐊᕐᓂᖏᓐᓂᑦ. ᑎᓴᒪᑦ ᑕᐃᒃᑯᐊ ᐱᔭᕇᖅᑕᐅᔫᑦ ᒐᕙᒪᑐᖃᒃᑯᓐᓄᐊᑐᐃᓐᓇᕆᐊᓖᑦ, ᐅᑕᖅᑭᓪᓗᒋᓪᓗ ᑕᐃᒃᑯᐊ ᐱᖁᔭᕐᔪᐊᖏᓐᓂᑦ ᐊᓂᒍᐃᑎᑦᑎᓂᕐᒧᑦ. ᖁᔭᓐᓇᒦᒃ, ᐃᒃᓯᕙᐅᑖᖅ. ᐃᒃᓯᕙᐅᑕᖅ (ᑐᓵᔨᑎᒍᑦ): ᖁᔭᓐᓇᒦᒃ, ᒥᓂᔅᑕ ᕼᐃᒃᔅ. ᐊᐱᖅᑯᑎᒃᓴᖅᑕᖃᖅᐹ ᒪᓕᒐᕐᓂᐊᖅᑏᑦ ᐃᑲᔪᖅᑕᐅᓂᖏᓐᓄᑦ? ᒥᔅ ᖃᑉᓗᑦᓯᐊᖅ. ᖃᑉᓗᑦᓯᐊᖅ (ᑐᓵᔨᑎᒍᑦ): ᐱᓕᕝᕕᓯ, ᑎᑎᕋᖅᓯᒪᔭᖏᑦ 2026-2030 ᐸᕐᓇᐅᑎᒋᔭᐅᔪᒃᓴᓄᑦ ᐅᖃᖅᓯᒪᕗᖅ, ᓯᕗᓪᓕᐅᔾᔭᐅᔪᓂᑦ 2026-2027ᒥ, ᒪᓕᒐᓕᕆᔨᐅᓂᕐᒧᑦ ᐊᒻᒪᓗ ᐃᓕᓐᓂᐊᖅᑎᐅᓂᕐᒧᑦ ᐸᕐᓇᐅᑎᓕᐅᖁᒡᓗᒋᑦ ᐃᖅᑲᖅᑐᐃᔪᓕᕆᓂᕐᒧᑦ ᐱᕕᖃᕐᓗᓂ ᒪᓕᒐᓕᕆᔨᒃᑯᓐᓂ. ᖃᓄᓪᓚᑦᑖᖅ ᐱᓕᕆᕕᓰ ᐃᑲᔪᖅᑐᕐᓂᐊᕋᑦᓯᒍ ᑖᓐᓇ ᓯᕗᓪᓕᐅᑎᓂᕋᖅᑕᓯ? ᖁᔭᓐᓇᒦᒃ, ᐃᒃᓯᕙᐅᑖᖅ. ᐃᒃᓯᕙᐅᑕᖅ (ᑐᓵᔨᑎᒍᑦ): ᖁᔭᓐᓇᒦᒃ, ᒥᔅᑕ ᖃᑉᓗᑦᓯᐊᖅ. ᒥᓂᔅᑕ ᕼᐃᒃᔅ. ᐊᖓᔪᖅᑳᖅ ᔪᐊᔾ ᕼᐃᒃᔅ (ᑐᓵᔨᑎᒍᑦ): ᖁᔭᓐᓇᒦᒃ, ᐃᒃᓯᕙᐅᑖᖅ. ᐃᒃᓯᕙᖃᑎᖃᖅᐳᖓ ᒫᓐᓇ. ᐃᑦᓯᕙᐅᑖᖅ, ᑕᑯᑎᑦᓯᖅᑰᖅᓯᒪᔪᒍᑦ ᑲᔪᓯᒪᑦᓯᐊᓂᖅᑎᓐᓂᑦ ᐊᔭᐅᖅᑐᐃᓇᓱᑦᑎᓪᓗᑕ ᒪᓕᒐᓂᐊᖅᑎᐅᕙᓪᓕᐊᖁᔨᓪᓗᑕ ᐃᓄᓐᓂᑦ. ᐱᒻᒪᕆᐅᖅᑰᕐᒪᑦ ᐱᓇᓱᒋᐊᒥᒃ, ᐊᒻᒪ ᑎᒍᒥᐊᑦᓴᐃᓐᓇᒋᐊᒥᒃ. ᐃᒻᒪᖄ ᐱᖁᔨᒍᕕᑦ ᑖᓐᓇ ᑐᖏᓕᕋ ᓇᒻᒥᓂᖅ ᐊᑐᖅᓯᒪᔭᖓᓄᑦ ᐅᓂᒃᑳᑲᐃᓐᓈᕐᔪᒃᑯᓂ ᑕᑯᑎᑦᓯᒐᓚᓐᓂᐊᖅᑰᖅᑐᖅ ᐊᑐᖅᓯᒪᔭᖓᓂᑦ ᐅᖃᕈᓂ. ᖁᔭᓐᓇᒦᒃ, ᐃᒃᓯᕙᐅᑕᖅ. ᐃᒃᓯᕙᐅᑕᖅ (ᑐᓵᔨᑎᒍᑦ): ᒥᔅ ᐃᐅᓪᔅᕗᑦ, ᑲᔪᓯᒋᑦ. ᐃᐅᓪᔅᕗᑦ: ᖁᔭᓐᓇᒦᒃ, ᐃᒃᓯᕙᐅᑖᖅ. (ᑐᓵᔨᑎᒎᓕᖅᑐᖅ) ᓄᓇᕗᑦ ᓯᓚᑦᑐᓴᕐᕕᒃᑯᑦ ᐃᓕᓐᓂᐊᖃᑕᐅᓚᐅᖅᓯᒪᒐᒪ, ᓄᓇᕗᑦ ᒐᕙᒪᒃᑯᖏᑦ ᐊᒻᒪ ᓴᔅᑳᑦᓱᕗᐊᓐᒥ ᓯᓚᑦᑐᓴᕐᕕᒃᑯᖏᑦ 2017-2021ᒧᑦ ᑎᑭᑦᑐᒍ 24ᖑᓚᐅᖅᑐᑦ ᐃᓕᓐᓂᐊᖅᑎᐅᖃᑎᒃᑲ, 25ᖑᓚᐅᖅᑐᑦ ᑲᑎᑦᑐᒋᑦ. 25ᖑᔪᓂ 22 ᐱᔭᕇᖅᓯᓚᐅᖅᑐᑦ ᒪᓕᒐᕐᓂᐊᖅᑎᐅᓂᕐᒧᑦ, ᐊᒻᒪᓗ ᓘᑦᑖᑖᕐᓂᖃᖅᓱᑎᒃ. ᐃᓕᓐᓂᐊᓚᐅᖅᓱᖓ ᑕᖅᑭᑦ 12ᓄᑦ ᐃᓕᓐᓂᐊᓯᓐᓈᑦ ᐱᓕᒻᒪᒃᓴᓚᐅᖅᑐᖓ, ᐊᒻᒪᓗ ᐃᓕᓐᓂᐊᖃᑎᖃᖅᓱᖓ, ᐃᓛᒃ ᑐᙵᕕᐅᔪᒥᒃ ᑕᓪᓕᒪᓄᑦ ᐅᑭᐅᓂᑦ ᒪᓕᒐᕐᓂᐊᖅᑎᐅᒋᐊᖃᕋᕕᑦ, ᖃᕆᑕᐅᔭᒃᑯᓪᓗ ᐆᑦᑐᕆᐊᖃᖅᓱᑎᒃ ᑲᔪᓯᑦᓯᐊᕆᐊᖃᕐᒥᔭᐃᑦ, ᑲᔪᓯᒍᕕᒋᑦ ᖃᕆᑕᐅᔭᒃᑰᖅᑐᑦ ᑖᓐᓇ ᐊᖏᔪᖅᑳᑦ ᐃᓕᓐᓂᐊᖃᑎᒋᓕᕐᓗᒍ, ᓯᑏᕙᓐ ᒫᓐᓯᐅᓪ ᐊᑲᐅᓈᓪᓚᕆᑦᓯᒪᔪᕐᓕ ᐅᕙᓐᓄᑦ ᐊᖓᔪᖅᑳᕆᓚᐅᖅᓯᒪᒐᒃᑯ ᒪᓕᒐᓕᕆᔨᒃᑯᓐᓂ. ᐱᔭᕇᕋᒪ ᐃᖅᑲᓇᐃᔭᓕᒻᒪᔅᓴᓯᓐᓈᑦ ᐃᓕᑕᕆᔭᐅᔾᔪᑎᑖᕐᓂᕐᒧᑦ ᖃᐃᖁᔭᐅᓕᖅᓱᓂ ᐊᖏᖅᑕᐅᓯᒪᓕᕈᕕᓪᓗ ᐹᑖᕐᓃᑦ ᒪᓕᒐᕐᓂᐊᖅᑎᐅᒍᓐᓇᑦᑕᖅᑯᑎᑦ ᐊᒻᒪᓗ ᒪᓕᒐᕐᓃᑦ ᐱᖁᑦᑐᖓᕕᔾᔪᐊᕐᒧᓪᓗ ᒪᓕᒐᕐᓂᒃ ᒪᓕᒐᙳᓯᕙᑦᑐᓂᒃ. ᐅᕙᑦᑎᓐᓂᒃ ᐃᓕᓐᓂᐊᖅᓯᓈᖃᑦᑕᖁᕙᓐᓂᐊᖅᑕᕗᑦ ᐱᔭᕇᖅᓯᓯᒪᔪᑦ ᒪᓕᒐᓐᓂᐊᖅᑎᓪᓚᕆᐅᓕᖁᓪᓗᒋᑦ ᐱᓕᕆᕝᕕᑦᑎᓐᓂ. ᐅᕙᑦᑎᓐᓂᒃ ᐃᓕᓐᓂᐊᖅᓯᓐᓈᑐᐃᓐᓇᖁᙱᑕᕗᑦ ᑭᓯᐊᓂ ᐱᓯᒪᐃᓐᓇᕈᒪᒐᔭᖅᑕᕗᑦ ᒪᓕᒐᓐᓂᐊᖅᑎᖁᑎᒋᓕᕐᓗᑎᒍᓪᓗ ᒪᓕᒐᓕᕆᔨᒃᑯᓐᓂ. ᖁᔭᓐᓇᒦᒃ, ᐃᒃᓯᕙᐅᑕᖅ. ᐃᒃᓯᕙᐅᑕᖅ (ᑐᓵᔨᑎᒍᑦ): ᖁᔭᓐᓇᒦᒃ, ᒥᔅ ᐃᐅᓪᔅᕗᑦ. ᒥᔅᑕ ᖃᑉᓗᑦᓯᐊᖅ.

ᐊᐃᑉᐹ, ᔫᓂ 09, 2026 ᓄᓇᕗᒥ ᒪᓕᒐᓕᐅᕐᕕᒻᒧᑦ ᑲᑎᒪᔾᔪᑏᑦ 41 ᖃᑉᓗᑦᓯᐊᖅ (ᑐᓵᔨᑎᒍᑦ): ᖁᔭᓐᓇᒦᒃ, ᐃᓗᓕᑎᔪᒻᒪᕆᒻᒥᒃ ᑭᐅᑦᓯᐊᕋᕕᑦ. ᐱᓕᕆᕝᕕᓯ 2026-2030ᒧᑦ ᐸᕐᓇᐅᑏᑦ ᐅᖃᖅᓯᒪᕗᑦ ᓯᕗᓪᓕᐅᔾᔭᐅᔪᑦ ᐃᓚᖓᑦ 2026-2027ᒥ ᕿᒥᕐᕈᒐᔭᕐᓗᓯ ᒪᓕᒐᕐᓂᐊᖅᑎᐅᓂᕐᒧᑦ ᖃᕆᑕᐅᔭᑎᒎᖅᑐᓂᒃ ᓱᓇᑯᑖᓂᓪᓗ ᐊᒻᒪ ᑭᓱᒃᑲᓐᓃᑦ ᑮᓇᐅᔭᖅᑐᕈᑕᐅᒃᑲᓐᓂᕆᐊᖃᖅᐸ ᐱᔭᕆᐊᓕᓐᓂᑦ? ᖃᓄᐃᓕᖓᓕᖅᐸᓪᓗ ᑖᓐᓇ ᐃᖅᑲᓇᐃᔮᖑᔪᖅ? ᖁᔭᓐᓇᒦᒃ, ᐃᒃᓯᕙᐅᑕᖅ. ᐃᒃᓯᕙᐅᑕᖅ (ᑐᓵᔨᑎᒍᑦ): ᖁᔭᓐᓇᒦᒃ, ᒥᔅᑕ ᖃᑉᓗᑦᓯᐊᖅ. ᒥᓂᔅᑕ ᕼᐃᒃᔅ, ᑲᔪᓯᒋᑦ. ᐊᖓᔪᖅᑳᖅ ᔪᐊᔾ ᕼᐃᒃᔅ (ᑐᓵᔨᑎᒍᑦ): ᖁᔭᓐᓇᒦᒃ, ᐃᒃᓯᕙᐅᑕᖅ. ᐃᒃᓯᕙᐅᑖᖅ, ᓇᐃᓈᕐᓗᒍᖃᐃ ᐱᔪᓐᓇᖅᑎᒐᓗᐊᕐᒪᖔᑕ ᓱᓕ ᑕᐅᑐᒐᓱᑦᑐᒍᑦ. ᑐᓴᕋᒃᓴᐃᑦ ᑖᒃᑯᐊ ᓈᒻᒪᓂᖅᓴᐅᖁᓪᓗᒋᑦ ᓯᕗᒧᕈᑎᒋᓂᐊᕋᑦᑎᒍᑦ ᒐᓗᐊᕐᓗᓂ ᐋᖅᑯᑎᒋᓗᑎᑦ ᑖᓐᓇ ᑐᖏᓕᕋ ᐃᐅᓪᔅᕗᑦ ᑭᐅᒋᐊᒃᑲᓐᓂᕈᓐᓇᖅᑖ ᐅᓪᓗᒥ ᖃᓄᐃᓕᐅᖅᑕᓕᕐᒪᖔᑕ. ᖁᔭᓐᓇᒦᒃ, ᐃᒃᓯᕙᐅᑕᖅ. ᐃᒃᓯᕙᐅᑕᖅ (ᑐᓵᔨᑎᒍᑦ): ᖁᔭᓐᓇᒦᒃ, ᒥᓂᔅᑕ ᕼᐃᒃᔅ. ᑲᔪᓯᒋᑦ ᒥᔅ ᐃᐅᓪᔅᕗᑦ. ᐃᐅᓪᔅᕗᑦ (ᑐᓵᔨᑎᒍᑦ): ᒫᓐᓇ ᒪᓕᒐᓕᕆᔨᒃᑯᑦ ᕿᒥᕐᕈᓚᕆᑦᑐᑦ ᒪᓕᒐᖅᑎᒎᖅᑐᓂᒃ ᖃᕆᑕᐅᔭᖅᓯᐅᑎᓂᒃ ᓱᓇᒃᑯᑖᓂᓪᓗ ᑕᒪᒃᑯᐊ ᓄᑖᙳᕆᐊᕆᐊᖃᕋᓗᐊᕐᒪᖔᑕ. ᑖᒃᑯᐊ ᐃᖅᑲᓇᐃᔭᖅᑏᑦ ᐱᓇᓲᑎᖃᑦᓯᐊᖁᓪᓗᒋᑦ ᕿᓚᒥᒃᑯᑦ ᓇᓚᐅᑦᓯᐊᖅᓱᓂᓗ ᐊᑐᐃᓐᓇᖃᖃᑦᑕᖁᓪᓗᒋᑦ ᒐᕙᒪᒃᑯᓐᓄᑦ ᐊᒻᒪᓗ ᑮᓇᐅᔭᖅᑐᒃᑲᓐᓂᖅᑐᑦᓴᐅᒻᒪᖔᑕ ᖃᐅᔨᓴᓚᐅᕐᓗᑕ ᐊᖏᓪᓕᒋᐊᕐᓗᒋᓪᓘᓐᓃᑦ ᐅᓂᖅᓯᒋᐊᕐᓗᒋᑦ ᖃᕆᑕᐅᔭᕐᒨᖅᑐᑦ ᐊᑐᖅᐸᑦᑐᓪᓗ. ᖁᔭᓐᓇᒦᒃ, ᐃᒃᓯᕙᐅᑕᖅ. ᐃᒃᓯᕙᐅᑕᖅ (ᑐᓵᔨᑎᒍᑦ): ᖁᔭᓐᓇᒦᒃ, ᒥᔅ ᐃᐅᓪᔅᕗᑦ. ᒥᔅᑕ ᖃᑉᓗᑦᓯᐊᖅ, ᐊᐱᖅᓲᑎᑦᓴᖃᒃᑲᓐᓂᖅᑐᑦ, ᑲᔪᓯᒋᑦ. ᖃᑉᓗᑦᓯᐊᖅ (ᑐᓵᔨᑎᒍᑦ): ᖁᔭᓐᓇᒦᒃ, ᐃᒃᓯᕙᐅᑖᖅ. ᐱᓕᕆᕝᕕᓯ 2026-2030 ᐸᕐᓇᐅᑏᑦ ᐅᖃᖅᓯᒪᕗᑦ ᓯᕗᓪᓕᐅᔾᔭᐅᔪᓂᒃ 2026-2027ᒥ ᐱᔭᕇᖅᓯᓗᓯ ᓯᕗᓪᓕᖅᐹᖅᓯᐅᑕᐅᓚᐅᖅᑐᒥᒃ ᒪᑯᐊ ᑕᑕᑎᕆᐊᓖᑦ ᐅᖃᐅᓯᖅᑕᕆᔭᐅᔪᓕᒫᑦ ᐊᑐᕐᓗᒋᑦ ᒪᓕᒐᓕᕆᓂᖅ ᐱᖁᔭᖅ ᐋᖅᑭᒋᐊᕈᑎᓄᑦ ᐊᑐᕐᓗᒋᑦ ᐊᓯᔾᔨᕐᓗᒋᑦ ᓇᓗᓇᐃᔭᕈᑎᖏᑦ ᐊᒻᒪᓗ ᓄᖑᑉᐹᓪᓕᕐᔫᒥᖁᓪᓗᒋᑦ ᑕᑕᑎᕆᐊᓖᑦ 250ᐅᔪᑦ 150ᐅᓕᕐᓗᑎᒃ. ᖃᖓᒃᑯᑭᐊᕐᖓᐃ ᑖᓐᓇ ᐃᖅᑲᓇᐃᔮᖅ ᐱᔭᕇᖅᑕᐅᔪᒫᖅᐸ? ᖁᔭᓐᓇᒦᒃ, ᐃᒃᓯᕙᐅᑕᖅ. ᐃᒃᓯᕙᐅᑕᖅ (ᑐᓵᔨᑎᒍᑦ): ᖁᔭᓐᓇᒦᒃ, ᒥᔅᑕ ᖃᑉᓗᑦᓯᐊᖅ. ᒥᓂᔅᑕ ᕼᐃᒃᔅ. ᐊᖓᔪᖅᑳᖅ ᔪᐊᔾ ᕼᐃᒃᔅ (ᑐᓵᔨᑎᒍᑦ): ᖁᔭᓐᓇᒦᒃ, ᐃᒃᓯᕙᐅᑕᖅ. ᐃᒃᓯᕙᐅᑖᖅ, ᑖᓐᓇ ᑲᔪᓰᓐᓇᕈᒫᕐᓂᐊᖅᓯᒪᔪᖅ. ᑕᑯᒑᖓᑦᑕ ᑕᑕᑎᕆᐊᓕᓐᓂᒃ ᒪᓕᒍᑦᑎᒎᕐᓂᐊᖅᑐᓂᒃ ᖃᓪᓗᓈᑎᑐᑦ ᐃᓄᒃᑎᑑᖅᑐᑦ ᑭᓯᐊᓂ ᐃᓕᑕᕆᔭᐅᓂᖓᓄᑦ ᐱᕙᑦᑐᑦ. ᐊᓯᔾᔨᐸᓪᓕᐊᓂᖏᑦ ᒪᓕᓪᓗᒋᑦ ᐃᓄᑦᑎᑐᑦ ᐃᓚᓕᐅᔾᔭᐅᔪᓐᓇᖅᓯᓕᕋᔭᖅᑐᖅ. ᐅᓪᓗᖅᓯᐅᑎᖃᒻᒪᕆᙱᑐᐃᓐᓇᖅᑐᖓ ᑲᔪᓯᕙᓪᓕᐊᖏᓐᓇᖁᓂᐊᖅᑕᕗᑦ. ᑕᒪᕐᒥᐸᓗᒃ 2026-2027ᒥ ᐱᔭᕇᖅᓯᒪᖁᒥᓇᕐᓂᐊᖅᑑᒐᓗᐊᑦ ᑭᓯᐊᓂ ᓂᕆᐅᑦᓯᐊᕐᒥᔪᖓ ᑐᓴᖅᑎᑦᓯᓛᕆᐊᒥᒃ ᖃᖓᒃᑯᑦ ᑕᒪᓐᓇ ᐱᔭᕇᖅᑕᐅᕝᕕᑦᓴᖃᕋᔭᙳᐊᕐᒪᖔᑦ. ᖁᔭᓐᓇᒦᒃ. ᐃᒃᓯᕙᐅᑕᖅ: ᖁᔭᓐᓇᒦᒃ, ᒥᓂᔅᑕ ᕼᐃᒃᔅ. ᐊᐱᖅᑯᑎᑦᓴᖃᖅᑐᖃᖅᐸ ᑖᒃᑯᓄᖓ? ᑕᑯᙱᑕᐃᓐᓇᕋᒪ ᐊᖏᖅᐸᑦ ᒪᓕᒐᕐᓂᐊᖅᑎᓄᑦ ᐃᑲᔪᖅᑏᑦ ᐱᔨᑦᓯᖅᑏᑦ ᑲᑎᑦᑐᒋᑦ $5,501,000? ᖁᔭᓐᓇᒦᒃ, ᒪᑉᐱᒐᕐᒨᕐᓗᓯ E-7. ᒫᓐᓇ ᕿᒥᕐᕈᓂᐊᓕᕐᒥᔭᕗᑦ ᐊᑎᓕᐅᕐᕕᒃ ᐊᒻᒪᓗ ᐃᖅᑲᖅᑐᐃᕕᓕᕆᕝᕕᒃ. ᐊᐱᖅᑯᑎᑦᓴᖃᖅᐸ ᒪᓕᒐᓕᕆᔩᑦ? ᒥᔅᑕ ᒪᐃᒃ, ᑲᔪᓯᒋᑦ. ᒪᐃᒃ: ᕕᕗᐊᕆ 21ᖑᑎᓪᓗᒍ 2020 ᐃᖅᑲᖅᑐᐃᕕᓕᕆᔨᒃᑯᑦ ᐱᓕᕆᕕᖓ ᓇᓗᓇᐃᖅᓯᓚᐅᖅᓯᒪᒻᒪᑕ ᑖᒃᑯᓂᖓ ᓄᓇᓕᓐᓂ ᐃᖅᑲᖅᑐᐃᔨᕋᓛᓂᒃ ᕿᓂᖅᑐᑎᒃ. ᖃᑦᑎᓂᒃ ᑕᐃᒪ ᐱᓇᓱᐊᖅᓯᒪᔪᖃᖅᑲ ᑕᕝᕗᖓ ᐱᓕᕆᕕᐅᔪᒧᑦ ᐃᖅᑲᖅᑐᐃᕕᓕᕆᔨᒃᑯᓐᓄᑦ ᐊᒻᒪᓗ ᖃᑦᑎᓂᒃ, ᖃᓄᖅ ᑭᐅᔭᐅᓯᒪᒻᒪᖔᑦ ᑖᓐᓇ ᓇᓗᓇᐃᖅᓯᒪᓂᕆᔭᖓ ᑖᒃᑯᓂᖓ

ᐊᐃᑉᐹ, ᔫᓂ 09, 2026 ᓄᓇᕗᒥ ᒪᓕᒐᓕᐅᕐᕕᒻᒧᑦ ᑲᑎᒪᔾᔪᑏᑦ 42 ᐃᖅᑲᖅᑐᐃᔨᕋᓛᓂᒃ ᕿᓂᖅᑎᓪᓗᒋᑦ ᓄᓇᓕᓐᓂ ᐊᒻᒪ ᖃᑦᑎᑦ ᑕᐃᒃᑯᐊ ᑎᒃᑯᐊᖅᑕᐅᓯᒪᕙᑦ? ᖁᔭᓐᓇᒦᒃ, ᐃᒃᓯᕙᐅᑖᖅ. ᐃᒃᓯᕙᐅᑕᖅ (ᑐᓵᔨᑎᒍᑦ): ᖁᔭᓐᓇᒦᒃ, ᒥᔅᑕ ᒪᐃᒃ. ᒥᓂᔅᑕ ᕼᐃᒃᔅ. ᐊᖓᔪᖅᑳᖅ ᔪᐊᔾ ᕼᐃᒃᔅ (ᑐᓵᔨᑎᒍᑦ): ᖁᔭᓐᓇᒦᒃ, ᐃᒃᓯᕙᐅᑖᖅ. ᖃᐅᔨᒪᓪᓗᒍ ᐊᐃᕕᓕᒻᒧᑦ ᒪᓕᒐᓕᐅᖅᑎ ᐊᐱᖅᑯᑎᖃᔪᒻᒥᒻᒪᑦ ᐱᓇᓱᐊᕈᒦᑦ ᒪᕐᕉᒃ ᐊᓂᒍᖅᑐᑦ. ᑕᑯᓐᓇᖅᓱᑎᒍᑦ ᐃᖅᑲᖅᑐᐃᔨᕋᓛᓂᒃ ᑲᑎᒪᔨᕋᓛᑦ ᐃᓕᓂᐊᖅᑐᑦ ᑕᒪᓐᓇ ᑐᓴᕈᑎᐅᒃᑲᓐᓂᖅᓯᓯᒪᔪᑦ ᑕᑕᑎᕆᒃᑲᓐᓂᖁᑉᓗᒋᑦ ᑭᒃᑯᑐᐃᓐᓇᐃᑦ. ᒫᓐᓇ ᓄᓇᓖᑦ ᓇᓕᖏᑦ ᓵᓐᓃᙱᑕᐃᓐᓇᕐᒪᑕ. ᑭᐅᑦᓴᕆᐊᖃᓛᖅᐳᖓ ᑎᑎᖅᑲᑎᒍᑦ ᐃᒃᓯᕙᐅᑕᖅ ᐊᒻᒪ ᒪᓕᒐᓕᐅᖅᑏᑦ ᖃᓄᐃᑦᓴᙱᒃᑯᑎᒃ. ᖁᔭᓐᓇᒦᒃ. ᐃᒃᓯᕙᐅᑕᖅ (ᑐᓵᔨᑎᒍᑦ): ᖁᔭᓐᓇᒦᒃ, ᒥᓂᔅᑕ ᕼᐃᒃᔅ. ᒥᔅᑕ ᒪᐃᒃ, ᑲᔪᓯᒋᑦ. ᒪᐃᒃ: ᖁᔭᓐᓇᒦᒃ, ᐃᒃᓯᕙᐅᑖᖅ. ᖁᔭᓐᓇᒦᒃ, ᒥᓂᔅᑕ. ᑕᐃᒪ ᐅᓪᓗᒥ ᖃᑦᑎᓂᒃ ᐃᖅᑲᖅᑐᐃᔨᕋᓛᑦ ᐃᓂᖏᓐᓂᒃ ᐃᓐᓄᓯᒪᔪᖃᖅᑲ ᐅᕝᕙᓗ ᖃᑦᑎᑦ ᐃᓐᓄᓯᒪᙱᓚᑦ? ᖁᔭᓐᓇᒦᒃ, ᐃᒃᓯᕙᐅᑖᖅ. ᐃᒃᓯᕙᐅᑕᖅ (ᑐᓵᔨᑎᒍᑦ): ᖁᔭᓐᓇᒦᒃ, ᒥᔅᑕ ᒪᐃᒃ. ᒥᓂᔅᑕ ᕼᐃᒃᔅ. ᐊᖓᔪᖅᑳᖅ ᔪᐊᔾ ᕼᐃᒃᔅ (ᑐᓵᔨᑎᒍᑦ): ᖁᔭᓐᓇᒦᒃ, ᐃᒃᓯᕙᐅᑖᖅ. ᖁᔭᓐᓇᒦᒃ. ᒫᓐᓇᐅᔪᖅ ᓄᓇᕗᑦ ᒪᓕᒐᓕᕆᔨᒃᑯᑦ ᐱᖓᓱᓂᒃ ᐃᓕᓐᓂᐊᖅᓯᒪᔪᓂᒃ ᐃᖅᑲᖅᑐᐃᔨᕋᓛᖃᖅᑐᑦ. ᑕᒪᕐᒥᒃ ᐃᖃᓗᓐᓃᑦᑐᐃᓐᓇᐅᓪᓗᑎᒃ. ᐊᑕᐅᓯᖅ ᐃᓐᓄᑦᑕᐅᓯᒪᔪᖅ ᐃᖅᑲᖅᑐᐃᔨᕋᓛᑐᖃᕐᒧᑦ, ᐃᓚᖓᓪᓗ ᓅᑕᐅᓯᒪᓪᓗᓂ ᐃᖅᑲᓇᐃᔮᒥᓂᒃ ᑕᕝᕗᖓ. ᑖᒃᑯᐊ ᐱᖓᔪᐊᑦ ᓛᖅᑑᒐᓗᐊᖅ ᑕᕝᕙᑐᐊᑐᐊᖅ ᒫᓐᓇ. ᖁᔭᓐᓇᒦᒃ, ᐃᒃᓯᕙᐅᑖᖅ. ᐃᒃᓯᕙᐅᑕᖅ (ᑐᓵᔨᑎᒍᑦ): ᖁᔭᓐᓇᒦᒃ, ᒥᓂᔅᑕ ᕼᐃᒃᔅ. ᐊᑎᖁᑎᓐᓃᒻᒥᔪᖅ, ᒥᔅᑕ ᐊᑕᒍᑦᑖᓗᒃ. ᐊᑕᒍᑦᑖᓗᒃ (ᑐᓵᔨᑎᒍᑦ): ᖁᔭᓐᓇᒦᒃ, ᐃᒃᓯᕙᐅᑖᖅ. ᐱᓕᕆᕝᕕᓯ ᐊᖏᖅᓯᒪᔭᖏᑦ 2024-2026 ᐸᕐᓇᐅᑎᑦᓴᐃᑦ ᐅᖃᖅᓯᒪᕗᑦ ᓯᕗᓪᓕᐅᔾᔭᐅᔪᑦ ᐃᓚᖓᓐᓂᒃ 2024-2025ᒥ ᑲᔪᓰᓐᓇᒃᓗᑎᒡᒎᖅ ᐊᕕᑦᑐᖅᓯᒪᓂᐅᔪᓂᒃ ᑕᒪᓐᓇ ᐃᖅᑲᖅᑐᐃᔨᕋᓛᕐᓂᒃ ᐱᓪᓗᒍ. ᖃᓄᐃᓕᖓᓕᖅᐸ ᑖᓐᓇ ᐃᖅᑲᓇᐃᔮᖅ? ᖁᔭᓐᓇᒦᒃ, ᐃᒃᓯᕙᐅᑖᖅ. ᐃᒃᓯᕙᐅᑕᖅ (ᑐᓵᔨᑎᒍᑦ): ᖁᔭᓐᓇᒦᒃ, ᒥᔅᑕ ᐊᑕᒍᑦᑖᓗᒃ. ᒥᓂᔅᑕ ᕼᐃᒃᔅ. ᐊᖓᔪᖅᑳᖅ ᔪᐊᔾ ᕼᐃᒃᔅ (ᑐᓵᔨᑎᒍᑦ): ᖁᔭᓐᓇᒦᒃ, ᐃᒃᓯᕙᐅᑖᖅ. ᐱᓯᒪᙱᓐᓇᒃᑭᑦ ᒫᓐᓇ ᐃᓗᓕᖏᑦ. ᐃᒻᒪᖄ ᑐᖏᓕᕋ ᑐᓴᖅᑎᑦᓯᒍᓐᓇᖅᑐᑦᓴᐅᔫᒐᓗᐊᖅ ᓄᑖᓂᒃ ᐃᓗᓕᑦᑐᓂᐊᕈᓂ ᑎᑎᖅᑲᑎᒍᑦ ᑭᐅᑦᓴᕆᐊᖃᓛᖅᑐᒍᑦ. ᑎᑎᕋᖅᓯᒪᔪᒥᖅᑲᐃ ᑭᐅᑦᓯᐊᓂᖅᓴᐅᒐᔭᖅᐳᒍᑦ ᑖᑦᓱᒧᖓ ᐊᐱᖅᑯᒻᒧᑦ. ᖁᔭᓐᓇᒦᒃ, ᐃᒃᓯᕙᐅᑖᖅ. ᐃᒃᓯᕙᐅᑕᖅ (ᑐᓵᔨᑎᒍᑦ): ᖁᔭᓐᓇᒦᒃ, ᒥᓂᔅᑕ ᕼᐃᒃᔅ. ᒥᔅᑕ ᐊᑕᒍᑦᑖᓗᒃ, ᑲᔪᓯᒋᑦ. ᐊᑕᒍᑦᑖᓗᒃ (ᑐᓵᔨᑎᒍᑦ): ᖁᔭᓐᓇᒦᒃ, ᐃᒃᓯᕙᐅᑖᖅ. ᑭᙳᓛᖅᐸᒃᑲ ᑭᐅᔾᔪᑎᑎᑦ. ᒪᓕᒐᓕᕆᔨᒃᑯᑦ ᐊᖏᖅᓯᒪᔭᖏᑦ 2025-2026 ᐸᕐᓇᐅᑎᓂᒃ ᐅᖃᖅᓯᒪᕗᑦ ᓯᕗᓪᓕᐅᔾᔭᐅᔪᑦ 2024-2025ᒥ ᐋᖅᑭᓪᓗᑎᒃ ᑲᑐᔾᔨᒍᑎᐅᔪᒥᒃ ᐃᖅᑕᖅᑐᐃᕕᒻᒥ ᐃᖅᑲᖅᑐᐃᕕᓕᕆᔩᓪᓗ ᑲᒪᔪᑦ ᐊᐅᓚᑦᓯᔪᑦᓴᒥᒃ ᑐᓴᖅᑐᓕᕆᔨᐅᔪᒥᒃ. ᖃᓄᐃᑦᑐᑦ ᑖᒃᑯᐊ ᑲᑎᑕᐅᕙᓪᓕᐊᒐᔭᕐᒪᑕ ᐊᐅᓚᑦᓯᒍᑕᐅᔪᑦ ᑐᓴᕋᑦᓴᐃᑦ ᑐᓴᕈᒪᒐᑦᓴᐃᓪᓗ ᑖᒃᑯᓄᖓ ᒪᓕᒐᓕᕆᔨᒃᑯᓐᓄᑦ ᐊᒻᒪᓗ ᐱᓕᕆᖃᑎᒋᔭᖏᓐᓄᑦ? ᖃᓄᐃᓕᖓᓕᖅᐸ? ᖁᔭᓐᓇᒦᒃ, ᐃᒃᓯᕙᐅᑖᖅ. ᐃᒃᓯᕙᐅᑕᖅ (ᑐᓵᔨᑎᒍᑦ): ᖁᔭᓐᓇᒦᒃ, ᒥᔅᑕ ᐊᑕᒍᑦᑖᓗᒃ. ᒥᓂᔅᑕ ᕼᐃᒃᔅ. ᐊᖓᔪᖅᑳᖅ ᔪᐊᔾ ᕼᐃᒃᔅ (ᑐᓵᔨᑎᒍᑦ): ᖁᔭᓐᓇᒦᒃ, ᐃᒃᓯᕙᐅᑖᖅ. ᖁᔭᓐᓇᒦᒃ. ᑭᖑᕙᖅᓯᒪᒐᓛᑦᑐᒍᑦ ᑖᔅᓱᒧᖓ ᑐᕌᒐᒧᑦ. ᐱᔭᕆᑐᒐᓚᓐᓂᖅᓴᐅᓐᓂᕐᒪᑦ. ᒫᓐᓇ ᑖᒃᑯᐊ ᖃᕆᑕᐅᔭᐃᑦ ᓴᓇᐅᒐᓪᓚᑦᑖᑦ ᖃᕆᑕᐅᔭᕐᒨᖅᑐᖅᓯᐅᑦ ᐅᕝᕙᓗ

ᐊᐃᑉᐹ, ᔫᓂ 09, 2026 ᓄᓇᕗᒥ ᒪᓕᒐᓕᐅᕐᕕᒻᒧᑦ ᑲᑎᒪᔾᔪᑏᑦ 43 ᓂᐅᕕᐊᑦᓴᐃᑦ. ᒫᓐᓇᓕ ᐃᓚᖏᑦ ᐃᖅᑲᓇᐃᔭᖅᑎᖁᑎᕗᑦ ᓴᔅᑳᑦᓱᐊᓐᒧᑦ ᓴᔅᑳᑦᓱᐊᓐᒧᑦ ᐊᐅᓪᓚᖅᑎᒋᐊᖁᔪᔭᕗᑦ ᑕᑯᓐᓇᕆᐊᖅᑐᖅᖢᑎᒃ. ᑖᑦᓱᒥᖓ ᐱᓇᓲᑎᖓᓂᓕ ᖃᕆᓴᐅᔭᒧᑦ ᑕᑯᓐᓇᖅᖢᑎᒃ ᐊᑐᓕᕈᓐᓇᕋᔭᙱᒃᑲᓗᐊᕐᒪᖔᑦᑎᒍᑦ ᓄᓇᕗᒻᒥ. ᐋᔩᖃᑎᖃᖅᐸᓪᓕᐊᑦᓴᐃᓐᓇᖅᐳᒍᑦ ᑖᓐᓇ ᖃᕆᑕᐅᔭᕐᒧᑦ ᐊᑐᖅᑐᖅ ᐊᑐᖅᑕᐅᔪᓐᓇᕋᔭᕐᒪᖔᑦ ᑕᒫᓂ. ᓴᔅᒃᓵᑦᓱᐊᓐᒥᓪᓕ ᒐᕙᒪᖃᕐᕕᖓᓂᖃᖏ ᐃᑲᔪᕈᓐᓇᓛᕐᓂᐊᖅᓯᒪᔪᑦ ᑕᐃᒪᐃᑦᓱᒪᒐᔭᕐᓂᕈᑦᑕ. ᖁᔭᓐᓇᒦᒃ, ᐃᒃᓯᕙᐅᑖᖅ. ᐃᒃᓯᕙᐅᑕᖅ (ᑐᓵᔨᑎᒍᑦ): ᖁᔭᓐᓇᒦᒃ, ᒥᓂᔅᑕ ᕼᐃᒃᔅ. ᒥᔅᑕ ᐊᑕᒍᑦᑖᓗᒃ, ᑲᔪᓯᒋᑦ. ᐊᑕᒍᑦᑖᓗᒃ (ᑐᓵᔨᑎᒍᑦ): ᖁᔭᓐᓇᒦᒃ, ᐃᒃᓯᕙᐅᑖᖅ. ᖁᔭᓐᓇᒦᒃ ᒥᓂᔅᑕ ᑭᐅᒐᕕᑦ. ᐱᓕᕆᕝᕕᓯ ᐊᖏᖅᓯᒪᔭᖏᑦ 2025-2026 ᐸᕐᓇᐅᑎᓂ ᐅᖃᖅᓯᒪᕗᑦ ᓯᕗᓪᓕᐅᔾᔭᐅᔪᑦ ᐃᓚᖓᑦ 2024-2025ᒥ ᑖᓐᓇ ᐊᐱᖅᑯᑎᒋᒃᑲᓐᓂᓚᖓᒐᒃᑯ. ᐊᖏᖅᓯᒪᔭᓯ 2025-2026 ᐸᕐᓇᐅᑏᑦ ᐅᖃᖅᓯᒪᕗᑦ ᓯᕗᓪᓕᐅᔾᔭᐅᔪᓂ 2024-2025ᒥ ᑲᔪᓰᓐᓇᕐᓗᓯ ᕿᒥᕐᕈᓗᓯ ᖃᕆᑕᐅᔭᒃᑯᑦ ᐊᑐᖅᑐᓂᒃ ᐃᓕᓴᐃᒍᓐᓇᕋᔭᕐᒪᖔᔅᓯ ᑭᕙᓪᓕᕐᒥ ᕿᑎᕐᒥᐅᓂᓗ. ᐊᖏᕈᑎᒋᓯᒪᔭᓯ ᐸᕐᓇᐅᑏᑦ ᑖᒃᑯᐊ ᖃᐅᔨᓴᕈᑎᐅᓯᒪᔪᑦ ᐱᐊᓂᒃᑕᐅᓯᒪᓂᖓᓂᒃ ᐋᖅᑭᒍᑎᑦᓴᐅᒍᓐᓇᕋᔭᖅᑐᒥᒃ ᖃᖓᑦᑕᖅᑎᑕᐅᓯᒪᔪᒃᑯᑦ ᐃᖅᑲᖅᑐᐃᓂᖃᕈᓐᓇᕐᓂᖅ ᑭᕙᓪᓕᕐᒥ ᕿᑎᕐᒥᐅᓂᓗ. ᓇᓖᕌᕈᑎᑦᓵᓗᒃ ᕿᒥᕐᕈᔭᐅᓯᒪᒻᒪᑕ ᐊᒻᒪᓗ ᑖᒃᑯᐊ ᐋᖅᑭᒍᑕᐅᑲᐃᓐᓇᖅᑐᑦ ᕿᒥᕐᕈᔭᐅᓯᒪᓂᖏᑦ ᓄᓇᓖᑦ ᐱᙳᐊᕐᕕᖏᓐᓂᑦ. ᖃᓄᐃᓕᖓᓕᖅᐸ ᑖᓐᓇ ᐃᖅᑲᓇᐃᔮᖑᔪᖅ? ᖁᔭᓐᓇᒦᒃ, ᐃᒃᓯᕙᐅᑖᖅ. ᐃᒃᓯᕙᐅᑕᖅ (ᑐᓵᔨᑎᒍᑦ): ᖁᔭᓐᓇᒦᒃ, ᒥᔅᑕ ᐊᑕᒍᑦᑖᓗᒃ. ᒥᓂᔅᑕ ᕼᐃᒃᔅ. ᐊᖓᔪᖅᑳᖅ ᔪᐊᔾ ᕼᐃᒃᔅ (ᑐᓵᔨᑎᒍᑦ): ᖁᔭᓐᓇᒦᒃ, ᐃᒃᓯᕙᐅᑖᖅ. ᐅᓇ ᐃᓕᑕᕆᔭᐅᓚᐅᖅᑐᖅ ᕿᒥᕐᕈᓂᐅᔪᒥ ᑕᒪᒃᑯᐊ ᓄᑖᙳᕆᐊᕆᐊᓖᑦ ᖃᕆᑕᐅᔭᒨᖅᑐᖅᓯᐅᑏᑦ ᑕᕐᕆᔮᒃᑯᑦ ᓂᓪᓕᐊᔪᒃᑯᓪᓗ ᖃᕆᑕᐅᔭᐅᔪᓂ. ᕿᒥᕐᕈᓂᐅᓂᖓ ᓱᓕ ᑲᔪᓯᕙᓪᓕᐊᖏᓐᓇᖅᑐᖅ ᖃᓄᐃᑦᑐᓂᒃ ᖃᕆᑕᐅᔭᓂᒃ ᐊᑐᕈᓐᓇᕋᔭᕐᒪᖔᑕ ᓄᓇᕗᒻᒥ. ᑕᒪᒃᑯᐊ ᖃᕆᑕᐅᔭᑦ ᖃᖓᑦᑕᖅᑕᐅᓯᒪᔪᑦ ᐊᖅᑯᑏᑦ ᐊᔾᔨᒌᑦᓴᐃᓐᓇᙱᒻᒪᑕ, ᐊᔾᔨᒌᑦᑐᐃᓐᓇᐅᔾᔭᙱᒻᒪᑕ. ᕿᒥᕐᕈᔭᐅᑦᓴᐃᓐᓇᖅᑐᑦ ᓱᓕ ᑖᓐᓇ. ᖁᔭᓐᓇᒦᒃ, ᐃᑦᓯᕙᐅᑕᖅ. ᐃᒃᓯᕙᐅᑕᖅ (ᑐᓵᔨᑎᒍᑦ): ᖁᔭᓐᓇᒦᒃ, ᒥᓂᔅᑕ ᕼᐃᒃᔅ. ᐊᐱᖅᑯᑎᔅᓴᓕᑦᑕᖃᒃᑲᓐᓂᖅᑲ? ᑕᕝᕙᓂ ᑎᑎᕋᕐᕕᖏᓐᓂ ᐃᖅᑲᖅᑐᐃᕕᒻᒥᓪᓗ ᐱᔨᑦᑎᕋᐅᑎᓕᕆᔨᓂ. ᒥᔅᑕ ᖃᒪᓂᖅ. ᖃᒪᓂᖅ: ᖁᔭᓐᓇᒦᒃ, ᐃᒃᓯᕙᐅᑕᖅ. (ᑐᓵᔨᑎᒍᑦ) ᐱᓕᕆᕕᓯ ᑎᑎᕋᕆᐊᕐᖓᐅᑎᖏᑦ 2026-2027ᒧᑦ ᐱᓕᕆᐊᔅᓴᓄᑦ ᐸᕐᓇᐅᑎᖏᑦ ᐅᖃᖅᓯᒪᒻᒪᑕ ᑮᓇᐅᔭᖏᒡᒎᖅ ᐃᖅᑲᖅᑐᐃᔪᓕᕆᔨᒃᑯᑦ $149,000ᓂᒃ ᐃᓚᙵᖅᑕᐅᓛᕐᖓᑕ. 2025 ᐊᕐᕌᒍᖓᓂ $11,310-ᒥᓕᐊᓄᑦ 2026-2027 ᐊᕐᕌᒍᖓᓂ. ᖃᓄᖅ ᑖᓐᓇ ᑕᐃᒪᓐᓇᐅᒋᐊᖃᕐᖓᑦ ᒥᑭᓪᓕᒋᐊᖅᑕᐅᒋᐊᖃᕐᖓᑦ $11.161-ᒥᓕᐊᓐᓄᑦ. ᖃᓄᖅ ᑕᐃᒪᓐᓇ ᖃᐅᔨᔪᓐᓇᖅᑲ? ᖁᔭᓐᓇᒦᒃ, ᐃᒃᓯᕙᐅᑖᖅ. ᐃᒃᓯᕙᐅᑕᖅ (ᑐᓵᔨᑎᒍᑦ): ᖁᔭᓐᓇᒦᒃ, ᒥᔅᑕ ᖃᒪᓂᖅ. ᒥᓂᔅᑕ ᕼᐃᒃᔅ. ᐊᖓᔪᖅᑳᖅ ᔪᐊᔾ ᕼᐃᒃᔅ (ᑐᓵᔨᑎᒍᑦ): ᖁᔭᓐᓇᒦᒃ, ᐃᒃᓯᕙᐅᑖᖅ. ᐊᑕᐅᓯᖅ ᐃᖅᑲᓇᐃᔮᖅ ᓅᑕᐅᓚᐅᖅᑐᖅ ᐃᖅᑲᖅᑐᐃᔪᓕᕆᓂᕐᒥᒃ ᐱᔨᑦᑎᕋᖅᑎᒃᑯᓐᓄᑦ. ᖁᔭᓐᓇᒦᒃ, ᐃᒃᓯᕙᐅᑖᖅ. ᐃᒃᓯᕙᐅᑕᖅ (ᑐᓵᔨᑎᒍᑦ): ᖁᔭᓐᓇᒦᒃ, ᒥᓂᔅᑕ ᕼᐃᒃᔅ. ᒥᔅᑕ ᖃᒪᓂᖅ, ᑲᔪᓯᒋᐊᕆᑦ.

ᐊᐃᑉᐹ, ᔫᓂ 09, 2026 ᓄᓇᕗᒥ ᒪᓕᒐᓕᐅᕐᕕᒻᒧᑦ ᑲᑎᒪᔾᔪᑏᑦ 44 ᖃᒪᓂᖅ: ᖁᔭᓐᓇᒦᒃ, ᑭᐅᒐᕕᑦ. (ᑐᓵᔨᑎᒎᓕᖅᑐᖅ) ᐱᓕᕆᕕᓯ 2026-2027ᒧᑦ ᐱᓕᕆᐊᔅᓴᓄᑦ ᐸᕐᓇᐅᑎᖓ ᐅᖃᖅᓯᒪᒻᒪᑦ ᑮᓇᐅᔭᖏᒡᒎᖅ ᐃᖅᑲᖅᑐᐃᔨᕋᓛᑦ ᑮᓇᐅᔭᖏᑦ $149,000-ᓂᑦ. $1,27.ᒥᓕᐊᓐᓄᑦ 2024-2025 ᐊᕐᕌᒍᖓᓂ. $1.655-ᒥᓕᐊᓄᑦ 2026-2027 ᐊᕐᕌᒍᖓᓂ. ᖃᓄᖅ ᑕᐃᒪᓐᓇ ᐊᖏᓪᓕᒋᐊᕆᐊᖃᕐᖓᑦ ᖃᓄᖅ ᖃᐅᔨᓐᓂᖅᑭᓯ, ᐃᓛᒃ ᓱᒻᒪᑦ? ᖁᔭᓐᓇᒦᒃ, ᐃᒃᓯᕙᐅᑖᖅ. ᐃᒃᓯᕙᐅᑕᖅ (ᑐᓵᔨᑎᒍᑦ): ᖁᔭᓐᓇᒦᒃ, ᒥᔅᑕ ᖃᒪᓂᖅ. ᒥᔅᑕ ᕼᐃᒃᔅ. ᐊᖓᔪᖅᑳᖅ ᔪᐊᔾ ᕼᐃᒃᔅ (ᑐᓵᔨᑎᒍᑦ): ᐃᒃᓯᕙᐅᑖᖅ, ᑖᓐᓇ ᑕᑯᒋᐊᕆᐊᖃᕐᓂᐊᖅᑕᕋ ᐱᓯᒪᙱᓐᓇᒃᑯ ᑭᐅᔾᔪᑎ ᖁᕝᕙᕆᐊᕋᓛᓐᓂᐅᓯᒪᔪᒧᑦ. ᑕᕝᕙᑐᐊᖅ ᐅᖃᐅᓯᕆᒍᓐᓇᖅᑕᕋ ᐃᖅᑲᓇᐃᔭᖅᑎᖏᖅᑲ ᐋᖅᑭᒋᐊᖅᑕᐅᓐᓂᕐᖓᑕ ᑕᐃᑲᓂ ᑖᓐᓇ ᑭᐅᔭᖅᑐᕆᐊᖃᓛᖅᑕᕋ ᑭᖑᓂᐊᒍᑦ ᑲᑎᒪᔨᕋᓛᓄᑦ. ᖁᔭᓐᓇᒦᒃ, ᐃᒃᓯᕙᐅᑖᖅ. ᐃᒃᓯᕙᐅᑕᖅ (ᑐᓵᔨᑎᒍᑦ): ᖁᔭᓐᓇᒦᒃ, ᒥᓂᔅᑕ Hᐃᒃᔅ. ᒥᔅᑕ ᖃᒪᓂᖅ. ᖃᒪᓂᖅ: ᖁᔭᓐᓇᒦᒃ, ᐃᒃᓯᕙᐅᑖᖅ. (ᑐᓵᔨᑎᒎᓕᖅᑐᖅ) ᐱᓕᕆᕕᓯ ᑎᑎᕋᕆᐊᖓᐅᑎᖕᑦ 2026-2030-ᒧ ᐱᓕᕆᐊᔅᓴᓄ ᐸᕐᓇᐅᑎᖓ ᐅᖃᖅᓯᒪᒪᑦ ᓯᕗᓕᐅᑎᑕᐅᓛᖅᑐᖅ 2026-2027 ᐊᕐᕌᒍᖓᓂ ᐱᔭᕇᓗᑎ ᐱᒥᕈᓂᕆᔭᖏᓐᓂ ᐋᕿᒍᑎᔅᓴᐅᔪᓂ ᓄᑖᖑᔪᓄᑦ ᖃᕋᓴᐅᔭᒃᑯᑦ ᖃᐅᔨᒪᔪᑎᒋᔭᖏᓐᓄᑦ ᐱᓕᕆᖃᑎᖃᕐᓗᑎ ᐊᓄᓪᓚᔅᓰᕕᓕᕆᔨᑯᓐᓂᑦ, ᐋᕿᑦᑎᕆᓗᑎ ᐊᑐᓕᖅᑎᑦᑎᓗᑎᑦ ᐅᓪᓗᖏᑕ ᐊᑐᖅᑕᐅᕕᒋᖃᑕᕐᓂᐊᖅᑕᖏᓂᑦ ᐊᒻᒪ ᐊᖏᖃᑎᒌᒍᑎᓕᐅᕐᓗᑎᒃ ᐊᓯᐊᓂ ᒐᕙᒪᖅᕐᕕᐅᔪᓂᒃ ᐆᑐᕋᓗᑎ ᖃᕋᓴᐅᔭᓕᕆᔾᔪᑎᔅᓴᓂᒃ. ᓇᓕᐊᓐᓂ ᒐᕙᒪᖃᕐᕕᐅᔪᒥ ᐱᓕᕆᕕᓯ ᐊᖏᖃᑎᒌᒍᑎᑖᓂᐅᓴᒪᑕ? (ᑐᓵᔨᑎᒎᕈᓐᓃᖅᑐᖅ) ᖁᔭᓐᓇᒦᒃ. ᐃᒃᓯᕙᐅᑕᖅ (ᑐᓵᔨᑎᒍᑦ): ᖁᔭᓐᓇᒦᒃ, ᒥᔅᑕ ᖃᒪᓂᖅ. ᒥᓂᔅᑕ Hᐃᒃᔅ. ᐊᖓᔪᖅᑳᖅ ᔪᐊᔾ Hᐃᒃᔅ (ᑐᓵᔨᑎᒍᑦ): ᖁᔭᓐᓇᒦᒃ, ᐃᒃᓯᕙᐅᑖᖅ. ᓴᔅᑳᑐᐋᑦ. ᖁᔭᓐᓇᒦᒃ, ᐃᒃᓯᕙᐅᑖᖅ. ᐃᒃᓯᕙᐅᑕᖅ (ᑐᓵᔨᑎᒍᑦ): ᖁᔭᓐᓇᒦᒃ, ᒥᓂᔅᑕ Hᐃᒃᔅ. ᒥᔅᑕ ᖃᒪᓂᖅ. ᖃᒪᓂᖅ: ᖁᔭᓐᓇᒦᒃ, ᐃᒃᓯᕙᐅᑖᖅ. ᐊᒻᒪ ᖁᔭᓐᓇᒦᒃ. (ᑐᓵᔨᑎᒎᓕᖅᑐᖅ) ᑕᐃᒪᓕ ᖃᖓ ᐱᔭᕇᖅᑕᐅᒐᔭᖃ ᑖᓇ ᐱᓕᕆᐊᖑᔪᖅ? (ᑐᓵᔨᑎᒎᕈᓐᓃᖅᑐᖅ) ᖁᔭᓐᓇᒦᒃ. ᐃᒃᓯᕙᐅᑕᖅ (ᑐᓵᔨᑎᒍᑦ): ᖁᔭᓐᓇᒦᒃ, ᒥᔅᑕ ᖃᒪᓂᖅ. ᒥᓂᔅᑕ Hᐃᒃᔅ. ᐊᖓᔪᖅᑳᖅ ᔪᐊᔾ Hᐃᒃᔅ (ᑐᓵᔨᑎᒍᑦ): ᖁᔭᓐᓇᒦᒃ, ᐃᒃᓯᕙᐅᑖᖅ. ᑖᓇᓕ ᐱᔭᕇᑕᐅᕕᒋᓂᐊᔪᔭᖓ ᐊᓂᒍᖅᓯᒪᓕᕇᖓᑦ, ᐱᑦᑎᐊᕋᓱᖔᕈᑦᑎᒍ ᐃᓱᒪᒋᓕᕋᑦᑎᒍ ᖃᖓ ᐱᔭᕇᖅᑕᐅᓛᒪᖔᖅ ᓱᓕ ᖃᐅᔨᒪᖏᑕᕗᑦ. ᖃᐅᔨᓴᖅᑕᐅᒪᑕ ᓱᓕ ᖃᕋᓴᐅᔭᓕᕆᔪᑎᔅᓴᐃᑦ ᑲᑐᔨᖃᑎᖃᖅᑐᑕ ᓴᔅᑳᑐᐋᓐᒥᐅᑕᕐᓂ ᐱᓕᕆᔨᐅᔪᓂ, ᖃᐅᔨᓴᕋᓱᑦᑕᕗ ᖃᕋᓴᐅᔭᓕᕆᔪᑎ ᐊᑐᕋᔅᓴᐅᒐᔭᕐᒪᖔᖅ ᐅᕙᒍᑦ ᐱᓕᕆᐊᕆᒋᐊᓕᖏᓄᑦ. ᑭᓯᐊᓂ ᐅᖃᕈᓇᖅᑐᖓ ᑲᑎᒪᔨᓄᑦ ᐊᔨᒌᖏᑦᑐᓂ ᑎᑭᐅᑎᒐᓱᑦᑕᑎᓐᓂ ᑎᑭᐅᑎᕙᓪᓕᐊᕙᑦᑐᒍᑦ, ᑐᑭᓯᑎᑦᑎᑲᓐᓂᓛᖁᖓ ᖃᐅᔨᒪᓂᖅᓴᐅᓕᕈᑦᑕ. ᖁᔭᓐᓇᒦᒃ, ᐃᒃᓯᕙᐅᑖᖅ. ᐃᒃᓯᕙᐅᑕᖅ (ᑐᓵᔨᑎᒍᑦ): ᖁᔭᓐᓇᒦᒃ, ᒥᓂᔅᑕ Hᐃᒃᔅ. ᒥᔅᑕ ᖃᒪᓂᖅ, ᑲᔪᓯᒋᐊᕆᑦ. ᖃᒪᓂᖅ: ᖁᔭᓐᓇᒦᒃ, ᐃᒃᓯᕙᐅᑖᖅ. ᐊᒻᒪ ᖁᔭᓐᓇᒦᒃ. (ᑐᓵᔨᑎᒎᓕᖅᑐᖅ) ᐱᓕᕆᕕᓯ ᑎᑎᕋᕆᐊᖓᐅᑎᖏᑦ 2026- 2030-ᒧ ᐱᓕᕆᐊᔅᓴᓄ ᐸᕐᓇᐅᑎᖓ ᐅᖃᖅᓯᒪᒪᑦ ᐃᓚᖓᒍᑦ ᓯᕗᓪᓕᐅᑎᑕᐅᓛᖅᑐᖅ 2026-2027 ᐊᕐᕋᒍᖓᓂ

ᐊᐃᑉᐹ, ᔫᓂ 09, 2026 ᓄᓇᕗᒥ ᒪᓕᒐᓕᐅᕐᕕᒻᒧᑦ ᑲᑎᒪᔾᔪᑏᑦ 45 ᖃᐅᔨᓴᕐᓗᑎᒃ ᐊᒻᒪᓗ ᓴᓇᓗᑎᒃ ᖃᓄ ᐱᓕᕆᐊᖑᓂᐊᕐᒪᖔᑕ ᓄᓇᕗ ᐱᖃᑕᐅᓂᕆᕙᑦᑕᖏ ᐊᔾᔨᒌᖏᑦᑐᓂᒃ ᒐᕙᒪᖃᕐᕕᕈᓘᔭᕐᓄ ᑎᑎᕋᕕᐅᖃᑕᕐᑐᓂᒃ. ᖃᓄᐃᓕᐅᓚᑦᑕᓗᓂ ᐱᓕᕆᕕᓯ ᑕᕝᕗᖓ ᑎᑭᐅᑎᒐᓱᓛᖃ? (ᑐᓵᔨᑎᒎᕈᓐᓃᖅᑐᖅ) ᖁᔭᓐᓇᒦᒃ, ᐃᒃᓯᕙᐅᑖᖅ. ᐃᒃᓯᕙᐅᑕᖅ (ᑐᓵᔨᑎᒍᑦ): ᖁᔭᓐᓇᒦᒃ, ᒥᔅᑕ ᖃᒪᓂᖅ. ᒥᓂᔅᑕ Hᐃᒃᔅ. ᐊᖓᔪᖅᑳᖅ ᔪᐊᔾ Hᐃᒃᔅ (ᑐᓵᔨᑎᒍᑦ): ᖁᔭᓐᓇᒦᒃ, ᐃᒃᓯᕙᐅᑖᖅ. ᒪᒥᐊᒥᔪᖓ ᑭᑎᒪᔨᕋᓛᓄᑦ, ᑖᓇ ᑭᖑᓂᐊᒍᑦ ᑭᐅᒋᐊᖃᓛᖅᑕᖃ. ᐅᕙᓂ ᐱᓯᒪᔭᑐᑦ ᑐᑭᓯᓇᑎᐊᖏᒪᑕ, ᐃᓛ ᑐᑭᓯᑎᑦᑎᓚᕆᔪᑎᓴᐅᖏᒪᑕ. ᖁᔭᓐᓇᒦᒃ, ᐃᒃᓯᕙᐅᑖᖅ. ᐃᒃᓯᕙᐅᑕᖅ (ᑐᓵᔨᑎᒍᑦ): ᖁᔭᓐᓇᒦᒃ, ᒥᓂᔅᑕ Hᐃᒃᔅ. ᒥᔅᑕ ᖃᒪᓂᖅ ᐊᐱᖁᑎᔅᓴᖃᑲᓂᖅᑮ? ᐋᒡᒑ? ᐊᓯᖏ ᒪᓕᒐᓕᐅᖅᑏᑦ ᐊᐱᖁᑎᔅᓴᖃᕆᕚᑦ ᑕᕝᕙᓃᑎᓪᓗᑕ? ᐃᓵᑐᖃᖏᒪᑦ, ᐊᖏᖅᑭᓯᐅ ᒪᓕᒐᓕᕆᔨᒃᑯ ᑎᑎᕋᕕᖏᑦ, ᐃᖃᖅᑐᐃᔪᓕᕆᔨᑯᓪᓗ, $15,617,000 ᒥᓕᐊᓐ ᑮᓇᐅᔭᑦ? ᐃᓚᖏᑦ ᑲᑎᒪᔩᑦ: ᐊᖏᖅᑐᑦ. ᐃᒃᓯᕙᐅᑕᖅ (ᑐᓵᔨᑎᒍᑦ): ᖁᔭᓐᓇᒦᒃ.

E-8-ᒧᑦ ᒪᑉᐱᓕᕐᒥᓯᐅᒃ. ᒫᓇ ᕿᒥᕈᖑᓱᓕᖅᑐᒍᑦ ᐊᓄᓪᓚᔅᓯᕕᓕᕆᔨᑯᖏ ᒪᓕᒐᓕᕆᔨᑯ. ᑲᑎᓗᒋ ᑐᔅᓯᕋᖅᑐᐃ $49,798,000.00 ᒥᓕᐊᑦ ᑮᓇᐅᔭᑦ, ᒪᓕᒐᓕᐅᖅᑏ ᐊᐱᖁᑎᔅᓴᖃᖄ? ᒥᔅᑕ ᑕᖅᑐ. ᑕᖅᑐ: ᖁᔭᓐᓇᒦᒃ, ᐃᒃᓯᕙᐅᑖᖅ. ᐱᓕᕆᕕᓯ ᑎᑎᕋᕆᐊᖓᐅᑎᖏ 2026-2027 ᑮᓇᐅᔭᖅᑐᕈᑎᔅᓴᐃᑦ ᐅᖃᖅᓯᒪᒻᒪᑕ ᐊᑐᕈᒫᓂᐊᖅᑐᖏᒎᖅ ᐋᕿᒋᐊᖅᕕᒃ ᐊᓄᓪᓚᓰᕕᑦ ᒪᒥᓴᖅᕗᑉ ᐊᒻᒪᓗᑕᐅ ᓄᓇᒦᑎᑦᑎᖃᑕᕐᓂᖏᑦ ᐃᓚᒋᐊᖅᑕᐅᓂᐅᓴᒻᒪᑕ $978,000 ᑮᓇᐅᔭᑦ, ᑕᒫᓂᓚᐅᖅᑐᓪᓕ $22.210-ᒥᓕᐊᓐ ᑮᓇᐅᔭᑦ 2025-2026 ᐊᕐᕌᒍᖓᓂᑦ. ᑕᑉᐸᐅᖓ $23.188-ᒥᓕᐊᙳᖁᔭᐅᓪᓗᑎᑦ $23.188-ᒥᓪᓕᐊᓐ 2026-2027 ᐊᕐᕋᒍᖓᓂ. ᑖᓇ 4.4%-ᒥ ᐊᖏᓕᒋᐊᕆᓂᐅᒐᓱᒻᒪᑦ. ᖃᓄ ᖃᐅᔨᓂᕿᓯ ᑖᓇ ᑕᐃᒪᓐᓇ ᖁᕝᕙᕆᐊᖅᑕᐅᒋᐊᖃᕐᖓᑦ? ᖁᔭᓐᓇᒦᒃ, ᐃᒃᓯᕙᐅᑖᖅ. ᐃᒃᓯᕙᐅᑕᖅ (ᑐᓵᔨᑎᒍᑦ): ᖁᔭᓐᓇᒦᒃ, ᒥᔅᑕ ᑕᖅᑐ. ᒥᓂᔅᑕ Hᐃᒃᔅ. ᐊᖓᔪᖅᑳᖅ ᔪᐊᔾ Hᐃᒃᔅ (ᑐᓵᔨᑎᒍᑦ): ᖁᔭᓐᓇᒦᒃ, ᐃᒃᓯᕙᐅᑖᖅ. ᑖᓇ ᐊᖏᓕᒋᐊᓚᐅᖅᑐᖅ, ᐊᔨᑐᐃᓇᐸᓗᖏ ᐊᓯᖏᑕ ᐱᔾᔪᑎᖃᖅᑐᑎ ᐃᖅᑲᓇᐃᔭᖅᑏᑦ ᑲᑐᔨᖃᑎᒌᖏᑕ ᐊᖏᖃᑎᒌᒍᑎᖓ ᓄᑖᖓ ᐊᑎᓕᐅᖅᑕᐅᔪᒪᑦ. ᖁᔭᓐᓇᒦᒃ, ᐃᒃᓯᕙᐅᑖᖅ. ᐃᒃᓯᕙᐅᑕᖅ (ᑐᓵᔨᑎᒍᑦ): ᖁᔭᓐᓇᒦᒃ, ᒥᓂᔅᑕ ᕼᐃᒃᔅ. ᐊᐱᖅᑯᑎᔅᓴᖃᒃᑲᓂᖅᑭᑦ? ᒥᔅᑕ ᑕᖅᑐ? ᐋᒡᒐ. ᒪᓕᒐᓕᐅᖅᑏᑦ ᐅᕝᕙᓘᓐᓃᑦ ᑲᑎᒪᔩᑦ? ᐃᓵᑦᑐᖃᙱᒻᒪᑦ, ᐊᖏᖅᑭᓯᐅᒃ ᒪᓕᒐᓕᕆᔨᒃᑯᑦ ᐊᓄᓪᓚᔅᓰᕕᓕᕆᔨᖏᓐᓂᒃ ᐅᖃᐅᓯᖃᖅᑐᐃ ᑲᑎᓪᓗᒋᑦ ᑐᔅᓯᕌᖑᔪᐃᑦ $49,798,000? ᐃᓚᖏᑦ ᑲᑎᒪᔩᑦ: ᐊᖏᖅᑐᑦ. ᐃᒃᓯᕙᐅᑕᖅ (ᑐᓵᔨᑎᒍᑦ): ᖁᔭᓐᓇᒦᒃ. ᑕᐃᒪ ᒪᑉᐱᒐᖓ E-9-ᒨᓕᕐᒥᒋᔅᓯ, ᕿᒥᕐᕈᙳᓱᓕᕐᒥᒐᑦᑎᒍ ᓄᓇᓕᓐᓂ ᐃᖅᑲᖅᑐᐃᔨᕋᓛᓕᕆᔨᖏᑦ. ᑲᑎᓪᓗᒋᑦ $7,811,000 ᑐᒃᓯᕌᖑᔪᐃᑦ. ᐊᐱᖅᑯᑎᔅᓴᖃᖅᑭᓰ? ᒥᔅᑕ ᑲᐅᑕᒃ, ᐊᑏ. ᑲᐅᑕᒃ (ᑐᓵᔨᑎᒍᑦ): ᖁᔭᓐᓇᒦᒃ, ᐃᒃᓯᕙᐅᑖᖅ. ᐱᓕᕆᕕᓯ ᓯᕗᓪᓕᖅᐹᖅᓯᐅᑎᖏᑦ 2026-2027 ᑮᓇᐅᔭᖅᑐᕈᑎᔅᓴᖏᑦ ᐃᓚᖓ ᓯᕗᓪᓕᐅᑎᓂᐊᖅᑕᖏᒡᒎᖅ 2026-2027−ᒥ “ᐱᔭᕇᕐᓗᑎᒃ ᓯᕗᓪᓕᖅᐹᖓᓂ ᐱᕙᓪᓕᐊᔭᐅᓂᖓᓂ ᒪᒥᓴᐃᓂᕐᒧᑦ ᐃᖅᑲᑐᐃᔪᓕᕆᓂᐅᔪᒥᑦ ᓄᓇᓕᖓᓄᑦ ᕿᑭᖅᑕᕐᔪᐊᒥ ᑐᙵᕕᓕᐅᖅᑕᐅᓗᑎᒃ

ᐊᐃᑉᐹ, ᔫᓂ 09, 2026 ᓄᓇᕗᒥ ᒪᓕᒐᓕᐅᕐᕕᒻᒧᑦ ᑲᑎᒪᔾᔪᑏᑦ 46 ᑕᒪᒃᑯᓂᖓ ᐃᖅᑲᓇᐃᔭᖅᑎᑖᖅᑎᑕᐅᓂᕐᒥᒃ ᐊᒻᒪ ᐊᓪᓚᕝᕕᖓᓗ ᐃᓗᓪᓕᓱᖅᑕᐅᓗᓂ ᐊᒻᒪᑦᑕᐅᖅ ᐊᐅᓚᒍᑎᔅᓴᖏᓐᓂᒃ ᐋᖅᑭᑦᑎᕆᔪᖃᕐᓗᓂ ᖃᓄᖅ ᐊᐅᓚᒐᔭᕐᒪᖔᖅ.” ᓇᓕᐊᓐᓂ ᕿᑭᖅᑖᓗᒻᒥ ᓄᓇᓕᒻᒥ ᑖᓐᓇ ᐊᖏᓪᓕᒋᐊᕋᓱᑉᐱᓯᐅᒃ ᒪᒥᓴᐃᓂᒃᑯᑦ ᐃᖅᑲᖅᑐᐃᔪᓕᕆᓂᖅ? ᖁᔭᓐᓇᒦᒃ, ᐃᒃᓯᕙᐅᑖᖅ. ᐃᒃᓯᕙᐅᑕᖅ (ᑐᓵᔨᑎᒍᑦ): ᖁᔭᓐᓇᒦᒃ, ᒥᔅᑕ ᑲᐅᑕᒃ. ᒥᓂᔅᑕ ᕼᐃᒃᔅ. ᐊᖓᔪᖅᑳᖅ ᔪᐊᔾ ᕼᐃᒃᔅ (ᑐᓵᔨᑎᒍᑦ): ᖁᔭᓐᓇᒦᒃ, ᐃᒃᓯᕙᐅᑖᖅ. ᒥᑦᑎᒪᑕᓕᒃ. ᖁᔭᓐᓇᒦᒃ, ᐃᒃᓯᕙᐅᑖᖅ. ᐃᒃᓯᕙᐅᑕᖅ (ᑐᓵᔨᑎᒍᑦ): ᖁᔭᓐᓇᒦᒃ, ᒥᓂᔅᑕ ᕼᐃᒃᔅ. ᒥᔅᑕ ᑲᐅᑕᒃ. ᑲᐅᑕᒃ (ᑐᓵᔨᑎᒍᑦ): ᖁᔭᓐᓇᒦᒃ, ᐃᒃᓯᕙᐅᑖᖅ. ᖁᔭᓐᓇᒦᓪᓗ ᒥᓂᔅᑕ ᑭᐅᒐᕕᙵ. ᖃᖓ ᐱᔭᕇᖅᑕᐅᒐᔭᖅᑐᒋᕕᓯᐅᒃ ᑖᓐᓇ ᐱᓕᕆᐊᔅᓴᐅᔪᖅ? ᖁᔭᓐᓇᒦᒃ, ᐃᒃᓯᕙᐅᑖᖅ. ᐃᒃᓯᕙᐅᑕᖅ (ᑐᓵᔨᑎᒍᑦ): ᖁᔭᓐᓇᒦᒃ, ᒥᔅᑕ ᑲᐅᑕᒃ. ᒥᓂᔅᑕ ᕼᐃᒃᔅ. ᐊᖓᔪᖅᑳᖅ ᔪᐊᔾ ᕼᐃᒃᔅ (ᑐᓵᔨᑎᒍᑦ): ᖁᔭᓐᓇᒦᒃ, ᐃᒃᓯᕙᐅᑖᖅ. ᐅᓇ ᐊᖏᖅᑕᐅᒌᑐᐊᖅᑲᑦ ᑮᓇᐅᔭᖅ ᐊᑐᕈᒫᕐᓂᐊᖅᑐᖁᑎᕗᑦ ᐃᖅᑲᓇᐃᔮᖅᑖᖅᑎᒐᓱᓕᕋᔭᕋᑦᑎᒍ ᑕᐃᑲᓂ ᐃᖅᑲᓇᐃᔭᕋᔭᖅᑐᖅ ᐊᓪᓚᕝᕕᖓᓗ ᒪᑐᐃᖓᓕᓛᕐᓗᓂ 2027-2028 ᐊᕐᕌᒍᖓ ᐱᒋᐊᕋᑖᕐᓂᐅᑎᓪᓗᒍ. ᖁᔭᓐᓇᒦᒃ, ᐃᒃᓯᕙᐅᑖᖅ. ᐃᒃᓯᕙᐅᑕᖅ (ᑐᓵᔨᑎᒍᑦ): ᖁᔭᓐᓇᒦᒃ, ᒥᓂᔅᑕ ᕼᐃᒃᔅ. ᐊᐱᖅᑯᑎᔅᓴᓕᑦᑕᖃᒃᑲᓂᖅᑳ? ᒥᔅᑕ ᑕᖅᑐ. ᑕᖅᑐ (ᑐᓵᔨᑎᒍᑦ): ᖁᔭᓐᓇᒦᒃ, ᐃᒃᓯᕙᐅᑖᖅ. ᐅᓪᓗᒥᐅᓕᖅᑐᕐᓕ ᓇᓕᐊ ᓄᓇᓖᑦ ᓄᓇᓕᖓᓂ ᓄᓇᓕᓐᓂ ᐃᖅᑲᖅᑐᐃᔨᕋᓛᓂᒃ ᐃᖅᑲᓇᐃᔭᖅᑎᖃᙱᓚᑦ, ᐃᖅᑲᖅᑐᐃᔪᓕᕆᓂᕐᒧᑦ ᐃᖅᑲᓇᐃᔭᖅᑎᖃᙱᓚᖅ? ᖁᔭᓐᓇᒦᒃ, ᐃᒃᓯᕙᐅᑖᖅ. ᐃᒃᓯᕙᐅᑕᖅ (ᑐᓵᔨᑎᒍᑦ): ᖁᔭᓐᓇᒦᒃ, ᒥᔅᑕ ᑕᖅᑐ. ᒥᓂᔅᑕ ᕼᐃᒃᔅ. ᐊᖓᔪᖅᑳᖅ ᔪᐊᔾ ᕼᐃᒃᔅ (ᑐᓵᔨᑎᒍᑦ): ᖁᔭᓐᓇᒦᒃ, ᐃᒃᓯᕙᐅᑖᖅ. ᑲᑎᒪᔨᕋᓛᑦ ᖃᓄᐃᔅᓴᖏᑉᐸᑕ ᕿᓂᑲᐃᓐᓇᕐᓂᐊᕋᒃᑯ ᑭᐅᔾᔪᑎᔅᓴᕋ. ᖁᔭᓐᓇᒦᒃ. ᖁᔭᓐᓇᒦᒃ, ᐃᒃᓯᕙᐅᑖᖅ. ᒪᒥᐊᑉᐳᖓ ᐅᑕᖅᑭᑎᑦᑎᑲᐃᓐᓇᕋᒪ. ᑎᓴᒪᐅᔪᐃᑦ ᓄᓇᓕᓐᓂ ᐃᖅᑲᖅᑐᐃᔪᓕᕆᓂᕐᒧᑦ ᐃᖅᑲᓇᐃᔭᖅᑏᑦ, ᑲᖏᖅᑐᒑᐱᒃ, ᖃᐅᓱᐃᑦᑐᖅ, ᐊᐅᓱᐃᑦᑐᖅ, ᑭᒻᒥᕈᕐᒥ ᐃᖅᑲᓇᐃᔮᑦ ᐃᓐᓄᑦᑕᐅᓯᒪᙱᑦᑐᐃᑦ. ᖁᔭᓐᓇᒦᒃ, ᐃᒃᓯᕙᐅᑖᖅ. ᐃᒃᓯᕙᐅᑕᖅ (ᑐᓵᔨᑎᒍᑦ): ᖁᔭᓐᓇᒦᒃ, ᒥᓂᔅᑕ ᕼᐃᒃᔅ. ᒥᔅᑕ ᑕᖅᑐ, ᐊᐱᖅᑯᑎᔅᓴᖃᒃᑲᓂᖅᑮᑦ? ᐊᑏ’. ᑕᖅᑐ (ᑐᓵᔨᑎᒍᑦ): ᖁᔭᓐᓇᒦᒃ, ᐃᒃᓯᕙᐅᑖᖅ. ᖁᔭᓐᓇᒦᓪᓗ ᒥᓂᔅᑖ ᑭᐅᒌᕋᕕᙵ. ᐱᓕᕆᕕᓯ ᐊᖏᖅᑕᐅᓯᒪᔪᖁᑎᖏᑦ 2025-2026−ᒥ ᐱᓕᕆᐊᔅᓴᓄᑦ ᐸᕐᓇᐅᑎᖓ ᐅᖃᖅᓯᒪᒻᒪᑦ ᐃᓚᖓᒎᖅ ᓯᕗᓪᓕᐅᑎᑕᐅᓛᖅᑐᖅ 2025-ᒥ ᐊᖏᓪᓕᒋᐊᕆᓗᓯ ᒪᒥᓴᐃᓂᕐᒧᑦ ᐃᖅᑲᖅᑐᐃᔪᓕᕆᓂᕐᒥᒃ ᐱᓕᕆᓂᐅᔪᖅ, ᐊᒻᒪᑦᑕᐅᖅ ᐊᐃᑉᐸᕇᑦ ᐱᑦᑎᐊᖃᑦᑕᐅᑎᙱᑦᑐᑦ ᐃᑲᔪᖅᑕᐅᒍᓐᓇᕈᑎᖏᓐᓂ, ᑕᐃᒫᒃ ᐃᖅᑲᖅᑐᐃᕕᒃᑰᕆᐊᖃᙱᖔᕐᓗᑎᒃ ᑕᕝᕘᓇ ᑲᒪᒋᔭᐅᖃᑦᑕᕈᓐᓇᕐᖓᑕ. ᑖᓐᓇᓕᑭᐊᖅ ᐱᓕᕆᕕᓯ ᖃᖓ ᓇᒧᑦ ᓯᐊᒻᒪᐃᒋᐊᕐᓂᐊᖅᑲ ᑕᒪᒃᑯᓂᖓ ᐃᑲᔫᑕᐅᖃᑦᑕᖅᑐᓂᒃ? ᖁᔭᓐᓇᒦᒃ, ᐃᒃᓯᕙᐅᑖᖅ.

ᐊᐃᑉᐹ, ᔫᓂ 09, 2026 ᓄᓇᕗᒥ ᒪᓕᒐᓕᐅᕐᕕᒻᒧᑦ ᑲᑎᒪᔾᔪᑏᑦ 47 ᐃᒃᓯᕙᐅᑕᖅ (ᑐᓵᔨᑎᒍᑦ): ᖁᔭᓐᓇᒦᒃ, ᒥᔅᑕ ᑕᖅᑐ. ᒥᓂᔅᑕ ᕼᐃᒃᔅ. ᐊᖓᔪᖅᑳᖅ ᔪᐊᔾ ᕼᐃᒃᔅ (ᑐᓵᔨᑎᒍᑦ): ᖁᔭᓐᓇᒦᒃ, ᐃᒃᓯᕙᐅᑖᖅ. ᒫᓐᓇ ᓄᓇᓕᓐᓂ ᐃᖅᑲᑐᐃᔨᕋᓛᓕᕆᔨᒃᑯᑦ ᕿᒥᕐᕈᔭᐅᔪᐃᑦ ᓈᓴᐅᑎᖏᑦ ᐊᓯᔾᔨᑲᓪᓚᖃᑦᑕᖅᓯᒪᔫᔮᕐᖓᑕ, ᑕᐃᒪᓕ ᑖᒃᑯᐊ ᕿᒥᕐᕈᐊᓚᐅᕐᓗᒋᑦ ᓇᓕᐊᓐᓄᑦ ᓄᓇᓕᒻᒨᓛᕐᒪᖔᑕ ᐋᖅᑭᔅᓯᒍᓐᓇᓛᖅᑐᒍᑦ, ᓇᓕᐊᓐᓂ ᓄᓇᓕᒻᒥ ᐱᓕᕆᐊᖃᓛᕐᒪᖔᑦᑕ. ᖁᔭᓐᓇᒦᒃ, ᐃᒃᓯᕙᐅᑖᖅ. ᐃᒃᓯᕙᐅᑕᖅ (ᑐᓵᔨᑎᒍᑦ): ᖁᔭᓐᓇᒦᒃ, ᒥᓂᔅᑕ ᕼᐃᒃᔅ. ᒪᓕᒐᓕᐅᖅᑏᑦ ᐊᐱᖅᑯᑎᔅᓴᖃᒃᑲᓂᖅᑳᑦ ᓄᓇᓕᓐᓂ ᐃᖅᑲᖅᑐᐃᔪᓕᕆᓂᕐᒥᒃ? ᒥᔅᑕ ᖃᒪᓂᖅ. ᖃᒪᓂᖅ: ᖁᔭᓐᓇᒦᒃ, ᐃᒃᓯᕙᐅᑖᖅ. ᐱᓕᕆᕕᓯ ᑎᑎᕋᕆᐊᙵᐅᑎᖏᑦ 2026-2027 ᑮᓇᐅᔭᖅᑐᕈᑎᔅᓴᐃᑦ ᐅᖃᖅᓯᒪᒻᒪᑕ ᑮᓇᐅᔭᖏᑦ ᓄᓇᓕᓐᓂ ᐃᖅᑲᖅᑐᐃᔪᓕᕆᔨᕋᓛᓕᕆᓂᕐᒧᑦ ᐊᖏᔪᖅᑳᖃᕐᕕᖓ ᐊᖏᓪᓕᒋᐊᖅᑕᐅᓂᐅᓯᒻᒪᑕ $1.073-ᒥᓕᐊᓐᓄᑦ ᑕᐃᑲᓃᔪᓪᓗᑎᑦ $2.677-ᒥᓕᐊᓐ 2026-2027 ᐊᕐᕌᒍᖓᓂ ᑕᑉᐸᐅᖓᖁᔭᐅᒻᒪᑕ $3.750-ᒥᓕᐊᓐ ᑕᕝᕙᓂ 2026-2027 ᐊᕐᕌᒍᖓᓂ. ᑖᓐᓇ 40%-ᒥ ᐃᓚᒋᐊᖅᓯᒐᓱᓐᓂᐅᒻᒪᑦ. ᖃᓄᖅ ᖃᐅᔨᓂᖅᑭᓯ ᑕᐃᒪᓐᓇ ᐃᓚᒋᐊᖅᑕᐅᒋᐊᖃᕐᖓᑕ? (ᑐᓵᔨᑎᒎᕈᓐᓃᖅᑐᖅ) ᖁᔭᓐᓇᒦᒃ. ᐃᒃᓯᕙᐅᑕᖅ (ᑐᓵᔨᑎᒍᑦ): ᖁᔭᓐᓇᒦᒃ, ᒥᔅᑕ ᖃᒪᓂᖅ. ᒥᓂᔅᑕ ᕼᐃᒃᔅ. ᐊᖓᔪᖅᑳᖅ ᔪᐊᔾ ᕼᐃᒃᔅ (ᑐᓵᔨᑎᒍᑦ): ᖁᔭᓐᓇᒦᒃ, ᐃᒃᓯᕙᐅᑖᖅ. ᐃᓚᖏᑦ ᖁᕝᕙᕆᐊᕋᓱᑦᑕᕗᑦ ᑭᐅᖃᑦᑕᖅᑲᐅᒐᒪᐃᓛᒃ ᓄᑖᓂᑦ ᐃᖅᑲᓇᐃᔭᖅᑏᑦ ᑲᑐᔾᔨᖃᑎᒌᖏᑦ ᐊᖏᖃᑎᒌᒍᑎᖃᕐᖓᑕ. ᐊᒻᒪᓗ ᐊᑕᐅᓯᖅ ᐃᖅᑲᓇᐃᔮᖅ ᖁᑭᐅᑎᓂᑦ ᑲᒪᑦᑎᐊᓂᕐᒧᑦ ᐃᓕᓴᐃᔨᐅᓪᓗᓂ ᐊᒻᒪ ᐃᒻᒥᓃᖅᑕᐃᓕᑎᑦᑎᓂᕐᒧᑦ ᑲᒪᔨᒥᑦ. ᐊᒻᒪ ᑳᓐᑐᕌᓯᓯᒪᒻᒥᒐᑦᑕ Pan Am Sports Clinic-ᑯᓐᓂᑦ ᓂᐊᖁᖓᒍᑦ ᐋᓐᓂᖅᓯᒪᔪᓂᑦ ᐱᓕᕆᐊᖃᖅᑎᓪᓗᒋᑦ, ᐊᒻᒪᓗ ᓄᓇᕗᒻᒥ ᕼᐋᒻᒪᓚᐃᑦ ᑲᑐᔾᔨᖃᑎᒌᖏᓐᓂ ᑮᒍᓐᓇᖅᑐᓂᑦ ᖁᑭᐅᑎᒃᑯᕕᓐᓂ ᑐᓂᓯᐅᖅᑲᐅᒍᓐᓇᖅᑎᑕᕗᑦ, ᐊᒻᒪᓗᑦᑕᐅᖅ ᖁᑭᐅᑎᒥᓕᕆᓂᕐᒥ ᐃᓕᓴᐃᔨᔅᓴᑖᕋᓱᐊᖅᑐᑎᑦ ᐱᓕᕆᒻᒥᒻᒪᑕ. ᖁᔭᓐᓇᒦᒃ, ᐃᒃᓯᕙᐅᑖᖅ. ᐃᒃᓯᕙᐅᑕᖅ (ᑐᓵᔨᑎᒍᑦ): ᖁᔭᓐᓇᒦᒃ, ᒥᓂᔅᑕ ᕼᐃᒃᔅ. ᐊᐱᖅᑯᑎᔅᓴᓕᑦᑕᖃᒃᑲᓂᖅᑳ? ᑕᑯᙱᓐᓇᒪ. ᐊᖏᖅᑭᓯᐅᒃ ᒪᓕᒐᓕᕆᔨᒃᑯᑦ ᓄᓇᓕᓐᓂ ᐃᖅᑲᖅᑐᐃᔪᓕᕆᔨᒃᑯᖏᑦ $7,811,000? ᐃᓚᖏᑦ ᑲᑎᒪᔩᑦ: ᐊᖏᖅᑐᑦ. ᐃᒃᓯᕙᐅᑕᖅ (ᑐᓵᔨᑎᒍᑦ): ᖁᔭᓐᓇᒦᒃ. ᐅᑎᕆᐊᓕᕐᒥᒋᔅᓯ E-3-ᒧᑦ. ᑲᑎᒪᔩᑦ ᐊᖏᖅᑭᓰ ᒪᓕᒐᓕᕆᔨᒃᑯᓐᓂ 2026- 2027 ᑮᓇᐅᔭᖅᑐᕈᑎᔅᓴᖏᓐᓂ, ᐊᐅᓚᒍᑎᔅᓴᖏᓐᓂ ᐋᖅᑭᐅᒪᒍᑎᔅᓴᖏᓐᓂ $182,814,000? ᐃᓚᖏᑦ ᑲᑎᒪᔩᑦ: ᐊᖏᖅᑐᑦ. ᐃᒃᓯᕙᐅᑕᖅ (ᑐᓵᔨᑎᒍᑦ): ᖁᔭᓐᓇᒦᒃ. ᑲᑎᒪᔩᑦ ᐊᖏᖅᑭᓰ ᐱᔭᕇᕋᑦᑎᒍ ᒪᓕᒐᓕᕆᔨᒃᑯᑦ ᐱᓕᕆᕕᒐ? ᐃᓚᖏᑦ ᑲᑎᒪᔩᑦ: ᐊᖏᖅᑐᑦ. ᐃᒃᓯᕙᐅᑕᖅ (ᑐᓵᔨᑎᒍᑦ): ᖁᔭᓐᓇᒦᒃ. ᒪᑐᓯᒍᑎᓂᑦ ᐅᖃᐅᓯᔅᓴᖃᖅᑮᑦ? ᒥᓂᔅᑕ ᕼᐃᒃᔅ. ᐊᖓᔪᖅᑳᖅ ᔪᐊᔾ ᕼᐃᒃᔅ (ᑐᓵᔨᑎᒍᑦ): ᖁᔭᓐᓇᒦᒃ, ᐃᒃᓯᕙᐅᑖᖅ ᑲᑎᒪᔩᓪᓗ. ᖁᔭᓐᓇᒦᒃ ᐊᐱᖅᓱᖃᑦᑕᕋᑖᕋᔅᓯ ᐅᓪᓗᒥ ᐃᑉᐸᓴᕐᓗ ᐊᒻᒪ ᖁᔭᒋᓪᓚᕆᑦᑕᒃᑲᑦᑕᐅᖅ ᐃᖅᑲᓇᐃᔭᖅᑎᒃᑲ ᐊᔅᓱᐊᓗᒃ ᐱᓕᕆᓯᒪᒻᒪᑕ ᑕᑯᔅᓴᐅᓇᑎᑦ ᐊᑐᐃᓐᓇᕈᖅᓴᐃᓪᓗᑎ ᑐᑭᓯᐅᒪᔾᔪᑎᓂᑦ ᑭᐅᔪᓐᓇᖅᑲᐅᒐᑦᑕ ᐊᐱᖅᑯᑎᓕᒪᐸᓗᓐᓂᑦ.

ᐊᐃᑉᐹ, ᔫᓂ 09, 2026 ᓄᓇᕗᒥ ᒪᓕᒐᓕᐅᕐᕕᒻᒧᑦ ᑲᑎᒪᔾᔪᑏᑦ 48 ᐃᓚᖏᓪᓗ ᑕᐃᒪ ᑭᐅᒋᐊᖃᓛᖅᑕᕗᑦ ᖃᐅᔨᒪᔭᕗᑦ ᑎᑎᖅᑲᒃᑯᑦ, ᑖᒃᑯᐊ ᐱᓕᕆᔨᒃᑲ ᑭᐅᑎᓛᖅᑲᒃᑲ ᐅᐊᑦᑎᐊᕉᓗᐊᙱᑦᑐᖅ. ᐃᒃᓯᕙᐅᑖᖅ, ᐱᒻᒪᕆᐊᓘᓂᕋᒃᑯᐃᓛᖅ ᐃᓕᓴᖅᓯᒍᑦᑕ ᖃᓄᐃᓕᐅᖅᑐᑕ ᑮᓇᐅᔭᓂᑦ ᐊᖏᕋᓱᑉᐸᒻᒪᖔᑦᑕ ᑕᐃᒫᓪᓗᑦᑕᐅᖅ ᑭᒃᑯᑦ ᓵᙵᔭᔅᓴᒫᖑᒻᒪᖔᑕ ᖃᐅᔨᒪᐃᓐᓇᕐᓂᐊᕋᑦᑕ. ᑲᑎᒪᔨᕋᓛᓄᓪᓗ ᐅᖃᐅᓯᐅᖃᑦᑕᕌᖅᑐᐃᑦ ᐃᑉᐸᓴᕐᓗ ᖃᐅᔨᒋᐊᑦᑎᐊᓛᖅᑲᒃᑲ, ᑕᑯᔅᓴᐅᑎᑦᑎᒍᓐᓇᓛᕋᑦᑕ ᐱᕙᓪᓕᐊᓂᕆᓯᒪᔭᑦᑎᓐᓂ. ᖁᔭᓐᓇᒦᒃ, ᐃᒃᓯᕙᐅᑖᖅ. >>ᐸᑦᑕᑐᖅᑐᑦ ᐃᒃᓯᕙᐅᑕᖅ (ᑐᓵᔨᑎᒍᑦ): ᖁᔭᓐᓇᒦᒃ, ᒥᓂᔅᑕ ᕼᐃᒃᔅ. ᐃᖅᓱᖅᑏ, ᐱᓕᕆᔨᖏᑦ ᐊᓂᑎᓚᐅᕐᒥᒃᑭᑦ. ᒫᓐᓇ 10 ᒥᓂᑦᓯᒥᒃ ᓄᖅᑲᖓᑲᐃᓐᓇᖅᑐᒍᑦ ᕿᒥᕐᕈᓂᐊᕋᑦᑕ 2026-2027-ᒥ ᑮᓇᐅᔭᖅᑐᕈᔅᓴᖏᓐᓂ ᐊᕙᑎᓕᕆᔨᒃᑯᑦ. >>ᑲᑎᒪᑐᐃᓐᓇᕐᓂᖅ ᓄᖅᑲᑲᐃᓐᓇᖅᑐᖅ 17:14 ᐊᒻᒪᓗ ᐱᒋᐊᒃᑲᓂᖅᑐᑦ 17:30 ᐃᒃᓯᕙᐅᑕᖅ (ᑐᓵᔨᑎᒍᑦ): ᖁᔭᓐᓇᒦᒃ. ᑐᙵᓱᒋᔅᓯ ᐅᑎᕋᔅᓯ. ᒥᓂᔅᑕ ᑯᓄ ᐊᐱᕆᔪᒪᓪᓗᒍ ᑕᑉᐹᓂ ᐃᒃᓯᕚᖃᑎᖃᕈᒪᒻᒪᖔᑦ? ᐊᖓᔪᖅᑳᖅ ᕗᕋᐃᔭᓐ ᑯᓄ (ᑐᓵᔨᑎᒍᑦ): ᖁᔭᓐᓇᒦᒃ, ᐃᒃᓯᕙᐅᑖᖅ. ᐄ’. ᐃᒃᓯᕙᐅᑕᖅ (ᑐᓵᔨᑎᒍᑦ): ᐊᖏᖅᐱᓰ ᑖᒃᑯᐊ ᐃᖅᑲᓇᐃᔭᖅᑎᖏᑦ ᑕᑉᐸᐅᙵᖃᑕᐅᖁᓪᓗᒋᑦ? ᐃᓚᖏᑦ ᑲᑎᒪᔩᑦ: ᐊᖏᖅᑐᑦ. ᐃᒃᓯᕙᐅᑕᖅ (ᑐᓵᔨᑎᒍᑦ): ᖁᔭᓐᓇᒦᒃ. ᐃᖅᓱᒃᑏ, ᐅᑯᐊ ᐃᓯᖅᑎᑲᐃᓐᓇᒃᑭᑦ. ᓂᐱᓕᐅᖅᑕᐅᓯᒪᓂᐊᕋᔅᓯ, ᑭᒃᑰᒻᒪᖔᑦ ᑖᒃᑯᐊ ᓇᓗᓇᐃᑲᐃᓐᓇᕐᓗᒋᑦ, ᒥᓂᔅᑕ ᑯᓄ, ᐊᒻᒪᓗ ᒪᑐᐃᖅᓯᒍᑎᓐᓅᕐᓗᑎᑦ. ᐊᖓᔪᖅᑳᖅ ᕗᕋᐃᔭᓐ ᑯᓄ (ᑐᓵᔨᑎᒍᑦ): ᖁᔭᓐᓇᒦᒃ, ᐃᒃᓯᕙᐅᑖᖅ. ᐅᑯᐊ ᐱᓕᕆᐊᕆᓂᐊᖅᑕᒃᑲ ᐊᐅᓚᔾᔪᑏᑦ ᒪᑭᒪᐅᑏᓪᓗ ᑲᒪᒋᒋᐊᕐᓂᐊᕋᒃᑭᑦ. ᑕᓕᖅᐱᓐᓂ ᒥᓂᔅᑕᐅᑉ ᐃᑲᔪᖅᑎᖓ ᑕᕝᕙᓃᑦᑐᖅ ᓇᐃᔫᒥ ᐸᓪᓗᖅ. ᐊᒻᒪᓗ ᓴᐅᒥᓐᓃᑦᑐᖅ ᒥᓂᔅᑕᐅᑉ ᑐᖏᓕᕆᑲᐃᓐᓇᖅᑕᖓ ᓯᑏᕙᓐ ᒫᓐᓱ ᐊᕙᑎᓕᕆᔨᒃᑯᓐᓄᑦ. ᐊᒻᒪ ᐹᓃᖃᑕᐅᒻᒥᔪᖅ ᓂᑭ ᐅᐃᔅ, ᑐᑭᒧᐊᒃᑎᑦᑎᔨᖓ ᑮᓇᐅᔭᓕᕆᔨᒃᑯᑦ ᐊᖏᔪᖅᑳᖓ; ᐊᒻᒪᓗ ᒥᔅ ᓕᐋᓐ ᐹᑉᔅᑳᑦ, ᑐᑭᒧᐊᒃᑎᑦᑎᔨᖓ ᐊᑐᐊᒐᐃᑦ ᒪᓕᒐᓂᓪᓗ ᑲᒪᖃᑦᑕᖅᑐᖅ ᑭᐅᖃᑕᐅᔪᓐᓇᖁᓪᓗᒍ ᒪᓕᒐᓕᐅᖅᑏᑦ ᐊᐱᖅᑯᑎᖏᓐᓂᒃ. ᒪᑐᐃᖅᓯᔾᔪᑎᓐᓅᕐᓗᖓ. ᐃᒃᓯᕙᐅᑖᖅ, ᐊᕙᑎᓕᕆᔨᒃᑯᑦ ᑐᒃᓯᕋᓚᐅᖅᐳᑦ ᑮᓇᐅᔭᓂ ᐊᑐᖅᑐᒃᓴᓂ 2026-2027-ᒧᑦ $29.4−ᒥᓕᐊᓂᒃ (29,392,000), $556,000−ᓂᒃ ᐅᓄᖅᓯᒋᐊᖅᓯᒪᔪᖅ 2025-2026−ᒥᑦ. ᑖᒃᑯᐊ ᐊᑭᑦᑐᕆᐊᕈᑕᐅᔪᒪᔪᑦ ᓴᖅᑭᓚᐅᖅᑐᑦ ᓄᑖᑦ ᐃᖅᑲᓇᐃᔭᖅᑏᑦ ᑲᑐᔾᔨᖃᑎᒌᖏᑕ ᐊᖏᖃᑎᒌᒍᑎᒋᓚᐅᖅᑕᖏᑦ ᑮᓇᐅᔾᔭᔅᓵᖏᑦ $556,000-ᓂᒃ ᐊᑭᑦᑐᕆᐊᕈᑕᐅᓪᓗᑎᒃ. ᐊᓯᐊᒍᑦ ᐃᖅᑲᓇᐃᔭᖅᑎᓄᑦ ᐋᔩᖃᑎᒌᖕᓂᕐᒧᑦ ᐊᒃᑐᐊᓂᓖᑦ ᐅᓄᖅᓯᒋᐊᖅᑕᐅᔪᑦ, ᐊᓯᖏᓐᓂᒃ ᐅᓄᖅᓯᒋᐊᖅᑐᖃᔾᔮᙱᓚᖅ ᐱᓕᕆᕝᕕᒋᔭᐅᔫᑉ 2026-2027−ᒥᑦ ᑮᓇᐅᔭᖅᑑᑎᒃᓴᖏᓐᓂᒃ. ᐱᓕᕆᕝᕕᒋᔭᐅᔪᒥ ᓱᓕ ᑲᒪᒋᔭᐅᓪᓗᐊᑕᖅᑐᖅ ᑲᒪᒋᔪᒪᓪᓗᒋᑦ ᐅᓄᕐᓂᖅᓴᑦ ᐊᕙᑎᑦᑎᓐᓂ ᐊᒃᓱᕈᕐᓇᖅᑐᒃᑰᕈᑕᐅᔪᑦ ᓄᓇᕗᒻᒥ. ᓄᓇᕘᓕᒫᒥ, ᓯᓚᐅᑉ ᐊᓯᔾᔨᖅᐸᓪᓕᐊᓂᖓᓄᑦ ᐊᒃᑐᐃᔪᑦ ᑕᑯᒃᓴᐅᕙᓪᓕᐊᑐᐃᓐᓇᓕᕐᒪᑕ, ᐊᒃᑐᐃᓪᓗᑎᒃ ᐊᐅᓚᔪᓐᓇᐅᑎᓂᒃ, ᐊᕙᑎᒥᒃ, ᖃᐅᑕᒫᓪᓗ ᐃᓅᓯᕆᔭᐅᔪᒥᒃ. ᐊᓯᔾᔨᖅᐸᓪᓕᐊᔪᑦ ᑲᒪᒋᓂᐊᕐᓗᒋᑦ

ᐊᐃᑉᐹ, ᔫᓂ 09, 2026 ᓄᓇᕗᒥ ᒪᓕᒐᓕᐅᕐᕕᒻᒧᑦ ᑲᑎᒪᔾᔪᑏᑦ 49 ᐃᓱᒪᒃᓴᖅᓯᐅᑦᑎᐊᖅᓯᒪᔭᕆᐊᖃᖅᐳᑦ ᑐᓴᐅᒪᑦᑎᐊᕐᓗᑎᒡᓗ ᐃᓱᒪᓕᐅᕆᔭᕆᐊᖃᖅᐳᑦ ᐸᕐᓇᐃᑦᑎᐊᖁᓪᓗᒋᑦ, ᑮᓇᐅᔭᓕᐅᕋᓱᒡᓗᑎᒃ, ᐃᑲᔪᖅᑐᐃᓗᑎᒡᓗ ᓄᓇᕗᒻᒥᐅᓂᒃ. ᓴᙱᒃᑎᒋᐊᕐᓗᒍ ᑖᓐᓇ ᐊᑐᖅᑕᐅᔪᖅ, ᐱᓕᕆᕝᕕᒋᔭᐅᔪᖅ ᒐᕙᒪᓕᒫᒥᑦ ᖃᐅᔨᓵᓂᒃᐳᑦ ᓯᓚᐅᑉ ᐊᑦᑕᕐᓇᕐᓂᖓᓂᒃ ᐱᕕᒃᓴᕆᔭᐅᔪᓂᒡᓗ. ᑕᒪᓐᓇ ᐱᓕᕆᐊᖑᔪᖅ ᒫᓐᓇ ᐃᑲᔪᖅᐸᓪᓕᐊᕗᖅ ᑐᓴᐅᒪᑦᑎᐊᕐᓗᑎᒃ ᐃᓱᒪᓕᐅᕆᓂᕐᒥᒃ ᐱᐅᓯᒋᐊᖅᑎᑦᑎᓗᑎᒡᓗ ᐃᓚᓕᐅᔾᔭᐅᔪᒥᒃ ᓯᓚᐅᑉ ᐊᓯᔾᔨᖅᐸᓪᓕᐊᓂᖓᓄᑦ ᐃᓱᒪᒋᔭᒃᓴᓂᒃ ᒐᕙᒪᒃᑯᓐᓂᓕᒫᖅ. ᐱᓕᕆᖃᑎᒌᖕᓂᖅ ᐱᓪᓗᐊᑕᐅᖏᓐᓇᖅᐳᖅ ᐱᓕᕆᐊᑦᑎᓐᓄᑦ ᐊᒃᑕᑯᓂᒃ ᐊᐅᓚᑦᑎᓂᕐᒧᑦ. ᐱᓕᕆᖃᑎᒋᓪᓗᒋᑦ ᓄᓇᕗᒻᒥ ᕼᐋᒻᒪᓚᐃᑦ ᑲᑐᔾᔨᖃᑎᒌᖏᑦ, ᐱᓕᕆᕝᕕᒃ ᓴᖅᑭᑦᑎᓚᐅᖅᐳᑦ ᐊᒃᑕᕐᕕᖕᓄᑦ ᐱᓕᕆᐊᖑᕙᓪᓕᐊᔪᒪᔪᓄᑦ ᐱᓕᕆᖃᑎᒌᒃᑐᓂᒃ ᓯᕗᒻᒧᐊᒃᑎᑦᑎᓪᓗᑎᒃ ᓄᓇᕘᓕᒫᒥ ᐊᒃᑕᑯᓂᒃ ᐊᐅᓚᑦᑎᓂᕐᒧᑦ ᐸᕐᓇᒍᑎᒥᒃ. ᑖᓐᓇ ᐱᓕᕆᐊᖑᕙᓪᓕᐊᔪᖅ ᐱᐅᓯᕚᓪᓕᖅᑎᑦᑎᕙᓪᓕᐊᓕᕇᖅᑐᖅ ᐊᐅᓚᑕᐅᓂᖓᓂᒃ ᕼᐋᒻᓚᒃᑯᑦ ᐃᓚᒋᓪᓗᒋᑦ ᐊᒻᒪᓗ ᓇᓗᓇᐃᖅᓯᕙᓪᓕᐊᓪᓗᑎᒃ ᐊᑐᖅᑕᐅᑦᑎᐊᕈᓐᓇᖅᑐᓂᒃ, ᓄᓇᓕᖕᓂᒃ-ᑐᓴᐅᒪᑎᑕᐅᔪᓂᒃ ᐋᖅᑭᒋᐊᕈᑎᒃᓴᓂᒃ ᐊᒃᑕᕐᕕᖕᓄᑦ ᐊᒃᓱᕉᑕᐅᔪᓄᑦ. ᖄᒃᑲᓐᓂᐊᒍᑦ ᑖᒃᑯᐊ ᐱᓕᕆᐊᖑᕙᓪᓕᐊᔪᒪᔪᑦ, ᐱᓕᕆᕝᕕᒋᔭᐅᔪᖅ ᑲᔪᓯᑎᑦᑎᕙᓪᓕᐊᖏᓐᓇᖅᐳᖅ ᒪᓕᒐᒃᓴᓪᓗᐊᑕᖓᓂ ᒪᓕᒋᐊᓕᖕᓂᓪᓗ ᑲᒪᒋᔭᒃᓴᖏᓐᓂᒃ. ᐱᖃᓯᐅᑎᓪᓗᒍ ᐆᒪᔪᓕᕆᓂᕐᒧᑦ ᐱᖁᔭᕐᒥᒃ ᐊᐅᓚᑦᑎᓂᖅ, ᐆᒪᔪᓕᕆᓂᕐᒥᒃ ᐊᐅᓚᑦᑎᖃᑎᒌᒃᑐᑦ ᓄᓇᕗᒻᒥ ᐊᖏᖃᑎᒌᒍᑎᐅᑉ ᐊᑖᒍᑦ, ᒪᓕᒡᓗᒋᓪᓗ ᓄᓇᕗᑦ ᒐᕙᒪᒃᑯᑦ ᐱᓕᕆᐊᒃᓴᖏᑦ ᒐᕙᒪᑐᖃᒃᑯᑦ ᒪᓕᒐᖏᑎᒍᑦ, ᐊᒻᒪᓗᑦᑕᐅᖅ ᑲᓇᑕᓕᒫᒥ ᓄᓇᕐᔪᐊᓕᒫᒥᓗ ᐊᖏᖃᑎᒌᒍᑕᐅᓯᒪᔪᑦ ᑲᑎᒪᕕᒡᔪᐊᕐᓂᕐᓗ. ᑕᕝᕙᓂ ᐱᔭᒃᓴᕆᔭᐅᔪᒥ, ᐆᒪᔪᓂᒃ ᓄᖑᕋᐃᓗᐊᙱᓐᓂᖅ−ᐱᓗᐊᖅᑐᒥ ᑐᒃᑐᓂᒃ ᐊᐅᓚᑦᑎᓂᖅ−ᓱᓕ ᓯᕗᓪᓕᐅᔾᔭᐅᖏᓐᓇᖅᐳᖅ. ᐊᕙᑎᓕᕆᔨᒃᑯᑦ ᐱᓕᕆᕙᓪᓕᐊᕗᑦ ᑭᖑᓪᓕᖅᐹᖅᓯᐅᑎᒥᒃ ᐃᓗᐃᓪᓕᕐᒥ ᑐᒃᑐᓂᒃ ᖃᐅᔨᓴᕈᑎᒥᒃ 2026−ᒥᑦ ᖃᐅᔨᓴᖅᐸᓪᓕᐊᖏᓐᓇᖅᖢᑎᒡᓗ ᑐᒃᑐᓂᒃ ᖃᖓᑦᑕᖅᑎᑕᐅᓯᒪᔪᒃᑯᑦ ᖃᐅᔨᓴᕈᑎᒃᑯᑦ ᐱᓕᕆᐊᖑᔪᓂᒃ ᑭᕙᓪᓕᕐᒥ ᕿᑭᖅᑖᓗᖕᒥᓗ. ᐅᖃᖃᑎᖃᖃᑦᑕᐃᓐᓇᕐᓂᐊᕆᕗᒍᑦ ᐊᒃᑐᖅᑕᐅᓯᒪᔪᓂᒃ ᓄᓇᓕᖕᓂ ᐊᖑᓇᓱᒃᑐᓕᕆᔨᒃᑯᑦ ᐊᕕᒃᑐᖅᓯᒪᔪᓂᓪᓗ ᐆᒪᔪᓕᕆᔨᒃᑯᑦ ᑐᓴᐅᒪᑎᑕᐅᑦᑎᐊᖏᓐᓇᖁᓪᓗᒋᑦ ᖃᐅᔨᓴᖅᐸᓪᓕᐊᔭᖏᓐᓂᒃ ᐊᒻᒪ ᖃᐅᔨᔭᐅᕙᓪᓕᐊᔪᓂᒃ. ᓄᓇᓕᖕᓂ ᐅᖃᖃᑎᖃᖃᑦᑕᓂᐊᖅᑐᒍᑦ ᐊᒻᒪᓗ ᓴᖅᑮᓗᑕ ᑕᓪᓗᕈᑎᐅᑉ ᐃᒪᖓᓂ ᓇᓄᕐᓂᒃ ᖃᐅᔨᓴᕈᑎᓂᒃ ᖁᑦᑎᑦᑑᑉ ᓄᓇᓕᖏᓐᓂᒃ. ᐱᓕᕆᕝᕕᒋᔭᐅᔪᖅ ᐸᕐᓇᐃᕙᓪᓕᐊᒋᕗᑦ ᑲᔪᓯᑎᑦᑎᔪᒪᓪᓗᑎᒃ ᑭᕙᓪᓕᕐᒥ ᐊᒪᖅᑯᓂᒃ ᖁᖓᓯᕈᓕᖅᓱᐃᓂᕐᒥᒃ ᖃᐅᔨᓴᕈᒪᓪᓗᑎᒃ ᐊᑑᑎᖃᑦᑎᐊᕐᒪᖔᑦ ᐊᒪᖅᑯᓂᒃ ᐊᖑᓇᓱᖕᓂᕐᒧᑦ ᐱᓕᕆᐊᖑᔪᖅ ᐊᒃᑐᐃᑐᐃᓐᓇᕆᐊᖃᕐᓂᖓᓂᓪᓗ ᑐᒃᑐᐃᑦ ᐅᑎᖅᐸᓪᓕᐊᓂᖏᓐᓂᒃ ᐊᕕᒃᑐᖅᓯᒪᔪᓂ. ᓯᕗᒧᑦ ᑕᑯᒋᐊᕐᓗᑕ, ᐱᓕᕆᕝᕕᐅᑉ ᐱᓕᕆᐊᖏᑦ ᑐᑭᒧᐊᒃᑎᑕᐅᖏᓐᓇᕐᓂᐊᖅᑐᑦ ᐃᓄᐃᑦ ᖃᐅᔨᒪᔭᑐᖃᖏᓐᓂᑦ ᖃᐅᔨᓴᖅᑎᒻᒪᕆᖕᓂᓪᓗ ᖃᐅᔨᓴᖅᑕᐅᔪᓂᑦ. ᐊᔾᔨᒌᒥᒃ ᐱᓕᕆᐊᖑᓂᐊᖅᑐᖅ ᐃᑲᔪᖅᑐᐃᕗᖅ ᐱᕙᓪᓕᐊᑎᑦᑎᑦᑎᐊᕐᓗᓂ ᑐᕌᒐᑦᑎᓐᓂ ᒪᓕᑦᑎᐊᖅᑎᑦᑎᓗᓂᓗ ᐊᓯᔾᔨᖅᐸᓪᓕᐊᕙᒃᑐᓂᑦ ᐱᔭᐅᔭᕆᐊᓕᖕᓂᑦ ᓄᓇᕘᒥ ᑲᔪᓰᓐᓇᕈᓐᓇᖅᑐᓂᑦ ᑲᒪᒋᔭᖃᑦᑎᐊᕐᓗᑎᒡᓗ. ᐃᒃᓯᕙᐅᑖᖅ, ᖁᔭᓐᓇᒦᒃ ᐅᖃᕈᓐᓇᖅᑎᑕᐅᒐᒪ ᐅᓪᓗᒥ ᓇᓗᓇᐃᖅᓯᓗᖓᓗ ᐱᓕᕆᕝᕕᐅᑉ ᓯᕗᓪᓕᐅᑎᔪᒪᔭᖏᓐᓂᒃ. ᐊᐱᖅᑯᑎᒃᓴᖃᕈᓯ ᖁᕕᐊᓱᖕᓂᐊᖅᐳᖓ ᑭᐅᔭᕆᐊᒃᓴᖅ. ᖁᔭᓐᓇᒦᒃ. ᐃᒃᓯᕙᐅᑕᖅ (ᑐᓵᔨᑎᒍᑦ): ᖁᔭᓐᓇᒦᒃ, ᒥᓂᔅᑕ ᑯᓄ. ᑲᑎᒪᔨᕋᓛᑦ ᐃᒃᓯᕙᐅᑕᖓ ᐅᖃᐅᓯᒃᓴᖃᖅᐹ? ᐊᑏ’, ᒥᔅᑕ ᒪᐃᒃ. ᒪᐃᒃ: ᖁᔭᓐᓇᒦᒃ, ᐃᒃᓯᕙᐅᑖᖅ. ᒫᓐᓇ ᐅᖃᕆᐊᙵᐅᑎᒋᓂᐊᖅᑕᒃᑲ ᑖᒃᑯᐊ ᑭᒡᒐᑐᕐᓗᒋᑦ ᑲᑎᒪᔨᕋᓛᑦ ᓄᓇᓕᓐᓂ ᐱᕙᓪᓕᐊᔪᓕᕆᓂᕐᒧᑦ ᑐᕌᖓᔪᓂᑦ ᕿᒥᕐᕈᓂᖅ ᑖᔅᓱᒧᖓ ᑐᒃᓯᕋᐅᑕᐅᔪᒧᑦ 2026-2027 ᐊᒻᒪᓗ 2026-2030 ᐸᕐᓇᐅᑕᐅᔪᖅ ᑖᒃᑯᓄᖓ ᐊᕙᑎᓕᕆᔨᒃᑯᓐᓄᑦ.

ᐊᐃᑉᐹ, ᔫᓂ 09, 2026 ᓄᓇᕗᒥ ᒪᓕᒐᓕᐅᕐᕕᒻᒧᑦ ᑲᑎᒪᔾᔪᑏᑦ 50 ᑖᒃᓱᒪ ᐱᓕᕆᕕᐅᔫᑉ ᑐᒃᓯᕌᖏᑦ 2026-2027-ᒥ ᐊᐅᓚᒍᑎᒃᓴᑦ ᐋᖅᑭᐅᒪᑎᑦᑎᒍᑎᒃᓴᓪᓗ ᐊᑐᕈᒫᕐᓂᐊᖅᑐᑦ $29,392,000−ᖑᒻᒪᑕ. ᑖᓐᓇ ᐊᖏᓂᖅᓴᐅᓪᓗᓂ 1.9%-ᒥᑦ 2025-2026-ᒥ ᑮᓇᐅᔭᓕᕆᔾᔪᑎᑦ ᐊᕐᕌᒍᖓᓂ ᑐᒃᓯᕌᕆᔪᔭᖏᓐᓂᑦ. ᐱᓕᕆᕕᐅᑉ ᐃᖅᑲᓇᐃᔮᖁᑎᖏᑦ ᐊᓯᔾᔨᑕᐅᔾᔮᖏᑦᑐᑦ 144.5-ᖑᓪᓗᑎᒃ. ᒪᓕᒐᓕᐅᖅᑏᑦ ᐃᓱᒫᓘᑎᒥᓂᒃ ᐃᓱᒫᓗᓇᖅᑐᓂᓪᓗ ᐅᖃᐅᓯᖃᖃᑦᑕᔪᔪᑦ ᒥᓂᔅᑕᐅᑉ ᓴᖅᑭᔮᕋᑖᕐᓂᕆᔪᔭᖓᓂ ᑲᑎᒪᔨᕋᓛᑦ ᓵᖓᓂ. ᐱᓕᕆᕕᖓᑦ ᐊᕙᑎᓕᕆᔨᒃᑯᑦ ᑲᒪᔨᐅᒻᒪᑕ ᒐᕙᒪᒃᑯᑦ ᓯᓚᐅᑉ ᐊᓯᔾᔨᐸᓪᓕᐊᓂᖓᓄᑦ ᐊᓪᓚᕝᕕᐅᔪᒥᑦ. ᑖᒃᓱᒪ ᐊᓪᓚᕝᕕᐅᑉ 2018-2019-ᒥ ᐊᕐᕌᒍᑕᒫᖅᓯᐅᑎᖏᑦ ᐅᓂᒃᑳᓕᐊᒥᓃᑦ ᒪᓕᒐᓕᐅᖅᕕᒻᒨᖅᑕᐅᔪᒻᒪᑕ ᓄᕕᐱᕆ 3, 2020-ᒥ. ᐊᓯᖏᓐᓂᑦ ᐊᕐᕌᒍᑕᒫᖅᓯᐅᑎᓂᑦ ᐅᓂᒃᑳᓕᐊᒥᓂᕐᓂᑦ ᒪᓕᒐᓕᐅᖅᕕᒻᒧᑦ ᑐᓂᓯᔪᖃᖅᓯᒪᓐᖏᑦᑐᖅ ᑕᐃᒪᓐᖓᓂᑦ. ᑖᒃᓱᒪ ᐱᓕᕆᕕᐅᔫᑉ 2026-2030-ᒥ ᐱᓕᕆᐊᒃᓴᓄᑦ ᐸᕐᓇᐅᑎᖓ ᓇᓗᓇᐃᖅᓯᓯᒪᒻᒪᑦ ᐃᓚᖓᑦᒎᖅ ᓯᕗᓪᓕᐅᑎᓐᓂᐊᖅᑕᖏᓐᓄᑦ 2026-2027-ᒥ ᑮᓇᐅᔭᓕᕆᔾᔪᑎᑦ ᐊᕐᕌᒍᖓᓂ ᑕᒪᓐᓇᐅᒻᒪᑦ “ᓴᓇᓗᑎᒃ ᓄᓇᕗᓕᒫᒧᑦ ᑐᕌᖓᔪᒥᑦ ᐆᒻᒪᖅᑯᑎᓄᑦ ᑐᑭᒧᐊᒍᑎᒃᓴᕐᓂᑦ.” ᒪᓕᒐᓕᐅᖅᑏᑦ ᐱᒻᒪᕆᐅᓂᕋᐃᔪᑦ ᑖᓐᓇ ᐱᓕᕆᕕᐅᔪᖅ ᐱᓕᕆᖃᑎᖃᖅᐸᑦ ᖁᓪᓕᖅ ᐆᒻᒪᖅᑯᑎᓕᕆᓂᕐᒧᑦ ᑯᐊᐳᕇᓴᐅᔪᒥᑦ ᐱᕙᓪᓕᐊᑎᑦᑎᑎᓪᓗᒋᑦ ᑐᑭᒧᐊᒍᑎᒃᓴᕐᓂᑦ ᐊᒻᒪᓗ ᐱᒪᕆᐅᓂᕋᐃᓪᓗᑎᒃ ᓯᕗᓪᓕᐅᑎᑦᑎᑉᐸᑕ ᑮᓇᐅᔭᓂᑦ ᐃᓕᐅᖅᑲᐃᓗᑎᒃ ᑐᕌᖓᔪᓂᑦ ᒫᓐᓇᓕᓴᐅᔪᓂᑦ ᑐᕚᕆᔭᒃᓴᐅᔪᓂᓪᓗ ᖃᐅᒪᓕᐅᕈᑎᖃᕐᓂᕐᒥᑦ ᓄᓇᓕᓕᒫᖏᓐᓂ ᓄᓇᕗᑦ. ᑖᒃᓱᒪ ᐱᓕᕆᕕᐅᔫᑉ ᑐᒃᓯᕌᖏᑦ 2026-2027-ᒥ ᑮᓇᐅᔭᖅᑐᕈᑎᒃᓴᑦ ᒥᒃᓴᐅᓯᔭᐅᓯᒪᔪᑦ ᐃᓚᖃᕐᒪᑕ $500,000−ᓂᑦ ᑮᓇᐅᔭᓂᑦ ᑐᕌᖓᔪᓂᑦ ᐃᒻᒥᒃᑯᑦ ᐆᒻᒪᖅᑯᑎᓕᐅᖅᑎᓄᑦ ᐃᑲᔪᖅᓰᓂᕐᒧᑦ ᐱᓕᕆᓂᐅᔪᒧᑦ, ᑖᓐᓇᓗ ᓴᖅᑭᖅᑕᐅᓚᐅᖅᓯᒪᒻᒪᑦ 2025-2026-ᒥ ᑮᓇᐅᔭᓕᕆᔾᔪᑎᑦ ᐊᕐᕌᒍᖓᓂ. ᒪᓕᒐᓕᐅᖅᑏᑦ ᑲᔪᖏᖅᓴᐃᕗᑦ ᒥᓂᔅᑕᐅᔪᒥᑦ ᐅᓂᒃᑳᖃᓚᐅᖃᑦᑕᖁᔭᐅᓪᓗᓂ ᒪᓕᒐᓕᐅᖅᕕᒻᒧᑦ ᖃᓄᖅ ᐊᐅᓚᑕᐅᒻᒪᖔᖅ ᑖᓐᓇ ᐱᓕᕆᓂᐅᔪᖅ. (ᑐᓵᔨᑎᒎᓕᖅᑐᖅ) ᑖᒃᓱᒪ ᐱᓕᕆᕕᐅᔫᑉ ᐃᑲᔪᖅᓰᒍᑎᖏᑦ ᐊᖑᓇᓱᑦᑎᓂᑦ ᐆᒪᔪᓂᓪᓗ ᐊᐅᓚᑦᑎᖃᑎᒌᓐᓂᕐᒧᑦ ᐊᑐᐊᒐᖅ ᐊᖏᖅᑕᐅᔪᒻᒪᑦ ᒪᐃ 2017-ᒥ ᐊᒻᒪᓗ ᐃᓱᓕᔪᓪᓗᓂ ᒫᑦᓯ 31, 2022-ᒥᔭ ᑖᓐᓇ ᐱᓕᕆᕕᐅᔪᖅ ᖃᖓ ᐊᓯᓃᓛᕐᒪᖔᖅ ᐅᕝᕙᓘᓐᓃᑦ ᓄᑖᕈᕆᐊᖅᓯᓛᕐᒪᖔᖅ ᐊᑐᐊᒐᐅᔪᒥᑦ ᓱᓕ ᑐᑭᓯᓇᖅᓯᓯᒪᓐᖏᑦᑐᖅ. ᒪᓕᒐᓕᐅᖅᑏᑦ ᐱᒪᕆᐅᓂᕋᐃᒻᒪᑕ ᖃᐅᔨᒪᓇᓱᐊᕐᓂᕐᒥᑦ ᒐᕙᒪᒃᑯᑦ ᐊᑐᐊᒐᖁᑎᓕᒫᖏᑦ ᑐᑭᓯᓇᑦᑎᐊᖅᑐᒥᑦ ᓇᓗᓇᐃᖅᓯᓯᒪᒐᓗᐊᕐᒪᖔᑕ ᐊᑐᕋᒃᓴᐅᖏᓐᓇᕐᓂᖏᓐᓂᑦ ᐅᓪᓗᖅ ᐃᓱᓕᒃᕕᒃᓴᒥᓂᖓ ᐊᓂᒍᖅᓯᒪᓕᖅᑎᓪᓗᒍ. ᐊᒥᓱᑲᓪᓚᐃᑦ ᑮᓇᐅᔭᖅᑖᖅᕕᐅᔪᓐᓇᖅᑐᑦ ᐱᓕᕆᓂᐅᔪᑦ ᐊᑖᓃᒻᒪᑕ ᐃᑲᔪᖅᓰᒍᑎᖏᑦ ᐊᖑᓇᓱᑦᑎᓂᑦ ᐆᒪᔪᓂᓪᓗ ᐊᐅᓚᑦᑎᖃᑎᒌᓐᓂᕐᒧᑦ ᐊᑐᐊᒐᐅᔪᒥ. ᓱᓕ ᐊᑐᓕᖁᔩᓐᓇᖅᐳᑦ ᑖᓐᓇ ᒥᓂᔅᑕᖓ ᐱᒋᐊᖁᔭᐅᓪᓗᓂ ᒪᓕᒐᓕᐅᖅᕕᒻᒨᖅᓯᖃᑦᑕᓂᕐᒥᑦ ᐃᓗᓕᖅᑐᔪᓂᑦ ᐊᕐᕌᒍᑕᒫᖅᓯᐅᑎᓂᒃ ᐅᓂᒃᑳᓕᐊᒥᓂᕐᓂᑦ ᐅᖃᐅᓯᖃᖅᑐᓂᑦ ᖃᓄᖅ ᐊᐅᓚᑕᐅᒻᒪᖔᖅ ᐃᑲᔪᖅᓰᒍᑎᖏᑦ ᐊᖑᓇᓱᑦᑎᓂᑦ ᐆᒪᔪᓂᓪᓗ ᐊᐅᓚᑦᑎᖃᑎᒌᓐᓂᕐᒧᑦ ᐊᑐᐊᒐᐅᔪᖅ. (ᑐᓵᔨᑎᒎᕈᓐᓃᖅᑐᖅ) ᓄᓇᕘᑉ ᐅᓪᓗᒥᐅᔪᖅ ᐆᒪᔪᓕᕆᓂᕐᒧᑦ ᐱᖁᔭᕐᔪᐊᖓ ᑲᔪᓯᑎᑕᐅᓚᐅᖅᓯᒪᒻᒪᑦ ᒪᓕᒐᓕᐅᖅᕕᒻᒥ 2003-ᒥ. (ᑐᓵᔨᑎᒎᓕᖅᑐᖅ) ᐃᓗᓕᖏᑦ ᓈᓴᐅᑎᓖᑦ 176-ᒥᑦ ᐱᖁᔭᐅᔪᒥ ᐱᔭᕆᐊᖃᖅᑎᑎᒻᒪᑦ ᒥᓂᔅᑕᐅᔪᒥᑦ ᐊᑐᐃᓐᓇᕈᐃᓗᓂ ᓴᖅᑭᖅᓯᓗᓂᓗ ᒪᓕᒐᓕᐅᖅᕕᒻᒧᑦ ᐃᓗᓕᖅᑐᔪᓂᑦ ᐅᓂᒃᑳᓕᐊᒥᓂᕐᓂᑦ ᐊᕐᕌᒍᑦ ᑕᓪᓕᒪᑦ ᓈᓂᖅᑕᒫᖏᓐᓂ ᐱᔾᔪᑎᖃᖅᑐᓂᑦ ᐆᒪᔪᓂᑦ ᐊᐅᓚᑦᑎᓂᕐᒧᑦ ᐱᓕᕆᓂᐅᔪᓂᑦ ᐊᒻᒪᓗ ᑕᒪᑐᒧᖓ ᐊᑦᑐᐊᓂᖃᖅᑐᓂᑦ ᐱᓕᕆᓂᐅᔪᓂᑦ. ᑕᐃᓐᓇ ᒫᓐᓇᓕᓴᐅᓛᖅ ᑕᓪᓕᒪᓄᑦ ᐊᕐᕌᒍᓄᑦ ᐅᓂᒃᑳᓕᐊᒥᓂᖅ ᒪᓕᒐᓕᐅᖅᕕᒻᒨᖅᑕᐅᔪᒻᒪᑦ ᒪᐃ 29, 2025-ᒥ. (ᑐᓵᔨᑎᒎᕈᓐᓃᖅᑐᖅ) ᑖᒃᓱᒪ ᐱᓕᕆᕕᐅᔫᑉ 2026-2030-ᒥ ᐱᓕᕆᐊᒃᓴᓄᑦ ᐸᕐᓇᐅᑎᖓ ᓇᓗᓇᐃᖅᓯᓯᒪᒻᒪᑦ ᐱᓕᕆᐊᖃᓛᕐᒪᑕ ᐊᒥᓱᑲᓪᓚᓐᓂᑦ ᐆᒪᔪᓂᑦ ᖃᐅᔨᓴᕐᓂᕐᒧᑦ ᐊᒻᒪᓗ ᐊᐅᓚᑦᑎᓂᕐᒧᑦ ᐱᒋᐊᖅᑎᑕᐅᓛᖅᑐᓂᑦ ᐊᒡᒋᖅᑐᒥ ᑮᓇᐅᔭᓕᕆᔾᔪᑎᑦ ᐊᕐᕌᒍᖓᓂ, ᐱᖃᓯᐅᔾᔭᐅᓗᓂ ᐱᓕᕆᓂᐅᔪᑦ “ᐱᕙᓪᓕᐊᑎᑦᑎᓗᑎᒃ ᕿᑭᖅᑖᓘᑉ ᑐᒃᑐᖏᓐᓂ ᖃᐅᔨᓴᖃᑦᑕᓂᕐᒧᑦ ᑐᑭᒧᐊᒍᑎᒃᓴᕐᓂᑦ ᐃᓚᓕᐅᔾᔨᓯᒪᔪᓂᑦ ᐃᓄᐃᑦ ᖃᐅᔨᒪᔭᑐᖃᖏᓐᓂᑦ ᐊᒻᒪᓗ ᖃᐅᔨᓴᖅᑏᑦ ᖃᐅᔨᒪᔭᖏᓐᓂᑦ ᖃᐅᔨᒪᒐᓱᐊᖃᑦᑕᕐᓗᑎᒃ ᐊᒥᓱᕈᖅᐹᓕᕐᓂᖏᓐᓂᑦ ᑐᒃᑐᐃᑦ ᑕᒫᓂ.” ᑲᑎᒪᔨᕋᓛᑦ

ᐊᐃᑉᐹ, ᔫᓂ 09, 2026 ᓄᓇᕗᒥ ᒪᓕᒐᓕᐅᕐᕕᒻᒧᑦ ᑲᑎᒪᔾᔪᑏᑦ 51 ᑲᔪᖏᖅᓴᐃᕗᑦ ᐱᓕᕆᕕᐅᔪᒥᑦ ᖃᐅᔨᒪᓇᓱᐊᖁᔭᐅᓪᓗᓂ ᑕᒪᒃᑯᐊ ᖃᐅᔨᔭᐅᓯᒪᔪᑦ ᖃᐅᔨᓴᕐᓂᒃᑯᑦ ᑭᒃᑯᓕᒫᓄᑦ ᓴᖅᑭᖅᑕᐅᖁᔭᐅᓪᓗᑎᒃ ᑭᖑᕙᖅᓯᒪᓐᖏᓪᓗᑎᒃ. (ᑐᓵᔨᑎᒎᓕᖅᑐᖅ) ᒪᓕᒐᓕᐅᖅᑏᑦ ᐃᓱᒫᓘᑎᖃᖃᑦᑕᖅᓯᒪᒻᒪᑕ ᐊᑯᓂᐊᓗᒃ ᐃᖅᑲᓇᐃᔮᓂᑦ ᐃᓐᓄᒃᑕᐅᓯᒪᓐᖏᑦᑐᓂᑦ ᑖᒃᓱᒪ ᐱᓕᕆᕕᐅᔫᑉ ᐆᒪᔪᓂᑦ ᖃᐅᔨᓴᖅᑎᖏᑕ ᐊᕕᑦᑐᖅᓯᒪᓂᖓᓂ. ᒪᓕᒐᓕᐅᖅᕕᒃ ᐃᒃᓯᕙᓂᖃᖅᑎᓪᓗᒍ ᓯᑎᐱᕆ 17, 2025-ᒥ, ᒪᓕᒐᓕᐅᖅᑏᑦ ᖃᐅᔨᒃᑲᖅᑕᐅᔪᒻᒪᑕ ᑖᓐᓇ ᐱᓕᕆᕕᒃ “ᐱᓕᕆᖃᑎᖃᖅᓯᒪᒻᒪᑦ ᒐᕙᒪᑐᖃᒃᑯᓐᓂᑦ ᐊᐅᓪᓛᖅᑎᕆᓪᓗᑎᒃ ᐆᒪᔪᓂᑦ ᖃᐅᔨᓴᖅᑎᑦ ᐊᓪᓚᕝᕕᖓᓂᑦ ᐃᒡᓗᓕᖕᒥᑦ ᑲᓇᑕᐅᑉ ᐅᑭᐅᖅᑕᖅᑐᖓᓂ ᖃᐅᔨᓴᖅᕕᐅᔪᒧᑦ ᐃᖃᓗᑦᑑᑦᑎᐊᒥ, ᐊᒻᒪᓗ ᑐᑭᓯᐅᒪᖃᑎᒌᓐᓂᕐᒧᑦ ᐊᖏᖃᑎᒌᒍᑎ ᐊᑎᓕᐅᖅᑕᒥᓂᐅᓪᓗᓂ ᒫᑦᓯ 2025-ᒥ.” ᑲᑎᓪᓗᒋᑦ ᐃᖅᑲᓇᐃᔮᖁᑎᖏᑦ ᑖᒃᓱᒪ ᐱᓕᕆᕕᐅᔫᑉ ᐆᒪᔪᓂᑦ ᖃᐅᔨᓴᖅᑎᖏᑕ ᐊᕕᑦᑐᖅᓯᒪᓂᖓᓂ 23.0−ᖑᒻᑕ. ᑖᓐᓇ ᐊᓯᔾᔨᖅᓯᒪᓐᖏᑦᑐᖅ 2025-2026-ᒥ ᑮᓇᐅᔭᓕᕆᔾᔪᑎᑦ ᐊᕐᕌᒍᖓᓂ ᐃᖅᑲᓇᐃᔮᖁᑎᒋᔪᔭᖏᓐᓂᑦ. ᓄᓇᕗᑦ ᒐᕙᒪᖓᑕ ᐊᕐᕌᒍᒥ ᑎᓴᒪᐃᕋᖅᑐᓂ ᐅᓂᒃᑳᓕᐊᕆᕙᑦᑕᖏᓐᓂ ᐃᖅᑲᓇᐃᔭᖅᑎᑕᐅᔪᓂᑦ ᓇᓗᓇᐃᖅᓯᓯᒪᒻᒪᑕ ᖃᑦᑎᐅᓂᖏᑦ ᐃᖅᑲᓇᐃᔮᑦ ᐃᒡᓗᓕᖕᒥ ᐊᓪᓚᕝᕕᖓᓂ ᖃᑦᑏᓇᕈᕆᐊᖅᑕᐅᓯᒪᒻᒪᑕ 14.0-ᒥᑦ ᑕᒪᐅᖓ 6.0-ᒧᑦ. ᐃᖅᑲᓇᐃᔮᑦ ᖃᑦᑎᐅᓂᖏᑦ ᐃᖃᓗᑦᑑᑦᑎᐊᒥ ᐊᓪᓚᕝᕕᖓᓂ ᐊᒥᓱᕈᕆᐊᖅᑕᐅᓯᒪᓪᓗᑎᒃ 3.5-ᒥᑦ ᑕᒪᐅᖓ 10.5-ᒧᑦ. ᒪᓕᒐᓕᐅᖅᑏᑦ ᑐᓴᕈᒪᓛᖅᐳᑦ ᖃᓄᐃᓕᖓᓕᕐᒪᖔᑕ ᓇᓗᓇᐃᖅᑐᐃᔾᔪᑎᓂᑦ ᑖᒃᓱᒪ ᐱᓕᕆᕕᐅᔫᑉ ᐱᓕᕆᓯᒪᓂᕆᔭᖏᓐᓂᑦ ᐃᓐᓄᒃᓯᒐᓱᐊᖅᑐᑎᒃ ᑖᒃᑯᓂᖓ ᐃᖅᑲᓇᐃᔮᓂᑦ. ᑲᑎᒪᔨᕋᓛᑦᑕᐅᖅ ᓂᕆᐅᑦᑎᐊᕐᒥᔪᑦ ᑖᓐᓇ ᐱᓕᕆᕕᐅᔪᖅ ᑲᔪᓯᓛᕐᓂᕆᔭᖓᓂᑦ ᓄᑖᖑᔪᒥᑦ ᐆᒪᔪᓂᑦ ᐸᖅᑭᑦᑎᔨᐅᓂᕐᒧᑦ ᐱᓕᕆᓂᐅᔪᒥᑦ. ᒥᓂᔅᑕᖓ ᐊᕙᑎᓕᕆᔨᒃᑯᑦ ᑲᒪᔨᐅᒻᒪᑕ ᐊᐅᓚᑕᐅᓂᖓᓂᑦ ᓄᓇᕘᑉ ᐊᕙᑎᒥᑦ ᓴᐳᒻᒥᑦᑎᓂᕐᒧᑦ ᐱᖁᔭᕐᔪᐊᖓᓂ, ᑖᓐᓇ ᐃᓚᖃᖅᑐᓂ ᑎᑎᕋᖅᓯᒪᓂᐅᔪᓂᑦ ᐱᔾᔪᑎᖃᖅᑐᓂᑦ ᐃᓕᐅᖃᐃᖃᑦᑕᖅᑐᓂᑦ ᓱᕈᕐᓇᖅᑐᓂᑦ ᐊᕙᑎᒧᑦ. ᑲᑎᒪᔨᕋᓛᑦ ᓱᓕ ᑲᔪᖏᖅᓴᐃᕗᑦ ᑖᓐᓇ ᒥᓂᔅᑕᖓ ᐱᒋᐊᖁᔭᐅᓪᓗᓂ ᓴᖅᑭᖅᓯᖃᑦᑕᓂᕐᒥᑦ ᐊᕐᕌᒍᑕᒫᖅᓯᐅᑎᓂᑦ ᐅᓂᒃᑳᓕᐊᒥᓂᕐᓂᑦ ᐃᓗᓕᖃᖅᑐᓂᑦ ᑐᑭᓯᐅᒪᔾᔪᑎᒃᓴᓂᑦ ᐱᔾᔪᑎᖃᖅᑐᓂᑦ ᖃᓄᖅ ᐊᐅᓚᑕᐅᒻᒪᖔᖅ ᐊᕙᑎᒥᑦ ᓴᐳᒻᒥᑦᑎᓂᕐᒧᑦ ᐱᖁᔭᕐᔪᐊᖑᔪᖅ, ᐱᖃᓯᐅᔾᔨᓗᑎᒃ ᐃᓗᓕᖅᑐᔪᓂᑦ ᑐᑭᓯᑎᑦᑎᒋᐊᕈᑎᓂᑦ ᐱᔾᔪᑎᖃᖅᑐᓂᑦ ᒪᓕᒐᕐᓂᑦ ᒪᓕᑦᑕᐅᑎᑦᑎᓂᕐᒥᑦ ᑎᒥᐅᔪᓄᑦ ᐸᓯᒋᔭᐅᔪᓄᑦ ᒪᓕᒐᕐᓂᑦ ᓱᕋᐃᔪᒥᓂᐅᓱᒋᔭᐅᓪᓗᑎᒃ ᐊᒻᒪᓗ ᑮᓇᐅᔭᖅᑐᕈᑎᖏᓐᓂᑦ ᐱᔾᔪᑎᖃᖅᑐᓂᑦ ᐊᐅᓚᑕᐅᓂᖏᓐᓂᑦ ᓱᕈᖅᑕᐅᓯᒪᔪᑦ ᓄᓇᐃᑦ. (ᑐᓵᔨᑎᒎᕈᓐᓃᖅᑐᖅ) ᑕᕝᕙ ᐃᓱᓕᑉᐳᑦ ᒪᑐᐃᖅᓯᔾᔪᑎᒃᑲ ᐱᓪᓗᒋᑦ ᑐᒃᓯᕌᖑᔪᑦ 2026-2027-ᒥ ᑮᓇᐅᔭᖅᑐᕈᑎᒃᓴᖏᑦ ᒥᒃᓴᐅᓯᔭᐅᓯᒪᔪᑦ ᐊᒻᒪᓗ 2026-2030-ᒥ ᐱᓕᕆᐊᒃᓴᓄᑦ ᐸᕐᓇᐅᑎᖏᑦ ᐱᓕᕆᕕᖓᑕ ᐊᕙᑎᓕᕆᔨᒃᑯᑦ. ᖁᔭᓐᓇᒦᒃ. ᐃᒃᓯᕙᐅᑕᖅ (ᑐᓵᔨᑎᒍᑦ): ᖁᔭᓐᓇᒦᒃ, ᒥᔅᑕ ᒪᐃᒃ. ᑲᑎᒪᔩᑦ ᐅᖃᐅᓯᒃᓴᖃᖅᐹᑦ ᐅᖃᐅᓯᐅᕋᑖᖅᑐᓂᒃ ᑭᓱᑐᐃᓐᓇᕐᓄᑦ ᐊᐱᖅᑯᑎᓄᐊᓚᙱᓂᑦᑎᓐᓂ? ᐱᑕᖃᙱᒻᒪᑦ, ᒪᑉᐱᒐᖏᑎᒍᑦ ᕿᒥᕐᕈᓇᖕᓂᐊᓕᖅᐳᒍᑦ 2026- 2027 ᐊᐅᓚᔾᔪᑎᒃᓴᓄᑦ ᐊᑐᕈᒫᖅᑐᑦ ᒪᑉᐱᒐᖓᓂ I-4-ᒥ ᐱᒋᐊᕐᓗᓯ. ᐊᕙᑎᓕᕆᔨᒃᑯᑦ ᑖᒃᑯᐊ $7,329,000. ᑲᑎᒪᔩᑦ ᐊᐱᖅᑯᑎᒃᓴᖃᖅᐹᑦ? ᒥᔅᑕ ᑕᖅᑐ. ᑕᖅᑐ (ᑐᓵᔨᑎᒍᑦ): ᖁᔭᓐᓇᒦᒃ, ᐃᒃᓯᕙᐅᑖᖅ. ᐱᓕᕆᕕᓯ 2026-2030−ᒧᑦ ᐸᕐᓇᐅᑎᖏᑦ ᐅᖃᖅᓯᒪᒻᒪᑕ ᐃᓚᖓ ᐊᐅᓚᔾᔭᒃᑕᐅᔪᒪᔪᑦ ᐊᕐᕌᒍᐊᓄᑦ 2026-2027 ᓴᓇᖁᓪᓗᒋᑦ ᓄᓇᕗᓕᒫᒥ ᐆᒻᒪᖅᑯᑎᓕᕆᓂᕐᒧᑦ ᐅᐸᓗᖓᐃᔭᐅᑎᓂᒃ ᐸᕐᓇᐅᑎᓂᒃ ᑖᒃᑯᐊ ᐱᓕᕆᕕᒻᒥ ᐃᖅᑲᓇᐃᔭᖅᑎᓄᑦ ᑲᒪᒋᔭᐅᓂᐊᖅᐸᑦ ᐅᕝᕙᓘᓐᓃᑦ ᓯᓚᖅᑲᑎᑦᑎᓐᓂ ᖃᐅᔨᒪᔨᑕᕐᓂᒃ ᑲᒪᒋᔭᐅᓂᐊᖅᐸᑦ? ᖁᔭᓐᓇᒦᒃ, ᐃᒃᓯᕙᐅᑖᖅ. ᐃᒃᓯᕙᐅᑕᖅ (ᑐᓵᔨᑎᒍᑦ): ᖁᔭᓐᓇᒦᒃ, ᒥᔅᑕ ᑕᖅᑐ. ᒥᓂᔅᑕ ᑯᓄ. ᐊᖓᔪᖅᑳᖅ ᕗᕋᐃᔭᓐ ᑯᓄ (ᑐᓵᔨᑎᒍᑦ): ᖁᔭᓐᓇᒦᒃ, ᐃᒃᓯᕙᐅᑖᖅ. ᑖᒃᑯᐊ ᑲᒪᒋᔭᖓᓐᓅᓂᐊᖅᑕᖓ ᐃᖅᑲᓇᐃᔭᖅᑎᖏᓐᓄᑦ ᐱᓕᕆᕕᑦᑕ ᑲᒪᒋᔭᐅᓂᐊᖅᑐᑦ ᐃᑲᔪᖅᑕᐅᓂᐊᖅᑐᑦ ᖃᐅᔨᒪᔨᑕᓪᓚᕆᓐᓂᒃ ᓯᓚᑖᓃᙶᖅᑐᓂᒃ. ᖁᔭᓐᓇᒦᒃ, ᐃᒃᓯᕙᐅᑖᖅ.

ᐊᐃᑉᐹ, ᔫᓂ 09, 2026 ᓄᓇᕗᒥ ᒪᓕᒐᓕᐅᕐᕕᒻᒧᑦ ᑲᑎᒪᔾᔪᑏᑦ 52 ᐃᒃᓯᕙᐅᑕᖅ (ᑐᓵᔨᑎᒍᑦ): ᖁᔭᓐᓇᒦᒃ, ᒥᓂᔅᑕ ᑯᓄ. ᒥᔅᑕ ᑕᖅᑐ, ᐊᑏ’. ᑕᖅᑐ (ᑐᓵᔨᑎᒍᑦ): ᖁᔭᓐᓇᒦᒃ, ᐃᒃᓯᕙᐅᑖᖅ. ᖃᓄᑎᒋᓪᓕ ᑖᒃᑯᐊ ᖁᓪᓕᒃᑯᑦ ᐃᑯᒻᒪᖅᑯᓯᕆᔨᒃᑯᑦ ᐃᓚᐅᓂᐊᖅᐸᑦ ᓴᓇᓕᖅᑎᓪᓗᒋᑦ ᓄᑖᓂᒃ ᐸᕐᓇᐅᑎᓂᒃ? ᖁᔭᓐᓇᒦᒃ, ᐃᒃᓯᕙᐅᑖᖅ. ᐃᒃᓯᕙᐅᑕᖅ (ᑐᓵᔨᑎᒍᑦ): ᖁᔭᓐᓇᒦᒃ, ᒥᔅᑕ ᑕᖅᑐ. ᒥᓂᔅᑕ ᑯᓄ. ᐊᖓᔪᖅᑳᖅ ᕗᕋᐃᔭᓐ ᑯᓄ (ᑐᓵᔨᑎᒍᑦ): ᖁᔭᓐᓇᒦᒃ, ᐃᒃᓯᕙᐅᑖᖅ. ᑖᒃᑯᐊ ᐱᓕᕆᖃᑎᖃᖅᓯᒪᔪᑦ ᑕᐃᒪᙵᑦ ᓯᓚᖅᑲᑎᑦᑎᓐᓃᙶᖅᑐᓂᒃ ᑲᒪᒋᔭᐅᓂᐊᖅᑐᖅ ᑖᓐᓇ ᐱᒋᐊᖅᑎᓪᓗᒍ. ᖁᔭᓐᓇᒦᒃ, ᐃᒃᓯᕙᐅᑖᖅ. ᐃᒃᓯᕙᐅᑕᖅ (ᑐᓵᔨᑎᒍᑦ): ᖁᔭᓐᓇᒦᒃ, ᒥᓂᔅᑕ ᑯᓄ. ᒥᔅᑕ ᑕᖅᑐ, ᐊᑏ’. ᑕᖅᑐ (ᑐᓵᔨᑎᒍᑦ): ᖁᔭᓐᓇᒦᒃ, ᐃᒃᓯᕙᐅᑖᖅ. ᐱᓕᕆᕕᓯ 2026-2027-ᒧᑦ ᐊᐅᓚᔾᔪᑎᒃᓴᐃᑦ ᐱᖃᓯᐅᔾᔨᓯᒪᒻᒪᑕ $500,000-ᑖᓚᓂᒃ ᑮᓇᐅᔭᖅᑐᕈᑎᒃᓴᖓᓂᒃ ᐃᒻᒥᒃᑰᖅᑐᖅ ᐃᑯᒻᒪᖅᑯᓯᐅᖅᑎᓄᑦ ᐃᑲᔪᕈᑎᒃᓴᖏᓐᓂ ᐱᓕᕆᔾᔪᑎᒃᓴᓂᒃ. ᖃᓄᑎᒋᒃ ᐱᓕᕆᕕᓯ ᑮᓇᐅᔭᓂᒃ ᐊᑐᓚᐅᖅᐸᑦ ᑕᐃᔅᓱᒪᓂ 2025-2026 ᐊᕐᕌᒍᐊᓂ? ᖁᔭᓐᓇᒦᒃ, ᐃᒃᓯᕙᐅᑖᖅ. ᐃᒃᓯᕙᐅᑕᖅ (ᑐᓵᔨᑎᒍᑦ): ᖁᔭᓐᓇᒦᒃ, ᒥᔅᑕ ᑕᖅᑐ. ᒥᓂᔅᑕ ᑯᓄ. ᐊᖓᔪᖅᑳᖅ ᕗᕋᐃᔭᓐ ᑯᓄ (ᑐᓵᔨᑎᒍᑦ): ᖁᔭᓐᓇᒦᒃ, ᐃᒃᓯᕙᐅᑖᖅ. ᑐᖏᓕᕋ ᓯᑏᕙᓐ ᒫᓐᓯᐅᓪ ᑭᐅᖁᓪᓗᒍ ᑖᔅᓱᒧᖓ. ᐃᒃᓯᕙᐅᑕᖅ (ᑐᓵᔨᑎᒍᑦ): ᖁᔭᓐᓇᒦᒃ, ᒥᓂᔅᑕ. ᐊᑏ’, ᒥᔅᑕ ᒫᓐᓯᐅᓪ. ᒫᓐᓯᐅᓪ (ᑐᓵᔨᑎᒍᑦ): ᖁᔭᓐᓇᒦᒃ, ᐃᒃᓯᕙᐅᑖᖅ. ᖁᔭᓐᓇᒦᑦᑕᐅᖅ ᐊᐱᕆᑦᑎᐊᕐᒪᑦ. ᑖᒃᑯᐊ ᐅᓄᕐᓂᖏᑦ ᑮᓇᐅᔭᐃᑦ ᓄᒃᑎᖅᑕᐅᓚᐅᖅᑐᖅ ᐱᓕᕆᔾᔪᑎᒃᓴᓄᑦ ᑕᒪᒃᑯᓄᖓ ᐅᐊᔭᓄᑦ ᐱᑐᒍᑎᒃᓴᐅᓂᐊᖅᑐᓄᑦ. ᖁᔭᓐᓇᒦᒃ, ᐃᒃᓯᕙᐅᑖᖅ. ᐃᒃᓯᕙᐅᑕᖅ (ᑐᓵᔨᑎᒍᑦ): ᖁᔭᓐᓇᒦᒃ, ᒥᔅᑕ ᒫᓐᓯᐅᓪ. ᒥᔅᑕ ᑕᖅᑐ. ᑕᖅᑐ (ᑐᓵᔨᑎᒍᑦ): ᖁᔭᓐᓇᒦᒃ, ᐃᒃᓯᕙᐅᑖᖅ. ᐱᓕᕆᕕᓯ 2026-2027-ᒥ ᐊᐅᓚᔾᔪᑎᒃᓴᓄᑦ ᐱᖃᓯᐅᔾᔨᓯᒪᒻᒪᑕ $500,000 ᑮᓇᐅᔭᖅᑐᕈᑎᒋᓂᐊᖅᑕᖏᓐᓂ ᐊᑐᒃᑲᓐᓂᕈᓐᓇᖅᑐᓄᑦ ᐃᑯᒻᒪᖅᑯᑎᖃᖅᑐᓄᑦ ᐃᒡᓗᕋᓛᓕᓐᓄᑦ ᓇᒻᒥᓂᖃᖅᑐᓄᓪᓗ. ᖃᔅᓯᑦ ᑐᒃᓯᕋᐅᑎᓕᐅᓚᐅᖅᐸᑦ ᑕᐃᔅᓱᒪᓂ 2025-2026 ᐊᕐᕌᒍᐊᓂ? ᖁᔭᓐᓇᒦᒃ, ᐃᒃᓯᕙᐅᑖᖅ. ᐃᒃᓯᕙᐅᑕᖅ (ᑐᓵᔨᑎᒍᑦ): ᖁᔭᓐᓇᒦᒃ, ᒥᔅᑕ ᑕᖅᑐ. ᒥᓂᔅᑕ ᑯᓄ. ᐊᖓᔪᖅᑳᖅ ᕗᕋᐃᔭᓐ ᑯᓄ (ᑐᓵᔨᑎᒍᑦ): ᖁᔭᓐᓇᒦᒃ, ᐃᒃᓯᕙᐅᑖᖅ. ᑖᒃᑯᐊ ᐅᓄᑲᓪᓚᒃᑐᐊᓗᐃᑦ ᑐᒃᓯᕋᐅᑎᓕᐅᓚᐅᖅᓯᒪᒻᒪᑕ ᐱᓕᕆᕕᖕᒪ ᑐᓂᔭᐅᔪᑦ ᑎᑎᕋᖅᓯᒪᔪᖁᑎᑦᑎᓐᓂ ᑲᑎᒃᖢᒋᑦ 89 ᑐᒃᓯᕋᐅᑎᓕᐅᖅᓯᒪᔪᑦ ᓄᓇᕘᓕᒫᒥ. ᖁᔭᓐᓇᒦᒃ, ᐃᒃᓯᕙᐅᑖᖅ. ᐃᒃᓯᕙᐅᑕᖅ (ᑐᓵᔨᑎᒍᑦ): ᖁᔭᓐᓇᒦᒃ, ᒥᓂᔅᑕ ᑯᓄ. ᒥᔅᑕ ᑕᖅᑐ. ᑕᖅᑐ (ᑐᓵᔨᑎᒍᑦ): ᖁᔭᓐᓇᒦᒃ, ᐃᒃᓯᕙᐅᑖᖅ. ᖃᔅᓯᑦ ᑐᒃᓯᕋᐅᑎᓕᐅᖅᑐᑦ ᐱᔪᒪᓪᓗᑎᒃ ᐊᖏᖅᑕᐅᓚᐅᖅᐸᑦ ᐊᒻᒪ ᖃᔅᓯᑦ ᕿᐱᓗᒃᑕᐅᓚᐅᖅᐸᑦ? ᖁᔭᓐᓇᒦᒃ, ᐃᒃᓯᕙᐅᑖᖅ. ᐃᒃᓯᕙᐅᑕᖅ (ᑐᓵᔨᑎᒍᑦ): ᖁᔭᓐᓇᒦᒃ, ᒥᔅᑕ ᑕᖅᑐ. ᒥᓂᔅᑕ ᑯᓄ.

ᐊᐃᑉᐹ, ᔫᓂ 09, 2026 ᓄᓇᕗᒥ ᒪᓕᒐᓕᐅᕐᕕᒻᒧᑦ ᑲᑎᒪᔾᔪᑏᑦ 53 ᐊᖓᔪᖅᑳᖅ ᕗᕋᐃᔭᓐ ᑯᓄ (ᑐᓵᔨᑎᒍᑦ): ᖁᔭᓐᓇᒦᒃ, ᐃᒃᓯᕙᐅᑖᖅ. ᑖᒃᑯᐊ ᑮᓇᐅᔭᓕᕆᓐᓇᐅᑉ ᐊᕐᕌᒍᐊᓄᑦ ᑐᕌᙱᑦᑐᑦ ᑭᓯᐊᓂ ᑮᓇᐅᔭᖅᑐᕈᑎᓕᒫᑦ ᐊᑐᖅᖢᒋᑦ ᑲᑎᒃᖢᒋᑦ 529 ᐊᖏᖅᑕᐅᓯᒪᔪᑦ. ᓄᖅᑲᖅᑐᑦ ᕿᐱᓗᒃᑕᐅᔪᓪᓗ 46-ᖑᔪᑦ, ᐊᒻᒪ ᑲᒪᒋᔭᐅᓂᐊᖅᑐᑦ 20-ᐅᔪᑦ ᓱᓕ ᐃᓱᒪᒃᓴᖅᓯᐅᕈᑕᐅᔪᑦ. ᖁᔭᓐᓇᒦᒃ, ᐃᒃᓯᕙᐅᑖᖅ. ᐃᒃᓯᕙᐅᑕᖅ (ᑐᓵᔨᑎᒍᑦ): ᖁᔭᓐᓇᒦᒃ, ᒥᓂᔅᑕ ᑯᓄ. ᐊᓯᖏᑦ ᐊᐱᖅᑯᑎᒃᓴᖃᖅᐹᑦ ᑕᕝᕙᓂ ᒪᒃᐱᒐᕐᒥ ᑮᓇᐅᔭᓕᕆᕝᕕᖓᑕ ᐱᓕᕆᕕᖓᑦᑕ ᐃᓗᐊᓂ ᐊᑐᒐᒃᓴᖏᓐᓂ? ᐱᑕᖃᙱᒻᒪᑦ, ᐊᖏᖅᐱᓰ ᐊᕙᑎᓕᕆᔨᒃᑯᑦ ᑮᓇᐅᔭᓕᕆᕝᕕᖓᑕ ᐱᓕᕆᕕᖓᑕ ᐊᐅᓚᔾᔪᑎᒃᓴᖏᑦ $7,329,000-ᑕᐅᓴᑦ ᐊᖏᖅᑕᐅᕚᑦ? ᐃᓚᖏᑦ ᑲᑎᒪᔩᑦ: ᐊᖏᖅᑐᑦ. ᐃᒃᓯᕙᐅᑕᖅ (ᑐᓵᔨᑎᒍᑦ): ᖁᔭᓐᓇᒦᒃ.

I-5-ᒧᐊᕐᓗᓯ. ᐊᕙᑎᓕᕆᔨᒃᑯᑦ ᐊᑐᕈᒫᖅᑕᖓ ᐱᓕᕆᔾᔪᑎᒃᓴᐃᑦ ᑲᑎᒃᖢᒋᑦ ᐊᐅᓚᔾᔪᑎᒃᓴᐃᑦ $22,063,000. ᐊᐱᖅᑯᑎᒃᓴᖃᖅᐹᑦ ᑲᑎᒪᔩᑦ? ᒥᔅᑕ ᖁᓕᒃᑖᓇ. ᖁᓕᒃᑖᓇ (ᑐᓵᔨᑎᒍᑦ): ᖁᔭᓐᓇᒦᒃ, ᐃᒃᓯᕙᐅᑖᖅ. ᐱᓕᕆᕕᓯ ᓄᑖᖅ ᐃᑲᔪᕈᑎᐊ ᐊᖑᓇᓱᒃᑎᓄᑦ ᐊᒻᒪ ᐆᒪᔪᓕᕆᓂᕐᒧᑦ ᐊᐅᓚᑦᑎᖃᑎᒌᖑᔪᑦ ᐊᑐᐊᒐᖓ ᐊᖏᖅᑕᐅᓚᐅᕐᒪᑦ ᒪᐃ 2017-ᖑᑎᓪᓗᒍ, ᐊᒻᒪ ᐃᓱᓕᓚᐅᕐᒪᑦ ᒫᔅᓯ 31, 2022. ᖃᖓᓕ ᖃᓄᐃᓕᖓᓕᖅᐸᓕ ᓄᑖᕈᕆᐊᕈᑎᒃᓴᖓ ᑖᔅᓱᒪ ᐊᑐᐊᒐᐅᑉ? ᖁᔭᓐᓇᒦᒃ, ᐃᒃᓯᕙᐅᑖᖅ. ᐃᒃᓯᕙᐅᑕᖅ (ᑐᓵᔨᑎᒍᑦ): ᖁᔭᓐᓇᒦᒃ, ᒥᔅᑕ ᖁᓕᒃᑖᓇ. ᒥᓂᔅᑕ ᑯᓄ. ᐊᖓᔪᖅᑳᖅ ᕗᕋᐃᔭᓐ ᑯᓄ (ᑐᓵᔨᑎᒍᑦ): ᖁᔭᓐᓇᒦᒃ, ᐃᒃᓯᕙᐅᑖᖅ. ᑖᓐᓇ ᒫᓐᓇ ᑲᔪᓯᔪᖅ, ᐅᓪᓗᒥ ᓱᓕ ᐊᑐᖅᑕᐅᔪᖅ ᑖᓐᓇ. ᖁᔭᓐᓇᒦᒃ, ᐃᒃᓯᕙᐅᑖᖅ. ᐃᒃᓯᕙᐅᑕᖅ (ᑐᓵᔨᑎᒍᑦ): ᖁᔭᓐᓇᒦᒃ, ᒥᓂᔅᑕ ᑯᓄ. ᒥᔅᑕ ᖁᓕᒃᑖᓇ, ᐊᑏ. ᖁᓕᒃᑖᓇ (ᑐᓵᔨᑎᒍᑦ): ᖁᔭᓐᓇᒦᒃ, ᐃᒃᓯᕙᐅᑖᖅ. ᒪᓕᒐᓕᐅᖅᑏᑦ ᑲᑎᒪᑎᓪᓗᒋᑦ ᑲᑎᒪᔨᕋᓛᑦ ᐊᑐᓕᖁᔭᓕᐅᓚᐅᕐᒪᑦ ᐊᕐᕌᒍᑕᒫᖅᓯᐅᑦ ᐅᓂᒃᑳᖓ ᑕᒪᒃᑯᓄᖓ ᐱᓕᕆᔾᔪᑎᐅᔪᑦ ᐆᒪᔪᓕᕆᓂᕐᒧᑦ ᐊᐅᓚᑦᑎᔨᐅᖃᑎᒌᓪᓗ ᐊᑐᐊᒐᖏᑦ ᓴᖅᑭᑕᐅᖃᑦᑕᖁᓪᓗᒋᑦ ᒪᓕᒐᓕᐅᕐᕕᒻᒥ. ᑖᓐᓇ ᐊᕐᕌᒍᑕᒫᖅᓯᐅᒻᒧᑦ ᐅᓂᒃᑳᖅ ᖃᓄᐃᓕᖓᓕᖅᐸ ᒫᓐᓇ? ᖁᔭᓐᓇᒦᒃ, ᐃᒃᓯᕙᐅᑖᖅ. ᐃᒃᓯᕙᐅᑕᖅ (ᑐᓵᔨᑎᒍᑦ): ᖁᔭᓐᓇᒦᒃ, ᒥᔅᑕ ᖁᓕᒃᑖᓇ. ᒥᓂᔅᑕ ᑯᓄ. ᐊᖓᔪᖅᑳᖅ ᕗᕋᐃᔭᓐ ᑯᓄ (ᑐᓵᔨᑎᒍᑦ): ᖁᔭᓐᓇᒦᒃ, ᐃᒃᓯᕙᐅᑖᖅ. ᐊᖅᑯᑎᒋᓗᑎᑦ ᓯᑏᕙᓐ ᒫᓐᓯᐅᓪ ᑐᖏᓕᕆᑲᐃᓐᓇᖅᑕᕋ ᑭᐅᖁᓪᓗᒍ. ᖁᔭᓐᓇᒦᒃ. ᐃᒃᓯᕙᐅᑕᖅ (ᑐᓵᔨᑎᒍᑦ): ᖁᔭᓐᓇᒦᒃ, ᒥᓂᔅᑕ. ᒥᔅᑕ ᒫᓐᓯᐅᓪ, ᐊᑏ. ᒫᓐᓯᐅᓪ (ᑐᓵᔨᑎᒍᑦ): ᖁᔭᓐᓇᒦᒃ, ᐃᒃᓯᕙᐅᑖᖅ. ᖁᔭᓐᓇᒦᖅᐸᕋ ᑖᓐᓇ ᑲᑎᒪᔨ ᐊᐱᕆᑦᑎᐊᕐᒪᑦ. ᑐᒃᓯᕋᖅᑐᖃᓕᕐᒪᑦ ᐱᒋᐊᖅᑕᐅᖁᓪᓗᒍ ᑕᐃᒃᑯᐊ ᓴᖅᑭᑕᐅᖁᓪᓗᒋᑦ ᐅᓂᒃᑳᑦ ᑖᒃᑯᐊ ᐱᓕᕆᕕᕗᑦ ᕿᒥᕐᕈᓇᖕᒪᑕ ᐊᓯᖏᓐᓂᒃ ᓴᖅᑭᑦᑕᕆᐊᓕᓐᓂᒃ ᐱᖁᔭᖅᑎᒍᑦ ᑕᐃᒃᑯᐊᑦᑕᐅᖅ ᑲᒪᒋᔭᐅᒻᒪᑕ ᐃᖅᑲᓇᐃᔭᖅᑎᑭᒃᓴᕋᑦᑕ. ᑖᒃᑯᐊ ᑐᑭᓯᔪᒍᑦ ᑐᓴᒐᒃᓴᒃᑲᓂᕐᓂᒃ ᐱᔪᒪᑎᓪᓗᓯ. ᐃᒻᒪᖄ, ᑖᒃᑯᐊ ᑐᓴᒐᒃᓴᓂᒃ ᑐᓂᓯᖁᓪᓗᒋᑦ ᑎᑎᖅᑲᑎᒍᑦ ᓴᖅᑭᑕᐅᔪᑎᒍᓪᓘᓐᓃᑦ. ᑐᓴᒐᒃᓴᒃᑲᓂᕐᓂᒃ ᐱᔪᒪᔪᒍᑦ ᐊᐅᓚᔾᔪᑎᒋᓂᐊᖅᑕᓐᓂᒃ ᐆᒪᔪᓕᕆᓂᕐᒧᑦ ᑐᕌᖓᔪᑦ. ᖁᔭᓐᓇᒦᒃ, ᐃᒃᓯᕙᐅᑖᖅ.

ᐊᐃᑉᐹ, ᔫᓂ 09, 2026 ᓄᓇᕗᒥ ᒪᓕᒐᓕᐅᕐᕕᒻᒧᑦ ᑲᑎᒪᔾᔪᑏᑦ 54 ᐃᒃᓯᕙᐅᑕᖅ (ᑐᓵᔨᑎᒍᑦ): ᖁᔭᓐᓇᒦᒃ, ᒥᔅᑕ ᒫᓐᓯᐅᓪ. ᐃᖅᑲᐃᑎᑦᑎᔪᒪᔪᖓ ᑲᑎᒪᔩᑦ ᓱᒃᑲᐃᔾᔫᒥᓗᓯ ᐅᖃᓪᓚᖃᑦᑕᕆᔅᓯ ᑐᓵᔨᓂᒃ ᐊᖑᒻᒪᑎᔭᐅᑦᑎᐊᕐᓂᐊᕋᔅᓯ. ᖁᔭᓐᓇᒦᒃ. ᒥᔅᑕ ᖁᓕᒃᑖᓇ, ᐊᐱᖅᑯᑎᒃᓴᖃᖅᐱᑦ ᓱᓖ? ᐊᐱᖅᑯᑎᒃᓴᐃᑦ ᑲᑎᒪᔨᓂᒃ ᓇᓕᐊᓐᓂᑐᐃᓐᓇᖅ, ᐱᓕᕆᐊᔅᓴᓄᑦ ᐊᐅᓚᑦᑎᔾᔪᑏᑦ? ᒥᔅᑕ ᒪᐃᒃ. ᒪᐃᒃ : ᓇᒦᓪᓚᕆᒻᒪᖔᕐᒪ ᓇᓗᕈᔪᑦᑐᖓ ᑖᒃᑯᐊ ᓴᖅᑭᓯᒪᔭᖏᓐᓂ ᐸᕐᓇᒍᑎᓂ.

Program management-ᒦᑉᐱᑖ? ᑖᒃᑯᐊ ᐸᕐᓇᓯᒪᔭᖓᓐᓂ ᐊᑐᓕᖅᑎᑦᑎᓂᕐᒧᑦ ᐸᕐᓇᐅᑎ 2026-2027 ᑕᐃᒪ ᕿᑭᖅᑖᓗᒻᒥ ᑐᒃᑐᓕᕆᓂᖅ ᐊᐱᖅᑯᑎᒋᒍᒃᑯ ᒫᓐᓇ ᓈᒻᒪᑐᒃᓴᐅᕗᖅ ᐅᖃᐅᓯᕆᒍᒃᑯ. ᑖᓐᓇ ᒥᓂᔅᑕᐅᑎᓪᓗᖓ ᑐᒃᑐᐃᑦ ᐊᐅᓚᑕᐅᓂᖓ ᐊᐅᓚᔾᔭᒋᐊᓚᐅᖅᓯᒪᒻᒪᑕ ᐱᔭᕆᐊᑐᓚᐅᖅᓯᒪᒻᒪᑦ ᑖᒃᑯᐊ ᕿᑭᖅᑖᓗᒃ ᐃᓛᒃ ᓄᓇᕗᑦ ᑐᙵᕕᒃ ᑎᒥᖓ ᐃᖅᑲᐅᒪᔭᒃᑯᓪᓕ ᑕᐃᔅᓱᒪᓂ ᐊᐅᓚᔾᔭᐃᒋᐊᓚᐅᖅᓯᒪᒻᒪᑕ ᐃᓱᒫᓗᓇᓐᓂᕋᖅᑕᐅᓕᕐᖓᑕ ᕿᑭᖅᑖᓗᒻᒥ ᑐᑦᑐᖏᑦ. ᑕᐃᒪᐃᒋᐊᖃᖅᑐᑎᓪᓗ ᐊᖏᖃᑎᒌᒍᑏᑦ ᒪᓕᑦᑐᒋᑦ. ᑕᒪᒃᑯᐊ ᐊᖏᖃᖅᑎᒌᒍᑏᑦ ᒪᓕᑦᑕᐅᓚᐅᖅᓯᒪᒻᒪᑕ ᒪᓕᑦᑕᐅᙱᑉᐸᑕ ᑐᑦᑐᓕᕆᓂᖓ ᒐᕙᒪᒃᑯᑦ ᓴᖏᕈᓐᓇᕐᓂᐊᓚᐅᖅᓯᒪᙱᒻᒪᑦ. ᑕᐃᒪ ᒫᓐᓇ ᑕᕝᕙᓂ ᒪᓕᒐᓕᐅᕐᕕᒻᒥ ᓂᓪᓕᐊᒍᑎᒋᕙᒃᑲᑦᑎᒍᑦ ᓂᓪᓕᐊᒍᑕᐅᕙᒻᒪᑦ ᑖᓐᓇ ᐊᐅᓚᑕᐅᓂᕆᓂᐊᖅᑕᖓ ᖃᓄᐃᓕᖓᓂᐊᕐᒪᖔᖅ ᑐᑦᑐᐃᑦ ᑖᒃᑯᐊ ᒐᕙᒪᒃᑯᑦ ᐃᓚᒋᔭᐅᒻᒪᑕ ᐋᖅᑭᒃᓱᐃᖃᑕᐅᓂᕐᒥᒃ ᒫᓐᓇᐅᔪᖅ. ᐱᓗᐊᖅᑐᒥᒃ ᑕᐃᒃᑯᐊ ᐆᒪᔪᕐᓂᐊᖅᑎᒃᑯᑦ ᑲᑎᒪᔨᖏᑦ ᐆᒪᔪᓕᕆᔨᕐᔪᐊᒃᑯᓪᓗ ᑕᐃᒪ ᓇᓗᓇᙱᒻᒪᑦ, ᖃᓄᑭᐊᖅ ᖃᐅᔨᒪᙱᑦᑐᖓ, ᖃᓄᖅ ᐊᐅᓚᔾᔭᒋᐊᕐᓂᐊᓕᕐᒥᒻᒪᖔᖅ ᐊᓯᕈᕆᐊᕐᓂᐊᕐᒪᖔᖅ ᓇᐅᒃᑯᓪᓕ ᑕᕝᕙᓂ ᐊᓯᕈᕆᐊᕐᓂᐊᖅᑲᑦ ᐅᕝᕙᓘᓐᓃᑦ ᐊᓯᕈᕆᐊᔾᔮᙱᑉᐸᑦ ᑐᑦᑐᓕᕆᓂᖅ, ᖃᓄᕐᓕ ᑕᐃᒪ ᐃᓄᐃᑦ ᖃᐅᔨᒪᔭᑐᖃᖓ ᖃᓄᖅ ᐊᑐᖅᑕᐅᓂᐊᖅᑲ ᑕᕝᕙᓂ? ᐃᓱᒪᔅᓴᑦᓯᐅᕈᑕᐅᓂᐊᖅᑲᑦ? ᑖᒃᑯᐊ ᐊᖏᖃᑎᒌᒍᑏᑦ ᐅᖃᖅᓯᒪᒻᒪᑕ ᐆᒪᔪᓕᕆᓂᕐᒧᑦ ᐆᒪᔪᓕᕆᔨᕐᔪᐊᒃᑯᑦ ᑲᑎᒪᔨᖏᑦ ᑐᓴᑐᐊᕈᑎᒃ ᐱᖁᔨᕗᖔᕈᑎᒥᒃ ᕿᑭᖅᑖᓗᒻᒥ ᐆᒪᔪᓕᕆᔨᒃᑯᓐᓂ, ᐅᕝᕙᓘᓐᓃᑦ ᐊᓯᐊᓂᒃ; ᑖᓐᓇ ᐃᓄᐃᑦ ᖃᐅᔨᒪᔭᑐᖃᖓ ᖃᓄᑎᒋ ᐊᑐᕐᓂᐊᕐᒪᖔᖅ ᐃᓱᒪᓕᐅᕈᑕᐅᓂᐊᖅᑐᒧᑦ ᒥᓂᔅᑕᖃᐃ ᓇᓗᓇᐃᖅᓯᒍᓐᓇᖅᑲ? ᖁᔭᓐᓇᒦᒃ, ᐃᒃᓯᕙᐅᑖᖅ. ᐃᒃᓯᕙᐅᑕᖅ (ᑐᓵᔨᑎᒍᑦ): ᖁᔭᓐᓇᒦᒃ, ᒥᔅᑕ ᒪᐃᒃ. ᒥᓂᔅᑕ ᒥᓂᔅᑕ ᑯᓅᒃ, ᐊᑏ. ᐊᖓᔪᖅᑳᖅ ᕗᕋᐃᔭᓐ ᑯᓄ: ᖁᔭᓐᓇᒦᒃ, ᐃᒃᓯᕙᐅᑖᖅ. ᖁᔭᓐᓇᒦᒃ ᒪᓕᒐᓕᐅᖅᑎ ᐊᐱᕆᕋᑖᕋᕕᑦ. ᐄ’, ᑕᒪᒃᑯᐊ ᖃᐅᔨᓴᖅᑕᐅᓇᓱᖦᖢᑎᒃ ᑖᔅᓱᒧᖓ ᑐᒃᑐᐃᑦ ᐅᓄᕐᓂᖏᖕᓄᑦ ᖃᐅᔨᓴᖅᑕᐅᓂᖏᖕᓄᑦ, ᑖᓐᓇ ᐃᓚᓕᐅᑎᒃᑲᓐᓂᖅᖢᒍ ᐃᓄᐃᑦ ᖃᐅᔨᒪᔭᑐᖃᖏᖕᓂᒃ ᑐᓴᕋᓱᖃᑦᑕᕐᒥᖕᒪᑕ ᑕᕝᕙᙵᑦ. ᐱᓗᐊᖅᑐᒥᖅᑲᐃ ᑖᒃᑯᙵᑦ ᐊᖑᓇᓱᒃᑏᑦ ᑖᒃᑯᐊ ᑎᒍᒥᐊᖁᓐᓇᖁᓂᐊᖅᑐᑦ ᐃᓚᖏᖕᓄᑦ ᑭᓱ, ᐊᖑᓇᓱᒃᑐᓕᕆᔨᒃᑯᓐᓅᓂᕋᖅᑕᐅᓲᖅ, ᐆᒪᔪᕐᓂᐊᖅᑎᒃᑯᑦ ᑲᑐᔾᔨᖃᑎᒌᓄᑦ. ᑖᒃᑯᐊ ᖃᐅᔨᓇᓱᒡᕕᐅᖃᑦᑕᕐᒪᑕ ᑕᐃᒃᑯᐊ ᑐᓴᕋᓱᖦᖢᑎᑦ, ᐊᖑᓇᓱᒃᑎᓂᒡᓗ ᑐᓴᕋᓱᒃᐸᖦᖢᑎᑦ. ᐊᒻᒪ ᑖᒃᑯᐊ ᐊᖑᓇᓱᒃᑏᑦ ᐃᓐᓇᖅᑕᖃᐅᖃᑦᑕᕆᓪᓗᑎᑦ ᖃᓄᖅ ᐃᓐᓇᐃᑦ ᖃᐅᔨᒪᔭᖏᖕᓂᒃ ᓯᕗᓂᒃᓴᖅ, ᑭᖑᓂᑦᑎᓐᓂ ᖃᓄᖅ ᐊᑐᓚᐅᖅᓯᒪᓂᖏᖕᓂᒃ ᐊᑐᖃᑦᑕᖅᑐᑦ. ᑕᒪᓐᓇ ᐊᑐᖅᑕᐅᓪᓗᑎᒃ ᑕᐃᒃᑯᓂᖓ ᑐᓴᕋᓱᒡᕕᐅᖃᑦᑕᖅᑐᑦ. ᑲᑎᒪᕋᑖᓚᐅᖅᖢᑎᑦ ᑕᐃᒪ ᕖᕝᕗᐊᕆ 6-ᖑᑎᓪᓗᒍ 2026, ᑖᒃᑯᐊ ᐊᖑᓇᓱᒃᑐᓕᕆᔨᒃᑯᑦ ᕿᑭᖅᑖᓗᖕᒥᓗ ᐆᒪᔪᕐᓂᐊᖅᑎᒃᑯᑦ, ᐆᒪᔪᓕᕆᔨᒃᑯᑦ ᑖᒃᑯᐊ ᑲᑎᒪᖃᑕᐅᓪᓗᑎᒃ, ᑐᓂᓯᓯᒪᓕᖅᖢᑎᑦ ᑕᐃᒪ ᖃᓄᖅ ᐸᕐᓇᒍᑎᒋᔪᒪ.ᔭᖏᑦ ᑖᒃᑯᐊ ᐊᑐᖅᑕᐅᓪᓗᑎᒃ ᑐᒃᑐᐃ ᐅᓄᖅᓯᒋᐊᖅᓯᒪᓂᕋᖅᑕᐅᓂᖏᖕᓂᒃ. ᑖᒃᑯᐊ ᑕᐃᒪ ᓄᓇᕗᒻᒥᐅᑦ ᐆᒪᔪᓕᕆᔨᕐᔪᐊᒃᑯᑦ ᑲᑎᒪᓂᐊᓕᖅᑐᑦ ᑭᙵᕐᓂᒃ ᐃᒃᑯᐊ ᑲᑎᒪᒃᐸᑕ ᑐᓂᓯᓛᕆᐊᒃᓴᑦᑎᓐᓂᒃ ᖃᖓᑦᑎᐊᒃᑯᑦ ᑕᖅᑭᐅᑉ ᓄᙳᐊᓂ ᑕᒫᓂ. ᖁᔭᓐᓇᒦᒃ, ᐃᒃᓯᕙᐅᑖᖅ. ᐃᒃᓯᕙᐅᑕᖅ (ᑐᓵᔨᑎᒍᑦ): ᖁᔭᓐᓇᒦᒃ, ᒥᓂᔅᑕ ᑯᓄ. ᐊᑏ, ᒥᔅᑕ ᒪᐃᒃ. ᒪᐃᒃ: ᖁᔭᓐᓇᒦᒃ, ᒥᓂᔅᑖ, ᑖᔅᓱᒥᖓ ᓇᓗᓇᐃᖅᓯᒐᕕᑦ. ᐃᓛᒃ ᑕᒪᒃᑯᐊ ᑐᑦᑐᐃᑦ ᑕᐃᒪᐃᓲᑐᖃᐅᓂᕋᖅᑕᐅᒻᒪᑕ ᐅᓄᖅᓯᓚᐅᖅᑐᑎᑦ ᖃᑦᑏᓐᓇᕈᓲᖑᒻᒪᑕᒎᖅ ᑕᐃᒪᙵᑦ ᑕᐃᒪᐃᓕᐅᕈᑕᐅᓯᒪᒻᒪᑕ. ᑖᓐᓇᓕ ᐃᓅᑉ ᖃᐅᔨᒪᔭᑐᖃᖓᓂᒃ ᐱᔪᖅ, ᒫᙵᐅᙱᑦᑐᖅ ᖃᓪᓗᓇᕐᔨᕐᖓᑦ ᖃᐅᔨᓴᐅᓯᖏᓐᓂᒃ. ᐃᓛᒃ ᑖᓐᓇ ᖃᓄᖅ ᐊᐅᓚᔾᔭᒋᐊᕈᒫᕐᓂᐊᕋᔭᕐᓂᖅᑲᑦ ᓇᓗᓇᐃᖅᑕᐅᓯᒪᓛᖅᑯᖅᑐᖅ ᑕᐃᓐᓇ ᐃᓄᐃᑦ ᖃᐅᔨᒪᔭᑐᖃᖓ ᐊᑐᖅᑕᒥᓂᐅᓗᓂ. ᑖᒃᑯᐊᑦᑕᐅᖅ ᐆᒪᔪᕐᓂᐊᖅᑎᒃᑯᑦ ᑲᑎᒪᔨᖏᑦ ᑕᐃᒪᐃᓕᖓᔪᒥᒃ ᕿᑭᖅᑖᓗᒻᒥᐅᒃ ᐱᓗᐊᖅᑐᖅ, ᕿᑭᖅᑖᓗᒻᒥ ᐆᒪᔪᓕᕆᔨᒃᑯᑦ ᑲᑎᒪᔨᖏᑦ ᑖᒃᑯᐊ ᐃᓄᓐᓂᒃ ᑕᐃᔭᐅᖃᑦᑕᕐᖓᑕ. ᑕᒪᓐᓇ ᑕᐃᒫᒃ ᑐᓴᕈᒥᓇᕋᔭᕐᖓᑦ ᐊᒻᒪ ᖃᐅᔨᒪᔮᕆᓪᓗᖓ ᑕᒪᓐᓇ ᐃᓅᑉ ᖃᐅᔨᒪᔭᑐᖓ ᑕᐃᔅᓱᒪᓂ

ᐊᐃᑉᐹ, ᔫᓂ 09, 2026 ᓄᓇᕗᒥ ᒪᓕᒐᓕᐅᕐᕕᒻᒧᑦ ᑲᑎᒪᔾᔪᑏᑦ 55 ᐊᑐᖅᑎᑕᐅᓪᓚᕆᓚᐅᖅᓯᒪᒻᒪᑦ ᑖᒃᑯᐊᓴᐃᓐᓇᐅᓚᐅᖅᓯᒪᒻᒪᑕ ᐆᒪᔪᕐᓂᐊᖅᑏᑦ ᑲᑎᒪᔨᕈᔪᖏᑦ ᕿᑭᖅᑖᓗᒻᒥ. ᐊᒻᒪᓗ ᓇᒻᒥᓂᖅ ᐅᕙᖓ ᐊᓯᕙᖃᑦᑕᖅᑐᖓ. ᖃᐅᔨᓯᒪᔪᓪᓗᖓ ᑐᑦᑐᐃᑦ ᑐᑦᑐᕝᕕᒋᓲᕋᓗᐊᕗᑦ ᑐᑦᑐᕝᕕᒋᔪᓐᓇᐃᓪᓕᓚᐅᖅᓯᒪᒐᑦᑎᒍᑦ. ᐊᒻᒪᓗ ᓄᕐᕆᐅᕐᕕᐅᓱᒋᓯᒪᓱᒋᔭᕗᑦ ᓄᕐᕆᐅᕐᕕᐅᒍᓐᓇᐃᓪᓕᓲᑦ ᑐᑦᑐᐃᑦ ᐱᑕᖃᕈᓐᓃᕋᐃᒻᒪᑕ ᑖᓐᓇ ᑕᐃᒪᐃᓪᓚᕆᑦᓯᒪᔪᖅ. ᑕᐃᓐᓇ ᑕᒪᒃᑯᐊ ᐊᓯᕈᑦᑎᐊᓲᑦ ᓱᓇᐅᕝᕙ ᑐᑦᑐᑭᓪᓕᐊᓚᑦᑎᓪᓗᒍ. ᑖᓐᓇᓕ ᑕᒪᐅᓇ ᐅᒥᐊᒃᑯᓪᓗ ᓯᑭᑑᒃᑯᓪᓗ ᕿᑭᖅᑖᓘᑉ ᓂᒋᐊ ᖃᐅᔨᒪᔭᐅᑦᑎᐊᕐᖓᑦ ᐊᖑᓇᓱᒃᑎᓄᑦ. ᑕᒻᒪᓐᓇ ᐱᔾᔪᑎᒋᓪᓗᒍ ᑕᐃᒫᒃ ᐃᓄᐃᑦ ᖃᐅᔨᒪᔭᑐᖃᖓ. ᑖᓐᓇ ᐅᓪᓗᒥᐅᓕᖅᑐᖅ ᐊᖏᖃᑎᒌᒍᑎᑕᖃᓕᖅᑎᓪᓗᒍ ᑖᓐᓇ ᑖᓐᓇᑐᐊᖅ ᐃᓛᒃ, ᐊᐅᓚᑦᑎᓂᐊᖅᑲᑦ ᑐᑦᑐᐃᑦ ᒥᔅᓵᓄᑦ, ᒥᓂᔅᑕᖃᐃ ᑖᓐᓇ ᐃᑲᔪᖅᑐᕋᔭᖅᑲᐅᒃ ᑕᐃᓐᓇ ᖃᓪᓗᓇᕐᔨᕐᖓᑦ ᖃᐅᔨᓴᐅᓯᖓ ᐊᑐᙱᓪᓗᒍ ᖃᐅᔨᓴᕐᓂᖅ ᓄᑖᖑᓂᖅᓴᖅ ᐊᑐᙱᓪᓗᒍ? ᑖᒃᑯᐊ ᑐᑦᑐᐃᑦ ᐊᒥᓱᕈᖅᐸᓪᓕᐊᓂᖏᑦ ᐱᔾᔪᑎᒋᓪᓗᒋᑦ? ᖁᔭᓐᓇᒦᒃ, ᐃᒃᓯᕙᐅᑖᖅ. ᐃᒃᓯᕙᐅᑕᖅ (ᑐᓵᔨᑎᒍᑦ): ᖁᔭᓐᓇᒦᒃ, ᒥᔅᑕ ᒪᐃᒃ. ᒥᓂᔅᑕ ᑯᓄ, ᑲᔪᓯᒋᑦ. ᐊᖓᔪᖅᑳᖅ ᕗᕋᐃᔭᓐ ᑯᓄ: ᖁᔭᓐᓇᒦᒃ, ᐃᒃᓯᕙᐅᑖᖅ. ᖁᔭᓐᓇᒦᒃ ᒪᓕᒐᓕᐅᖅᑏᑦ ᑖᔅᓱᒥᖓ ᐊᐱᖅᑯᑎᖕᓄᑦ. ᐄ’, ᑖᒃᑯᐊ ᑲᑎᙵᔪᓂᒃ ᐊᑐᖃᑦᑕᖅᑐᑦ ᐊᕙᑎᓕᕆᔨᒃᑯᑦ ᑖᒃᑯᓂᖓ ᐊᑐᖅᐸᒃᑭᓪᓗᑎᒃ ᑖᒃᑯᐊ ᐊᖑᓂᒃᑕᐅᕙᓪᓕᐊᔪᑦ ᖃᐅᔨᓴᖅᑕᐅᓂᖏᑦ, ᐅᓄᕐᓂᖏᒡᓗ. ᐊᒻᒪ ᖃᐅᔨᓴᖅᑕᐅᖃᑦᑕᕐᒥᖕᒪᑕ ᑕᒪᒃᑯᐊ ᑐᓂᓯᔭᕌᖓᒥᒃ ᖃᐅᔨᓴᒐᒃᓴᓂᒃ ᑐᓂᐅᖅᑲᐃᓪᓗᑎᒃ ᑖᒃᑯᐊ ᑐᓐᓄᖃᑦᑎᐊᕐᓂᖏᓐᓂᒡᓘᓐᓃᑦ ᐊᒻᒪ ᖃᓂᒪᓯᖃᙱᓐᓂᖏᖕᓂᒃ ᖃᐅᔨᓴᖅᑕᐅᖃᓯᐅᑎᖃᑦᑕᕐᒥᖕᒪᑕ. ᑖᒃᑯᐊᑦᑕᐅᖅ ᐊᑐᖅᑕᐅᓪᓗᑎᒃ ᐊᒻᒪ ᐊᖑᓇᓱᒃᑏᑦ ᐃᓐᓇᐃᓪᓗ ᐅᖃᐅᓯᖏᖕᓂᒃ ᓈᓚᖦᖢᑎᒃ ᐊᑐᖃᑦᑕᕐᒥᖕᒪᑕ. ᐊᑕᐅᑦᑎᒃᑯᑦ ᑲᑎᙵᔪᓂᒃ ᐊᑐᕋᓱᖦᖢᑎᑦ ᐃᓄᐃᓪᓗ ᖃᓪᓗᓈᓪᓗ ᖃᐅᔨᒪᔭᖓᓂᒃ ᑲᑎᑦᑎᒡᓗᑎᒃ ᐅᓄᕐᓂᖏᓐᓂᒡᓗ ᓇᐃᓴᖅᑕᐅᓯᒪᔪᓂᒃ ᐊᑐᖅᖢᑎᒃ ᑕᐃᒪᓐᓇ ᐊᓯᔾᔩᒃ, ᓄᓇᕗᑦ ᐊᖏᖃᑎᒌᒍᑎᖓᑕ ᐃᓗᐊᓃᑦᑐᒥᒃ ᑎᑎᕋᖅᓯᒪᔪᓂᒃ ᑕᐃᒃᑯᐊ ᐱᖁᔭᓂᒃ ᐊᑐᖅᖢᑎᑦ ᐊᑐᖃᑦᑕᖅᑐᑦ. ᖁᔭᓐᓇᒦᒃ, ᐃᒃᓯᕙᐅᑖᖅ. ᐃᒃᓯᕙᐅᑕᖅ (ᑐᓵᔨᑎᒍᑦ): ᖁᔭᓐᓇᒦᒃ, ᒥᓂᔅᑕ ᑯᓄ. ᒥᔅᑕ ᒪᐃᒃ, ᑲᔪᓯᒋᑦ. ᒪᐃᒃ: ᖁᔭᓐᓇᒦᒃ, ᐃᒃᓯᕙᐅᑖᖅ. ᖁᔭᓐᓇᒦᒃ, ᒥᓂᔅᑕ. ᐃᓛᒃ ᑖᒃᑯᐊ ᐊᖏᖃᑎᒌᒍᑏᑦ ᐅᓂᐅᕋᑦᓴᐅᑎᒻᒪᑕ. ᐅᓂᐅᖅᑕᐅᑐᐊᖅᑲᑕ ᑕᒪᔅᓱᒧᖓ ᐆᒪᔪᓕᕆᓂᕐᒧᑦ ᑖᒃᑯᐊ ᒐᕙᒪᒃᑯᑦ ᐅᕝᕙᓘᓐᓃᑦ ᐊᓯᖏᑦ ᑎᒦᑦ ᓄᑭᒍᑎᔭᒻᒪᑕ. ᐊᖏᖃᑎᒌᒍᑏᑦ ᑖᒃᑯᐊ ᓄᑭᑐᐊᓪᓚᕆᐅᒻᒪᑕ ᐊᐅᓚᑦᑎᓪᓗᑎᓪᓗ. ᐊᐅᓚᑦᑎᓂᖅ ᑖᓐᓇ ᐊᖏᖃᑎᒌᒍᑎᓂᒃ ᓄᐃᓯᒪᓪᓚᕆᑦᑐᐊᓘᒻᒪᑦ ᐊᖏᖃᑎᒌᒍᑏᑦ ᐊᑐᓕᖅᑎᓪᓗᒋᑦ ᐆᒪᔫᑉ ᒥᔅᓵᓄᑦ ᓄᑭᑐᐊᓪᓚᕆᐅᒻᒪᑕ; ᓱᓕᔪᕐᓇᖅᑐᑑᔮᖅᑐᑎᓪᓗ. ᑕᑎᔅᓴᑑᓪᓗᑎᓪᓗ, ᑕᐃᒪᐃᑦᑑᒻᒪᑦ. ᐄ’ ᑖᓐᓇ ᐊᐅᓚᑦᑎᔨᐅᖃᑎᒌᓐᓂᖅ ᖃᓪᓗᓈᑎᑐᑦ ᐅᖃᖅᓯᒪᓂᖅ ᐊᖏᖃᑎᒌᒍᑎᒦᒻᒪᑦ. ᑖᒃᑯᐊ ᑕᒪᒃᑭᕐᓗᑎᒃ ᐊᐅᓚᑦᑎᓂᖅᑕᖃᕆᐊᖃᕐᖓᑦ ᐆᒪᔪᒧᑦᑖᒃᑯᐊ ᑎᒥᐅᔪᑦ ᐊᔾᔨᒌᙱᑦᑐᑦ ᑲᑎᓪᓗᑎᑦ ᑲᑐᔾᔨᓗᑎᑦ ᐋᖅᑮᖃᑦᑕᕆᐊᖃᕐᖓᑕ ᑕᒪᒃᑯᓂᖓ ᐆᒪᔪᐃᑦ ᐃᓱᖃᕆᐊᖃᕐᓂᖏᑦ ᑐᖁᑕᐅᖃᑦᑕᕐᓂᖏᑦ. ᑕᐃᒪᐃᓕᖓᒻᒪᑦ. ᐊᖏᖃᑎᒌᒍᓪᓗ ᑖᓐᓇ ᐃᓄᖕᓄᑦ ᓈᒻᒪᒋᔭᐅᓯᒪᒻᒪᑦ. ᑖᒃᑯᐊ ᑭᓯᐊᓂ ᐊᑐᕐᓗᒋᐅᒻᒪᑦ. ᓂᕆᐅᑦᑎᐊᕋᓱᒃᑭᕗᖓ ᑕᒪᓐᓇ ᐃᓅᑉ ᖃᐅᔨᒪᔭᑐᖃᖓᓂᒃ ᐊᑐᕐᓂᖅᓴᐅᔫᔮᔪᒻᒪᑦ ᐃᓄᓐᓄᓪᓗ ᐊᐅᓚᔾᔭᐅᒋᐊᖅᑐᓂ ᑐᑦᑐᑭᓪᓕᒻᒪᑦ, ᑖᒃᑯᐊ ᐊᖏᖃᑎᒌᒍᑏᑦ ᒪᓕᑦᑐᒋᑦ. ᑖᓐᓇ ᑐᑭᑖᕈᑎᒥᓂᖅ ᐊᕐᕌᒍᓂᑦ ᖁᓕᓂᒃ ᖁᓕᐅᓗᐊᖅᑐᓂᒃ ᐊᑐᓕᕇᕐᖓᑦ. ᑕᐃᒪ ᑐᓴᕐᓇᖅᓯᕋᑖᑕᐃᓐᓇᖅᑐᓂ ᑐᑦᑐᐃᑦ ᐅᑎᖅᐸᓪᓕᐊᓕᕐᓂᖏᑦ ᐊᒥᓲᓂᖏᑦ. ᑖᓐᓇ ᐅᖃᐅᓯᑐᐃᓐᓇᕋᓗᐊᕋ ᒥᓂᔅᑕᒧᑦ ᐊᖏᖃᑎᒋᒐᒃᑯ ᐊᖏᖃᑎᒌᒍᑏᑦ ᒪᓕᑦᑕᐅᓂᐊᑐᐊᖅᑲᑕ ᖃᐅᔨᒪᒻᒥᔪᖓ ᐊᖏᖃᑎᒌᒍᑎᓂᒃ ᓈᒻᒪᓴᖅᓯᒪᔫᒐᓗᐊᑦ ᓈᒻᒪᑦᓴᕈᓐᓃᕈᓐᓇᕐᖓᑕ ᐊᖏᓚᐅᕋᓗᐊᖅᑐᒍ ᓈᒻᒪᒋᔪᓐᓃᖅᑐᒍ ᐃᒪᐃᓕᖓᔪᓂᒃ ᑐᓵᓇᖅᓯᓲᖑᒻᒪᑦ. ᑖᓐᓇ ᐃᓚᓕᐅᑎᑲᐃᓐᓇᕈᒪᓕᕋᑖᕐᒥᒐᒃᑯ, ᖁᔭᓐᓇᒦᒃ, ᐃᒃᓯᕙᐅᑖᖅ.

ᐊᐃᑉᐹ, ᔫᓂ 09, 2026 ᓄᓇᕗᒥ ᒪᓕᒐᓕᐅᕐᕕᒻᒧᑦ ᑲᑎᒪᔾᔪᑏᑦ 56 ᐃᒃᓯᕙᐅᑕᖅ (ᑐᓵᔨᑎᒍᑦ): ᖁᔭᓐᓇᒦᒃ, ᒥᔅᑕ ᒪᐃᒃ. ᒥᓂᔅᑕ ᑯᓄ. ᐊᖓᔪᖅᑳᖅ ᕗᕋᐃᔭᓐ ᑯᓄ: ᖁᔭᓐᓇᒦᒃ, ᐃᒃᓯᕙᐅᑖᖅ. ᐊᐱᖅᑯᑎᒥᒃ ᑐᓴᓗᐊᙱᖦᖢᖓ. ᑖᒃᑯᐊ ᐄ’ ᑕᕝᕙ, ᑕᕝᕙ ᒪᓕᑦᑕᐅᑦᑎᐊᖃᑦᑕᖅᑐᑦ ᐊᒻᒪ ᐃᓄᖕᓃᙶᖅᓯᒪᓪᓗᓂ ᑖᓐᓇ ᐊᐅᓚᑕᐅᓂᖓ. ᑖᒃᑯᐊ ᐊᑦᑕᕐᓇᖅᑐᒦᓪᓚᑦᑖᓗᐊᓚᐅᙱᑦᑑᒐᓗᐊᑦ ᑐᑦᑐᐃᑦ ᕿᑭᖅᑖᓗᒻᒥ ᓲᕐᓗᒃ ᑕᐃᒃᑯᓄᖓ ᑲᖏᐅᑕᕐᒥ ᐊᑦᑕᕐᓇᖅᑐᖃᓕᕌᖓᑦ ᑕᐃᒃᑯᓄᖓ ᐆᒪᔪᐃᑦ ᖃᑦᑏᓐᓇᕈᓗᐊᓛᕋᓱᒋᔭᐅᓕᖅᑐᑦ ᐱᖁᔭᕐᒧᑦ ᑕᐃᑯᙵ ᑎᑭᐅᑎᓚᐅᙱᑦᑎᓪᓗᒋᑦ ᐃᓄᖕᓄᑦ ᐊᐅᓚᑕᐅᓯᒋᐊᓚᐅᖅᓯᒪᖕᒪᑕ. ᒫᓐᓇ ᐅᐱᓐᓇᖅᖢᓂᓗ ᑕᒪᓐᓇ ᐱᒋᐊᖅᑎᑕᐅᓚᐅᕐᒪᑦ ᐅᓄᖅᓯᒋᐊᖅᓯᒪᓕᖅᖢᑎᒡᓗ ᑕᒫᓂ 48,681−ᖏᓐᓃᓐᓇᓱᒋᔭᐅᓚᐅᕐᒪᑕ 2024-2025- ᖑᑎᒡᓗᒍ. ᑖᓐᓇ ᐅᐱᓐᓇᑦᑎᐊᖅᑐᖅ ᐊᒻᒪ ᖁᔭᓐᓇᒦᒃ ᑕᒪᓐᓇ ᐊᐱᖅᑯᑕᐅᑦᑎᐊᖃᑦᑕᕐᒪᑦ. ᖁᔭᓐᓇᒦᒃ, ᐃᒃᓯᕙᐅᑖᖅ. ᐃᒃᓯᕙᐅᑕᖅ (ᑐᓵᔨᑎᒍᑦ): ᖁᔭᓐᓇᒦᒃ, ᒥᓂᔅᑕ ᑯᓄ. ᒥᔅᑕ ᒪᐃᒃ, ᐊᐱᖅᑯᑎᑦᓴᖃᒃᑲᓐᓂᖅᑐᑏᑦ? ᐃᖅᑲᐃᑎᑐᐃᓐᓇᕐᓗᑎᑦ 1 ᒥᓂᔅᓯ 40 ᑎᑦᑕᓂᒃ ᐱᕕᖃᓕᕋᕕᑦ ᓯᕿᙳᔭᖅ ᒪᓕᓪᓗᒍ. ᖁᔭᓐᓇᒦᒃ. ᒪᐃᒃ (ᑐᓵᔨᑎᒍᑦ): ᖁᔭᓐᓇᒦᒃ ᑐᓴᖅᑎᒐᕕᙵ. (ᑐᓵᔨᑎᒎᕈᓐᓃᖅᑐᖅ) ᐃᓛᒃ ᑕᐃᒪ ᒥᓂᔅᑕ ᓂᕆᐅᒻᒪᑦ ᐆᒪᔪᓕᕆᔨᕐᔪᐊᒃᑯᑦ ᑲᑎᒪᓂᐊᖅᑐᑎᑦ ᑭᙵᕐᓂ, ᖃᑦᑎᓂᒃ ᐅᓪᓗᓂᒃ ᐆᒪᔪᓕᕆᔨᕐᔪᐊᒃᑯᓐᓄᑦ ᐃᓱᒪᓕᐅᕈᑎᑦᓴᓂᒃ ᑐᓂᔭᐅᕕᑦ ᖃᑦᑎᓂᒃ ᐅᓪᓗᓂᒃ ᐱᕕᖃᕐᓂᐊᖅᑭᑦ? ᖃᖓ ᓇᓗᓇᐃᖅᓯᔪᓐᓇᓛᖅᑭᑦ ᐆᒪᔪᓕᕆᔨᕐᔪᐊᒃᑯᑦ ᐊᑐᓕᖅᑕᐅᖁᔭᖓᓂᒃ? ᐅᓪᓗᖓᓂᒃ ᒥᔅᓴᐅᓴᒍᓐᓇᖅᑮᑦ ᒥᓂᔅᑖ? ᖁᔭᓐᓇᒦᒃ. ᐃᒃᓯᕙᐅᑕᖅ (ᑐᓵᔨᑎᒍᑦ): ᖁᔭᓐᓇᒦᒃ, ᒥᔅᑕ ᒪᐃᒃ. ᒥᓂᔅᑕ ᑯᓄ, ᑲᔪᓯᒋᑦ. ᐊᖓᔪᖅᑳᖅ ᕗᕋᐃᔭᓐ ᑯᓄ: ᖁᔭᓐᓇᒦᒃ, ᐃᒃᓯᕙᐅᑖᖅ. ᖁᔭᓐᓇᒦᒃ ᒪᓕᒐᓕᐅᖅᑎ. ᐄ’, ᑖᒃᑯᐊ ᑐᓂᔭᐅᑐᐊᕈᑦᑕ ᐅᓪᓗᓂᒃ 30-ᓂᒃ ᐱᕕᖃᕆᐊᖃᖅᑎᓯᒪᔪᒍᑦ. ᐊᒻᒪᓗ ᑖᒃᑯᐊ ᑲᑎᒪᖃᑦᑕᕐᓂᖏᑦ ᑖᒃᑯᐊ ᓄᓇᕗᑦ ᒐᕙᒪᒃᑯᑦ ᒥᓂᔅᑕᐃᑦ ᐊᐅᓚᑦᓯᔨᖏᑦ ᑲᑎᒪᖃᑦᑕᕐᓂᖓ ᐱᓇᓱᐊᕈᓰᑦ ᑎᓴᒪᑦ ᐊᓂᒍᑐᐊᕌᖓᑦ ᑲᑎᒪᖃᑦᑕᕐᒪᑕ. ᑕᐃᒪ ᑲᑎᒪᓂᐊᖅᖢᑎᑦ ᔫᓂ 22 ᑕᒫᓂᕈᔪᒃ ᓄᓇᕗᒻᒥ ᒥᓂᔅᑕᐃᑦ ᑲᑎᒪᔨᖏᑦ. ᑎᓴᒪᑦ ᐱᓇᓱᐊᕈᓯᐅᓕᕐᒥᑉᐸᑦ ᑕᐃᒪ ᑲᑎᒪᑲᒃᑲᓐᓂᓕᑐᐊᕐᒥᑉᐸᑕ ᐱᓯᒪᓕᕐᓂᐊᖅᑐᒃᓴᐅᕗᒍᑦ. ᖁᔭᓐᓇᒦᒃ, ᐃᒃᓯᕙᐅᑖᖅ. ᐃᒃᓯᕙᐅᑕᖅ (ᑐᓵᔨᑎᒍᑦ): ᖁᔭᓐᓇᒦᒃ, ᒥᓂᔅᑕ ᑯᓄᒃ ᑐᓵᔨ ᐅᑕᖅᑭᑲᐃᓐᓇᕋᒃᑯ. ᑲᔪᓯᒋᑦ ᒥᔅᑕ ᒪᐃᒃ. ᒪᐃᒃ: ᖁᔭᓐᓇᒦᒃ, ᐃᒃᓯᕙᐅᑖᖅ. ᐅᖃᐅᔾᔭᐅᖅᑲᐅᒐᒪ 1 ᒥᓂᔅᓯᖃᑐᐃᓐᓇᓕᖅᑐᖓ ᓄᖑᑦᑎᐊᕋᓱᓐᓂᐊᖅᑕᕋᓗᐊᕋ. ᐃᓛᒃ ᑕᐃᓐᓇ ᐆᒪᔪᓕᕆᔨᕐᔪᐊᒃᑯᑦ ᑐᑭᑖᕈᑎᒋᓂᐊᖅᑕᖓ ᑐᑦᑑᑉ ᒥᒃᓵᓄᑦ ᐅᑯᓇᙵᑦ ᕿᑭᖅᑕᓂᒃᑯᑦ ᐃᓄᐃᑦ ᑲᑐᔾᔨᖃᑎᒌᒃᑯᖏᓐᓂᒃ, ᓄᓇᕗᑦ ᑐᙵᕕᒃᑯᓐᓂ ᐃᑲᔪᖅᓯᖅᑕᐅᓯᒪᒋᐊᖃᕐᓂᐊᕆᕙ ᐅᕝᕙᓗ ᑕᐃᒪᐃᒋᐊᖃᔾᔮᙱᓚᖅ? ᑖᒃᑯᐊᓕ ᖃᐅᔨᒪᖃᑎᒋᓚᐅᖅᓯᒪᒐᒃᑭᓪᓕ ᑐᑭᑖᓕᕐᖓᑕ ᐃᑲᔪᖅᑐᐃᙱᑉᐸᑕ ᓄᓇᕗᑦ ᑐᙵᕕᒃᑯᑦ ᑲᔪᓯᓂᐊᔪᙱᒻᒪᑦ ᕿᑭᖅᑕᓃᒃᑯᓪᓗ ᐊᖏᔪᖅᑳᖓᑦ ᐃᑲᔪᖅᑐᐃᖏᑉᐸᑦ. ᑕᐃᒪ ᑐᑭᑖᕈᓐᓇᕐᓂᐊᔪᙱᒻᒪᑦ, ᑖᓐᓇ ᑕᐃᒪᐃᓐᓂᐊᕆᕚ? ᐃᑲᔪᖅᑐᕆᐊᖃᕐᓂᐊᕆᕚᑦ? ᖁᔭᓐᓇᒦᒃ, ᐃᒃᓯᕙᐅᑖᖅ. ᐃᔅᓯᕙᐅᑕᖅ (ᑐᓵᔨᑎᒍᑦ): ᖁᔭᓐᓇᒦᒃ, ᒥᔅᑕ ᒪᐃᒃ. ᒥᓂᔅᑕ ᑯᓄ, ᑲᔪᓯᒋᑦ. ᐊᖓᔪᖅᑳᖅ ᕗᕋᐃᔭᓐ ᑯᓄ: ᖁᔭᓐᓇᒦᒃ, ᐃᒃᓯᕙᐅᑖᖅ. ᖁᔭᓐᓇᒦᒃ ᒪᓕᒐᓕᐅᖅᑎ ᑖᔅᓱᒥᖓ ᐊᐱᖅᑯᑎᖃᕋᕕᑦ. ᑖᓐᓇ ᑭᐅᑦᑎᐊᒃᑲᓐᓂᕐᓗᓂᐅᒡᒎᖅ ᑖᔅᓱᒧᒻᖓ ᑭᖑᕝᕖᓯᒪᔪᖅ ᒥᓂᔅᑕᐅᑉ ᑐᖏᓕᖓ ᓯᑏᕙᑦ ᒫᓐᓯᐅᓪ ᑭᐅᔪᓐᓇᕐᓂᐊᕐᒪᒍᒃ. ᖁᔭᓐᓇᒦᒃ, ᐃᒃᓯᕙᐅᑖᖅ. ᐃᔅᓯᕙᐅᑕᖅ (ᑐᓵᔨᑎᒍᑦ): ᖁᔭᓐᓇᒦᒃ, ᒥᓂᔅᑕ. ᑲᔪᓯᒋᑦ ᒥᔅᑕ ᒫᓐᓱᓪ. ᒫᓐᓱᓪ (ᑐᓵᔨᑎᒍᑦ): ᖁᔭᓐᓇᒦᒃ, ᐃᒃᓯᕙᐅᑖᖅ. ᖁᔭᓐᓇᒦᖅᐸᕋ ᐊᐱᖅᑯᑎᑦᓯᐊᕙᐅᒻᒪᑦ.

ᐊᐃᑉᐹ, ᔫᓂ 09, 2026 ᓄᓇᕗᒥ ᒪᓕᒐᓕᐅᕐᕕᒻᒧᑦ ᑲᑎᒪᔾᔪᑏᑦ 57 ᓄᓇᕗᒻᒥ ᐆᒪᔪᓕᕆᔨᕐᔪᐊᒃᑯᑦ ᐃᒻᒥᒃᑰᖅᑐᖅ ᐱᓂᐊᖅᐸᑦᑑᒐᓗᐊᑦ, ᑭᓯᐊᓂ ᑭᒡᒐᖅᑐᖅᑎᖃᐸᑦᑐᑦ ᐃᓄᓐᓃᖔᖅᑐᓂᑦ. ᐅᖃᖃᑎᒌᓐᓂᖃᓲᖑᓪᓗᓂ ᒥᓂᔅᑕ ᐅᖃᖅᑲᐅᒻᒪᑦ, ᑕᒪᒃᑯᐊ ᑐᓴᕋᒃᓴᐃᑦ ᐃᓱᒪᓕᐅᕈᑕᐅᕙᑦᑐᑦ ᖃᐅᔨᓴᖅᑎᓃᖔᖅᑐᑦ ᐊᒻᒪ ᐃᓄᐃᑦ ᖃᐅᔨᒪᔭᑐᖃᖏᓐᓂᑦ, ᐃᓐᓇᐃᑦ ᐅᖃᖃᑎᒋᔭᐅᓪᓗᑎᒃ ᐊᖑᓇᓱᑦᑐᓕᕆᔩᓪᓗ. ᐊᒥᓲᕗᑦ ᑐᓴᕋᒃᓴᐃᑦ ᐃᓱᒪᓕᐅᕈᑕᐅᕙᑦᑐᑦ, ᐃᓱᒪᓕᐅᓕᕌᖓᒥᓪᓗ ᓄᓇᕗᑦ ᒐᕙᒪᒃᑯᑦ ᑭᐅᔾᔪᑎᓕᐅᓲᖑᕗᑦ. ᖁᔭᓐᓇᒦᒃ, ᐃᒃᓯᕙᐅᑖᖅ. ᐃᔅᓯᕙᐅᑕᖅ (ᑐᓵᔨᑎᒍᑦ): ᖁᔭᓐᓇᒦᒃ, ᒥᔅᑕ ᒫᓐᓱᓪ, ᑭᐅᒐᕕᑦ. ᐃᖅᑲᐃᑎᑐᐃᓐᓇᕐᓗᓯᑦ ᒪᓕᒋᐊᓖᑦ 77 ᐃᓗᐊᓂ, ᑭᓪᓕᖃᕐᒥᒻᒪᑦ ᐅᖃᓪᓚᓐᓂᐊᖅᑐᑦ ᑲᑎᒪᔨᐊᓛᓂᒃ 10-ᒥᓂᑦᒥᒃ ᑭᓪᓕᖃᕐᒪᑦ. ᑖᓐᓇ ᓯᕿᙳᔭᖅ ᐊᑐᖅᐸᒃᑲᑦᑎᒍᑦ, ᒫᓐᓇ 13 ᑎᑦᑕᑯᓗᐃᑦ ᓱᓕ ᑖᔅᓱᒧᖓ. ᑭᓯᐊᓂ ᐃᓗᓕᖏᓐᓂᒃ 2, ᓂᓪᓕᕐᕕᖃᕈᓐᓇᖅᑎᑕᐅᒃᑲᓐᓂᕐᒥᔪᖅ ᒪᓕᒐᓗᐃᖅᑎ. ᐊᐱᖅᓱᖅᑳᓚᐅᖅᑎᓪᓗᒍ ᑭᓯᐊᓂ ᐊᓯᖏᑦ ᒪᓕᒐᓕᐅᖅᑏᑦ. ᓇᐃᑦᑐᑯᓗᒻᒥᒃ ᐊᐱᖅᑯᑎᖃᕈᒪᒍᕕᑦ ᒫᓐᓇ ᐱᕕᖃᖅᑐᑎᑦ, ᐅᕝᕙᓪᓗ ᐅᑕᖅᑭᑲᓐᓂᕐᓗᑎᑦ ᐊᐱᕆᑦᓯᐊᒃᑲᓐᓂᕐᓂᐊᕋᕕᑦ. ᐃᖅᑲᐃᑎᑐᐃᓐᓇᖅᓱᓯ ᒪᓕᒐᓕᐅᖅᑏᑦ. ᒥᔅᑕ ᒪᐃᒃ, ᑲᔪᓯᒋᑦ. ᒪᐃᒃ: ᐃᓛᒃ, ᑭᐅᔭᐅᕋᑖᙱᓐᓇᒪ. ᒪᒥᐊᓇᖅ, ᑭᐅᔭᐅᕋᑖᙱᓐᓇᒪ ᐊᐱᖅᑯᑎᒧᑦ. ᐆᒥᖓ ᐊᐱᕆᕋᑖᖅᑐᖓ; ᐆᒪᔪᓕᕆᔨᕐᔪᐊᒃᑯᑦ ᑐᑭᑖᕈᑎᒋᓂᐊᖅᑕᖓ ᑭᙵᕐᓂᑦ, ᓄᓇᕗᑦ ᑐᙵᕕᒃᑯᓐᓄᑦ ᑭᓯᐊᓂ ᐃᑲᔪᖅᑐᖅᑕᐅᓗᓂ ᐅᕝᕙᓘᓐᓂᑎ ᕿᑭᖅᑕᓃᒃᑯᓐᓄᑦ ᐃᑲᔪᖅᑐᖅᑕᐅᓗᓂ, ᑕᐃᒫᒃ ᑭᓯᐊᓂ ᒪᓕᒐᕈᕈᓐᓇᕐᓂᐊᖅᑐᖅ. ᖁᔭᓐᓇᒦᒃ, ᐃᒃᓯᕙᐅᑖᖅ. ᐃᔅᓯᕙᐅᑕᖅ (ᑐᓵᔨᑎᒍᑦ): ᖁᔭᓐᓇᒦᒃ, ᒥᔅᑕ ᒪᐃᒃ. ᒥᓂᔅᑕ ᑯᓄ. ᐊᖓᔪᖅᑳᖅ ᕗᕋᐃᔭᓐ ᑯᓄ: ᖁᔭᓐᓇᒦᒃ, ᐃᒃᓯᕙᐅᑖᖅ. ᖁᔭᓐᓇᒦᒃ, ᒪᓕᒐᓕᐅᖅᑎ. ᑕᐃᒃᑯᐊ ᑐᓴᖅᑎᑕᐅᓂᐊᕐᒥᔫᒐᓗᐊᑦ ᖃᓄᖅᑑᕋᖃᑎᒋᔭᐅᓗᑎᑦ ᑭᓯᐊᓂ, ᑕᐃᑰᓇ ᐊᖏᖃᑎᒌᒍᑎᖓᒍᑦ ᐱᔪᓐᓇᕐᓂᖃᙱᒻᒪᑕ ᑖᔅᓱᒧᖓ ᐆᒪᔪᓕᕆᓂᐅᑉ ᒥᒃᓵᓄᑦ. ᖁᔭᓐᓇᒦᒃ, ᐃᒃᓯᕙᐅᑖᖅ. ᐃᔅᓯᕙᐅᑕᖅ (ᑐᓵᔨᑎᒍᑦ): ᖁᔭᓐᓇᒦᒃ, ᒥᓂᔅᑕ ᑯᓄ. ᐊᐱᖅᑯᑎᑦᓴᖃᖅᑐᖃᒃᑲᓐᓂᖅᐹ ᑖᒃᑯᐊ ᐱᓕᕆᐊᒃᓴᓄᑦ, ᐱᓕᕆᐊᒃᓴᓕᕆᔨᐅᔪᓄᑦ. ᒥᔅ ᐊᖑᑎᐊᓗᒃ. ᐊᖑᑎᐊᓗᒃ: ᖁᔭᓐᓇᒦᒃ, ᐃᒃᓯᕙᐅᑖᖅ. (ᑐᓵᔨᑎᒎᓕᖅᑐᖅ) ᖃᑦᓯᑦ ᑐᑦᓯᕋᖅᓯᒪᕙᑦ ᐅᑎᖅᑎᑕᐅᒍᒪᓪᓗᑎᑦ 2025- 2026 ᐊᕐᕌᒍᖓᓂ. ᖁᔭᓐᓇᒦᒃ, ᐃᒃᓯᕙᐅᑖᖅ. ᐃᔅᓯᕙᐅᑕᖅ (ᑐᓵᔨᑎᒍᑦ): ᖁᔭᓐᓇᒦᒃ, ᒥᔅ ᐊᖑᑎᐊᓗᒃ. ᑖᒃᑯᐊ ᓱᕋᐅᔾᔨᓂᐅᕙᑦᑐᑦ ᖃᓄᐃᒍᑎᒍᑎᕕᓂᕐᒧᑦ ᐊᓯᐅᔨᔪᕕᓂᕐᓂ ᐊᐱᖅᑯᑎᖃᖅᑐᑎᑦ? ᑐᑭᓯᑦᓯᐊᕐᓂᐊᕋᑦᑕ ᐱᓂᕐᓗᓐᓂᐅᔪᒥᓂᕐᒥ, ᖃᓄᐃᒍᑎᐅᔪᒥᓂᕐᒧᑦ ᐊᐱᖅᑯᑎᐅᒻᒪᑦ. ᐄᒎᖅ, ᒪᒥᐊᓇᖅ. ᒥᓂᔅᑕ ᑯᓄ. ᐊᖓᔪᖅᑳᖅ ᕗᕋᐃᔭᓐ ᑯᓄ (ᑐᓵᔨᑎᒍᑦ): ᖁᔭᓐᓇᒦᒃ, ᐃᒃᓯᕙᐅᑖᖅ. ᐊᐱᖅᑯᑎᐅᔪᒧᑦ ᖃᓄᐃᑦᑐᒥᓃᑦ ᓱᕋᑦᑐᕕᓂᕐᓄᑦ ᐊᑭᓕᐅᑎᐅᕙᑦᑐᑦ 6-ᖑᔪᑦ 2025-2026 ᑐᓂᔭᐅᓚᐅᖅᑐᑦ. ᖁᔭᓐᓇᒻᒥᒃ, ᐃᒃᓯᕙᐅᑖᖅ. ᐃᔅᓯᕙᐅᑕᖅ (ᑐᓵᔨᑎᒍᑦ): ᖁᔭᓐᓇᒦᒃ, ᒥᓂᔅᑕ ᑯᓄᒃ. ᒥᔅ ᐊᖑᑎᐊᓗᒃ, ᑲᔪᓯᒋᑦ. ᐊᖑᑎᐊᓗᒃ (ᑐᓵᔨᑎᒍᑦ): ᖁᔭᓐᓇᒦᒃ, ᐃᒃᓯᕙᐅᑖᖅ. ᓂᐅᕕᖅᑕᓂᕐᒧᑦ ᐊᑐᐊᒐᐃᑦ ᐃᓱᓕᓚᐅᖅᓯᒪᕗᖅ ᒫᑦᓯ 31, 2025-ᒥ. ᖃᓄᐃᓕᖓᓕᖅᐸ ᓄᑖᙳᕆᐊᖅᑕᐅᒐᔭᖅᐸ ᐊᑐᐊᒐᖅ ᕿᓯᕋᔭᓐᓄᑦ ᑕᒪᒃᑯᓄᖓ ᒥᖅᑯᓕᓐᓄᑦ? (ᑐᓴᔨᑎᒎᕈᓐᓃᖅᑐᖅ) ᖁᔭᓐᓇᒦᒃ. ᐃᔅᓯᕙᐅᑕᖅ (ᑐᓵᔨᑎᒍᑦ): ᖁᔭᓐᓇᒦᒃ, ᒥᔅ ᐊᖑᑎᐊᓗᒃ. ᒥᓂᔅᑕ ᑯᓄ.

ᐊᐃᑉᐹ, ᔫᓂ 09, 2026 ᓄᓇᕗᒥ ᒪᓕᒐᓕᐅᕐᕕᒻᒧᑦ ᑲᑎᒪᔾᔪᑏᑦ 58 ᐊᖓᔪᖅᑳᖅ ᕗᕋᐃᔭᓐ ᑯᓄ (ᑐᓵᔨᑎᒍᑦ): ᖁᔭᓐᓇᒦᒃ, ᐃᒃᓯᕙᐅᑖᖅ. ᖁᔭᓐᓇᒦᒃ ᒪᓕᒐᓕᐅᖅᑎᑉ ᐊᐱᖅᑯᑎᒋᒻᒪᒍᒃ. ᒫᓐᓇ ᐃᖅᑲᓇᐃᔭᖃᑎᒋᔭᕗᑦ ᓄᓇᓕᓐᓂ ᐱᔨᑦᓯᖅᑎᒃᑯᑦ ᓄᑖᙳᕆᐊᖅᑎᓐᓇᓱᑉᐸᕗᑦ. ᖁᔭᓐᓇᒦᒃ, ᐃᒃᓯᕙᐅᑖᖅ. ᐃᔅᓯᕙᐅᑕᖅ (ᑐᓵᔨᑎᒍᑦ): ᖁᔭᓐᓇᒦᒃ, ᒥᓂᔅᑕ ᑯᓄ. ᒥᔅ ᐊᖑᑎᐊᓗᒃ, ᐱᐊᓂᒃᑐᑎᑦ? ᐊᓯᖏᑦ ᓱᓕ ᐊᐱᖅᑯᑏᑦ ᒪᓕᒐᓕᐅᖅᑎᓂ? ᒥᔅᑕ ᐊᑕᒍᑦᑖᓗᒃ. ᐊᖑᑎᐊᓗᒃ (ᑐᓵᔨᑎᒍᑦ): ᖁᔭᓐᓇᒦᒃ, ᐃᒃᓯᕙᐅᑖᖅ. ᐱᓕᕆᕕᓯ 2026-2030-ᒧᑦ ᐸᕐᓇᐅᑏᑦ ᐅᖃᖅᓯᒪᒻᒪᑕ; ᐸᕐᓇᐅᑏᒡᒎᖅ ᐃᓚᖓᑦ 2026-ᒥ 2027-ᒧᑦ ᕿᒥᕐᕈᓛᕐᓗᑎ ᓇᓖᕌᕈᑎᑦᓴᓂᒃ ᐋᖅᑭᐅᒪᒍᑎᐅᓂᐊᖅᑐᒥᒃ ᐆᒪᔪᓂᑦ ᐅᐊᑦᓯᔨᐅᓂᕐᒧᑦ ᐱᓕᕆᐊᕐᒥᒃ, ᐃᓚᐅᑎᕙᓪᓕᐊᓕᕐᓗᒋᑦ ᐊᒻᒪ ᐱᓕᒻᒪᑦᓴᐃᓂᖅ ᐆᒪᔪᓂ ᓴᐳᔾᔨᔨᐅᔪᑦ ᐊᒻᒪᓗ ᐆᒪᔪᓕᕆᔨᐅᓕᖅᑐᓂᒃ, ᖃᑦᓰᑦ ᐆᒪᔪᓄᑦ ᓴᐳᔾᔨᔩᑦ ᐃᖅᑲᓇᐃᔭᖅᑎᑕᐅᓯᒪᓕᖅᐸᑦ ᑖᔅᓱᒪ ᐊᑖᒍᑦ? ᖁᔭᓐᓇᒦᒃ, ᐃᒃᓯᕙᐅᑖᖅ. ᐃᔅᓯᕙᐅᑕᖅ (ᑐᓵᔨᑎᒍᑦ): ᖁᔭᓐᓇᒦᒃ, ᒥᔅᑕ ᐊᑕᒍᑦᑖᓗᒃ. ᒥᓂᔅᑕ ᑯᓄ. ᐊᖓᔪᖅᑳᖅ ᕗᕋᐃᔭᓐ ᑯᓄ (ᑐᓵᔨᑎᒍᑦ): ᖁᔭᓐᓇᒦᒃ, ᐃᒃᓯᕙᐅᑖᖅ. ᖁᔭᓐᓇᒦᓪᓗ ᐊᐱᕆᒻᒪᑦ ᑕᐃᒫᒃ. ᓈᓴᐅᒻᒥᒃ ᑐᓂᓯᒍᓐᓇᕆᔅᓯᑦ ᐊᕕᑦᑐᖅᓯᒪᓂᖏᓐᓄᑦ ᓄᓇᕗᒻᒥ ᕿᑎᕐᒥᐅᓄᑦ, ᑕᓪᓕᒪᐅᕗᑦ ᓇᐅᑦᑎᑐᖅᑏᑦ ᐆᒪᔪᓄᑦ, ᑭᕙᓪᓕᕐᒥ ᑎᓴᒪᐅᔪᑦ ᐅᐊᑦᑎᔩᑦ, ᕿᑭᖅᑖᓗᒻᒥ ᒪᕐᕉᓪᓗᑎᒃ ᐆᒪᔪᕐᓄᑦ ᐅᐊᑦᑎᔩᑦ. ᖁᔭᓐᓇᒦᒃ, ᐃᒃᓯᕙᐅᑖᖅ. ᐃᔅᓯᕙᐅᑕᖅ (ᑐᓵᔨᑎᒍᑦ): ᖁᔭᓐᓇᒦᒃ, ᒥᓂᔅᑕ ᑯᓄ. ᒥᔅᑕ ᐊᑕᒍᑦᑖᓗᒃ, ᑲᔪᓯᒋᐊᕆᑦ. ᐊᑕᒍᑦᑖᓗᒃ (ᑐᓵᔨᑎᒍᑦ): ᖁᔭᓐᓇᒦᒃ, ᐃᒃᓯᕙᐅᑖᖅ. ᖁᔭᓐᓇᒦᓪᓗ ᑭᐅᒐᕕᙵ, ᒥᓂᔅᑕ. ᒥᔅᓴᐅᓯᓗᒋᑦ ᖃᑦᑎᓪᓚᑦᑖᖑᓪᓗᑎᒃ ᐆᒪᔪᕐᓂ ᓇᐅᑦᑎᑐᖅᑏᑦ, ᐃᖅᑲᓇᐃᔮᖅᑖᕿᑕᐅᒐᓱᐊᓛᖅᑲᑦ 2026-27 ᐊᕐᕌᒍᖓᓂ? ᖁᔭᓐᓇᒦᒃ, ᐃᒃᓯᕙᐅᑖᖅ. ᐃᔅᓯᕙᐅᑕᖅ (ᑐᓵᔨᑎᒍᑦ): ᖁᔭᓐᓇᒦᒃ, ᒥᔅᑕ ᐊᑕᒍᑦᑖᓗᒃ. ᒥᓂᔅᑕ ᑯᓄᒃ. ᐊᖓᔪᖅᑳᖅ ᕗᕋᐃᔭᓐ ᑯᓄ (ᑐᓵᔨᑎᒍᑦ): ᖁᔭᓐᓇᒦᒃ, ᐃᒃᓯᕙᐅᑖᖅ. ᖁᔭᓐᓇᒦᓪᓗ ᒪᓕᒐᓕᐅᖅᑎ ᐊᐱᕆᒻᒪᑦ. ᐱᓕᕆᐊᖃᖅᑐᒍᑦ ᐃᖅᑲᓇᐃᔮᖅᑖᖅᑎᑦᑎᒐᓱᐊᖅᑐᑕ ᐃᓕᓐᓂᐊᖅᑎᑦᑎᒐᓱᑦᑐᑕᓗ ᓈᒻᒪᑦᑐᓂᑦ ᐱᔨᑦᑎᕋᖅᑎᖃᕐᓂᐊᕋᑦᑕ ᐅᐊᑦᑎᐅᔪᓂᑦ ᐆᒪᔪᕐᓄᑦ. ᐊᒻᒪ ᓚᐃᓴᓐᔅᑖᖅᑎᑦᑎᔨᐅᖃᑦᑕᕋᔭᖅᑐᓂᒃ ᐊᒻᒪ ᐆᒪᔪᕐᓂᒃ ᕿᒫᑎᑦᑎᔨᐅᖃᑦᑕᕋᔭᖅᑐᓂᒃ. ᐊᒻᒪᑦᑕᐅᖅ ᐊᑕᐅᓯᕐᒥᒃ ᐃᖅᑲᓇᐃᔭᖅᑎᖃᖁᔭᕋᓗᐊᕗᑦ ᓄᓇᓕᓐᓂ ᓄᓇᕘᒥ. ᖁᔭᓐᓇᒦᒃ, ᐃᒃᓯᕙᐅᑖᖅ. ᐃᔅᓯᕙᐅᑕᖅ (ᑐᓵᔨᑎᒍᑦ): ᖁᔭᓐᓇᒦᒃ, ᒥᓂᔅᑕ ᑯᓄᒃ. ᐊᐱᖅᑯᑎᔅᓴᖃᖅᑐᖃᒃᑲᓐᓂᖅᑳ ᒪᓕᒐᓕᐅᖅᑎᓂ? ᒥᔅᑕ ᖃᒪᓂᖅ. ᖃᒪᓂᖅ: ᖁᔭᓐᓇᒦᒃ, ᐃᒃᓯᕙᐅᑖᖅ. (ᑐᓵᔨᑎᒎᓕᖅᑐᖅ) ᐱᓕᕆᕕᓯ 2024-ᒥ 2025-ᒧᑦ ᒥᔅᓴᐅᓯᓯᒪᔭᓯᑦ ᐃᓚᖃᔪᒻᒪᑕ $100,000-ᓂᑦ ᑮᓇᐅᔭᓂᑦ, ᐱᕐᕈᓗᐊᕿᔪᓄᑦ ᓱᕋᑦᑎᖅᑕᐅᔪᓄᑦ ᐅᑎᖅᑎᑦᑎᒍᑎᔅᓴᐃᑦ ᑮᓇᐅᔭᑦ. 2024-2025-ᖑᑎᓪᓗᒍ $72,000-ᓂᑦ ᐊᑐᕐᓂᕋᔅᓯᒎᖅ. ᑕᕝᕙᓂᓕᑭᐊᖅ 2025-2026-ᒥ ᖃᑦᑎᓂ ᑮᓇᐅᔭᓂᑦ ᑐᓂᐅᖅᑲᐃᓂᖅᑭᓯᑦ? ᖁᔭᓐᓇᒦᒃ, ᐃᒃᓯᕙᐅᑖᖅ. ᐃᔅᓯᕙᐅᑕᖅ (ᑐᓵᔨᑎᒍᑦ): ᖁᔭᓐᓇᒦᒃ, ᒥᔅᑕ ᖃᒪᓂᖅ. ᒥᓂᔅᑕ ᑯᓄ. ᐊᖓᔪᖅᑳᖅ ᕗᕋᐃᔭᓐ ᑯᓄ (ᑐᓵᔨᑎᒍᑦ): ᖁᔭᓐᓇᒦᒃ, ᐃᒃᓯᕙᐅᑖᖅ. ᐄ’, ᖁᔭᓐᓇᒦᓪᓗ ᑲᑎᒪᔨ ᐊᐱᕆᒻᒪᑦ. ᐊᖏᖅᑕᐅᓯᒪᔪᐃᑦ ᑕᐃᒃᑯᓄᖓ ᓱᕋᑦᑕᐅᓚᕿᑎᑦᑎᔪᒥᓂᕐᓄᑦ $68,145 ᑮᓇᐅᔭᑦ. ᖁᔭᓐᓇᒦᒃ, ᐃᒃᓯᕙᐅᑖᖅ.

ᐊᐃᑉᐹ, ᔫᓂ 09, 2026 ᓄᓇᕗᒥ ᒪᓕᒐᓕᐅᕐᕕᒻᒧᑦ ᑲᑎᒪᔾᔪᑏᑦ 59 ᐃᔅᓯᕙᐅᑕᖅ (ᑐᓵᔨᑎᒍᑦ): ᖁᔭᓐᓇᒦᒃ, ᒥᓂᔅᑕ ᑯᓄ. ᒥᔅᑕ ᖃᒪᓂᖅ, ᑲᔪᓯᒋᐊᕆᑦ. ᖃᒪᓂᖅ: ᖁᔭᓐᓇᒦᒃ, ᐃᒃᓯᕙᐅᑖᖅ. ᐄ’, ᖁᔭᓐᓇᒦᒃ, ᑭᐅᒐᕕᑦ. (ᑐᓵᔨᑎᒎᓕᖅᑐᖅ) ᑕᐃᒪᓕ ᒪᓕᒐᓕᐅᕐᕕᒃ ᐃᔅᓯᕙᓂᖃᖅᑎᓪᓗᒍ ᓰᑏᕝᕙ 17, 2025-ᒥ, ᐊᕙᑎᓕᕆᔨᒃᑯᑦ ᒥᓂᔅᑕᖓᑦ ᐅᖃᓚᐅᖅᓯᒪᒻᒪᑦ; ᐱᓕᕆᕕᖓᒎᖅ ᐱᓕᕆᖃᑎᖃᖅᓯᒪᒻᒪᑦ ᒐᕙᒪᑐᖃᒃᑯᓐᓂᑦ, ᐊᐅᓪᓛᖅᑎᕆᓪᓗᑎᑦ ᐆᒪᔪᕐᓂᑦ ᖃᐅᔨᓴᕐᕕᐅᔪᒥ ᐃᓪᓗᓕᒻᒥᑦ, ᑕᐃᑯᖓᖔᖅ ᑳᓇᑕᒥ ᖁᑦᑎᑦᑐᕐᒥᑦ ᖃᐅᔨᓴᕐᕕᒻᒧᑦ ᐃᖃᓗᑦᑑᑦᑎᐊᕐᒧᑦ. ᓄᓇᕘᑉ ᒐᕙᒪᖓᑕ ᑎᓴᒪᐃᕋᖅᑐᓂ ᐅᓂᒃᑳᓕᐊᕆᕙᑦᑕᖏᓐᓂᑦ ᐊᕐᕌᒍᒥ ᐅᖃᖅᓯᒪᒻᒪᑕ; ᐃᖅᑲᓇᐃᔮᖁᑎᖏᒡᒎᖅ ᐱᓕᕆᕕᐅᑉ ᐃᓪᓗᓕᒻᒥ ᐊᓪᓚᕝᕕᖓᓂ ᖃᑦᑏᓐᓇᕈᕆᐊᖅᑕᐅᓯᒪᒻᒪᑕ 14-ᖑᓚᐅᖅᑐᑎᑦ, 6-ᖑᓕᖅᑐᑎᒃ ᐊᕐᕕᓂᓕᐅᓕᖅᑐᑎᒃ, ᐃᖅᑲᓇᐃᔮᖁᑎᖏᓪᓗ ᑖᔅᓱᒪᔅᓴᐃᓐᓇᐅᑉ ᐱᓕᕆᕕᐅᑉ ᐃᖃᓗᑦᑑᑦᑎᐊᕐᒥ 3.5-ᒥᓂᐅᓪᓗᑎᒃ, ᒫᓐᓇ 10.5-ᖑᓕᕐᖓᑕ. ᖃᓄᐃᓕᖓᓕᖅᑲᓕ ᐃᖅᑲᓇᐃᔮᕐᓂᑦ ᐃᓐᓄᔅᓯᒐᓱᐊᕐᓂᓯ ᑕᒪᒃᑮᓐᓂᒃ ᓄᓇᓖᓐᓂᒃ? ᖁᔭᓐᓇᒦᒃ, ᐃᔅᓯᕙᐅᑖᖅ. ᐃᔅᓯᕙᐅᑕᖅ (ᑐᓵᔨᑎᒍᑦ): ᖁᔭᓐᓇᒦᒃ, ᒥᔅᑕ ᖃᒪᓂᖅ. ᒥᓂᔅᑕ ᑯᓄ. ᐊᖓᔪᖅᑳᖅ ᕗᕋᐃᔭᓐ ᑯᓄ (ᑐᓵᔨᑎᒍᑦ): ᖁᔭᓐᓇᒦᒃ, ᐃᒃᓯᕙᐅᑖᖅ. ᖁᔭᓐᓇᒦᓪᓗ ᑲᑎᒪᔨ ᐊᐱᕆᒻᒪᑦ ᑕᐃᒫᒃ. ᐃᓐᓄᒐᓱᑦᑕᕗᑦ ᓱᓕ, ᒫᓐᓇ ᐃᓪᓗᖃᙱᓐᓂᖅ ᐊᑲᐅᙱᓪᓕᐅᕈᑎᒋᓯᒪᒐᑦᑎᒍᑦ, ᐃᓐᓄᒍᒪᒐᓗᐊᖅᑕᕗᑦ ᑕᐃᒃᑯᐊ. ᓱᓕ ᐱᓕᕆᐊᕆᔭᕗᑦ. ᖁᔭᓐᓇᒦᒃ, ᐃᒃᓯᕙᐅᑖᖅ. ᐃᔅᓯᕙᐅᑕᖅ (ᑐᓵᔨᑎᒍᑦ): ᖁᔭᓐᓇᒦᒃ, ᒥᓂᔅᑕ ᑯᓄ. ᒥᔅᑕ ᖃᒪᓂᖅ, ᐊᐱᖅᑯᑎᔅᓴᖃᒃᑲᓐᓂᖅᑮᑦ? ᖃᒪᓂᖅ: ᖁᔭᓐᓇᒦᒃ, ᐃᒃᓯᕙᐅᑖᖅ. ᖁᔭᓐᓇᒦᒃ ᑭᐅᒐᕕᑦ. (ᑐᓵᔨᑎᒎᓕᖅᑐᖅ) ᐱᓕᕆᕕᓯ 2026-2030-ᒧᑦ ᐱᓕᕆᐊᔅᓴᓄᑦ ᐸᕐᓇᐅᑎᖓ ᐅᖃᖅᓯᒪᒻᒪᑦ; ᐃᓚᖓᒎᖅ ᐸᕐᓇᓯᒪᔭᖓ ᐱᓕᕆᐊᕆᓛᕐᓗᓂᐅᒃ 2026-2027 ᐊᕐᕌᒍᖓᓂ, ᑖᓐᓇᐅᒻᒪᑦ ᖃᐅᔨᓴᖅᑎᑦᑎᓗᓯ ᐋᖅᑭᒋᐊᖅᑕᐅᔪᓐᓇᖏᒃᑲᓗᐊᕐᒫᑕ ᐊᕙᑎᓕᕆᓂᕐᒥᒃ ᒪᓕᒐᓕᕆᓂᖅ. ᐱᖃᑕᐅᓗᑎᒃ ᖃᐅᔨᒋᐊᕐᓂᕐᒧᑦ ᐸᕐᓇᐅᑎᖓ, ᐸᕐᓇᐅᑎᓯᓐᓂ. ᕿᒥᕐᕈᔭᐅᓗᑎᒃ ᐊᕙᑎᒥ ᓴᐳᒻᒥᑦᑎᓂᕐᒧᑦ ᐱᖁᔭᕐᔪᐊᖓᓂᒃ. ᖃᓄᖅ ᐊᓯᔾᔨᖅᑕᐅᒋᐊᖓ ᑖᓐᓇ ᐱᖁᔭᕐᔪᐊᖅ ᐃᓱᒪᔅᓴᖅᓯᐅᕈᑎᒋᔭᐅᕚ? ᖁᔭᓐᓇᒦᒃ, ᐃᒃᓯᕙᐅᑖᖅ. ᐃᔅᓯᕙᐅᑕᖅ (ᑐᓵᔨᑎᒍᑦ): ᖁᔭᓐᓇᒦᒃ, ᒥᔅᑕ ᖃᒪᓂᖅ. ᒥᔅᑕ ᑯᓄ, ᑲᔪᓯᒋᐊᕆᑦ. ᐊᖓᔪᖅᑳᖅ ᕗᕋᐃᔭᓐ ᑯᓄ (ᑐᓵᔨᑎᒍᑦ): ᖁᔭᓐᓇᒦᒃ, ᐃᒃᓯᕙᐅᑖᖅ. ᖁᔭᓐᓇᒦᓪᓗ ᒪᓕᒐᓕᐅᖅᑎ ᐊᐱᕆᒻᒪᑦ. ᓯᑏᕙᓐ ᒫᓐᓱᓪᒧᑦ ᐊᑕᑲᐃᓐᓇᖅᑐᒧᑦ ᒥᓂᔅᑕᐅᑉ ᑐᖏᓕᖓᓄᑦ ᑭᐅᔭᐅᖁᔭᕋᓗᐊᕋ. ᖁᔭᓐᓇᒦᒃ, ᐃᒃᓯᕙᐅᑖᖅ. ᐃᔅᓯᕙᐅᑕᖅ (ᑐᓵᔨᑎᒍᑦ): ᖁᔭᓐᓇᒦᒃ, ᒥᔅᑕ ᒫᓐᓱᓪ. ᒫᓐᓱᓪ (ᑐᓵᔨᑎᒍᑦ): ᖁᔭᓐᓇᒦᒃ, ᐃᒃᓯᕙᐅᑖᖅ. ᖁᔭᓐᓇᒦᓪᓗ ᑲᑎᒪᔨ ᐊᐱᕆᑦᑎᐊᕐᖓᑦ. ᑖᓐᓇ ᐱᓕᕆᐊᕆᔭᕗᑦ ᓱᓕ ᐊᓪᓚᕕᑦᑕ ᐃᓗᐊᓂ, ᐱᓕᕆᕕᑦᑕ ᐃᓗᐊᓂ. ᐊᒻᒪ ᐊᑐᐃᓐᓇᕈᓛᓕᖅᑐᒍᑦ ᓄᓇᕗᒻᒥᐅᓂ ᖃᓄᖅ ᐃᓱᒪᖃᕐᕕᖃᕐᒪᖔᑕ ᖃᐅᔨᒋᐊᕐᓗᑕ, ᒫᓐᓇ ᓱᓕ ᐊᓪᓚᕕᑦᑎᓐᓂ ᐱᓕᕆᐊᕆᑐᐃᓐᓇᖅᑕᕗᑦ. ᖁᔭᓐᓇᒦᒃ, ᐃᒃᓯᕙᐅᑖᖅ. ᐃᔅᓯᕙᐅᑕᖅ (ᑐᓵᔨᑎᒍᑦ): ᖁᔭᓐᓇᒦᒃ, ᒥᔅᑕ ᒫᓐᓯᐅᓪ. ᒥᔅᑕ ᖃᒪᓂᖅ, ᑲᔪᓯᒋᐊᕆᑦ.

ᐊᐃᑉᐹ, ᔫᓂ 09, 2026 ᓄᓇᕗᒥ ᒪᓕᒐᓕᐅᕐᕕᒻᒧᑦ ᑲᑎᒪᔾᔪᑏᑦ 60 ᖃᒪᓂᖅ: ᖁᔭᓐᓇᒦᒃ, ᐃᒃᓯᕙᐅᑖᖅ. ᐄ’, ᖁᔭᓐᓇᒦᒃ ᑭᐅᒐᕕᑦ. (ᑐᓵᔨᑎᒎᓕᖅᑐᖅ) ᖃᖓᓕ ᑕᐃᒪ ᐱᖁᔭᔅᓴᕐᒥᒃ ᒪᓕᒐᓕᐅᕐᕕᒻᒧᑦ ᓴᖅᑭᖅᓯᓛᖅᑭᓯᑦ, ᐋᖅᑭᒋᐊᕆᔾᔪᑎᔅᓴᐅᔪᒥᒃ ᐊᕙᑎᒥ ᓴᐳᒻᒥᑦᑎᓂᕐᒧᑦ ᐱᖁᔭᕐᔪᐊᖓᓂᒃ? ᖁᔭᓐᓇᒦᒃ, ᐃᒃᓯᕙᐅᑖᖅ. ᐃᔅᓯᕙᐅᑕᖅ (ᑐᓵᔨᑎᒍᑦ): ᖁᔭᓐᓇᒦᒃ, ᒥᔅᑕ ᖃᒪᓂᖅ. ᒥᓂᔅᑕ ᑯᓄ. ᐊᖓᔪᖅᑳᖅ ᕗᕋᐃᔭᓐ ᑯᓄ (ᑐᓵᔨᑎᒍᑦ): ᖁᔭᓐᓇᒦᒃ, ᐃᒃᓯᕙᐅᑖᖅ. ᖁᔭᓐᓇᒦᓪᓗ ᑲᑎᒪᔨ ᐊᐱᕆᕋᑖᕐᖓᑦ. ᑖᓐᓇ ᐅᓇ ᒐᕙᒪᐅᑎᓪᓗᒍ ᐱᓕᕆᐊᕆᒍᒪᔭᕗᑦ, ᑭᓯᐊᓂ ᐱᔭᔅᓴᓕᕕᔾᔪᐊᕌᓘᒐᑦᑕ ᐊᒻᒪᑦᑕᐅᖅ ᓇᒻᒥᓂᖅᓱᓕᕐᓂᖅ ᑕᐃᒪᐅᒋᓪᓗᓂ, ᐊᒻᒪ ᓄᓇᐅᑉ ᐊᑐᖅᑕᐅᓂᖓᓄᑦ ᐸᕐᓇᐅᑎᓕᕆᒋᐊᖃᕆᓪᓗᑕ. ᐱᔭᕇᕈᒪᓂᐊᖅᑕᕋᓗᐊᕗᑦ ᐅᓇ ᒐᕙᒪᐅᑎᓪᓗᒍ. ᖁᔭᓐᓇᒦᒃ, ᐃᒃᓯᕙᐅᑖᖅ. ᐃᔅᓯᕙᐅᑕᖅ (ᑐᓵᔨᑎᒍᑦ): ᖁᔭᓐᓇᒦᒃ, ᒥᓂᔅᑕ ᑯᓄ. ᒥᔅᑕ ᖃᒪᓂᖅ, ᑲᔪᓯᒋᐊᕆᑦ. ᖃᒪᓂᖅ: ᖁᔭᓐᓇᒦᒃ, ᐃᒃᓯᕙᐅᑖᖅ. ᐄ’, ᖁᔭᓐᓇᒦᒃ, ᐱᓕᕆᐊᒃᓴᖃᑦᑎᐊᖅᑐᓯᑦ. ᖁᔭᓐᓇᒦᒃ, ᑭᐅᒐᕕᑦ. (ᑐᓵᔨᑎᒎᓕᖅᑐᖅ) ᐱᓕᕆᕕᓯ 2026-2030-ᒧᑦ ᐱᓕᕆᐊᔅᓴᓄᑦ ᐸᕐᓇᐅᑎᖓ, ᐅᖃᖅᓯᒪᒻᒪᑦ ᐃᓚᖓᒎᖅ ᐸᕐᓇᓯᒪᔭᖓ ᐱᓕᕆᐊᕆᓛᕐᓗᓂᐅᒃ 2026-2027 ᐊᕐᕌᒍᖓᓂ ᑕᒪᓐᓇᐅᒻᒪᑦ. ᐸᕐᓇᑉᐸᓪᓕᐊᓕᕐᓗᑎᒃ ᐱᕙᓪᓕᐊᑎᑕᐅᓂᔅᓴᖓᓄᑦ ᓴᓂᕐᓂᑦ ᐊᐅᓚᑦᑎᓂᕐᒥᒃ ᑐᑭᒧᐊᒍᑎᔅᓴᐅᔪᒥᒃ. ᑕᐃᒫᓪᓗᑦᑕᐅᖅ ᐃᓄᒋᐊᔅᓯᕙᓪᓕᐊᔪᐃᑦ ᓯᓚᐅᑉ ᐊᓯᔾᔨᖅᐸᓪᓕᐊᓂᖓᓗ ᐃᓱᒪᒋᔭᐅᒋᐊᕐᓗᓂ ᖃᓄᖅ ᑲᒪᒋᔭᐅᓂᐊᕐᒪᖔᑕ ᐊᒻᒪᓗ ᖃᐅᔨᒋᐊᕐᓂᕆᒐᔭᖅᑕᓯ ᖃᓄᖅ ᐃᓱᒪᖃᕐᕕᐅᒻᒪᖔᑕ. ᑖᓐᓇ ᑐᑭᒧᐊᒍᑎᔅᓴᖅ ᓴᓇᔭᐅᓂᐊᖅᑳ, ᐱᓕᕆᕕᓯ ᐃᖅᑲᓇᐃᔭᖅᑎᖏᓐᓄᑦ ᐅᕝᕙᓘᓐᓃᑦ ᓯᓚᑖᓃᑦᑐᓄᑦ ᖃᐅᔨᓴᖅᑎᓄᑦ? (ᑐᓵᔨᑎᒎᕈᓐᓂᖅᑐᖅ) ᖁᔭᓐᓇᒦᒃ. ᐃᔅᓯᕙᐅᑕᖅ (ᑐᓵᔨᑎᒍᑦ): ᖁᔭᓐᓇᒦᒃ, ᒥᔅᑕ ᖃᒪᓂᖅ. ᒥᓂᔅᑕ ᑯᓄ. ᐊᖓᔪᖅᑳᖅ ᕗᕋᐃᔭᓐ ᑯᓄ (ᑐᓵᔨᑎᒍᑦ): ᖁᔭᓐᓇᒦᒃ, ᐃᒃᓯᕙᐅᑖᖅ. ᖁᔭᓐᓇᒦᓪᓗ ᑲᑎᒪᔨ ᐊᐱᕆᒻᒪᑦ. ᑖᓐᓇ ᐃᖅᑲᓇᐃᔭᖅᑎᓄᑦ ᑲᒪᒋᔭᐅᔪᖅ, ᓯᓚᑎᑦᑎᓃᙶᖅᑐᓂᑦ ᖃᐅᔨᒪᔨᑕᕐᓄᑦ ᐃᑲᔪᖅᑕᐅᓪᓗᑎᒃ. ᖁᔭᓐᓇᒦᒃ, ᐃᒃᓯᕙᐅᑖᖅ. ᐃᔅᓯᕙᐅᑕᖅ (ᑐᓵᔨᑎᒍᑦ): ᖁᔭᓐᓇᒦᒃ, ᒥᓂᔅᑕ ᑯᓄ. ᒥᔅᑕ ᖃᒪᓂᖅ, ᑲᔪᓯᒋᐊᕆᑦ. ᖃᒪᓂᖅ: ᖁᔭᓐᓇᒦᒃ, ᐃᒃᓯᕙᐅᑖᖅ. ᐊᒻᒪ ᖁᔭᓐᓇᒦᒃ ᑭᐅᒐᕕᑦ. (ᑐᓵᔨᑎᒎᓕᖅᑐᖅ) ᓄᓇᕗᒻᒥ ᐸᕐᓇᐃᔨᒃᑯᑦ ᓄᓇᐅᑉ ᐊᑐᖅᑕᐅᓂᖓᓄᑦ ᐸᕐᓇᐅᑎᔅᓴᖅ ᑐᓂᔭᐅᓚᐅᖅᓯᒪᒻᒪᑦ ᑲᓇᑕᐅᑉ ᒐᕙᒪᖓᓄᑦ, ᓄᓇᕗᑦ ᒐᕙᒪᖓᓄᑦ, ᓄᓇᕗᑦ ᑐᙵᕕᒃᑯᓄᓪᓗ ᔫᓂ 2023-ᖑᑎᓪᓗᒍ. ᐅᓪᓗᒥᐅᓕᖅᑐᕐᓕ ᖃᓄᐃᓕᖓᓕᖅᑲ ᕿᒥᕐᕈᓂᕆᔭᓯᑦ ᑖᔅᓱᒥᖓ ᐸᕐᓇᐅᑎᒥᒃ? (ᑐᓵᔨᑎᒎᕈᓐᓃᖅᑐᖅ) ᖁᔭᓐᓇᒦᒃ. ᐃᔅᓯᕙᐅᑕᖅ (ᑐᓵᔨᑎᒍᑦ): ᖁᔭᓐᓇᒦᒃ, ᒥᔅᑕ ᖃᒪᓂᖅ. ᒥᓂᔅᑕ ᑯᓄ. ᐊᖓᔪᖅᑳᖅ ᕗᕋᐃᔭᓐ ᑯᓄ (ᑐᓵᔨᑎᒍᑦ): ᖁᔭᓐᓇᒦᒃ, ᐃᒃᓯᕙᐅᑖᖅ. ᖁᔭᓐᓇᒦᓪᓗ ᑲᑎᒪᔨ ᐊᐱᕆᒻᒪᑦ. ᖃᐅᔨᒪᔪᖓ ᑖᓐᓇ ᑐᓴᖅᑕᐅᒍᒪᕕᐅᑎᔅᓯᒪᒻᒪᑦ ᓄᓇᐅᑉ ᐊᑐᖅᑕᐅᓂᖓᓄᑦ ᐸᕐᓇᐅᑎᔅᓴᖅ ᖃᓄᐃᓕᖓᓕᕐᒪᖔᖅ. ᑖᓐᓇ ᐅᐊᑦᑎᐊᕈᑲᓪᓚᒃ ᓴᓇᔭᐅᔪᒐᓗᐊᕐᖓᑦ, ᐊᒻᒪᓗ ᑭᐅᔭᐅᑦᑎᐊᖁᓪᓗᑎᑦ ᑖᓐᓇ ᐊᑕᑲᐃᓐᓇᖅᑐᖅ ᑐᖏᓕᕋ, ᓯᑏᕙᑦ ᒫᓐᓯᐅᓪ ᑭᐅᖁᔭᕋᓗᐊᕋ. ᖁᔭᓐᓇᒦᒃ, ᐃᒃᓯᕙᐅᑖᖅ.

ᐊᐃᑉᐹ, ᔫᓂ 09, 2026 ᓄᓇᕗᒥ ᒪᓕᒐᓕᐅᕐᕕᒻᒧᑦ ᑲᑎᒪᔾᔪᑏᑦ 61 ᐃᔅᓯᕙᐅᑕᖅ (ᑐᓵᔨᑎᒍᑦ): ᖁᔭᓐᓇᒦᒃ, ᒥᓂᔅᑕ ᑯᓄ. ᑲᔪᓯᒋᐊᕆᑦ ᒥᔅᑕ ᒫᓐᓯᐅᓪ. ᒫᓐᓱᓪ (ᑐᓵᔨᑎᒍᑦ): ᖁᔭᓐᓇᒦᒃ, ᐃᒃᓯᕙᐅᑖᖅ. ᖁᔭᓐᓇᒦᓪᓗ ᑲᑎᒪᔨ ᐊᐱᕆᑦᑎᐊᕐᖓᑦ. ᒥᓂᔅᑕ ᐅᖃᕋᑖᕐᖓᑦ, ᖃᐅᔨᒪᔪᒍᑦ ᑐᓴᖅᑕᐅᒍᒪᕕᐅᑎᖃᑦᑕᕐᖓᑦ ᑖᓐᓇ ᓄᓇᐅᑉ ᐊᑐᖅᑕᐅᓂᖓᓄᑦ ᐸᕐᓇᐅᑎᔅᓴᖅ, ᐊᒻᒪᓗᑦᑕᐅᖅ ᓄᓇᕘᑉ ᒐᕙᒪᖓᑦ ᐅᖃᕐᓂᕆᓛᖅᑕᖓᓂᑦ ᓂᕆᐅᒻᒥᔪᒍᑦ ᖃᓄᖅ ᐃᓱᒪᖃᕐᒪᖔᑕ. ᓄᓇᕗᑦ ᑐᙵᕕᒃᑯᑦ ᐱᓕᕆᖃᑎᒋᓪᓗᑎᒍᑦ, ᑲᓇᑕᐅᑉ ᒐᕙᒻᖓᓗ ᐱᓕᕆᖃᑎᒋᒋᐊᖃᕋᑦᑎᒍᑦ, ᐱᖓᓱᐃᖑᓪᓗᑕ ᖃᓄᖅ ᐃᓱᒪᖃᕐᒪᖔᑦᑕ, ᐃᓱᒪᖃᕐᕕᒋᒻᒪᖔᑦᑎᒍ ᓄᐊᑦᑎᒐᓱᒃᑲᑦᑕ ᑲᑎᑎᕆᒐᓱᒃᑲᑦᑕ. ᑕᐃᒫᒃ ᑐᑭᓯᑦᑎᐊᖅᓯᒪᓗᑕ ᐋᖅᑭᔅᓯᒍᒪᓛᕋᑦᑕ ᐃᓱᒪᖃᕆᐊᖅᓯᒪᔪᓂᑦ ᐱᒍᒪᔭᖏᓐᓂᑦ ᓄᓇᕗᒻᒥᐅᑕᐃᑦ. ᓯᕗᓪᓕᐅᑎᑕᕋᓗᐊᕗᑦ ᑭᓯᐊᓂ ᖃᖓᐅᓛᕐᒪᖔᖅ ᐅᖃᕈᓐᓇᙱᑲᓚᐅᖅᑐᖓ. ᖁᔭᓐᓇᒦᒃ, ᐃᒃᓯᕙᐅᑖᖅ. ᐃᔅᓯᕙᐅᑕᖅ (ᑐᓵᔨᑎᒍᑦ): ᖁᔭᓐᓇᒦᒃ, ᒥᔅᑕ ᒫᓐᓯᐅᓪ. ᒥᔅᑕ ᖃᒪᓂᖅ, ᑲᔪᓯᒋᐊᒃᑲᓐᓂᕆᑦ. ᖃᒪᓂᖅ: ᖁᔭᓐᓇᒦᒃ, ᐃᒃᓯᕙᐅᑖᖅ. ᐊᒻᒪ ᖁᔭᓐᓇᒦᒃ ᑭᐅᒐᕕᑦ. (ᑐᓵᔨᑎᒎᓕᖅᑐᖅ) ᑕᐃᒪᓕ ᐱᓕᕆᕕᓯ 2026-2027-ᒧᑦ ᐱᓕᕆᐊᔅᓴᓄᑦ ᐸᕐᓇᐅᑎᖓ ᐅᖃᖅᓯᒪᒻᒪᑦ; ᑎᑎᕋᕆᐊᕐᖓᐅᑎᓂᒡᒎᖅ ᑕᖅᑲᒃᑯᓄᖓ ᖃᐅᔨᒋᐊᕐᓂᕆᓛᖅᑕᓯᓐᓄᑦ ᐊᑐᐃᓐᓇᕈᖅᓴᖅᑕᐅᓕᕐᖓᑦ. ᐊᒻᒪᓗᑦᑕᐅᖅ ᐱᖁᔭᓕᐊᖑᒐᔭᖅᑐᓄᑦ ᑎᑎᕋᖅᐸᓪᓕᐊᓕᕆᓪᓗᓯᑦ, ᐋᖅᑭᒋᐊᖅᓯᔾᔪᑕᐅᒐᔭᖅᑐᒥᒃ ᓄᓇᕘᒥ ᒥᕐᖑᐃᓯᕐᕖᑦ ᐱᖁᔭᕐᔪᐊᖓᓂᒃ. ᖃᖓᓕ ᑕᐃᒪ ᐱᓕᕆᕕᓯ ᐱᖁᔭᔅᓴᕐᒥᒃ ᓴᖅᑭᖅᓯᒐᔭᖅᑲ ᑖᔅᓱᒧᖓ ᑐᕌᖓᔪᒥᒃ ᒪᓕᒐᓕᐅᕐᕕᒻᒧᑦ? ᖁᔭᓐᓇᒦᒃ, ᐃᒃᓯᕙᐅᑖᖅ. ᐃᔅᓯᕙᐅᑕᖅ (ᑐᓵᔨᑎᒍᑦ): ᖁᔭᓐᓇᒦᒃ, ᒥᔅᑕ ᖃᒪᓂᖅ. ᒥᓂᔅᑕ ᑯᓄ. ᐊᖓᔪᖅᑳᖅ ᕗᕋᐃᔭᓐ ᑯᓄ (ᑐᓵᔨᑎᒍᑦ): ᖁᔭᓐᓇᒦᒃ, ᐃᒃᓯᕙᐅᑖᖅ. ᖁᔭᓐᓇᒦᒃ ᑲᑎᒪᔨ ᐊᐱᕆᒻᒪᑦ. ᐊᔾᔨᐸᓗᖓ ᐱᔭᕇᕈᒪᓛᖅᑕᕗᑦ ᐅᓇ ᒐᕙᒪᐅᑎᓪᓗᒍᑦᑕᐅᖅ. ᑭᓯᐊᓂ ᖃᐅᔨᒋᐊᒃᑲᓐᓂᕆᐊᖃᕋᑦᑕ ᖃᓄᖅ ᐃᓱᒪᖃᕐᕕᐅᒻᒪᖔᑦᑕ. ᑲᔪᓯᒋᐊᕈᓐᓇᓛᕐᖓᑦ, ᒫᓐᓇ ᐅᓪᓗᖓᓂ ᐅᖃᕈᓐᓇᙱᑲᓚᐅᖅᑐᖓ. ᖁᔭᓐᓇᒦᒃ, ᐃᒃᓯᕙᐅᑖᖅ. ᐃᔅᓯᕙᐅᑕᖅ (ᑐᓵᔨᑎᒍᑦ): ᖁᔭᓐᓇᒦᒃ, ᒥᓂᔅᑕ ᑯᓄ. ᐊᐱᖅᑯᑎᔅᓴᓕᑦᑕᖃᒃᑲᓐᓂᖅᑳ ᑲᑎᒪᔨᓂ? ᐱᓕᕆᐊᖑᔪᓂ ᐊᐅᓚᑦᑎᔨᐅᔪᓄᑦ ᐊᐅᓚᑦᑎᓂᕐᒥᒃ. ᑕᑯᙱᓐᓇᒪ, ᐊᖏᖅᑭᓰᑦ ᐊᕙᑎᓕᕆᔨᒃᑯᑦ ᐱᓕᕆᐊᖏᓐᓂᒃ ᐊᐅᓚᑦᑎᔾᔪᑎᔅᓴᖏᑦ, ᐊᐅᓚᒍᑎᔅᓴᐃᑦ $22-ᒥᓕᐊᑦ, $63,000.00 ᑮᓇᐅᔭᐃᑦ? ᖁᔭᓐᓇᒦᒃ. ᒪᑉᐱᒐᖅ E-3- ᒨᓕᕐᒥᒋᔅᓯᑦ. ᒪᓕᒐᓕᐅᖅᑏᑦ ᐊᖏᖅᑲᑦ ᐊᕙᑎᓕᕆᔨᒃᑯᑦ 2026-2027-ᒥ ᑮᓇᐅᔭᖅᑐᕈᑎᔅᓴᖏᓐᓂᑦ ᐊᐅᓚᒍᑎᔅᓴᖏᓐᓂᑦ $29-ᒥᓕᐊᑦ, $392,000 ᑮᓇᐅᔭᑦ? ᖁᔭᓐᓇᒦᒃ. ᒪᓕᒐᓕᐅᖅᑏᑦ ᐊᖏᖅᑭᓰᑦ, ᐱᔭᕇᕋᑦᑎᒍ ᐊᕙᑎᓕᕆᔨᒃᑯᑦ ᐱᓕᕆᕕᖓᑦ? ᐃᓚᖏᑦ ᑲᑎᒪᔩᑦ: ᐊᖏᖅᑐᑦ. ᐃᒃᓯᕙᐅᑕᖅ (ᑐᓵᔨᑎᒍᑦ): ᖁᔭᓐᓇᒦᒃ. ᒪᑐᓯᒍᑎᓄᑦ ᐅᖃᐅᓯᔅᓴᖃᖅᑮᑦ, ᒥᓂᔅᑕ ᑯᓄᒃ? ᐊᖓᔪᖅᑳᖅ ᕗᕋᐃᔭᓐ ᑯᓄ (ᑐᓵᔨᑎᒍᑦ): ᖁᔭᓐᓇᒦᒃ, ᐃᒃᓯᕙᐅᑖᖅ. ᖁᔭᓐᓇᒦᒃ, ᑲᑎᒪᔩᑦ. ᒫᓐᓇ ᐅᖃᕈᒪᔪᖓ ᐊᖏᖅᓯᒪᓂᕆᔭᕗᑦ ᐊᕙᑎᓕᕆᔨᒃᑰᓪᓗᑕ, ᐱᓕᕆᑦᑎᐊᖅᓯᒪᓪᓚᕆᑦᑐᐊᓘᒐᑦᑕ ᐃᖅᑲᓇᐃᔭᖅᑎᑭᔅᓴᖅᑐᑕ. ᐊᒻᒪᓗᑦᑕᐅᖅ ᐱᑐᖄᓗᓐᓂᑦ ᐊᓪᓚᕝᕕᖃᐅᕋᑦᑕ ᓄᓇᕘᒥ, ᐊᔅᓱᕈᖃᑦᑕᖅᓯᒪᔪᒍᑦ ᐊᕐᕌᒍᓂ ᐊᓂᒍᖅᓯᒪᔪᓂᑦ ᐊᒥᓱᑲᓪᓚᓐᓂᑦ. ᑭᓯᐊᓂ ᐱᓕᕆᑦᑎᐊᖅᓯᒪᔪᐊᓗᐃᑦ ᐃᖅᑲᓇᐃᔭᖅᑎᕗᑦ, ᐱᓗᐊᖅᑐᒥᒃ

ᐊᐃᑉᐹ, ᔫᓂ 09, 2026 ᓄᓇᕗᒥ ᒪᓕᒐᓕᐅᕐᕕᒻᒧᑦ ᑲᑎᒪᔾᔪᑏᑦ 62 ᐆᒪᔪᓕᕆᔨᕗᑦ ᑖᒃᑯᐊ ᐃᖅᑲᓇᐃᔭᑦᑎᐊᖅᓯᒪᓪᓚᕆᑦᑐᐃᑦ. ᖁᕕᐊᓇᖅᑯᖅ ᑕᑯᒋᐊᔅᓴᖅ, ᒫᓐᓇ ᑐᑦᑐᐃᑦ ᐊᒥᓱᕈᖅᓯᒪᔪᑯᓘᓕᕐᖓᑕ ᕿᑭᖅᑖᓗᒻᒥ, ᐊᔅᓱᐊᓗᒃ ᐊᕐᕌᒍᓂ ᐊᓂᒍᕋᑖᖅᑐᓂ. ᐊᒻᒪ ᑖᓐᓇ ᐆᑦᑑᑎᑦᑎᐊᕙᐅᕆᔭᐅᒍᓐᓇᖅᑐᖅ ᐊᐅᓚᑦᑎᖃᑎᒌᓪᓗᓂ ᖃᓄᐃᑦᑐᖃᕈᓐᓇᕐᓂᖓᓂᒃ, ᖁᕕᐊᓱᑉᐳᖓ ᐃᑲᔪᖅᓯᖅᑕᐅᑦᑎᐊᖃᑦᑕᕋᑦᑕ ᒐᕙᒪᒃᑯᓐᓄᑦ. ᐊᒻᒪᓗᑦᑕᐅᖅ ᖁᔭᓕᒍᒪᓪᓗᑕ ᐊᒻᒪ ᓯᕗᓂᕆᓛᖅᑕᑎᓐᓂ ᐱᓕᕆᐊᕆᖃᑦᑕᓛᖅᑕᑎᓐᓂᑦ ᓄᑖᕈᕆᐊᖅᓯᒋᐊᖃᓛᕋᑦᑕ ᒐᕙᒪᒃᑯᑦ ᐱᓕᕆᕕᖏᓐᓂᑦ ᐃᖅᑲᓇᐃᔭᖅᑎᖏᓐᓂᓪᓗ, ᐊᐅᓚᑦᑎᐊᕐᓂᖅᓴᐅᒍᓐᓇᓛᕐᖓᑕ ᓯᕗᓂᑦᑎᓐᓂ. ᐊᒻᒪ ᒪᓕᒐᓕᐅᖅᑎᐅᖃᑎᒃᑲ ᖁᔭᓕᕙᒃᑲ, ᐃᓘᓐᓇᓯᓗ ᐊᕙᑎᓕᕆᔨᒃᑯᓐᓂ ᕿᒥᕐᕈᖃᑕᐅᕋᑖᖅᑐᐃᑦ ᒫᓐᓇ. ᖁᔭᓐᓇᒦᒃ, ᐃᒃᓯᕙᐅᑖᖅ. ᐃᔅᓯᕙᐅᑕᖅ (ᑐᓵᔨᑎᒍᑦ): ᖁᔭᓐᓇᒦᒃ, ᒥᓂᔅᑕ ᑯᓄᒃ. ᐃᖅᓱᑦᑏ, ᐱᓕᕆᔨᖏᑦ ᐊᓂᑎᓚᐅᕐᒥᒃᑭᑦ. ᑲᑎᒪᔨᕋᓛᑦ ᓱᔪᒪᓕᖅᑲᑦ? ᒥᔅᑕ ᑕᖅᑐ. ᑕᖅᑐ (ᑐᓵᔨᑎᒍᑦ): ᖁᔭᓐᓇᒦᒃ, ᐃᒃᓯᕙᐅᑖᖅ. ᐱᒋᐊᖅᑎᑦᑎᕗᖓ ᐱᕙᓪᓕᐊᓂᕆᓯᒪᔭᑦᑎᓐᓂ ᐅᓂᒃᑳᖁᔨᓕᕐᓗᖓ. ᖁᔭᓐᓇᒦᒃ, ᐃᒃᓯᕙᐅᑖᖅ. ᐃᒃᓯᕙᐅᑕᖅ (ᑐᓵᔨᑎᒍᑦ): ᖁᔭᓐᓇᒦᒃ, ᒥᔅᑕ ᑕᖅᑐ. ᐱᖁᔨᕗᖔᕈᑎᑕᖃᕐᖓᑦ ᐊᐃᕙᒍᑎᔅᓴᐅᙱᑦᑐᒥ. ᓈᒻᒪᓴᖅᑐᐃᑦ ᐱᖁᔨᕗᖓᒻᒥ? ᐊᑭᕋᖅᑐᖅᑐᐃ? ᐱᖁᔨᕗᖔᕈᑎ ᑲᔪᓯᔪᖅ. ᒫᓐᓇ ᓂᑯᕕᙳᓱᓕᖅᑯᖓ ᐱᕙᓪᓕᐊᓂᕆᓯᒪᔭᑦᑎᓐᓂ ᐅᓂᒃᑳᕐᓗᖓ. >>ᑲᑎᒪᑐᐃᓐᓇᕐᓂᖅ ᓄᖅᑲᖅᑐᖅ 18:30 ᐊᒻᒪᓗ ᑲᑎᒪᓂᖅ ᐱᒋᐊᖅᑐᖅ 18:32 ᐅᖃᖅᑎ: ᑲᑎᒪᔾᔪᑎᒃᓴᖅ 20. ᑲᑎᒪᑐᐃᓐᓇᓚᐅᖅᑎᓪᓗᒋᑦ ᐅᓂᒃᑳᑦ. ᒥᔅᑕ ᐲᑕᓴᓐ. ᑲᑎᒪᔾᔪᑎᒃᓴᖅ 20: ᑲᑎᒪᔨᕋᓛᑦ ᑲᑎᒪᑐᐃᓐᓇᓚᐅᖅᑎᓪᓗᒋᑦ ᐅᓂᒃᑳᖓᑦ ᐲᑕᓴᓐ (ᑐᓵᔨᑎᒍᑦ): ᖁᔭᓐᓇᒦᒃ, ᐅᖃᖅᑏ. ᑲᑎᒪᔨᖁᑎᑎᑦ ᐃᓱᒪᒃᓴᖅᓯᐅᕈᑎᖃᕋᑖᕐᖓᑕ ᒪᓕᒐᒃᓴᑦ 1-ᒥ ᐊᒻᒪ ᐱᕙᓪᓕᐊᓂᕋᕈᓐᓇᓯᒻᒪᑕ. ᐱᒋᐊᖅᑎᑦᑎᕗᖓ ᑲᑎᒪᑐᐃᓐᓇᕐᓂᐅᑉ ᐅᓂᒃᑳᖏᑦ ᓈᒻᒪᒋᔭᐅᖁᓪᓗᒋᑦ. ᖁᔭᓐᓇᒦᒃ, ᐅᖃᖅᑏ. ᐅᖃᖅᑎ: ᐱᖁᔨᕗᖔᕈᑎᑕᖃᕐᒪᑦ. ᐊᐃᑉᐱᖅᑕᐅᕙ? ᒥᔅᑕ ᐊᑕᒍᑦᑖᓗᒃ. ᐱᖁᔨᕗᖔᕈᑎᒧᑦ ᓂᕈᐊᓚᐅᕐᒥᒍᑦᓯ. ᓈᒻᒪᓴᖅᑐᑦ? ᓈᒻᒪᓴᙱᑦᑐᑦ. ᑲᔪᓯᕗᖅ. ᖁᔭᓐᓇᒦᒃ. ᑲᑎᒪᔾᔪᑎᒃᓴᖅ 21. ᐱᖓᔪᐊᓐᓂ ᐅᖃᓕᒪᖅᑕᐅᓂᖏᑦ ᒪᓕᒐᒃᓴᑦ. ᑲᑎᒪᔾᔪᑎᒃᓴᖅ 22. ᑲᑎᒪᔾᔪᑎᒃᓴᐃᑦ. ᐊᓪᓚᑎᒻᒪᕆ. ᑎᑎᕋᖅᑎ: ᑲᑎᒪᔾᔪᑎᒃᓴᖅ 22: ᑲᑎᒪᔾᔪᑎᒃᓴᐃᑦ ᑎᑎᕋᖅᑎ (ᐃᓄᒃᓱᒃ)(ᑐᓵᔨᑎᒍᑦ): ᖁᔭᓐᓇᒦᒃ, ᐅᖃᖅᑏ. ᔫᓐ 10-ᒧᑦ ᑲᑎᒪᔾᔪᑎᒃᓴᐃᑦ: 1. ᑐᒃᓯᐊᕐᓂᖅ 2. ᐊᖓᔪᖅᑳᑦ ᐅᖃᐅᓯᖏᑦ

ᐊᐃᑉᐹ, ᔫᓂ 09, 2026 ᓄᓇᕗᒥ ᒪᓕᒐᓕᐅᕐᕕᒻᒧᑦ ᑲᑎᒪᔾᔪᑏᑦ 63 3. ᒪᓕᒐᓕᐅᖅᑏᑦ ᐅᖃᐅᓯᖏᑦ 4. ᑭᐅᔾᔪᑎᑦ ᐅᖃᐅᓯᒃᑯᑦ ᐊᐱᖅᑯᑎᓄᑦ 5. ᐃᓕᑕᖅᓯᓂᖅ ᐳᓛᖅᑎᓂᑦ 6. ᐅᖃᐅᓯᒃᑯᑦ ᐊᐱᖅᑯᑎᑦ 7. ᑎᑎᖅᑲᒃᑯᑦ ᐊᐱᖅᑯᑎᑦ 8. ᑭᐅᔾᔪᑎᑦ ᑎᑎᖅᑲᒃᑯᑦ ᐊᐱᖅᑯᑎᓄᑦ 9. ᑭᐅᔾᔪᑎᑦ ᒪᑐᐃᕈᑎᒧᑦ 10.

Document details

Collection	Nunavut — Debates (Hansard)
Citation	2026-06-09 Blues Inuktitut
Type	statute
Volume / chapter	20260609 Blues Inuktitut
Language	en
Format	pdf
Source	TERRITORIAL
Identifier	751b7e3277297cd7ad03b8d579950f8a806fed0f

Source file is stored in the law ingest library (pdf).