Nunavut Hansard — 2 June 2026 (Blues, Inuktitut)

2026-06-02 Blues Inuktitut

Nunavut — Debates (Hansard)

ᒪᓕᒐᓕᐅᕐᕕᒻᒥ ᑲᑎᒪᔾᔪᑎᒥᓃᑦ ᐋᖅᑭᒋᐊᖅᓯᒪᓐᖏᑦᑐᑦ ᓇᕿᑦᑕᖅᑕᐅᓯᒪᔪᑦ ᐊᐃᑉᐹ, ᔫᓂ 02, 2026 ᐃᖃᓗᐃᑦ, ᓄᓇᕗᑦ ᐋᖅᑭᒋᐊᕈᑎᑦ: ᐊᑏ ᐅᑎᖅᑎᓯᐅᒃ ᐋᖅᑭᒋᐊᖅᑕᐅᔪᐃᑦ ᑎᑎᕋᖅᑎᒧᑦ ᐅᕝᕙᓘᓐᓃᑦ ᑐᖏᓕᐊᓄᑦ ᒪᓕᒐᓕᐅᕐᕕᒻᒥ ᑲᑎᒪᔾᔪᑎᒥᓃᑦ ᓇᕿᔾᔪᑕᐅᓐᖏᓚᑦ ᑐᑭᓕᐊᖅᑕᐃᓐᓇᕆᓗᒋᑦ ᒪᓕᒐᓕᐅᖅᑏᑦ ᐊᐃᕙᓂᖏᑦ. ᓇᕿᑕᐅᓯᒪᑐᐃᓐᓇᖅᑐᐃᑦ ᐅᖃᐅᓯᐅᓪᓗᐊᑕᖅᑐᑦ. ᐅᖃᖅᑕᐅᒃᑲᓂᖅᑐᒥᒃ ᐊᓯᐊᑎᒍᓪᓘᓐᓃᑦ ᓲᕐᓗ ᓇᓗᓇᐃᖅᑕᐅᔪᖃᒃᑲᓐᓂᕆᐊᖃᖅᐸᑦ ᐋᖅᑭᒋᐊᖅᑕᐅᔪᓐᓇᖅᑐᑦ ᑭᓇᑐᐃᓐᓇᖅ ᒪᓕᒐᓕᐅᕐᕕᒻᒥ ᑲᑎᒪᔾᔪᑎᓂᑦ ᐅᖃᓕᒫᖅᑐᑦ ᓱᖅᑯᐃᒪᓂᐊᕐᒪᑦ ᐅᖃᖅᑕᒥᓂᕐᒥᒃ. ᑲᑎᒪᐅᑎᒥᓂᓕᕆᔪᑦ ᐅᖃᓕᒫᕋᓐᓂᑦᑎᑦᓯᔭᕆᐊᓖᑦ ᐊᔾᔨᒌᑉᐸᓐᖏᒻᒪᑎᒃ ᐅᖃᖅ ᑕᐅᔪᖅ ᑎᑎᕋᖅᓯᒪᔪᕐᓗ. ᐊᐃᕙᔾᔪᑎᒥᓃᑦ, ᓯᑎᐱᕆ 20, 1983, ᒪᑉᐱᑐᒐᖓ 27299. ᐴᓯᔅᓂᐅᑉ 6-ᖓᓐᓂᒃ ᓇᕿᑕᐅᔾᔪᑎᖓ, ᑎᓕᓯᔾᔪᑎᒃ 55

ᓄᓇᕗᑦ ᒪᓕᒐᓕᐅᕐᕕᖓ ᐅᖃᖅᑎ ᐊᖓᔪᖅᑳᖅ ᑕᐃᕕᑎ ᔪᐊᓇᓯ (ᕿᑭᖅᑖᓘᑉ ᓂᒋᐊ) ᐊᐅᓚᑦᑎᔩᑦ ᐊᓪᓚᑦᑎᐅᑲᐃᓐᓇᖅᑐᖅ ᐊᓪᓚᑦᑎᐅᑉ ᑐᓪᓕᐊ ᓯᑏᕙᓐ ᐃᓄᒃᓱᒃ ᕙᓐᑎ ᐱᐊᓐᔅ ᐊᓪᓚᑦᑎᐅᑉ ᐃᑲᔪᖅᑎᖓ ᖂᔪ ᓄᓱᑦᑕᖅ ᒪᓕᒐᓕᕆᔨ ᒪᐃᑯᓪ ᓵᓐᑐᓗ ᐃᖅᓱᖅᑎ ᒪᓕᒃᑐ ᓄᓱᑦᑕᖅ ᑲᑎᒪᐅᑎᓂᒃ ᐋᖅᑭᒃᓱᐃᔩᑦ ᐅᖃᐅᓯᕐᒥᒃ ᐅᖃᐅᓯᕐᒧᑦ ᑎᒥᖓᑦ ᑎᑎᖅᑲᒃᑯᕕᒃ 1200 ᐃᖃᓗᐃᑦ, ᓄᓇᕗᑦ X0A 0H0 ᐅᖄᓚᐅᑖ (867) 975-5000 ᓱᒃᑲᕈᑖ (867) 975-5190 ᐊᑭᖃᓐᖏᑦᑐᖅ (877) 334-7266 ᐊᖓᔪᖅᑳᖅ ᒍᐊᐃᓐ Hᐄᓕ ᐊᕿᐊᕈᖅ (ᐃᖃᓗᐃᑦ−ᒪᓂᕋᔭᒃ) ᒥᓂᔅᑕ ᐃᓄᓕᕆᔨᒃᑯᓐᓄᑦ;ᒥᓂᔅᑕ ᑲᒪᒋᔭᖃᖅᑐᖅ ᖁᓪᓕᖅ ᐆᒻᒪᖅᑯᑎᓕᕆᔨᒃᑯᓐᓂᑦ; ᒥᓂᔅᑕ ᑲᒪᒋᔭᖃᖅᑐᖅ ᐊᖏᕐᕋᖃᖏᓐᓂᕐᒥᒃ; ᒥᓂᔅᑕ ᑲᒪᒋᔭᖃᖅᑐᖅ ᐊᒃᖢᓂᕐᒥᒃ ᒥᒃᖠᒋᐊᖅᑎᑦᑎᓂᕐᒧᑦ; ᒥᓂᔅᑕ ᑲᒪᒋᔭᖃᖅᑐᖅ ᐊᕐᓇᐃᑦ ᑲᑎᒪᔨᖏᓐᓂᒃ; ᐊᖓᔪᖅᑳᖅ ᑕᐃᕕᑎ ᐊᕿᐊᕈᖅ (ᐃᖃᓗᐃᑦ-ᓂᐊᖁᙴ) ᒐᕙᒪᒃᑯᑦ ᓯᕗᒃᑲᖅᑕᖅᑎᖓ; ᒥᓂᔅᑕ ᐃᓕᓐᓂᐊᖅᑐᓕᕆᓂᕐᒧᑦ; ᒥᓂᔅᑕ ᑲᒪᒋᔭᖃᖅᑐᖅ ᓄᓇᕗᒻᒥ ᓯᓚᑦᑐᖅᓴᕐᕕᖕᒥᒃ ᕼᐋᓇ ᐊᖑᑎᐊᓗᒃ (ᐊᐃᕕᓕᒃ) ᐃᐊᑦᕗᑦ ᐊᑕᒍᑦᑖᓗᒃ (ᐊᒡᒍ) ᐊᖓᔪᖅᑳᖅ ᔮᓂᑦ ᐳᕉᔅᑐ (ᐃᖃᓗᐃᑦ-ᓯᓈ) ᒥᓂᔅᑕ ᐋᓐᓂᐊᖃᕐᓇᓐᖏᑦᑐᓕᕆᓂᕐᒧᑦ; ᒥᓂᔅᑕ ᑲᒪᒋᔭᖃᖅᑐᖅ ᐃᒻᒥᓃᖅᑕᐃᓕᒪᑎᑦᑎᓂᕐᒧᑦ ᐊᖓᔪᖅᑳᖅ ᔪᐊᔾ Hᐃᒃᔅ (ᐃᖃᓗᐃᑦ-ᑕᓯᓗᒃ) ᓄᓇᕗᒻᒧᑦ ᓯᕗᓕᖅᑎᐅᑦ ᑐᖓᓕᖓ; ᒥᓂᔅᑕ ᒪᓕᒐᓕᕆᓂᕐᒧᑦ; ᒥᓂᔅᑕ ᐃᖏᕐᕋᔪᓕᕆᓂᕐᒧᑦ ᒪᑭᒪᐅᑎᓄᓪᓗ; ᒥᓂᔅᑕ ᑲᒪᒋᔭᖃᖅᑐᖅ ᐃᖅᑲᓇᐃᔭᖅᑐᓕᕆᓂᕐᒧᑦ ᑲᑎᒪᔨᓂᒃ; ᒥᓂᔅᑕ ᑲᒪᒋᔭᖃᖅᑐᖅ ᐃᓄᐃᑦ ᐱᔪᓐᓇᐅᑎᖏᓐᓄᑦ ᑲᑎᒪᔨᓂᒃ ᔭᐃᒥ ᖃᑉᓗᑦᓯᐊᖅ (ᐊᕐᕕᐊᑉ ᓂᒋᐊ) ᕗᕆᐊᑦ ᐲᑕᓴᓐ (ᐃᖃᓗᒃᑑᑦᑎᐊᖅ) ᒍᐊᑕᓐ ᑲᐅᑕᒃ (ᐅᖅᑯᒻᒥᐅᑦ) ᐊᖓᔪᖅᑳᖅ ᐳᕋᐃᔭᓐ ᑯᓄ (ᑐᓄᓂᖅ) ᒥᓂᔅᑕ ᐃᓕᖅᑯᓯᓕᕆᔨᒃᑯᑦ; ᒥᓂᔅᑕ ᐅᖃᐅᓯᓕᕆᓂᕐᒧᑦ; ᒥᓂᔅᑕ ᐊᕙᑎᓕᕆᓂᕐᒧᑦ; ᒥᓂᔅᑕ ᐆᒻᒪᖅᑯᑎᓕᕆᓂᕐᒧᑦ ᓴᐃᒪᓐ ᖁᓕᒃᑖᓇ (ᖁᕐᓗᖅᑑᖅ) ᐊᖓᔪᖅᑳᖅ ᓯᓯᐅᓪ ᓂᐅᓪᕙᓇ ᓚᐃᔪᓪ (ᓇᑦᓯᓕᒃ) ᒥᓂᔅᑐ ᑲᒪᒋᔭᖃᖅᑐᖅ ᓄᓇᕘᑉ ᐃᒡᓗᓕᕆᔨᕐᔪᐋᒃᑯᖏᓂ ᐊᖓᔪᖅᑳᖅ ᐋᕐᓗᒃ ᒪᐃᓐ (ᐊᕐᕕᐊᑉ ᐅᐊᓐᓇᖓ-ᑎᑭᕌᕐᔪᐊᖅ) ᓯᕗᓕᖅᑎ ᓄᓇᕗᒻᒥ; ᒥᓂᔅᑕ ᓯᕗᓕᖅᑎᓄᑦ ᒐᕙᒪᐅᖃᑎᒌᒃᑐᓕᕆᔨᒃᑯᓐᓄᓪᓗ; ᒥᓂᔅᑕ ᑮᓇᐅᔭᓕᕆᓂᕐᒧᑦ; ᒥᓂᔅᑕ ᑲᒪᒋᔭᖃᖅᑐᖅ ᓄᓇᖃᖅᑳᖅᓯᒪᔪᓕᕆᓂᕐᒥᒃ; ᒥᓂᔅᑕ ᑲᒪᒋᔭᖃᖅᑐᖅ ᑲᓇᑕᐅᑦ ᓯᓚᑖᓃᖖᒑᖅᑐᓄᑦ; ᒥᓂᔅᑕ ᑲᒪᒋᔭᖃᖅᑐᖅ ᐆᒻᒪᖅᑯᑎᑦ ᐊᑭᖏᓐᓂᒃ ᕿᒥᕐᕈᔩᑦ ᑲᑎᒪᔨᖏᑦ; ᒥᓂᔅᑕ ᑲᒪᒋᔭᖃᖅᑐᖅ ᐃᓐᓇᕐᓂᒃ; ᒥᓂᔅᑕ ᑲᒪᒋᔭᓕᒃ ᓄᓇᕗᒻᒥ ᐃᒥᐊᓗᓕᕆᓂᕐᒧᑦ ᓱᕐᕋᓐᓇᖅᑐᓕᕆᓂᕐᒧᓪᓗ ᑲᒥᓴᓐ; ᒥᓂᔅᑕ ᑲᒪᒋᔭᓕᒃ ᓄᓇᕗᒻᒥ ᐃᒥᐊᓗᓕᕆᓂᕐᒧᑦ ᓱᕐᕋᓐᓇᖅᑐᓕᕆᓂᕐᒧᓪᓗ ᑲᑎᒪᔨᖏᓐᓄᑦ; ᔮᓂ ᒪᐃᒃ (ᐸᓐᓂᖅᑑᖅ) ᑕᐃᕕᑦ ᐳᐊᑐ (ᐅᖅᓱᖅᑑᖅ) ᐊᐃᕝᕙᓚᕼᐋ ᖃᒪᓂᖅ (ᐊᒥᑦᑐᖅ) ᐃᓄᖃᕈᓐᓃᖅᑐᖅ (ᑕᓯᐅᔭᕐᔪᐊᖅ) ᐋᓕᒃᓵᓐᑐ ᓴᒻᒧᖅᑐᖅ (ᑲᖏᖅᖠᓂᐅᑉ ᐅᐊᓐᓇᖓ-ᐃᒡᓗᓕᒑᕐᔪᒃ) ᐃᓐᓇᖓᔪᖅ ᖂᑭᐊᖅ (ᓇᑦᓯᓕᒃ) ᐋᓕᒃᓵᓐᑐ ᓴᒻᒧᖅᑐᖅ (ᑲᖏᖅᖠᓂᐅᑉ ᐅᐊᓐᓇᖓ-ᐃᒡᓗᓕᒑᕐᔪᒃ) ᐊᖓᔪᖅᑳᖅ ᑯᕋᐃᒃ ᓯᒪᐃᓚᒃ (ᖃᒪᓂᑦᑐᐊᖅ) ᒥᓂᔅᑕ ᓄᓇᓕᖕᓂ ᒐᕙᒪᒃᑯᓂᓪᓗ ᐱᔨᑦᑎᖅᑎᒃᑯᑦ; ᒥᓂᔅᑕ ᑲᒪᒋᔭᖃᖅᑐᖅ ᓄᓇᕗᒻᒥ ᓇᖕᒥᓂᖃᖅᑐᓄᑦ ᐊᑐᖅᑐᐊᕐᕕᒃ; ᒥᓂᔅᑕ ᑲᒪᒋᔭᖃᖅᑐᖅ ᐅᔭᕋᖕᓂᐊᕐᓂᕐᒧᑦ; ᒥᓂᔅᑕ ᑕᐅᖅᓯᕋᕐᓂᕐᒥᒃ ᐱᓕᕆᐊᒃᓴᓕᒃ; ᐊᖓᔪᖅᑳᖅ ᐋᓂ ᑕᑦᑐᐃᓂ (ᑲᖏᖅᖠᓂᐅᑉ ᓂᒋᐊ) ᒥᓂᔅᑕ ᑲᒪᒋᔭᖃᖅᑐᖅ ᐃᖅᑲᓇᐃᔭᖅᑐᓕᕆᓂᕐᒧᑦ; ᒥᓂᔅᑕ ᑲᒪᒋᔭᖃᖅᑐᖅ ᐃᖅᑲᐃᔭᖅᑎᓄᑦ ᐊᑦᑕᕐᓇᖅᑐᓂᒃ ᐊᒻᒪ ᓇᓪᓕᐊᒃᑯᒫᓂᒃ ᖃᐅᔨᓴᖅᑏᑦ ᓯᑏᕙᓐ ᑕᖅᑐ (ᖁᑦᑎᒃᑐᕐᒃ)

ᖃᕋᓴᐅᔭᑎᒍᑦ ᑐᕌᕈᑎᖓᑦ: www.assembly.nu.ca

ᐃᓗᓕᖏᑕ ᓇᓕᖅᑲᖏᑦ ᑐᒃᓯᐊᕐᓂᕐᒧᑦ ᒪᑐᐃᖅᑕᐅᓂᖓ ............................................................................................................................................... 1 ᐊᖓᔪᖅᑳᑦ ᐅᖃᐅᓯᖏᑦ .......................................................................................................................................................... 1 ᒪᓕᒐᓕᐅᖅᑏᑦ ᐅᖃᐅᓯᖏᑦ .................................................................................................................................................... 9 ᑭᐅᔾᔪᑎᑦ ᐅᖃᐅᓯᒃᑯᑦ ᐊᐱᖅᑯᑕᐅᓚᐅᖅᑐᓄᑦ ................................................................................................................... 11 ᐃᓕᑕᖅᓯᓂᖅ ᑐᓵᔭᖅᑐᖅᓯᒪᔪᓂᒃ ᒪᓕᒐᓕᐅᕐᕕᒻᒧᑦ .......................................................................................................... 12 ᐅᖃᐅᓯᒃᑯᑦ ᐊᐱᖅᑯᑎᑦ ......................................................................................................................................................... 13 ᐅᓂᒃᑳᖏᑦ ᑲᑎᒪᔨᕋᓛᑦ ᑲᑎᒪᔨᕋᓛᖑᑲᐃᓐᓇᖅᑐᓪᓗ ᒪᓕᒐᒃᓴᓄᑦ ᐊᓯᖏᓄᓪᓗ ......................................................... 28 ᑲᑎᒪᔨᕋᓛᑦ ᑲᑎᒪᑐᐃᓐᓇᖅᑎᓪᓗᒋᑦ ᐃᓱᒪᒃᓴᖅᓯᐅᖅᑕᐅᓂᖏᑦ ᒪᓕᒐᒃᓴᐃᑦ ᐊᓯᖏᓪᓗ ............................................. 29 ᑲᑎᒪᔨᕋᓛᑦ ᑲᑎᒪᑐᐃᓐᓇᓚᐅᖅᑎᓪᓗᒋᑦ ᐅᓂᒃᑳᖓᑦ ....................................................................................................... 43 ᑲᑎᒪᔾᔪᑎᒃᓴᐃᑦ ....................................................................................................................................................................... 44

ᐃ. ᖃᐅᑕᒫᒧᑦ ᖃᐅᔨᒋᐊᕈᑎᑦ ᐊᐃᑉᐹ, ᔫᓂ 02, 2026 ......................................................................................................................................................... 1 ᐅ. ᐊᖓᔪᖅᑳᑦ ᐅᓂᒃᑳᖏᑦ 48 - 7(2): ᐱᔪᓐᓇᐅᑎᓐ ᓅᑎᕆᓂᒃᓵᓄᑎ ᓄᑖᕈᖅᑐᓐ (ᒪᐃᓐ) ....................................................................................... 1 49 - 7(2): ᓄᑖᙳᖅᑎᑕᓐ ᐅᖅᓱᐋᓗᖕᒧᑦ ᐅᖅᓴᒃᓴᐃᔾᔪᑎᓐ ᐊᑭᓕᒐᒃᓴᓄᓪᓗ ᓴᖅᑮᔾᔪᑎᖏᑦ (ᕼᐃᒃᔅ) ....................... 2 50 - 7(2): ᐃᑲᔪᖅᓱᐃᔾᔪᑎᓐ ᓄᓇᕘᑉ ᓯᓚᑖᓄᑦ ᐃᓂᖃᖅᑎᑕᐅᔪᓄᑦ (ᕼᐄᓕ-ᐊᕿᐊᕈᖅ) .......................................... 3 51 - 7(2): ᑲᔪᓯᕙᓪᓕᐊᓂᖓ ᐃᖅᑲᓇᐃᔭᕝᕕᒻᒥ ᐋᓐᓂᖅᑐᓄᑦ ᓄᖅᑲᖓᔾᔪᑎᖏᓄᑦ (ᑕᑦᑐᐃᓂ)............................... 4 52 - 7(2): ᖁᕕᐊᓲᑎᖃᓐᓂᖅ ᐃᓄᑦᑕ ᐅᓂᒃᑳᖅᑐᐊᖏᓂᒃ ᑕᕐᕆᔮᒃᓴᒃᑯᑦ ᑕᓚᕖᓴᒃᑯᓪᓗ (ᓯᒪᐃᓚᒃ) ....................... 5 53 - 7(2): ᐃᓕᓐᓂᐊᕈᑎᓐ ᐃᖅᑲᓇᐃᔭᖅᑎᓄᑦ ᐱᓕᒻᒪᒃᓴᐅᑎᓐ ᐃᓄᒃᑎᑐᑦ ᖃᓪᓗᓈᑐᓪᓗ ᐅᖃᓕᒫᕈᓐᓇᓐᓂᕐᓄᑦ (ᐊᑭᐊᕈᖅ/ᒪᐃᓐ) .............................................................................................................................................................. 6 54 - 7(2): ᐃᑲᔪᖅᑕᐅᕝᕕᒻᒥ ᑎᒥᒧᑦ ᑕᑯᓐᓇᐅᑎᖓ ᓴᖅᑭᑕᐅᕋᑖᖅᑐᖅ (ᕼᐃᒃᔅ).......................................................... 7 55 - 7(2): ᐃᓂᓪᓚᐃᓂᖅ ᐃᒃᐱᒋᔭᖃᑦᑎᐊᖅᑐᒥᒃ ᐃᖅᑲᓇᐃᔭᕝᕕᑦᑎᒍᑦ (ᕼᐄᓕ-ᐊᕿᐊᕈᖅ) ..................................... 8 ᐊ. ᒪᓕᒐᓕᐅᖅᑏᑦ ᐅᓂᒃᑳᖏᑦ 57 - 7(2): ᕿᑭᖅᑕᕐᔪᐋᑉ ᐊᓂᒍᐃᔾᔪᖁᑎᖏᑦ (ᑲᐅᑐᖅ) .................................................................................................. 9 58 - 7(2): ᖃᓛᖅᑎᑦᑎᔭᕆᐊᖃᓐᓂᖅ ᐃᒥᑦᑎᓐᓄᑦ ᑐᓴᕈᑎ (ᐳᐊᑐ) ........................................................................... 10 59 - 7(2): ᐃᓕᓴᖅᓯᓂᖅ ᓯᐅᕋ ᓕᐅᓇᐅᑎᔅᒥᒃ (ᐊᖑᑎᐋᓗᒃ) ...................................................................................... 10 60 - 7(2): ᑭᒃᑯᓕᒫᓄᑦ ᐅᓗᕆᐋᓇᕈᑎᓄᑦ (ᐲᑕᓴᓐ) ...................................................................................................... 10 ᐱ. ᑭᐅᔾᔪᑏᑦ ᐅᖃᐅᓯᒃᑯᑦ ᐊᐱᖅᑯᑕᐅᓚᐅᖅᑐᓄᑦ 61– 7(2): ᓄᓇᕘᒥ ᐃᓕᓴᐃᔨᒃᓴᓄᑦ ᐃᓕᓐᓂᐊᕈᑎᐅᑉ ᑕᑯᒃᓴᐅᑎᑕᒧᑦ (ᕼᐄᓕ-ᐊᕿᐊᕈᖅ) ...................................... 11 28– 7(2): ᐃᓄᐃᓐᓇᖅᑐᓐ ᐅᖃᐅᓯᖓᓄᑦ (ᑯᓄ) ............................................................................................................. 11

51– 7(2): ᐊᖏᓕᒋᐊᕆᔭᑦ ᐱᔨᑦᑎᕈᑕᐅᔪᑦ ᐅᒥᖕᒪᐅᑉ ᑐᑦᑕᕝᕕᐊᓂ (ᕼᐄᓕ-ᐊᕿᐊᕈᖅ) ........................................... 12 ᐳ. ᐅᖃᐅᓯᒃᑯᑦ ᐊᐱᖅᑯᑎᑦ 70 – 72): ᑕᕆᐅᕐᒥ ᐱᖁᑎᔾᔪᐋᖏᓄᑦ (ᑲᐅᑐᓐ) ............................................................................................................. 13 71 – 72): ᑭᒃᑯᓕᒫᓄᑦ ᐅᓗᕆᐋᓇᕈᑎᓄᑦ (ᐲᑕᓴᓐ) ....................................................................................................... 15 72 – 72): ᐃᒪᖅᑕᕝᕕᒻᒧᑦ ᐱᖁᑎᕐᔪᐋᖑᔪᑦ (ᐳᐊᑐ) ....................................................................................................... 17 73 – 72): ᓄᓇᑦᑕ ᑕᐃᒎᓯᓪᓚᕆᖏᑦ ᓴᓪᓖᑦ ᕿᑭᖅᑕᖓᓂ (ᐊᖑᑎᐋᓗᒃ) ................................................................. 19 74 – 72): ᐊᕐᕌᒍᖅᑐᔪᑦ ᐃᓐᓇᐃᑦ ᐊᑐᒐᒃᓴᓕᐊᖓᓄᑦ (ᑕᖅᑐ) ..................................................................................... 21 75 – 72): ᑲᐱᔭᐅᓃᑦ ᖃᐅᔨᓴᖅᑕᐅᔾᔪᑏᓪᓗ (ᖁᓕᒃᑖᓇ) .............................................................................................. 23 76 – 72): ᒥᑦᑕᕐᕕᑦᑕ ᓅᑕᐅᓂᒃᓵᓄᑦ ᐸᖕᓂᖅᑑᕐᒥ (ᒪᐃᒃ) ............................................................................................ 24 77 – 72): ᓄᓇᓕᖕᓂ ᐊᓐᓂᐊᖅᑐᓕᕆᓂᕐᒧᑦ ᐱᔭᕆᐋᓕᓐᓄᑦ ᕿᒥᕐᕈᔭᐅᓂᖓᑕ ᐱᔭᒃᓴᖓ (ᖃᑉᓗᑦᓯᐊᖅ) ........... 27 ᐸ. ᑲᑎᒪᔨᕋᓛᑦ ᑲᑎᒪᔨᕋᓛᖑᑲᐃᓐᓇᖅᑐᓪᓗ ᒪᓕᒐᒃᓴᓂᑦ ᐊᓯᖏᓐᓂᓪᓗ ᐅᓂᒃᑳᖏᑦ ᑲᑎᒪᔨᕋᓛᑦ ᐅᓂᒃᑳᖓ 1 – 7(2): ᒪᓕᒐᒃᓴᖅ 3, ᐊᔾᔨᒌᖏᑦᑐᓄᑦ ᒪᓕᒐᓄᑦ ᐋᖅᑭᒋᐊᕈᑎᖓ ᒪᓕᒐᖅ ................... 28 ᑎ. ᒪᓕᒐᒃᓴᐃᑦ ᒪᓕᒐᒃᓴᖅ 1 - ᑮᓇᐃᔭᑦ ᐊᑐᖅᑕᐅᑲᐃᓐᓇᕐᓂᐊᖅᑐᑦ (ᐊᐅᓚᔾᔪᑏᑦ ᐋᖅᑭᐅᒪᐃᓐᓇᕈᑏᓪᓗ) ᒪᓕᒐᖅ, 2026-2027 – ᑲᑎᒪᔨᕋᓛᓄᑦ ᐃᓱᒪᒃᓴᖅᓯᐅᖅᑕᐅᓂᖓ ................................................................................................................. 29

ᐊᐃᑉᐹ, ᔫᓂ 02, 2026 ᓄᓇᕗᒥ ᒪᓕᒐᓕᐅᕐᕕᒻᒧᑦ ᑲᑎᒪᔾᔪᑏᑦ 1 ᐃᖃᓗᐃᑦ, ᓄᓇᕗᑦ ᐊᐃᑉᐹ, ᔫᓂ 02, 2026 ᒪᓕᒐᓕᐅᖅᑏᑦ ᐅᐸᒃᑐᑦ: ᐊᖓᔪᖅᑳᖅ ᒍᐃᐊᓐ ᕼᐄᓕ−ᐊᕿᐊᕈᖅ, ᒥᔅ ᕼᐋᓇ ᐊᖑᑎᐊᓗᒃ, ᒥᔅᑕ ᐃᐊᑦᕗᑦ ᐊᑕᒍᑦᑖᓗᒃ, ᐊᖓᔪᖅᑳᖅ ᔮᓂᑦ ᐱᑦᓯᐅᓛᖅ, ᐊᖓᔪᖅᑳᖅ ᔪᐊᔾ ᕼᐃᒃᔅ, ᐊᖓᔪᖅᑳᖅ ᑕᐃᕕᑎ ᔪᐊᓇᓯ, ᐊᖓᔪᖅᑳᖅ ᒍᐊᑕᓐ ᑲᐅᑐᒃ, ᐊᖓᔪᖅᑳᖅ ᐳᕋᐃᔭᓐ ᑯᓄᒃ; ᒥᔅᑕ ᓴᐃᒻᒪ ᑯᓕᒃᑖᓇ, ᐊᖓᔪᖅᑳᖅ ᓯᓯᐅᓪ ᓂᐅᓪᕚᓇ ᓚᐃᔪᓪ, ᐊᖓᔪᖅᑳᖅ ᐋᕐᓗᒃ ᒪᐃᓐ, ᒥᔅᑕ ᔮᓂ ᒪᐃᒃ, ᒥᔅᑕ ᕗᕆᐊᑦ ᐲᑕᓴᓐ, ᒥᔅᑕ ᑕᐃᕕᑦ ᐳᐊᑐ, ᒥᔅᑕ ᐊᐃᕙᓚᕼᐋᒻ ᖃᒪᓂᖅ, ᒥᔅᑕ ᑖᓂᐅᓪ ᖃᕝᕕᒃ, ᒥᔅᑕ ᐋᓕᒃᓵᓐᑐ ᓴᒻᒧᖅᑐᖅ, ᒥᔅᑕ ᓯᑏᕙᓐ ᑕᖅᑐ, ᐊᖓᔪᖅᑳᖅ ᐋᓂ ᑕᑦᑐᐃᓂ. >>ᑲᑎᒪᓯᒋᐊᖅᑐᑦ 13:29 ᑲᑎᒪᔾᔪᑎᒃᓴᖅ 1: ᑐᒃᓯᐊᕐᓂᕐᒧᑦ ᒪᑐᐃᖅᑕᐅᓂᖓ ᐅᖃᖅᑎ (ᐊᖓᔪᖅᑳᖅ ᑕᐃᕕᑎ ᔪᐊᓇᓯ): ᑲᑎᒪᔾᔪᑎᑦᑎᓐᓄᑦ. ᒪᑐᐃᖅᓯᒍᓐᓇᕈᕕᑦ ᑐᒃᓯᐊᓂᒃᑯᑦ, ᒥᔅᑕ ᓯᒪᐃᓚᒃ. >>ᑐᒃᓯᐊᖅᑐᑦ ᐅᖃᖅᑎ: ᖁᔭᓐᓇᒦᒃ, ᒥᔅᑕ ᓯᒪᐃᓚᒃ. ᐅᓪᓗᒃᑯᑦ ᒪᓕᒐᓕᐅᖅᑏᑦ, ᓄᓇᕗᒻᒥᐅᓪᓗ. ᐅᓪᓗᒥᖃᐃ ᑐᓴᖅᑎᑕᐅᔾᔮᙱᒃᑲᓗᐊᖅᐳᒍᑦ ᓄᖅᑲᑐᐃᓐᓇᖅᑐᒥ ᒪᓕᒐᓕᐅᖅᑎᐅᖃᑎᓐᓂ ᑕᒪᐅᓇᑐᐃᓐᓇᖅ. ᑲᑎᒪᔾᔪᑎᑦᑎᓐᓄᑦ. ᑲᑎᒪᔾᔪᑎᒃᓴ 2. ᓄᓇᕗᒻᒧᑦ ᓯᕗᓕᖅᑎ, ᓯᕗᓕᖅᑎ ᒪᐃᓐ. ᑲᑎᒪᔾᔪᑎᒃᓴᖅ 2: ᐊᖓᔪᖅᑳᑦ ᐅᖃᐅᓯᖏᑦ ᐊᖓᔪᖅᑳᑉ ᐅᖃᐅᓯᖓ 48 - 7(2): ᐱᔪᓐᓇᐅᑎᓐ ᓅᑎᕆᓂᒃᓵᓄᑎ ᓄᑖᕈᖅᑐᓐ (ᒪᐃᓐ) ᓯᕗᓕᖅᑎ ᐋᕐᓗᒃ ᒪᐃᓐ: ᒪ’ᓇ, ᐅᖃᖅᑎᑦᓯᔩ. ᐊᓐᓄᕌᑎᑦ ᑕᑯᕋᓐᓂᖅᐳᑦ. ᐅᖃᖅᑎᑦᓯᔩ, ᑕᒪᓐᓇ ᓇᖕᒥᓂᖅᓱᕐᓂᖅ ᓄᓇᓕᕆᓂᐅᑉ ᐊᒻᒪ ᓄᓇᒦᖔᖅᓯᒪᔪᑦ ᐱᕚᓪᓕᕈᑎᒃᓴᐃᑦ ᒥᒃᓵᓄᑦ ᒐᕙᒪᑐᖃᒃᑯᓃᖔᓂᐊᖅᖢᓂ ᐱᔪᓐᓇᕐᓃᑦ ᓄᓇᕗᑦ ᒐᕙᒪᒃᑯᖏᓐᓄᑦ ᑐᕌᕐᓂᐊᖅᖢᑎᑦ. ᑕᒪᓐᓇ ᐊᖏᔫᒻᒪᑦ ᓯᕗᒻᒧᐊᑎᑕᐅᓯᒪᒃᖢᓂ. ᑕᒪᓐᓇ ᐱᔫᓪᓗᐊᓂᕐᒥᒃ ᓴᖅᑮᓂᐊᖅᑐᖅ ᓄᓇᕗᒻᒥᐅᑕᕐᓄᑦ ᑐᕌᖓᔪᓂᑦ ᑕᒪᒃᑯᐊ ᐅᔭᕋᖕᓂᐊᖅᑐᓕᕆᓂᕐᒧᑦ ᐅᕝᕙᓘᓐᓃᑦ ᐊᓯᖏᓐᓄᑦ ᐃᓱᒪᒃᓴᖅᓯᐅᕈᑕᐅᔭᕆᐊᓖᑦ ᐱᓪᓗᒋᑦ ᐊᑐᐊᒐᓕᕆᓂᕐᒧᓪᓗ ᑕᐅᑐᒃᖢᑕ, ᑕᒪᒃᑯᐊ ᓄᓇᐃᑦ ᐊᒻᒪ ᓄᓇᒦᖔᖅᓯᒪᔪᑦ ᐸᖅᑭᔭᐅᑦᓯᐊᖁᑉᓗᒋᑦ ᓄᓇᕗᒻᒥᐅᑦ ᐃᓕᖅᑯᓯᖏᑎᒍᑦ ᐊᒻᒪ ᓄᓇᕗᒻᒥᐅᑦ ᓯᕗᓪᓕᐅᑎᑕᐅᖁᔭᖏᑦ ᒪᓕᓪᓗᒋᑦ. (ᑐᓵᔨᑎᒎᓕᖅᑐᖅ) ᐱᕙᒌᔭᖅᐸᓪᓕᐊᓂᖅ ᓅᑎᕆᓂᕐᒧᑦ ᑲᒪᒋᔭᒃᓴᓂᒃ ᐊᐃᕆᓕ 1, 2027−ᒥ ᐱᓕᕆᐊᖑᕙᓪᓕᐊᓕᖅᐳᖅ. ᓄᓇᕗᑦ ᒐᕙᒪᖓ ᑲᔪᓯᕙᓪᓕᐊᖏᓐᓇᖅᐳᖅ ᐱᕙᓪᓕᐊᖏᓐᓇᕐᓂᕐᒥᒃ ᐱᓕᕆᖃᑎᒋᔭᒥᓂᒃ ᑲᓇᑕᐅᑉ ᒐᕙᒪᒃᑯᖏᓐᓂ ᓄᓇᕗᑦ ᑐᙵᕕᒃᑯᓐᓂᓗ ᓇᐅᒃᑯᓕᒫᖅ ᐊᑐᓕᖅᑎᑦᑎᕙᓪᓕᐊᓂᕐᒧᑦ. (ᑐᓵᔨᑎᒎᕈᓐᓃᖅᑐᖅ) ᐅᖃᖅᑎᑦᓯᔩ, (ᑐᓵᔨᑎᒎᓕᖅᑐᖅ) ᒐᕙᒪᑦᑕ ᓇᒻᒥᓂᖅᓱᕐᓂᖅ ᐃᓕᓐᓂᐊᕐᓂᕐᒧᑦ ᐱᓕᕆᐊᖅ, ᖁᓕᓂᒃ ᐃᓕᓐᓂᐊᒃᑲᓐᓂᕈᑎᒃᓴᓂᒃ ᑐᓂᓯᖃᑦᑕᖅᑐᑦ ᐃᓕᓐᓂᐊᖅᑎᓄᑦ ᐃᓕᓐᓂᐊᕈᒪᔪᓄᑦ ᐊᒃᑐᐊᓂᓕᖕᓂᒃ ᓇᖕᒥᓂᕐᓱᕐᓂᕐᒧᑦ, ᑲᔪᓯᕗᖅ. 2026−ᒥ ᐱᓇᔪᖕᓇᖅ ᒫᓐᓇ ᒪᑐᐃᖅᐳᖅ ᒪᑐᕝᕕᖃᖅᖢᓂᓗ ᔫᓂ 30, 2026−ᒥ. ᑎᓕᐅᖅᐸᒃᑲ ᓄᓇᕗᒻᒥ ᐃᓕᓐᓂᐊᖅᑏᑦ ᐱᓇᔪᖁᓪᓗᒋᑦ. (ᑐᓵᔨᑎᒎᕈᓐᓃᖅᑐᖅ) ᐅᖃᖅᑎᑦᓯᔩ, (ᑐᓵᔨᑎᒎᓕᖅᑐᖅ) ᐱᓕᕆᕙᓪᓕᐊᓯᒪᓕᖅᑐᒍᑦ ᐃᓱᒪᓕᐅᕋᓱᐊᖅᑐᑎᒃ ᑎᒥᐅᔪᑦ ᐋᖅᑭᒃᓯᒪᓂᕆᓂᐊᖅᑕᖏᓐᓂᒃ ᐃᑲᔪᖅᑐᐃᓂᐊᖅᑐᓂᒃ ᓄᑖᓂᒃ ᓴᓐᖏᓂᖅᑖᖅᐸᓪᓕᐊᔪᓂᒃ ᑲᒪᒋᔭᐅᔭᕆᐊᓕᓐᓂᒃ. ᓯᕗᓪᓕᖅᐸᐅᑦᑎᐅᑎᔪᒪᔭᕗᑦ ᓇᓗᙱᑦᑎᐊᕈᒪᓂᕐᒧᑦ ᑲᔪᓰᓐᓇᕋᓗᐊᕐᒪᖔᑕ ᐱᔨᑦᑎᕋᕐᓂᕆᔭᐅᕙᒃᑐᑦ, ᑲᔪᓯᑎᑦᑎᔪᒪᓂᕐᒧᑦ ᑭᒃᑯᑐᐃᓐᓇᓂᒃ ᐅᒃᐱᕆᔭᐅᔪᓐᓇᕐᓂᕐᒥᒃ, ᐃᑲᔪᖅᑐᐃᓂᕐᒥᒡᓗ ᐃᖅᑲᓇᐃᔭᖅᑎᓂᒃ ᓄᓇᓕᖕᓂᒡᓗ

ᐊᐃᑉᐹ, ᔫᓂ 02, 2026 ᓄᓇᕗᒥ ᒪᓕᒐᓕᐅᕐᕕᒻᒧᑦ ᑲᑎᒪᔾᔪᑏᑦ 2 ᓅᑉᐸᓪᓕᐊᓂᓕᒫᑦᑎᓐᓂ. ᐃᑲᔪᖅᑐᐃᔪᒪᖕᒥᔪᒍᑦ ᐱᕕᒃᓴᓂᒃ ᐃᓄᖕᓂᒃ ᐃᖅᑲᓇᐃᔭᖅᑎᑦᑎᓂᕐᒧᑦ, ᐱᓕᒻᒪᒃᓴᕐᓂᕐᒧᑦ, ᐊᒻᒪ ᐃᖅᑲᓇᐃᔮᒧᑦ ᐱᕚᓪᓕᕈᑎᒃᓴᓄᑦ. ᑕᒪᒃᑯᐊ ᑐᕌᒐᕆᔭᐅᔪᑦ ᐃᑲᔪᖅᑐᕐᓂᐊᕐᓗᒋᑦ, ᓄᓇᕗᑦ ᒐᕙᒪᒃᑯᖏᑦ ᐋᖅᑭᒃᓯᓯᒪᓕᖅᐳᑦ ᓄᑖᒥᒃ ᐱᓕᕆᕝᕕᖕᒥᒃ ᓴᖅᑭᑦᑎᓂᐊᕐᓂᖏᓐᓂᒃ, ᓴᖅᑭᑦᑎᓗᑎᒃ ᐊᑕᐅᓯᕐᒥᒃ ᑐᑦᑕᕐᕕᐅᖃᑦᑕᕐᓂᐊᖅᑐᒥᒃ ᓄᓇᒧᑦ ᐊᒻᒪ ᓄᓇᒥᐅᑕᓂᒃ ᐱᕙᓪᓕᐊᑎᑦᑎᓂᕐᒧᑦ ᐱᔾᔪᑕᐅᔪᓂᒃ. ᑖᒃᑯᐊ ᐊᐅᓚᓂᐅᔪᑦ ᑲᑎᑎᓪᓗᒋᑦ ᓴᙱᒃᑎᒋᐊᕈᑕᐅᓂᐊᖅᐳᖅ ᑲᑐᔾᔨᖃᑎᒌᖕᓂᕐᒥᒃ, ᐱᐅᓯᒋᐊᖅᑎᑦᑎᓗᓂ ᐋᖅᑭᒃᓯᒪᓕᖅᑎᑦᑎᓂᕐᒥᒃ, ᐱᑎᑦᑎᓗᓂᓗ ᓄᓇᕗᒻᒥᐅᓂᒃ ᐱᖃᖃᑕᐅᔪᓂᒡᓗ ᑐᑭᓯᓇᑦᑎᐊᖅᑐᒥᒃ ᐊᑐᖅᑕᐅᔪᓐᓇᖅᑐᒥᒡᓗ ᖃᐅᔨᒋᐊᕐᕕᐅᔪᓐᓇᖅᑐᒥᒃ. ᑖᓐᓇ ᐱᓕᕆᔾᔪᓯᖅ ᐊᓯᐅᔾᔭᐃᖅᓯᓂᐊᖅᑐᖅ ᐊᔪᙱᓐᓂᕆᔭᐅᔪᓂᒃ ᒫᓐᓇ ᒐᕙᒪᑐᖃᒃᑯᓐᓂ ᐱᓕᕆᔨᐅᖃᑎᒌᓂᒃ ᐃᓚᓕᐅᔾᔨᓯᓐᓈᑦ ᓄᑖᓂᒃ ᐊᐅᓚᓂᕆᔭᐅᔪᓂᒃ ᓄᓇᕗᑦ ᒐᕙᒪᒃᑯᖏᓐᓄᑦ. ᐊᑕᐅᓰᓐᓇᒃᑰᓕᖅᑎᒃᑯᑦᑎᒍ ᒪᓕᒐᑎᒍᑦ ᐱᔪᓐᓇᕐᓂᕆᔭᐅᔪᑦ ᐊᑕᐅᓯᕐᒧᑦ ᐱᓕᕆᕝᕕᖕᒧᑦ ᐊᑕᐅᓯᕐᒧᓪᓗ ᒥᓂᔅᑕᒧᑦ, ᐋᖅᑭᑦᑎᐊᖅᓯᒪᓂᖅᓴᐅᓕᕐᓂᐊᖅᐳᖅ ᐋᖅᑭᒃᓯᒪᓕᖅᑎᑦᑎᓂᕆᔭᐅᕙᒃᑐᖅ, ᒥᑭᒡᓕᒋᐊᖅᑎᑦᑎᓗᓂ ᑭᖑᕙᕆᐊᕐᓂᕆᔭᐅᕙᒃᑐᓂᒃ, ᐱᐅᓯᒋᐊᖅᑎᑦᑎᓗᓂᓗ ᑲᔪᓯᓂᖃᑦᑎᐊᕈᓐᓇᕐᓂᖓᓂᒃ. (ᑐᓵᔨᑎᒎᕈᓐᓃᖅᑐᖅ) ᐅᖃᖅᑎᑦᓯᔩ, (ᑐᓵᔨᑎᒎᓕᖅᑐᖅ) ᖁᕕᐊᓱᒃᐳᖓ ᑐᓴᖅᑎᑦᑎᔪᓐᓇᕋᒪ ᑖᓐᓇ ᓄᑖᖅ ᐱᓕᕆᕕᐅᔪᖅ ᑕᐃᔭᐅᓂᐊᕐᒪᑦ ᐱᓕᕆᕕᒃ ᐅᔭᕋᓐᓂᐊᕐᓂᕐᒧᑦ, ᓄᓇᒥᐅᑕᓕᕆᓂᕐᒧᑦ, ᐊᒻᒪᓗ ᓄᓇᓕᕆᓂᕐᒧᑦ, ᐅᕝᕙᓘᓐᓃᑦ MNRL. ᐱᓕᕆᖃᑎᒋᓪᓗᒋᑦ ᐃᓄᐃᑦ ᐅᖃᐅᓯᖏᓐᓂᒃ ᑕᐃᒎᓯᓕᐅᖅᑏᑦ, ᓇᓗᓇᐃᖅᓯᓯᒪᒻᒥᔪᒍᑦ ᐃᓄᑦᑎᑐᑦ ᐊᑎᖓᓂᒃ: (ᑐᓵᔨᑎᒎᕈᓐᓃᖅᑐᖅ) ᐅᔭᕋᖕᓂᐊᖅᑐᓕᕆᔨᒃᑯᑦ, ᐊᑐᖅᑐᒃᓴᓂᒃ ᓄᓇᒥᐅᑕᓕᕆᔨᒃᑯᑦ, ᓄᓇᓕᕆᔨᒃᑯᓪᓗ. (ᑐᓵᔨᑎᒎᓕᖅᑐᖅ) ᓄᑖᖅ ᐱᓕᕆᕕᐅᑉ ᐱᔭᒃᓴᖅᑖᕆᓯᒪᔭᖓ ᐱᖃᓯᐅᔾᔨᔪᖅ ᐊᐅᓚᑦᑎᓂᕐᒥᒃ, ᒪᓕᒐᓕᕆᓂᕐᒥᒃ, ᐊᒻᒪᓗ ᐃᑯᐱᒡᕕᓕᕆᓂᕐᒥᒃ ᓄᓇᕘᑉ ᓄᓇᒥᐅᑕᖁᑎᖏᓐᓂᒃ. ᑕᒪᓐᓇ ᐃᓚᖃᖅᐳᖅ ᑭᒃᑯᑐᐃᓐᓇᓄᑦ ᓄᓇᒋᔭᐅᔪᓂᒃ ᐃᒪᑦᑎᐊᕙᖕᒥᒡᓗ ᐊᐅᓚᑦᑎᕝᕕᖃᕐᓂᕐᒥᒃ, ᓇᐅᑦᑎᖅᓱᖅᓯᓂᕐᒥᒃ ᐅᔭᕋᖕᓂᐊᕐᓂᕐᒧᑦ ᐅᖅᓱᐊᓗᒃᓯᐅᕐᓂᕐᒧᓪᓗ ᐱᕙᓪᓕᐊᓂᕆᔭᐅᔪᓂᒃ, ᐅᔾᔨᕐᓇᖅᓯᑎᑦᑎᓂᕐᒥᒡᓗ ᓄᓇᒥᒃ ᖃᐅᔨᓴᖅᓯᓂᕐᒥᒃ ᐅᔭᕋᖕᓂᐊᒐᒃᓴᓂᒡᓗ ᕿᓂᕐᓂᕐᒥᒃ ᓄᓇᕗᒻᒥ ᓄᓇᒥᒃ ᖃᐅᔨᓴᖅᓯᓂᕐᒥᒃ. ᐊᕙᑎᓕᕆᔨᒃᑯᑦ ᐱᓕᕆᖃᑎᖃᑦᑎᐊᕐᓂᐊᖅᑐᑦ ᐃᓄᐃᑦ ᑲᑐᔾᔨᖃᑎᒌᖏᓐᓂᒃ, ᐱᓕᕆᕝᕕᖕᓂ ᑭᒃᑯᑐᐃᓐᓇᓄᑦ ᒐᕙᒪᒋᔭᐅᔪᓂᒃ, ᐊᓯᖏᓐᓂᒡᓗ ᐱᖃᖃᑕᐅᔪᓂᒃ ᖃᐅᔨᒪᔭᐅᖁᓪᓗᒋᑦ ᓄᓇᒥᐅᑕᓂᒃ ᐱᕙᓪᓕᐊᑎᑦᑎᓂᖅ ᐊᒻᒪ ᓄᓇᒥᒃ ᐊᐅᓚᑦᑎᓂᖅ ᐊᑯᓂᐅᔪᒃᑯᑦ ᐃᑲᔫᑕᐅᒐᓗᐊᕐᒪᖔᑕ ᓄᓇᕗᒥᐅᓄᑦ. ᐱᓕᕆᐊᖏᑦ ᑲᒪᒋᔭᐅᓂᐊᖅᐳᑦ ᐃᓄᐃᑦ ᖃᐅᔨᒪᔭᑐᖃᖏᓐᓄᑦ ᐱᓗᐊᙳᐊᖅᖢᓂᓗ, ᐊᕙᑎᒥᒃ ᑲᒪᑦᑎᐊᕐᓂᖅ. (ᑐᓵᔨᑎᒎᕈᓐᓃᖅᑐᖅ) ᐅᖃᖅᑎᑦᓯᔩ, (ᑐᓵᔨᑎᒎᓕᖅᑐᖅ) ᑕᒪᓐᓇ ᐃᓱᒪᓕᐅᕈᑕᐅᔪᖅ ᓇᓗᓇᐃᖅᓯᕗᖅ ᐱᒻᒪᕆᐅᔪᒥᒃ ᐊᓪᓗᕆᐊᕈᑎᒥᒃ ᐅᐸᓗᖓᐃᔭᐃᓂᕐᒧᑦ ᓄᓇᕗᑦ ᓴᓐᖏᓂᖅᑖᖅᐸᓪᓕᐊᓂᕐᒧᑦ. ᓱᓕ ᐱᔭᒃᓴᖃᕐᔪᐊᖅᐳᑦ. ᐊᑐᓕᖅᑎᑦᑎᕙᓪᓕᐊᓂᖅ ᐸᕐᓇᐃᑦᑎᐊᕆᐊᖃᕐᓂᐊᖅᑐᖅ, ᑲᑐᔾᔨᖃᑎᒌᑦᑎᐊᕐᓗᑕᓗ, ᐊᒻᒪ ᐱᓕᕆᖃᑎᖃᐃᓐᓇᕐᓗᑕ ᐃᖅᑲᓇᐃᔭᖅᑎᓂᒃ, ᐃᓄᐃᑦ ᑲᑐᔾᔨᖃᑎᒌᖏᓐᓂᒃ, ᓴᓇᕝᕕᐊᓗᖕᓂᒃ, ᐊᒻᒪ ᓄᓇᓕᖕᓂᒃ. ᒐᕙᒪᕗᑦ ᐊᖏᖅᓯᒪᐃᓐᓇᖅᐳᑦ ᖃᐅᔨᒪᒋᐊᕈᒪᓪᓗᑎᒃ ᐱᑐᐃᓐᓇᕆᐊᖃᓕᕋᓗᐊᕐᒪᖔᑦᑕ ᐱᓕᕆᐊᒃᓴᐃᑦ ᓄᒃᑎᖅᑕᐅᒃᐸᑕ. (ᑐᓵᔨᑎᒎᕈᓐᓃᖅᑐᖅ) ᒪ'ᓇ, ᐅᖃᖅᑎᑦᓯᔩ. >>ᐸᑦᑕᑐᖅᑐᑦ ᐅᖃᖅᑎ: ᒥᓂᔅᑕᐃᑦ ᐅᖃᐅᓯᒃᓴᖏᑦ. ᐃᖏᕐᕋᔪᓕᕆᔨᒃᑯᑦ ᐊᐅᓚᔪᓐᓇᐅᑎᓕᕆᔨᒃᑯᓪᓗ, ᒥᓂᔅᑕ ᕼᐃᒃᔅ. ᐊᖓᔪᖅᑳᑉ ᐅᖃᐅᓯᖓ 49 - 7(2): ᓄᑖᙳᖅᑎᑕᓐ ᐅᖅᓱᐋᓗᖕᒧᑦ ᐅᖅᓴᒃᓴᐃᔾᔪᑎᓐ ᐊᑭᓕᒐᒃᓴᓄᓪᓗ ᓴᖅᑮᔾᔪᑎᖏᑦ (ᕼᐃᒃᔅ)

ᐊᐃᑉᐹ, ᔫᓂ 02, 2026 ᓄᓇᕗᒥ ᒪᓕᒐᓕᐅᕐᕕᒻᒧᑦ ᑲᑎᒪᔾᔪᑏᑦ 3 ᐊᖓᔪᖅᑳᖅ ᔪᐊᔾ ᕼᐃᒃᔅ (ᑐᓵᔨᑎᒍᑦ): ᖁᔭᓐᓇᒦᒃ, ᐅᖃᖅᑎᑦᑎᔩ. ᐅᖅᓱᐊᓗᓕᕆᔨᒃᑯᑦ ᒫᓐᓇᐅᔪᖅ ᓄᑖᙳᕆᐊᖅᑎᑦᑎᕙᓪᓕᐊᕗᑦ ᐅᖅᓱᐊᓗᓕᕆᓂᕐᒧᑦ ᐊᒻᒪ ᐊᑭᓕᕋᔅᓴᓕᐅᕐᓂᕐᒧᑦ ᐊᑐᖅᑕᐅᕙᑦᑐᓂᒃ ᓴᖅᑮᕙᓪᓕᐊᓪᓗᑎᒃ ᓄᑖᒥᑦ ᑕᐃᔭᐅᔪᒥᑦ Petroplus. ᐅᖃᖅᑎᑦᑎᔩ ᐊᒻᒪᓗ ᒪᓕᒐᓕᐅᖅᑏᑦ, ᐱᓕᕆᕝᕕᒋᔭᐅᔫᑉ ᒫᓐᓇ ᐊᑐᖅᐸᒃᑕᖓ ᐱᔭᐅᓚᐅᖅᓯᒪᕗᖅ ᓄᓇᑦᑎᐊᑉ ᒐᕙᒪᒃᑯᖏᓐᓂᑦ ᐊᐅᓚᓂᖃᖅᓯᒪᓕᖅᑐᓂᓗ ᐊᕐᕌᒍᐃᑦ 25 ᐅᖓᑖᓄᑦ. ᑖᓐᓇ ᓄᑖᖅ Petroplus-ᖑᓂᕋᖅᑕᐅᔪᖅ ᐃᓚᖃᖅᑐᖅ ᓄᑖᓐᖑᕆᐊᖅᓯᒪᔪᓂᒃ ᐊᑭᓕᕆᐊᓕᖕᓂᒃ ᓈᓴᐃᔾᔪᑎᓂᒃ, ᐊᒻᒪᓗ ᐊᐅᓚᑦᑎᔾᔪᑎᓂᒃ ᐊᒻᒪᓗ ᓱᕋᒃᓴᕋᐃᓐᖏᑦᑐᓂᒃ ᐅᖄᓚᐅᑎᕋᓛᓂᒃ ᐃᓕᐅᖅᑲᖅᑕᐅᓯᒪᔪᓂᒃ ᐅᖅᓱᐊᓗᒃᑕᐅᑎᓄᑦ ᓄᓇᓯᐅᑎᓄᑦ ᐊᒻᒪᓗ ᐅᖅᓴᒃᓴᐃᕝᕕᐅᕙᒃᑐᓄᑦ ᑕᒪᒃᑯᐊ ᐊᒡᔭᖅᑕᐅᕙᓪᓕᐊᔪᑦ ᐃᕐᖐᓐᓇᖅ ᐱᔭᐅᑲᐅᑎᒋᔪᓐᓇᖁᓪᓗᒋᑦ. ᐅᖃᖅᑎᑦᑎᔩ, ᑖᒃᑯᐊ ᐱᐅᓯᕚᓪᓕᕈᑎᐅᔪᑦ ᓂᕆᐅᒋᔭᐅᕗᑦ ᐱᐅᓯᕚᓪᓕᖅᑎᑦᑎᓂᐊᕐᓂᖏᓐᓂᒃ ᓈᓴᖅᑕᐅᓯᒪᔪᓂᒃ ᐊᐅᓚᑦᑎᓂᕐᒥᒃ, ᓴᙵᑦᑎᒋᐊᖅᑎᑦᑎᓗᑎᒃ ᑮᓇᐅᔭᓂᒃ ᑲᒪᑦᑎᐊᕐᓂᕐᒥᒃ, ᐊᖏᒡᓕᒋᐊᖅᑎᑦᑎᓗᑎᒃ ᐊᐅᓚᓂᕐᒧᑦ ᐃᖏᕐᕋᑦᑎᐊᕐᓂᕐᒥᒃ, ᐊᒻᒪᓗ ᐃᑲᔪᖅᑐᐃᓗᑎᒃ ᐱᐅᓂᖅᓴᒥᒃ ᐱᔨᑦᑎᕋᕐᓂᕐᒥᒃ ᓄᓇᕘᑉ ᐅᖅᓱᐊᓗᖃᖅᑎᑦᑎᓂᕆᕙᒃᑕᖓᓂ. ᐅᖃᖅᑎᑦᑎᔩ, ᐊᑐᓕᖅᑎᑕᐅᓂᖓ ᓄᑖᖅ Petroplus-ᖑᓂᕋᖅᑕᐅᔪᖅ ᐱᔭᕇᖅᑕᐅᓯᒪᓕᖅᑐᖅ ᑭᕙᓪᓕᕐᒥ ᓄᓇᓕᓕᒫᓂ, ᐊᒻᒪᓗ ᑭᒻᒥᕈᒻᒥ, ᑭᙵᕐᓂ, ᓴᓂᑭᓗᐊᕐᒥᓗ ᕿᑭᖅᑖᓗᒻᒥ. ᐱᒋᐊᖅᐸᓪᓕᐊᓕᖅᐳᑦ ᕿᑎᕐᒥᐅᓂ, ᐊᒥᐊᒃᑯᖏᑦ ᕿᑭᖅᑖᓗᖕᒥ ᓄᓇᓖᑦ ᓂᕆᐅᒋᔭᐅᓪᓗᑎᒃ ᒪᓕᖕᓂᐊᕐᓂᖏᓐᓂᒃ ᔪᓚᐃᒥ ᐋᒡᒌᓯᒥᓗ ᑕᒪᑐᒪᓂ ᐊᕐᕌᒍᒥ. ᐅᖅᓱᐊᓗᓕᕆᔨᒃᑯᑦ ᓂᕆᐅᒃᐳᑦ ᖃᕆᓴᐅᔭᓕᕆᔾᔪᑎ ᐊᑐᓕᖅᑎᑕᐅᓂᐊᕐᓂᖓᓂᒃ ᓄᓇᕗᒻᒥ ᓄᓇᓕᓕᒫᓂᒃ 2026−ᒥ ᐅᑭᐊᒃᓵᒃᑯᑦ. ᖁᔭᓐᓇᒦᒃ, ᐅᖃᖅᑎᑦᑎᔩ. >>ᐸᑦᑕᑐᖅᑐᑦ ᐅᖃᖅᑎ: ᒥᓂᔅᑕᐃᑦ ᐅᖃᐅᓯᒃᓴᖏᑦ. ᒥᓂᔅᑕ ᐃᓄᓕᕆᔨᒃᑯᓐᓄᑦ, ᒥᔅ ᕼᐃᓕ ᐊᕿᐊᕈᖅ. ᐊᖓᔪᖅᑳᑉ ᐅᖃᐅᓯᖓ 50 - 7(2): ᐃᑲᔪᖅᓱᐃᔾᔪᑎᓐ ᓄᓇᕘᑉ ᓯᓚᑖᓄᑦ ᐃᓂᖃᖅᑎᑕᐅᔪᓄᑦ (ᕼᐄᓕ- ᐊᕿᐊᕈᖅ) ᐊᖓᔪᖅᑳᖅ ᒍᐊᐃᓐ ᕼᐄᓕ ᐊᕿᐊᕈᖅ: ᖁᔭᓐᓇᒦᒃ, ᐅᖃᖅᑎᑦᑎᔩ. (ᑐᓵᔨᑎᒎᓕᖅᑐᖅ) ᐅᖃᖅᑎᑦᑎᔩ, ᐅᓪᓗᒥ ᓇᖏᖅᓯᕗᖓ ᑐᓴᖅᑎᑦᑎᔪᒪᓪᓗᖓ ᐱᓕᕆᑦᑎᐊᖅᓯᒪᓂᖏᓐᓂᑦ ᓄᓇᓕᖕᓂ ᑐᓴᐅᒪᔪᓕᕆᔨᕗᑦ. ᓄᑕᖅᑲᒥᒡᓘᓐᓃᑦ ᒪᒃᑯᒃᑐᒥᒡᓘᓐᓃᑦ ᐊᐅᓪᓚᖅᑐᖃᕆᐊᖃᕌᖓᑦ ᓄᓇᕘᑉ ᓯᓚᑖᓄᑦ ᑲᒪᒋᔭᐅᔭᖅᑐᕐᓗᓂ ᐅᕝᕙᓘᓐᓃᑦ ᐃᓅᓕᓴᖅᑕᐅᔭᖅᑐᕐᓗᓂ, ᐊᒃᓱᕈᕐᓇᖃᑦᑕᖅᐳᖅ ᐃᓚᒌᓄᑦ ᐊᒻᒪ ᓄᓇᕗᒻᒥᐅᓕᒫᓄᑦ. ᐊᖓᔪᖅᑳᕆᔭᐅᔪᖅ ᐃᓱᒪᓕᐅᖅᓯᒪᒐᓗᐊᖅᐸᑦ ᕿᑐᕐᖓᒥᓂᒃ ᐸᖅᑭᔭᐅᔪᒪᓗᓂ ᐱᔭᕆᑐᔪᒥᒃ ᐊᑯᓂᐅᔪᒃᑯᑦ ᐃᓅᓕᓴᖅᑕᐅᔭᕆᐊᖃᕐᓂᐊᕐᒪᑦ, ᐅᕝᕙᓘᓐᓃᑦ ᓄᑕᖅᑲᒥᒃ ᓄᓇᕘᑉ ᓯᓚᑖᓅᖅᑕᐅᔪᖃᖅᐸᑦ ᓄᑕᖅᑲᓄᑦ ᓴᐳᔾᔨᔨᒃᑯᑎᒍᑦ ᑭᖑᓪᓕᖅᐹᖑᓗᓂ, ᖃᐅᔨᒪᔪᒍᑦ ᑖᒃᑯᐊ ᒪᒃᑯᒃᑐᑦ ᓱᖏᐅᒋᙱᑕᒥᓃᓕᖃᑦᑕᕐᒪᑕ ᐃᓕᖅᑯᓯᕐᒥᓂᒡᓗ ᐅᖃᐅᓯᕐᒥᓂᒡᓗ ᐅᖓᓯᒃᑐᒦᓕᖅᖢᑎᒃ. ᐃᖅᑲᓇᐃᔭᖅᑏᑦ ᖃᑕᙳᑎᒌᓪᓗ ᖃᐅᔨᒑᖓᑕ ᑕᒪᓐᓇ ᐊᖅᑯᑎᒋᔭᐅᔭᕆᐊᖃᕐᓂᖓᓂᒃ ᓄᑕᕋᐅᑉ ᑲᒪᒋᔭᐅᓂᖓᓄᑦ ᖁᐊᖅᓵᕐᓇᖅᑐᒦᙱᓐᓂᖓᓄᓪᓘᓐᓃᑦ, ᐱᓕᕆᐊᖃᓪᓚᕆᒍᒪᕙᒃᐳᑦ ᐱᕙᒌᔭᖅᑕᐅᓯᒪᔪᒥᒃ ᑲᔪᓯᑎᑦᑎᔪᒥᒃ ᐃᓕᖅᑯᓯᑐᖃᒃᑯᑦ ᐊᑕᖃᑎᒌᖕᓂᕐᒥᒃ ᐱᓕᕆᐊᖃᖅᐸᒃᖢᓂᓗ ᑲᑎᑎᑦᑎᒃᑲᓐᓂᕐᓂᕐᒥᒃ ᐃᓚᒌᓂᒃ ᐊᔪᕐᓇᕈᓐᓃᑐᐊᖅᐸᑦ. ᑕᒪᕐᒥᑦᑎᐊᖅ ᓄᑕᖅᑲᑦ ᒪᒃᑯᒃᑐᓪᓘᓐᓃᑦ ᐃᓂᑖᖅᑎᑕᐅᔪᑦ ᓄᓇᕘᑉ ᓯᓚᑖᓄᑦ ᐃᑲᔪᖅᑐᖅᑕᐅᕙᒃᐳᑦ ᐱᓕᕆᔨᒋᔭᐅᔪᒧᑦ ᓄᓇᓕᖕᓃᙶᖅᑐᒥᒃ ᐃᓚᖓᓂᒡᓗ ᐱᓕᕆᕝᕕᒋᔭᑦᑎᓐᓂᒃ ᑐᓴᐅᒪᑎᑦᑎᔨᒋᔭᑦᑎᓐᓂᒃ, ᑖᒃᑯᐊᓗ ᐱᑎᑦᑎᕙᒃᖢᑎᒃ ᖃᓄᐃᙱᑦᑎᐊᕈᓐᓇᕐᓂᕐᒥᒃ ᐃᓕᖅᑯᓯᑐᖃᕐᓄᓪᓗ ᐃᑲᔪᖅᑐᐃᓂᕐᒥᒃ ᐃᓂᑖᖅᑎᑕᐅᕝᕕᒋᔭᒥᓂ ᓄᓇᓕᖕᓂ.

ᐊᐃᑉᐹ, ᔫᓂ 02, 2026 ᓄᓇᕗᒥ ᒪᓕᒐᓕᐅᕐᕕᒻᒧᑦ ᑲᑎᒪᔾᔪᑏᑦ 4 ᐅᖃᖅᑎᑦᑎᔩ, ᐅᓐᓄᒃᓴᒃᑯᑦ ᐋᑐᕚᒦᓵᓚᐅᕋᒪ ᑎᓴᒪᓂᒃ ᓄᓇᓕᖕᓂ ᑐᓴᐅᒪᔪᓕᕆᔨᓂᒃ ᐃᓄᓕᕆᔨᒃᑯᓐᓂ ᐃᖅᑲᓇᐃᔭᖅᑎᓂᒃ, ᐅᖃᐅᑎᔪᓐᓇᖅᐸᒋᑦ ᑖᒃᑯᐊ ᐱᓕᕆᖃᑎᒌᑦ ᐊᖏᖅᓯᒪᑦᑎᐊᕐᓂᖏᓐᓂᑦ ᐃᓄᖕᓄᑦ ᑲᒪᒋᔭᖏᓐᓄᑦ. ᐹᐳᕋ ᓯᕕᒡᓂ, ᐅᓖᐱᑲ ᓲ, ᑳᒪᓐ ᑰᑑ, ᐊᒻᒪ ᔭᔅᑎᓐ ᕉᒻ ᐃᓱᒪᒃᓴᖅᓯᐅᕈᑎᖃᑦᑎᐊᓚᐅᖅᐳᑦ ᐱᓕᕆᐊᖏᓐᓂᒃ, ᑭᒡᒐᖅᑐᐃᑦᑎᐊᖅᖢᑎᒃ ᐱᔨᑦᑎᕋᖅᑕᒥᓄᑦ, ᐊᒻᒪ ᐃᓱᒪᒋᔭᒃᓴᑦᑎᐊᕙᖕᓂᒃ ᖃᓄᖅ ᐱᓕᕆᑦᑎᐊᒃᑲᓐᓂᕈᓐᓇᕐᒪᖔᑦᑕ. ᐃᑲᔪᕐᒥᔪᑦᑕᐅᖅ ᐱᓕᕆᕝᕕᑦᑎᓐᓂᒃ ᐱᐅᓯᕚᓪᓕᖅᑎᑦᑎᓂᕐᒥᒃ ᐃᓕᖅᑯᓯᕐᒥᒃ ᐃᓕᓐᓂᐊᖅᑎᑦᑎᓂᕐᒥᒃ ᑕᒪᒃᑯᐊ ᑎᒍᐊᙳᐊᖃᕐᕖᑦ ᐊᒻᒪᓗ ᐸᖅᑭᕖᑦ ᑐᑭᓯᕚᓪᓕᖁᓪᓗᒋᑦ ᐃᓄᐃᑦ ᖃᐅᔨᒪᔭᑐᖃᖏᓐᓂᑦ ᐊᒻᒪᓗ ᐃᓅᓯᕆᔭᐅᔪᓂᑦ ᓄᓇᑦᑎᓐᓂ. ᐊᒥᓱᓂᒃ ᐊᓯᖏᓐᓂᒃ ᐱᐅᓯᒋᐊᖅᑎᑦᑎᓯᒪᕗᒍᑦ ᐅᑯᑎᒎᓇᖅ, ᐃᓚᒌᑦᓯᐊᕐᓂᖅ ᖃᓄᖅᑑᕈᑎᒃᓴᓄᑦ ᐸᕐᓇᐅᑎᑦ: ᖃᑕᙳᑎᒌᑦ ᐳᓛᕆᐊᖅᑕᐅᖃᑦᑕᕐᓂᖅᓴᐅᓗᑎᒃ ᓄᑕᖅᑲᓄᑦ, ᑐᓴᐅᒪᖃᑎᒌᑦᑎᐊᕐᓂᖅᓴᐅᓕᕐᓗᑎᒃ ᐊᖓᔪᖅᑳᕆᔭᐅᔪᑦ ᐊᒻᒪ ᑎᒍᐊᙳᐊᖃᖅᐸᒃᑐᑦ, ᐃᑲᔪᖅᑐᐃᑦᑎᐊᕐᓂᖅᓴᐅᓕᕐᓗᑎᒡᓗ ᐃᓚᒌᑦ ᑲᑎᙵᓕᖅᑎᓪᓗᒋᑦ. ᐱᓕᕆᕝᕕᒃᐳᑦ ᐱᐊᓂᒃᓯᓯᒪᓕᖅᑐᑦ ᕿᒥᕐᕈᓂᖕᓂᑦ ᐃᓂᑖᖅᑎᑦᑎᕕᓕᒫᓂᑦ ᐱᓕᕆᖃᑎᒋᔭᑦᑎᓐᓂᑦ ᐱᔪᓐᓇᖕᓂᖃᕐᕕᐅᔪᓂᑦ ᒪᓕᒃᑲᓗᐊᕆᐊᒃᓴᖏᓐᓂᑦ ᐸᖅᑭᓂᖕᓂᑦ, ᐱᐅᓛᓂᒡᓗ ᖃᐅᔨᓴᖕᓂᖕᒧᑦ ᐃᖅᑲᓇᐃᔭᖅᑎᕗᑦ ᕿᒥᕐᕈᐃᓐᓇᖅᑐᑦ ᑎᑎᖅᑲᓂᑦ ᖃᓄᐃᓕᖓᓕᖕᓂᖏᓐᓂᑦ ᓄᑖᙳᕆᐊᖅᓯᒪᔪᓂᑦ. ᐅᖃᖅᑎᑦᑎᔩ, ᑕᒪᓐᓇ ᓱᓕ ᑲᔪᓯᓂᐊᖅᑐᖅ. ᓴᙱᒃᑎᒋᐊᖏᓐᓇᕐᓂᐊᖅᑕᕗᑦ ᐃᑲᔪᖅᓰᔾᔪᑏᑦ ᐊᑐᐃᓐᓇᐅᔪᑦ ᓄᑕᖅᑲᓄᑦ, ᒪᒃᑯᒃᑐᓄᑦ, ᐊᒻᒪᓗ ᐃᓚᖏᓐᓄᑦ, ᐊᒻᒪᓗ ᑐᓴᐅᒪᑎᑦᑏᓐᓇᖃᑦᑕᓂᐊᖅᐳᖓ ᑕᕝᕙᓂ ᑲᑎᒪᕝᕕᖕᒥ ᑕᒪᓐᓇ ᐱᕙᓪᓕᐊᓂᐅᔪᖅ ᒪᓕᒡᓗᒍ. (ᑐᓵᔨᑎᒎᕈᓐᓃᖅᑐᖅ) ᖁᔭᓐᓇᒦᒃ, ᐅᖃᖅᑎᑦᑎᔩ. >>ᐸᑦᑕᑐᖅᑐᑦ ᐅᖃᖅᑎ: ᖁᔭᓐᓇᒦᒃ. ᒥᓂᔅᑕᐃᑦ ᐅᖃᐅᓯᒃᓴᖏᑦ. ᒥᓂᔅᑕ ᑲᒪᒋᔭᖃᖅᑐᖅ ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᓇᓪᓕᐅᒃᑯᒫᓂᓪᓗ ᖃᐅᔨᓴᖅᑎᓄᑦ, ᒥᔅ ᑕᑦᑐᐃᓂ. ᐊᖓᔪᖅᑳᑉ ᐅᖃᐅᓯᖓ 51 - 7(2): ᑲᔪᓯᕙᓪᓕᐊᓂᖓ ᐃᖅᑲᓇᐃᔭᕝᕕᒻᒥ ᐋᓐᓂᖅᑐᓄᑦ ᓄᖅᑲᖓᔾᔪᑎᖏᓄᑦ (ᑕᑦᑐᐃᓂ) ᐊᖓᔪᖅᑳᖅ ᐋᓂ ᑕᑦᑐᐃᓂ: ᖁᔭᓐᓇᒦᒃ, ᐅᖃᖅᑎᑦᑎᔩ. (ᑐᓵᔨᑎᒎᓕᖅᑐᖅ) ᐅᖃᖅᑎᑦᑎᔩ, ᐅᐱᒍᓱᒃᐳᖓ ᐅᓪᓗᒥ ᐅᖃᐅᓯᖃᕈᓐᓇᕋᒪ ᐃᖅᑲᓇᐃᔭᕐᕕᖕᒥ ᐊᑦᑕᕐᓇᖅᑕᐃᓕᒪᓂᕐᒥᒃ ᓄᓇᕗᒻᒥ ᓇᓗᓇᐃᖅᓯᓪᓗᖓᓗ ᐱᕙᓪᓕᐊᓂᕆᔭᐅᔪᒥᒃ ᓴᙱᒃᑎᒋᐊᖅᑎᑦᑎᔪᒪᓪᓗᑎᒃ ᐱᑕᖃᖅᑎᑦᑎᑦᑕᐃᓕᒪᓂᕐᒧᑦ ᐱᓇᔪᒃᑕᐅᔪᓂᒃ ᒥᒃᖠᒋᐊᖅᑎᑦᑎᔪᒪᓪᓗᑎᒡᓗ ᐃᓕᙵᒃᑐᖃᖅᐸᖕᓂᖓᓄᑦ. ᖃᔅᓰᓐᓇᕈᕆᐊᖅᓯᒪᕗᑦ ᐃᓕᙵᖃᑦᑕᖅᑐᑦ ᓄᓇᕗᒻᒥ ᐃᖅᑲᓇᐃᔭᖅᑎᑦ. 2019−ᒥ, ᑲᑎᒪᔩᑦ ᑎᑎᕋᓚᐅᖅᐳᑦ 2.39−ᓂᒃ ᐃᖅᑲᓇᐃᔭᖅᑎᓂᒃ ᐃᓕᙵᒃᑐᖃᓚᐅᖅᐳᖅ 100−ᓂᒃ ᐃᖅᑲᓇᐃᔭᖅᑎᑦ ᑕᐅᑐᒃᖢᒋᑦ ᓄᓇᕗᒻᒥ. 2025−ᖑᓕᖅᐸᑦ, ᖃᔅᓯᐅᓂᖏᑦ ᐅᓄᕈᓐᓃᖅᐹᓪᓕᓚᐅᖅᐳᑦ 1.45−ᒧᑦ. ᑖᓐᓇ ᑲᓇᑕᓕᒫᒥ ᓇᓗᓇᐃᒃᑯᑕᓪᓗᐊᑕᖅ ᐆᒃᑐᕋᐃᕙᒃᐳᖅ ᖃᔅᓯᐅᓂᖏᓐᓂᒃ ᐃᖅᑲᓇᐃᔭᖅᑏᑦ ᐃᓕᙵᒃᓯᒪᔪᑦ ᐋᓐᓂᐊᓕᖅᓯᒪᔪᓪᓘᓐᓃᑦ ᐱᕐᔪᐊᕌᓗᖕᒥᑦ ᐱᑎᑦᑎᓕᖅᐸᒃᖢᑎᒃ ᐃᖅᑲᓇᐃᔭᕆᐊᙱᖦᖢᑎᒃ. ᐅᖃᖅᑎᑦᑎᔩ, ᑖᒃᑯᐊ ᓈᓴᐅᑏᑦ ᑕᑯᒃᓴᐅᑎᑦᑎᒐᓗᐊᖅᑎᓪᓗᒋᑦ ᐱᕚᓪᓕᖅᓯᒪᓂᖏᓐᓂᑦ, ᐃᖅᑲᐃᑎᑦᑎᕗᑦ ᓱᓕ ᐱᓕᕆᐊᒃᓴᖅᑕᖃᕐᒪᑕ. ᑕᒪᕐᒥᑦᑎᐊᖅ ᐃᖅᑲᓇᐃᔭᕐᕕᒋᔭᐅᔪᒥ ᐃᓕᙵᖕᓂᕆᔭᐅᔪᑦ ᐊᒃᑐᖅᓯᕙᒃᐳᑦ ᐃᖅᑲᓇᐃᔭᖅᑎᓂᒃ, ᐃᓚᒌᓂᒃ, ᓄᓇᓕᖕᓂᒡᓗ. ᐊᑕᐅᓰᓐᓇᑯᓗᒃ ᐋᓐᓂᕐᔪᐊᕋᓗᐊᕈᓂ ᐃᓅᔪᓐᓃᖅᑐᖃᕋᓗᐊᕈᓂᓘᓐᓃᑦ ᐊᒥᓲᓗᐊᖅᐳᖅ. 2025−ᒥ, ᐃᖅᑲᓇᐃᔭᖅᑎᓄᑦ ᐊᑦᑕᕐᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑏᑦ ᓴᙱᒃᑎᒋᐊᖅᑎᑦᑎᓚᐅᖅᐳᑦ ᓄᖅᑲᖅᑎᑦᑎᓇᓱᖕᓂᕐᒧᑦ ᐱᓇᔪᒃᑕᖏᓐᓂᒃ ᖃᔅᓯᑲᓪᓚᖕᓂᒃ ᓄᑖᓂᒃ ᐃᖅᑲᓇᐃᔭᕐᕕᖕᒥ ᐊᑦᑕᕐᓇᖅᑕᐃᓕᒪᓂᕐᒧᑦ

ᐊᐃᑉᐹ, ᔫᓂ 02, 2026 ᓄᓇᕗᒥ ᒪᓕᒐᓕᐅᕐᕕᒻᒧᑦ ᑲᑎᒪᔾᔪᑏᑦ 5 ᐱᓕᕆᐊᖑᕙᓪᓕᐊᔪᒪᔪᓂᒃ. ᑕᒪᓐᓇ ᐃᓚᖃᖅᐳᖅ ᑐᕌᑲᐅᑎᒋᔪᒥᒃ ᐃᑲᔪᖅᑐᐃᓂᕐᒥᒃ ᐋᖅᑭᒃᓱᖅᑕᐅᓯᒪᔪᓂᒡᓗ ᑕᓯᐅᖅᓯᓂᕐᒥᒃ ᐃᖅᑲᓇᐃᔭᖅᑎᑦᑎᔨᓄᑦ ᖁᑦᑎᖕᓂᖅᓴᒥᒃ ᑕᐃᒪᐃᒐᔪᖕᓂᖓᓂ ᐃᓕᙵᖕᓂᕆᔭᐅᔪᓄᑦ. ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑏᑦ ᓴᖅᑭᑦᑎᓚᐅᕆᕗᑦ ᓄᑖᕐᒥᒃ ᑕᖅᑲᒃᑯᓄᖓ ᓴᖅᑭᔮᖅᑎᑕᐅᔪᒥᒃ ᐅᔾᔨᕈᓱᓕᒃᑲᓐᓂᖁᓪᓗᒋᑦ ᐃᖅᑲᓇᐃᔭᖅᑏᑦ ᐱᔪᓐᓇᐅᑎᖏᓐᓂᒃ ᐊᒻᒪ ᐋᖅᑮᓪᓗᑎᒃ ᐃᖅᑲᓇᐃᔭᕐᕕᖕᒥ ᐊᑦᑕᓇᐃᖅᓯᒪᓂᕐᒧᑦ ᐸᕐᓇᐅᑎᒥᒃ ᐃᑲᔫᑎᒃᓴᓂᑦ ᐃᖅᑲᓇᐃᔭᖅᑎᑦᑎᔨᓄᑦ ᑐᑭᓯᕚᓪᓕᖁᓪᓗᒋᑦ ᒪᓕᒐᖅᑎᒍᑦ ᑲᒪᒋᔭᕆᐊᖃᖅᑕᖏᓐᓂᑦ ᐊᒻᒪ ᓴᙱᓂᖅᓴᓂᑦ ᐊᑦᑕᓇᐃᖅᓯᒪᓂᕐᒧᑦ ᐱᓕᕆᐊᓂᑦ. ᑮᓇᐅᔭᖃᖅᑎᑕᐅᓂᖏᑦ ᐱᓕᒻᒪᒃᓴᐃᓂᕐᒧᑦ ᐊᒻᒪ ᐃᓕᓐᓂᐊᖅᑎᑦᑎᓂᕐᒧᑦ ᐱᓕᕆᐊᖑᕙᓪᓕᐊᔪᒪᔪᓄᑦ ᐊᖏᒡᓕᒋᐊᖅᑕᐅᓚᐅᖅᐳᑦ ᐃᖅᑲᓇᐃᔭᕐᕕᖕᒥ ᖃᓄᐃᙱᑦᑎᐊᕐᓂᕐᒧᑦ ᐊᑦᑕᕐᓇᖅᑕᐃᓕᒪᓂᕐᒧᓪᓗ ᑮᓇᐅᔭᖃᖅᑎᑦᑎᓂᕐᒧᑦ ᐱᓕᕆᐊᒃᑯᑦ, ᐃᓚᒋᔭᐅᓪᓗᓂ ᐃᑲᔪᖅᓱᐃᓂᖅ ᐋᓐᓂᖅᑐᓕᕆᓂᕐᒧᑦ ᐱᓕᒻᒪᒃᓴᕐᓂᕐᒧᑦ ᑭᕙᓪᓕᕐᒥ. ᑖᒃᑯᐊ ᖃᓄᐃᓕᐅᕈᑎᑦ ᐃᓚᒋᔭᐅᕗᑦ ᐃᖅᑲᓇᐃᔭᖅᑎᓄᑦ ᐊᑦᑕᕐᓇᖅᑐᓂᑦ ᐊᒻᒪ ᓇᓪᓕᐅᒃᑯᒫᓂᑦ ᖃᐅᔨᓴᖅᑏᑦ 2023–2027 ᐱᓕᕆᖃᑎᒌᖕᓂᕐᒧᑦ ᐸᕐᓇᐅᑎᖏᓐᓂᑦ, ᐊᖅᑯᑎᑦ ᐊᑦᑕᕐᓇᖅᑕᐃᓕᒪᓂᕐᒧᑦ, ᑕᑯᒃᓴᐅᑎᑦᑎᓗᓂᓗ ᑲᔪᓰᓐᓇᖅᑐᒥᒃ ᐱᓕᕆᐊᖃᓪᓚᕆᒍᒪᓂᕐᒥᒃ ᐱᓕᕆᖃᑎᖃᕐᓂᕐᒥᒃ ᐃᖅᑲᓇᐃᔭᖅᑎᓂᒃ, ᐃᖅᑲᓇᐃᔭᖅᑎᑦᑎᔨᓂᒃ ᐊᑦᑕᕐᓇᖅᑕᐃᓕᒪᓂᕐᒧᓪᓗ ᐱᓕᕆᖃᑎᒌᒃᐸᒃᑐᓂᒃ ᒥᑭᒡᓕᒋᐊᖅᑎᑦᑎᔪᒪᓂᕐᒧᑦ ᐃᖅᑲᓇᐃᔭᕐᕕᒋᔭᐅᔪᓂ ᐃᓕᙵᖕᓂᕆᔭᐅᔪᓂᒃ ᓄᓇᕘᓕᒫᒥ. ᖁᔭᓐᓇᒦᒃ, ᐅᖃᖅᑎᑦᑎᔩ. >>ᐸᑦᑕᑐᖅᑐᑦ ᐅᖃᖅᑎ: ᖁᔭᓐᓇᒦᒃ. ᒥᓂᔅᑕᐃᑦ ᐅᖃᐅᓯᒃᓴᖏᑦ. ᒥᓂᔅᑕ ᓄᓇᓕᖕᓂ ᐱᔨᑦᑎᖅᑎᒃᑯᓐᓄᑦ, ᒥᔅᑕ ᓯᒪᐃᓚᒃ. ᐊᖓᔪᖅᑳᑉ ᐅᖃᐅᓯᖓ 52 - 7(2): ᖁᕕᐊᓲᑎᖃᓐᓂᖅ ᐃᓄᑦᑕ ᐅᓂᒃᑳᖅᑐᐊᖏᓂᒃ ᑕᕐᕆᔮᒃᓴᒃᑯᑦ ᑕᓚᕖᓴᒃᑯᓪᓗ (ᓯᒪᐃᓚᒃ) ᐊᖓᔪᖅᑳᖅ ᑯᕋᐃᒡ ᓯᒪᐃᓚᒃ (ᑐᓵᔨᑎᒍᑦ): ᖁᔭᓐᓇᒦᒃ, ᐅᖃᖅᑏ. ᐅᖃᖅᑏ, ᐅᓪᓗᒥ ᓂᑯᕕᑦᑐᖓ ᐃᓕᓴᖅᓯᒍᒪᓪᓗᖓ ᖁᕕᐊᒋᔭᖃᕈᒪᓪᓗᖓᓗ ᐊᒥᓱᕈᖅᐸᓪᓕᐊᑐᐃᓐᓇᕐᖓᑕ ᐊᖏᓪᓕᕙᓪᓕᐊᑐᐃᓐᓇᕐᖓᑕ ᓄᓇᕗᒻᒥ ᑕᕐᕆᔮᓕᐅᖅᑏᑦ, ᑕᓚᕖᓴᒃᑰᖅᑐᔅᓴᓕᐅᖅᑏ, ᐅᐱᒋᓪᓗᒋᑦ ᑖᒃᑯᐊ ᐅᓂᒃᑳᖅᑏᑦ, ᐊᔾᔨᓕᐅᕆᔩᑦ, ᐅᖃᖅᑏᑦ, ᓴᓇᕈᓘᔭᖅᑏᑦ ᐃᓕᖅᑯᓯᓕᕆᔩᓪᓗ ᑲᓇᑕᓕᒪᑦᑎᐊᕐᒧᑦ ᐅᓂᒃᑳᖏᓐᓂ ᓴᖅᑭᔮᖅᑎᑦᑎᕙᓕᕐᖓᑕ ᓯᓚᖅᔪᐊᒧᓪᓗ. ᐅᖃᖅᑏ, 2025 ᑖᓐᓇ ᐱᒻᒪᕆᐊᓘᔪᖅ ᐃᓕᓴᕆᔭᐅᒋᐊᓕᒃ ᓯᕗᓪᓕᐹᑦᑎᐊᒥ ᐅᕙᒍᑦ ᑏᕖᒃᑯᑦ ᐊᕐᕌᒍᓕᒫᖅ ᐃᓄᒃᑎᑑᖓᓪᓗᓂ ᑏᕖᒃᑰᖃᑦᑕᓕᖅᓯᒪᒻᒪᑦ. ᑕᐃᒪᙵᓂᓪᓕ ᑲᓇᑕᒥ ᓈᓚᐅᓯᕆᓂᕐᒧᑦ ᑕᓚᕖᓴᓕᕆᓂᕐᒧᓪᓗ ᑲᒥᓴᓐᖓᓂ ᓴᖅᑭᔮᕈᓐᓇᐅᑎᑖᖅᓯᒪᓪᓗᓂ, ᐅᕙᒍᑦ ᑏᕖ ᐱᒻᒪᕆᐊᓘᔪᖅ ᐃᓄᐃᑦ ᓂᐱᖏᓐᓂ, ᐅᓂᒃᑳᖏᓐᓂ, ᐊᒻᒪ ᑕᑯᓐᓈᖅᑕᖏᓐᓂᓪᓗ ᐃᓄᐃᑦ ᓄᓇᓕᒫᖏᓐᓂ ᓴᖅᑭᔮᖅᑎᑦᑎᒍᓐᓇᖅᑐᑎ. ᐊᕐᕌᒍ ᐊᑕᐅᓯᑐᐃᓐᓇᕐᒥ ᖃᐅᑕᒫᑦ ᓴᖅᑭᔮᖅᑎᑦᑎᕙᑦᑐᐃᑦ ᓱᕈᓯᕐᓄᑦ, ᐃᓚᒌᓄᑦ, ᓄᓇᓕᓐᓄᓪᓗ ᐊᒻᒪᓗᑦᑕᐅᖅ ᑎᒍᔭᔅᓴᐅᔪᓂᑦ ᐃᖅᑲᓇᐃᔮᔅᓴᓂᑦ ᑐᓴᐅᑎᓕᕆᓂᕐᒥ ᐊᑐᐃᓐᓇᕈᐃᑦᑎᐊᖅᓯᒪᓪᓗᑎᑦ. ᐅᖃᖅᑏ, ᑖᓐᓇ ᐱᒍᓐᓇᖅᓯᒪᔭᖓ ᓴᖅᑭᔮᖅᑎᑦᑎᔪᖅ ᐱᒻᒪᕆᐊᓘᓂᕆᔭᖏᓐᓂ ᓴᙱᓕᖅᑎᑦᑎᒋᐊᕐᓂᐅᑉ ᓴᖅᑭᔮᖅᑎᑦᑎᒋᐊᕐᓂᓪᓗ ᐃᓄᒃᑑᒥ, ᐃᑲᔪᖅᓰᓗᑎᑦ ᐃᓄᒃᑎᑦᑐ ᐃᓕᖅᑯᓯᐅᔪᓂᑦ ᐅᓂᒃᑳᕗᓪᓗ ᑐᓴᖅᑕᐅᖃᑦᑕᕈᓐᓇᓂᐊᕐᖓᑕ. ᐃᓕᓴᕆᒍᒪᔭᒃᑲ IBC-ᑯᑦ ᖁᓕᒐᓛᓗᓐᓂᑦ ᓯᕗᓕᖅᑎᐅᓯᒪᒻᒪᑕ ᓴᖅᑭᔮᖅᑎᑦᑎᖃᑦᑕᖅᑐᑎᑦ ᐃᓕᖅᑯᓯᓂᑦ ᐊᓯᐅᑦᑕᐃᓕᑎᑦᑎᓪᓗᑎᑦ.

IBC-ᑯᑦ ᓱᓕ ᐊᑐᐃᓐᓇᖃᑦᑕᖅᑐᑦ ᑐᙵᕕᒋᔭᒥᓂᑦ ᐱᕙᓪᓕᐊᑎᑦᑎᓗᑎᑦ ᐃᓄᓐᓂᑦ ᐊᔪᕈᓐᓃᓴᐃᓪᓗᑎᑦ ᐊᒻᒪᑦᑕᐅᖅ ᑕᕐᕆᔮᓕᐅᖅᑎᑦᑎᖃᑦᑕᖅᑐᑎᑦ ᑐᓴᐅᑎᓕᕆᖃᑦᑕᖅᑐᑎᓪᓗ ᓄᓇᕗᓕᒪᑦ.

ᐊᐃᑉᐹ, ᔫᓂ 02, 2026 ᓄᓇᕗᒥ ᒪᓕᒐᓕᐅᕐᕕᒻᒧᑦ ᑲᑎᒪᔾᔪᑏᑦ 6 ᐅᖃᖅᑏ, ᑐᓴᖅᑕᐅᓗᐊᖁᔭᕋ ᐊᐅᓚᔪᑦ ᓄᓇᕗᒻᒥ ᑕᕐᕆᔮᓂ ᓴᖅᑭᔮᖅᑎᑦᑎᓂᖅ ᐊᑐᖅᑕᐅᓚᐅᕐᖓᑦ ᐊᐃᐳᕈᓪ 9-ᒥ 12-ᒧᑦ, ᑕᕝᕙᓃᓛᒃ ᐱᕕᖃᖅᑎᑎᒃᑲᓐᓂᓚᐅᕐᒥᔪᑦ ᐱᒻᒪᕆᐊᓘᔪᒥ ᐃᓄᓐᓄᑦ ᑕᕐᕆᔮᓕᐅᖅᑎᐅᔪᓄᑦ ᓴᖅᑭᔮᖅᑎᑦᑎᒍᓐᓇᕐᓗᑎ ᓴᓇᔭᒥᓂᕐᒥᓂᒃ, ᐊᒻᒪᓗᑦᑕᐅᖅ ᓄᓇᕗᒻᒥ ᑕᕐᕆᔮᓕᐅᖅᑎᐅᖃᑕᐅᓂᕐᒥᓂᑦ ᓴᖅᑭᔮᖅᑎᑦᑎᒋᐊᖅᑐᑎ. ᑕᒪᒃᑯᐊ ᐊᐅᓚᔪᑦ ᐃᑲᔪᕐᓂᖃᖃᑦᑕᖅᑐᐃᑦ ᓴᖅᑭᔮᕆᐊᖅᑎᑦᑎᒍᑕᐅᓗᑎᑦ ᐃᓄᐃᑦ ᐅᖃᐅᓯᕈᓘᔭᖏᓐᓂ ᐃᓕᖅᑯᓯᓕᕈᓘᔭᖏᓐᓂᓪᓗ ᐊᔪᙱᓐᓂᖏᓐᓂᓪᓗ. ᐅᖃᖅᑏ, ᓄᓇᕗᒻᒥ ᑕᕐᕆᔮᓕᐅᖅᑎᓂ ᑕᓚᕖᓴᓕᐅᖅᑎᓂᓪᓗ ᐃᖅᑲᓇᐃᔮᓄᑦ ᑮᓇᐅᔭᓕᐅᕈᑎᔅᓴᓂᑦ ᓴᖅᓯᑦᑎᐊᖅᑐᐊᓘᖃᑦᑕᖅᑐᐃᑦ ᓄᓇᓕᓐᓄᑦ. ᑕᕐᕆᔮᓕᐅᓕᕋᐃᒻᒪᑕ ᓄᓇᓖᑦ ᐃᑲᔪᖅᓰᖃᑦᑕᖅᑐᐃᑦ ᓇᒻᒥᓂᖃᐅᑎᓕᓐᓂ ᐃᖅᑲᓇᐃᔮᓂ ᓴᖅᑭᖅᓯᕙᑦᑐᓂᑦ, ᐊᔪᕈᓐᓃᖅᓴᐃᕙᑦᑐᑎᑦ ᓄᓇᕗᒻᒥ ᓄᓇᓕᖕᓂ. ᑖᓐᓇ ᐊᖏᓪᓕᕙᓪᓕᐊᑐᐃᓐᓇᕐᖓᑕ ᓴᖅᑭᔮᖅᑎᑦᑎᕗᖅ ᑭᓱ ᓴᖅᑭᕈᓐᓇᕐᒪᖔᑕ ᐃᓄᐃᑦ ᐅᖃᐅᓯᖏᑦ, ᐃᓕᖅᑯᓯᖏᓪᓗ ᓴᖅᑭᔮᕖᙵᖅᑎᑕᐅᑎᓪᓗᒋᑦ. ᖁᔭᓕᕙᒃᑲ ᑕᕐᕆᔮᓕᐅᖅᑎᓕᒫᑦ, ᐅᖃᖅᑎᓕᒫᖏᓪᓗ, ᓴᓇᔨᖏᓪᓗ, ᑲᑐᔾᔨᖃᑎᒌᖏᓪᓗ ᓴᙱᓕᖅᑎᑦᑎᕙᓪᓕᐊᖏᓐᓇᕐᖓᑕ ᓄᓇᕗᒻᒥ ᑕᕐᕆᔮᓕᐅᖅᑎᐅᒍᓐᓇᕐᓂᖏᓐᓂ, ᑖᓐᓇᓗ ᑲᔪᓯᑦᑎᐊᖏᓐᓇᓪᓚᕆᖁᕙᖃ. ᖁᔭᓐᓇᒦᒃ, ᐅᖃᖅᑏ. >>ᐸᑦᑕᑐᖅᑐᑦ ᐅᖃᑎᖅ: ᖁᔭᓐᓇᒦᒃ. ᒥᓂᔅᑕᐃᑦ ᐅᖃᐅᓯᒃᓴᖏᑦ. ᒥᓂᔅᑕᐅᑲᐃᓐᓇᖅᑐᖅ ᐃᓕᓐᓂᐊᕐᓂᓕᕆᓂᕐᒧᑦ, ᒥᔅᑕ ᒪᐃᓐ. ᐊᖓᔪᖅᑳᑉ ᐅᖃᐅᓯᖓ 53 - 7(2): ᐃᓕᓐᓂᐊᕈᑎᓐ ᐃᖅᑲᓇᐃᔭᖅᑎᓄᑦ ᐱᓕᒻᒪᒃᓴᐅᑎᓐ ᐃᓄᒃᑎᑐᑦ ᖃᓪᓗᓈᑐᓪᓗ ᐅᖃᓕᒫᕈᓐᓇᓐᓂᕐᓄᑦ (ᐊᑭᐊᕈᖅ/ᒪᐃᓐ) ᓯᕗᓕᖅᑎ ᐋᕐᓗᒃ ᒪᐃᓐ: ᒪ’ᓇ, ᐅᖃᖅᑎᑦᓯᔩ. ᖁᕕᐊᓱᒃᑐᖓ ᐅᖃᐅᓯᒃᓴᖃᖅᑑᓪᓗᐊᕋᒪ ᑕᒪᓐᓇ ᐱᑉᓗᒍ ᐃᓕᓐᓂᐊᕋᐅᔭᐃᓐᓇᕆᐊᖃᕐᓂᕆᔭᖏᑦ ᐱᓕᕆᔨᐅᔪᑦ ᐃᓕᓐᓂᐊᖅᑐᓕᕆᔨᖅᔪᐊᒃᑯᑦ ᐃᓗᐊᓂ ᑖᒃᑯᐊ ᐃᑲᔫᑕᖅᖢᑎᑦ ᖃᓄᖅ ᐃᓕᓐᓂᐊᑎᑦᑎᑕᕐᓂᖏᑦᑕ ᒥᒃᓵᓄᑦ. ᖃᓄᖅ ᓯᕗᓕᐅᖅᑎᐅᔪᓪᓗᐊᕐᓂᖏᑦᑕ ᒥᒃᓵᓄᑦ ᐊᒻᒪ ᐊᑕᐅᓯᐅᖓᐃᓐᓇᐅᔭᕐᓂᖃᑦᓯᐊᖅᑐᒥ ᓄᓇᕗᑦ ᐃᓗᐊᓂ ᐃᑲᔪᖅᑐᐃᓪᓗᓂ ᑕᒪᑐᒥᖓ. (ᑐᓵᔨᑎᒎᓕᖅᑐᖅ) ᒫᓐᓇᒧᑦ ᑎᑭᖦᖢᒍᑦ ᑕᒪᑐᒪᓂ ᐃᓕᓐᓂᐊᕐᓇᒥᑦ, ᐱᕙᒌᒋᔭᖅᓯᒪᕗᒍᑦ ᑲᔪᓯᑎᑦᑎᓯᒪᓪᓗᑕᓗ ᐊᕐᕕᓂᓖᑦ ᒪᕐᕈᖕᓂᓗ (8) ᑲᑎᒪᓂᐅᔪᓂᒃ ᐱᓕᒻᒪᒃᓴᖅᑎᑦᑎᓂᕐᒥᓗ. ᐅᖃᖅᑎᑦᑎᔩ, ᖁᕕᐊᓱᒃᑐᖓ ᑐᓴᖅᑎᑦᑎᔪᓐᓇᕋᒪ ᐊᐃᕐᕆᓕᐅᓕᖅᐸᑦ, ᒪᕐᕈᖕᓂᑦ ᐱᓕᒻᒪᖅᑎᑦᑎᓚᐅᕋᑦᑕ, ᑕᒪᐃᓐᓂᒃ ᐃᓄᒃᑎᑐᑦ ᖃᓪᓘᓈᑎᑐᓪᓗ ᐅᖃᓕᒫᕈᓐᓇᑦᑎᐊᕐᓂᕐᒧᑦ. ᑕᒪᓐᓇ ᐱᒻᒪᕆᐅᓪᓗᓂ ᑲᔪᓯᕙᓪᓕᐊᓂᐅᕗᖅ ᓴᙱᒃᑎᒋᐊᒃᑲᓐᓂᕈᒪᓪᓗᒋᑦ ᐅᖃᓕᒫᕈᓐᓇᑦᑎᐊᕐᓂᖅ ᖃᓄᐃᓕᖓᓂᖏᑦ, ᑐᕌᒐᖃᖅᖢᑕ ᖃᐅᔨᔭᐅᕙᓪᓕᐊᔪᑦ ᐅᖃᓕᒫᕈᓐᓇᑦᑎᐊᕐᓂᕐᒧᑦ ᐃᓕᓐᓂᐊᕈᑎᒃᓴᓄᑦ ᖃᐅᔨᓴᖅᑕᐅᖁᔨᔾᔪᑎᓄᓪᓗ ᑕᒪᐃᓐᓂᑦ ᐅᖃᐅᓰᖕᓂᒃ. ᑖᒃᑯᐊ ᖃᓄᐃᓕᐅᕐᓂᐅᔪᑦ ᑲᑎᑎᑦᑎᓚᐅᖅᐳᖅ ᐊᖏᕈᑎᖃᖅᑦᑎᐊᖅᓯᒪᔪᓂᒃ ᐃᓕᓴᐃᔨᓂᒃ ᓄᓇᕗᒻᒥ, ᑲᑐᔾᔭᐅᓪᓗᓂ ᑐᕌᒐᕆᔭᐅᔪᒥᒃ: ᐱᐅᓯᕚᓪᓕᖅᑎᑦᑎᓂᖅ ᐅᖃᓕᒫᕈᓐᓇᑦᑎᐊᕐᓂᕐᒧᑦ ᐃᓕᓐᓂᐊᖅᑎᑦᑎᓂᕐᒥᑦ ᐃᓕᓐᓂᐊᖅᑎᓕᒫᑦ ᐅᖃᓪᓚᒍᓐᓇᕐᓂᕐᒥᒃ, ᓈᓚᒍᓐᓇᕐᓂᕐᒥᒃ, ᐅᖃᓕᒫᕈᓐᓇᕐᓂᕐᒥᒃ ᑎᑎᕋᕈᓐᓇᕐᓂᕐᒥᓗ ᐊᔪᕈᓐᓃᖅᓴᖅᑕᐅᕙᒃᑐᓂᒃ ᐱᔭᕆᐊᖃᖅᑐᑦ ᑲᔪᓯᓂᖃᑦᑎᐊᕐᓂᕐᒧᑦ. ᑕᕝᕘᓇ ᐱᓕᒻᒪᒃᓴᕐᓂᒃᑯᑦ, ᐃᓚᐅᖃᑕᐅᔪᑦ ᕿᒥᕐᕈᐊᓚᐅᖅᐳᖅ ᐅᐸᓗᖓᐃᔭᐅᑎᓂᒃ ᐃᑲᔪᖅᑐᐃᔪᒪᓪᓗᒋᑦ ᐅᖃᓕᒫᕐᓂᖅ ᑎᑎᕋᕐᓂᕐᓗ ᐱᕙᓪᓕᐊᓂᖅ, ᐱᓕᕆᐊᒃᓴᕆᔭᐅᔪᑦ ᐅᖃᐅᓯᒃᑯᑦ ᐅᖃᐅᓯᕐᓄᓪᓗ, ᐱᒻᒪᕆᐅᓂᖓᓗ ᐃᓄᒃᑎᑑᖓᔪᑦ ᓂᐱᒃᑯᓪᓗ ᐅᖃᐅᓯᕐᓂᒃ ᐱᓯᒪᓂᕐᒧᑦ. ᐃᓕᓴᐃᔩᑦ ᖃᐅᔨᒪᓂᖅᑖᖅᐹᓪᓕᖃᑦᑕᖅᑐᖅ ᐊᑐᖃᑦᑕᕐᓂᕐᒥᓗ ᖃᐅᔨᓴᖅᑕᐅᖁᔨᔾᔪᑎᓄᑦ ᐱᓕᕆᔾᔪᑎᓂᒃ ᐊᒻᒪᓗ ᑐᑭᓯᕚᓪᓕᖅᖢᑎᒃ ᐱᐅᑦᑎᐊᖅᑐᒥᑦ ᐅᖃᓕᒫᕈᓐᓇᑦᑎᐊᕐᓂᕐᒥᑦ ᐃᓕᓐᓂᐊᕈᑎᒃᓴᓂᒃ ᐱᔭᕆᐊᓕᖕᓂᑦ ᓄᓇᕗᑦ ᐃᓕᓐᓂᐊᕐᕕᐊᕈᓯᖏᓐᓂ.

ᐊᐃᑉᐹ, ᔫᓂ 02, 2026 ᓄᓇᕗᒥ ᒪᓕᒐᓕᐅᕐᕕᒻᒧᑦ ᑲᑎᒪᔾᔪᑏᑦ 7 ᑕᕝᕘᓇ ᑲᑎᒪᕐᔪᐊᕐᓂᒃᑯᑦ ᐱᓕᒻᒪᒃᓴᕐᓂᒃᑯᓪᓗ, ᐃᓕᓐᓂᐊᕐᓂᓕᕆᔨᒃᑯᑦ ᑕᑯᒃᓴᐅᑎᑦᑏᓐᓇᖅᐳᑦ ᐊᖏᕈᑕᐅᓯᒪᔪᓂᒃ ᐱᐅᔪᒻᒪᕆᖕᓂᒃ ᐃᓕᓐᓂᐊᕐᓂᕐᒥᒃ, ᐱᓕᕆᔨᓪᓚᕆᙳᖅᐸᓪᓕᐊᓗᑎᒃ, ᐃᓕᓐᓂᐊᖅᑎᓄᓪᓗ ᑲᔪᓯᓂᖃᑦᑎᐊᕐᓂᕐᒧᑦ. ᐅᐱᒍᓱᒃᐳᒍᑦ ᐃᑲᔪᖅᑐᐃᔪᓐᓇᕋᑦᑕ ᐃᓕᓴᐃᔨᑦᑎᓐᓂᒃ ᓂᕆᐅᒃᖢᖓᓗ ᐱᐅᔪᓂᒃ ᐊᒃᑐᐃᓂᐊᕐᓂᖓᓂᒃ ᑖᒃᑯᐊ ᐱᓕᕆᐊᖑᕙᓪᓕᐊᔪᒪᔪᑦ ᐃᓕᓐᓂᐊᕐᕕᐊᕈᓯᕐᓂᑦ ᓄᓇᕗᓕᒫᒥᑦ. ᐱᒻᒪᕆᐅᒍᓱᒃᐳᒍᑦ ᐃᓱᒪᒃᓴᖅᓯᐅᕐᓂᕐᒥ, ᑲᑐᔾᔨᖃᑎᖃᕐᓂᕐᒧᑦ, ᑐᕌᒐᖃᐃᓐᓇᕐᓂᕐᒥᓗ ᐊᔪᕈᓐᓃᖅᑎᑦᑎᕙᓪᓕᐊᓂᕐᒧᑦ ᑲᑐᔾᔨᖃᑎᖃᕐᓂᕐᒥᓗ ᓯᕗᓕᖅᑎᐅᓂᕐᒥᑦ. (ᑐᓵᔨᑎᒎᕈᓐᓃᖅᑐᖅ) ᒪ’ᓇ, ᐅᖃᖅᑎᑦᓯᔩ. >>ᐸᑦᑕᑐᖅᑐᑦ ᐅᖃᖅᑎ: ᒥᓂᔅᑕᐃᑦ ᐅᖃᐅᓯᖏᑦ. ᒪᓕᒐᓕᕆᔨᒃᑯᓐᓄᑦ, ᒥᓂᔅᑕ ᕼᐃᒃᔅ. ᐊᖓᔪᖅᑳᑉ ᐅᖃᐅᓯᖓ 54 - 7(2): ᐃᑲᔪᖅᑕᐅᕝᕕᒻᒥ ᑎᒥᒧᑦ ᑕᑯᓐᓇᐅᑎᖓ ᓴᖅᑭᑕᐅᕋᑖᖅᑐᖅ (ᕼᐃᒃᔅ) ᐊᖓᔪᖅᑳᖅ ᔪᐊᔾ ᕼᐃᒃᔅ (ᑐᓵᔨᑎᒍᑦ): ᖁᔭᓐᓇᒦᒃ, ᐅᖃᖅᑏ. ᐅᖃᖅᑎᑦᑎᔩ, ᖁᕕᐊᓱᒃᐳᖓ ᒪᓕᒐᓕᐅᖅᑎᐅᖃᑎᒃᑲ ᑐᓴᖅᑎᑦᑐᓐᓇᕋᒃᑭᑦ ᐱᒻᒪᕆᐊᓗᖕᒥᒃ ᐱᓕᕆᕝᔪᑎᒥᒃ ᐊᑐᐃᓐᓇᖅᑕᖃᓕᕐᒪᑦ ᓄᓇᕗᒻᒥ ᐃᑲᔪᖅᑕᐅᕝᕕᓕᕆᔩᑦ ᐊᑐᕈᓐᓇᖅᑕᖏᓐᓂᒃ ᐱᐅᓯᕚᓪᓕᖁᓪᓗᒍ ᐊᑦᑕᕐᓇᖅᑕᐃᓕᒪᓂᖅ ᖁᐊᖅᓵᕐᓇᖅᑕᐃᓕᒪᓂᕐᓗ ᑲᒪᒋᔭᐅᕙᒃᑐᓄᑦ, ᐃᖅᑲᓇᐃᔭᖅᑎᓄᑦ ᐊᑭᓕᖅᓱᖅᑕᐅᓇᑎᒃ ᐱᓕᕆᔪᐃᓪᓗ ᓄᓇᕗᒻᒥ ᑎᒍᔭᐅᒪᕝᕕᐊᓂ. ᐅᑭᐊᒃᓵᖑᑎᓪᓗᒍ 2021−ᒥ, ᐋᖅᑭᒋᐊᕐᕕᒃ ᐃᑲᔪᖅᑕᐅᕝᕕᒃ ᐃᓕᐅᖅᑲᐃᓚᐅᖅᑐᑦ ᐱᒋᐊᖅᑎᑦᑎᓪᓗᑎᒡᓗ ᑎᒥᓕᒫᒧᑦ ᐊᔾᔨᓕᐅᕈᑎᓂᒃ ᐊᑦᑕᕐᓇᖅᑐᒧᐊᖅᑕᐃᓕᒪᓂᕐᒧᑦ ᑎᒍᔭᐅᓯᒪᔪᓄᑦ. ᑖᓐᓇ ᐊᔾᔨᓕᐅᕈᑎ ᐊᑐᖅᑕᐅᕙᒃᑭᕗᖅ ᒪᒃᑯᒃᑐᒃᑯᕕᖕᒥ ᓄᓇᕗᒻᒥᓗ ᐊᕐᓇᓄᑦ ᑎᒍᔭᐅᓯᒪᕝᕕᖕᒥ. ᑕᐃᒪᙵᑦ ᐊᑐᓕᖅᑎᑕᐅᓚᐅᖅᑎᓪᓗᒍ, ᑎᒥᒧᑦ ᐊᔾᔨᓕᐅᕈᑎ ᕿᓂᖅᑕᐅᖃᑦᑕᕈᓐᓃᖅᐹᓪᓕᖅᓯᒪᓕᖅᑐᖅ ᐊᒻᒪᓗ ᐅᓄᕈᓐᓃᖅᐹᓪᓕᖅᓯᒪᓪᓗᑎᒃ ᒪᓕᒐᕐᓂᒃ ᓯᖁᒥᑦᑎᓪᓗᑎᒃ ᐃᓯᖅᑕᐅᔭᕆᐊᖃᓐᖏᑦᑐᑦ ᐃᖃᓗᐃᑦ ᐊᓄᓪᓚᒃᓰᕕᖏᓐᓄᑦ. ᐋᖅᑭᒋᐊᕐᕕᒃ ᑎᒍᔭᐅᓯᒪᕝᕕᖕᒥ, ᑕᕐᕋᖅᑑᑎᒧᑦ ᐊᔾᔨᓕᐅᕈᑎ ᐊᑐᖅᑕᐅᕙᒃᐳᖅ 30−ᖏᖅᓱᖅᑐᓂ ᐅᓪᓗᕐᒥ ᐊᑕᐅᓯᕐᒥ. ᐃᖅᑲᓇᐃᔭᖅᑏᑦ ᒪᒥᓴᕐᕕᖕᒥ ᑲᑎᑦᑎᕙᓪᓕᐊᔪᑦ ᑎᑎᕋᖅᑕᐅᓯᒪᔪᓂᒃ ᑕᕝᕙᙵᑦ ᖃᐅᔨᓴᖅᑕᐅᔪᓂ ᐱᕙᓪᓕᐊᑎᑦᑎᔪᒪᓪᓗᑎᒃ ᐊᑕᖐᑦᑎᐊᖅᑐᓂᑦ ᓱᓇᑯᑖᓂᒃ ᒪᓕᒐᓂᒃ ᓱᕋᐃᔾᔪᑕᐅᔪᓂᒃ ᐊᐅᓚᑦᑎᔾᔪᑎᓂᒃ ᖃᓄᐃᓕᐅᕈᑎᖃᕐᓂᕐᒧᓪᓗ ᐸᕐᓇᒍᑎᓂᒃ ᓴᙱᒃᑎᒋᐊᕈᑎᒃᓴᓄᑦ ᐅᓗᕆᐊᓇᖅᑐᒦᑦᑕᐃᓕᓂᖅ ᐊᑦᑕᕐᓇᖅᑕᐃᓕᒪᓂᕐᓗ. ᖁᕕᐊᓱᒃᑭᕗᖓᑦᑕᐅᖅ ᐅᖃᕈᓐᓇᕋᒪ ᒫᔾᔨ 16, 2026−ᒥ, ᓄᑖᒥᒃ ᑕᕐᕋᖅᑑᑎᒥᒃ ᐃᓕᐅᖅᑲᐃᔪᖃᓚᐅᕐᓂᖓᓂᒃ ᐊᑐᖅᑕᐅᑦᑎᐊᓕᓚᐅᖅᖢᓂᓗ ᑲᖏᖅᖠᓂᕐᒥ ᐃᑲᔪᖅᑕᐅᕕᖕᒥ. 8-ᖑᔪᑦ ᐃᖅᑲᓇᐃᔭᖅᑎᐅᔪᑦ ᐃᓕᓐᓂᐊᖅᑎᑕᐅᓯᒪᓕᕇᖅᑐᑦ ᖃᓄᖅ ᐊᑐᖅᑕᐅᒋᐊᖃᕐᒪᖔᑕ. ᐃᖃᓗᖕᓂ ᑎᒍᔭᐅᓯᒪᕝᕕᒃᑎᑐᑦ, ᑖᓐᓇ ᐊᔾᔨᓕᐅᕈᑎ ᒥᒃᖠᒋᐊᖅᑎᑦᑎᓂᐊᖅᐳᖅ ᐸᒡᕕᓵᕆᔭᕆᔪᓂᑦ ᕿᓂᖅᓴᕐᕕᐅᕙᒃᑐᓂᒃ ᐃᑲᔪᕐᓗᓂᓗ ᖃᐅᔨᒪᓕᕐᓂᐊᕐᓗᒋᑦ ᐊᑦᑕᕐᓇᙱᓐᓂᖅᓴᒥᒃ ᐃᓂᒥᒃ ᐃᖅᑲᓇᐃᔭᖅᑎᓄᑦ, ᐱᔨᑦᑎᖅᑕᐅᕙᒃᑐᓄᑦ ᐱᓕᕆᐊᒃᓴᓄᓪᓗ ᐊᑭᓕᖅᓱᖅᑕᐅᙱᖦᖢᑎᒃ ᐱᓕᕆᕙᒃᑐᓄᑦ. ᐅᖃᖅᑎᑦᑎᔩ, ᑕᒪᒃᑯᐊ ᐊᑐᖅᑕᐅᓂᖏᑦ ᖃᕋᓴᐅᔭᒃᑰᖅᑐᑦ ᓇᓗᓇᐃᖅᓯᕗᑦ ᐊᑦᑕᕐᓇᔾᔭᐃᖅᓯᒪᓂᕐᒧᑦ ᐊᒻᒪᓗ ᑭᒃᑯᑐᐃᓐᓇᐃᑦ ᐱᔪᓐᓇᐅᑎᖏᓐᓄᑦ ᐃᑲᔫᑎᐅᔪᓐᓇᕐᒪᑕ ᐅᓪᓗᒥᒨᖓᓕᖅᑎᑕᐅᑎᓪᓗᒋᑦ ᐊᓄᓪᓚᒃᓰᕖᑦ ᐃᓕᖅᑯᓯᖏᑦ. ᑎᒥᒃᑯᑦ ᐊᔾᔨᓕᐅᕈᑎᑦ ᑭᒡᒐᖅᑐᐃᕗᑦ ᐱᒻᒪᕆᐊᓗᖕᒥᑦ ᓯᕗᒻᒧᐊᒃᐸᓪᓕᐊᓂᕐᒥᒃ

ᐊᐃᑉᐹ, ᔫᓂ 02, 2026 ᓄᓇᕗᒥ ᒪᓕᒐᓕᐅᕐᕕᒻᒧᑦ ᑲᑎᒪᔾᔪᑏᑦ 8 ᐱᓇᔪᐃᓐᓇᕐᓂᕆᔭᑦᑎᓐᓄᑦ ᓄᓇᕗᒻᒥᐅᑦ ᑎᒍᔭᐅᓯᒪᕝᕕᖏᑦ ᐊᑦᑕᕐᓇᖅᑐᒦᖁᓇᒋᑦ, ᐃᒃᐱᒋᔭᐅᑦᑎᐊᕐᓗᑎᒃ, ᐊᑕᐅᑦᑎᒃᑰᖃᑎᖃᕐᓗᑎᒡᓗ ᐱᐅᓛᓄᑦ ᐊᑐᖅᑕᐅᕙᒃᑐᓄᑦ ᑲᓇᑕᓕᒫᒥ. ᖁᔭᓐᓇᒦᒃ, ᐅᖃᖅᑎᑦᑎᔩ. >>ᐸᑦᑕᑐᖅᑐᑦ ᐅᖃᖅᑎ: ᒥᓂᔅᑕᐃᑦ ᐅᖃᐅᓯᖏᑦ. ᒥᓂᔅᑕ ᑲᒪᒋᔭᖃᖅᑐᖅ ᖁᓪᓕᖅ ᐆᒻᒪᖅᑯᑎᓕᕆᔨᒃᑯᑦ ᑯᐊᐳᕇᓴᖓᓂᑦ, ᒥᔅ ᕼᐄᓕ ᐊᕿᐊᕈᖅ. ᐊᖓᔪᖅᑳᑉ ᐅᖃᐅᓯᖓ 55 - 7(2): ᐃᓂᓪᓚᐃᓂᖅ ᐃᒃᐱᒋᔭᖃᑦᑎᐊᖅᑐᒥᒃ ᐃᖅᑲᓇᐃᔭᕝᕕᑦᑎᒍᑦ (ᕼᐄᓕ- ᐊᕿᐊᕈᖅ) ᐊᖓᔪᖅᑳᖅ ᒍᐊᐃᓐ ᕼᐄᓕ ᐊᕿᐊᕈᖅ: ᖁᔭᓐᓇᒦᒃ, ᐅᖃᖅᑎᑦᑎᔩ. (ᑐᓵᑎᒎᓕᖅᑐᖅ) ᐅᖃᖅᑏ, ᐅᓪᓗᒥ ᓂᑯᕕᑦᑐᖓ ᐅᖃᐅᓯᖃᕈᒪᓪᓗᖓ ᐱᒻᒪᕆᐅᓂᖓᓂᒃ ᐃᓅᖃᑎᒌᑦᑎᐊᕐᓂᖅ ᐊᒻᒪᓗ ᑐᙵᓇᕐᓂᖅ ᐃᖅᑲᓇᐃᔭᕐᕕᒻᒥ- ᑖᒃᑯᐊ ᑐᙵᕕᖏᑦ ᐅᐱᒋᔭᐅᑦᑎᐊᕆᐊᖃᕐᓂᖏᑦ ᑐᙵᓱᒃᑎᑕᐅᔭᕆᐊᖃᕐᓂᖏᓪᓗ ᐃᓚᐅᑎᑕᐅᑦᑎᐊᕐᓂᖏᓪᓗ −ᐊᒻᒪᓗ ᐊᒃᓱᕉᑎᒌᓐᓇᖅᑕᕗᑦ ᖁᓪᓕᖅ ᐆᒻᒪᖅᑯᑎᓕᕆᔨᒃᑯᑦ ᐃᖅᑲᓇᐃᔭᖅᑎᓕᒫᖏᑦ ᐊᑦᑕᓇᖅᑐᒦᖁᓇᒋᑦ, ᐅᐱᒋᔭᐅᑦᑎᐊᕐᓗᑎᒃ ᐊᒻᒪᓗ ᐱᒻᒪᕆᒋᔭᐅᓗᑎᒃ. ᖁᓪᓕᒃᑯᑦ ᐆᒻᒪᖅᑯᑎᓕᕆᔨᖏᑦᑕ ᑎᒥᖁᑖ ᐊᒥᓱᓂᒃ ᐊᑐᐊᒐᖃᕐᒪᑕ ᐊᑦᑕᓇᓐᖏᑦᑐᒥᒃ ᑐᙵᓇᖅᑐᒥᒃ ᐃᖅᑲᓇᐃᔭᕐᕕᖃᖁᓪᓗᒋᑦ ᐊᖑᑎᑦ, ᐊᕐᓇᐃᑦ, ᐊᒻᒪᓗ ᐊᕐᓇᐃᑦ/ᐊᖑᑎᑦ ᐊᔾᔨᒌᖏᑦᑐᑦ ᐃᓄᐃᑦ ᐊᒃᓱᕈᖅᖢᑎᒃ ᐃᖅᑲᓇᐃᔭᖃᑦᑕᖅᑐᑦ ᐅᕙᑦᑎᓐᓄᑦ ᖃᐅᑕᒫᑦ. ᕿᑎᐊᓃᑦᑐᖅ ᑖᒃᑯᓄᖓ ᐊᑐᐊᒐᕐᓄᑦ ... (ᑐᓵᔨᑎᒎᕈᓐᓃᖅᑐᖅ) ᐅᖃᖅᑎᑦᑎᔩ, (ᑐᓵᔨᑎᒎᓕᖅᑐᖅ) ᐃᓘᓐᓇᖏᓐᓄᑦ ᐊᖏᖅᑕᐅᔪᒪᔪᖓ ᑖᒃᑯᐅ ᐅᖃᐅᓯᒃᓴᒃᑲ ᐃᓱᓕᖁᓪᓗᒋᑦ. ᐅᖃᖅᑎ: ᒥᓂᔅᑕ ᐊᐱᕆᒻᒪᑦ ᒪᓕᒐᓕᐅᖅᑎᐅᖃᑎᑦᑎᓐᓂ ᐅᖃᐅᓯᒃᓴᕆᔭᒥᓂ ᐃᓱᓕᑦᑎᔪᒪᓪᓗᓂ. ᐋᒡᒑᖅᑐᖃᖅᐹ? ᑐᓴᙱᓐᓇᒪ. ᒥᓂᔅᑕ ᕼᐄᓕ ᐊᕿᐊᕈᖅ, ᑲᔪᓯᒋᑦ. ᐊᖓᔪᖅᑳᖅ ᒍᐊᐃᓐ ᕼᐄᓕ ᐊᕿᐊᕈᖅ: ᖁᔭᓐᓇᒦᒃ, ᐅᖃᖅᑎᑦᑎᔩ. (ᑐᓵᔨᑎᒎᓕᖅᑐᖅ) ᒪᓕᒐᓕᐅᖅᑎᐅᖃᑎᒃᑲᓗ. ᕿᑎᐊᓃᑦᑐᖅ ᑖᒃᑯᓄᖓ ᐊᑐᐊᒐᕐᓄᑦ ᑐᑭᓯᓇᑦᑎᐊᖅᑐᖅ ᓴᐱᓕᖅᓯᒪᙱᖦᖢᓂᓗ ᑐᓴᖅᑕᐅᔪᒃᓴᖅ: ᐊᑐᖁᔨᙱᑦᑎᐊᖅᐳᑦ ᐸᒡᕕᓵᕆᓂᕐᒥᒃ ᖃᓄᑐᐃᓐᓇᑦᑎᐊᖅ ᖁᓪᓕᖅ ᐆᒻᒪᖅᑯᑎᓕᕆᔨᒃᑯᑦ ᑎᒥᖁᑖᓂ. ᐃᖅᑲᓇᐃᔭᖅᑎᓕᒫᑦ ᐱᔪᓐᓇᐅᑎᖃᖅᐳᑦ ᐃᖅᑲᓇᐃᔭᕆᐊᕈᓐᓇᖅᖢᑎᒃ ᑲᑉᐱᐊᓱᙱᓪᓗᑎᒃ ᐸᒡᕕᓵᖅᑕᐅᓂᐊᕆᐊᒃᓴᖅ, ᐃᓚᐃᓐᓈᖅᑕᐅᙱᓪᓗᑎᒃ, ᐅᕝᕙᓘᓐᓃᑦ ᐃᒃᐱᒋᔭᐅᑦᑎᐊᙱᓪᓗᑎᒃ ᐊᒻᒪ ᐆᒻᒪᖅᑯᑎᓕᕆᔨᒃᑯᑦ ᐊᖏᖅᓯᒪᑦᑎᐊᖅᐳᑦ ᑕᒪᑐᒥᖓ ᐱᔪᓐᓇᐅᑎᒥᒃ ᑲᔪᓯᑎᑦᑎᔪᒪᓪᓗᑎᒃ. ᐃᑲᔪᖅᑐᕈᒪᓪᓗᒍ ᑖᓐᓇ ᐊᖏᕈᑕᐅᓯᒪᔪᖅ, ᖁᓪᓕᖅ ᐆᒻᒪᖅᑯᑎᓕᕆᔨᒃᑯᑦ ᑎᒥᖁᑖ ᐋᖅᑭᒃᓯᓚᐅᖅᐳᑦ ᐊᑐᓕᖅᑎᑦᑎᓪᓗᑎᒡᓗ ᐊᑐᖅᑕᐅᔭᕆᐊᖃᓪᓚᕆᒃᑐᒥᒃ ᐃᖅᑲᓇᐃᔭᕐᕕᖕᒥ ᐃᒃᐱᒋᔭᖃᑦᑎᐊᕐᓂᕐᒥᒃ ᐊᔪᕈᓐᓃᖅᓴᕐᓂᕐᒥᒃ 2022−ᒥ, ᑲᔪᓯᑎᑕᐅᕙᒃᖢᓂ ᖃᕆᓴᐅᔭᒃᑯᑦ ᐱᓕᕆᕝᕕᓕᒫᓂ. ᑖᓐᓇ ᐱᓕᒻᒪᒃᓴᕐᓂᖅ ᐱᔭᕆᐊᖃᖅᑐᖅ ᓄᑖᓄᑦ ᐃᖅᑲᓇᐃᔭᖅᑎᓄᑦ ᐊᑐᐃᓐᓇᐅᖏᓐᓇᕐᓗᓂᓗ ᐱᖁᓪᓗᒍ ᐊᔾᔨᒌᒡᔫᒥᔪᒥᒃ ᐃᓚᐅᓕᖅᐸᓪᓕᐊᓂᖅ ᐅᔾᔨᕈᓱᒃᑎᑦᑎᓂᕐᓗ. ᐊᒻᒪᓗᒃᑲᓐᓂᖅᑕᐅᖅ, ᖁᓪᓕᖅ ᐆᒻᒪᖅᑯᑎᓕᕆᔨᒃᑯᑦ ᑎᒥᖁᑖ ᐱᑎᑦᑎᕙᒃᐳᑦ ᐊᕐᕌᒍᑕᒫᑦ ᐅᐸᒃᓯᒪᓗᑎᒃ ᐃᖅᑲᐃᓯᒃᑲᓐᓂᕐᓂᕐᒥᒃ ᐊᔪᕈᓐᓃᖅᓴᕐᓂᕐᒥᒃ ᑕᒪᒃᑯᐊ ᑐᙵᕕᒋᔭᐅᔪᑦ ᐃᒃᐱᒋᔭᖃᑦᑎᐊᕐᓂᕐᒧᑦ, ᐃᓚᓕᐅᔾᔨᓯᒪᓂᕐᒧᑦ, ᐊᑐᖅᑎᑦᑎᔪᒪᙱᑦᑎᐊᕐᓂᕐᒧᓪᓗ ᐸᒡᕕᓵᕆᓂᕐᒥᒃ ᓴᙱᒃᑎᒋᐊᖅᑎᑕᐅᕙᒡᓗᑎᒃ ᐊᕐᕌᒍᑕᒫᑦ.

ᐊᐃᑉᐹ, ᔫᓂ 02, 2026 ᓄᓇᕗᒥ ᒪᓕᒐᓕᐅᕐᕕᒻᒧᑦ ᑲᑎᒪᔾᔪᑏᑦ 9 ᑖᓐᓇ ᐊᖏᕈᑎᒋᓯᒪᔭᖅ ᓴᙱᒃᑎᒋᐊᖅᑕᐅᒃᑲᓐᓂᖅᑐᖅ ᐋᓐᓂᐊᖃᖅᑕᐃᓕᒪᓂᕐᒧᑦ, ᐊᑦᑕᕐᓇᖅᑕᐃᓕᒪᓂᕐᒧᑦ, ᐊᕙᑎᓕᕆᓂᕐᒧᓪᓗ ᐱᓕᕆᖃᑎᒌᓄᑦ, ᐱᔭᕆᐊᖃᖅᑐᓕᒫᑦ ᐊᑦᑕᕐᓇᖅᑕᐃᓕᒪᓂᕐᒧᑦ ᑲᑎᒪᓃᑦ ᐱᒋᐊᖅᐸᒃᖢᑎᒃ ᐅᖃᖃᑎᒌᖕᓂᒃᑯᑦ ᑲᒪᒋᔭᖃᕐᓂᕐᒥᒃ ᐃᒃᐱᒍᓱᑦᑎᐊᕐᓂᕐᒥᒃ ᐸᒡᕕᓵᕆᓂᖅᑕᖃᙱᑦᑐᒥᒡᓗ ᐃᖅᑲᓇᐃᔭᕐᕕᖕᒥ. ᑕᒪᓐᓇ ᐱᓕᕆᔾᔪᓯᖅ ᓴᙱᒃᑎᒋᐊᕈᑕᐅᕗᖅ ᐊᑦᑕᕐᓇᙱᑦᑐᒥᒃ ᐃᖅᑲᓇᐃᔭᕐᕕᖃᕐᓂᖅ ᐃᓚᖃᖅᐳᖅ ᑕᒪᐃᓐᓂᒃ ᑎᒥᒃᑯᑦ ᐊᑦᑕᕐᓇᖅᑕᐃᓕᒪᓂᕐᒥᒃ ᐊᒻᒪ ᐃᓱᒪᒃᑯᑦ ᐊᑦᑕᕐᓇᖅᑕᐃᓕᒪᓂᕐᒥᒃ − ᐊᒻᒪ ᑐᙵᓇᕐᓂᖅ, ᑐᙵᓱᒃᑎᑦᑎᖃᑦᑕᐅᑎᓂᖅ, ᑐᙵᕕᒋᔭᐅᕗᖅ ᑕᒪᐃᓐᓄᑦ. ᖁᓪᓕᖅ ᐆᒻᒪᖅᑯᑎᓕᕆᔨᒃᑯᓐᓂ, ᐃᓚᐅᑎᑦᑎᓂᖅ ᐊᑐᐊᒐᑐᐃᓐᓇᐅᙱᓚᖅ − ᖃᐅᑕᒫᑦ ᐊᑐᖅᑕᐅᕙᒃᑐᖅ. ᑎᒥᐅᔪᖅ ᐊᖏᖅᓯᒪᓂᖃᖅᑐᖅ ᓴᓇᓂᕐᒥᑦ ᐊᕙᑎᒥᑦ ᐃᖅᑲᓇᐃᔭᖅᑎᓕᒫᑦ, ᐊᕐᓇᐅᒐᓗᐊᖅᑲᑦ, ᓇᑭᙶᖅᓯᒪᒐᓗᐊᖅᐸᑕ, ᑭᓇᐅᒐᓗᐊᖅᐸᑕᓘᓐᓃᑦ, ᑐᙵᓱᑦᑎᑕᐅᓗᑎᑦ, ᐃᑲᔪᖅᑐᖅᑕᐅᓗᑎᑦ, ᐊᒻᒪ ᐱᔪᓐᓇᖅᑎᑕᐅᓗᑎᑦ ᐃᒻᒥᓂᓕᒫᖅ ᐃᖅᑲᓇᐃᔭᕈᓐᓇᓂᕐᒥᑦ. ᐸᒡᕕᓵᕆᓂᖅ ᖃᓄᑐᐃᓐᓇᑦᑎᐊᖅ ᐃᓂᖃᙱᓚᖅ ᑕᕝᕙᓂ ᐃᓂᒥ, ᓯᕗᓕᖅᑎᒋᔭᐅᔪᓪᓗ ᓇᐅᒃᑯᓕᒫᖅ ᓵᑕᐅᓕᕈᓐᓇᖅᐳᑦ ᓇᓗᙱᑦᑎᐊᕈᒪᓂᕐᒧᑦ ᑕᒪᓐᓇ ᓇᓗᓇᐃᖅᑕᐅᒐᓗᐊᕐᒪᖔᑦ, ᑲᒪᒋᔭᐅᒐᓗᐊᕐᒪᖔᑦ, ᑕᐃᒪᐃᑎᑦᑎᑦᑕᐃᓕᒪᒐᓗᐊᕐᒪᖔᓪᓗ. ᓴᖅᑭᑎᑦᑎᓂᖅ ᑐᙵᓇᖅᑐᒥᒃ ᐃᖅᑲᓇᐃᔭᕐᕕᒋᔭᐅᔪᒥᒃ ᑲᔪᓰᓐᓇᖅᑐᒥᒃ ᐱᓇᔪᖕᓂᖃᕆᐊᖃᖅᐳᖅ. ᓴᙱᒃᑎᒋᐊᖅᐸᒃᐳᖅ ᐃᖅᑲᓇᐃᔭᖅᑏᑦ ᓇᓗᖅᑯᑎᙱᖦᖢᑎᒃ ᐅᖃᓪᓚᒋᐊᒃᓴᖅ, ᐃᖅᑲᓇᐃᔭᖃᑎᖏᑦ ᓇᖏᖃᑎᒌᒃᑳᖓᒥᒃ ᐃᑲᔪᖅᑐᐃᖃᑦᑕᐅᑎᓪᓗᑎᒃ, ᓯᕗᓕᖅᑎᒋᔭᐅᔪᓪᓗ ᑭᐅᓯᑲᐅᑎᒋᒑᖓᑕ ᐃᒃᐱᒋᔭᖃᑦᑎᐊᖅᐸᒃᖢᑎᒡᓗ ᐃᓱᒫᓘᑕᐅᔪᓄᑦ. ᑖᓐᓇ ᑲᑐᔾᔭᐅᓪᓗᓂ ᑲᒪᒋᔭᒃᓴᖅ − ᑐᙵᕕᖃᖅᑐᖅ ᐱᒻᒪᕆᐅᒋᔭᐅᔪᓂᒃ ᑐᙵᓇᕐᓂᖅ ᐊᒻᒪ ᐃᓅᖃᑎᒌᑦᑎᐊᕐᓂᖅ − ᐃᑲᔪᖅᐸᒃᐳᖅ ᓴᙱᒃᑎᒋᐊᖅᑎᑦᑎᓂᕐᒥᒃ ᐃᖅᑲᓇᐃᔭᕐᕕᖕᒥ ᐃᓕᖅᑯᓯᕆᔭᐅᔪᒥᒃ ᐃᒃᐱᒋᔭᖃᑦᑎᐊᕐᓂᖅ, ᐃᓚᐅᑎᑦᑎᓂᖅ, ᐊᒻᒪ ᐱᓕᕆᔨᒻᒪᕆᐅᓂᖅ ᐊᑐᖅᑕᐅᖏᓐᓇᕐᓗᑎᒃ. (ᑐᓵᔨᑎᒎᕈᓐᓃᖅᑐᖅ) ᖁᔭᓐᓇᒦᒃ, (ᑐᓵᔨᑎᒎᓕᖅᑐᖅ) ᐅᖃᖅᑎᑦᑎᔩ. >>ᐸᑦᑕᑐᖅᑐᑦ ᐅᖃᖅᑎ: ᑲᑎᒪᔾᔪᑎᑦᑎᓐᓄᑦ. ᑲᑎᒪᔾᔪᑎᒃᓴᖅ 3. ᒪᓕᒐᓕᐅᖅᑏᑦ ᐅᖃᐅᓯᖏᑦ. ᒪᓕᒐᓕᐅᖅᑎ ᐅᖅᑯᕐᒥᐅᓄᑦ, ᒥᔅᑕ ᑲᐅᑐᒃ. ᑲᑎᒪᔾᔪᑎᒃᓴᖅ 3: ᒪᓕᒐᓕᐅᖅᑏᑦ ᐅᖃᐅᓯᖏᑦ ᒪᓕᒐᓕᐅᖅᑎᐅᑉ ᐅᖃᐅᓯᖓ 57 - 7(2): ᕿᑭᖅᑕᕐᔪᐋᑉ ᐊᓂᒍᐃᔾᔪᖁᑎᖏᑦ (ᑲᐅᑐᖅ) ᑲᐅᑐᒃ: ᖁᔭᓐᓇᒦᒃ, ᐅᖃᖅᑎᑦᑎᔩ. ᕿᑭᖅᑕᕐᔪᐊᒥᐅᑦ ᕼᐊᐃᑉᐸᒃᑲ ᑲᖏᖅᑐᒑᐱᒻᒥᐅᓪᓗ. ᑖᒃᑯᐊ ᕿᑭᖅᑕᕐᔪᐊᒥ 2025-2026 ᐃᓕᓐᓂᐊᓂᕐᒧᑦ ᐃᓱᓕᑦᑎᓛᖅᑐᑦ ᐅᐱᒋᔪᒪᓪᓗᒋᑦ, ᖁᕕᐊᒋᔪᒪᓪᓗᒋᑦ. ᐊᑎᖏᑦ ᑕᐃᑲᐃᓐᓇᕐᓂᐊᕋᒃᑭᑦ: • ᐊᓕᑭ ᑰᒃᓯᐊᖅ, • ᐱᐊᓐ ᑰᓂᓘᓯ, • ᕌᐱ ᖁᓪᓗᐊᓕᒃ, ᓄᑲᖅᑎᖅ, • ᓄᐊ ᓇᐅᔭᕐᕕᒃ, • ᐃᓕᓴᐱ ᓄᕿᙵᖅ. ᑖᒃᑯᐊ ᐃᓱᓕᑦᑎᓛᖅᑐᑦ ᐃᓕᓐᓂᐊᕐᓂᖓᓂ ᒪᑐᐃᕈᔾᔭᐅᔪᑦ ᐱᓕᕆᕆᔪᒪᒐᔭᖅᑕᓂ. ᖁᕕᐊᖏᑦᑎᐊᕐᓚᕗᑦ. ᖁᔭᓐᓇᒦᒃ.

ᐊᐃᑉᐹ, ᔫᓂ 02, 2026 ᓄᓇᕗᒥ ᒪᓕᒐᓕᐅᕐᕕᒻᒧᑦ ᑲᑎᒪᔾᔪᑏᑦ 10 >>ᐸᑦᑕᑐᖅᑐᑦ ᐅᖃᖅᑎ: ᐅᐱᒍᓱᖃᑎᒋᕙᒋᑦ. ᒪᓕᒐᓕᐅᖅᑏᑦ ᐅᖃᐅᓯᖏᑦ. ᐅᖅᓱᖅᑑᕐᒧᑦ ᒪᓕᒐᓕᐅᖅᑎ, ᐳᐊᑐ. ᒪᓕᒐᓕᐅᖅᑎᐅᑉ ᐅᖃᐅᓯᖓ 58 - 7(2): ᖃᓛᖅᑎᑦᑎᔭᕆᐊᖃᓐᓂᖅ ᐃᒥᑦᑎᓐᓄᑦ ᑐᓴᕈᑎ (ᐳᐊᑐ) ᐳᐊᑐ (ᑐᓵᔨᑎᒍᑦ): ᖁᔭᓐᓇᒦᒃ, ᐅᖃᖅᑎᑦᑎᔩ. ᐅᖅᓱᖅᑐᕐᒥᐅᑕᐃᑦ ᐅᑉᓛᒃᑯᖅᐸᒃᓯ. ᐅᓪᓗᒥ ᓂᑯᕕᑦᑐᖓ, ᖃᓚᕆᐊᓕ ᑖᒃᑯᐊ ᐃᒪᐅᑦᑎᒃᑯᑦ ᐅᖅᓱᖅᑑᒥ. ᑕᒡᕙᓂ advisory (ᑐᓵᔨᑎᒎᓕᖅᑐᖅ) ᑕᐃᒪᙵᓂᑦ ᔮᓄᐊᕆ ᐊᑯᓐᓂᖅᓱᓕᖅᑕᐅᑎᓪᓗᒍ ᖃᓛᖅᑎᑦᑎᖁᔭᐅᓚᐅᖅᓯᒪᒐᑦᑕ ᓄᓇᑦᑎᓐᓂ. ᖃᓛᖅᑎᑦᑎᖃᑕᖁᔭᐅᓯᒪᓕᖅᑐᒍᑦ ᑕᐃᒪᙵᓂᑦ ᔮᓐᓄᐊᕆ 2026-ᒥ. ᐋᓐᓂᐊᖃᕐᓇᙱᑦᑐᓕᕆᔨᒃᑯᓐᓄᑦ ᑕᐃᒪᐃᓕᔭᐅᓯᒪᓪᓗᑎ, ᓴᓗᒪᔪᓐᓃᖅᑐᑦ ᑭᓱᓘᓐᓃᑦ ᒪᑯᐊ ᖃᐅᕐᓗᖅᑐᑦ ᐅᐊᓴᖅᑕᐅᓯᒪᓕᖅᑎᓪᓗᒋᑦ ᖁᖅᓱᖅᓯᖃᑦᑕᓕᖅᑐᑦ. ᓂᓚᑦᑕᖃᑦᑕᕆᐊᖃᓕᖅᑐᑦ ᐊᒻᒪᓘᓐᓃᑦ ᓂᓚᑦᑕᕆᐊᕈᒪᒍᑎᑦ ᐃᖏᕐᕋᔾᔪᑎᖃᙱᑉᐸᑕ ᐃᑲᔪᖅᑕᐅᓂᐊᖅᑐᑦ. ᓈᒻᒪᓯᒃᐸᑦ ᑕᒪᓐᓇ ᐊᐱᖅᑯᑎᒋᐊᖅᑕᕋ. (ᑐᓵᔨᑎᒎᕈᓐᓃᖅᑐᖅ) ᖁᔭᓐᓇᒦᒃ, ᐅᖃᖅᑏ. ᐅᖃᖅᑎ: ᖁᔭᓐᓇᒦᑦᑕᐅᖅ. ᒪᓕᒐᓕᐅᖅᑏᑦ ᐅᖃᐅᓯᖏᑦ. ᒪᓕᒐᓕᐅᖅᑎ ᐊᐃᕕᓕᖕᒧᑦ, ᒥᔅ ᐊᖑᑎᐊᓗᒃ. ᒪᓕᒐᓕᐅᖅᑎᐅᑉ ᐅᖃᐅᓯᖓ 59 - 7(2): ᐃᓕᓴᖅᓯᓂᖅ ᓯᐅᕋ ᓕᐅᓇᐅᑎᔅᒥᒃ (ᐊᖑᑎᐋᓗᒃ) ᐊᖑᑎᐊᓗᒃ: ᖁᔭᓐᓇᒦᒃ, ᐅᖃᖅᑎᑦᑎᔩ. ᓄᓇᖅᑲᑎᒃᑲ ᐃᓱᒪᒋᕙᔅᓯ ᒫᓐᓇᐅᔪᖅ. ᑖᓐᓇᓕ ᐃᓕᑕᕆᔪᒪᓪᓗᒍ ᐊᑯᓂ ᓴᓇᓕᖅᑐᖅ ᓄᖅᑲᕐᓂᕆᓂᐊᓕᖅᑕᖓᓂ. ᓰᐲᓰ ᓄᐊᑦᑯᓐᓄᑦ, ᐊᕐᕌᒍᓂ 25-ᓂ ᓴᓇᓚᐅᖅᑐᖅ, ᖃᐅᔨᒪᔭᐅᔪᑦ ᓇᒥᓕᒫᑦᑎᐊᖅ ᑕᐅᑐᖃᑦᑕᖅᑕᕗᑦ. ᐃᒐᓛᕐᒥ ᐅᖃᖅᑎᐅᖃᑦᑕᓚᐅᕆᓪᓗᓂ. ᑐᓵᔨᐅᖃᑦᑕᕐᓂᑰᓪᓗᓂ ᓄᓇᑦᓯᐊᕐᒥ ᒐᕙᒪᒃᑯᓐᓄᑦ, ᑖᓐᓇ ᓴᓪᓕᕐᒥᐅᑕᓪᓚᕆᐅᒐᓗᐊᖅ. ᓯᐅᕋ ᓕᐅᓈᑎᔅ ᓄᖅᑲᕐᓂᐊᓕᕐᒪᑦ ᓰᐲᓰᒃᑯᓐᓂ ᖃᐅᔨᒪᔭᐅᑦᑎᐊᖅᑐᓂᓗ. ᐃᓕᑕᕆᒍᒪᖅᑲᐅᒐᒃᑭᑦ, ᓯᐊᕋ. ᖁᔭᓐᓇᒦᒃ, ᐅᖃᖅᑎᑦᑎᔩ. >>ᐸᑦᑕᑐᖅᑐᑦ ᐅᖃᖅᑎ: ᖁᔭᓐᓇᒦᖅᐸᕗᑦ ᓄᓇᕗᒻᒥᐅᑦ ᑕᑯᓐᓇᖃᑦᑕᑎᓪᓗᒋᑦ ᐃᒐᓛᒃᑯᓐᓂ. ᒪᓕᒐᓕᐅᖅᑏᑦ ᐅᖃᐅᓯᖏᑦ. ᐃᖃᓗᒃᑑᑦᑎᐊᕐᒧᑦ ᒪᓕᒐᓕᐅᖅᑎ, ᐲᑕᓴᓐ. ᒪᓕᒐᓕᐅᖅᑎᐅᑉ ᐅᖃᐅᓯᖓ 60 - 7(2): ᑭᒃᑯᓕᒫᓄᑦ ᐅᓗᕆᐋᓇᕈᑎᓄᑦ (ᐲᑕᓴᓐ) ᐲᑕᓴᓐ (ᑐᓵᔨᑎᒍᑦ): ᖁᔭᓐᓇᒦᒃ, ᐅᖃᖅᑏ. ᐊᒻᒪᓗ ᐅᓐᓄᓴᒃᑯᑦ ᐃᓗᓐᓇᓯ ᑕᐃᒃᑯᐊᓗ ᑕᑯᓐᓇᖅᑐᑦ ᐃᖃᓗᒃᑑᑦᑎᐊᕐᒥ. ᐃᒃᐸᒃᓴᖅ ᒪᓕᒐᓕᐅᖅᑎᐅᖃᑎᕗᑦ ᓄᖅᑲᓚᐅᕐᒪᑦ ᐃᒃᐸᒃᓴᖅ, ᖁᑦᓴᓇᖅᑐᐃᓐᓈᓘᓚᐅᕋᑦᑕ. ᑖᓂᐅᓪ, ᐊᑏ ᑲᔪᓯᑦᑎᐊᕆᑦ, ᒪᒥᐊᓇᖅ ᓄᖅᑲᓕᕋᕕᑦ, ᑭᓯᐊᓂᑦᑕᐅᖅ ᑕᐃᒪᓐᓇ ᐃᓱᒪᓕᐅᕋᕕᑦ ᓈᒻᒪᒃᐳᖅ. ᑭᖑᓂᖃᕐᓂᐊᖅᑐᓂᑦ. ᑕᒪᑐᒪᓂ ᐅᓐᓄᓴ ᐊᑦᑕᓇᔾᔭᐃᖅᓯᒪᓂᖅ ᓄᓇᑦᑎᓐᓂ ᑖᒃᑯᐊ ᒪᓕᒐᓕᕆᔨᒃᑯᓐᓄᑦ ᐊᐱᖅᑯᑎᒋᓂᐊᖅᑕᒃᑲ. ᒥᕝᕖᑦ ᐊᒻᒪᓗ ᔭᓗᓇᐃᕝ-ᒦᙵᖅᑐᑦ ᓄᓇᕗᒻᒧᐊᖅᐸᓪᓕᐊᔪᑦ ᖃᐅᔨᓴᖅᑕᐅᖃᑦᑕᕆᐊᖃᕐᒪᑕ, ᐊᒻᒪᓗ ᖃᓄᖅ ᑖᒃᑯᐊ ᐱᓕᕆᕝᕕᖏᑦ ᒪᓕᒐᓕᕆᔨᒃᑯᑦ ᖃᓄᖅᑑᕈᑎᖃᕐᒪᖔᑕ.

ᐊᐃᑉᐹ, ᔫᓂ 02, 2026 ᓄᓇᕗᒥ ᒪᓕᒐᓕᐅᕐᕕᒻᒧᑦ ᑲᑎᒪᔾᔪᑏᑦ 11 ᐊᑦᑕᓇᙱᑦᑐᒦᑦᑕᕆᐊᖃᕐᒪᑕ ᓄᓇᖅᑲᑎᕗᑦ ᖃᓄᐃᑉᐸᓪᓕᐊᓃᑦ ᐱᓪᓗᒋᑦ ᑕᐃᒪᓐᓇ ᑲᔪᓯᑦᑎᐊᖅᑐᑯᓘᖃᑦᑕᙱᒻᒪᑕ. ᖁᔭᓐᓇᒦᒃ, ᐅᖃᖅᑏ. ᐅᖃᖅᑎ: ᖁᔭᓐᓇᒦᒃ. ᒪᓕᒐᓕᐅᖅᑏᑦ ᐅᖃᐅᓯᖏᑦ. ᑲᑎᒪᔾᔪᑎᑦᑎᓐᓄᑦ ᑲᔪᓯᓗᑕ. ᑲᑎᒪᔾᔪᑎᒃᓴᖅ 4. ᐅᖃᐅᓯᒃᑯᑦ ᐊᐱᖅᑯᑎᕕᓂᕐᓄᑦ ᑭᐅᔾᔪᑏᑦ. ᓯᓚᑦᓴᕐᕕᒃᑯᓐᓄᑦ ᒥᓂᔅᑕᐅᑲᐃᓐᓇᖅᑐᖅ, ᒥᔅ ᕼᐄᓕ ᐊᕿᐊᕈᖅ. ᑲᑎᒪᔾᔪᑎᒃᓴᖅ 4: ᑭᐅᔾᔪᑎᑦ ᐅᖃᐅᓯᒃᑯᑦ ᐊᐱᖅᑯᑕᐅᓚᐅᖅᑐᓄᑦ ᑭᐅᔾᔪᑎ ᐅᖃᐅᓯᒃᑯᑦ ᐊᐱᖅᑯᑕᐅᓚᐅᖅᑐᒧᓐ 61– 7(2): ᓄᓇᕘᒥ ᐃᓕᓴᐃᔨᒃᓴᓄᑦ ᐃᓕᓐᓂᐊᕈᑎᐅᑉ ᑕᑯᒃᓴᐅᑎᑕᒧᑦ (ᕼᐄᓕ-ᐊᕿᐊᕈᖅ) ᐊᖓᔪᖅᑳᖅ ᒍᐊᐃᓐ ᕼᐄᓕ ᐊᕿᐊᕈᖅ: ᖁᔭᓐᓇᒦᒃ, ᐅᖃᖅᑎᑦᑎᔩ. (ᑐᓵᔨᑎᒎᓕᖅᑐᖅ) ᐅᓪᓗᒥ ᓇᖏᖅᓯᔪᖓ ᐃᓚᒋᐊᕈᒪᓪᓗᒍ ᑭᐅᔾᔪᑎᒋᓚᐅᖅᑕᕋ ᐊᐱᖅᑯᑎᖓᓄᑦ ᒪᓕᒐᓕᐅᖅᑎ ᑕᓯᐅᔭᕐᔪᐊᒧᑦ, ᐱᔾᔪᑎᖃᖅᑐᓂ ᐊᐅᓚᑕᐅᓂᖓᓂᒃ ᓄᓇᕗᒻᒥ ᐃᓕᓐᓂᐊᖅᑎᑦᓯᔨᑦᓴᐅᓂᕐᒧᑦ ᐃᓕᓐᓂᐊᕈᑎ ᓄᓇᖓᓐᓂ. ᐅᖃᖅᑎᑦᑎᔩ, ᓄᓇᕗᑦ ᓯᓚᑦᑐᓴᕐᕕᒃᑯᑦ ᒫᓐᓇᐅᔪᖅ ᐃᓂᑦᓴᒥᒃ ᕿᓂᖅᑐᑦ ᐊᐅᓚᑕᐅᕕᑦᓴᖓᓂᒃ ᐃᓕᓐᓂᐊᕈᑎᐅᑉ. ᓯᓚᑦᑐᓴᕐᕕᒃᑯᑦ ᑲᒪᒋᔭᖃᖅᑐᑦ ᐊᓪᓚᕝᕕᓕᕆᓂᒃᑯᑦ ᐊᑐᐊᖅᑕᐅᒋᐊᓕᓐᓂᒃ ᐃᓂᑦᓴᐅᖏᓐᓇᕋᔭᖅᑐᒥᒃ ᐃᓕᓐᓂᐊᕐᕕᒻᒥᒃ ᐃᓪᓗᕈᓯᕐᒥᒃ ᐃᓂᑖᖁᓪᓗᒋᑦ. ᓯᓚᑦᑐᓴᕐᕕᑦᑯᑦ ᓂᕆᐅᑦᑐᑦ ᐃᓂᑦᓴᒥᒃ ᓇᓗᓇᐃᖅᓯᒍᓐᓇᖅᓯᓛᕐᖓᑕ ᐱᓇᓱᐊᕈᓯᒐᓚᐅᓂᐊᖅᑐᓂ. ᑕᒪᓐᓇ ᐃᓱᒪᒋᓪᓗᒍ, ᓯᓚᑦᑐᓴᕐᕕᒃᑯᑦ ᐸᕐᓇᓯᒪᒻᒥᔪᑦ ᐃᖅᑲᓇᐃᔭᖅᑎᑖᕋᓱᐊᕐᓂᕐᒧᑦ ᑖᑦᓱᒧᖓ ᐃᓕᓐᓂᐊᖅᑎᑦᓯᓂᐅᒐᔭᖅᑐᒧᑦ. ᐱᑕᖃᕆᐊᖃᓗᐊᖑᐊᖅᑐᖅ ᐱᒋᐊᖅᑕᐅᓂᐊᖅᑲᑦ ᐃᓕᓐᓂᐊᕈᑎ ᐊᑐᐃᓐᓇᖃᕆᐊᖃᕐᓂᖅ ᐃᓄᒃᑎᑐᑦ ᐅᖃᓕᒪᒍᓐᓇᖅᑐᒥᒃ ᐃᓕᓴᐃᔨᓂᒃ ᐃᓕᓐᓂᐊᖅᑏᑦ ᒪᓕᒍᓐᓇᖁᓪᓗᒋᑦ ᐅᖃᐅᓯᓕᕆᓂᕐᒧᑦ ᒪᓕᑦᑕᐅᒋᐊᓕᓐᓂᒃ ᐃᓕᓐᓂᐊᕇᕈᑎᑖᕈᓐᓇᖅᓯᖁᓪᓗᒋᑦ. ᐊᔭᐅᖅᑐᒋᐊᓪᓚᕆᑉᐸᕗᑦ ᓄᓇᕗᒻᒥᐅᑦ ᐃᓄᒃᑎᑐᑦ ᐃᓕᓴᐃᒍᓐᓇᖅᑐᑦ−ᐱᓗᐊᖅᑐᒥ ᓴᓂᑭᓗᐊᕐᒥ−ᖃᐅᔨᒋᐊᖁᓪᓗᒋᑦ ᐃᓕᓐᓂᐊᕈᑎᑦᓴᒧᑦ. ᐃᓚᐅᖃᑕᐅᒋᐊᖃᓪᓚᕆᑦᑐᑦ ᐊᑐᐃᓐᓇᐅᑎᑦᓯᓂᐊᕈᑦᑕ ᐃᓕᖅᑯᓯᑦᑎᓐᓄᑦ ᑐᕌᖓᔪᓂᒃ ᓄᓇᓕᓐᓃᖔᖅᑐᓂᓪᓗ ᐃᓕᓐᓂᐊᖅᑎᑦᓯᒍᑎᓂᒃ. ᐱᔾᔪᑎᒋᓪᓗᒍ ᒪᓕᒐᓕᐅᖅᑎᐅᑉ ᑐᑦᓯᕋᐅᑎᖓ ᓯᓚᑦᑐᓴᕐᕕᒃᑯᑦ ᑐᓂᓯᖁᓪᓗᒋᑦ ᐊᑭᑐᔫᑎᓄᑦ ᑮᓇᐅᔭᐃᑦ ᐊᑐᖅᑐᑦᓴᓂᒃ ᓯᓚᑦᑐᓴᕐᕕᑦᑖᖅᑲᐅᑦᓴᒧᑦ ᓄᓇᖓᓂ, ᑖᓐᓇ ᐊᑐᓕᖁᔨᔾᔪᑎᖓ ᑐᓴᖅᑕᕗᑦ. ᓯᓚᑦᑐᓴᕐᕕᒃᑯᑦ ᖃᐅᔨᒪᔪᑦ ᓄᓇᓕᓐᓂ ᐃᓕᓴᕕᒃ ᓴᓂᑭᓗᐊᕐᒥ ᐱᑐᖃᐅᓂᖅᐹᖑᒻᒪᑦ ᓱᓕ ᐊᑐᖅᑕᐅᖃᑦᑕᖅᑐᓂ. (ᑐᓴᔨᑎᒎᕈᓐᓃᖅᑐᖅ) ᖁᔭᓐᓇᒦᒃ, ᐅᖃᖅᑎᑦᑎᔩ. ᐅᖃᖅᑎ: ᐅᖃᐅᓯᒃᑯᑦ ᐊᐱᖅᑯᑎᕕᓂᕐᓄᑦ ᑭᐅᔾᔪᑏᑦ. ᐃᓕᖅᑯᓯᓕᕆᔨᒃᑯᓐᓄᑦ, ᒥᓂᔅᑕ ᑯᓄ. ᑭᐅᔾᔪᑎ ᐅᖃᐅᓯᒃᑯᑦ ᐊᐱᖅᑯᑕᐅᓚᐅᖅᑐᒧᓐ 28– 7(2): ᐃᓄᐃᓐᓇᖅᑐᓐ ᐅᖃᐅᓯᖓᓄᑦ (ᑯᓄ) ᐊᖓᔪᖅᑳᖅ ᐳᕋᐃᔭᓐ ᑯᓄ (ᑐᓵᔨᑎᒍᑦ): ᖁᔭᓐᓇᒦᒃ, ᐅᖃᖅᑏ. ᐅᖃᐅᓯᒃᑯᑦ ᐊᐱᖅᑯᑎᕕᓂᕐᓄᑦ ᑭᐅᔾᔪᑎ ᐊᐱᕆᔭᐅᔪᔪᖅ ᒪᓕᒐᓕᐅᖅᑎᒧᑦ ᖁᖅᓗᖅᑑᒧᑦ ᒪᐃ 25-ᖑᑎᓪᓗᒍ ᐱᔾᔪᑎᖃᖅᑐᖅ ᐃᓄᐃᓐᓇᖅᑐᓐ ᐅᖃᐅᓯᖅ ᐊᑐᓕᖅᑎᑕᐅᒃᑲᓂᕐᓂᖓ. ᐅᖃᖅᑎᑦᑎᔩ, ᐅᑯᐊ ᑭᐅᔾᔪᑏᑦ ᐃᓗᓕᖃᐅᑯᓘᔭᕐᒪᑕ ᑎᑎᕋᖅᑎᒨᖅᓯᒪᔭᒃᑲ ᑕᐃᒃᑯᐊ ᐊᔾᔨᖏᑦ ᑲᑎᒪᔾᔪᑎᕕᓂᕐᓄᐊᖅᑕᐅᖁᓪᓗᒍ ᑕᖅᑲᒃᑯᓄᖓ ᐊᑐᐃᓐᓇᐅᓂᐊᕐᒪᑦ ᐊᒻᒪᓗ ᑐᓂᐅᖅᑲᐅᓗᑎᑦ ᒪᓕᒐᓕᐅᖅᑎᓕᒪᓄᑦ. ᖁᔭᓐᓇᒦᒃ, ᐅᖃᖅᑏ. ᐅᖃᖅᑎ: ᒪᓕᒐᓕᐅᖅᑏᑦ ᐊᖏᖅᐱᓰ ᑖᒃᑯᐊ ᑭᐅᔾᔪᑎᖏᑦ ᑲᑎᒪᔾᔪᑎᑦᑎᓐᓄᑦ ᑎᑎᕋᖅᑕᐅᒍᓐᓇᖁᓪᓗᒍ? ᐊᖏᖅᐱᓰ?

ᐊᐃᑉᐹ, ᔫᓂ 02, 2026 ᓄᓇᕗᒥ ᒪᓕᒐᓕᐅᕐᕕᒻᒧᑦ ᑲᑎᒪᔾᔪᑏᑦ 12 ᐃᓚᖏᑦ ᒪᓕᒐᓕᐅᖅᑏᑦ: ᐊᖏᖅᑐᑦ. ᐅᖃᖅᑎ: ᐅᑲᐃ. ᖁᔭᓐᓇᒦᒃ. ᐅᖃᐅᓯᒃᑯᑦ ᐊᐱᖅᑯᑎᕕᓂᕐᓄᑦ ᑭᐅᔾᔪᑏᑦ. ᐃᓄᓕᕆᔨᒃᑯᓐᓄᑦ, ᒥᓂᔅᑕ ᕼᐄᓕ ᐊᕿᐊᕈᖅ. ᑭᐅᔾᔪᑎ ᐅᖃᐅᓯᒃᑯᑦ ᐊᐱᖅᑯᑕᐅᓚᐅᖅᑐᒧᓐ 51– 7(2): ᐊᖏᓕᒋᐊᕆᔭᑦ ᐱᔨᑦᑎᕈᑕᐅᔪᑦ ᐅᒥᖕᒪᐅᑉ ᑐᑦᑕᕝᕕᐊᓂ (ᕼᐄᓕ-ᐊᕿᐊᕈᖅ) ᐊᖓᔪᖅᑳᖅ ᒍᐊᐃᓐ ᕼᐄᓕ ᐊᕿᐊᕈᖅ: ᖁᔭᓐᓇᒦᒃ, ᐅᖃᖅᑎᑦᑎᔩ. (ᑐᓵᔨᑎᒎᓕᖅᑐᖅ) ᐅᖃᖅᑎᑦᑎᔩ, ᐅᓪᓗᒥ ᓇᖏᖅᓯᔪᖓ ᐃᓚᒋᐅᕈᒪᓪᓗᒍ ᑭᐅᔾᔪᑎᒋᓚᐅᖅᑕᕋ ᑮᓇᐅᔭᓕᐅᕋᓱᐊᖅᑎᐅᖏᑦᑐᑦ ᑎᒥᐅᔪᑦ ᐃᖃᓗᑦᑑᑦᑎᐊᕐᒥ ᑮᓇᐅᔭᖃᖅᑎᑕᐅᔪᑦ ᐃᓄᓕᕆᔨᒃᑯᓐᓄᑦ 2026-2027-ᒥ. ᐊᕐᕌᒍᖓᓂ 2025-2026, ᐃᓄᓕᕆᔨᒃᑯᑦ ᑮᓇᐅᔭᖃᖅᑎᑦᓯᓯᒪᔪᑦ 8-ᓂᒃ ᐱᓕᕆᐊᓂᒃ ᐃᖃᓗᑦᑑᑎᐊᕐᒥ. ᐅᓪᓗᒥᒧᑦ, 2026-2027-ᒥ, ᐃᓄᓕᕆᔨᒃᑯᑦ ᑮᓇᐅᔭᖃᖅᑎᑦᓯᔪᑦ ᐊᑕᐅᓯᕐᒥᒃ ᐱᓕᕆᐊᒥᒃ ᐃᖃᓗᑦᑑᑦᑎᐊᕐᒥ. ᐅᖃᖅᑎᑦᑎᔩ, ᐱᓕᕆᕕᕗᑦ ᓱᓕ ᐸᕐᓇᑦᑐᑦ 2026-2027-ᒧᑦ ᓴᖅᑭᖅᑎᑦᓯᓛᖅᑐᑎᓪᓗ ᖄᒃᑲᓐᓂᖓᒍᑦ ᑐᑦᓯᕋᐅᑎᓕᐅᖁᔨᓗᑎᒃ ᑮᓇᐅᔭᓂᒃ ᑐᓂᔭᐅᕙᑦᑐᓂᒃ ᐃᑲᔫᑎᐅᕙᑦᑐᓂᓪᓗ. ᐊᔭᐅᖅᑐᕆᐊᖅᑲᕗᑦ ᐱᔪᓐᓇᖃᑕᐅᔪᓕᒫᑦ ᑲᑐᔾᔨᖃᑎᒌᑦ ᐃᖃᓗᑦᑑᑦᑎᐊᕐᒥ ᑐᑦᓯᕋᖁᓪᓗᒋᑦ ᐃᑲᔪᖅᓱᐃᖏᓐᓇᕐᓂᐊᕋᑦᑕ ᐊᔾᔨᒌᖏᑦᑐᓂᒃ ᐊᒥᓱᓂᒃ ᓄᓇᓕᓐᓂ ᐱᒋᐊᖅᑎᑕᐅᓯᒪᔪᓂᒃ ᐱᔨᑦᓯᕋᐅᑎᓂᒃ. (ᑐᓵᔨᑎᒎᕈᓐᓃᖅᑐᖅ) ᖁᔭᓐᓇᒦᒃ, ᐅᖃᖅᑎᑦᑎᔩ. ᐅᖃᖅᑎ: ᑲᑎᒪᔾᔪᑎᒃᓴᖅ 5. ᐳᓛᕆᐊᖅᓯᒪᔪᓂᑦ ᐃᓕᑕᖅᓯᓂᖅ. ᒪᓕᒐᓕᐅᖅᑎ ᐊᕐᕕᐊᑦ ᐅᐊᓐᓇᖓᓄᑦ ᑎᑭᕋᕐᔪᐊᒧᓪᓗ, ᒥᔅᑕ ᒪᐃᓐ. ᑲᑎᒪᔾᔪᑎᒃᓴᖅ 5: ᐃᓕᑕᖅᓯᓂᖅ ᑐᓵᔭᖅᑐᖅᓯᒪᔪᓂᒃ ᒪᓕᒐᓕᐅᕐᕕᒻᒧᑦ ᓯᕗᓕᖅᑎ ᐋᕐᓗᒃ ᒪᐃᓐ: ᒪ’ᓇ, ᐅᖃᖅᑎᑦᓯᔩ. ᐃᓕᑕᕆᒍᐊᖅᑐᒋᑦ ᐅᑉᓗᒥ ᐅᑯᐊ ᓇᖕᒥᓂᖅᓱᓂᐅᑉ ᒥᒃᓵᓄᑦ ᐃᓕᓐᓂᐊᐸᓪᓕᐊᔪᑦ ᐃᓚᖏᑦ ᐊᒻᒪ ᐃᑲᔪᖅᑎᒋᔭᖏᑦ. (ᑐᓵᔨᑎᒎᓕᖅᑐᖅ) ᐅᑯᐊ ᐃᓕᓴᕆᔪᒪᔭᕗᑦ ᐱᒻᒪᕆᐅᔪᒧᑦ ᐃᖅᑲᓇᐃᔭᖅᑐᑦ ᓇᖕᒥᓂᖅᓱᕋᓱᓐᓂᕐᒧᑦ. ᐱᓕᕆᖃᑕᐅᔪᑦ ᐃᖅᑲᓇᐃᔭᖅᑏᑦ, ᐃᓕᓐᓂᐊᖅᑏᓪᓗ. ᑎᓴᒪᐅᔪᑦ ᐃᓚᐅᖃᑕᐅᔪᑦ ᓇᖕᒥᓂᖅᓱᕐᓂᖅ ᐃᓕᓐᓂᐊᖃᑕᐅᔪᖅ ᐊᓪᓚᕝᕕᓕᕆᓂᕐᒧᑦ ᐃᓕᓴᕆᔭᐅᔾᔪᑎᑖᕋᓱᑦᑐᖅ. ᓂᑯᕕᖃᑦᑕᓂᐊᖅᐳᓯ ᐊᑎᓯ ᑕᐃᒐᐃᒍᒃᑭᑦ: ᑐᕆᐊᕗ ᓅᐳᓪ, ᐃᖃᓗᓐᓂ, ᐋᓕᒃᔅ ᕿᓚᕝᕙᖅ, ᐸᓐᓂᖅᑑᒥ, ᒪᐃᒃ ᐊᑯᒪᓕᒃ, ᐃᒃᐱᐊᕐᔪᒻᒥ, ᐊᒻᒪᓗ ᕋᐃᑦᓱᓪ ᒥᐊᕆᓐ, ᑲᖏᖅᖠᓂᕐᒥ. ᐊᒻᒪᓗᑦᑕᐅᖅ ᐃᖅᑲᓇᐃᔭᖅᑏᑦ, ᐋᓪᓚᐅᙱᑦᑐᖅ ᒪᓕᒐᓕᐅᖅᕕᖕᒧᑦ, ᒥᔅᑕ ᓯᑏᕙᓐ ᒪᓐᓯᐅᓪ, ᐊᖓᔪᖅᑳᕆᔭᐅᔪᖅ ᐋᔩᕐᓂᕐᒧᑦ ᓇᖕᒥᓂᖅᓱᓂᕐᒧᑦ; ᑖᓐᓇ ᑐᑭᒧᐊᒃᑎᑦᑎᔨ ᓄᓇᕗᒻᒥ ᓄᓇᖃᖅᑳᖅᓯᒪᔪᓂᑦ ᑲᓇᑕᒥ, ᓯᐱᐊᓐᓱ ᑑᐊ. ᒥᓕᓴ ᐹᔅᑯᒪᓐ, ᑖᓐᓇ ᐱᓕᕆᐊᒃᓴᓄᑦ ᑐᑭᒧᐊᒃᑎᑦᑎᔨ, ᐊᒻᒪᓗᑦᑕᐅᖅ ᒫᑦᓯᓐ ᑐᐹᓐᑦ, ᑖᓐᓇᑦᑕᐅᖅ ᑐᑭᒧᐊᒃᑎᑦᑎᔨ ᐃᓕᓐᓂᐊᖅᐸᓪᓕᐊᔪᓄᑦ ᓄᓇᕗᑦ ᒐᕙᒪᒃᑯᖏᓐᓂ. ᑖᒃᑯᐊᓕ ᐃᓕᓐᓂᐊᖅᑐᑦ ᐃᖅᑲᓇᐃᔭᖅᑏᓪᓗ ᐊᒃᓱᕈᖅᖢᑎᑦ ᐱᓕᕆᐊᖃᖃᑦᑕᕐᒪᑕ. 6-ᖑᒃᑲᓐᓂᖅᑐᑦ ᑕᒫᓃᑐᓐᓇᓚᐅᙱᒻᒪᑕ ᑭᓯᐊᓂ ᖃᕋᓴᐅᔭᒃᑯᑦ ᓈᓚᒻᒥᔪᑦ, ᐃᓕᓴᕆᔪᒪᕙᒃᑲ. (ᑐᓵᔨᑎᒎᕈᓐᓂᖅᑐᖅ) ᒪ’ᓇ, ᐅᖃᖅᑎᑦᓯᔩ.

ᐊᐃᑉᐹ, ᔫᓂ 02, 2026 ᓄᓇᕗᒥ ᒪᓕᒐᓕᐅᕐᕕᒻᒧᑦ ᑲᑎᒪᔾᔪᑏᑦ 13 >>ᐸᑦᑕᑐᖅᑐᑦ ᐅᖃᖅᑎ: ᑐᙵᓱᒋᑦᑐᐃᓐᓇᐅᕗᓯ ᒪᓕᒐᓕᐅᕐᕕᖕᒧᑦ. ᐳᓛᕆᐊᖅᓯᒪᔪᓂᑦ ᐃᓕᑕᖅᓯᓂᖅ. ᐅᖅᓱᖅᑑᒧᑦ, ᒪᓕᒐᓕᐅᖅᑎ ᐳᐊᑐ. ᐳᐊᑐ: ᖁᔭᓐᓇᒦᒃ, ᐅᖃᖅᑎᑦᑎᔩ. (ᑐᓵᔨᑎᒎᓕᖅᑐᖅ) ᐃᓕᓴᕆᔪᒪᔭᕋ ᓄᓕᐊᕋ, ᕉᑕ ᐳᐊᑐ ᐊᕐᕌᒍᓄᑦ ᐅᓄᖅᑐᓄᑦ ᐊᐃᑉᐸᕇᓕᖅᑐᒍᑦ ᖃᓯᐊᓗᖕᓂᑦ ᕿᑐᕐᖓᖃᓕᕋᓗᐊᕐᑐᒍᑦ ᖃᓯᓂᒡᓗᑭᐊᖅ ᐃᕐᖑᑕᖃᓕᕐᒪᖔᑕ ᐳᐃᒍᖅᐸᓵᖅᑐᖓ ᓈᓴᕆᐊᒃᓴ ᑭᓯᐊᓂᓕ ᒪᕐᕉᖕᓂᒃ ᐃᓗᓕᑯᓗᖃᕐᒥᔪᒍ ᐃᓛᒃ ᐱᖓᓱᓂᑦ ᐃᓗᓕᑯᓗᖃᑐᒍᑦ ᐊᒻᒪ 19-ᓂ ᐅᑭᐅᖃᕐᒃᑐᖅ, ᐊᖓᔪᒃᖠᖅᐹ ᐃᕐᖑᑕᕗᑦ ᐊᒻᒪ ᓄᑲᖅᖠᖅᐹᖅ ᑕᖅᑭᖕᓂᑦ ᒪᕐᕉᖕᓂᑦ ᑕᕿᖃᖅᑐ ᒪᕐᕉᖕᓂ. (ᑐᓵᔨᑎᒍᑦ) ᖁᔭᓐᓇᒦᒃ, ᐅᖃᖅᑏ. >>ᐸᒃᑕᑐᖅᑐᑦ ᐅᖃᑎ (ᑐᓵᔨᑎᒍ): ᒥᔅ ᐳᐊᑐ, ᑐᙵᓱᑦᑎᐊᕆᑦ ᒪᓕᒐᓕᐅᕐᕕᖕᒧᑦ. ᐳᓛᕆᐊᖅᓯᒪᔪᓂᑦ ᐃᓕᓴᖅᓯᓂ. ᖁᑦᑎᒃᑐᒧᑦ ᒪᓕᒐᓕᐅᖅᑏ, ᒥᔅᑕ ᑕᖅᑐ. ᑕᖅᑐ (ᑐᓵᔨᑎᒍᑦ): ᖁᔭᓐᓇᒦᒃ, ᐅᖃᖅᑎᑎᔩ. ᐃᓕᓴᕆᓵᖅᑕᕋᓗᐊᖓ, ᓯᕗᓕᖅᑎᑦᑕ, ᒥᔅᑕ ᒪᐃᓐ, ᐃᓕᓴᕆᔪᒪᑐᐃᓐᓇᖅᖢᒍ ᓄᓇᖃᑎᒐ ᒪᐃᒃ ᐊᑯᒪᓕᒃ. ᐅᐱᒋᑦᑎᐊᖅᐸᒋᑦ ᑖᓱᒥᖓ ᐃᓕᓐᓂᐊᖃᑕᐅᓕᕋᕕᑦ. ᑲᔪᓯᑦᑎᐊᕐᓂᐊᖅᐳᑎᑦ, ᐅᐱᒍᓱᑦᑎᐊᖅᐳᒍᑦ ᐃᓕᖕᓂ. ᖁᔭᓐᓇᒦᒃ, ᐅᖃᖅᑏ. ᐅᖃᑎ (ᑐᓵᔨᑎᒍᑦ): ᐳᓛᕆᐊᖅᓯᒪᔪᓄᑦ ᐃᓕᑕᖅᓯᓂ. ᐸᖕᓂᖅᑑᒧᑦ ᒪᓕᒐᓕᐅᖅᑎ, ᒪᐃᒃ. ᒪᐃᒃ (ᑐᓵᑎᒍ): ᖁᔭᓐᓇᒦ, ᐅᖃᖅᑎᑎᔩ. ᐃᓕᓴᕆᔭᐅᕋᑖᕐᒥᔫᒐᓗᐊᖅ ᓄᓇᖃᑎᒐ, ᐊᓕᒃᔅ ᕿᓚᕝᕙ, ᑕᕝᕙᓂ ᑐᖓᓱᑦᑎᐊᕆᑦ. ᖁᔭᓐᓇᒦ, ᐅᖃᖅᑎᑎᔩ. ᐅᖃᑎ (ᑐᓵᔨᑎᒍᑦ): ᑐᖓᓱᑦᑎᐊᕆᑦᑎ. ᑲᑎᒪᔾᔪᑎᑦᑎᓐᓄᑦ. ᓈᓴᐅᑎᖓ 6. ᐅᖃᐅᓯᒃᑯᑦ ᐊᐱᖅᑯᑏᑦ. ᐅᖅᑯᕐᒥᐅᓄᑦ ᒪᓕᒐᓕᐅᖅᑏ, ᑲᐅᑐᒃ. ᑲᑎᒪᔾᔪᑎᒃᓴᖅ 6: ᐅᖃᐅᓯᒃᑯᑦ ᐊᐱᖅᑯᑎᑦ ᐊᐱᖅᑯᑦ 70 – 72): ᑕᕆᐅᕐᒥ ᐱᖁᑎᔾᔪᐋᖏᓄᑦ (ᑲᐅᑐᓐ) ᑲᐅᑐᒃ: ᖁᔭᓐᓇᒦᒃ, ᐅᖃᖅᑏ. ᐊᐱᖅᑯᑎᒋᓂᐊᕐᑕᕋ ᐅᓪᓗᒥ ᒥᓂᔅᑕᖓᓄᑦ ᐃᖏᕐᕋᔾᔪᑎᓕᕆᓂᕐᒧᑦ ᐊᐅᓚᔪᓐᓇᐅᑎᓕᕆᓂᕐᒧᓪᓗ. ᒥᓂᔅᑕ ᖃᐅᔨᒪᖕᒪᑦ, ᕿᑭᖅᑕᕐᔪᐊᕐᒥᐅᑦ ᓂᕆᐅᖕᓂᖃᑦᑎᐊᕐᒪᑕ ᓴᓇᔭᐅᓂᒃᓴᖓᓂᑦ ᓄᓇᓕᖕᓂᑦ ᐅᒥᐊᕐᔪᐊᒧᑦ ᑐᓚᒡᕕᒃᓴ. ᑕᓐᓇ ᐱᒻᒪᕆᐅᖕᒪᑦ ᐱᕙᓪᓕᐊᑎᑦᑎᓪᓗᒋᑦ ᐃᖃᓪᓕᐊᖅᑐᓕᕆᓂᕐᒧᑦ ᐊᒻᒪᓗ ᑕᒪᒃᑯᐊ ᐃᒪᕐᒥᐅᓯᕆᔨᐅᔪᑦᓄᑦ. ᒥᓂᔅᑕ ᐃᖃᐅᒪᔪᒃᓴᐅᖕᒪᑦ, ᐊᕐᕌᓂ ᒐᕙᒪᒃᑯᑦ ᑐᓴᖅᑎᑎᓚᐅᕐᒪᑕ ᑲᒪᒋᔭᐅᔪ ᕿᑭᖅᑕᓂ ᐃᓄᐃᑦ ᑲᑐᔾᔨᖃᑎᖏᓐᓄᑦ ᑲᒪᒋᔭᐅᓂᐊᓕᕐᒪᑦ ᐊᒻᒪ ᕿᑭᖅᑖᓗᒃ ᑯᐊᐸᕇᓴᒃᑯᓐᓄᑦ. ᑐᓴᒐᒃᓴ ᓴᕿᑕᐅᔪᑦ ᒥᓂᔅᑕᐅᑉ ᐱᓕᕆᕕᖕᒥᑦ ᐅᖃᖅᓯᒪᖕᒪᑕ ᐃᖅᑲᓇᐃᔭᖅᓯᒪᖕᒪᑕ ᐃᒪᓐᓇᒎᖅ “ᑐᑭᒧᐊᒃᑎᑎᔪᔪ ᓄᑖᒥᑦ ᐊᖏᖃᑎᒌᒍᑎᒃᓴᕆᓂᐊᖅᑕᕆᔭᖓᓂᑦ ᑲᓇᑕᒥᑦ ᐃᖏᔾᔪᑎᓕᕆᔨᒃᑯᑦ ᕿᑭᖅᑖᓗᖕᒥᓗ ᐅᑭᐅᖅᑕᖅᑐᒥ ᑮᓇᐅᔭᓕᐅᕋᓱᐊᕐᓂᕐᒧᑦ ᑯᐊᐳᕇᓴᖓ ᑖᓐᓇ ᓯᕗᒧᐊᖁᓪᓗᒍ.” ᒥᓂᔅᑕ ᑐᓴᖅᑎᑦᑎᔪᓐᓇᖅᐹ ᖃᓄᐃᓕᖓᓕᕐᒪᖔᑕ ᖃᓄᐃᓕᖓᓕᕐᒪᖔ ᓄᒃᑎᕆᓂᕐᒧᑦ ᑕᒪᑐᒧᖓ ᐱᓕᕆᔭᐅᔪᖅ? ᖁᔭᓐᓇᒦᒃ, ᐅᖃᖅᑏ.

ᐊᐃᑉᐹ, ᔫᓂ 02, 2026 ᓄᓇᕗᒥ ᒪᓕᒐᓕᐅᕐᕕᒻᒧᑦ ᑲᑎᒪᔾᔪᑏᑦ 14 ᐅᖃᖅᑎ (ᑐᓵᔨᑎᒍᑦ): ᐊᐅᓚᔪᓐᓇᐅᑎᓕᕆᔨᒃᑯᓐᓄᑦ ᒥᓂᔅᑕ, Hᒃᔅ. ᐊᖓᔪᖅᑳᖅ ᔪᐊᔾᔨᕝ Hᒃᔅ (ᑐᓵᔨᑎᒍᑦ): ᖁᔭᓐᓇᒦᒃ, ᐅᖃᖅᑏ, ᖁᔭᓐᓇᒦᖅᐸᕋ ᑲᑎᒪᔨᐅᖃᑕᐅᔪ ᑖᓱᒥᖓ ᐊᐱᖁᑎᖃᒃᑲᓐᓂᕐᒪᑦ. ᐅᖃᖅᑏ, ᐅᖃᐅᓯᕆᓚᐅᕐᓯᒪᔭᕋ ᒪᓕᒡᓗᒍ ᒪᓕᒐᓕᐅᖅᑎᐅᑉ ᐅᖃᐅᓯᕆᔭᖓ ᑖᓐᓇ ᓄᓇᕘ ᒐᕙᒪᑯᖏᑕ ᐊᑭᑐᔪᖅᑎᕈᑎᒃᓴᖓᓃᖃᑦᑕᕈᓐᓃᕐᒪᑦ, ᑭᖑᓂᑦᑎᓐᓂ ᑮᓇᐅᔭᓂᑦ ᑐᓂᓯᓯᒪᒐᓗᐊᖅᑐᒍᑦ ᒐᕙᒪᑐᖃᒃᑯᓐᓂᑦ. ᐱᔭᐅᓯᒪᔪᓂᑦ ᐊᑐᖃᑦᑕᕐᓯᒪᒐᓗᐊᖅᑐᒍᑦ ᒪᓐᓇ ᑐᓴᒐᒃᓴ ᐃᖏᕐᕋᐅᓯᕆᔨᒃᑯᑦ ᑲᓇᑕᒥ ᑮᓇᐅᔭᐃᑦ ᑕᒃᑯᐊ ᑐᓂᔭᐅᓂᐊᓚᐅᖅᑑᒐᓗᐊᑦ ᓄᓇᕘ ᒐᕙᒪᒃᑯᖏᓐᓄᑦ ᑐᓂᔭᐅᓯᒪᓕᕐᒪᑦ ᑲᑐᔾᔨᖃᑎᒌᖕᓄᑦ ᑕᐃᒃᑯᓄᖓ ᕿᑭᖅᑖᓗ ᑯᐊᐳᕇᓴᒃᑯᓐᓄ, ᑲᑎᒪᔨ ᐅᖃᕋᑖᕐᒥᖕᒪᑦ. ᑖᒃᑯᐊ ᓯᕗᒻᒧᐊᖕᓂᐊᖅᑎᓪᓗᒋᑦ ᑕᒪᑐᒧᖓ ᐱᓕᕆᔭᐅᔪᖅ ᑖᒃᑯᐊ ᓄᒃᑎᖅᑕᐅᔭᕇᓯᒪᓕᖅᑐᖅ ᑕᐃᒃᑯᓄᖓ ᑲᑐᔾᔨᓪᓗᑎ ᐱᓕᕆᔨᐅᔪᓄᑦ ᑲᒪᔪᓐᓃᕋᑦᑕ ᑕᒪᑐᒧᖓ, ᑭᓯᐊᓂ ᓄᓇᓕᖕᓂᑦ ᓴᓇᔭᐅᔪᖅ ᑕᐃᖕᓇ ᐊᖑᒻᒪᑎᖁᓪᓗᒍ ᑭᖕᖒᒪᔭᐅᔪᓄ ᐱᓕᕆᐊᒃᓴ ᑕᒪᓐᓇ ᐱᒻᒪᕆᐅᔪᖅ ᑖᓐᓇ ᒪᓕᒡᓗᒍ. ᖁᔭᓐᓇᒦᒃ. ᐅᖃᖅᑎ (ᑐᓵᔨᑎᒍᑦ): ᓯᕗᓪᓕᖅᐹᒥ ᐃᓚᒋᐊᕈᑏ. ᒥᔅᑕ ᑲᐅᑐᒃ. ᑲᐅᑐᒃ: ᖁᔭᓐᓇᒦᒃ, ᐅᖃᖅᑏ. ᒥᓂᔅᑕᓗ ᖁᔭᓐᓇᒦᐸᕋ. ᒥᓂᔅᑕ ᖃᐅᔨᒪᖕᒪᑦ, ᐃᓚᒋᐊᕈᑏᑦ ᑮᓇᐅᔭᖅᑐᕈᑎᒃᓴᓄᑦ ᐱᖁᔭᒃᓴᖅ ᑖᒃᑯᐊ ᓴᖅᑭᑕᐅᓚᐅᕐᑐᑦ ᒪᓕᒐᓕᐅᕐᕕᖕᒥᑦ ᐱᖃᓯᐅᔾᔨᓯᒪᓚᐅᕐᒪᑦ $5.5 ᒥᓕᐊᓐᓂ ᐊᕐᕌᓂᓴᕐᓂᑦ ᑮᓇᐅᔭᓂᑦ ᐊᑐᑕᐅᖏᓐᓂᑯᓂ ᑮᓇᐅᔭᖅᑐᕈᑎᒋᓂᐊᖅᑕᖏᑦ ᕿᑭᖅᑕᕐᒥ ᑐᓚᒃᑕᕐᕕᒃᓴᖓᓂᑦ ᐅᒥᐊᕐᔪᐊ. ᒥᓂᔅᑕ ᑐᓴᖅᑎᑦᑎᔪᓐᓇᖅᐹ ᖃᓄ ᑮᓇᐅᔭᐃᑦ ᑖᒃᑯᐊ ᐊᑐᖅᑕᐅᓂᐊᕐᒪᖔᑕ? ᖁᔭᓐᓇᒦᒃ, ᐅᖃᖅᑏ. ᐅᖃᖅᑎ (ᑐᓵᔨᑎᒍᑦ): ᐃᖏᕐᕋᔪᓕᕆᔨᒃᑯᓐᓄᑦ ᐊᐅᓚᔪᓐᓇᐅᑎᓕᕆᔨᒃᑯᓐᓄᑦ, ᒥᓂᔅᑕ Hᒃᔅ. ᐊᖓᔪᖅᑳᖅ ᔪᐊᔾ Hᒃᔅ (ᑐᓵᔨᑎᒍᑦ): ᖁᔭᓐᓇᒦ, ᐅᖃᖅᑏ. ᖁᔭᓐᓇᒦᒃ ᐅᖃᒃᑏ, ᑖᒃᑯᐊ ᓇᓗᓇᐃᑲᐃᓐᓂᕐᓗᒍ ᑖᒃᑯᐊ ᑮᓇᐅᔭᓕᕆᓂᕐᒧᑦ ᑐᕌᖓᑐᐃᓐᓇᖅᑐᑦ. ᑲᒪᒋᔭᐅᔭᖓ ᓄᒃᑎᖅᑕᐅᓯᒪᓕᕐᒪᑕ ᑖᒃᑯᐊ ᐱᓕᕆᔾᔪᑎᒃᓴᖏᑦ ᕿᑭᖅᑖᓗᒃ ᑯᐊᐳᕇᓴᑯᑦ, ᐱᓕᕆᔭᖏᓐᓄᓪᓗ ᑖᒃᑯᐊ ᐱᔭᕇᑕᐅᓇᓱᑐᐃᓐᓇᖅᑐᑦ ᑮᓇᐅᔭᓕᕆᔾᔪᒡᑎᑦ ᑎᑎᕋᖅᑕᐅᕙᓪᓕᐊᓂᕆᕙᒃᑕᖏᑦ ᐊᒻᒪᓗᑦᑕᐅ ᑲᒪᒋᔭᐅᖔᓕᕐᓂᐊᖅᑐᑦ ᑕᐃᒃᑯᓄᖓ ᐱᓕᕆᔭᐅᔪᖅ ᑖᓐᓇ ᑮᓇᐅᔭᐃᑦ ᑖᒃᑯᐊ ᐱᔭᕇᖅᑕᐅᕙᓪᓕᐊᓕᖅᑐᑦ ᑎᑎᕋᖅᑕᐅᓯᒪᓂᖏᑎᒍᑦ ᓄᒃᑎᖅᑕᐅᓯᒪᓕᕐᑐᑦ ᕿᑭᖅᑖᓗ ᑯᐊᐳᕇᓴᒃᑯᓐᓄᑦ. ᖁᔭᓐᓇᒦᒃ, ᐅᖃᖅᑏ. ᐅᖃᖅᑎ (ᑐᓵᔨᑎᒍᑦ): ᑐᒡᓕᐊᓂ ᐊᒻᒪ ᑭᖑᓪᓕᖅᐹᖅ ᐃᓚᒋᐊᕈᑏ. ᒥᔅᑕ ᑲᐅᑐᒃ. ᑲᐅᑐᒃ: ᖁᔭᓐᓇᒦᒃ, ᐅᖃᖅᑏ, ᖁᔭᓐᓇᒦᒃᑕᐅ ᒥᓂᔅᑕ ᑭᐅᒐᕕᑦ. ᐅᖃᖅᑏ, ᐃᓕᓴᖅᓯᕗᖓ ᑐᑭᓯᔪᖓᓕ ᑖᒃᑯᐊ ᓄᑖ ᑕᐃᖕᓇ ᑐᓚᒡᕕᒃᓴᖅ ᐊᑯᓂᑲᓪᓚ ᓴᓇᔭᐅᓂᐊᕐᒪᑦ. ᐊᖑᓇᓱᒃᑏ ᐅᒥᐊᖅᑐᑏᓪᓗ ᑕᐃᔅᓱᒥᖓ ᐊᑐᕐᓂᐊᖅᒥᖕᒪᑕ.

ᐊᐃᑉᐹ, ᔫᓂ 02, 2026 ᓄᓇᕗᒥ ᒪᓕᒐᓕᐅᕐᕕᒻᒧᑦ ᑲᑎᒪᔾᔪᑏᑦ 15 ᒫᓐᓇ ᐊᑐᖅᑕᒥᖕᓂ ᒥᓂᔅᑕ ᖃᐅᔨᒪᖕᒪᑦ ᐱᓕᕆᕕᖓ ᑲᒪᖕᒪᑦ ᓄᓇᓕᖕᓄᑦ ᐃᓛᒃ ᒐᕙᒪᒃᑯᑦ ᓄᓇᓕᓄᑦ ᐃᖏᕐᕋᔾᔪᑎᓕᕆᓂᕐᒧᑦ ᐱᓕᕆᔾᔪᑎᓂᒃ. ᑮᓇᐅᔭᖃᖅᑎᑎᖃᑦᑕᖅᑐᑦ Hᒻᓚᒃᑯᓐᓄᑦ ᒥᑭᑦᑑᑎᓄᑦ ᐅᒥᐊᕐᓄᑦ ᑐᓚᒡᕕᒃᓴᐅᓂᐊᖅᑐᓄᑦ. ᒥᓂᔅᑕ ᓇᓗᓇᐃᖅᓯᔪᓐᓇᕐᐹ ᕿᑭᖅᑕᕐᔪᐊ Hᒻᓚᑯᖏ ᓱᓕ ᐱᖃᑕᐅᔪᓐᓇᕋᔭᖅᐹᑦ ᑖᒃᑯᓂᖓ ᑮᓇᐅᔭᖁᑎᒋᔭᐅᔪᓂᑦ ᐃᑲᔪᖅᑐᐃᔾᔪᑎᓂᒃ? ᖁᔭᓐᓇᒦᒃ, ᐅᖃᖅᑏ. ᐅᖃᖅᑎ (ᑐᓵᔨᑎᒍᑦ): ᐃᖏᕐᕋᔪᓕᕆᔨᒃᑯᑦ ᐊᐅᓚᔪᓐᓇᐅᑎᓕᕆᔨᒃᑯᓪᓄᑦ, ᒥᓂᔅᑕ Hᒃᔅ. ᐊᖓᔪᖅᑳᖅ ᔪᐊᔾ Hᒃᔅ (ᑐᓵᔨᑎᒍᑦ): ᖁᔭᓐᓇᒦᒃ, ᐅᖃᖅᑏ, ᖁᔭᓐᓇᒦᖅᐸᕋᓗ ᑲᑎᒪᔨ ᑖᒃᑯᓄᖓ ᐱᒻᒪᕆᐅᖕᒪᑦ ᐊᐱᖅᑯᑎᒋᔭᖓ. ᓄᓇᓕᐅᔪᑦ Hᐋᒻᒪᓚᐅᔪᑦ ᓄᓇᓕᖕᓂᑦ ᑕᐃᒃᑯᐊ ᐱᓕᕆᖃᑦᑕᕐᒪᑕ, ᐱᐅᓯᒋᐊᖅᑎᑦᑎᓇᓱᒃᖢᑎ ᑐᓚᒡᕕᒋᖁᑎᒋᔭᖓ ᐅᒥᐊᓄᑦ, ᐊᒻᒪᓗ ᐅᒥᐊᕐᔪᐊᓄᑦ ᐅᓯᖏᐊᕐᕕᐅᖃᑦᑕᕐᑐᑦ ᑕᒪᒃᑯᐊ ᐅᒥᐊᓪᓗ ᐅᒥᐊᖅᑐᖅᓯᐅᑎᓄᑦ ᑲᒪᔾᔪᑎᑦ. ᑕᐃᒫᒃ ᕿᑭᖅᑕᕐᔪᐊ ᑕᐃᒃᑯᓇᙵᑦ ᐱᖃᓯᐅᔾᔭᐅᓯᒪᖏᑦᑐᖅ. ᖁᔭᓐᓇᒦᒃ. ᐅᖃᖅᑎ (ᑐᓵᔨᑎᒍᑦ): ᐅᖃᐅᓯᒃᑯᑦ ᐊᐱᖁᑏ. ᐃᖃᓗᒃᑑᑦᑎᐊᒧᑦ ᒪᓕᒐᓕᐅᖅᑎ. ᒥᔅᑕ ᐲᑕᓴᓐ. ᐊᐱᖅᑯᑦ 71 – 72): ᑭᒃᑯᓕᒫᓄᑦ ᐅᓗᕆᐋᓇᕈᑎᓄᑦ (ᐲᑕᓴᓐ) ᐲᑕᓴᓐ: ᖁᔭᓐᓇᒦᒃ, ᐅᖃᖅᑏ. ᒪᓕᒐᓕᐅᖅᑎ ᐅᖃᓯᒃᓴᖃᕐᕕᖓᑎᒍᑦ ᐅᖃᓪᓚᖃᐅᒐᒪ, ᒥᓂᔅᑕᖓᓄ ᒪᓕᒐᓕᕆᔨᒃᑯᑦ ᓄᓇᓖᑦ ᐊᑦᑕᕐᓇᖅᑕᐃᕐᓯᒪᔭᕆᐊᖃᕐᓂᖏᓐᓄᑦ. ᐃᒥᐊᓗᐃᑦ, ᐊᖓᔮᕐᓇᖅᑐᓪᓗ, ᑕᒪᒃᑯᐊ ᖁᑭᐅᑏᓪᓗ ᑎᑭᓕᕐᒪᑕ ᔭᓗᓇᐃᒥᖔᑐᒥᑦ ᒫᓐᓇ ᐱᖁᔭᕐᔪᐊᖅᑕᖃᖏᒻᒪᑦ ᖃᐅᔨᓴᖅᑕᐅᔭᕆᐊᖃᒪᖔᑕ ᐊᐅᓪᓚᖅᐸᓪᓕᐊᔪᑦ ᑕᑉᐸᐅᖓ. ᒥᓂᔅᑕ ᑐᓴᖅᑎᑦᑎᔪᓐᓇᖅᐹ ᖃᓄᐃᓕᐅᓕᕐᒪᖔᑕ ᑖᒃᑯᐊ ᐊᑦᑕᕐᓇᑕᐃᓯᒪᔪᒃᑯᑦ ᖃᐅᔨᓴᖅᑕᐅᖃᑦᑕᕐᒪᖓᑖ ᖃᖓᑦᑕᕐᓂᐊᓕᖅᑎᓪᓗᒋ ᔭᓗᓇᐃᒥᑦ ᓄᓇᕗᒻᒧᑦ? ᖁᔭᓐᓇᒦᒃ, ᐅᖃᖅᑏ. ᐅᖃᖅᑎ (ᑐᓵᔨᑎᒍᑦ): ᒪᓕᒐᓕᕆᔨᒃᑯᓐᓄᑦ, ᒥᓂᔅᑕ ᕼᐃᒃᔅ. ᐊᖓᔪᖅᑳᖅ ᔪᐊᔾ Hᒃᔅ (ᑐᓵᔨᑎᒍᑦ): ᖁᔭᓐᓇᒦᒃ, ᐅᖃᖅᑏ, ᐅᐱᒋᑦᑎᐊᖅᐸᕋ ᑲᑎᒪᔨᐅᔪ ᑖᓱᒥᖓ ᐱᖅᔪᐊᕌᓗᖕᒥᑦ ᐅᖃᐅᓯᖃᐃᓐᓇᖃᑦᑕᕐᒪᑦ ᐊᑦᑕᓇᖅᑕᐃᕐᓯᒪᓂᕐᒧᑦ ᐊᑦᑕᕐᓇᖅᑐᒥᖁᔨᓂᖅᒧᑦ ᐃᓄᖏ, ᐃᖃᓗᒃᑑᑦᑎᐊᒧᑑᖏᑦᑐ, ᓄᓇᕗᓕᒡᒪᒧᑦ, ᐃᓕᓴᖅᓯᒐᑦᑕ, ᔭᓗᓇᐃ ᑕᐃᑲᖓ ᐊᒃᓱᐊᓗᒃ ᐊᐅᓪᓚᕐᕕᐅᖃᑦᑕᕐᒪᑦ ᑎᑭᑎᑦᑎᕕᐅᓪᓗᓂ ᑕᒪᒃᑯᓇᖓ ᐊᑐᖅᑕᐅᔭᕆᐊᖃᖏᑦᑐᓂᑦ. ᐅᖃᖅᑏ, ᐅᖃᐅᓯᖃᖃᑦᑕᕐᓯᒪᒐᒪ ᐅᖃᒃᑲᓂᕈᒪᓪᓗᖓ ᐊᒃᓱᐊᓗᒃ ᑕᒪᓐᓇ ᐱᕐᔪᐊᓗᒃ ᒥᓂᔅᑐ ᓵᖑᐃᔅ ᑕᒪᑐᒥᖓ ᑲᒪᖕᒪᑦ ᐃᓱᒡᒪᓗᑕᐅᖃᑦᑕᖅᑐᒥᒃ ᐅᖃᐅᑕᐅᖃᑦᑕᕆᓪᓗᓂᓗ ᑖᒃᑯᐊ ᒪᓕᒐᓕᐅᕐᕕᒡᔪᐊᒥᑦ ᑕᐃᒃᑯᐊ ᐱᓕᕆᖃᑎᒋᖃᖃᑦᑕᕋᑦᑕ ᑲᑎᒪᖃᑎᒋᓪᓗᑎᒍᓪᓗ ᒐᕙᒪᑐᖃᒃᑯᑦ. ᒥᓂᔅᑕᖏᑦ ᑕᐃᒃᑯᓂᖓ ᐅᖃᐅᓯᖃᖃᑦᑕᕐᓯᒪᔪᒍᑦ ᐱᓇᓱᐊᕈᓯᕐᒥᑦ ᒥᓂᔅᑕ ᓵᖕᒍᕆ ᐊᖓᔪᖄᕆᓕᖅᑖ ᐸᓖᓯᒃᑯᑦ ᐊᖓᔪᖄᖅ ᑕᐃᖕᓇ ᐅᖃᖃᑎᒋᖃᑦᑕᖅᑕᕗᑦ ᐊᖓᔪᖅᑲᐅᑎᓪᓗ ᑲᓇᑕᒥᑦ ᑎᑭᑉᐸᓪᓕᐊᔪᓕᕆᔨᒃᑯ ᑲᒪᔪᓂᑦ ᐊᑦᑕᕐᓇᖅᔭᐃᓯᓯᒪᔪᑦ ᖃᐅᔨᓴᖅᑏᑦ ᑖᒃᑯᐊ ᐅᐊᔅᓯᔨᐅᔪᑦ ᑖᒃᑯᐊ ᒥᑦᑕᕐᕕᖕᒥᓗ ᐃᖃᓇᔭᖅᑎᐅᔪᑦ ᐅᖃᖃᑎᒋᖃᑦᑕᖅᑕᕗᑦ.

ᐊᐃᑉᐹ, ᔫᓂ 02, 2026 ᓄᓇᕗᒥ ᒪᓕᒐᓕᐅᕐᕕᒻᒧᑦ ᑲᑎᒪᔾᔪᑏᑦ 16 ᓇᓗᓇᐃᖅᓯᒃᑲᓐᓂᕈᒪᔪᖓ ᑲᓇᑕᒥᑦ ᐊᑦᑕᓇᔭᐃᖅᓯᒪᓂᕐᒧᑦ ᐱᓕᕆᔨᐅᔪᑦ ᐱᖅᔪᐊᖃᖅᑐᑦ ᑖᓱᒥᖓ ᐱᓇᓱᐊᕈᓰ ᒪᕐᕈᒃ ᒪᕐᕉᒡᓗ ᐃᓗᐊᓂ ᑲᑎᒪᔨᕋᓛᓂᑦ ᓴᖅᑭᑦᑎᓯᒪᔪᑦ ᑖᒃᑯᓂᖓ ᐅᖃᐅᓯᖃᕐᓂᐊᖅᒪᑕ. ᑲᓇᑕᓕᒡᒪᒥᑦ ᑎᒥᖁᑎᒋᔭᐅᔪᑦ ᐃᓕᓴᖅᓯᔪᑦ ᓄᓇᕗᑦ ᑖᓐᓇ ᐊᑦᑕᕐᓇᖅᒪᑦ ᐅᐸᒃᑕᐅᖃᑦᑕᕐᓂᕆᔭᖓ ᐱᖅᔪᐊᕆᔭᐅᓪᓗᓂᓗ ᑕᑯᒃᓴᐅᑎᑦᑎᔪ ᐊᒃᓱᕈᖅᖢᑕ ᕿᒥᕈᓇᒃᑲᑦᑕ ᑕᒪᒃᑯᓄᖓ ᓱᕐᓗ ᑎᑭᑎᑦᑎᓇᓱᒃᑐᓄᑦ ᑐᓗᖅᑕᐅᑎᓐᓂᒃ ᐱᓇᓱᒃᑲᑦᑕ ᓱᕐᓗ ᑎᑭᑎᑕᐅᔭᕆᐊᖃᖏᑦᑐᓂᑦ ᓇᓛᒎᖏᑦᑐᒃᑯᑦ ᐊᒃᑐᐃᓂᖃᖃᑦᑕᕐᒪᑕ ᓄᓇᓕᖕᓄ ᐃᓚᒌᓄᓪᓗ ᐅᐱᒋᑦᑎᐊᖅᐸᕋ ᒪᓕᒐᓕᐅᖅᑎ ᑕᒪᑐᒧᖓ ᐅᖃᐅᓯᖃᐃᓐᓇᕐᒪᑦ. ᐅᖃᐅᓯᕇᓐᓇᖃᑦᑕᕐᒥᔭᕋ ᐱᕕᖃᓕᒫᖅ ᐅᖃᐅᓯᕇᓐᓇᕐᒥᔭᕋ ᒐᕙᒪᑐᖃᒃᑯᓐᓄᑦ. ᓯᕗᒧᐊᒃᐸᓪᓕᐊᓕᖅᑑᒐᓗᐊᖅ ᑭᓯᐊᓂ ᓯᕗᓂᒃᓴᑦᑎᓐᓂ ᑐᓴᖅᑎᑦᑎᒃᑲᓐᓂᕈᒫᖅᑐᖓ. ᐱᔭᕆᐊᑭᒡᓕᑎᑦᑎᔩᑦ ᑲᑎᒪᔨᕋᓛᖏᓐᓂᒃ ᑕᐃᒃᑯᐊ ᓴᖅᑭᑎᑦᑎᓂᐊᖅᑐᑦ ᑭᒡᒍᓯᒃᓴᓂᒃ. ᐅᖃᖅᑎ: ᐃᓚᒋᐊᕈᑏᑦ ᐊᐱᕆᓚᐅᕐᒥᒍᒃ, ᒥᔅᑕ ᐲᑕᓴᓐ. ᐲᑕᓴᓐ (ᑐᓵᔨᑎᒍᑦ): ᖁᔭᓐᓇᒦᒃ, ᐅᖃᖅᑏ. ᖁᔭᓐᓇᒦᖅᐸᕋ ᒥᓂᔅᑕ ᑭᐅᖕᒪᑦ. ᐊᒻᒪᓗᑦᑕᐅᖅ ᓂᕆᐅᑦᑎᐊᖅᐳᖓ ᑭᓇᒃᑰᖕᒪᖔᑕ ᐱᔭᕆᐊᑭᒡᓕᑎᑦᑎᔩᑦ ᑲᑎᒪᔨᕋᓛᖏᓐᓂᒃ ᓄᓇᕗᒻᒥᙶᖅᑐᑦ. ᖃᐅᔨᓴᖅᑏᑦ ᑕᐃᒃᑯᐊ ᐋᖓᔮᕐᓇᖅᑐᑦ ᓂᐅᕐᕈᑕᐅᖃᑦᑕᕐᓂᖏᓐᓂᒃ ᐃᖃᓗᒃᑑᑦᑎᐊᕐᒥ ᓲᕐᓗ ᑎᑭᖃᑦᑕᕐᒪᑕ ᐋᖓᔮᕐᓇᖅᑐᓂᒃ ᓂᐅᕐᕈᑎᖃᖃᑦᑕᖅᑐᑦ ᓱᕐᕋᖕᓇᖅᑐᓂᒃ ᐃᓛᒃ. ᐊᖏᕐᕋᕆᔭᐅᔪᓂᓪᓗ ᓂᐅᕐᕈᑎᖃᕐᕕᐅᖃᑦᑕᖅᖢᑎᒃ. ᑐᓴᒐᒃᓴᐃᑦ ᑕᒪᒃᑯᐊ ᓄᑖᑦ ᐱᔭᐅᕙᓪᓕᐊᓗᑎᒃ ᐃᖅᑲᖅᑐᒐᒃᓴᙳᖅᑎᑕᐅᖃᑦᑕᖁᓪᓗᒋᑦ ᑖᒃᑯᐊ ᐋᖓᔮᕐᓇᖅᑐᓂᒃ ᐊᕐᕌᓂ ᑖᒃᑯᐊ ᒪᕐᕉᒃ ᐋᓐᓂᖅᓯᖅᑕᐅᓕᕐᒪᑕ ᓄᓇᖃᖅᑐᑦ ᑕᐃᑲᓂ ᓄᓇᖃᖅᑐᒥᒃ ᐱᖃᑎᖃᖅᖢᑎᒃ ᐊᒻᒪ ᖁᑭᐅᑎᒥᒡᓗ ᐃᒡᓗᐃᓐᓇᖅᓯᐅᒻᒥᒃ ᖁᑭᕆᐊᖅᖢᑎᒃ. ᐃᖅᑲᐅᒪᔪᖓᓕ ᑕᐃᒃᑯᓂᖓ ᐋᖅᓂᖅᓯᕆᓚᐅᖅᑎᓪᓗᒋᑦ ᑎᓴᒪᐃᑦ ᐃᖅᑲᖅᑐᒐᒃᓴᙳᖅᑎᑕᐅᓚᐅᕐᒪᑕ ᐱᕋᔭᖕᓂᒃᑯᑦ. ᐱᖓᓱᐃᑦ ᓄᓇᕗᑦ ᓯᓚᑖᓃᑦᑐᑦ, ᐊᑕᐅᓯᖅ ᐃᖃᓗᒃᑑᑦᑎᐊᕐᒥᐅᑕᐅᓪᓗᓂ. ᑐᑭᓯᔪᖓᓕ ᑖᒃᑯᐊ ᐅᓪᓗᒥᒧᑦ ᑎᑭᖦᖢᒍ ᐊᑕᐅᓯᖅ ᑎᒍᔭᐅᖅᑲᔪᖅ ᐃᖃᓗᖕᓂ, ᒪᕐᕉᒃ ᐳᕆᑎᔅ ᑲᓚᒻᐱᐊᒧᑦ ᐅᑎᖅᑎᑕᐅᓯᒪᔫᒃ ᐃᖅᑲᖅᑐᒐᒃᓴᑎᒍᑦ ᒪᓕᒐᖃᖅᖢᑎᒃ ᐊᒻᒪᓗᑦᑕᐅᖅ ᑕᐃᓐᓇ ᐃᖃᓗᒃᑑᑦᑐᐊᕐᒥᐅᑕᖅ ᑕᐃᓐᓇ ᐃᖅᑲᖅᑐᐃᕕᒃᑎᒍᑦ ᒪᓕᒐᖃᖅᑎᑕᐅᓪᓗᓂ. ᑕᐃᒃᑯᐊ ᓄᓇᖃᖅᑐᑦ ᐃᖅᑲᖅᑐᒐᒃᓴᙳᖅᑎᑕᐅᓯᒪᔪᑦ ᑕᐃᒪᓐᓇ ᒥᓂᔅᑕ ᑐᓴᖅᑎᑦᑎᔪᓐᓇᖅᐸ ᑕᐃᒪᐃᓕᖕᒪᑦ ᖃᓄᐃᓕᒐᔭᖅᐸᓗ ᑕᐃᒃᑯᐊ ᐃᖅᑲᖅᑐᒐᒃᓴᐃᑦ ᒪᓕᙱᑦᑐᕌᖓᑕ ᐃᖅᑲᖅᑐᐃᕕᒃᑯᑦ ᒪᓕᒐᕆᔭᐅᔪᓂᒃ? ᖁᔭᓐᓇᒦᒃ, ᐅᖃᖅᑏ. ᐅᖃᖅᑎ: ᒪᓕᒐᓕᕆᔨᒃᑯᓐᓄᑦ, ᒥᓂᔅᑕ ᕼᐃᒃᔅ. ᐊᖓᔪᖅᑳᖅ ᔪᐊᔾ ᕼᐃᒃᔅ (ᑐᓵᔨᑎᒍᑦ): ᖁᔭᓐᓇᒦᒃ, ᐅᖃᖅᑏ. ᑲᒪᓇᓪᓚᕆᓚᐅᖅᑐᖅ ᑕᒪᓐᓇ ᖃᐅᔨᒐᑦᑎᒍᑦ ᑎᑎᕋᖅᓯᒪᔪᓂᒃ ᐱᕙᓪᓕᐊᔪᓂᒃ ᑲᒪᓇᓚᐅᕐᒪᑦ ᑕᐃᒪᐃᑦᑐᖃᖅᐸᒋᐊᖓᓂᒃ ᓄᓇᕗᒻᒥ. ᐊᑐᓂ ᖃᓄᐃᒍᑎᒥᓃᑦ ᑭᐅᒍᑎᑦᓴᐃᓐᓇᖅᐸᙱᓐᓇᒃᑭᑦ ᑭᓱᑦ ᐃᖅᑲᖅᑐᒐᑦᓴᐅᒍᑕᐅᒻᒪᖔᑕ ᑖᒃᑯᐊ ᐃᓄᐃᑦ. ᐅᖃᕈᓐᓇᕋᓗᐊᖅᐳᖓ ᒪᓕᒋᐊᓕᓐᓂᒃ ᐃᖅᑲᖅᑐᐃᕕᑎᒍᑦ ᓯᖁᒥᑦᓯᕌᖓᑕ ᕿᒥᕐᕈᔭᐅᑦᓯᐊᓲᖑᔪᖅ ᖃᓄᑎᒋ ᓯᖁᒻᒥᑦᓯᑎᒋᒻᒪᖔᑦ, ᓇᐅᒃᑯᓪᓗ ᖃᓄᖅᑑᖅᐸᑦᓱᑎᒍᑦ ᐊᑦᓴᙳᑎᖔᖅᐸᑦᓱᑎᑭᒃ ᐃᖅᑲᖅᑐᐃᕕᑎᒎᙱᑦᑐᖅ ᑭᓯᐊᓂ ᓲᖑᑐᐊᕋᒥᒃ ᐃᖅᑲᖅᑐᒐᑦᓴᐅᑎᑕᐅᓲᑦ ᑲᖐᑦᓴᑐᐃᓐᓇᕐᓂᕐᒧᓪᓗ ᑭᐅᒍᓐᓇᙱᓐᓇᒪ. ᑕᕝᕗᙵᑐᐃᓐᓇᓕᕐᓚᖓ. ᐃᓛᒃ ᐃᓇᑦᓯᒃᑲᓗᐊᖅᐳᖓ ᒪᓕᒐᓕᐅᖅᑎ ᐅᓂᒃᑳᖅᑳᖅᖢᓂ ᖃᓄᖅ ᐱᒻᒪᕆᐅᑎᒋᓂᖓᓂᒃ ᑭᒃᑯᓕᒫᑦ ᐃᓚᐅᔪᑦᓴᐅᓂᖏᓐᓂᒃ ᑕᒪᒃᑯᐊ ᑕᐃᒪᐃᑦᑐᖃᖃᑦᑕᖁᓐᓃᖁᑉᓗᒍ ᓄᓇᓕᑦᑎᓐᓂ. ᒪᓗᒋᔪᓐᓇᖅᑐᑦᓴᕆᒐᓗᐊᖅᑕᕗᑦ ᓴᓂᓪᓕᕗᑦ ᑭᒃᑯᓘᓐᓃᑦ ᓂᐅᕕᐊᑦᓴᖃᖅᐸᑦᑐᑦ, ᐸᓖᓯᒃᑯᓐᓄᑦ ᐅᖃᓗᒃᑎᒋᖃᑦᑕᕐᓗᒋᑦ ᐅᕝᕙᓗ ᑐᓴᖅᑕᐅᒍᒪᙱᒃᑯᓯ ᑭᓇᐅᓂᔅᓯᓐᓂᒃ Crime Stoppers ᑕᐃᒪᐅᒻᒥᔪᖅ

ᐊᐃᑉᐹ, ᔫᓂ 02, 2026 ᓄᓇᕗᒥ ᒪᓕᒐᓕᐅᕐᕕᒻᒧᑦ ᑲᑎᒪᔾᔪᑏᑦ 17 ᐊᖅᑯᑎᑦᓯᐊᕙᐅᒍᓐᓇᓲᖑᔪᖅ ᐅᖃᕈᒪᔪᓂᒃ ᐱᕋᔭᑦᑐᖃᖅᑐᕆᑦᓯᒍᓂ, ᖃᓄᕐᓘᓐᓃᑦ. ᖃᐅᔨᒪᔭᐅᑦᑕᐃᓕᓗᓂ ᐊ’ᐋ ᐅᖃᓗᕝᕕᐅᔪᓐᓇᖅᑐᖅ. ᐱᒻᒪᕆᐅᔪᖅ, ᐅᖃᓗᐊᕈᓐᓇᙱᑦᑐᖓᓘᓐᓃᑦ ᐃᑲᔪᖃᑎᒌᓐᓂᐊᒋᐊᖃᕐᓂᑦᑎᓐᓂᒃ. ᐊᑲᐅᓈᖃᑎᒌᓪᓗᑕ ᓄᖅᑲᖁᓪᓗᒋᑦ ᑕᐃᒫᒃ ᐱᐅᓯᖃᖃᑦᑕᖁᓇᒋᑦ ᑕᐃᒪᐃᑦᑐᓂᓪᓗ ᓂᐅᕕᐊᑦᓴᖃᖅᐸᑦᑐᑦ ᐱᐅᙱᑦᑐᒧᑦ ᑕᐃᒪᐃᖃᑦᑕᖁᓇᒋᑦ. ᖁᔭᓐᓇᒦᒃ, ᐅᖃᖅᑏ. ᐅᖃᖅᑎ: ᑐᒡᓕᐊᓂ ᐊᒻᒪᓗ ᑭᖑᓪᓕᖅᐹᖅ ᐃᓚᒋᐊᕈᑏᑦ, ᐲᑕᓴᓐ. ᐲᑕᓴᓐ (ᑐᓵᔨᑎᒍᑦ): ᖁᔭᓐᓇᒦᒃ, ᐅᖃᖅᑎ. ᑐᑭᓯᐅᒪᓇᖅᑰᖅᑑᒐᓗᐊᖅ ᖃᓄᐃᑕᐅᓲᖑᒻᒪᑕ ᐱᕋᔭᑦᑕᕌᖓᑕ ᑭᒃᑯᑦ ᑭᓯᐊᓂ ᐱᕋ.ᑦᑕᕌᖓᑕ ᐃᒪᐃᖃᑦᑕᕌᖓᑕ ᐃᓅᓱᑦᑐᑦ ᖃᓄᐃᑕᐅᒍᓐᓇᖅᑰᔨᙱᑦᑐᑎᒃ. ᐃᑉᐸᑦᓴᖅ ᐊᐱᖅᑯᑎᒋᓚᐅᖅᑕᕋ ᐃᓄᓕᕆᔨᒃᑯᓐᓄᑦ ᐅᖃᐅᓯᕆᓚᐅᕐᒥᔭᕋ. ᐊᐱᖅᑯᑎᒋᓕᕐᓚᒍ ᒥᓂᔅᑕᒧᑦ. ᐃᖅᑲᖅᑐᐃᕕᒃᑯᑦ ᖃᓄᐃᓕᐅᖃᑦᑕᖅᐸᑦ ᐸᓖᓯᒃᑯᑦ ᐃᓚᒋᓗᒋᑦ ᑕᒪᓐᓇ ᐱᔾᔪᑎᒋᓪᓗᒍ? ᖁᔭᓐᓇᒦᒃ, ᐅᖃᖅᑏ. ᐅᖃᖅᑎ: ᒥᓂᔅᑕ ᕼᐃᒃᔅ. ᐊᖓᔪᖅᑳᖅ ᔪᐊᔾ ᕼᐃᒃᔅ (ᑐᓵᔨᑎᒍᑦ): ᖁᔭᓐᓇᒦᒃ, ᐅᖃᖅᑏ. ᖁᔭᓐᓇᒦᖅᐸᕋ ᒪᓕᒐᓕᐅᖅᑎᐅᑉ ᐅᖃᐅᓯᕆᒻᒪᒍ. ᐱᒻᒪᕆᐅᓇᓱᕆᓪᓗᒍ ᓄᓇᕘᓕᒫᓂᑦᑕᐅᖅ. ᐅᖃᖅᑏ, ᐅᒡᒍᕐᓇᖅᑑᒐᓗᐊᖅ ᐃᓪᓘᓐᓇ ᑐᓴᓚᐅᖏᑕᐃᓐᓇᑕᒃᑯ ᐅᖃᐅᓯᕆᔭᐃᑦ ᒥᓂᔅᑕᖓᓂ ᐃᓄᓕᕆᔨᒃᑯᑦ. ᐅᖃᕈᓐᓇᕋᓗᐊᖅᐳᖓ ᓄᓇᓖᑦ ᐃᖅᑲᓇᐃᔭᖃᑎᒋᑦᑎᐊᕆᐊᖃᖅᑕᕗᑦ ᓲᕐᓗ ᐃᓅᓱᑦᑐᑦ, ᓄᑕᖅᑲᑦ ᓱᕋᑦᑎᖃᑦᑕᕐᓂᑰᑉᐸᑦ, ᐱᕋᔭᖃᑦᑕᕐᓂᑰᑉᐸᑦ ᐊᐱᖅᑯᑎᒋᓲᕆᒐᒃᑯ ᖃᓄᒻᒪᑯᐊ ᐃᒫᑎᒋᐊᓗᒃ ᐱᓕᖅᐸᑦ, ᓴᖑᑎᔪᑎᑦᓴᐅᒍᓐᓇᖅᑐᒥᑦ ᐃᓱᒪᕙᓪᓕᐊᒋᐊᖃᖅᐳᒍᑦ, ᓲᕐᓗ ᐆᑦᑐᑎᒋᓗᒍ ᐃᖄᖅᑐᒐᒃᑲᐅᔪᖃᕌᖓ ᐃᓅᓱᑦᑐᒥᒃ, ᐅᑎᑦᑎᐊᕐᓂᐊᕐᒪᖔ ᓄᓇᓕᒻᒥᓄᑦ,. ᓄᓇᓕᓐᓂ ᐃᓅᓱᑐᓄᑦ ᐅᑎᖅᐸᓪᓕᐊᑎᐊᖃᑕᖅᑐᒥ ᑲᒪᔨᒥᒃ, ᐃᖃᖅᑐᒐᒃᓴᐅᔪᑦ ᓄᑕᖅᑲᑦ ᐅᑎᖅᐸᓪᓕᐊᖃᑦᑕᖁᓪᓗᒋᒃ ᓄᓇᓕᒻᒥᓄᑦ, ᐅᖃᐅᓯᕆᖏᑕᕋᓗᐊᕋ ᐃᓱᒫᓘᑖ ᑖᔅᓱᒧᖓ ᒪᓕᒐᓕᐅᖅᑎᐅᑉ, ᑭᓯᐊᓂ ᓄᓇᓖᑦ ᐱᕈᓴᐃᔨᓪᓗᐊᕐᒪᑕ ᓄᑕᖅᑲᒥᒃ, ᐅᕙᒍᒃ ᑕᒪᑉᑕ ᐃᓚᕕᒋᒋᐊᖃᖅᐸᕗᑦ ᓄᓇᓕᓐᓂ ᐱᓕᕆᐊᒃᓴᑎᒍ ᐅᑕᖅᑲᑦ ᐊᖅᑯᑎᖃᕐᓂᖅᓴᐅᓕᖁᓪᓗᒋᑦ ᐊᑐᑦᑎᐊᕈᓐᓇᖅᑕᒥᒡᓂᑦ ᐊᖏᔪᖅᑳᒥᓄᓪᓗ ᑲᒪᒋᔭᐅᒍᓐᓇᕐᓗᑎ ᐊᖏᔪᖅᑳᖑᑐ ᐃᓚᐅᒡᓗᐊᕐᒪᑕ ᐃᑲᔪᕐᓗᑎᑦ ᑭᓪᓕᒋᒋᐊᖃᖅᑕᖏᑕᓗ ᐱᐅᓯᖏᑕ ᕿᑐᕐᖓᖏᑕ. ᑕᒪᑉᑕ ᕿᒥᕈᒋᐊᕐᔫᒥᓗᑕ ᐃᓗᒧ ᖃᓄ ᐋᕿᒍᑕᐅᔪᓐᓇᕐᒪᖔᑕ ᐊᑲᐃᓪᓕᐅᑎᑦᑎᖔᖏᓪᓗᑕ ᐅᕙᒍ ᐃᓐᓇᐅᓗᑕ, ᐅᕙᒍᑦ ᑲᒪᔨᐅᓪᓗᐊᕋᑦᑕ ᐊᔾᔨᐅᑎᑦᑎᐊᕆᐊᖃᕋᑦᑕ ᓄᑕᖅᑲᓄᑦ ᐱᕈᖅᓴᐸᓪᓕᐊᔪᓄᑦ ᓈᒻᒪᑦᑐᒥ ᐃᓱᒪᕙᓪᓕᐊᔪᓐᓇᑎᐊᖁᓪᓗᒋᑦ ᑲᔪᖏᖅᓯᒪᔭᐅᑦᑎᐊᖁᓪᓗᒋᓪᓗ. ᐄ’ ᑕᕝᕗᖓ ᐅᖃᑐᐃᓐᓇᓕᓪᓗᒍ, ᐄ ᐱᒻᒪᕆᐅᕗᖅ ᐃᓅᓱᑦᑐ ᐱᓇᓱᐊᖃᑎᒋᖄᑕᕈᑦᑎᒍ ᑕᐃᒪᐃᖄᑕᖁᓇᒋᑦ ᓴᖑᒋᐊᕈᑎᒃᓴᖃᕈᓐᓇᖁᓪᓗᒋᑦ ᐊᓯᖏᓐᓂᑦ ᐊᑐᐃᓐᓇᐅᔪᓐᓇᖅᑐᒥᒃ ᓈᒻᒪᑐᒥᒃ. (ᑐᓵᔨᑎᒎᕈᓐᓃᖅᑐ) ᖁᔭᓐᓇᒦᒃ, ᐅᖃᖅᑏ. ᐅᖃᖅᑎ: ᐅᖃᐅᓯᒃᑯᑦ ᐊᐱᖅᑯᑏᑦ. ᐅᖅᓱᖅᑑᕐᒧ ᒪᓕᒐᓕᐅᖅᑎ ᐳᐊᑐ. ᐊᐱᖅᑯᑦ 72 – 72): ᐃᒪᖅᑕᕝᕕᒻᒧᑦ ᐱᖁᑎᕐᔪᐋᖑᔪᑦ (ᐳᐊᑐ)

ᐊᐃᑉᐹ, ᔫᓂ 02, 2026 ᓄᓇᕗᒥ ᒪᓕᒐᓕᐅᕐᕕᒻᒧᑦ ᑲᑎᒪᔾᔪᑏᑦ 18 ᐳᐊᑐ: ᖁᔭᓐᓇᒦᒃ, ᐅᐊᖅᑎᑦᑎᔩ. (ᑐᓵᔨᑎᒎᓕᖅᑐᖅ) ᐅᖃᐅᓯᕆᓚᐅᖅᑕᕋ ᐃᒥᖅᑕᖅᑐᓕᕆᓂᕐᒧᑦ, ᐊᐱᖁᑎᒐ ᓄᓐᓕᓐᓂ ᐱᔨᑦᑎᖅᑎᒃᑯᓐᓄᑦ. ᐅᖃᐅᓯᕆᔪᒪᓪᓗᒍ ᐅᖅᓱᖅᑑᕐᒥ ᐃᒥᖅᑕᕈᑎᐅᕙᑦᑐᐃᑦ. ᒥᓂᔅᑕ ᖃᐅᔨᒪᕗᖅ, ᐅᖅᓱᖅᑑᖅ ᑐᓴᐅᒪᑎᑕᐅᖃᑦᑕᕐᓯᒪᓕᕐᒻᒪᑦ ᔮᓄᐊᓕᒥᓂᑦ ᑎᖅᑎᑎcHᐃᖃᑦᑕᕆᐊᖃᕐᓂᖏᓐᓂ ᐃᒥᕐᒥᓂᒃ. ᐊᕐᕌᒍᖅ ᒪᑉᐸᐅᓕᕇᖅᑐᖅ ᑐᓴᕈᑎᐅᓕᔪᒻᒪᓂᑦ, ᓂᕆᐊᖅᑎᖁᑎᒃᑲ ᐃᓱᒫᓪᓗᓪᓚᕆᑉᐳᑦ ᐱᐅᑎᒋᒐᓗᐊᕐᒻᒪᖔᑦ ᐃᒥᖁᑎᖓ. ᒥᓂᔅᑕ ᐃᖅᑲᐅᒪᔪᔅᓴᐅᕗᖅ, ᒐᕙᒪᒃᑯᑦ ᒪᓂᒪᑎᑦᑎᐃᔪᒻᒪᑕ ᐊᑭᑐᕋᐅᑎcHᐊᒥᒃ ᔫᓂ 2025-ᖑᑎᓪᓗᒍ ᐅᖃᖅᓱᒋᑦ “ᐋᖀᓗᑎᒡᒎᖅ ᐱᔾᔪᑎᔅᓴᒥ ᐅᓂᒃᑳᒥᒃ ᓇᓗᓇᐃᕈᑎᔪᓐᓇᖅᑐᒥᒃ ᐊᑯᓂᒃᑯᑦ ᓴᓗᒻᒪᖅᓴᐃᒍᓐᓇᖅᑐᒥᓪᓗ ᐊᖑᒪᒍᓐᓇᓕᕐᓗᑎᓪᓗ ᓄᓇᓕᐅ ᐃᒥᖅᑕᕐᓂᕆᒋᐊᖃᖅᑕᖏ 2055-ᒧᑦ ᑎᑭᓪᓗᒍ”. ᑭᖑᕐᓕᕐᒻᒥ ᑕᖅᑭᐅᔪᒦᓛᖅ ᐅᖃᐅᓯᕆᒐᒃᑯ ᐃᓪᓗᒥ, ᒥᓂᔅᑕ ᐅᖃᔪᕗᖅ ᐅᖅᓱᖅᑑᕉᒃ ᑭᖑᓪᓕᐅᔪᒫᓕᖅᐳᑦ ᓄᑖᒧᑦ ᐃᒥᕐᒧᑦ ᓴᓗᒻᒪᖅᓴᐃᕕᔅᓴᒧᑦ. ᐅᖃᕈᓐᓇᖅᐸ ᒥᓂᓴ ᑕᒻᒪᓇ ᐊᑲᐅᓈᓛᕐᒪᖔᖅ ᑕᒪᓐᓇ ᐱᒻᒪᕆᐊᓘᔪᖅ ᐊᑭᑐᔪᔅᓴᓄᑦ ᐃᓚᐅᓛᕐᒪᖔᑦ ᐸᕐᓐᓇᒍᑎᐅᔪᓂᒃ? (ᑐᓵᔨᑎᒎᕈᓐᓃᖅᑐᖅ) ᖁᔭᓐᓇᒦᒃ ᐅᖃᑎᑦᑎᔩ. ᐅᖃᖅᑎ: ᓄᓇᓕᓐᓂ ᐱᔨᑦᓯᕐᓂᒃᑯᑦ, ᒥᓂᔅᑕᖓ ᓯᒪᐃᓚᒃ. ᐊᖓᔪᖅᑳᖅ ᑯᕋᐃᒡ ᓯᒪᐃᓚᒃ (ᑐᓵᔨᑎᒍᑦ): ᖁᔭᓐᓇᒦᒃ, ᐅᖃᑏ, ᖁᔭᓐᓇᒦᓪᓗ ᒥᓕᒐᓕᐅᖅᑎᐅ ᐊᐱᖁᑎᒋᒻᒪᒍ. ᓄᓇᓕᓐᓂ ᐃᒥᖅᑕᕈᑎᐅᔪᓄ ᐅᖅᓱᖅᑑᒥᓪᓕ, ᐅᑕᖅᑭᐊᓪᓚᒋᑦ ᒪᑉᐱᒐ ᓇᓂᑲᐃᓐᓇᕐᓕᐅᒃ. ᐃᒥᖅᑕᕐᕕᒻᒧ ᓴᓗᒻᒪᖅᓴᐃᕕᑦ ᐊᓯᖏᓪᓗ ᐃᒃᐱᐊᕐᔪᒃ, ᐊᐅᓱᐃᑦᑐᖅ, ᒥᑦᑎᒪᑕᓕᒃ, ᐅᖅᓱᖅᑑᖅ, ᑖᑯᐊ ᑎᑎᖅᑕᐅᓯᒪᔪᑦ ᐃᖅᑲᓇᐃᔮᖑᒍᒫᓂᐊᖅᓯᒪᓂᖏᑦ ᐃᒥᕐᒻᒧᑦ ᓴᒧᒪᖅᓴᐃᕕᑖᕋᔭᕐᓂᖏᑕ. (ᑐᓵᔨᑎᒎᕈᓐᓂᖅᑐᖅ) ᖁᔭᓐᓇᒦᒃ ᐅᖃᖅᑏ. ᐅᖃᖅᑎ: ᓯᕗᓕᖅᐹᒥ ᐃᓚᒋᐊᕈᑏᑦ, ᒥᔅᑕ ᐳᐊᑐ. ᐳᐊᑐ (ᑐᓵᔨᑎᒍᑦ): ᖁᔭᓐᓇᒦᒃ, ᐅᖃᖅᑎᑦᑎᔩ. ᖁᔭᓇᖅᐳᕐᓗ ᒥᓂᔅᑕ ᑭᐅᔪᓇᕐᒪᑦ. (ᑐᓵᔨᑎᒎᓕᖅᑐᖅ) ᒥᓂᔅᑕ ᐃᖅᑲᐅᒪᕗᖅ, ᓄᓇᕗᑦ ᒐᕙᒪᒃᑯᑦ ᐃᒥᖅᑕᕐᓂᐊᐅᕙᑦᑐᒧᑦ ᐸᕐᓐᓇᐅᑎ ᐅᓪᓗᒧ ᓴᕿᑕᐅᓚᐅᖅᓯᒪᕗᑦ ᒪᐃ 29, 2023. ᑖᑯᐊ ᑎᑎᕋᖅᓯᒪᔪ ᐅᖃᖅᓯᒪᓪᓗᑎ “ ᐊᒥᓱᑦ ᐃᒥᕐᒧᑦ ᓴᓗᒻᒪᖅᓴᐃᕖᑦ ᓄᓇᕗᒻᒥ ᐊᖑᒪᖏᒻᒪᑕ ᒐᕙᒪᑐᖃᒃᑯ ᒪᓕᑦᑕᐅᖁᔭᖏᓐᓂ ᐃᒥᐅᑉ ᐱᐅᑎᒋᒋᐊᖃᕐᓂᖓᓂᑦ ᐃᒥᕐᒧᑦ ᓴᓗᒪᖅᓴᐃᕕᑦ ᓄᑖᖑᕆᐊᖅᑕᐅᒋᐊᖃᕐᖅᓱᑎᒃ ᐊᓯᔾᔨᖅᑕᐅᓗᑎᓪᓘᓐᓃᑦ ᒪᓕᑦᑎᐊᖁbᓗᒋᑦ ᒪᓕᒐᐅᔪᓂᒃ.” ᒥᓂᔅᑕ ᐅᖃᕈᓐᓇᖅᐸ ᐅᖅᓱᖅᑑᖅ ᐃᒥᖅᑕᕐᕕᖏ ᓴᓗᒻᒪᖅᓴᐃᕕᒋᔭᖏ ᐃᒥᕐᒻᒧᑦ ᐊᖑᒪᒐᓗᐊᕐᒪᖔᑦ ᒐᕙᒪᑐᖃᑦᑐ ᒪᓕᑦᑕᐅᖁᔭᖏᓐᓂᒃ? (ᑐᓵᔨᑎᒎᕈᓐᓃᖅᑐᖅ) ᖁᔭᓐᓇᒦᒃ, ᐅᖃᖅᑎᑦᑎᔩ. ᐅᖃᖅᑎ: ᒥᓂᔅᑕ ᓯᒪᐃᓚᒃ. ᐊᖓᔪᖅᑳᖅ ᑯᕋᐃᒃ ᓯᒪᐃᓚᒃ (ᑐᓵᔨᑎᒍᑦ): ᖁᔭᓐᓇᒻᒦᒃ, ᐅᖃᖅᑏ. ᖁᔭᓐᓇᒦᓪᓗ ᐊᐱᖅᑯᑎᒋᒻᒪᒍ. ᐄ’, ᐱᓕᕆᖃᑎᖃᖅᐸᓪᓕᐊᔪᒍᑦ ᐊᓯᔾᔨᖅᑕᐅᔪᒫᓂᐊᕐᓗᑎ ᓴᓗᒻᒪᖅᓴᐃᕕᓕᒫᑦ ᐃᒥᕐᒧᑦ ᓄᓇᕗᓕᒫᒥᑦ. ᐊᖑᒪᑦᑎᐊᓕᖁᓪᓗᒋ ᐃᒥᕐᒧᑦ ᒪᓕᒐᐅᓕᖅᑐᓂ. ᒪᓕᒋᐊᖃᖅᑕᑎᓐᓂ ᒐᕙᒪᑐᖃᒃᑯᓐᓄ ᐋᖅᑭᑦᑕᐅᔪᑦ ᒪᑯᐊᓗ ᓲᕐᓗ ᑲᓇᑕᒥ ᐃᒡᓗᓕᕆᓂᕐᒻᒧᑦ ᐊᖏᕈᑎᐅᔪᑦ ᑕᒪᑯᐊ ᐃᓚᖏᑦ ᓇᕝᕚᖅᐸᓪᓕᐊᓕᑕᐃᓐᓇᕋᑦᑎᒍ ᑕᓐᓇ ᐃᒥᕐᒧ ᓴᓗᒻᒪᖅᓴᐃᕕᔅᓴᖅ ᐅᖅᓱᖅᑑᕐᒥ ᓴᓇᒐᐅᒍᒫᖅᑐᖅ ᒪᓕᒍᓐᓇᓕᓛᕐᒻᒪᑦ ᑲᓇᑕᒥ ᐃᒥᕐᒧ ᓴᓗᒻᒪᖅᓴᐃᕕᓐᓄ ᒪᓕᒋᐊᓕᓐᓂ. ᖁᔭᓐᓇᒦᒃ, ᐅᖃᖅᑏ.

ᐊᐃᑉᐹ, ᔫᓂ 02, 2026 ᓄᓇᕗᒥ ᒪᓕᒐᓕᐅᕐᕕᒻᒧᑦ ᑲᑎᒪᔾᔪᑏᑦ 19 ᐅᖃᖅᑎ: ᑐᒡᓕᐊᓂ ᐊᒻᒪᓗ ᑭᖑᓪᓕᖅᐹᖅ, ᒥᔅᑕ ᐳᐊᑐ. ᐳᐊᑐ: ᖁᔭᓐᓇᒦᒃ, ᐅᖃᖅᑎᑦᑎᔩ, ᖁᔭᓇᖅᐳᕐᓗ ᒥᓂᔅᑕ ᑭᐅᔪᓐᓇᕐᒪᑦ. (ᑐᓵᔨᑎᒎᓕᖅᑐᖅ) ᒥᓂᔅᑕ ᐅᖃᕈᓐᓇᖅᐸ ᒐᕙᒪᑐᖃᒃᑯᑦ ᑮᓇᐅᔭᑦ ᓇᐅᖑᕙᑦ ᐊᖑᒪᓂᐊᕐᒪᑕ ᓄᑖᒥ ᐃᒥᕐᒧᑦ ᐃᒥᖅᑕᕈᑎᓄᑦ ᒪᓕᒋᐊᓕ ᑲᔪᓯᓗᑎᓗ ᓄᑖᒥ ᐃᒥᕐᒻᒧ ᓴᓗᒻᒪᖅᓴᐃᕕᖃᓕᕐᓪᓗᓂ ᐃᖅᓱᖅᑑᕐᒥ? (ᑐᓵᔨᑎᒎᕈᓐᓃᖅᑐᖅ) ᖁᔭᓐᓇᒦᒃ, ᐅᖃᖅᑎᑦᑎᔩ. ᐅᖃᖅᑎ: ᓄᓇᓕᓐᓂ ᐱᔨᑦᑎᖅᑎᒃᑯ ᒥᓂᔅᑕᖓ, ᓯᒪᐃᓚᒃ. ᐊᖓᔪᖅᑳᖅ ᑯᕋᐃᒃ ᓯᒪᐃᓚᒃ (ᑐᓵᔨᑎᒍᑦ): ᖁᔭᓐᓇᒦᒃ, ᐅᖃᖅᑎᑦᑎᔩ. ᖁᔭᓐᓇᒦᖅᐸᕋ ᐊᐱᖁᑎᒋᒻᒪᒍ. ᐅᖃᖃᐅᔭᕋ ᐃᓚᖓᑦ ᑲᓇᑕᒥ ᐅᓪᓗᓕᕆᔨᕐᔪᐊᑯᓐᓂ ᑮᓇᐅᔭᐃᑦ ᐅᕙᖓᓗ ᐅᖃᖃᑎᖃᖅᓯᒪᓕᖅᓱᙵ ᒐᒪᕙᑐᖃᒃᑯᓂ, ᒥᓂᔅᑕ ᐳᕉᔅᑐᓗ ᐋᓐᓂᐊᖅᑐᓕᕆᔨᒃᑯᓂ ᐊᒻᒪ Hᐃᒃᔅ ᐃᖏᕋᔪᓕᕆᔨᒃᑯᓐᓂ ᓂᐱᐅᓇᓱ ᓂᐱᐅᓇᓱᖅᑐᑕ ᐱᔭᕆᐊᖃᕐᓂᕆᔭᑦᑎᓐᓂᒃ ᓄᓇᕗᒻᒥ. ᐃᑲᔪᖅᑕᐅᒍᓐᓇᕿᓪᓗᑕ ᐃᒥᕐᒻᒧ ᓴᓗᒻᒪᖅᓴᐃᕕᒻᒥᑑᖏᑦᑐᖅ ᑭᓈᓗbᐃᓄᓪᓗ ᐊᒡᒋᔩᖏᑦᑐᓂᒃ ᑕᑯᓇᒃᐸᓪᓕᐊᒍᒍᑦ ᓄᓇᓕᕗᑦ ᓈᒻᒪᓂᖅᓴᒦᓕᖁᓪᓗᒋᑦ. ᖁᔭᓐᓇᒦᒃ, ᐅᖃᖅᑏ. ᐅᖃᖅᑎ: ᐅᖃᐅᓯᒃᑯᑦ ᐊᐱᖁᑏᑦ. ᐊᐃᕕᓕᒡᒧᑦ ᒪᓕᒐᓕᐅᖅᑎ, ᐊᖑᑎᐊᓗᒃ. ᐊᐱᖅᑯᑦ 73 – 72): ᓄᓇᑦᑕ ᑕᐃᒎᓯᓪᓚᕆᖏᑦ ᓴᓪᓖᑦ ᕿᑭᖅᑕᖓᓂ (ᐊᖑᑎᐋᓗᒃ) ᐊᖑᑎᐊᓗᒃ: ᖁᔭᓐᓇᒦᒃ, ᐅᖃᖅᑎᑦᑎᔩ. (ᑐᓵᔨᑎᒎᓕᖅᑐᖅ) ᐊᐱᖅᑯᑎᒐ ᐃᓕᖅᑯᓯᓕᕆᓂᕐᒻᒧᑦ ᐊᐱᖅᑯᑎᔅᓴᖃᖅᐳᖓ ᓄᓇᓖᑦ ᐊᑎᑐᖃᖏᑦ ᓴᓪᓕᕐᒥᑦ. ᐅᖃᖅᑏ ᑖᒃᑯᐊ ᐃᑦᑕᓐᓂᓴᓕᕆᔨᒃᑯᑦ ᐱᓕᕆᖃᑎᖃᑦᑎᐊᐸᒻᒪᑕ ᓄᓇᓕᓐᓂ ᐅᖃᖅᓱᒋᑦ “ᓇᓗᓇᐃᕆᓗᑎ ᑎᑎᕋᐅᑎᖃᕐᓪᓗᑎᓪᓗ ᐊᖏᖅᑎcHᐃᓗᑎᓗ ᓄᓈᐃᑦ ᐊᑎᖏᓐᓂ.” ᐃᓕᖅᑯᓯᓕᕆᔨᒃᑯ ᐊᑎᕐᓂ ᓇᕝᕚᖅᐸᓐᓂᖏ ᓄᓇᓕᓐᓂ ᐅᖃᖃᑎᖃᕐᑕᑉᑉᑐ ᓄᓇᓕᓐᓂ ᐃᓐᓇᕐᓂᓪᓗ ᐊᑎᖏ ᑖᑉᑯᐊ ᑎᑎᖅᑕᐅᑦᑎᐊᖁᓪᓗᒋᑦ ᐊᑎᑐᖃᕆᔭᐅᔪᑦ ᓄᓇᑐᖃᐅᔪᓂ ᓄᓇᕗᒻᒥ. ᐅᖃᖅᑏ ᑐᑭᓯᓯᒪᕗᖓ ᐃᓕᖁᓯᓕᕆᔨᒃᑯ ᐊᑦᓱᕈᕐᓇᖅᑐᒃᑰᖅᓯᒪᕗᑦ ᐃᓐᓄᑦᓯᓇᓱᑦᑐᑎᒃ ᐃᖅᑲᓇᐃᔮᓂᒃ ᓄᓇᐃᑦ ᐊᑎᖏᓐᓂᒃ ᑲᒪᖃᑦᑕᑐᑦᓴᐅᔪᒥᒃ. ᒥᓂᔅᑕ ᑐᑭᓯᑎᑦᓯᒍᓐᓇᖅᐸ ᑖᓪᓇ ᐃᓐᓄᑦᑕᐅᓯᒪᙱᒻᒪᖔᑦ, ᐃᓐᓄᑦᓯᒪᙱᑉᐸᑦ ᖃᓄᐃᓕᐅᓕᖅᐸᑦ ᐃᓕᖅᑯᓯᓕᕆᔨᒃᑯᑦ ᐃᓐᓄᑦᑕᐅᖁᓪᓗ? ᖁᔭᓐᓇᒦᒃ, ᐅᖃᖅᑎᑦᓯᔩ. ᐅᖃᖅᑎ: ᐃᓕᖅᑯᓯᓕᕆᔨᒃᑯᓐᓄᑦ ᒥᓂᔅᑕ, ᑯᓄ. ᐊᖓᔪᖅᑳᖅ ᐳᕋᐃᔭᓐ ᑯᓄ: ᖁᔭᓐᓇᒦᒃ, ᐅᖃᖅᑎᑦᑎᔨ. ᖁᔭᓐᓇᒦᒃ ᒪᓕᒐᓕᐅᖅᑎ ᐊᐱᕆᕋᑖᕋᕕᑦ. (ᑐᓵᔨᑎᒎᓕᖅᑐᖅ) ᐃᓕᖅᑯᓯᓕᕆᔨᒃᑯᑦ ᐃᓄᐃᑦ ᐃᑦᑲᕐᓂᓴᓕᕆᔨᒃᑯᖏᓐᓂᒃ ᐱᓇᔪᖃᑎᖃᖅᐸᑦᑐᑦ ᓄᓇᓕᓐᓂ ᐃᓕᓴᕐᕕᐅᔪᓂᓗ ᑭᒃᑯᑐᐃᓐᓇᓄᓪᓗ ᐱᓕᕆᖃᑕᐅᔪᓂᒃ ᓄᓇᐃᑦ ᐊᑎᖏᓐᓂᒃ. ᑎᑎᖅᑕᐅᓯᒪᓪᓚᑦᑖᓕᖁᑉᓗᑎᒃ ᑲᓇᑕᒥ ᓄᓇᐃᑦ ᐊᑎᖏᓐᓄᑦ. ᑖᒃᑯᐊ ᓇᒻᒥᓂᖅ ᐱᙱᒃᑲᓗᐊᖅᑐᑕ ᑭᓯᐊᓂ ᐃᖅᑲᓇᐃᔮᖑᔪᑦ ᐅᑯᐊ. ᑎᒃᑯᐊᖅᑕᐅᓯᒪᔪᒥᒃ ᓄᓇᖃᖅᑳᖅᑐᓄᑦ ᐅᖃᐅᔾᔨᒋᐊᖅᑎᐅᓪᓗᓂ ᔫᓐ 2025ᒥ ᑎᒃᑯᐊᖅᑕᐅᓚᐅᖅᓯᒪᔪᖅ ᑖᑦᓱᒧᖓ. ᖁᔭᓐᓇᒦᒃ, ᐅᖃᖅᑏ. ᐅᖃᖅᑎ: ᓯᕗᓪᓕᖅᐹᒥ ᐃᓚᒋᐊᕈᑏᑦ ᐊᐱᕆᒍᒃ, ᒥᔅ ᐊᖑᑎᐊᓗᒃ.

ᐊᐃᑉᐹ, ᔫᓂ 02, 2026 ᓄᓇᕗᒥ ᒪᓕᒐᓕᐅᕐᕕᒻᒧᑦ ᑲᑎᒪᔾᔪᑏᑦ 20 ᐊᖑᑎᐊᓗᒃ: ᖁᔭᓐᓇᒦᒃ, ᐅᖃᖅᑎᑦᑎᔨ. (ᑐᓵᔨᑎᒎᓕᖅᑐᖅ) ᐃᓕᖅᑯᓯᓕᕆᔨᒃᑯᑦ ᐊᖏᓚᐅᖅᓯᒪᔮ 2025-2026 ᐸᕐᓇᐅᑎ ᐅᖃᖅᓯᒪᒻᒪᑦ ᓯᕗᓪᓕᐅᔾᔭᐅᓯᒪᔪᑦ 2025 ᐃᓚᖓ ᐅᖃᖅᖢᒍ ᑲᔪᓰᓐᓇᕐᓗᑎᒃ ᑭᖑᕙᖅᓯᒪᔪᑦ ᐊᑐᓕᖁᔭᐅᓯᒪᔪᑦ ᓄᓇᐃᑦ ᐊᑎᖏᑦ. ᒥᓂᔅᑕ ᐅᖃᕈᓐᓇᖅᐹ ᓄᑖᒥᒃ ᑐᓴᕈᑎᑦᓴᒥᒃ ᖃᓄᐃᓕᖓᓕᕐᓂᖓᑕ ᑕᒪᑐᒪ ᐃᖅᑲᓇᐃᔮᑉ ᐱᒻᒪᕆᐊᓘᔫᑉ? ᖁᔭᓐᓇᒦᒃ, ᐅᖃᖅᑎᑦᓯᔨ. ᐅᖃᖅᑎ: ᐃᓕᖅᑯᓯᓕᕆᔨᒃᑯᓐᓄᑦ, ᒥᓂᔅᑕ ᑯᓄ. ᐊᖓᔪᖅᑳᖅ ᐳᕋᐃᔭᓐ ᑯᓄ: ᖁᔭᓐᓇᒦᒃ, ᐅᖃᖅᑎᑦᑎᔨ. ᖁᔭᓐᓇᒦᒃ ᒪᓕᒐᓕᐅᖅᑎ ᐊᐱᕆᖅᑲᐅᒐᕕᑦ. ᐄ, ᑕᒪᓐᓇ ᓱᓕᔪᖅ ᑖᓐᓇ ᐅᖃᖅᑲᐅᖕᒪᑦ ᐅᓄᖅᑐᖃᓪᓚᖕᓂᑦ 1999ᒥᑦ 2021ᒧᑦ ᐊᑎᕐᓂᒃ ᐱᓯᒪᖕᒪᑕ. 2000ᖏᓐᓃᑦᑐᓂᑦ ᐊᑎᕐᓂᒃ ᐃᓄᒃᑎᑐᑦ ᐊᑎᖏᓐᓂᒃ ᐊᒻᒪ ᐋᖅᑮᓯᒪᓪᓗᑎᒃ 1,900ᓂᒃ ᑖᒃᑯᓄᖓ ᐊᑎᕆᔭᐅᓂᐊᖅᑐᓂᒃ ᑲᓇᑕᒥ. (ᑐᓵᔨᑎᒍᑦ) ᒫᓐᓇ ᐱᓕᕆᐊᕗᑦ ᐃᓄᐃᑦ ᐱᖁᑎᖏᓐᓂᒃ ᓇᐅᑦᑎᑐᖅᑎᓂᒃ ᐱᓕᕆᖃᑎᖃᖅᑐᒍᑦ. ᐃᓄᐃᑦ ᐊᑎᑐᖃᖏᓐᓂᒃ ᑐᓂᓯᔭᐅᕙᓪᓕᐊᑎᓪᓗᒋᑦ ᓴᓪᓕᕐᒥ ᐱᖃᓯᐅᔾᔨᓪᓗᑎᒃ ᓄᓇᙳᐊᑎᒍᑦ ᐊᑎᖏᓐᓂᒃ ᐋᖅᑭᑦᑎᕆᓪᓗᑎᒃ ᐊᑐᐊᒐᖏᓐᓂᒃ ᒪᓕᑦᑐᑎᒃ ᑕᒪᓐᓇᓗ ᐱᔭᕆᐊᑭᓪᓕᑎᖅᑕᐅᒐᓱᑦᑐᓂ. ᖁᔭᓐᓇᒦᒃ, ᐅᖃᖅᑎᑦᑎᔩ. ᐅᖃᖅᑎ: ᑐᒡᓕᐊᓂ ᐊᒻᒪᓗ ᑭᖑᓪᓕᖅᐹᖅ ᐃᓚᒋᐊᕈᑏᑦ, ᐊᖑᑎᐊᓗᒃ. ᐊᖑᑎᐊᓗᒃ: ᖁᔭᓐᓇᒦᒃ, ᐅᖃᖅᑎᑦᑎᔩ. (ᑐᓵᔨᑎᒎᓕᖅᑐᖅ) ᒫᓐᓇ ᐱᕕᖃᕐᓂᓐᓂ ᖁᔭᓕᒍᒪᔭᒃᑲ ᐃᓄᐃᑦ ᐱᖁᑎᖏᓐᓂᒃ ᓇᐅᑦᓯᑐᖅᑏᑦ ᐱᒻᒪᕆᐊᓗᒻᒥᒃ ᐱᓕᕆᖃᑦᑕᕐᖓᑕ, ᐊᓯᐅᑦᑕᐃᓕᑎᑦᑎᓪᓗᑎᒃ ᐅᖃᐅᓯᑦᑎᓐᓂᒃ ᐊᑐᖅᓯᒪᔭᑦᑎᓐᓂᓪᓗ ᐱᒻᒪᕆᐊᓘᔪᓂᒃ. ᑎᓴᒻᐸ 2025ᒥ ᐃᓄᐃᑦ ᐱᖁᑎᖏᓐᓂᒃ ᓇᐅᑦᑎᑐᖅᑐᓕᕆᔨᒃᑯᑦ ᓴᓪᓕᓕᐊᔪᒻᒪᑕ. ᑖᒃᑯᐊ ᓇᐅᑦᑎᑐᖅᑐᒃᑯᑦ ᓄᓇᓕᒻᒥᒃ ᑐᓂᐅᖅᑲᐃᔪᔪᐃᑦ ᓄᓇᙳᐊᓂᒃ ᓴᓪᓕᐅᑉ ᓄᓇᖓᓄᑦ ᐃᓚᖃᖅᑐᑎᒃ ᐃᓄᑦᑎᑐᑦ ᐊᑎᑐᖃᖏᓐᓂᒃ ᓇᐅᔮᑦ ᒥᔅᓵᓅᖓᔪᓂᒃ ᐊᒻᒪ ᐊᖅᑯᑎᖓᓂ ᐊᑯᓐᓂᖓᓂ ᓄᓇᓖᑦ ᑖᒃᑯᐊ ᒪᕐᕉᒃ. ᒥᓂᔅᑕ ᓇᓗᓇᐃᖅᓯᒍᓐᓇᖅᑲ ᖃᓄᓪᓚᑦᑖᖅ ᐱᓕᕆᓪᓗᑎᒃ ᑲᑐᔾᔨᖃᑎᖃᖅᐸᑉᐸᑦ ᐃᓄᐃᑦ ᐱᖁᑎᖏᓐᓂᒃ ᓇᐅᑦᑎᑐᖅᑎᐅᔪᓂᒃ ᐱᓕᕆᐊᖑᔭᕆᐊᓕᓐᓂᑦ ᓴᓪᓕᐅᑉ ᓄᓇᙳᐊᖓ ᐃᓗᓪᓕᓱᖅᑕᐅᓗᓂ ᐃᓄᐃᑦ ᐊᑎᑐᖃᖏᓐᓂᒃ ᓈᒻᒪᑦᑐᓂᒃ? ᖁᔭᓐᓇᒥᒃ, ᐅᖃᖅᑎᑦᑎᔩ. ᐅᖃᖅᑎ: ᐃᓕᖅᑯᓯᓕᕆᔨᒃᑯᓐᓄᑦ, ᒥᓂᔅᑕ ᑯᓄ. ᐊᖓᔪᖅᑳᖅ ᐳᕋᐃᐊᓐ ᑯᓄ: ᖁᔭᓐᓇᒦᒃ, ᐅᖃᖅᑎᑦᑎᔨ. ᖁᔭᓐᓇᒦᒃ ᒪᓕᒐᓕᐅᖅᑎ ᐊᐱᖅᑯᑎᖕᓄᑦ. ᑕᒪᓐᓇ ᐅᓄᖅᑐᑲᓪᓛᕐᔪᖕᓂᒃ ᐊᑐᐊᒐᖃᕐᒪᑕ ᑖᒃᑯᐊ ᐃᓄᒃᑎᑐᑦ ᐊᑎᖃᖅᑎᑦᑎᓇᓱᒃᖢᑎᑦ. (ᑐᓵᔨᑎᒎᓕᖅᑐᖅ) ᐃᓚᖏᑦ ᑕᒪᒃᑯᐊ ᓄᐊᑕᐅᖃᑦᑕᕆᐊᖃᕐᖓᑕ ᑐᓂᔭᐅᓗᑎᓪᓗ ᐃᓕᖅᑯᓯᓕᕆᔨᒃᑯᓐᓄᑦ, ᑕᐃᒫᓪᓗ ᒐᕙᒪᒃᑯᑦ ᐱᓕᕆᕕᖓᓄᑦ ᑐᓂᔭᐅᓲᑦ ᑐᔅᓯᕋᐅᑎᐅᔪᖅ ᐊᓯᔾᔨᖅᑕᐅᖁᔨᓗᑎ ᓄᓇᐃᑦ ᐊᑎᑐᖃᙱᓐᓄᑦ, ᓱᒻᒪᑦ ᑕᐃᒫᓪᓗ ᑐᔅᓯᕌᖑᒻᒪᖔᖅ, ᓱᑯᑦᑎᐊᓃᒻᒪᖓᕐᓗ ᓄᓇᙳᐊᒥ ᓇᓗᓇᐃᖅᑕᐅᓯᒪᒋᐊᖃᓲᑦ. ᓄᓇᓕᓐᓄᑦ ᑕᐃᒪ ᖃᐅᔨᒋᐊᑦᑕᓕᕆᕗᖅ ᖃᓄᖅ ᐃᓱᒪᖃᕐᕕᐅᒻᒪᖔᖅ ᓄᓇᓕᓐᓂ ᖃᐅᔨᒋᐊᓲᑦ ᐱᓕᕆᕕᖓ, ᐊᒻᒪᓗ ᑕᐃᒪ ᐃᓄᐃᑦ ᐱᖁᑎᖏᓐᓂ ᓇᐅᑦᑎᑐᖅᑎᒃᑯᑦ ᑐᓂᔭᐅᑦᑕᕆᕗᑦ ᖃᐅᔨᒋᐊᕐᕕᐅᖃᑦᑕᕆᐊᖃᕐᒥᒻᒪᑕᑦᑕᐅᖅ 33.9.2 ᓄᓇᕗᑦ ᐊᖏᖃᑎᒌᒍᑎᖓᓂ. ᐃᓕᖅᑯᓯᓕᕆᔨᒃᑯᑦ ᐃᑦᑕᕐᓂᓴᓕᕆᔨᒃᑯᑦ ᐊᑐᓕᖁᔭᓕᐅᓲᖑᑦᑕᖅᑯᑦ ᕿᒥᕐᕈᔭᐅᓂᐊᖅᑐᓂ ᓄᓇᕗᒻᒥ ᓄᓇᓕᕆᔩ ᑲᑎᒪᔨᖏᓐᓄᑦ, ᐊᒻᒪ ᒥᓂᔅᑕᐅᑉ ᐊᓪᓚᕝᕕᖓᓄᑦ ᐅᑎᖅᑎᑕᐅᑦᑕᓕᖅᑯ ᐊᖏᕋᔅᓴᐅᑎᑕᐅᓪᓗᑎ. ᑕᐃᒪᓕ ᒥᓂᔅᑕᖓ

ᐊᐃᑉᐹ, ᔫᓂ 02, 2026 ᓄᓇᕗᒥ ᒪᓕᒐᓕᐅᕐᕕᒻᒧᑦ ᑲᑎᒪᔾᔪᑏᑦ 21 ᐃᓕᖅᑯᓯᓕᕆᔨᒃᑯᑦ ᐃᑦᑕᕐᓂᓴᓕᕆᔨᒃᑯᑦ ᐊᖏᕐᓂᐊᕐᒪᖔᖅ ᐋᒡᒑᓂᐊᕐᒪᖔᖅ ᐃᓱᒪᑖᓲᖑᔪᖅ ᐊᑐᓕᖁᔭᓕᐊᖑᓯᒪᔪᓂᑦ ᓄᓇᐃᑦ ᐊᑎᖏᓐᓂ. ᑕᐃᒪᓕ ᒐᕙᒪᑐᖃᒃᑯᓐᓄᑦ ᐴᖅᑲᖅᑕᐅᖃᑕᐅᑦᑕᓕᕆᕗᖅ ᖃᕋᓴᐅᔭᖏᓐᓄᑦ ᑲᓇᑕᓕᒪᒥ ᓄᓇᙳᐊᓕᕆᔾᔪᑎᖓᓄᑦ. ᖁᔭᓐᓇᒦᒃ, ᐅᖃᖅᑏ. ᐅᖃᖅᑎ: ᐅᖃᐅᓯᒃᑯᑦ ᐊᐱᖅᑯᑏᑦ. ᐊᑎᖁᑎᒃᑲ ᒪᓕᓪᓗᒋᑦ, ᖁᑦᑎᑦᑐᒧᑦ, ᒪᓕᒐᓕᐅᖅᑎ ᑕᖅᑐ. ᐊᐱᖅᑯᑦ 74 – 72): ᐊᕐᕌᒍᖅᑐᔪᑦ ᐃᓐᓇᐃᑦ ᐊᑐᒐᒃᓴᓕᐊᖓᓄᑦ (ᑕᖅᑐ) ᑕᖅᑐ (ᑐᓵᔨᑎᒍᑦ): ᖁᔭᓐᓇᒦᒃ, ᐅᖃᖅᑏ. ᐊᐱᖅᑯᑎᒃᑲ ᐅᓪᓗᒥ ᑐᕌᖓᙳᓱᑦᑐᑦ ᒥᓂᔅᑕᐅᔪᒧᑦ ᐃᓐᓇᒻᒪᕆᓐᓄᑦ ᐱᓕᕆᔨᐅᔪᒧᑦ. ᒥᓂᔅᑕ ᑕᐃᒪ ᐃᖅᑲᐅᒪᒻᒪᑦ, ᓂᓪᓕᐊᓚᐅᕋᒪ ᐃᑉᐸᔅᓴᖅ ᐃᔅᓯᕙᓂᖃᖅᑎᓪᓗᒍ ᒪᓕᒐᓕᐅᕐᕕᒃ ᐅᖃᐅᓯᖃᖅᑐᖓ ᐱᒻᒪᕆᐋᓘᓂᖏᓐᓂ ᐱᓕᕆᐊᖅᑐᖃᕆᐊᖃᕐᖓᑦ ᐃᓐᓇᒻᒪᕇᑦ ᐋᓐᓂᖅᑕᐅᖃᑦᑕᖁᓇᒋᑦ. ᒥᓂᔅᑕ ᐃᖅᑲᐅᒪᒻᒪᑦ, ᒐᕙᒪᒃᑯᑦ ᒫᓐᓇᓕᓴᐅᓛᖁᑎᖏᑦ ᐱᕙᓪᓕᐊᓂᕆᔭᖓᓂ ᐅᓂᒃᑳᖃᖅᑐᑦ ᐊᑐᓕᖅᑎᑦᑎᒐᓱᓐᓂᕆᔭᖏᓐᓂ ᐃᓐᓇᒻᒪᕆᓐᓄᑦ ᑐᑭᒧᐊᒍᑎᔅᓴᓂᑦ ᒪᓕᒐᓕᐅᕐᑯᒨᖅᑕᐅᔪᒻᒪᑦ ᒫᑦᓯ 5, 2025. ᒥᓂᔅᑕ ᓇᓗᓇᐃᖅᓯᒍᓐᓇᓕᖅᑳ ᖃᖓ ᐱᕙᓪᓕᐊᓂᕆᓯᒪᔭᖓᓂ ᑭᖑᓪᓕᖅ ᐅᓂᒃᑳᖅ ᓴᖅᑭᕈᓐᓇᓛᕐᒪᖔᒍ ᐱᔾᔪᑎᖃᖅᑐᖅ ᐊᑐᓕᖅᑎᑕᐅᓂᖏᓐᓂ ᐃᓐᓇᒻᒪᕆᓐᓄᑦ ᑐᑭᒧᐊᒍᑎᔅᓴᐅᑉ? ᖁᔭᓐᓇᒦᒃ, ᐅᖃᖅᑏ. ᐅᖃᖅᑎ: ᓄᓇᕗᒻᒧᑦ ᓯᕗᓕᖅᑎ, ᒥᔅᑕ ᒪᐃᓐ. ᓯᕗᓕᖅᑎ ᐋᕐᓗᒃ ᒪᐃᓐ: ᒪ’ᓇ, ᐅᖃᖅᑎᑦᓯᔩ. ᒪᓐᓈᖅᖢᒍᓗ ᐊᐱᖅᓱᖅᑐᖅ ᒪᓕᒐᓕᐅᖅᑎᐅᖃᑎᒐ. ᑕᒪᑐᒪᓗ ᒥᒃᓵᓄᑦ ᐅᖃᐅᓯᒃᓴᖃᓚᐅᖅᑎᓪᓗᒍ ᒪ’ᓈᖅᐸᕋ. ᑕᒪᒃᑯᐊ ᐅᖃᐅᓯᕆᑦᑕᕆᐊᖃᕋᑉᑎᒍ ᓄᓇᓕᖕᓂ ᖃᓄᐃᓕᐅᕐᓂᐅᑕᖅᑐᑦ ᑖᒃᑯᐊ ᓇᒡᓕᓐᓇᓪᓚᕆᒃᖢᑎᑦ ᐃᑲᔪᖅᑕᐅᒋᐊᖃᕌᖓᑕ ᐃᓐᓇᕆᔭᐅᔪᑦ. (ᑐᓵᔨᑎᒎᓕᖅᑐᖅ) ᐅᖃᖅᑏ, ᐊᐱᖅᑯᑎᖓ ᑖᓐᓇ ᑭᐅᒐᓱᓪᓗᒍ ᒪᓕᒐᓕᐅᖅᑎᐅᑉ ᐊᒻᒪᓗᑦᑕᐅᖅ ᑐᑭᒧᐊᒍᑎᔅᓴᖅ ᖃᓄᐃᓕᖓᓕᕐᒪᖔᖅ, ᑕᐃᒪ ᒐᕙᒪᓕᕆᔨᒃᑰᓪᓗᑕ ᐃᖅᑲᓇᐃᔭᖅᑎᑖᖅᑎᒐᓱᐊᕋᑦᑎᒍ ᐃᓐᓇᒻᒪᕆᓐᓂ ᑲᒪᕕᐅᔪᖅ ᐊᓪᓚᕝᕕ. ᑕᐃᓐᓇ ᐊᓪᓚᕝᕕ, ᓴᖅᑭᖅᑕᐅᓚᐅᖅᓯᒪᒻᒪᑦ ᑐᑭᒧᐊᑦᑎᑦᑎᕕᐅᓂᐊᕐᓗᓂ ᐃᓐᓇᕐᓂᑦ ᐃᑲᔪᕐᓂᕐᒧᑦ. ᑕᑯᒋᐊᕈᔅᓯᐅ ᐃᓐᓇᒻᒪᕆᓐᓄᑦ ᑐᑭᒧᐊᒍᑎᔅᓴᓕᐊᖑᓯᒪᔪᖅ 89-ᖑᒻᒪᑕ ᐱᓕᕆᐊᖑᒋᐊᓖᒡᒎᖅ, ᑖᒃᑯᐊ ᐊᑕᐅᓯᑐᐊᕐᒧᑦ ᐱᓕᕆᕕᖕᒧᒃ ᑐᕌᖓᔪᙱᒻᒪᑕ; ᐊᔾᔨᒌᙱᑦᑐᕈᓘᔭᕐᓄᑦ ᒐᕙᒪᒃᑯᑦ ᐱᓕᕆᕕᖏᓐᓄᑦ ᑎᒥᖁᑎᖏᓐᓄᓪᓗ; ᐋᓐᓂᐊᖅᑕᐃᓕᓕᕆᔨᒃᑯᑦ, ᒪᓕᒐᓕᕆᔨᒃᑯᑦ, ᐃᓄᓕᕆᔨᒃᑯᑦ, ᐃᓕᖅᑯᓯᓕᕆᔨᒃᑯᑦ ᑖᒃᑯᐊ ᐱᖃᑕᐅᒋᐊᖃᔪᒻᒪᑕ. ᐊᒻᒪ, ᐅᓂᒃᑳᓕᐅᖃᑦᑕᕐᓗᑎᑦ ᐊᓪᓚᕝᕕᖓᓄᑦ, ᒫᓐᓇ ᐱᔭᕆᐊᑐᓂᖅᐹᖑᑲᐃᓐᓇᖅᑐᖅ ᐃᖅᑲᓇᐃᔭᖅᑎᑖᖅᑎᒐᓱᑦᑐᒍ. ᐊᒻᒪ ᑭᖑᓪᓕᕐᒥ ᓇᓗᓇᐃᖅᓯᒋᐊᖃᓛᕐᒥᒐᑦᑕ ᐱᕙᓪᓕᐊᓂᕆᓯᒪᔭᖓᓂ, ᑭᓯᐊᓂ ᖃᖓᐅᓛᕐᒪᖔᖅ ᒫᓐᓇ ᓇᓗᓇᖅᑐᖅ. (ᑐᓵᔨᑎᒎᕈᓐᓃᖅᑐᖅ) ᒪ’ᓇ, ᐅᖃᖅᑎᑦᓯᔩ. ᐅᖃᖅᑎ: ᓯᕗᓪᓕᖅᐹᖅ ᐃᓚᒋᐊᕈᑏᑦ ᐊᐱᖅᑯᑎᓐᓄᑦ, ᒥᔅᑕ ᑕᖅᑐ. ᑕᖅᑐ (ᑐᓵᔨᑎᒍᑦ): ᖁᔭᓐᓇᒦᒃ, ᐅᖃᖅᑏ. ᒐᕙᒪᒃᑯᑦ ᐃᓐᓇᒻᒪᕆᓐᓄᑦ ᑐᑭᒧᐊᒍᑎᔅᓴᐃᑦ ᐃᓗᓕᖃᕐᖓᑕ ᑐᕌᖅᑕᕆᔭᐅᒋᐊᓕᓐᓂᑦ ᐱᔾᔪᑎᖃᖅᑐᓂ ᐃᓐᓇᒻᒪᕇᑦ ᐋᓐᓂᖅᑕᐅᖃᑦᑕᕐᓂᖏᓐᓂ. ᐊᒥᓱᑲᓪᓚᐃᑦ ᒐᕙᒪᒃᑯᑦ ᐱᓕᕆᕕᖏᑦ ᐊᔾᔨᒌᙱᑦᑐᓂᑦ ᐱᓕᕆᐊᖃᕆᐊᖃᕐᓂᖃᕐᖓᑕ ᑖᒃᑯᓂᖓ. ᒥᓂᔅᑕ ᑲᒪᔨᐅᔪᖅ ᐃᓐᓇᒻᒪᕆᓐᓄᑦ ᐅᓂᒃᑳᖃᕈᓐᓇᖅᑲ ᖃᓄᖅ ᐱᓕᕆᕕᖓ ᑐᑭᒧᐊᑎᑦᑎᒻᒪᖔᖅ ᑖᔅᓱᒥᖓ ᐱᓕᕆᐊᖑᔪᒥ? ᖁᔭᓐᓇᒦᒃ, ᐅᖃᖅᑏ.

ᐊᐃᑉᐹ, ᔫᓂ 02, 2026 ᓄᓇᕗᒥ ᒪᓕᒐᓕᐅᕐᕕᒻᒧᑦ ᑲᑎᒪᔾᔪᑏᑦ 22 ᐅᖃᖅᑎ: ᓯᕗᓕᖅᑎ ᓄᓇᕗᒻᒧᑦ, ᒥᔅᑕ ᒪᐃᓐ. ᓯᕗᓕᖅᑎ ᐋᕐᓗᒃ ᒪᐃᓐ: ᒪ’ᓇ, ᐅᖃᖅᑎᑦᓯᔨ. (ᑐᓵᔨᑎᒎᓕᖅᑐᖅ) ᑕᐃᒪᓕ ᑐᑭᒧᐊᑦᑎᒍᒪᔭᕋᓗᐊᕗᑦ ᐊᓪᓚᕝᕕ ᐊᑐᕐᓗᒍ ᐃᓐᓇᒻᒪᕆᓐᓄᑦ ᑲᒪᕕᐅᔪᖅ. ᐃᖅᑲᓇᐃᔭᖅᑎᑖᕈᓐᓇᙱᒃᑲᐃᓐᓇᖅᓯᒪᒐᑦᑕ ᐱᓕᕆᐊᕆᒐᓱᑦᑕᕋᓗᐊᕗᑦ. ᐊᒻᒪ ᑐᑭᒧᐊᑦᑎᑕᐅᓂᖓᓕ ᐱᓕᕆᐊᖑᔪ ᕿᑎᐊᓃᑦᑐᑕ ᑎᒥᐅᓪᓗᑕ, ᒐᕙᒪᓕᕆᔨᒃᑰᓪᓗᑕ ᒐᕙᒪᒃᑯᑦ ᐱᓕᕆᕕᓕᒫᖏᓐᓂ ᐱᓕᕆᖃᑎᖃᐃᓐᓇᐸᒻᒪᑕ, ᓄᓇᕗᑦ ᒐᕙᒪᖓᓂᑐᐊᖅ ᐱᓕᕆᐊᖑᙱᒻᒪᑦ; ᐃᓄᐃᑦ ᑲᑐᔾᔨᖃᑎᒌᖏᓪᓕᑦᑕᐅᖅ. ᑲᑐᔾᔨᖃᑎᒌᓂᒃ ᐱᔭᔅᓴᖅᑖᕆᓯᒪᔭᕗᑦ ᒪᓕᑦᑐᒍ, ᖃᑦᑎᒻᒪᕆᓐᓂᒃᑭᐊᖅ ᐱᓕᕆᖃᑎᒌᑦᑐᖁᑎᖃᕋᑦᑕ ᓄᓇᕗᑦ ᑐᙵᕕᒃᑯᓐᓂ. ᐃᓚᖓ ᐃᓐᓇᒻᒪᕆᓐᓄᑦ ᑐᕌᖓᓪᓚᕆᑦᑐᓂ, ᐊᒻᒪᓗ ᑐᑭᓯᔭᐅᖁᙱᓇᒃᑯᐃᓛᒃ ᒐᕙᒪᒃᑯᓐᓄᑐᐊᖅ ᐃᓄᑑᔾᔭᐅᖏᒻᒪᑦ. ᐃᓐᓇᒻᒪᕇᑦ ᐱᓪᓗᒋᑦ, ᒪᓕᒐᓕᕆᔨᒃᑯᑦ ᐃᓄᓕᕆᔨᒃᑯᑦᑕᐅᖅ ᐱᖃᑕᐅᓕᖅᓯᒪᒻᒥᔪᑦ ᑐᕌᖅᑕᕆᒐᓱᑦᑕᖏᓐᓄᑦ. ᐅᖃᖅᑏ, ᑭᖑᓪᓕᖅᐹᒥ ᐅᖃᕐᓗᖓ, ᐱᒻᒪᕆᐊᓘᓱᒋᒐᒃᑯᐃᓛᒃ ᓄᓇᕗᒻᒥᑑᙱᑦᑐᖅ ᐃᓱᒫᓗᓇᕐᖓᑦ ᑲᓇᑕᓕᒫᒥ ᐃᓱᒫᓗᓇᖅᓯᓯᒪᒻᒪᑦ. ᒐᕙᒪᑐᖃᒃᑯᑦ ᑲᑎᒪᖃᑕᐅᓚᐅᖅᑎᓪᓗᒋᑦ ᐃᖃᓗᓐᓂ ᐃᓐᓇᒻᒪᕆᓐᓄᓪᓗ ᑲᒪᔨᐅᔪᖅ ᒥᓂᔅᑕ ᒐᕙᒪᑐᖃᒃᑯᓐᓂ, ᐅᖃᖃᑕᐅᓚᐅᕐᖓᑦ. ᖃᐅᔨᓴᕐᓂᒥᓂᕐᒥ ᖃᐃᑦᑎᔭᐅᔪᖃᓚᐅᕐᖓᑦ ᐅᓂᒃᑳᓕᐊᒥᓂᖏᓐᓂ ᖃᓄᖅ ᐃᓐᓇᒻᒪᕇᑦ ᑮᓇᐅᔭᐃᔭᖅᑕᐅᙱᒍᓐᓇᕐᒪᖔᑕ ᐱᕋᔭᓐᓂᒃᑯᑦ. ᖃᐅᔨᓴᖅᑕᐅᕈᓘᔭᕕᐅᑎᔅᓯᒪᒻᒪᑦ, ᐊᒻᒪ ᑕᐃᓐᓇᓗ ᖃᐅᔨᓴᕈᑎᒥᓂᖅ ᑭᒃᑯᑐᐃᓐᓇᕐᓄᑦ ᑕᑯᔅᓴᕈᖅᑎᑕᐅᓛᖅᑐᖅ, ᐃᑲᔪᕈᓐᓇᖅᑯᓇᖅᑑᒐᓗᐊᖅ ᑮᓇᐅᔭᖅᑎᒍᑦ ᐱᑯᑦᑐᑦᑕᐅᓂᐅᖃᑦᑕᖅᑐᓂ ᐃᓐᓇᒻᒪᕇᑦ ᓄᓇᕗᒻᒥ. (ᑐᓵᔨᑎᒎᕈᓐᓃᖅᑐᖅ) ᒪ’ᓇ, ᐅᖃᖅᑎᑦᓯᔩ. ᐅᖃᖅᑎ: ᑐᒡᓕᐊ ᐊᒻᒪ ᑭᖑᓪᓕᖅᐹᖅ ᐃᓚᒋᐊᕈᑏᑦ, ᒪᓕᒐᓕᐅᖅᑎ ᑕᖅᑐ. ᑕᖅᑐ (ᑐᓵᔨᑎᒍᑦ): ᖁᔭᓐᓇᒦᒃ, ᐅᖃᖅᑏ. ᒥᓂᔅᑕ ᖃᐅᔨᒪᒻᒪᑦ, ᐱᓕᕆᕕᖓᑕ 2025-ᒥ 2026-ᒧᑦ ᑮᓇᐅᔭᖅᑐᕈᑎᔅᓴᖏᑦ ᐃᓚᖃᔪᒻᒪᑕ ᑮᓇᐅᔭᓂᑦ ᓴᖅᑭᖅᑕᐅᒍᑎᔅᓴᐅᔪᓂ ᓄᑖᒥ ᐊᓪᓚᕝᕕᒥ ᐃᓐᓇᒻᒪᕆᓐᓄᑦ ᑐᕌᖓᔪᒥ. ᑎᓴᒪᓂᒡᒎᖅ ᐃᖅᑲᓇᐃᔮᖁᑎᖃᕐᖓᑕ. ᒥᓂᔅᑕ ᓇᓗᓇᐃᖅᓯᒍᓐᓇᖅᑳ ᖃᓄᐃᓕᖓᓕᕐᒪᖔᑕ ᐃᓐᓄᔅᓯᒐᓱᐊᖅᑎᓪᓗᓯ ᐃᖅᑲᓇᐃᔮᓂᑦ? ᐊᒻᒪᓗ ᖃᓄᐃᑦᑐᓂᑦ ᓄᑖᓂᑦ ᓴᖅᑭᖅᓯᒐᓱᒋᐊᓵᕐᒪᖔᖅ ᑖᓐᓇ ᐊᓪᓚᕝᕕᒃ ᐱᔾᔪᑎᖃᖅᑐᓂ ᐃᓐᓇᒻᒪᕇᑦ ᐱᑦᑎᐊᖅᑕᐅᖃᑦᑕᖏᓐᓂᔭᖏᓐᓄᑦ? ᖁᔭᓐᓇᒦᒃ, ᐅᖃᖅᑏ. ᐅᖃᖅᑎ: ᓄᓇᕗᒻᒧᑦ ᓯᕗᓕᖅᑎ, ᒥᔅᑕ ᒪᐃᓐ. ᓯᕗᓕᖅᑎ ᐋᕐᓗᒃ ᒪᐃᓐ: ᒪ’ᓇ, ᐅᖃᖅᑎᑦᓯᔩ. (ᑐᓵᔨᑎᒎᓕᖅᑐᖅ) ᐅᖃᐅᓯᕆᒐᓛᖅᑲᐅᔭᕋ ᐃᖅᑲᓇᐃᔭᖅᑎᑖᕋᓱᐊᕐᓂᕗᑦ ᐱᔭᕆᐊᑐᒻᒪᑦ, ᑎᓴᒪᐃᑦ ᑕᐃᒃᑯᐊ ᐃᖅᑲᓇᐃᔮᑦ ᐅᖃᐅᓯᕆᕋᑖᖅᑕᖏᑦ ᐃᓐᓄᑦᑕᐅᓯᒪᔪᖅᑕᖃᙱᑦᑐᖅ. ᑖᒃᑯᐊ ᒐᕙᒪᓕᕆᔨᒃᑯᑦ ᐊᖏᖅᓯᒪᓂᖃᖅᑑᒐᓗᐊᑦ ᐃᓐᓇᑐᖃᓕᕆᕕᔅᓴᖅ ᐊᓪᓚᕝᕕᒃ ᐊᐅᓚᒍᓐᓇᖁᓪᓗᒍ, ᑭᓯᐊᓂ ᐃᖅᑲᓇᐃᔮᑦ ᐃᓐᓄᒍᓐᓇᖅᓯᒪᙱᑲᓚᐅᕋᑦᑎᒍ ᒫᓐᓇ, ᐊᓯᐊᒍᖔᖅ ᐱᓕᕆᒐᓱᕆᐊᔅᓴᖅ ᐃᓱᒪᒋᐊᖃᓕᖅᓯᒪᔪᒍᑦ. ᑲᒪᒋᔭᐅᔭᕆᐊᖃᕐᖓᑦ ᑕᒪᓐᓇ. ᐊᒥᓱᐊᓗᓐᓂᑦ ᑐᕋᖅᑕᒐᖃᑦᑎᐊᖅᑐᒻᒪᕆᐊᓘᒻᒪᑦ ᐃᓐᓇᒻᒪᕇᑦ ᑐᑭᒧᐊᒍᑎᔅᓴᖓ. ᖃᓄᐃᓕᐅᖅᑐᖃᙱᑦᑐᒋᔭᐅᖁᙱᓇᒃᑯ. ᐱᓕᕆᑦᑎᐊᖅᑐᐊᓘᒐᓗᐊᑦ ᑕᑯᔅᓴᐅᙱᑐᐃᓐᓇᖅᑐᒥ ᐱᓕᕆᕕᐅᔪᓂ ᐱᔾᔪᑎᖃᖅᑐᓂ ᐱᔨᑦᑎᕋᐅᑎᓂᑦ ᐃᑲᔪᖅᓰᒍᑎᓂᓪᓗ ᐃᓐᓇᒻᒪᕆᓐᓄᑦ.

ᐊᐃᑉᐹ, ᔫᓂ 02, 2026 ᓄᓇᕗᒥ ᒪᓕᒐᓕᐅᕐᕕᒻᒧᑦ ᑲᑎᒪᔾᔪᑏᑦ 23 ᐆᑦᑑᑎᒋᓗᒍ, ᑮᓇᐅᔭᓂᑦ ᐊᑐᕈᒫᕐᓂᐊᖅᑐᖁᑎᑖᕆᓚᐅᖅᑕᕗᑦ ᑲᑎᒪᑐᐃᓐᓇᓂᕐᒥ, ᑮᓇᐅᔭᓂᑦ ᑐᔅᓯᕋᐅᑎᑕᖃᖃᑦᑕᓚᐅᖅᑐ ᐃᓐᓇᒻᒪᕇᑦ ᓄᓇᓯᐅᑎᖏᓐᓄᑦ ᑐᕌᖓᔪᓂᑦ. ᐊᒻᒪ ᐃᓯᕋᔅᓴᐅᔪᓂᑦ ᓄᓇᓯᐅᑎᓂ ᐊᑐᐃᓐᓇᖃᖁᓪᓗᒋᑦ. ᑖᓐᓇ ᐃᓚᐃᓐᓇᕆᔭᖓ ᐆᑦᑑᑎᐅᒍᓐᓇᖅᑐᖅ ᖃᓄᖅ ᐱᔨᑦᑎᕋᐅᑏᑦ ᐊᖏᓪᓕᒋᐊᖅᑎᒐᓱᒻᒪᖔᑦᑎᒍ ᓴᙱᓕᖅᑎᒋᐊᕋᓱᑦᑐᒋᓪᓗ ᐃᑲᔪᖅᓰᒍᑏᑦ. ᐃᓐᓇᒻᒪᕇᑦ ᐱᒻᒪᕆᐅᓂᖅᐹᖑᖃᑕᐅᒻᒪᑕ ᓄᓇᓕᑦᑎᓐᓂ ᐃᓅᓯᑦᑎᓂᓪᓗ ᐅᕙᒍᓕᒫᖑᓪᓗᑕ ᒥᓂᔅᑕᐅᓪᓗᑕ ᐱᓕᕆᒋᐊᖃᖅᑯᒍᑦ ᐱᓕᕆᔾᔪᑎᑦᑎᐊᕖᙵᕐᓗᒋᑦ. ᖁᔭᓐᓇᒦᒃ ᒪᓕᒐᓕᐅᖅᑎ ᑖᔅᓱᒥᖓ ᐱᒻᒪᕆᐊᓗᒻᒥᑦ ᐅᖃᐅᓯᖃᕐᖓᑦ. (ᑐᓵᔨᑎᒎᕈᓐᓃᖅᑐᖅ) ᒪ’ᓇ, ᐅᖃᖅᑎᑦᓯᔩ. ᐅᖃᖅᑎ: ᐅᖃᐅᓯᒃᑯᑦ ᐱᖅᑯᑏᑦ. ᒪᓕᒐᓕᐅᖅᑎ ᖁᕐᓗᖅᑑᒧᑦ, ᒥᔅᑕ ᖁᓕᒃᑖᓇ. ᐊᐱᖅᑯᑦ 75 – 72): ᑲᐱᔭᐅᓃᑦ ᖃᐅᔨᓴᖅᑕᐅᔾᔪᑏᓪᓗ (ᖁᓕᒃᑖᓇ) ᖁᓕᒃᑖᓇ (ᑐᓵᔨᑎᒍᑦ): ᖁᔭᓐᓇᒦᒃ, ᐅᖃᖅᑏ. ᐊᐱᖅᑯᑎᒃᑲ ᐅᓪᓗᒥ ᐋᓐᓂᐊᖅᑕᐃᓕᓕᕆᔨᒃᑯᑦ ᒥᓂᔅᑕᖓᓄᓂᐊᖅᑐᖅ ᐱᔾᔪᑎᖃᖅᑐᑎ ᐋᓐᓂᐊᓕᕐᓇᙱᑦᑐᒧᑦ ᑲᐱᔭᐅᖃᑦᑕᕐᓂᖅ ᐊᒻᒪ ᐋᓐᓂᐊᖃᕐᒪᖔᑕ ᖃᐅᔨᓴᕐᓂᕐᒥᒃ. ᐅᖃᖅᑏ, ᐅᖃᖅᑳᕈᒪᔪᖓ ᓴᙱᔪᒥ ᐅᓪᓗᒥ ᐅᑉᐱᕈᓱᓐᓂᖃᕋᒪ ᐋᓐᓂᐊᓕᔾᔭᐃᒃᑯᑎᓂᑦ ᑲᐴᑎᓂᑦ ᒪᑯᓂᖓ ᐴᓕᐅᓂ ᐋᓂᐊᓪᓚᕆᐊᓘᒍᓐᓇᖅᑐᓂᑦ ᓄᖅᑲᖓᑎᑦᑎᒍᓐᓇᕐᖓᑕ. ᒥᓂᔅᑕ ᐃᖅᑲᐅᒪᒻᒪᑦ, ᐋᓐᓂᐊᖅᑕᐃᓕᓕᕆᔨᒻᒪᕆᐅᑉ ᒫᓐᓇᓕᓴᐅᓛᖁᑎᖓ ᐊᕐᕌᒎ ᒪᕐᕉᒃ ᓈᒐᐃᒻᒪᑎ ᐅᓂᒃᑳᓕᐊᕆᕙᑦᑕᖓ ᒪᓕᒐᓕᐅᕐᕕᒨᖅᑕᐅᔪᒻᒪᑦ ᒫᑦᓯ 10, 2025. ᐃᒪᐃᓕᖓᔪᒻᒪᑕ, ᐅᖃᓕᒪᕐᓗᒋᑦ: “ᑐᕌᖅᑕᖃᖅᑕᖃᕐᖓᑦ, ᑲᓇᑕᓕᒫᒥ ᐊᑐᖅᑕᐅᖁᔭᐅᔪᓂᑦ, ᑲᐱᔭᐅᖃᑦᑕᓂᕐᒧᑦ. ᑕᒪᒃᑯᐊ ᖃᑦᑎᑦ ᑲᐱᔭᐅᖁᔭᐅᒻᒪᖔᑕ ᒪᓕᔅᓯᒪᔪᑦ ᐊᕐᕌᒍᖏᑎᒎᖓᓪᓗᑎ. ᐆᑦᑑᑎᒋᓗᒍ, ᐃᓚᖏᑦ ᑲᐴᑏ ᒪᕐᕉᓐᓂ ᐊᕐᕌᒍᓕᓐᓄᑦ ᓄᑕᕋᕐᓄᑦ 95%-ᖑᔪᐃᑦ ᐱᔭᐅᒐᓱᓐᓂᐊᖅᑐᐃᑦ. ᑕᒪᒃᑯᐊᓗ ᐊᐅᐸᓚᑳᔾᔭᐃᒡᒍᑏᑦ, ᐱᒻᒪᕆᐅᓂᖅᐹᖑᒻᒥᔪᐃᑦ. ᐃᑲᔪᖅᓰᖃᑦᑕᖅᑐ ᐋᓐᓂᐊᖅᑕᐃᓕᓕᕆᔨᒃᑯᑦ ᐱᓕᕆᑦᑎᐊᕋᓱᓐᓂᕆᔭᖏᓐᓂ. ᒫᓐᓇ15-ᖑᒻᒪᑕ ᑲᐴᑏᑦ ᓄᓇᕗᒻᒥ ᐊᑐᖅᑕᐅᖃᑦᑕᖅᑐᐃᑦ. ᑖᒃᑯᐊ ᐋᓐᓂᐊᓕᔾᔭᐃᒡᒍᑏᑦ ᑲᐴᑏᑦ ᐃᓅᓯᕐᒥ ᐊᑕᐅᓯᕐᒥ ᑲᐱᔭᐅᒍᑕᐅᓲᑦ ᐃᓅᕋᑖᒥᓂᕐᓄᑦ, ᐃᓕᓐᓂᐊᕆᐊᓲᓄᑦ, ᐃᓐᓇᕐᓄᑦ, ᐃᓐᓇᒻᒪᕆᓐᓄᓪᓗ, ᐊᒻᒪᓗᑦᑕᐅᖅ ᓯᐊᒻᒪᑦᑐᖃᖅᑐᐊᓘᒐᐃᒻᒪᑦ ᐋᓐᓂᐊᓇᕐᒥ ᑲᐴᑎᑕᖃᓲᖑᒥᒻᒪᑦ.” ᒥᓂᔅᑕ ᓇᓗᓇᐃᖅᓯᒍᓐᓇᓕᖅᑳ ᐅᓪᓗᒥ ᖃᑎᑦ %-ᖏᑦ ᖁᕐᓗᖅᑑᕐᒥᐅᑦ ᑲᐱᔭᐅᓯᒪᓕᕐᒪᖔᑕ ᐋᓐᓂᐊᓕᔾᔭᐃᒡᒍᑎᓄᑦ? ᖁᔭᓐᓇᒦᒃ, ᐅᖃᖅᑏ. ᐅᖃᖅᑎ: ᒥᓂᔅᑕ ᐋᓐᓂᐊᖃᕐᓇᙱᑦᑐᓕᕆᓂᕐᒧᑦ, ᒥᔅ ᐳᕉᔅᑐ. ᐊᖓᔪᖅᑳᖅ ᔮᓇᑦ ᐳᕉᔅᑐ (ᑐᓵᔨᑎᒍᑦ): ᖁᔭᓐᓇᒦᒃ, ᐅᖃᖅᑏ, ᖁᔭᓐᓇᒦᑦᑕᐅᖅ ᒪᓕᒐᓕᐅᖅᑎ ᐱᒻᒪᕆᐊᓗᒻᒥᑦ ᐊᐱᖅᑯᑎᖃᕐᖓᑦ. ᑕᐃᒪᓪᓚᕆᒻᒪᓂᓛᒃ ᑎᑎᕋᖅᓯᒪᔪᖅᑕᖃᙱᑦᑐᖅ, ᑎᑎᕋᕐᕕᖃᙱᒻᒪᑕ ᑲᐱᔭᐅᓯᒪᔪᑦ ᑭᒃᑰᒻᒪᖔᑕ ᖃᑦᑎᐅᒻᒪᖔᑕ. ᐋᓐᓂᐊᖅᑕᐃᓕᓕᕆᔨᒃᑯᑦ ᑲᑎᑎᕆᒋᐊᓖᑦ ᑎᑎᕋᕐᕕᒻᒥ ᐋᖅᑭᔅᓯᓗᑎ ᒐᕙᒪᑐᖃᒃᑯᓄᓪᓗ ᐃᑲᔪᖅᑕᐅᑉᐸᑕ ᑭᓯᐊᓂ ᑖᒃᑯᓂᖓ ᐋᖅᑭᔅᓯᒍᓐᓇᕋᔭᕐᒥᒻᒪᑕ ᑕᖅᑲᒃᑯᓂᖓ ᖃᐅᔨᒃᑲᐃᔪᓐᓇᕋᔭᕋᑦᑕ ᐊᒻᒪᑦᑕᐅᖅ, ᐋᓐᓂᐊᖅᑕᐃᓕᓕᕆᔩᑦᑕᐅᖅ ᐊᐱᖅᓱᕆᐊᖃᕋᔭᖅᑐᒍᑦ ᖃᑦᑎᑦ ᑲᐱᔭᐅᓯᒪᖃᑦᑕᕐᒪᖔᑕ. ᖁᔭᓐᓇᒦᒃ, ᐅᖃᖅᑏ. ᐅᖃᖅᑎ: ᓯᕗᓪᓕᖅᐹᖅ ᐃᓚᒋᐊᕈᑏᑦ ᐊᐱᖅᑯᑎᓐᓄᑦ, ᒥᔅᑕ ᖁᓕᒃᑖᓇ. ᖁᓕᒃᑖᓇ (ᑐᓵᔨᑎᒍᑦ): ᖁᔭᓐᓇᒦᒃ, ᐅᖃᖅᑏ. ᖁᔭᓐᓇᒦᒃ, ᒥᓂᔅᑕ ᑭᐅᔾᔪᑎᓐᓄᑦ. ᓂᕆᐅᑉᐳᖓ ᑕᐃᔅᓱᒥᖓ ᑕᑯᓛᕐᓂᐊᓂᓐᓂ. ᖁᔭᓐᓇᒦᒃ, ᐅᖃᖅᑏ.

ᐊᐃᑉᐹ, ᔫᓂ 02, 2026 ᓄᓇᕗᒥ ᒪᓕᒐᓕᐅᕐᕕᒻᒧᑦ ᑲᑎᒪᔾᔪᑏᑦ 24 ᑕᐃᓐᓇ ᐋᓐᓂᐊᖃᕐᓇᙱᑦᑐᓕᕆᔨᒃᑯᑦ ᑲᒪᔨᖓᑦᑕ ᐅᓂᒃᑳᖓ ᐃᒪᐃᓕᖓᔪᖅ “ᐱᐅᓯᒃᑲᓐᓂᕈᓐᓇᓪᓚᕆᑦᑐᖅ ᑲᐱᔭᐅᖃᑦᑕᖅᑐᑦ ᑕᒪᒃᑯᐊ ᓄᐊᑕᐅᕙᓪᓕᐊᓗᑎᑦ ᖃᕋᓴᐅᔭᒃᑯᑦ ᐊᒻᒪᓗ ᐅᓂᒃᑲᐅᓯᕆᔭᐅᓗᑎ ᖃᔅᓯᑦ ᑲᐱᔭᐅᖃᑦᑕᕐᒪᖔᑕ. ᐊᒻᒪᓗ ᑖᓐᓇ ᐊᑎᓕᐅᕈᑎᒋᔭᐅᕙᓪᓕᐊᓂᐊᖅᖢᓂ ᖃᓄᑎᒋ ᑲᐱᔭᐅᓂᖅ ᐊᑐᖅᑕᐅᒻᒪᖔᖅ, ᖃᓄᖅᑑᕈᑎᒃᓴᓕᐊᕆᔭᐅᔪᑦ ᑖᒃᑯᓄᖓ ᐅᖁᒪᐃᓐᓂᐊᕐᕕᑯᓐᓄᑦ, ᐊᒻᒪᓗ ᓄᓇᕗᒻᒥᐅᑦ ᐊᑐᐃᓐᓇᖃᕐᓂᖏᑦ ᑕᒪᒃᑯᓄᖓ ᑲᐱᔭᐅᖃᑦᑕᖅᓯᒪᔪᕕᓂᕐᓂ.” ᖃᓄᐃᓕᖓᓕᖅᐸ ᑕᒪᓐᓇ, ᒥᓂᔅᑕ? ᖁᔭᓐᓇᒦᒃ, ᐅᖃᖅᑏ. ᐅᖃᖅᑎ: ᐋᓐᓂᐊᖃᕐᓇᙱᑦᑐᓕᕆᔨᒃᑯᓐᓄᑦ, ᒥᓂᔅᑕ ᐳᕉᔅᑐ. ᐊᖓᔪᖅᑳᖅ ᔮᓇᑦ ᐳᕉᔅᑐ (ᑐᓵᔨᑎᒍᑦ): ᖁᔭᓐᓇᒦᒃ, ᐅᖃᖅᑏ. ᑕᐃᒃᑯᐊ ᐋᓐᓂᐊᖃᕐᓇᙱᑦᑐᓕᕆᔨᒃᑯᑦ ᐃᖅᑲᓇᐃᔭᖅᑎᖏᑦ, ᒪᑯᓄᖓᓗ ᐊᐃᒃᑐᕐᓗᑦᑕᐅᖃᑦᑕᖅᑐᓂ ᑲᒪᔨᐅᔪᖅ, ᐅᖁᒪᐃᓐᓂᓂᐊᕐᕕᒻᒥᓗ ᐃᖅᑲᓇᐃᔭᖅᑏᑦ ᑖᒃᑯᓂᖓ ᐊᑎᕐᓂᑦ ᓄᐊᑦᑎᕙᓪᓕᐊᔪᑦ. ᐊᒻᒪᓗ ᐅᖃᖅᑏ, ᑕᒪᓐᓇ ᐱᓕᕆᐊᕆᔭᐅᕙᓪᓕᐊᔪᖅ ᐋᖅᑭᓱᖅᑕᐅᕙᓪᓕᐊᔪᖅ, ᓄᐊᑦᑎᕕᑦᑕᖃᓕᕈᓐᓇᕐᓂᐊᕐᒪᑦ ᖃᕆᓴᐅᔭᒃᑯᑦ ᐱᔪᓐᓇᕐᓂᓕᒪᑦᑎᓐᓂ. ᐅᖃᐅᓯᕆᖅᑲᐅᔭᖓ ᑖᔅᓱᒪ ᐊᒻᒪᓗ ᑕᖅᑲᒃᑯᐊ ᖃᔅᓯᑦ ᑲᐱᔭᐅᖃᑦᑕᕐᒪᖔᖏᑦ. ᑎᑎᕋᖅᑕᐅᓯᒪᓗᑎᑦ ᑕᒪᒃᑯᐊ ᑲᐱᔭᐅᖃᑦᑕᖅᑐᓕᒪᑦ ᐃᓕᓐᓂᐊᕋᓗᐊᕈᑎ, ᐃᖏᕐᕋᔭᒐᓗᐊᕈᑎ. ᑕᒪᒃᑯᐊ ᐊᒃᓱᐊᓗᒃ ᐱᖅᔪᐊᖑᔪᑦ ᓄᐊᑕᐅᕙᓪᓕᐊᖃᑦᑕᕐᓂᖏᑦ ᐊᑎᓕᐅᖅᑕᐅᕙᓪᓕᐊᑲᑦᑕᕐᓂᖏᓪᓗ. ᖁᔭᓐᓇᒦᒃ, ᐅᖃᖅᑏ. ᐅᖃᖅᑎ: ᑐᒡᓕᐊ ᐊᒻᒪᓗ ᑭᖑᓪᓕᖅᐹᖅ ᐃᓚᒋᐊᕈᑏᑦ, ᒥᔅᑕ ᖁᓕᒃᑖᓇ. ᖁᓕᒃᑖᓇ (ᑐᓵᔨᑎᒍᑦ): ᖁᔭᓐᓇᒦᒃ, ᐅᖃᖅᑏ, ᐊᒻᒪᓗ ᖁᔭᓐᓇᒦᒃ ᑭᐅᒐᕕᑦ. ᐅᖃᖅᑏ, ᑳᓐᓱᖃᕐᒪᖔᖅ ᖃᐅᔨᓴᖅᑕᐅᖃᑦᑕᕐᓂᖅ ᑕᒪᓐᓇ ᓂᓪᓕᐅᑎᒋᒃᑲᓐᓂᕈᒪᔭᕋ. ᑐᓴᒐᒃᓴᐃᑦ ᒥᓂᔅᑕᐅᑉ ᐱᓕᕆᕝᕕᖓᓄᑦ ᓴᖅᑭᑕᐅᓚᐅᖅᑐᑦ ᐅᖃᖅᓯᒪᔪᑦ ᐅᓄᖅᓯᑲᓂᕐᓂᐊᖅᑐᒡᒎᖅ ᑕᒪᒃᑯᐊ ᐃᖢᒃᑯᑦ ᑳᓐᓱᓕᑦ, ᐳᕙᒃᑯᑦ, ᐊᒻᒪᓗ ᐃᓪᓕᐊᒃᑯᑦ ᐊᕐᕌᒍᓂ ᐊᒡᒋᖅᑐᓂ ᐊᑕᐅᓯᐅᙱᑦᑐᓂ ᓄᓇᓕᓐᓂ. ᖃᓄᐃᑦᑐᓂᑦ ᐸᕐᓇᐅᓯᐅᖅᓯᒪᕕᓯ ᑕᐃᒪᐃᑦᑐᓂᑦ ᖁᕐᓗᖅᑑᕐᒧᑦ? ᖁᔭᓐᓇᒦᒃ, ᐅᖃᖅᑏ. ᐅᖃᖅᑎ: ᒥᓂᔅᑕ ᐳᕉᔅᑐ. ᐊᖓᔪᖅᑳᖅ ᔮᓇᑦ ᐳᕉᔅᑐ (ᑐᓵᔨᑎᒍᑦ): ᖁᔭᓐᓇᒦᒃ, ᐅᖃᖅᑏ, ᐊᒻᒪᓗ ᖁᔭᓐᓇᒦᖅᖢᒍ ᑖᓐᓇ ᐊᐱᖅᑯᑎᒋᔭᐃᑦ. ᐅᓇ ᖁᕐᓗᖅᑐᖅ ᑕᕝᕙᓂ ᑕᐃᔭᐅᖃᓯᐅᔾᔭᐅᒻᒪᖔᖅ ᑕᑯᓇᓱᒃᖢᖓ ᐃᓕᓐᓂᐊᕐᕕᓐᓂ ᑕᐃᒃᑯᐊ ᖃᐅᔨᓴᖅᑕᐅᔪᑦ, ᖁᕐᓗᖅᑐᖅ ᑕᕝᕙᓂ ᑎᑎᕋᖅᑕᐅᖃᓯᐅᔾᔭᐅᓯᒪᙱᑦᑑᒐᓗᐊᖅ. ᑭᓯᐊᓂ, ᑕᒪᒃᑯᐊ ᑳᓐᓱᖃᕐᒪᖔᖅ ᖃᐅᔨᓴᐅᑏᑦ, ᐃᖏᕐᕋᓯᕙᓪᓕᐊᓕᖅᑎᓪᓗᒋᑦ ᐅᓄᕐᓂᖅᐹᓄᑦ ᓄᓇᓕᓐᓄᐊᖅᑕᖃᑦᑕᕋᓱᓐᓂᐊᖅᑐᒍᑦ. ᐊᒻᒪᓗ ᖃᖓ ᐅᓪᓗᖅ ᐱᒋᐊᖅᑕᐅᓂᐊᕐᒪᖔᖏᑦ ᖁᕐᓗᖅᑐᒥ. ᖁᔭᓐᓇᒦᒃ, ᐅᖃᖅᑏ. ᐅᖃᖅᑎ: ᐅᖃᐅᓯᒃᑯᑦ ᐊᐱᖅᑯᑏᑦ. ᒪᓕᒐᓕᐅᖅᑎ ᐸᓐᓂᖅᑑᒧᑦ, ᒥᔅᑕ ᒪᐃᒃ. ᐊᐱᖅᑯᑦ 76 – 72): ᒥᑦᑕᕐᕕᑦᑕ ᓅᑕᐅᓂᒃᓵᓄᑦ ᐸᖕᓂᖅᑑᕐᒥ (ᒪᐃᒃ) ᒪᐃᒃ: ᖁᔭᓐᓇᒦᒃ, ᐅᖃᖅᑏ. ᐅᕙᖓ ᐃᑉᐸᔅᓴᖅ ᑲᑎᒪᔾᔪᑎᒋᓚᐅᖅᑕᑎᓐᓂ ᐊᐱᖅᑯᑎᖃᕐᓂᐅᓴᔪᖓ, ᐅᖃᐅᓯᕆᓚᐅᖅᑕᒃᑲᓗ ᒥᓂᔅᑑᓪᓗ ᑕᒪᒃᑯᓄᖓ ᒥᕝᕕᓕᕆᓂᕐᒧᑦ ᐅᖃᐅᓯᕆᓚᐅᖅᑕᒃᑲ. ᐅᖃᓕᒫᖅᑐᒋᑦ, ᐃᓚᔭᕆᐊᖃᖅᑑᔮᕐᖓᑕ ᑐᑭᓯᓇᕈᑎᒃᑲᓂᕐᓂᑦ ᐸᓐᓂᖅᑑᒥ ᒥᕝᕕᐅᑉ ᓅᑕᐅᔪᓐᓇᖅᓯᒍᓐᓇᕐᓂᖓᑕ ᒥᔅᓵᓅᖓᔪᓂᑦ.

ᐊᐃᑉᐹ, ᔫᓂ 02, 2026 ᓄᓇᕗᒥ ᒪᓕᒐᓕᐅᕐᕕᒻᒧᑦ ᑲᑎᒪᔾᔪᑏᑦ 25 ᑕᐃᒪ ᐅᖃᓪᓚᓚᐅᕋᑦᑕ ᑲᑎᒪᑎᓪᓗᑕ ᐅᑯᐊ ᐅᖃᐅᓯᖏᓐᓂ ᑕᒫᓂ ᓄᓇᕗᒻᒥ ᐱᕙᓪᓕᐊᔪᓕᕆᓂᖅ ᒪᓕᖃᑦᑕᙳᓱᑦᑐᖅ ᐊᑦᑕᓇᙱᑎᐊᖅᑐᓄᑦ ᐊᐅᓚᑦᑎᐊᕈᓐᓇᖅᑐᓄᑦ ᖃᖓᑕᓲᒃᑯᑦ ᐊᐅᓚᓃᑦ ᒥᕝᕕᖃᕆᐊᓖᑦ. ᐊᒻᒪᑦᑕᐅᖅ ᐅᖃᒃᑲᓐᓂᓚᐅᕐᒥᔪᒍᑦ ᑕᕝᕙᓂ ᑲᑎᒪᓂᕐᒥ ᑕᒪᓐᓇ ᐱᕙᓪᓕᐊᔪᓕᕆᓂᖅ ᓄᓇᓕᓐᓂ ᐱᕕᔅᓴᖃᑦᑎᐊᖁᓪᓗᒍ ᐅᖃᐅᓯᕆᓚᐅᕐᒥᔭᕗᑦ. ᑖᒃᑯᐊ ᐱᔾᔪᑎᒋᓪᓗᒋᑦ ᐅᓇ, ᐅᖃᖅᑏ, ᐆᑦᑑᑎᒋᖅᑳᕈᒪᔭᕋ ᐸᓐᓂᖅᑑᒥ ᐅᓪᓗᒥ ᐃᒪᐃᖃᑦᑕᖅᑐᖅ ᖃᖓᑕᓲᖅ, ᑎᓴᒪᐃᕋᕈᓂ ᐅᓯᔪᓐᓇᕐᓂᓕᒫᖓᓄᑦ, ᒥᕝᕕᐅᑉ ᓇᐃᓗᐊᕐᓂᖓ ᐱᓪᓗᒍ, ᖃᖓᑕᓲᑦ ᑎᓴᒪᑦ ᑎᑭᒃᑲᔭᖅᑲᑕ ᐸᓐᓂᖅᑑᒧᑦ, ᐅᓯᓂᖓ ᒪᓕᑐᐃᓐᓇᕋᔭᖅᑐᖅ ᐱᖓᓱᓄᑦ ᖃᖓᑕᓲᓄᑦ. ᑖᓐᓇ ᐱᔾᔪᑎᖃᕐᖓᑦ ᐱᔾᔭᐃᒃᑯᓯᖅᓯᒪᒻᒪᑦ ᓇᐃᓗᐊᕐᓂᖓᓄᑦ, ᑕᐃᒫᑎᒋ ᑕᕝᕙ ᐸᓐᓂᖅᑑᒥ ᓂᐅᕕᐊᔅᓴᕈᔪᐃᑦ ᐊᑭᑦᑐᕆᐊᒃᑲᓂᖅᐸᑦᑐᑦ. ᐅᓯᔪᓐᓇᕐᓂᖓ ᑖᓐᓇ ᒪᓕᒐᑖᖅᓯᒪᒻᒪᑦ ᐃᓗᐃᑦᑐᒥ ᖃᖓᑕᓲᖅ ᐊᑐᖅᑕᐅᕙᑦᑐᖅ ᐸᓐᓂᖅᑑᒧᑦ ᐅᓯᔪᓐᓇᙱᒻᒪᑕ. ᑖᓐᓇᖃᐃ ᒥᓂᔅᑕ ᓇᓗᓇᐃᖅᓯᑦᑎᐊᕈᓐᓇᖅᑲ ᑖᒃᑯᐊ ᒐᕙᒪᒃᑯᑦ ᐊᖏᖅᓯᒪᒻᒪᖔᑕ (ᑐᓵᔨᑎᒎᓕᖅᑐᖅ) ᐸᓐᓂᖅᑑᑉ ᒥᕝᕕᖓ ᓄᑦᑎᖅᑕᐅᖁᓪᓗᒍ ᐊᓯᐊᓄᑦ. (ᑐᓵᔨᑎᒎᕈᓐᓃᖅᑐᖅ) ᖁᔭᓐᓇᒦᒃ, ᐅᖃᖅᑏ. ᐅᖃᖅᑎ: ᐃᖏᕐᕋᔪᓕᕆᔨᒃᑯᓐᓄᑦ ᐊᐅᓚᔪᓐᓇᐅᑎᓕᕆᔨᒃᑯᓐᓄᑦ, ᒥᓂᔅᑕ ᕼᐃᒃᔅ. ᐊᖓᔪᑳᖅ ᔪᐊᔾ ᕼᐃᒃᔅ (ᑐᓵᔨᑎᒍᑦ): ᖁᔭᓐᓇᒦᒃ, ᐅᖃᖅᑏ. ᐃᓕᓴᕆᓪᓗᒍ ᑖᔅᓱᒪ ᐊᒃᓱᕉᑎᒋᓪᓚᕆᒻᒪᒍ ᑕᐃᓐᓇ ᒥᕝᕕᒃ ᓄᒃᑎᑕᐅᔪᒪᓂᖓᓗ. ᐊᑦᑕᓇᔾᔭᐃᖅᓯᒪᓂᖅ ᐅᖃᐅᓯᖃᖅᖢᑕ, ᑭᓯᐊᓂ ᑕᐃᒪᙵᓕᒫᖅ ᐱᓕᕆᑎᓪᓗᑕ ᐊᑦᑕᓇᔾᔭᐃᖅᓯᒪᓂᖅ ᑕᒪᓐᓇᐅᖏᓐᓇᐅᔭᕐᒪᑦ ᐊᒻᒪᓗ ᑕᐃᒪᐃᓐᓂᖓᓄᑦ ᐸᓐᓂᖅᑑᑉ ᒥᕝᕕᖓ ᕿᒃᑯᓕᖅᑕᐅᖁᔭᕗᑦ ᐊᑦᑕᓇᙱᓂᖅᓴᐅᖁᓪᓗᒍ. ᐊᒻᒪᓗ ᑕᐃᓐᓇ ᓇᐃᓗᐊᕐᓂᖓ ᐱᓪᓗᒍ ᐃᓱᒫᓘᑎᒋᔭᖓᓗ ᐊᒻᒪᓗ ᖃᖓᑕᓲᑦ ᑎᑭᖃᑦᑕᕐᓂᖏᑦ. ᑕᐃᒪᙵᓕᒫᖅ ᑖᔅᓱᒪ ᒥᕝᕕᐅᑉ ᓅᑕᐅᔪᒪᓂᖓ ᐊᒃᓱᕉᑎᒌᓐᓇᖅᓯᒪᒻᒪᒍ ᑖᔅᓱᒪ ᒪᓕᒐᓕᐅᖅᑎᐅᑉ. ᐃᒃᐸᔅᓴᖅ ᐅᖃᓚᐅᕋᒪ ᐊᒻᒪ ᑭᖑᓂᐊᒍᑦ, ᑕᒪᒃᑯᐊ ᐱᓕᕆᐊᖑᕙᓪᓕᐊᔪᑦ ᐊᕐᕌᒍᑕᒫᖅ ᓯᕗᓪᓕᐅᔾᔭᐅᔪᔅᓴᑦ ᒪᑯᐊ ᑕᐃᒪᓐᓇ ᐋᖅᑭᒃᓯᒪᖃᑦᑕᕐᒪᑕ ᐊᒻᒪᓗ ᑮᓇᐅᔭᑦ ᐊᑐᕈᒫᕐᓂᐊᖅᑐᑦ ᕿᓕᖅᑯᑖᖏᓐᓇᖃᑦᑕᕐᓂᖏᑦ. ᐅᖃᖅᑏ, ᑕᐃᓐᓇ ᑮᓇᐅᔭᖅᑐᕐᔪᐊᓂᐊᕐᓂᖓ ᐃᓱᒪᒋᔭᕗᑦ, ᑮᓇᐅᔭᖅᑐᓗᐊᕐᓂᐊᕐᓂᖓᓗ ᐱᓪᓗᒍ, ᖃᓄᑭᐊᖅ ᐅᖃᑦᑎᐊᕋᔭᖅᐸᕋ, ᑮᓇᐅᔭᑦ ᐊᑕᐅᓯᕐᒧᑦ ᐱᓕᕆᐊᒧᑦ ᐃᓕᔭᕆᐊᖃᕋᔭᖅᑕᕗᑦ ᑕᐃᒃᑯᐊ ᒥᕝᑯᓕᒫᑦ ᓄᓇᕗᒻᒥ ᐃᓱᒪᒋᖃᓯᐅᑎᔭᕆᐊᖃᖅᑎᓪᓗᑎᒃᑯ. ᑖᓐᓇ ᒪᓕᒐᓕᐅᖅᑎ ᐅᖃᓚᐅᕐᒪᑦ ᐊᕙᑎᓄᑦ ᑐᕌᖓᔪᑦ ᒥᕝᕖᑦ ᓴᓇᔭᐅᖃᑦᑕᓂᐊᕐᓂᖏᑦ. ᑕᒪᒃᑯᐊ ᐊᖏᔫᑏᑦ ᐱᓕᕆᐊᑦ ᑲᑐᔾᔨᖃᑎᒌᓐᓂᒃᑰᖃᑎᒋᓐᓂᐊᖅᑕᕗᑦ ᑕᒪᒃᑯᐊ ᐃᓱᒪᒋᖃᓯᐅᑎᔭᕆᖃᕐᓂᐊᖅᑕᕗᑦ. ᐊᒻᒪᓗ ᓴᓇᖃᑕᐅᔪᒪᑉᐸᑦ, ᐄ’, ᑕᒪᓐᓇ ᓯᕗᒧᐊᒃᐸᓪᓕᐊᑎᑦᑐᒪᓂᐊᖅᑕᕗᑦ. ᑭᓯᐊᓂ ᓯᕗᓂᔅᓴᑎᓐᓂ ᒫᓐᓇ ᐃᒪᐃᓕᓂᐊᖅᑐᖔᓚᒍᓐᓇᙱᑦᑐᖓ ᐅᓪᓗᒥ. ᖁᔭᓐᓇᒦᒃ, ᐅᖃᖅᑏ. ᐅᖃᖅᑎ: ᓯᕗᓪᓕᖅᐹᒥ ᐃᓚᒋᐊᕈᑏᑦ ᐊᐱᖅᑯᑎᓐᓄᑦ, ᒥᔅᑕ ᒪᐃᒃ. ᒪᐃᒃ: ᖁᔭᓐᓇᒦᒃ, ᐅᖃᖅᑏ. ᖁᔭᓐᓇᒦᒃ, ᒥᓂᔅᑕ ᑐᑭᓯᒐᕕᑦ ᐊᑦᑕᓇᖅᑑᓂᖓᓂ. ᐊᑦᑕᓇᙱᑦᑐᒥ ᐊᑐᕈᓐᓇᖅᓯᒋᐊᖃᕋᓗᕐᖓᑦ ᐸᓐᓂᖅᑑᖅ. (ᑐᓵᔨᑎᒎᓕᖅᑐᖅ) ᐊᑕᐅᓯᐊᕐᓇᒍ ᑖᓐᓇ ᓂᓪᓕᐅᑎᒋᖃᑦᑕᖅᓯᒪᒐᒃᑯ ᑮᓇᐅᔭᓕᐅᕋᓱᐊᕐᓂᖅ ᒥᕝᕕᑦᑖᕈᑦᑕ ᓄᑖᒥᒃ ᐱᕚᓪᓕᐅᑎᓪᓚᕆᐅᓂᐊᖅᑐᖅ ᐸᓐᓂᖅᑑᒧᑦ, ᐃᒪᐃᓕᖓᒐᑦᑕ ᑕᐃᑲᓂ.

ᐊᐃᑉᐹ, ᔫᓂ 02, 2026 ᓄᓇᕗᒥ ᒪᓕᒐᓕᐅᕐᕕᒻᒧᑦ ᑲᑎᒪᔾᔪᑏᑦ 26 (ᑐᓵᔨᑎᒎᕈᓐᓃᖅᑐᖅ) ᑖᒃᑯᐊ ᐱᕙᓪᓕᐊᔪᓕᕆᓂᕐᒧᑦ ᐊᑐᓪᓚᕆᑉᐸᑦᑐᑦ: ᐳᓚᕋᑦᑐᓕᕆᓂᖅ, ᐃᖃᓗᓕᕆᓂᖅ ᖃᓕᕋᓕᓐᓂ ᐱᓗᐊᖅᑐᒥ, ᓴᓇᔭᐅᓯᒪᔪᐃᑦ, ᓴᓇᙳᐊᖅᑏᑦ ᓴᓇᖃᑦᑕᖅᑕᖏᑦ ᖃᐅᔨᒪᔭᐅᑦᑎᐊᖅᑐᑦ ᓯᓚᖅᔪᐊᕐᒥ. ᐊᒻᒪᓗ ᒥᕐᖑᐃᓯᕐᕕᒃ, (ᑐᓵᔨᑎᒎᓕᖅᑐᖅ) ᐊᐃᔪᐃᑦᑐᖅ ᒥᕐᖑᐃᓯᕐᕕᒃ (ᑐᓵᔨᑎᒎᕈᓐᓃᖅᑐᖅ), ᑖᓐᓇ ᑕᑯᒥᒋᔭᐅᓪᓗᓂ ᐅᐸᑦᑕᐅᙱᓐᓇᖅᑐᖅ ᖃᖓᑐᐃᓐᓇᒃᑯᑦ ᐊᒻᒪᓗ (ᑐᓵᔨᑎᒎᓕᖅᑐᖅ ᐊᕐᕙᒐᓱᒃᑎᑦ ᓄᓇᑐᖃᖓ ᒥᕐᙳᐃᖅᓯᕐᕕᒃ (ᑐᓵᔨᑎᒎᕈᓐᓃᖅᑐᖅ). ᑕᕝᕙᐅᒥᔪᑦ ᑖᒃᑯᐊ ᐃᓚᐃᓐᓇᖏᑦ ᓇᓗᓇᐃᖅᑕᒃᑲ. ᑖᓐᓇ ᐱᔾᔪᑎᒋᓪᓗᒍ ᐸᓐᓂᖅᑑᖅ ᐱᓕᕆᑦᑎᐊᖅᑐᖅ ᓄᓇᕗᒻᒧᑦ ᑲᓇᑕᒧᓪᓗ ᓯᓚᖅᔪᐊᒧᓪᓗ, ᑖᒃᑯᓇᖓᑦ ᐳᓚᕋᑦᑐᓕᕆᓂᕐᒥᑦ, ᒥᕐᖑᐃᓯᕐᕕᖃᕐᓂᕐᒥᒃ, ᖃᓕᕋᓕᓐᓂᓪᓗ. (ᑐᓵᔨᑎᒎᓕᖅᑐᖅ) ᓇᒥᑐᐃᓐᓇᖅ ᐃᖃᓗᒐᓱᑦᑐᑦ ᐃᑎᔪᓂᑦ ᖃᓂᓐᓂᖅᓴᒥᓪᓗ ᒪᑯᐊᓗ ᖃᓕᕋᓖᑦ, ᑭᖑᑉᐸᐃᑦ ᐱᓇᓱᖃᑦᑕᖅᑕᕗᑦ ᐊᒻᒪᓗ ᑖᒃᑯᐊ ᑰᑕᖏᑦ ᐅᖁᒪᐃᓐᓂᖏᓪᓗ $140-ᒥᓕᐊᖏᓐᓂ ᐊᑭᖃᓪᓗᐊᖅᑐᑦ. ᑮᓇᐅᔭᓕᐅᕈᑎᒃᓴᐃᑦ. ᑮᓇᐅᔭᖅ ᑕᖅᑲᑲ. ᐃᓚᐃᓐᓇᑯᓗᖏᓄᑯᐊ ᓇᓗᓇᐃᖅᑲᐅᔭᒃᑲ. ᑖᓐᓇ ᒥᓂᔅᑕ ᐊᐱᕆᔪᒪᓪᓗᒍ ᓇᓗᓇᐃᖅᓯᔪᓐᓇᖅᐹ ᑐᓴᒐᒃᓴᑲᓐᓂᕐᓂᑦ ᖃᓄᐃᑦᑐᓂᑦ ᐱᔭᕆᐊᖃᖅᐸ ᐸᓐᓂᖅᑑᒥ ᓄᑖᖑᓂᖅᓴᐅᔪᓂᑦ ᐱᓕᕆᐊᖑᔪᒃᓴᑦ ᓇᒻᒥᓂᖁᑎᓄᒋᔭᐅᔪᓐᓇᖅᑐᓂᓪᓗ ᑲᓇᑕᐅᑉ ᒐᕙᒪᒃᑯᖏᓐᓄᑦ ᐊᑭᑐᔪᖅᑐᕈᑎᔅᓴᓂ ᐱᒃᑲᓐᓂᕈᑎᒋᔪᓐᓇᓂᐊᖅᑕᒥᓂ? (ᑐᓵᔨᑎᒎᕈᓐᓃᖅᑐᖅ) ᖁᔭᓐᓇᒦᒃ, ᐅᖃᖅᑏ. ᐅᖃᖅᑎ: ᒥᓂᔅᑕ ᕼᐃᒃᔅ. ᐊᖓᔪᖅᑳᖅ ᔪᐊᔾ ᕼᐃᒃᔅ (ᑐᓵᔨᑎᒍᑦ): ᖁᔭᓐᓇᒦᒃ, ᐅᖃᖅᑏ. ᑐᓴᒐᒃᓴᑲᓐᓂᕐᓂᑦ ᕼᐋᒻᒪᓚᒃᑯᑦ ᑲᑎᒪᔨᖏᑦ ᖃᐃᑦᑎᔪᓐᓇᖅᐸᑕ ᐅᕙᓐᓄᑦ ᐅᕝᕙᓘᓐᓃᑦ ᐱᓕᕆᕕᑦᑎᓐᓄᑦ. ᒫᓐᓇ ᖃᐅᔨᒪᓇᖓ ᓯᕗᒧᐊᒃᐸᓪᓕᐊᔾᔪᑎᒋᒃᑲᓐᓂᕈᓐᓇᖅᑕᑦᑎᓐᓂ ᑲᑐᔾᔨᖃᑎᒌᓐᓂᒃᑰᖃᑎᖃᙱᑯᑦᑕ. ᒥᓂᔅᑕᐃᑦ ᐅᖃᐅᓯᖏᑎᒍᑦ, ᐱᖓᓱᓂᑦ ᒫᓐᓇ ᓯᕗᓪᓕᐅᔾᔨᓯᒪᔪᒍᑦ ᒥᕝᕕᓕᕆᓂᕐᒧᑦ ᑐᕌᖓᔪᓂᑦ ᐊᒻᒪᓗ ᑕᐃᒪᙵᓕᒪᖅ ᐅᖃᓪᓚᖃᑎᒋᖃᑦᑕᖅᑕᕋ ᑕᐃᓐᓇ ᑲᓇᑕᐅᑉ ᒐᕙᒪᒃᑯᖏᓐᓂ ᒥᓂᔅᑕᐅᖃᑎᒐ, ᐃᖃᓗᒃᑑᑦᑎᐊᕐᒥ ᑕᐃᓐᓇ ᒥᕝᕕᒃ ᓄᑖᙳᕆᐊᖅᑕᐅᑉᐸᑦ ᐊᒻᒪᓗ ᖃᐅᓱᐃᑦᑑᑉ ᒥᕝᕕᖓ, ᑲᓇᑕᐅᑉ ᒐᕙᒪᒃᑯᖏᓐᓄᑦ ᑕᐃᓐᓇ ᓴᖅᑭᑎᑕᐅᑲᓐᓂᕋᓱᒻᒪᑦ. ᐅᖃᖅᑏ, ᐊᑏ ᐅᖃᓪᓚᖃᑎᒌᓐᓇᕐᓚᕗᑦ ᕼᐋᒻᒪᒃᑯᓪᓗ ᑕᒪᓐᓇ ᓯᕗᓪᓕᐅᔾᔭᐅᖁᓪᓗᒍ ᐱᖁᑎᕐᔪᐊᓕᕆᓂᕐᒧᑦ ᐱᓕᕆᕕᒃ ᐃᓪᓗᒍ. ᓇᑭᓪᓗ ᑮᓇᐅᔭᖅᑖᕈᓐᓇᓂᐊᕐᒪᖔᑦ. ᐊᒻᒪᓗ ᐅᖃᖅᑏ, ᑮᓇᐅᔭᑦ ᕿᓗᖅᑭᑖᖃᑦᑕᑎᓪᓗᒋᑦ ᑖᓐᓇ ᓄᑦᑎᖅᑕᐅᔪᒪᓂᖓ ᐸᓐᓂᖅᑑ ᒥᕝᕕᖓ, ᓇᐅᒃ, ᐊᔪᕐᓇᑐᖅ ᒫᓐᓇ. ᑭᓯᐊᓂ ᒥᓂᔅᑕ ᑖᓐᓇ, ᐊᑏ ᕼᐋᒻᒪᓚᒃᑯᒥᓂᒃ ᐊᒃᓱᕉᑎᖃᕐᓕ ᑕᒪᓐᓇ ᖃᐅᔨᒪᔮᕆᔭᐅᓂᐊᕐᒪᑦ ᓴᖅᑭᑎᖅᐹᓪᓕᕈᓐᓇᓂᐊᕐᒪᒍ. ᖁᔭᓐᓇᒦᒃ. >>ᐃᓪᓚᖅᑐᑦ ᐅᖃᖅᑎ: ᑐᒡᓕᐊ ᐊᒻᒪᓗ ᑭᖑᓪᓕᖅᐹᖅ ᐊᐱᖅᑯᑎᒋᔭᐃᑦ, ᒥᔅᑕ ᒪᐃᒃ. ᒪᐃᒃ: ᓇᒥᓕᒫᖅ ᒥᓂᔅᑖᖅᑕᐅᕙᒃᑲ ᐃᓛᓐᓂ, ᖁᔭᓐᓇᒦᒃ. ᖁᔭᓐᓇᒦᒃ ᑕᐃᒫᒃ ᑭᐅᒐᕕᑦ, ᑖᒃᑯᐊ. (ᑐᓵᔨᑎᒎᓕᖅᑐᖅ) ᐄ’, ᑐᓴᒐᒃᓴᑲᓐᓂᕐᓂᑦ ᐅᑕᖅᑭᓂᐊᖅᐳᖓ ᑎᑎᕋᕐᕕᓯᓐᓃᖔᖅᑐᓂᑦ. ᕼᐋᒻᒪᓚᒃᑯᓃᖔᖅᑐᓂᑦ ᐱᓂᐊᖅᐳᖓ ᐱᓕᕆᕝᕕᓯᓐᓄᐊᖅᑕᐅᔪᓐᓇᓂᐊᕐᒪᑦ. (ᑐᓵᔨᑎᒎᕈᓐᓃᖅᑐᖅ) ᖁᔭᓐᓇᒦᒃ ᑖᓐᓇ ᓇᓗᓇᐃᕋᕕᐅᒃ. (ᑐᓵᔨᑎᒎᓕᖅᑐᖅ) ᐊᒻᒪ ᐅᖃᖅᑲᐅᒻᒥᒐᕕᑦ ᑕᐃᓐᓇ ᒥᕝᕕᒻᒥ ᒫᓐᓇ ᐊᑐᖅᑕᕗᑦ ᕿᑯᓕᖅᑕᐅᔪᒪᓂᖓ. ᐄ’, ᑕᒪᓐᓇ ᖃᐅᔨᒪᓪᓗᒍ ᐅᔾᔨᕆᓗᒍᓗ ᐊᒻᒪᓗ ᒥᕝᕕᒃ ᓴᓇᔭᐅᑎᓪᓗᒍ ᐊᑐᖅᑕᐅᕈᓐᓇᓂᐊᖅᑐᒃᓴᐅᔪᖅ ᐊᕐᕌᒍᓄᖅᑲᐃ ᐊᑕᐅᓯᐅᙱᑦᑐᓂ ᐱᓕᕆᐊᕆᔭᐅᔭᕆᐊᖃᕐᓂᐊᕐᒪᑦ, ᒪᕐᕉᓄᖅᑲᐃ. ᒥᓂᔅᑕᖃᐃ ᐅᓂᒃᑲᐅᓯᖃᕈᓐᓇᖅᐸ ᐱᓕᕆᕕᓯ ᖃᓄᐃᓕᐅᓂᐊᕐᒪᖔᖅ ᑕᐃᓐᓇ ᐱᐅᓯᒃᑲᓐᓂᖁᓪᓗᒍ ᒪᓐᓇ ᐊᑐᖅᑕᕗᑦ ᒥᕝᕕᒃ? ᖁᔭᓐᓇᒦᒃ.

ᐊᐃᑉᐹ, ᔫᓂ 02, 2026 ᓄᓇᕗᒥ ᒪᓕᒐᓕᐅᕐᕕᒻᒧᑦ ᑲᑎᒪᔾᔪᑏᑦ 27 ᐅᖃᖅᑎ: ᐃᖏᕐᕋᔪᓕᕆᔨᒃᑯᓐᓄᑦ, ᒥᓂᔅᑕ ᕼᐃᒃᔅ. ᐊᖓᔪᖅᑳᖅ ᔪᐊᔾ ᕼᐃᒃᔅ (ᑐᓵᔨᑎᒍᑦ): ᖁᔭᓐᓇᒦᒃ, ᐅᖃᖅᑏ. ᒪᒥᐊᓇᖅ. ᐄ’, ᐅᖃᖅᑏ. ᑖᓐᓇ ᒥᑦᑕᕐᕕᒃ ᑕᐃᓐᓇ ᐊᑐᖅᑕᐅᖏᓐᓇᓂᐊᖅᑐᖅ ᑕᒪᒃᑯᓂᖓ ᐱᓕᕆᐊᖃᕋᓗᐊᖅᑎᓪᓗᒋᑦ, ᐊᒡᒍᑐᖅᓯᒪᓪᓗᒋᑦ ᐱᓕᕆᔭᐅᖃᑦᑕᓂᐊᖅᑐᖅ ᐊᕕᒃᑐᖅᓯᒪᓗᒋᑦ ᒥᑦᑕᕐᕕᒃ ᑕᐃᓐᓇ ᒪᑐᔭᐅᑦᑎᐊᒻᒪᕆᔾᔮᙱᑦᑐᖅ. ᐅᖃᖅᑏ, ᐃᓕᓴᖅᓯᔪᖓ ᑖᒃᑯᐊ ᐱᔭᕐᓂᖏᑦᑑᒃᑰᕐᒪᑕ ᑖᓐᓇᓗ ᑲᑎᒪᔨ ᓴᖅᑮᓇᖅᑕᖓ ᑕᒪᑐᒧᖓ ᐱᔾᔪᑎᐅᔪᖅ ᒥᕝᕕᖓ ᓄᓇᓕᐅᑉ ᕿᑎᐊᓃᒻᒪᑦ. ᐊᖏᓪᓕᒋᐊᒃᑲᓐᓂᕈᓐᓇᖏᒻᒪᑦ, ᑖᓐᓇ ᐱᔾᔪᑎᒋᓪᓗᒍ ᑖᒃᑯᐊ ᐊᓯᐊᓂᖃᐃ ᓅᒃᑎᖅᑕᐅᑉᐸᑦ ᑕᐃᒪᓐᓇᐃᑦᑐᓐᓇᖅᓯᒐᔭᖅᑐᖅ. ᑭᓯᐊᓂ ᖃᐃᖅᑭᓴᖅᑕᐅᓂᖓ ᒥᑦᑕᕐᕕᐅᑉ, ᐸᕐᓇᒃᓯᒪᔪᒍᑦ ᐊᐅᔭᖅ ᑕᒪᓐᓇ ᖃᐃᖅᑭᓴᖅᑕᐅᑲᓐᓂᖁᓪᓗᒍ. ᑭᓯᐊᓂ, ᐱᓕᕆᐊᒃᓴᕆᔭᐅᓂᐊᖅᑐᖅ ᖃᓄᖅ ᐊᑯᓂᐅᑎᒋᔪᖅ ᐱᓕᕆᔭᐅᓂᐊᕐᒪᖔᖅ ᑐᓴᒐᒃᓴᑦ ᐱᓯᒪᙱᓇᑦᑕ, ᑭᓯᐊᓂᓕ ᑲᑎᒪᔨᒧᑦ ᑐᓂᔪᓐᓇᓂᐊᖅᑕᕋ ᐃᓗᓕᑯᓘᔭᖃᕐᓗᒋᑦ ᖃᖓᒃᑯᑦ ᐱᓕᕆᔭᐅᓂᐊᕐᒪᖔᖅ, ᐱᒋᐊᖅᑕᐅᓂᐊᕐᒪᖔᖅ, ᐱᔭᕇᖅᑕᐅᓂᐊᕐᒪᖔᖅ. ᖁᔭᓐᓇᒦᒃ, ᐅᖃᖅᑏ. ᐅᖃᖅᑎ: ᐅᖃᐅᓯᒃᑯᑦ ᐊᐱᖅᑯᑏᑦ. ᐊᕐᕕᐊᑦ ᓂᒡᒋᐊᓄᑦ, ᒪᓕᒐᓕᐅᖅᑎ ᖃᑉᓗᑦᓯᐊᖅ. ᐊᐱᖅᑯᑦ 77 – 72): ᓄᓇᓕᖕᓂ ᐊᓐᓂᐊᖅᑐᓕᕆᓂᕐᒧᑦ ᐱᔭᕆᐋᓕᓐᓄᑦ ᕿᒥᕐᕈᔭᐅᓂᖓᑕ ᐱᔭᒃᓴᖓ (ᖃᑉᓗᑦᓯᐊᖅ) ᖃᑉᓗᑦᓯᐊᖅ: ᒪ’ᓇ, ᐅᖃᖅᑎᑦᑎᔩ. ᐊᐱᖅᑯᑎᒃᑲ ᑐᕌᖓᓂᐊᖅᑐᑦ ᒥᓂᔅᑕ ᐳᕉᔅᑐᒧᑦ, ᐋᓐᓂᐊᖃᕐᓇᙱᑦᑐᓕᕆᔨᒃᑯᑦ ᐱᔾᔪᑎᒋᓗᐊᒃᑲᓂᖅᖢᒋᑦ ᐊᕐᕕᐊᕐᒥᐅᖃᑎᒃᑲ. (ᑐᓵᔨᑎᒎᓕᖅᑐᖅ) ᐅᖃᖅᑏ, ᐅᖃᐅᓯᖃᒃᑲᓐᓂᕈᒪᒐᒪ ᓄᓇᓕᓐᓂ ᐋᓐᓂᐊᖃᕐᓇᙱᑦᑐᓕᕆᓂᕐᒧᑦ ᖃᐅᔨᓴᐃᔾᔪᑎᔅᓴᓂᑦ ᐱᓕᕆᕕᐅᑉ ᑖᒃᑯᐊ ᐱᓕᕆᖃᑦᑕᖅᓯᒪᔭᖏᑦ ᖃᐅᔨᓴᐃᔾᔪᑎᑦ ᐊᕐᕕᐊᓂ, ᐃᒡᓗᓕᒻᒥ, ᑕᓗᕐᔪᐊᓂᓗ. ᑖᒃᑯᐊ ᓴᖅᑭᖃᑦᑕᖅᓯᒪᔭᒃᑲ ᐅᑭᐅᒃᑯᑦ ᑲᑎᒪᕐᔪᐊᖅᑎᓪᓗᑕ. ᒥᓂᔅᑕ ᐅᖃᓚᐅᖅᑐᖅ ᑐᕋᒐᔅᓴᖃᖅᑲᐅᒻᒪᑕ ᐊᐅᔭᖅ ᑕᒪᓐᓇ ᐃᖅᑲᓇᐃᖅᑕᐅᓂᐊᕐᓂᖓᓂ. ᐅᖃᖅᑏ, ᔫᓂᐅᓕᕐᒪᑦ. ᒥᓂᔅᑕ ᑐᓴᖅᑎᑦᑎᔪᓐᓇᖅᐸ ᖃᐅᔨᓴᕈᑎᒋᔭᐅᔪᖅ ᑭᓱᑯᑦᑎᐊᓃᓕᕐᒪᖔᖅ, ᐅᓂᒃᑳᓕᕈᓐᓇᕆᕚ ᐊᑐᓕᖁᔭᓕᐅᕆᔭᐅᓂᐊᖅᑐᓂᑦ ᐱᓕᕆᕕᒻᒥ ᑐᓂᔭᐅᓯᒪᔪᓂᑦ? ᖁᔭᓐᓇᒦᒃ, ᐅᖃᖅᑏ. ᐅᖃᖅᑎ: ᐋᓐᓂᐊᖃᕐᓇᙱᑦᑐᓕᕆᓂᕐᒧᑦ, ᒥᓂᔅᑕ ᐳᕉᔅᑐ. ᐊᖓᔪᖅᑳᖅ ᔮᓇᑦ ᐳᕉᔅᑐ (ᑐᓵᔨᑎᒍᑦ): ᖁᔭᓐᓇᒦᒃ, ᐅᖃᖅᑏ. ᒫᓐᓇ ᓄᑖᕈᕆᐊᖅᓯᒪᔪᓂᑦ ᑐᓴᒐᒃᓴᓂᖅ ᐱᓯᒪᙱᓐᓇᒪ ᖃᐅᔨᓴᖅᑕᐅᓯᒪᔪᓂᑦ ᑭᓱᓂᑦ ᑭᙴᒪᒃᓯᒪᖔᑕ ᑐᓂᔪᓐᓇᓂᐊᖅᑕᕋ ᑐᓴᒐᒃᓴᐃᑦ ᐱᑐᐊᕈᒃᑭᑦ. ᖁᔭᓐᓇᒦᒃ, ᐅᖃᖅᑏ. ᐅᖃᖅᑎ: ᓯᕗᓪᓕᖅᐹᖅ ᐃᓚᒋᐊᕈᑏᑦ ᐊᐱᖅᑯᑎᓐᓄᑦ, ᒪᓕᒐᓕᐅᖅᑎ ᖃᑉᓗᑦᓯᐊᖅ. ᖃᑉᓗᑦᓯᐊᖅ (ᑐᓵᔨᑎᒍᑦ): ᖁᔭᓐᓇᒦᒃ, ᐅᖃᖅᑏ. ᑖᓐᓇ ᓴᖅᑭᑲᒃᑯ ᐅᑭᐅᒃᑯᑦ ᑲᑎᒪᕐᔪᐊᖅᑎᓪᓗᑕ ᓇᓗᓇᐃᖅᓯᓚᐅᕋᒪ ᐱᒻᒪᕆᐅᓂᖓᓂ ᖃᐅᔨᓴᖅᑕᐅᔭᕆᐊᖃᖅᑐᑦ ᐱᓕᕆᕕᐅᑉ ᐱᕙᓪᓕᐊᓂᕆᔭᖓ ᐃᖅᑲᓇᐃᔭᖅᑎᑖᖅᑎᓪᓗᒋᑦ ᐊᒻᒪ ᐃᖅᑲᓇᐃᔭᖅᑏᑦ ᓄᖅᑲᑎᑦᑕᐃᓕᒪᖁᓪᓗᒋᑦ ᐋᓐᓂᐊᕕᒻᒥ ᐃᖅᑲᓇᐃᔭᖅᑐᑦ ᐊᕐᕕᐊᓂ.

ᐊᐃᑉᐹ, ᔫᓂ 02, 2026 ᓄᓇᕗᒥ ᒪᓕᒐᓕᐅᕐᕕᒻᒧᑦ ᑲᑎᒪᔾᔪᑏᑦ 28 ᒥᓂᔅᑕ ᖃᐅᔨᒪᒻᒪᑦ, ᒐᕙᒪᒃᑯᑦ ᒫᓐᓇᕋᑖᖑᓚᐅᖅᑐᖅ ᐅᓂᒃᑳᖓ ᐃᖅᑲᓇᐃᔭᖅᑎᑦᑎᓂᕐᒧᑦ ᐅᖃᖅᓯᒪᓚᐅᕐᒪᑦ ᐱᓕᕆᕕᖓᑕ ᐊᕐᕕᐊᓂ ᐃᖅᑲᓇᐃᔭᖅᑐᑦ ᐅᓄᖅᓯᒋᐊᓚᐅᕐᒪᑕ 39.5-ᖑᓚᐅᖅᑑᒐᓗᐊᑦ 44-ᙳᒻᒪᑕ. ᑐᓴᕈᒥᓇᖅᑐᖅ ᑕᒪᓐᓇ. ᒥᓂᔅᑕ ᓇᓗᓇᐃᖅᓯᔪᓐᓇᖅᐹ ᖃᓄᐃᑦᑐᓂᑦ ᐃᖅᑲᓇᐃᔮᒃᓴᓂᑦ ᓴᖅᑭᖅᑐᕐᓂᕐᒪᖔᖅ ᑕᐃᑲᓂ? ᖁᔭᓐᓇᒦ, ᐅᖃᖅᑏ. ᐅᖃᖅᑎ: ᐋᓐᓂᐊᖃᕐᓇᙱᑦᑐᓕᕆᓂᕐᒧᑦ ᒥᓂᔅᑕᖓ, ᐳᕉᔅᑐ. ᐊᖓᔪᖅᑳᖅ ᔮᓇᑦ ᐳᕉᔅᑐ (ᑐᓵᔨᑎᒍᑦ): ᖁᔭᓐᓇᒦᒃ, ᐅᖃᖅᑏ. ᕿᒥᕐᕈᓇᒃᑲᒪ ᑐᓴᒐᒃᓴᖅ ᕿᓂᕋᒃᑯ ᑲᑎᒪᔨᒧᑦ. ᐅᖃᖅᑏ, ᐱᓯᒪᙱᓇᒃᑭᑦ ᑐᓴᒐᒃᓴᐃᑦ ᒫᓐᓇ, ᐱᕕᖃᕈᓐᓃᕋᑦᑕ, ᑐᓂᓂᐊᖅᐸᕋ ᑐᓴᒐᒃᓴᖅ ᓇᓂᒍᒃᑯ ᑖᔅᓱᒧᖓ. ᖁᔭᓐᓇᒦᒃ, ᐅᖃᖅᑏ. ᐅᖃᖅᑎ: ᑐᒡᓕᐊ ᐊᒻᒪ ᑭᖑᓪᓕᖅᐹᖅ ᐃᓚᒋᐊᕈᑏ, ᒥᔅᑕ ᖃᑉᓗᑦᓯᐊᖅ. ᖃᑉᓗᑦᓯᐊᖅ: ᒪ’ᓇ ᐅᖃᖅᑎᑦᑎᔩ. ᓂᕆᐅᒋᓂᐊᖅᐸᒃᑲ, ᑖᒃᑯᐊ ᒪᕐᕉᒃ ᐊᐱᖅᑯᑎᒋᓚᐅᒐᕐᒪ ᓇᓛᒍᑦ ᑭᐅᔾᔪᓯᕆᔪᒫᒐᑎᑦ. (ᑐᓵᔨᑎᒎᕈᓐᓃᖅᑐᖅ) ᒥᓂᔅᑕ ᖃᐅᔨᒪᒥᒻᒪᑦ, ᒐᕙᒪᒃᑯᑦ ᒫᓐᓇᕋᑖᖑᓂᖅᐹᖅ ᐅᓂᒃᑳᖓ ᐃᖅᑲᓇᐃᔭᖅᑎᑦᑎᓂᕐᒧᑦ ᐅᖃᖅᓯᒪᒻᒪᑕ ᐃᓐᓄᒃᓯᒪᙱᑦᑐᑦ ᐱᓕᕆᕕᒻᒥ ᐃᖅᑲᓇᐃᔮᔅᓴᓂ ᐊᕐᕕᐊᓂ ᐊᓯᔾᔨᖅᓯᒪᙱᒻᒪᑕᒎᖅ 50%-ᒥ ᓱᕐᕋᖏᒻᒪᑕᒎᖅ. ᒥᓂᔅᑕ ᓇᓗᓇᐃᖅᓯᔪᓐᓇᖅᐹ ᖃᓄᖅ ᐱᓕᕆᕕᖓᑕ ᓄᓇᓕᖕᓂ ᖃᓄᐃᑦᑐᓂᑦ ᑭᙴᒪᑦᓯᒻᒪᖔᑕ ᖃᐅᔨᓴᕈᑎᒋᔭᐅᔪᑦ ᑭᐅᓯᓯᒪᒻᒪᖔᑦ ᐃᖅᑲᓇᐃᔭᖅᑎᑖᕐᓂᕐᒧᑦ ᐊᒻᒪ ᓄᖅᑲᑎᑦᑕᐃᓕᒪᑎᑦᑎᓂᕐᒧᑦ ᐋᓐᓂᐊᕕᒻᒥ ᐃᖅᑲᓇᐃᔭᖅᑐᓄᑦ? ᖁᔭᓐᓇᒦᒃ, ᐅᖃᖅᑏ. ᐅᖃᖅᑎ: ᒥᓂᔅᑕ ᐳᕉᔅᑐ. ᐊᖓᔪᖅᑳᖅ ᔮᓇᑦ ᐳᕉᔅᑐ (ᑐᓵᔨᑎᒍᑦ): ᖁᔭᓐᓇᒦᒃ, ᐅᖃᖅᑏ. ᑖᒃᑯᓂᖓ ᐸᕐᓇᐅᑎᖃᖅᑐᒍᑦ ᐃᖅᑲᓇᐃᔭᖅᑎᑖᕐᓂᕐᒧᑦ ᐋᓐᓂᐊᓯᐅᖅᑎᓂᑦ, ᐊᒻᒪᓗ ᐃᓚᒋᓪᓗᓂᐅᒃ ᐸᕐᓇᐅᑎ, ᕿᒥᕐᕈᓇᖃᑦᑕᕋᑦᑎᒍ ᓄᓇᓕᓕᒫᑦᑎᐊᑦ ᑭᓱᒥ ᑭᙴᒪᑦᑎᕐᒪᖔᑕ. ᖁᕕᐊᓱᓐᓂᐊᖅᑐᖓ ᑐᓂᓯᔭᕆᐊᔅᓴᖅ ᐃᓗᓕᑯᓗᔭᖃᖅᑐᓂᑦ ᑐᓴᒐᒃᓴᓂᑦ ᑲᑎᒪᔨᒧᑦ. ᖁᔭᓐᓇᒦᒃ, ᐅᖃᖅᑏ. ᐅᖃᖅᑎ: ᐅᖃᐅᓯᒃᑯᑦ ᐊᐱᖅᑯᑏᑦ. ᑲᑎᒪᔾᔪᑎᑦᑎᓐᓄᑦ ᑲᔪᓯᒋᐊᕐᓗᑕ. ᑲᑎᒪᔾᔪᑎᒃᓴᖅ 7. ᑎᑎᖅᑲᑎᒍᑦ ᐊᐱᖅᑯᑏᑦ. ᑲᑎᒪᔾᔪᑎᒃᓴᖅ 8. ᑭᐅᔾᔪᑏᑦ ᑎᑎᖅᑲᑎᒍᑦ ᐊᐱᖅᑯᑕᐅᓚᐅᖅᑐᓄᑦ. ᑲᑎᒪᔾᔪᑎᒃᓴᖅ 9. ᑭᐅᔾᔪᑏᑦ ᒪᑐᐃᖅᓯᔾᔪᑎᓄᑦ. ᑲᑎᒪᔾᔪᑎᒃᓴᖅ 10. ᐊᑎᓕᐅᖅᓯᒪᔪᑎᒍᑦ ᑐᑦᓯᕋᐅᑏᑦ. ᑲᑎᒪᔾᔪᑎᒃᓴᖅ 11. ᑭᐅᔾᔪᑏᑦ ᐊᑎᓕᐅᖅᓯᒪᔪᑎᒍᑦ ᑐᑦᓯᕋᐅᑎᓄᑦ. ᑲᑎᒪᔾᔪᑎᒃᓴᖅ 12. ᑲᑎᒪᔨᕋᓛᑦ ᑲᑎᒪᔨᕋᓛᖑᑲᐃᓐᓇᑐᑦ ᐅᓂᒃᑳᖏᑦ ᕿᒥᕐᕈᓇᓚᐅᖅᑎᓪᓗᒋᑦ ᒪᓕᒐᒃᓴᓂᑦ ᐊᓯᖏᓐᓂᓪᓗ. ᒥᔅᑕ ᖃᑉᓗᑦᓯᐊᖅ. ᑲᑎᒪᔾᔪᑎᒃᓴᖅ 12: ᐅᓂᒃᑳᖏᑦ ᑲᑎᒪᔨᕋᓛᑦ ᑲᑎᒪᔨᕋᓛᖑᑲᐃᓐᓇᖅᑐᓪᓗ ᒪᓕᒐᒃᓴᓄᑦ ᐊᓯᖏᓄᓪᓗ ᑲᑎᒪᔨᕋᓛᑦ ᐅᓂᒃᑳᖓ 1 – 7(2): ᒪᓕᒐᒃᓴᖅ 3, ᐊᔾᔨᒌᖏᑦᑐᓄᑦ ᒪᓕᒐᓄᑦ ᐋᖅᑭᒋᐊᕈᑎᖓ ᒪᓕᒐᖅ ᖃᑉᓗᑦᓯᐊᖅ (ᑐᓵᔨᑎᒍᑦ): ᖁᔭᓐᓇᒦᒃ, ᐅᖃᖅᑏ. ᐅᓂᒃᑳᕈᒪᕗᖓ ᒪᓕᒐᒃᓴᖅ 3, ᐊᔾᔨᒌᙱᑦᑐᓂ ᐱᖁᔭᕐᓂᑦ ᐋᖅᑭᒋᐊᕈᑎᒃᓴᓂᑦ ᐱᖁᔭᖅ ᕿᒥᕐᕈᓇᑦᑕᐅᓚᐅᕐᒪᑦ ᑲᑎᒪᔨᕋᓛᖏᓐᓄᑦ ᒪᓕᒐᒃᓴᓕᕆᓂᕐᒧᑦ ᐊᒻᒪᓗ ᒪᓕᒐᒃᓴᖅ ᑲᑎᒪᑐᐃᓐᓇᖅᑐᓄᑦ ᑲᑎᒪᔾᔪᑕᐅᔪᓐᓇᖅᓯᔪᖅ. (ᑐᓵᔨᑎᒎᕈᓐᓃᖅᑐᖅ) ᒪ’ᓇ, ᐅᖃᖅᑎᑦᑎᔩ. >>ᐸᑦᑕᑐᖅᑐᑦ

ᐊᐃᑉᐹ, ᔫᓂ 02, 2026 ᓄᓇᕗᒥ ᒪᓕᒐᓕᐅᕐᕕᒻᒧᑦ ᑲᑎᒪᔾᔪᑏᑦ 29 ᐅᖃᖅᑎ: ᑲᑎᒪᔩᑦ ᐊᖏᖅᐱᓰ ᑖᓐᓇ ᒪᓕᒐᒃᓴᖅ 3, (ᑐᓵᔨᑎᒍᑦ): ᐊᔾᔨᒌᙱᑦᑐᓂ ᐱᖁᔭᕐᓂᑦ ᐋᖅᑭᒋᐊᕈᑎᒃᓴᓂᑦ ᐱᖁᔭᖅ, ᐅᓂᒃᑳᖅᑕᐅᓯᒪᒍᓐᓇᖁᓪᓗᒍ ᒪᓕᒐᓕᐅᕐᕕᒻᒧᑦ ᐊᒻᒪᓗ ᑲᑎᒪᔾᔪᑎᓐᓄᑦ ᐃᓕᔭᐅᒍᓐᓇᕐᓂᐊᖁᓪᓗᒍ ᑲᑎᒪᑐᐃᓐᓇᓕᖅᐸᑕ ᓈᒻᒪᓈᓕᖅᐸᑦ? ᐊᖏᖅᐱᓰ? ᐃᓚᖏᖅ ᒪᓕᒐᓕᐅᖅᑏᑦ: ᐊᖏᖅᑐᑦ. ᐅᖃᖅᑎ: ᖁᔭᓐᓇᒦᒃ. ᑲᑎᒪᔾᔪᑎᒃᓴᖅ 13. ᑎᑎᖅᑲᑦ ᓴᖅᑭᑕᐅᓂᖏᑦ. ᑲᑎᒪᔾᔪᑎᒃᓴᖅ 14. ᐱᖁᔨᕗᖔᕈᑕᐅᓂᐊᖅᑐᓂᑦ ᖃᐅᔨᒃᑲᐃᔾᔪᑏᑦ. ᑲᑎᒪᔾᔪᑎᒃᓴᖅ 15. ᐱᖁᔨᕗᖓᕈᑕᐅᓂᐊᖅᑐᓂ ᖃᐅᔨᒃᑲᐃᔾᔪᑏᑦ ᓯᕗᓪᓕᖅᐹᒥ ᐅᖃᓕᒪᖅᑕᐅᖁᓪᓗᒋᑦ ᒪᓕᒐᒃᓴᑦ. ᑲᑎᒪᔾᔪᑎᒃᓴᖅ 16. ᐱᖁᔨᕗᖔᕈᑏᑦ. ᑲᑎᒪᔾᔪᑎᒃᓴᖅ 17. ᓯᕗᓪᓕᖅᐹᒥ ᐅᖃᓕᒫᖅᑕᐅᓂᖏᑦ ᒪᓕᒐᒃᓴᑦ. ᑲᑎᒪᔾᔪᑎᒃᓴᖅ 18. ᑐᒡᓕᓂ ᐅᖃᓕᒫᖅᑕᐅᓂᖏᑦ ᒪᓕᒐᒃᓴᑦ. ᑲᑎᒪᔾᔪᑎᒃᓴᖅ 19. ᑲᑎᒪᑐᐃᓐᓇᕐᓂᖅ ᐃᓱᒪᒃᓴᖅᓯᐅᕈᑎᖃᖅᑎᓪᓗᒋᑦ ᒪᓕᒐᒃᓴᓂᑦ ᐊᓯᖏᓐᓂᓪᓗ. ᑭᓯᐊᓂ, ᑕᕝᕗᖓ ᑲᑎᒪᓂᕐᒧ ᑲᑎᒪᑐᐃᓐᓇᓚᐅᙱᓐᓂᖏᓐᓂ, 20 ᒥᓂᑦᓯᒥᒃ ᓄᖅᑲᖓᑲᐃᓐᓇᓂᐊᕋᑦᑕ. ᐃᖅᓱᖅᑏ. >>ᑲᑎᒪᓂᖅ ᓄᖅᑲᖅᑐᖅ 15:11 ᐊᒻᒪᓗ ᑲᑎᒪᑐᐃᓐᓇᕐᓂᖅ ᐱᒋᐊᖅᑐᖅ 15:44 ᑲᑎᒪᔾᔪᑎᒃᓴᖅ 20: ᑲᑎᒪᔨᕋᓛᑦ ᑲᑎᒪᑐᐃᓐᓇᖅᑎᓪᓗᒋᑦ ᐃᓱᒪᒃᓴᖅᓯᐅᖅᑕᐅᓂᖏᑦ ᒪᓕᒐᒃᓴᐃᑦ ᐊᓯᖏᓪᓗ ᐃᒃᓯᕙᐅᑕᖅ (ᓴᐃᒪᓐ ᖁᓕᒃᑖᓇ)(ᑐᓵᔨᑎᒍᑦ): ᑲᑎᒪᒋᐊᓚᐅᕐᒥᑕ. ᑲᑎᒪᑐᐃᓐᓇᖅᑎᓪᓗᑕ ᐅᑯᓂᖓ ᐱᓕᕆᐊᒃᓴᖃᖅᑐᒍᑦ: ᒪᓕᒐᒃᓴᖅ 1 ᐊᒻᒪᓗ 2. ᖃᓄᐃᓕᐅᕈᒪᕙᑦ ᑲᑎᒪᔨᕋᓛᑦ? ᒥᔅᑕ ᑕᖅᑐ. ᑕᖅᑐ (ᑐᓵᔨᑎᒍᑦ): ᖁᔭᓐᓇᒦᒃ, ᐃᒃᓯᕙᐅᑖᖅ. ᑲᔪᓯᔪᒪᔪᒍᑦ ᑲᑎᒪᔾᔪᑎᖃᕐᓗᑕ ᒪᓕᒐᒃᓴᖅ 1, ᑮᓇᐅᔭᖅᑐᕈᑎᒃᓴᐃᑦ (ᐊᐅᓚᔾᔪᑎᓄᑦ ᐋᖅᑭᐅᒪᐃᓐᓇᕈᑎᓄᓪᓗ) ᐱᖁᔭᖅ, 2026-2027, ᐊᒻᒪ 2026-2027 ᑮᓇᐅᔭᖅᑐᕈᑎᔅᓴᖏᑦ ᐱᓕᕆᕕᖓᑕ ᑮᓇᐅᔭᓕᕆᔨᒃᑯᑦ. ᖁᔭᓐᓇᒦᒃ, ᐃᒃᓯᕙᐅᑖᖅ. ᐃᒃᓯᕙᐅᑕᖅ (ᑐᓵᔨᑎᒍᑦ): ᐊᖏᖅᐱᑖ ᒪᓕᒐᒃᓴᖅ 1 ᐱᓕᕆᖅᑳᕐᓂᐊᕋᑦᑎᒍ? ᐃᓚᖏᑦ ᑲᑎᒪᔩᑦ: ᐊᖏᖅᑐᑦ. ᒪᓕᒐᒃᓴᖅ 1 - ᑮᓇᐃᔭᑦ ᐊᑐᖅᑕᐅᑲᐃᓐᓇᕐᓂᐊᖅᑐᑦ (ᐊᐅᓚᔾᔪᑏᑦ ᐋᖅᑭᐅᒪᐃᓐᓇᕈᑏᓪᓗ) ᒪᓕᒐᖅ, 2026- 2027 – ᑲᑎᒪᔨᕋᓛᓄᑦ ᐃᓱᒪᒃᓴᖅᓯᐅᖅᑕᐅᓂᖓ ᐃᒃᓯᕙᐅᑕᖅ (ᑐᓵᔨᑎᒍᑦ): ᖁᔭᓐᓇᒦᒃ. ᒥᓂᔅᑕ ᒪᐃᓐ ᐊᐱᕆᔪᒪᔭᕋ ᐃᖅᑲᓇᐃᔭᖅᑎᓐᓂ ᑕᐅᓄᖓ ᐊᐱᖅᓱᖅᑕᐅᕕᒻᒧᐊᖁᔨᕖᑦ? ᓯᕗᓕᖅᑎ ᐋᕐᓗᒃ ᒪᐃᓐ: ᒪ’ᓇ, ᐃᒃᓯᕙᐅᑖᖅ. ᐄ’, ᒪ’ᓇ, ᐃᒃᓯᕙᐅᑖᖅ. ᐃᒃᓯᕙᐅᑕᖅ (ᑐᓵᔨᑎᒍᑦ): ᖁᔭᓐᓇᒦᒃ. ᑲᑎᒪᔩᑦ ᐊᖏᖅᐹᑦ ᒥᓂᔅᑕᐅᑉ ᐃᖅᑲᓇᐃᔭᖅᑎᖏᑦ ᓵᓯᓐᓄᐊᖁᓪᓗᒋᑦ? ᐃᓚᖏᑦ ᑲᑎᒪᔩᑦ: ᐊᖏᖅᑐᑦ. ᐃᒃᓯᕙᐅᑕᖅ (ᑐᓵᔨᑎᒍᑦ): ᖁᔭᓐᓇᒦᒃ. ᐃᖅᓱᖅᑏ, ᐅᑯᐊ ᐃᓯᖅᑎᓚᐅᒃᑭᑦ. ᑎᑎᕋᖅᓯᒪᓂᐊᕐᒪᑦ, ᒥᔅᑕ ᒪᐃᓐ ᑭᓇᒃᑰᒻᒪᖔᑎᒃ ᐃᖅᑲᓇᐃᔭᖅᑎᑎ ᑕᐃᓗᒋᑦ, ᒪᑐᐃᕈᑎᑎ ᐅᖃᐅᓯᕆᓂᐊᕋᕕᒋᑦ.

ᐊᐃᑉᐹ, ᔫᓂ 02, 2026 ᓄᓇᕗᒥ ᒪᓕᒐᓕᐅᕐᕕᒻᒧᑦ ᑲᑎᒪᔾᔪᑏᑦ 30 ᓯᕗᓕᖅᑎ ᐋᕐᓗᒃ ᒪᐃᓐ: ᒪ’ᓇ, ᐃᒃᓯᕙᐅᑖᖅ. (ᑐᓵᔨᑎᒎᓕᖅᑐᖅ) ᑕᓕᖅᐱᓐᓄᑦ, ᓴᐅᒥᔅᓯᓐᓂ ᑖᓂᐅᓪ ᔭᖕ, ᑖᓐᓇ ᑐᖏᓕᕋ; ᐊᒻᒪᓗᑦᑕᐅᖅ ᓴᐅᒥᓐᓄᑦ, ᑕᓕᖅᐱᓯᓐᓂ, ᐊᐃᕙᓐ ᒍᒋᓈᕝ, ᐃᑲᔪᖅᑎᖓ ᑮᓇᐅᔭᓕᕆᓂᕐᒧᑦ ᐊᑐᖅᐸᓪᓕᐊᔪᓂᑦ ᑲᒪᔪᖅ. (ᑐᓵᔨᑎᒎᕈᓐᓃᖅᑐᖅ) ᒪ’ᓇ, ᐃᒃᓯᕙᐅᑖᖅ ᐊᒻᒪ ᑲᑎᒪᔩᑦ. ᑮᓇᐅᔭᓕᕆᔨᒃᑯᑦ ᑮᓇᐅᔭᑦ ᐊᑐᖅᑐᔅᓴᖁᑎᖏᒋᔭᖏᑦ 2026-2027 ᐅᖃᐅᓯᕆᒋᐊᖅᑐᖅᐸᒃᑲ ᑖᒃᑯᐊ ᑮᓇᐅᔭᖅᑐᕈᑎᒃᓴᑦ ᐊᒻᒪ ᐸᕐᓇᐅᒐᕆᔭᕗᑦ ᐱᓕᕆᓂᕐᒧᑦ. (ᑐᓵᔨᑎᒎᕈᓐᓃᖅᑐᖅ) ᒐᕙᒪᒃᑯᓐᓄᑦ ᐊᐅᓚᑦᓯᓂᕐᒧᑦ ᑎᒥᒋᔭᐅᑎᓪᓗᑕ, ᑮᓇᐅᔭᓕᕆᔨᒃᑯᑦ ᐃᑲᔪᖅᓱᐃᕙᑐᑦ ᑮᓇᐅᔭᓕᕆᓂᕐᒧᑦ ᐊᐅᓚᑦᓯᓂᕐᒥᒃ ᐊᓯᖏᑦ ᒐᕙᒪᒃᑯᑦ ᐱᓕᕆᕕᖏᑦ ᑎᒥᖁᑎᖏᓪᓗ ᐊᐅᓚᑦᓯᒍᓐᓇᖁᓪᓗᒋᑦ ᐱᓕᕆᐊᓂᒃ ᐱᔨᑦᓯᕋᐅᑎᓂᓪᓗ ᓄᓇᕗᒻᒥᐅᓄᑦ. ᑐᑦᓯᕋᖅᑐᒍᑦ ᐊᑐᖅᑐᑦᓴᓂᒃ $119.95 ᒥᓕᐊᓐ ᐊᐅᓚᑕᑦᑎᓐᓄᑦ 2026-2027-ᒥ. ᐊᖏᓪᓕᒋᐊᖅᑐᑦ $9.1 ᒥᓕᐊᓐᓂᒃ, ᐅᕝᕙᓘᓐᓃᑦ 8.2%, 2025-2026 ᑮᓇᐅᔭᐃᑦ ᐊᑐᖅᑐᑦᓴᓕᐊᖑᓚᐅᖅᑐᓂᒃ. ᐊᒥᓱᕐᖑᕆᐊᕈᑎᖏᑦ ᑮᓇᐅᔭᓕᕆᔨᒃᑯᑦ ᑐᑦᓯᕋᖅᑕᖏᑦ ᑮᓇᐅᔭᐃᑦ ᐊᑐᖅᑐᑦᓴᐃᑦ ᐅᑯᓂᖓ ᐱᔾᔪᑎᓖᑦ: • $5 ᒥᓕᐊᓐ ᐊᑭᑦᑐᕆᐊᖅᓯᒪᓂᖏᓐᓄᑦ ᐃᖅᑲᓇᐃᔭᖅᑏᑦ ᐋᓐᓂᐊᕐᕕᓕᐊᖅᑐᑎᒃ ᐊᐅᓚᖃᑦᑕᕐᓂᖏᓐᓄᑦ ᓄᓇᕗᑦ ᒐᕙᒪᒃᑯᑦ ᐃᖅᑲᓇᐃᔭᖅᑎᓕᒫᖏᓐᓄᑦ; • $400,000 ᐊᒻᒪᓗ ᒪᕐᕉᒃ ᐃᖅᑲᓇᐃᔮᖅᑖᖅᑲᐅᒃ ᒐᕙᒪᒃᑯᑦ ᐃᓗᐊᓂ ᑕᒻᒪᖅᓯᒪᔪᖅᓯᐅᕐᓂᕐᒧᑦ ᐱᓕᕆᕕᖓᓂ; • $2.3 ᒥᓕᐊᓐ ᒪᕐᕈᐊᖅᑎᕐᓗᒍ ᐊᒥᓱᕐᖑᕆᐊᖅᑕᐅᖁᓪᓗᒋᑦ ᓄᓇᕗᒻᒥ ᕿᑐᕐᖓᓕᓐᓄᑦ ᐃᑲᔫᓯᐊᖅ − ᐃᑲᔫᑎ ᑮᓇᐅᔾᔭᑦᓴᙱᓂᓴᖅᓄᑦ ᐃᓚᒌᓄᑦ; ᐊᒻᒪᓗ • 1.394 ᒥᓕᐊᓐ ᑮᓇᐅᔾᔭᑦᓴᑦ ᐊᑭᑐᕆᐊᖅᓯᒪᓂᖏᓐᓄᑦ ᐊᔩᕈᑕᐅᓯᒪᔪᒧᑦ ᓄᓇᕗᒻᒥ ᐃᖅᑲᓇᐃᔭᖅᑎᓄᑦ ᑲᑐᔾᔨᖃᑎᒌᖏᓐᓄᑦ. ᑕᐃᒫᑦᓴᐃᓐᓇᖅ ᑭᖑᓂᑦᑎᓐᓂ ᐊᕐᕌᒍᓂ, ᐊᕝᕙᖏᑕ ᐅᖓᑖᓂ ᐱᓕᕆᕕᑦᑕ ᑮᓇᐅᔭᐃᑦ ᐊᑐᖅᑐᑦᓴᖏᑦ ᑐᕌᕐᓂᐊᖅᑐᑦ ᒐᕙᒪᒃᑯᓐᓄᓕᒫᖅ ᐊᐅᓚᑕᐅᔪᓄᑦ ᑮᓇᐅᔭᓄᑦ. ᑖᒃᑯᐊ ᐱᓕᕆᐊᑦ ᐱᓕᕆᕕᑦᑎᓐᓂ ᐊᐅᓚᑕᐅᕙᑦᑐᑦ ᑭᒡᒐᑐᖅᑐᒋᑦ ᒐᕙᒪᒃᑯᑦ. ᐊᒥᐊᒃᑯᖏᑦ 27%, ᐅᕝᕙᓘᓐᓃᑦ $44.3-ᒥᓕᐊᓐ ᑐᕌᕐᓂᐊᖅᑐᑦ ᐊᐅᓚᑕᐅᓂᖓᓄᑦ ᐱᓕᕆᕕᕗᑦ. 75%-ᐸᓗᖏᑦ ᑮᓇᐅᔭᓕᕆᔨᒃᑯᑦ ᐊᑐᖅᑐᑦᓴᖏᑦ, ᐲᖅᑕᐅᓚᐅᖅᑎᓪᓗᒋᑦ ᒐᕙᒪᒃᑯᓐᓄᓕᒫᖅ ᐊᐅᓚᑕᐅᔪᑦ ᑮᓇᐅᔭᐃᑦ, ᑮᓇᐅᔾᔭᑦᓵᓅᖓᔪᑦ 201 ᐃᖅᑲᓇᐃᔭᖅᑎᑦᑎᓐᓄᑦ. ᑮᓇᐅᔭᓕᕆᔨᒃᑯᑦ 33-ᓂᒃ ᐃᖅᑲᓇᐃᔭᖅᑎᓖᑦ ᐊᑭᓕᖅᓱᖅᑕᐅᔪᓂᒃ ᐃᒥᐊᓗᓕᕆᓂᕐᒧᑦ ᓱᕐᕋᓇᖅᑐᓕᕆᓂᕐᒧᓪᓗ ᑮᓇᐅᔭᓄᑦ ᐅᑎᖅᑕᖅᑐᓄᑦ. ᐅᐱᓐᓇᕋᓂ ᑖᒃᑯᐊ ᐃᖅᑲᓇᐃᔮᑦ ᑮᓇᐅᔭᖃᖅᑎᑕᐅᒻᒪᑕ ᓂᐅᕐᕈᑕᐅᖃᑦᑕᕐᓂᖏᓐᓄᑦ ᓄᓇᕗᒻᒥ ᐃᒥᐊᓗᓕᕆᓂᕐᒧᑦ ᓱᕐᕋᓇᖅᑐᓕᕆᓂᕐᒧᓪᓗ ᑲᑎᒪᔨᓄᑦ, ᐊᑐᖅᑐᑦᓴᓕᐅᕈᑕᐅᒋᐊᑐᖏᑦᑐᑦ ᓂᕈᐊᕈᑕᐅᕙᒐᑎᓪᓗ ᒪᓕᒐᓕᐅᖅᑎᓄᑦ. ᑭᒃᑯᓕᒫᓄᑦ ᑐᑭᓯᓇᑦᓯᐊᖁᓪᓗᒋᑦ, ᑲᑎᒪᔩᑦ ᑮᓇᐅᔭᐃᑦ ᐊᑐᖅᑐᑦᓴᖏᑦ ᐃᓚᒋᓕᐅᔾᔭᐅᓯᒪᔪᑦ ᑐᑭᓯᒋᐊᕈᑎᑦᓴᐅᓗᑎᒃ ᑮᓇᐅᔭᐃᑦ ᐊᑐᖅᑐᑦᓴᐃᑦ ᑎᑎᕋᖅᓯᒪᔪᓂ. (ᑐᓵᔨᑎᒎᕈᓐᓃᖅᑐᖅ) ᐃᒃᓯᕙᐅᑖᖅ, ᑕᕝᕙᐅᑯᐊ ᐅᖃᐅᓯᑦᓴᒃᑲ ᐃᓱᓕᑉᐳᑦ. ᐊᑐᐃᓐᓇᐅᔪᒍᑦ ᒫᓐᓇ, ᐃᓛᕐᒃ ᐅᕙᑦᑦᓯᐊᕈ, ᐊᐱᖅᑯᓯᒃᓴᖃᕐᕕᐅᓂᐊᕐᓂᕈᑦᑕ. ᒪ’ᓇ, ᐃᒃᓯᕙᐅᑖᖅ. ᐃᒃᓯᕙᐅᑕᖅ (ᑐᓵᔨᑎᒍᑦ): ᖁᔭᓐᓇᒦᒃ. ᑲᑎᒪᔨᕋᓛᒃ ᐃᒃᓯᕙᐅᑖ ᒪᑐᐃᕈᑎᖃᖅᐹ? ᒥᔅᑕ ᐲᑕᓴᓐ, ᑲᔪᓯᒋᑦ.

ᐊᐃᑉᐹ, ᔫᓂ 02, 2026 ᓄᓇᕗᒥ ᒪᓕᒐᓕᐅᕐᕕᒻᒧᑦ ᑲᑎᒪᔾᔪᑏᑦ 31 ᐲᑕᓴᓐ (ᑐᓵᔨᑎᒍᑦ): ᖁᔭᓐᓇᒦᒃ, ᐃᒃᓯᕙᐅᑖᖅ. ᖁᕕᐊᓱᑉᐳᖓ ᐅᖃᐅᓯᖃᕆᐊᒃᓴᖅ ᒪᑐᐃᖅᓯᔾᔪᑎᑦᑎᓐᓂᑦ ᐱᔾᔪᑎᓗᒋᑦ ᑲᑎᒪᔨᕋᓛᖑᔪᑦ ᓇᐅᑦᓯᖅᑐᖅᑎᐅᔪᑦ ᒐᕙᒪᒃᑯᑦ ᐊᐅᓚᓂᖏᓐᓂᑦ ᑮᓇᐅᔭᖅᑐᕈᑎᖏᓐᓂᓪᓗ ᕿᒥᕐᕈᓂᖃᓐᖑᓱᑦᑎᓪᓗᒋᑦ ᑐᒃᓯᕌᖑᔪᓂᑦ 2026-2027-ᒥ ᑮᓇᐅᔭᖅᑐᕈᑎᒃᓴᖏᓐᓂᑦ ᒥᒃᓴᐅᓯᔭᐅᓯᒪᔪᓂᑦ ᐊᒻᒪᓗ 2026-2030-ᒥ ᐱᓕᕆᐊᒃᓴᓄᑦ ᐸᕐᓇᐅᑎᖏᓐᓂᑦ ᐱᓕᕆᕕᖓᑕ ᑮᓇᐅᔭᓕᕆᔨᒃᑯᑦ. ᑖᒃᓱᒪ ᐱᓕᕆᕕᐅᔫᑉ ᑐᒃᓯᕌᖏᑦ 2026-2027−ᒥ ᐊᐅᓚᑦᑎᒍᑎᒃᓴᑦ ᐋᖅᑭᐅᒪᑎᑦᑎᒍᑎᒃᓴᓪᓗ ᐊᑐᕈᒫᕐᓂᐊᖅᑐᖁᑎᖏᑦ $119,952,000−ᖑᒻᒪᑕ. ᑖᓐᓇᓗ ᐊᖏᓪᓕᒋᐊᕆᒐᓱᓐᓂᐅᓪᓗᓂ 8.2%-ᒥᑦ ᑐᒃᓯᕌᕆᔪᔭᖏᓐᓂᑦ 2025-2026-ᒥ ᑮᓇᐅᔭᓕᕆᔾᔪᑎᑦ ᐊᕐᕌᒍᖓᓄᑦ. ᐃᖅᑲᓇᐃᔮᖁᑎᖏᑦ ᐱᓕᕆᕕᐅᔫᑉ ᐊᒥᓱᕈᕆᐊᖅᑕᐅᔪᒪᓪᓗᑎᒃ 232.0-ᓂᑦ 2025-2026−ᒥ ᑮᓇᐅᔭᓕᕆᔾᔪᑎᑦ ᐊᕐᕌᒍᖓᓂ ᑕᒪᐅᖓ 234.0-ᓄᑦ 2026-2027-ᒥ ᑮᓇᐅᔭᓕᕆᔾᔪᑎᑦ ᐊᕐᕌᒍᖓᓂ. ᒪᓕᒐᓕᐅᖅᑏᑦ ᐅᖃᐅᓯᖃᖃᑦᑕᔪᔪᑦ ᐊᒥᓱᑲᓪᓚᓐᓂᑦ ᐅᖃᐅᓯᒃᓴᖃᔪᔪᑦ ᐃᓱᒫᓗᒋᔭᖃᖅᑐᑎᓪᓗ ᒥᓂᑕᐅᑉ ᓴᖅᑭᔮᕋᑖᕐᓂᕆᔪᔭᖓᓂ ᑲᑎᒪᔨᕋᓛᑦ ᓵᖓᓂ. ᔮᓐᓄᐊᕆ 2025-ᒥ, ᓄᓇᕗᑦ ᒐᕙᒪᖓ ᓄᖅᑲᑎᑦᑎᔪᒻᒪᑕ ᐊᑐᖃᑦᑕᖅᓯᒪᔭᖓᓂᑦ ᐱᑎᑦᑎᖃᑦᑕᓂᕐᒥᑦ ᑎᑎᖅᑕᒥᑦ ᖃᓄᖅ ᓂᕆᐅᕝᕕᖃᕐᒪᖔᑕ ᓇᓗᓇᐃᖅᓯᔾᔪᑎᓂᑦ ᑲᑎᒪᔨᖏᓐᓄᑦ ᓄᓇᕗᒻᒥ ᑕᓪᓕᒪᐅᔪᓄᑦ ᐊᖏᔫᔪᓄᑦ ᒐᕙᒪᒃᑯᑦ ᑎᒥᖁᑎᖏᓐᓄᑦ. ᐱᓕᕆᕕᖓᑕ ᑮᓇᐅᔭᓕᕆᔨᒃᑯᑦ 2026-2030-ᒥ ᐱᓕᕆᐊᒃᓴᓄᑦ ᐸᕐᓇᐅᑎᖓ ᓇᓗᓇᐃᖅᓯᓯᒪᒻᒪᑦ ᐃᓚᖓᑦᒎᖅ ᓯᕗᓪᓕᐅᑎᓛᖅᑕᖏᓐᓄᑦ 2026-2020−ᒥ ᑮᓇᐅᔭᓕᕆᔾᔪᑎᑦ ᐊᕐᕌᒍᖓᓂ ᑕᒪᓐᓇᐅᒻᒪᑦ “ᐃᑲᔪᖅᓰᓗᑎᒃ ᓴᖅᑭᖅᑕᐅᓂᖏᓐᓂᑦ ᐃᓕᑕᕆᔭᐅᓯᒪᔪᑦ ᐊᖏᖃᑎᒋᒍᑏᑦ ᑕᓪᓕᒪᐅᔪᓄᑦ ᑯᐊᐳᕇᓴᐅᔪᓄᑦ ᐱᔾᔪᑎᖃᖅᑐᓂᑦ ᖃᓄᖅ ᑮᓇᐅᔭᓂᑦ ᐊᐅᓚᑦᑎᒋᐊᖃᕐᒪᖔᑕ ᑲᑎᒪᔨᓄᓪᓗ ᖃᓄᖅ ᐊᐅᓚᑕᐅᒋᐊᖃᕐᒪᖔᑕ, ᖃᓄᕐᓗ ᓄᓇᕗᑦ ᒐᕙᒪᖓᓂᑦ ᐱᓕᕆᖃᑎᖃᕆᐊᖃᕐᒪᖔᑕ ᐊᒻᒪᓗ ᐊᕐᕌᒍᑕᒫᖅᓯᐅᑎᓂᑦ ᐅᓂᒃᑳᓕᐅᖃᑦᑕᕆᐊᖃᕐᓂᖏᓐᓂᑦ.” ᑲᑎᒪᔨᕋᓛᑦ ᑲᔪᖏᖅᓴᐃᕗᑦ ᒐᕙᒪᒃᑯᓐᓂᑦ ᖃᐅᔨᒪᓇᓱᐊᖁᔨᓪᓗᑎᒃ ᑕᒪᒃᑯᓂᖓ ᓄᑖᖑᔪᓂᑦ ᑲᑎᒪᔨᓄᑦ ᐊᐅᓚᑦᑎᒍᑎᐅᔪᑦ ᐃᓚᖃᕋᓗᐊᕐᒪᖔᑕ ᓇᒧᑦ ᑐᕌᖁᔭᐅᒻᒪᖔᑕ ᑐᑭᒧᐊᒍᑎᒃᓴᕐᓂᑦ ᒐᕙᒪᒃᑯᑦ ᑎᒥᖁᑎᖏᓐᓄᑦ ᐊᒻᒪᓗ ᑕᒪᒃᑯᐊ ᒪᓕᒐᓕᐅᖅᕕᒻᒧᑦ ᓴᖅᑭᖅᑕᐅᖃᑦᑕᕐᓗᑎᒃ. ᑮᓇᐅᔭᓕᕆᔨᒃᑯᑦ ᐱᓕᕆᕕᖓᑦ ᐃᑲᔪᖅᓰᖃᑦᑕᕐᒪᑦ ᑮᓇᐅᔭᓕᕆᔨᒃᑯᑦ ᑲᑎᒪᔨᖏᓐᓂᑦ. ᒐᕙᒪᓕᒫᒧᑦ ᐃᓱᒫᓗᒋᔭᐅᔪᖅ ᑮᓇᐅᔭᓕᕆᔨᒃᑯᑦ ᑲᑎᒪᔨᖏᓐᓄᑦ ᑲᒪᒋᔭᐅᔭᕆᐊᖃᖅᑐᖅ ᑕᒪᓐᓇᐅᒻᒪᑦ ᖃᓄᑎᒋ ᐃᓄᒋᐊᓐᓂᖃᕆᐊᖃᕐᒪᖔᑕ ᒐᕙᒪᒃᑯᑦ ᐃᖅᑲᓇᐃᔭᖅᑎᖏᑦ. ᒐᕙᒪᒃᑯᑦ ᐃᖅᑲᓇᐃᔮᖁᑎᖏᑦ ᐊᒥᓱᕈᖅᐸᓪᓕᐊᑐᐃᓐᓇᕐᒪᑕ ᓱᓕ. ᒐᕙᒪᒃᑯᑦ ᑐᒃᓯᕌᖏᑦ 2026-2027−ᒥ ᑮᓇᐅᔭᖅᑐᕈᑎᒃᓴᑦ ᒥᒃᓴᐅᓯᔭᐅᓯᒪᔪᑦ ᓇᓗᓇᐃᖅᓯᓯᒪᒻᒪᑕ ᐱᑕᖃᕐᒪᑦ ᑕᒫᓂᐸᓘᖅᑐᓂᑦ 5,596-ᓂᑦ ᐃᖅᑲᓇᐃᔮᓂᑦ ᒐᕙᒪᒃᑯᑦ ᐱᓕᕆᕕᕈᓘᔭᖏᓐᓂ ᐊᒻᒪᓗ ᐊᖏᔫᑎᓂ ᑎᒥᖁᑎᖏᓐᓂ ᐊᒻᒪᓗ ᑯᐊᐳᕇᓴᖁᑎᖏᓐᓂ, ᐱᖃᓯᐅᑎᔭᐅᓇᑎᒃ ᖁᓪᓕᖅ ᐆᒻᒪᖅᑯᑎᓕᕆᓂᕐᒧᑦ ᑯᐊᐳᕇᓴᓐ. ᑖᓐᓇ ᑐᑭᖃᖅᑐᖅ ᐃᖅᑲᓇᐃᔮᓂᑦ ᑕᒫᓂᐸᓘᖅᑐᓂᑦ 69−ᓂᑦ ᐃᖅᑲᓇᐃᔮᓂᑦ ᐃᓚᓯᒪᓕᕐᒥᒻᒪᑕ ᑕᑯᓐᓈᖅᑐᒋᑦ ᓈᓴᐅᑎᐅᔪᔪᑦ 2025- 2026-ᒥ ᑮᓇᐅᔭᓕᕆᔾᔪᑎᑦ ᐊᕐᕌᒍᖓᓂ, ᐊᒻᒪᓗ ᐃᓚᓯᓯᒪᓕᖅᑐᑎᒃ ᑕᒫᓂᐸᓘᖅᑐᓂᑦ 238−ᓂᑦ ᐃᖅᑲᓇᐃᔮᓂᑦ ᑕᐃᒪᓐᖓᓂᑦ 2022-2023-ᒥ ᑮᓇᐅᔭᖅᑐᕈᑎᒃᓴᖏᑦ ᒥᒃᓴᐅᓯᔭᐅᓯᒪᔪᑎᓪᓗᒋᑦ. ᐱᒻᒪᕆᐅᕗᖅ ᑮᓇᐅᔭᓕᕆᔨᒃᑯᑦ ᑲᑎᒪᔨᖏᑦ ᐃᓱᒪᖃᖅᐸᑕ ᐊᐅᓚᑕᐅᑦᑎᐊᕆᐊᖃᕐᓂᖏᓐᓂᑦ ᐊᒥᓱᕈᖅᐸᓪᓕᐊᔪᑦ ᒐᕙᒪᒃᑯᑦ ᐃᖅᑲᓇᐃᔮᖁᑎᖏᑦ ᐃᓚᓕᐅᑎᔭᐅᖃᑦᑕᖅᑐᓂᑦ ᐋᖅᑭᑎᖅᓯᒪᓂᐅᔪᓄᑦ ᐅᓪᓗᒥᐅᓕᖅᑐᖅ ᐱᓕᕆᕖᑦ, ᒐᕙᒪᒃᑯᑦ ᑎᒥᖁᑎᖏᑦ ᐊᒻᒪᓗ ᓄᓇᕗᒻᒥ ᑯᐊᐳᕇᓴᐅᔪᑦ ᓱᓕ ᐱᔭᕆᐊᑐᔪᖅᓯᐅᑎᓪᓗᒋᑦ ᐃᓐᓄᒃᓯᒐᓱᒋᐊᒃᓴᖅ ᒫᓐᓇ ᓴᖅᑭᔮᖅᑐᖁᑎᖏᓐᓂᑦ ᐃᖅᑲᓇᐃᔮᓂᑦ ᐃᓐᓄᒃᑕᐅᓯᒪᓐᖏᑦᑐᓂᑦ. ᐱᒻᒪᕆᐅᒻᒥᔪᖅᑕᐅᖅ ᐅᖃᐅᓯᖃᕆᐊᒃᓴᖅ ᑕᒫᓂᐸᓗᒃ 33%-ᖏᑦ ᒐᕙᒪᒃᑯᑦ ᑮᓇᐅᔭᓕᒫᖏᑕ ᐊᐅᓚᒍᑎᒃᓴᖏᓐᓄᑦ ᐋᖅᑭᐅᒪᑎᑦᑎᒍᑎᒃᓴᖏᓐᓄᑦ ᐃᓕᐅᖅᑲᖅᑕᐅᕙᓕᕐᒪᑕ ᑮᓇᐅᔾᔭᒃᓵᓄᑦ ᐃᑲᔫᓯᐊᒃᓴᓄᓪᓗ ᒫᓐᓇ ᐃᖅᑲᓇᐃᔭᖅᑎᒋᔭᖏᓐᓄᑦ. 2026-2027-ᒥ ᑮᓇᐅᔭᓕᕆᔾᔪᑎᑦ ᐊᕐᕌᒍᖓᓂ ᑖᓐᓇ ᑮᓇᐅᔭᖅ ᑎᑭᐅᑎᐸᓗᒃᓯᒪᓕᕐᒪᑦ 750 ᒥᓕᐊᓐ ᑖᓚᓄᑦ. ᓄᑖᖑᔪᖅ ᓄᓇᕗᒻᒥ ᐃᒥᐊᓗᐃᑦ ᑖᒃᓯᖏᓐᓄᑦ ᐱᖁᔭᕐᔪᐊᖅ ᑲᔪᓯᑎᑕᐅᔪᒪᑦ ᒪᓕᒐᓕᐅᖅᕕᒻᒥ ᐅᑭᐊᒃᓵᒃᑯᑦ 2022-ᒥ ᐃᒃᓯᕙᓂᖃᖅᑎᓪᓗᒋᑦ. ᑭᓯᐊᓂᓕ, ᓱᓕ ᐊᑐᓕᖅᑎᑕᐅᓯᒪᓐᖏᒻᒪᑦ. ᑖᒃᓱᒪ ᐱᓕᕆᕕᐅᔫᑉ 2026−2030-ᒥ ᐱᓕᕆᐊᒃᓴᓄᑦ ᐸᕐᓇᐅᑎᖓ ᓇᓗᓇᐃᖅᓯᓯᒪᔫᒐᓗᐊᖅ ᐃᓚᖓᑦᒎᖅ ᓯᕗᓪᓕᐅᑎᓐᓂᐊᖅᑕᖏᓐᓄᑦ 2026-2027-ᒥ

ᐊᐃᑉᐹ, ᔫᓂ 02, 2026 ᓄᓇᕗᒥ ᒪᓕᒐᓕᐅᕐᕕᒻᒧᑦ ᑲᑎᒪᔾᔪᑏᑦ 32 ᑮᓇᐅᔭᓕᕆᔾᔪᑎᑦ ᐊᕐᕌᒍᖓᓂ ᑕᒪᓐᓇᐅᒻᒪᑦ “ᐱᕙᓪᓕᐊᑎᑦᑎᓗᑎᒃ ᐃᒥᐊᓗᓐᓄᑦ ᒪᓕᒐᒃᓴᓂᑦ ᑖᓐᓇ ᐃᒥᐊᓗᐃᑦ ᑖᒃᓯᖏᓐᓄᑦ ᐱᖁᔭᕐᔪᐊᖅ ᐊᑐᓕᖅᑎᑕᐅᔪᓐᓇᓂᐊᕐᒪᑦ.” ᓄᓇᕘᑉ ᓱᕐᕋᓇᖅᑐᓄᑦ ᐱᖁᔭᕐᔪᐊᖓ ᐱᓐᖑᖅᑎᑕᐅᔪᒻᒪᑦ ᔫᓂ 13, 2018-ᒥ. ᐃᓗᓕᖓ ᓈᓴᐅᑎᓕᒃ 64-ᒥᑦ ᐱᖁᔭᐅᔪᒥ ᐱᔭᕆᐊᖃᖅᑎᑎᒻᒪᑦ ᕿᒥᕐᕈᔭᐅᔭᕆᐊᖃᖅᑐᓂ ᐱᖁᔭᕐᔪᐊᖅ ᐊᕐᕌᒍᑦ ᑕᓪᓕᒪᑦ ᓈᓂᖅᑕᒫᖏᓐᓂ. ᑖᒃᓱᒪ ᐱᓕᕆᕕᐅᔫᑉ ᐸᕐᓇᓯᒪᔭᖓ ᐱᓕᕆᐊᕆᓛᕐᓗᒍ 2026-2027−ᒥ ᑮᓇᐅᔭᓕᕆᔾᔪᑎᑦ ᐊᕐᕌᒍᖓᓂ ᑕᒪᓐᓇᐅᒻᒪᑦ ᐱᒋᐊᖅᑎᑦᑎᓂᖅ “ᓱᕐᕋᓇᖅᑐᓄᑦ ᐱᖁᔭᕐᔪᐊᖅ ᑕᓪᓕᒪᖓᓂ ᐊᕐᕌᒍᖓᓂ ᕿᒥᕐᕈᔭᐅᓂᖓᓄᑦ ᐅᓂᒃᑳᓕᐅᕐᓗᑎᒃ.” ᑲᑎᒪᔨᕋᓛᑦ ᓂᕆᐅᑦᑎᐊᖅᐳᑦ ᖃᓄᐃᓕᕙᓪᓕᐊᔭᐅᓂᖓᓄᑦ ᐅᓂᒃᑳᖅᕕᐅᓛᕐᓂᕐᒥᓄᑦ ᐱᔾᔪᑎᖃᖅᑐᓂᑦ ᑖᒃᑯᓂᖓ ᐱᒋᐊᖅᑎᑕᐅᓯᒪᔪᓂᑦ. ᓄᕕᐱᕆ 8, 2016-ᒥ, ᐱᓕᕆᒋᐊᕐᓃᑦ ᓄᖑᔾᔫᒥᑎᑦᑎᒐᓱᐊᕐᓗᑎᒃ ᐃᒥᐊᓗᒻᒧᑦ ᐋᓐᓂᖅᑕᐅᕙᑦᑐᓂᑦ ᓄᓇᕗᒻᒥ ᒪᓕᒐᓕᐅᖅᕕᒻᒧᑦ ᓴᖅᑭᖅᑕᐅᓚᐅᖅᓯᒪᒻᒪᑦ. ᑖᒃᓱᒪ ᐱᓕᕆᕕᐅᔫᑉ 2026-2030-ᒥ ᐱᓕᕆᐊᒃᓴᓄᑦ ᐸᕐᓇᐅᑎᖓ ᓇᓗᓇᐃᖅᓯᓯᒪᒻᒪᑦ ᒪᕐᕉᒡᒎᖅ ᓯᕗᓪᓕᐅᑎᖃᓯᐅᑎᔭᖏᑦ 2026-2027-ᒥ ᑮᓇᐅᔭᓕᕆᔾᔪᑎᑦ ᐊᕐᕌᒍᖓᓂ ᑕᒪᓐᓇᐅᒻᒪᑦ “ᐊᑐᐃᓐᓇᕈᐃᓗᑎᒃ ᐱᖁᔭᕐᒥᑦ ᕿᒥᕐᕈᔾᔪᑎᒃᓴᓂᑦ, ᐱᖃᓯᐅᔾᔭᐅᓗᑎᒃ ᖃᓄᖅ ᐃᓱᒪᖃᖅᕕᐅᓂᕐᒪᖔᖅ ᖃᐅᔨᒋᐊᕐᓂᐅᓯᒪᔪᓂᑦ ᑎᑎᕋᖅᓯᒪᔪᓂᑦ. ᑐᕌᖓᔪᓂᑦ ᐃᒥᐊᓗᓕᕆᓂᕐᒧᑦ ᐱᖁᔭᕐᔪᐊᖓᑕ ᕿᒥᕐᕈᔭᐅᔾᔪᑎᒃᓴᖏᓐᓂᑦ” ᐊᒻᒪᓗ “ᑐᑭᒧᐊᑦᑎᑦᑎᓗᑎᒃ ᐃᓕᑕᕆᔭᐅᓯᒪᔪᒥᑦ ᑐᑭᓯᐅᒪᔾᔪᑎᓂᑦ−ᑕᐅᖅᓯᕋᐅᑎᖃᕐᓂᕐᒧᑦ ᐊᖏᖃᑎᒌᒍᑎᒥᑦ ᐊᒻᒪᓗ ᐱᕙᓪᓕᐊᔾᔪᓯᐅᓂᐊᖅᑐᓂᑦ ᒪᓕᑦᑕᐅᓗᑎᒃ ᐱᓕᕆᕕᖓᓄᑦ ᑮᓇᐅᔭᓕᕆᔨᒃᑯᑦ ᐱᔾᔪᔾᔨᓗᑎᒃ ᓄᓇᕗᑦ ᒐᕙᒪᖓᓂᑦ, ᓄᓇᕗᒻᒥ ᐃᒥᐊᓗᓐᓄᑦ ᓱᕐᕋᓇᖅᑐᓄᓪᓗ ᑲᒥᓴᐅᔪᒥᑦ ᐊᒻᒪᓗ ᑲᓇᑕᒥ ᐸᓖᓯᒃᑯᓐᓂᑦ ᐱᔾᔪᑎᖃᖅᑐᓄᑦ ᑐᑭᓯᐅᒪᔾᔪᑎᓄᑦ ᐱᔾᔪᑎᖃᖅᑐᓄᑦ ᐃᒥᐊᓗᒻᒧᑦ ᓱᕐᕋᓇᖅᑐᓄᓪᓗ ᐱᔪᓐᓇᐅᑎᓂᑦ, ᓂᐅᕕᖃᑦᑕᖅᑐᑦ ᑭᒃᑰᒻᒪᖔᑕ ᐊᒻᒪᓗ ᐊᓯᖏᑦ ᐱᓕᕆᖃᑎᒋᓲᖏᑦ ᐅᕝᕙᓘᓐᓃᑦ ᓂᐅᕕᖅᑎᓲᖏᑦ.” ᑲᑎᒪᔨᕋᓛᑦ ᑲᔪᖏᖅᓴᐃᕗᑦ ᐱᓕᕆᕕᐅᔪᒥᑦ ᐅᑎᖅᕕᖃᖁᔨᓪᓗᑎᒃ ᐃᓱᒫᓘᑎᐅᔪᒧᑦ ᖃᓄᖅ ᓄᓇᕗᒻᒥ ᐃᒥᐊᓗᓕᕆᓂᕐᒧᑦ ᓱᕐᕋᓇᖅᑐᓕᕆᓂᕐᒧᓪᓗ ᑲᒥᓴᓐᖓ ᐃᑲᔪᖅᓰᑎᐊᕐᓂᖅᓴᐅᔪᓐᓇᕐᒪᖔᖅ ᒪᓕᒐᕐᓂᑦ ᒪᓕᑦᑕᐅᑎᑦᑎᓂᕐᒥ ᐃᖅᑲᖅᑐᐃᕕᑎᒍᑦ ᐃᒥᐊᓗᒋᐊᖃᖅᑎᑕᐅᓐᖏᑦᑐᓄᑦ. ᑖᒃᓱᒪ ᐱᓕᕆᕕᐅᔫᑉ 2026-2030-ᒥ ᐱᓕᕆᐊᒃᓴᓄᑦ ᐸᕐᓇᐅᑎᖓ ᓇᓗᓇᐃᖅᓯᓯᒪᒻᒪᑦ ᒪᕐᕉᒡᒎᖅ ᓯᕗᓪᓕᐅᑎᖃᓯᐅᑎᔭᖏᑦ 2026-2027-ᒥ ᑮᓇᐅᔭᓕᕆᔾᔪᑎᑦ ᐊᕐᕌᒍᖓᓂ ᐅᑯᐊᖑᒻᒪᑎᒃ “ᖃᐅᔨᓴᕐᓗᑎᒃ ᖃᓄᖅ ᐱᔨᑦᑎᕋᖅᑕᐅᑎᐊᕐᓂᖅᓴᐅᔪᓐᓇᕐᒪᖔᑕ ᓄᓇᓖᑦ ᐃᓅᓴᓐᓂᖅᓴᐅᔪᑦ, ᐱᖃᓯᐅᔾᔭᐅᓗᑎᒃ ᖃᕋᓴᐅᔭᒃᑯᑦ ᓂᐅᕕᖅᑎᑦᑎᖃᑦᑕᓂᕐᒥᑦ, ᐊᒻᒪᓗ ᖃᐅᔨᓴᕐᓗᑎᒃ ᐊᒻᒪᓗ ᐱᕙᓪᓕᐊᑎᑦᑎᓗᑎᒃ ᓂᐅᕕᕐᕕᓕᓐᓄᑦ ᐊᖏᖃᑎᒌᒍᑎᒃᓴᓂᑦ ᑕᕝᕙᓴᐃᓐᓇᕐᓗ ᐊᖏᓪᓕᒋᐊᕆᓗᑎᒃ ᐱᐅᓯᕚᓪᓕᑎᑦᑎᓗᑎᓪᓗ ᐅᖓᓯᑦᑐᒥᑦ ᓂᐅᕕᖃᑦᑕᓂᕐᓂᑦ” ᐊᒻᒪᓗ “ᐱᕙᓪᓕᐊᑎᑦᑎᓗᑎᒃ ᐊᑭᒋᔭᐅᔪᓐᓇᖅᑐᓂᑦ ᒪᓕᑦᑐᓂᑦ ᖃᓄᑎᒋ ᓴᓐᖏᔫᓂᖏᓐᓂᑦ ᐃᒥᐊᓗᐃᑦ. ᒫᓐᓇ ᑎᓴᒪᐅᑎᑕᐅᔪᑦ ᒪᓕᑦᑕᐅᔪᑦ ᐃᓚᒋᐊᖅᑕᐅᓗᑎᒃ.” ᒪᓕᒐᓕᐅᖅᑏᑦ ᐱᒻᒪᕆᐅᓂᕋᐃᕗᑦ ᖃᐅᔨᒪᓇᓱᐊᕐᓂᕐᒥᑦ ᖃᓄᑐᐃᓐᓇᖅ ᐊᖅᑭᑦᑕᐅᔪᑦ ᐱᔪᓐᓇᑎᑦᑎᔪᑦ ᑭᒃᑯᑐᐃᓐᓇᕐᓂᑦ, ᓂᐅᕕᕐᕕᒻᒥ ᓂᐅᕕᕈᓐᓇᓂᕐᒥᑦ ᐃᒥᐊᓗᒻᒥᑦ ᓄᓇᕗᒻᒥ ᓄᓇᓕᖏᓐᓂ ᒪᓕᒃᑲᓗᐊᕐᒪᖔᑕ ᐊᓯᔾᔩᒐᓱᐊᖅᑐᑎᒃ ᐊᑎᓕᐅᖃᑎᒌᓐᓂᒥᓂᐅᔪᓂᑦ ᐃᓕᑕᕆᔭᐅᓯᒪᔪᓂᑦ, ᑕᐃᒪᐃᔪᒻᒪᑕ ᐃᖃᓗᓐᓂ, ᐃᖃᓗᑦᑑᑦᑎᐊᒥ ᐊᒻᒪᓗ ᑲᖏᖅᖠᓂᕐᒥ. ᐃᐳᕈᒥ ᑕᕝᕙᓂ ᐊᕐᕌᒍᒋᔭᑦᑎᓐᓂ, ᑖᓐᓇ ᐱᓕᕆᕕᐅᔪᖅ ᑕᖅᑲᐅᖓ ᓴᖅᑭᑎᑦᑎᔪᒻᒪᑦ ᓄᑖᕈᕆᐊᖅᑕᐅᓯᒪᔪᒥᑦ ᑮᓇᐅᔭᑦ ᐊᐅᓚᑕᐅᓂᖏᓐᓄᑦ ᒪᓕᑦᑕᐅᒋᐊᓕᓐᓄᑦ ᒪᓕᑦᑕᐅᖁᔭᐅᔪᒥᑦ ᐱᔾᔪᑎᖃᖅᑐᒥᑦ ᑮᓇᐅᔭᓂᑦ ᑐᓂᕐᕈᑎᓂᑦ ᐊᖏᖃᑎᒌᒍᑎᑎᒍᓪᓗ ᑮᓇᐅᔭᓂᑦ ᐃᑲᔫᑎᖏᓐᓂᑦ. ᑖᒃᓱᒪ ᐱᓕᕆᕕᐅᔫᑉ 2026-2030-ᒥ ᐱᓕᕆᐊᒃᓴᓄᑦ ᐸᕐᓇᐅᑎᖓ ᓇᓗᓇᐃᖅᓯᓯᒪᒻᒪᑦ ᐃᓚᖓᑦᒎᖅ ᓯᕗᓪᓕᐅᑎᓐᓂᐊᖅᑕᖏᓐᓄᑦ 2026-2027-ᒥ ᑮᓇᐅᔭᓕᕆᔾᔪᑎᑦ ᐊᕐᕌᒍᖓᓂ ᑕᒪᓐᓇᐅᒻᒪᑦ “ᐱᕙᓪᓕᐊᑎᑦᑎᓗᑎᒃ ᒐᕙᒪᓕᒫᒥ ᐱᓕᕆᔾᔪᑎᓕᒫᖏᓐᓂᑦ ᕿᒥᕐᕈᔭᐅᑎᑦᑎᓂᖅ ᒪᓕᓪᓗᑎᒃ ᐊᔾᔨᒌᓕᖅᑎᑕᐅᓯᒪᔪᓂᑦ ᖃᐅᔨᓴᕈᑎᐅᔪᓂᑦ:

ᐊᐃᑉᐹ, ᔫᓂ 02, 2026 ᓄᓇᕗᒥ ᒪᓕᒐᓕᐅᕐᕕᒻᒧᑦ ᑲᑎᒪᔾᔪᑏᑦ 33 ᐊᑑᑎᖃᑦᑎᐊᕐᒪᖔᑕ, ᐱᓕᕆᓴᕋᐃᒻᒪᖔᑕ, ᐊᑑᑎᖃᕐᒪᖔᑕ, ᖃᓄᖅ ᐊᒃᑐᖅᓯᕙᒻᒪᖔᑕ, ᑲᔪᓰᓐᓇᖅᑎᒐᒃᓴᐅᒻᒪᖔᑕ, ᐊᒻᒪᓗ ᒪᓕᒻᒪᖔᑕ ᐃᓄᐃᑦ ᐃᓅᖃᑎᒌᓐᓂᕐᒧᑦ ᐅᑉᐱᕆᔭᖏᓐᓂᑦ.” ᑲᑎᒪᔨᕋᓛᑦ ᓂᕆᐅᑦᑎᐊᖅᐳᑦ ᑐᓴᖅᑎᑕᐅᖃᑦᑕᓛᕐᓂᕐᒥᓄᑦ ᖃᓄᐃᓕᖓᓕᕐᒪᖔᖅ ᑖᓐᓇ ᐱᒋᐊᖅᑎᑕᐅᓯᒪᔪᖅ. ᑖᒃᓱᒪ ᐱᓕᕆᕕᐅᑉ 2026-2030−ᒥ ᐱᓕᕆᐊᒃᓴᓄᑦ ᐸᕐᓇᐅᑎᖓ ᓇᓗᓇᐃᖅᓯᓯᒪᒻᒪᑦ ᐃᓚᖓᑦᒎᖅ ᓯᕗᓪᓕᐅᑎᓐᓂᐊᖅᑕᖏᓐᓄᑦ 2026-2027-ᒥ ᑮᓇᐅᔭᓕᕆᔾᔪᑎᑦ ᐊᕐᕌᒍᖓᓂ ᑕᒪᓐᓇᐅᒻᒪᑦ “ᓯᕗᓪᓕᐅᓛᕐᓗᑎᒃ ᐊᑐᓕᖅᑐᓄᑦ ᓄᑖᖑᔪᒥᑦ ᒐᕙᒪᒃᑯᑦ ᑮᓇᐅᔭᓕᕆᓂᕐᒧᑦ ᐋᖅᑭᑎᖅᑕᐅᓯᒪᔪᓂᑦ ᐊᑐᖅᑕᐅᓛᕐᓗᑎᓪᓗ ᓄᓇᕗᑦ ᒐᕙᒪᖓᑕ ᐅᓂᒃᑳᓕᐅᖅᑎᒋᖃᑦᑕᖅᑕᖏᓐᓄᑦ ᑎᒥᐅᔪᓄᑦ.” ᑲᑎᒪᔨᕋᓛᑦ ᑲᔪᖏᖅᑯᑦ ᕿᒥᕐᕈᓛᕐᓂᕐᒥᓄᑦ ᑖᒃᓱᒥᖓ ᐃᓱᒫᓗᒋᔭᐅᔪᒥᑦ ᑭᖑᓪᓕᕐᒥ ᑕᓚᕖᓴᒃᑰᕐᓗᑎᒃ ᓈᓚᓐᓂᖃᖅᑎᑦᑎᓕᖅᑲᑕ ᐱᓪᓗᒋᑦ 2024-2025-ᒥ ᒐᕙᒪᒃᑯᑦ ᑮᓇᐅᔭᓕᕆᔾᔪᑎᖏᑦ, ᐊᑐᖅᑕᐅᓛᖅᑐᒥ ᓯᑎᐱᕆᒥ ᑕᕝᕙᓂ ᐊᕐᕌᒍᑦᑎᓐᓂ. ᑕᕝᕙ ᐃᓱᓕᑉᐳᑦ ᒪᑐᐃᖅᓯᔾᔪᑎᒃᑲ ᐱᓪᓗᒋ ᑐᒃᓯᕌᖑᔪᑦ 2026-2027-ᒥ ᑮᓇᐅᔭᖅᑐᕈᑎᒃᓴᖏᑦ ᒥᒃᓴᐅᓯᔭᐅᓯᒪᔪᑦ ᐱᓕᕆᕕᖓᓄᑦ ᑮᓇᐅᔭᓕᕆᔨᒃᑯᑦ. ᖁᔭᓐᓇᒦᒃ, ᐃᒃᓯᕙᐅᑖᖅ. ᐃᒃᓯᕙᐅᑕᖅ (ᑐᓵᔨᑎᒍᑦ): ᒪᓕᒐᓕᐅᖅᑏᑦ ᐅᖃᐅᓯᒃᓴᑐᐃᓐᓇᖃᖅᐸᑦ ᐃᓗᓕᖏᓐᓂ ᕿᒥᕐᕈᓚᐅᙱᓂᑦᑎᓐᓂ? ᐊᑎᖁᑎᖃᙱᓐᓇᒪ. ᑲᔪᓯᒋᐊᓕᕐᒥᓗᑕ ᐊᑐᓃᕐᓗᒋᑦ ᒪᒃᐱᒐᑦ ᕿᒥᕐᕈᓂᕗᑦ 2026-2027 ᑮᓇᐅᔭᖅᑐᕆᑎᔅᓴᑦ, C-4 ᐱᒋᐊᕐᕕᒋᓗᒍ. ᕿᒥᕐᕈᓂᐊᓕᕆᕙᕗᑦ ᑖᒃᑯᐊ ᑮᓇᐅᔭᓕᕆᔨᒃᑯᑦ ᑮᓇᐅᔭᖅᑐᕈᑎᒃᓴᐃᑦ 2026-2027 ᑲᑎᑦᑐᒋᑦ $4.965-ᒥᓕᐊᓐ. ᒪᓕᒐᓕᐅᖅᑏᑦ ᐊᐱᖅᑯᑎᔅᓴᖃᖅᐹᑦ? ᒪᓕᒐᓕᐅᖅᑎ ᖁᑦᑎᑦᑐᒧᑦ, ᒥᔅᑕ ᑕᖅᑐ. ᑕᖅᑐ (ᑐᓵᔨᑎᒍᑦ): ᖁᔭᓐᓇᒦᒃ, ᐃᒃᓯᕙᐅᑖᖅ. ᐱᓕᕆᕝᕕᓯ ᓄᑖᖅ ᑎᒥᐅᓕᖅᑐᒧᑦ ᐋᖅᑭᒃᓯᒪᓂᖓ ᐅᖃᖅᓯᒪᕗᖅ ᐃᖅᑲᓇᐃᔭᖅᑐᓕ ᐃᖅᑲᓇᐃᔭᖅᑐᓕᕆᔨᖃᙱᑦᑎᓯᓐᓂ. ᑭᓱᒧᓄᓇ ᐱᓇᓱᑦᑑᒐᓗᐊᖅ? ᖁᔭᓐᓇᒦᒃ, ᐃᒃᓯᕙᐅᑖᖅ. ᐃᒃᓯᕙᐅᑕᖅ (ᑐᓵᔨᑎᒍᑦ): ᒥᔅᑕ ᒪᐃᓐ. ᓯᕗᓕᖅᑎ ᐋᕐᓗᒃ ᒪᐃᓐ: ᒪ’ᓇ, ᐃᒃᓯᕙᐅᑖᖅ. (ᑐᓵᔨᑎᒎᓕᖅᑐᖅ) ᑖᓐᓇ ᑕᑯᕙᓪᓕᐊᕙᕗᑦ ᒐᕙᒪᒃᑯᑦ ᑎᒥᖁᑎᖏᓐᓂ ᐊᑕᐅᓯᐅᙱᑦᑐᓂ. ᑐᕌᒐᖃᖅᐳᖅ ᐃᑲᔪᖅᑐᐃᒐᓱᒍᒪᓪᓗᑎ ᕿᒥᕐᕈᓂᖅᓴᐅᒍᓐᓇᖅᑐᓂ ᐃᖅᑲᓇᐃᔭᖅᑐᓕᕆᓂᕐᒨᓕᖓᔪᓂᑦ ᑮᓇᐅᔭᓕᕆᔨᒃᑯᓐᓂ, ᐱᓗᐊᖅᑐᒥ ᓴᖅᑭᐸᑦᑐᑦ ᐱᓇᓱᒃᓯᒪᔭᕗᑦ: ᐃᓄᓐᓂᑦ ᐃᖅᑲᓇᐃᔭᖅᑎᖃᕐᓂᖅᓴᐅᓕᕐᓗᓂ, ᐃᑲᔪᖅᑕᐅᓂᖅᓴᐅᓕᕐᓗᑎᓪᓗ ᐃᖅᑲᓇᐃᔭᕐᓗᑎ ᐱᓕᒻᒪᒃᓴᕈᑎᐅᕙᑦᑐᐃᑦ. ᐊᒥᓱᑦ ᐱᓇᓱᒍᒪᒐᑦᑎᒍ, ᐱᔪᓐᓇᖅᑐᑦ ᐃᖅᑲᓇᐃᔭᖅᑏᑦ ᐅᓄᖅᓯᒋᐊᕐᓗᑎᒍ ᐃᓄᐃᑦ ᒐᕙᒪᒃᑯᑦ ᑎᒥᖁᑎᖏᓐᓂ, ᓄᑖᕐᓗ ᑖᓐᓇ ᐃᓚᒋᔭᐅᓂᐊᓕᖅᑐᖅ ᑕᒪᑐᒧᖓ ᑐᕌᖅᑕᒧᑦ ᓯᕗᒧᐊᕈᑎᐅᓂᐊᖅᐳᖅ. (ᑐᓵᔨᑎᒎᕈᓐᓃᖅᑐᖅ) ᒪ’ᓇ, ᐃᒃᓯᕙᐅᑖᖅ. ᐃᒃᓯᕙᐅᑕᖅ (ᑐᓵᔨᑎᒍᑦ): ᐊᑎᖁᑎᓐᓃᒻᒥᔪᖅ, ᒪᓕᒐᓕᐅᖅᑎ ᔮᓂ ᒪᐃᒃ. ᒪᐃᒃ: ᐱᔭᕇᖅᑭᑦ? ᖁᔭᓐᓇᒦᒃ, ᐃᒃᓯᕙᐅᑖᖅ. ᓂᕆᐅᕋᑖᙱᑦᑎᐊᕋᒪ. (ᑐᓵᔨᑎᒎᓕᖅᑐᖅ) ᑲᑎᒪᔨᕋᓛᑦ ᐱᓪᓗᒋᑦ ᐊᐅᓚᔾᔪᑎᓄᑦ ᒪᑐᐃᕈᑎᒋᖅᑲᐅᔭᓐᓂ, ᒐᕙᒪᒃᑯᑦ ᐊᑐᓕᖁᔮ 2026-2027 ᑮᓇᐅᔭᖅᑐᕈᑎᒃᓴᐅᔪᓂᑦ ᐅᖃᖅᓯᒪᒻᒪᑕ ᑕᒫᓂ 5,596 ᐃᖅᑲᓇᐃᔮᑦ. ᓱᒻᒪᑦ ᖁᓪᓕᖅ ᐆᒻᒪᖅᑯᑎᓕᕆᔨᒃᑯᑦ ᑯᐊᐳᕇᓴᖓ ᐃᓚᓕᐅᑎᔭᐅᓯᒪᙱᓚᑦ ᑖᒃᑯᓄᖓ ᓈᓴᐅᑎᓄᑦ? ᖁᔭᓐᓇᒦᒃ. ᐃᒃᓯᕙᐅᑕᖅ (ᑐᓵᔨᑎᒍᑦ): ᒥᓂᔅᑕ ᒪᐃᓐ.

ᐊᐃᑉᐹ, ᔫᓂ 02, 2026 ᓄᓇᕗᒥ ᒪᓕᒐᓕᐅᕐᕕᒻᒧᑦ ᑲᑎᒪᔾᔪᑏᑦ 34 ᓯᕗᓕᖅᑎ ᐋᕐᓗᒃ ᒪᐃᓐ: ᒪ’ᓇ, ᐃᒃᓯᕙᐅᑖᖅ. (ᑐᓵᔨᑎᒎᓕᖅᑐᖅ) ᑕᐃᒪᐃᓚᕿᕗᖅ ᖁᓪᓕᒃᑯᑦ ᐃᒻᒥᒃᑯᖓᓂᖏᓐᓂ, ᐊᒻᒪ ᖃᐃᕙᖏᒻᒪᑕ ᑮᓇᐅᔭᖅᑖᕈᒪᓪᓗᑎ ᐃᓚᒋᐊᕈᑎᒃᓴᓂ ᒪᓕᒐᓕᐅᕐᕕᒻᒧ. ᑮᓇᐅᔭᖃᖅᑎᑦᑎᕙᑉᐳᓪᓕ ᑮᓇᐅᔭᓕᐊᕆᕙᑦᑕᒥᓐᓂᒡ ᐃᑯᒻᒪᖅᑯᑎᔅᓯᐅᑎᓄᑦ. ᐅᖃᐅᓯᐅᒍᓐᓇᖅᑑᒐᓗᐊ ᐃᓚᓕᐅᑎᔭᐅᒋᐊᖃᕐᓂᖏᓐᓂ ᓈᓴᖃᓯᐅᑎᕙᑦᑕᑎᓐᓂ, ᑭᓯᐊᓂ ᐃᓕᖅᑯᓯᖓ ᐊᐅᓚᓂᖓ ᐱᔾᔪᑕᐅᒻᒪᑦ. ᓄᓇᕗᑦ ᐃᓪᓗᓕᕆᔨᕐᔪᐊᒃᑯᑦ, ᑕᑯᒐᔭᕈᑦᓯᐅ ᑯᐊᐸᕆᑦᓴᐅᔫᒐᓗᐊ, ᐄ ᑭᓯᐊᓂ ᖃᓂᑦᓴᓂᖅᓴᐅᒻᒪᑦ ᐊᑦᑐᐊᓂᕆᔭᖏ ᐊᕐᕋᒍᑕᒫ ᐃᓚᒋᐊᕈᑎᑦᓴᓂ ᑐᒃᓯᕋᓲᖑᒻᒪᑕ ᑕᐃᒪᐃᒻᒪ ᐃᓚᓕᐅᑎᔭᐅᓯᒪᖏᓚ ᐅᑯᐊ ᓈᓴᖅᑕᐅᓯᒪᔪᓄᑦ. ᖁᔭᓐᓇᒦᒃ, ᐃᒃᓯᕙᐅᑖᖅ. ᐃᒃᓯᕙᐅᑕᖅ: ᒥᔅᑕ ᒪᐃᒃ. ᒪᐃᒃ: ᖁᔭᓐᓇᒦᒃ, ᐃᒃᓯᕙᐅᑖᖅ, ᖁᔭᓐᓇᒦᓪᓗ ᒥᓂᔅᑕ. (ᑐᓵᔨᑎᒎᓕᖅᑐᖅ) ᐱᓕᕆᕝᕕᓯ 2026-2030 ᐸᕐᓐᓇᐅᑎᓯ ᕿᒥᕈᓛᕋᑦᑎᒍ ᖃᓄᖅᑑᕈᑎᔅᓴᓂᒃ, ᐃᒃᔪᖅᑐᐃᒍᑎᐅᒐᔭᖅᑐᓂᒃ ᑎᒥᐅᔪᓂᒃ ᐃᓂᓪᓚᖓᒋᐊᓂᖏᓐᓂᓪᓗ ᑐᑭᒧᐊᑦᑎᓂᖅᓴᐅᒐᔭᖁᓪᓗᒋᑦ ᐊᒻᒪᓗ ᐃᒃᔪᖅᑐᐃᓗᑎᒃ ᑮᓇᐅᔭᓕᕆᔪᓯᐅᔪᓂᒃ ᑲᑎᒪᔨᕋᓛᖑᔪᓂᓪᓗ ᐅᓂᑳᕆᐊᖃᖅᐸᑦᑐᓂᒃ. ᑭᓱᓪᓚᑦᑕᑦ ᐃᓱᒪᔅᓴᖅᓯᐅᕈᑕᐅᓕᖅᐸᑦ? ᖁᔭᓐᓇᒦᒃ, ᐃᒃᓯᕙᐅᑖᖅ. ᐃᒃᓯᕙᐅᑕᖅ: ᒥᓂᔅᑕ ᒪᐃᑦ ᓯᕗᓕᖅᑎ ᐋᕐᓗᒃ ᒪᐃᓐ: ᒪ’ᓇ, ᐃᒃᓯᕙᐅᑖᖅ. (ᑐᓵᔨᑎᒎᓕᖅᑐᖅ) ᐄ, ᑕᑯᓐᓇᕋᓗᐊᖅᐳᒍᑦ ᖃᓄ ᓲᖑᓯᒋᐊᒃᑲᓐᓂᕈᓐᓇᖅᐱᑎᒎ ᐱᓕᕆᖃᑎᖃᖅᐸᓐᓂᕗᑦ ᑯᐊᐳᕇᓴᐅᔪᓂ. ᓄᓇᕗᒻᒥ ᑯᐊᐳᕇᓴᐅᔪᓂ ᑲᑎᒪᔨᐊᓛᖃᕐᒻᒪᑦ, ᐃᓚᖃᓯᐅᑎᓗᒋᑦ ᐊᑐᐊᒐᓕᕆᓂᕐᒻᒧᑦ, ᑮᓇᐅᔭᓕᕆᓂᕐᒻᒧᑦ ᐃᖅᑲᓇᐃᔭᖅᑏᑦ ᑕᓪᓕᒪᐅᔪᓂᒃ ᑖᑯᓂᖓ ᑯᐳᕇᓴᓂ, ᐊᒻᒪᓗ ᑮᓇᐅᔭᓕᕆᔨᒃᑯᑦ ᐃᖅᑲᓇᐃᔭᖅᑎᖏ ᐆᒻᒪᐃᒋᐊᑲᓐᓂᕈᒪᓪᓗᑕ ᑖᒃᑯᓄᖓ ᑲᑎᒪᔨᐊᓛᓄ. ᐊᒻᒪᑦᑕᐅ ᓇᑯᓇᕋᓱᒻᒥᔪᒍᑦ ᑮᓇᐅᔭᓕᕆᔨᕐᔪᐊᒃᑯᑦ ᐊᑦᑖᓃᒐᔭᕈᓂ ᑭᓇᐅᔭᓂᕆᓃᑦ ᐃᒻᒪᖃ ᕿᒥᕈᔭᐅᑦᑎᐊᓂᖅᓴᐅᓕᕋᔭᖅᐳᑦ ᐃᑲᔪᒃᑲᓂᕐᓗᑎᓪᓗ ᐊᑐᐃᓐᓇᐅᕙᒌᖅᑐᓂ ᐱᓇᓲᑎᐅᒍᓐᓇᖅᑐᓂᒃ ᐃᑲᔪᖅᑐᐃᒍᑎᐅᔪᓂᒃ ᐃᖅᑲᓇᐃᔭᖅᑎᓄᑦ. ᖁᔭᓐᓇᒦᒃ, ᐃᒃᓯᕙᐅᑖᖅ. ᐃᒃᓯᕙᐅᑕᖅ: ᒥᔅᑕ ᒪᐃᒃ. ᒪᐃᒃ: ᖁᔭᓐᓇᒦᒃ, ᐃᒃᓯᕙᐅᑖᖅ, ᖁᔭᓐᓇᒦᓪᓗ ᒥᓂᔅᑕ. (ᑐᓵᔨᑎᒎᓕᖅᑐᖅ) ᒐᕙᒪᒃᑯ ᑎᒥᖁᑎᖏ ᐅᖃᐅᓯᕆᔭᑎᑦ ᐃᓚᐅᓛᖅᑐᑦ, ᐅᓂᒃᑳᓯᐅᕆᐊᖃᐸᒃᑲᔭᕐᓂᕐᒻᒧᑦ. ᖁᔭᓐᓇᒦᒃ. ᓯᕗᓕᖅᑎ ᐋᕐᓗᒃ ᒪᐃᓐ: ᒪ’ᓇ ᐃᒃᓯᕙᐅᑖᖅ. (ᑐᓵᔨᑎᒎᓕᖅᑐᖅ) ᑖᑯᐊ ᑕᓪᓕᒪᐅᔪᑦ ᑯᐊᐳᕇᓴᖁᑎᕗᑦ ᒐᕙᒪᒃᑯ ᐊᑖᓂ, ᖁᓪᓕᒃᑯᑦ, ᓄᓇᕗᑦ ᐃᓪᓗᓕᕆᔨᕐᔪᐊᒃᑯᑦ, ᓄᓇᕗᑦ-ᒥ ᐱᕙᓪᓕᐊᔪᓕᕆᔨᒃᑯ, ᐊᒻᒪ ᓄᓇᕗᑦ ᐊᑐᖅᑐᐊᖅᑐᓕᕆᔨᒃᑯᑦ ᐊᒻᒪ ᓄᓇᕗᑦ ᓯᓚᑦᑐᓴᕐᕕᒃᑯᑦ. ᒪ’ᓇ ᐃᒃᓯᕙᐅᑖᖅ. ᐃᒃᓯᕙᐅᑕᖅ: ᒥᔅᑕ ᒪᐃᒃ. ᒪᐃᒃ: (ᑐᓵᔨᑎᒍᑦ) ᖁᔭᓐᓇᒦᒃ, ᐃᒃᓯᕙᐅᑖᖅ. ᖁᔭᓐᓇᒦᓪᓗ ᒥᓂᔅᑕ. ᑲᑎᒪᔨᕋᓛᓂ ᐊᐱᖅᑯᑎᖃᓚᐅᕋᒪ, ᑖᑯᐊ ᐱᖃᓯᐅᔭᐅᖏᓐᓂᖏᑦ ᖁᓪᓕᒃᑯᑦ ᑖᑯᓇᓂ ᐃᓱᒪᒋᓪᓗᒍ ᑐᑭᒧᐊᑦᑎᒋᐊᒃᑲᓐᓂᓚᐅᕐᓗᒋᖅᑲᐃ. ᐃᓚᒋᔭᐅᓂᐊᕐᒪᑕ ᑮᓇᐅᔭᓕᕆᓂᕐᒻᒧᑦ ᐅᓂᒃᑳᐸᓐᓂᑐᐃᓇᕐᒧᑦ ᐱᖃᓯᐅᑎᓂᐊᕆᕙ? ᖁᓪᓕᒃᑯ ᐃᖅᑲᓇᐃᔮᖏᓂ ᐱᖃᓯᐅᑎᓂᐊᖅᐹ? ᖁᔭᓐᓇᒦᒃ. ᐃᒃᓯᕙᐅᑕᖅ: ᒥᓂᔅᑕ ᒪᐃᑦ.

ᐊᐃᑉᐹ, ᔫᓂ 02, 2026 ᓄᓇᕗᒥ ᒪᓕᒐᓕᐅᕐᕕᒻᒧᑦ ᑲᑎᒪᔾᔪᑏᑦ 35 ᓯᕗᓕᖅᑎ ᐋᕐᓗᒃ ᒪᐃᓐ: ᒪ’ᓇ, ᐃᒃᓯᕙᐅᖄᖅ. (ᑐᓵᔨᑎᒎᓕᖅᑐᖅ) ᑕᒫᓂ ᐊᐅᓚᑦᑦᓯᐊᕈᒪᓂᕗᖃᐃ ᐱᓕᕆᖃᑎᒌᑉᐸᓐᓂᕗᑦ ᑯᐊᐳᕇᓴᐅᔪᓂᒃ ᓲᕐᓗ ᖁᓪᓕᒃᑯᑦ, ᑮᓇᐅᔭᓕᕆᔨᒃᑯᑎᒍᓪᓗ. ᑕᑯᒐᔭᕆᑦᑎ ᖃᓄᖅ ᐊᑦᑐᐊᖃᑎᒌᓐᓄᕗᑦ ᓇᐅᒃᑯᑦ ᐊᒌᔩᖏᑦᑐᒃᑯᑦ ᐊᑦᑐᐊᓂᖃᕋᑦᑕ ᖁᓪᓕᑯᓐᓄᑦ, ᐆᑦᑑᑎᒋᓗᒍ ᐃᓚᖓᑦ ᑖᑯᐊ ᐃᓗᓕᒪᕆᖏ ᑮᓇᐅᔭᖃᖅᑎᑦᑎᒍᓐᓇᓲᖑᒻᒪᑕ, ᑲᒪᒋᔭᖃᕐᓗᐊᑕᖅᐳᑦ ᑮᓇᐅᔭᓂᑦ ᐊᑭᓕᑦᑎᖃᕈᑎᓪᓗ, ᑕᕝᕙᓴᐃᓇᕐᓪᓗ ᐃᒻᒥᒃᑯᑦ ᑎᒥᐅᓗᑎ, ᐆᑦᑐᑎᒋᑐᐃᓇᖅᑕᕋ ᓴᖏᓕᒋᐊᒃᑲᓐᓂᕈᒪᓂᕗᑦ ᐱᓕᕆᖃᑎᖃᖅᐸᓐᓂᑦᑎᓐᓂ ᐃᖅᑲᓇᐃᔭᖅᑎᖏᓕ ᐱᓪᓗᒋ ᖁᓪᓕᒃᑯᑦ ᐃᖅᑲᓇᐃᔮᖏᑦ ᒐᕙᒪᒃᑯ ᑮᓇᐅᔭᓕᕆᔾᔪᓯᖓᓄᖁᒐᔭᖏᓇᑦᑎᒍ ᓯᓚᑎᖔᖓᓃᑲᔭᕐᒪᑦ. ᒪ’ᓇ, ᐃᒃᓯᕙᐅᑖᖅ. ᐃᒃᓯᕙᐅᑕᖅ: ᒥᔅᑕ ᒪᐃᒃ. ᒪᐃᒃ: ᖁᔭᓐᓇᒦᒃ, ᐃᒃᓯᕙᐅᑖᖅ. ᖁᔭᓐᓇᒦᓪᓗ ᒥᓂᔅᑕ. (ᑐᓵᔨᑎᒍᑦ) ᐅᖃᓕᒫᑲᐃᓐᓇᖑᓱᒃᑲᒪ ᐊᑕᖏᖅᑖᓗᒋᖏᑲᓗᐊᕐᓗᒍ, ᐊᑦᑐᐊᓂᖃᑑ ᐃᓱᒪᒋᔭᓐᓄ. “ᐊᖑᓇᓱᑦᑎᓂ ᐃᑲᔪᖅᓰᓂᕐᒻᒥ ᐊᖏᖃᑎᒌᒍᑎᓕᐅᖅᓯᒪᒪᑕ ᑕᓪᓕᒪᓂ ᓄᓇᕘᒥ ᑯᐊᐳᕇᓴᐅᔪᓂ, ᐱᔾᔪᑎᖃᖅᑐᑎ ᑮᓇᐅᔭᓕᕆᓂᕐᒻᒧᑦ ᐊᒻᒪᓗ ᐊᐅᓚᑕᐅᓂᖏᓐᓄᑦ. ᖃᓄᕐᓘ ᓄᓇᕗᑦ ᒐᕙᒪᖓᓂ ᐱᓕᕆᖃᑎᖃᕆᐊᖃᕐᒪᖔᑕ ᐊᕐᕋᒎᑕᒫᖅᓯᐅᑎᓂᓪᓗ ᐅᓂᒃᑳᕆᐊᖃᕐᒪᖔᑕ, ᑖᓇ ᓇᓗᓇᐃᑦᑎᐊᕈᓐᓇᕿᐅ ᑐᑭᓯᓯᒪᑦᑎᐊᕐᓂᖅᓴᐅᓂᐊᕋᑦᑕ? ᖁᔭᓐᓇᒦᒃ. ᐃᒃᓯᕙᐅᑕᖅ: ᒥᓂᔅᑕ ᒪᐃᑦ. ᓯᕗᓕᖅᑎ ᐋᕐᓗᒃ ᒪᐃᓐ: ᒪ’ᓇ, ᐃᒃᓯᕙᐅᑖᖅ. (ᑐᓵᔨᑎᒎᓕᖅᑐᖅ) ᒥᔅᑕ ᔭᖕ, ᑭᐅᔪᓇᖅᑎᒃᑯᕕᐅ? (ᑐᓵᔨᑎᒎᕈᓐᓃᖅᑐᖅ) ᒪ’ᓇ ᐃᒃᓯᕙᐅᑖᖅ. ᐃᒃᓯᕙᐅᑕᖅ (ᑐᓵᔨᑎᒍᑦ): ᒥᔅᑕ ᔭᖕ ᑲᔪᓯᒋᐊᕆᑦ. ᔭᖕ (ᑐᓵᔨᑎᒍᑦ): ᖁᔭᓐᓇᒦᒃ, ᐃᒃᓯᕙᐅᑖᖅ. ᖁᔭᓐᓇᒦᓪᓗ ᐊᐱᕆᒻᒪᑦ ᒪᓕᒐᓕᐅᖅᑎ. ᐱᔾᔪᑎᖓ ᑐᑭᓯᐅᒪᖃᑎᒌᓂᕐᒻᒧᑦ ᐊᖏᖃᑎᒌᒍᑎ ᐊᑎᓕᐅᑕᐅᖁᓛᖅᑕᕗ ᑯᐊᐳᕇᓴᓕᒫᖑᔪᓄᑦ ᖃᓄ ᓂᕆᐅᕕᒋᒪᖔᑎᒍ ᖃᐅᔨᒪᓛᕐᖓᑕ ᑯᐊᐳᕇᓴᓕᒫᖑᔪᐃᑦ ᑮᓇᐅᔭᖅᑎᒍᑦ ᑮᓇᐅᔭᓂ ᐅᓂᒃᑳᖃᖃᑦᑕᕆᐊᖃᕐᓂᖏ ᐊᕐᕋᒍᑕᒫᖅᓯᐅᑎᓂᓪᓗ, ᑮᓇᐅᔭᓕᕆᔨᒃᑯᓪᓗ ᑎᓕᔪᑎᒋᓯᒪᔭᖏᓐᓂ ᐱᓕᕆᐊᓴᓄᓪᓗ ᐸᕐᓇᐅᑎᖏᓐᓂ, ᑕᒪᑯᐊᓕᒫ ᐊᑕᐅᓯᕐᒻᒥᑎᑕᐅᓛᓕᖓᑕ ᖃᓄ ᓂᕆᐅᕝᕕᒋᒪᖔᑎᒍ ᖃᐅᔨᒪᖃᑦᑕᓛᕐᖓᑕ, ᖃᓄ ᑮᓇᐅᔭᓕᕆᔨᒃᑯ ᓂᕆᐅᒻᒪᖔᑕ ᖃᐅᔨᒪᑦᑎᐊᖃᑦᑕᓛᕐᖓᑕ ᓱᒋᐊᖃᕐᒪᖔᑕ ᐊᕐᕌᒎ ᐃᓗᐊᓂ. ᖁᔭᓐᓇᒦᒃ, ᐃᒃᓯᕙᐅᑖᖅ. ᐃᒃᓯᕙᐅᑕᖅ (ᑐᓵᔨᑎᒍᑦ): ᒥᓂᔅᑕ ᒪᐃᒃ. ᒪᐃᒃ (ᑐᓵᔨᑎᒍᑦ): ᖁᔭᓐᓇᒦᒃ, ᐃᒃᓯᕙᐅᑖᖅ. ᖁᔭᓐᓇᒦᓪᓗ ᒥᓂᔅᑕ. ᔮᓄᐊᓕ 2025-ᖑᑎᓪᓗᒍ ᓄᓇᕘ ᒐᕙᒪᖓ ᓄᖃᑎᑦᑎᓚᐅᖅᓯᒪᒪᑦ ᓴᖅᑭᑎᑦᑎᖃᑕᕐᓂᕐᒥ ᖃᓄ ᓂᕆᐅᕝᕕᖃᕐᒪᖔᑕ. ᑖᓇ ᓄᖃᖅᑎᑕᐅᔪᒻᒪᑦ, ᐅᑎᖅᐸᓪᓕᐊᔫᔮᖓᑕ ᖃᓄ ᓂᕆᐅᕝᕕᖃᕐᒪᖔᕐᒥᓂ ᓴᖅᑭᖅᓯᖃᑦᑕᕐᓂᐊᓗᑎ ᐊᖏᖃᑎᒌᒍᑎᑎᒍᑦ. ᓇᓗᓇᐃᕆᐊᑦᑎᐊᕈᓐᓇᕿᐅ ᑖᓇ ᖃᓅᓚᕐᒪᖔ, ᐊᔾᔨᖃᔾᔮᓛᖏᓛᖅ? ᑎᑎᖃᐅᖃᑦᑕᔪᔪᓂᒃ ᖃᓄ ᓂᕆᐅᕝᕕᖃᕐᒪᖔᑕ ᒥᓂᔅᑦᑕᐃ? ᖁᔭᓐᓇᒦᒃ. ᐃᒃᓯᕙᐅᑕᖅ: ᒥᓂᔅᑕ ᒪᐃᓪ. ᓯᕗᓕᖅᑎ ᐋᕐᓗᒃ ᒪᐃᓐ: ᒪ’ᓇ, ᐃᒃᓯᕙᐅᑖᖅ. (ᑐᓵᔨᑎᒎᓕᖅᑐᖅ) ᐄ’, ᐃᒪᐃᒍᒪᔪᒍᑦ ᑖᑯᐊ ᑐᑭᓯᐅᒪᖃᑎᒌᓂᕐᒻᒧᑦ ᐊᖏᖃᑎᒌᒍᑎᑎᒍᑦ ᐊᖏᖃᑎᒎᑏ ᐃᓇᖐᓗᑎ ᑕᐃᒃᑯᓂᖓ ᑎᑎᖃᐅᖃᑦᑕᔪᔪᓂᒃ ᖃᓄ ᓂᕆᐅᕕᖃᕐᒪᖔᑕ ᒥᓂᔅᑕᐃ, ᑖᓇ ᐊᑲᐅᓂᖅᓴᐅᓂᐊᖅᑐᒋᒐᑦᑎᒍ ᑕᐃᒫ

ᐊᐃᑉᐹ, ᔫᓂ 02, 2026 ᓄᓇᕗᒥ ᒪᓕᒐᓕᐅᕐᕕᒻᒧᑦ ᑲᑎᒪᔾᔪᑏᑦ 36 ᐱᓕᕆᖃᑎᒌᓐᓂᕆᔭᑦᑎᓐᓄᑦ ᐋᕿᔅᓯᒪᑉᐸᑕ; ᑕᕝᕘᓇ ᑎᓕᔭᐅᖃᑦᑕᕈᓐᓇᕋᔭᕐᖓᑕ ᑯᐊᐳᕇᓴᐅᔪᐃᑦ ᑕᒪᒃᑯᐊ ᑐᑭᓯᐅᒪᖃᑎᒌᓂᕐᒧ ᐊᖏᖃᑎᒌᒍᑏᑦ ᑐᑭᓯᐅᒪᔾᔪᑎᓂ ᑕᐅᓯᕋᐅᑎᖃᑦᑎᐊᕐᕈᓐᓇᕐᓂᖅᓴᐅᒐᔭᕐᖓᑕ ᑎᑎᕋᖃᑦᑕᐅᑎᓚᕆᓂᐊᓗᒃᑰᖐᑐᒐᓗᐊᖅ, ᐃᓱᒪᒋᔭᒥᓐᓂ ᐅᖃᐅᓯᖃᕐᕕᖃᖃᑦᑕᕈᓐᓇᕐᓗᑎᒃ; ᓴᖏᓂᖅᓴᓂ ᐊᐅᓚᑦᑎᒍᑎᑖᖅᑎᒍᒪᒐᑦᑎᒍ. ᐱᒻᒪᕆᐊᓘᒻᒪ ᑯᐊᐳᕇᓴᐅᔪᐃᑦ. ᐃᓪᓗᓕᕆᓂᖅ ᐱᓪᓗᒍ ᐊᒻᒪ ᖃᐅᒻᒪᖁᑎᓕᕆᓂᖅ ᓄᑭᓪᓚᐅᓯᕆᓂᖅ, ᑕᒪᑯᐊ ᐱᑕᖃᐃᓐᓇᕆᐊᖃᕐᖓᑕ. ᐊᒻᒪ ᑮᓇᐅᔭᐃᑦ ᐊᐅᓚᑕᐅᓂᖏᑦ ᐃᓚᒋᒻᒥᒪᒎ ᑕᐃᑯᐊ ᐱᓕᕆᑦᑎᐊᕆᐊᖃᕐᖓᑕ ᑮᓇᐅᔭᖏᓐᓂ ᑲᒪᑎᐊᓗᑎᓗ. ᑕᒫᖓ ᑕᐃᒫᓴᐃᔭᐅᔮᖓᑦ ᐅᖅᓱᐊᓗᑐᖃᕐᒥ ᐊᑐᖏᖔᓗᑕ ᓴᓇᐅᒐᕐᒥᖔᖅ, ᐅᖅᓱᐊᓗᒻᒥ ᐊᑐᕈᑦᑕ ᓱᒃᑲᓕᓂᖅᓴᐅᓂᐊᕋᑦᑕ. ᖁᔭᓐᓇᒦᒃ, ᐃᒃᓯᕙᐅᑖᖅ, ᐃᒃᓯᕙᐅᑕᖅ (ᑐᓵᔨᑎᒍᑦ): ᒥᔅᑕ ᑕᖅᑐ. ᒪᓕᒐᓕᐅᖅᑏᑦ ᐊᐱᖁᑎᔅᓴᖃᖅᑐᖃᑲᓂᖄ? ᒥᔅᑕ ᐲᑐᓴᑦ. ᐲᑕᓴᓐ (ᑐᓵᔨᑎᒍᑦ): ᖁᔭᓐᓇᒦᒃ, ᐃᒃᓯᕙᐅᑖᖅ. ᐱᓕᕆᕕᓰ 2026-2030-ᒧ ᐱᓕᕆᐊᔅᓴᓄ ᐸᕐᓇᐅᑎᖓ ᐅᖃᖅᓯᒪᒻᒪ ᐃᓚᖓᒍ ᐸᕐᓇᓯᒪᔭᖓ ᐱᓕᕆᐊᕆᓛᕐᓗᓂᐅ 2026-207-ᒧ ᐊᕐᕋᒍᖓᓂ ᐊᑐᐃᓐᓇᕈᖅᓴᐃᓗᑎ ᐱᖁᔭᕐᓐᓂ ᕿᒥᕈᒍᑎᔅᓴᐅᔪᓂ ᐊᒻᒪᓗᑕᐅ ᖃᐅᔨᓴᕈᑎᔅᓴᐅᔪᓂ ᖃᓄ ᐃᓱᒪᖃᕐᕕᐅᒻᒪᖓᑕ ᐃᒥᐊᓗᓕᕆᓂᕐᒻᒧ ᐱᖁᔭᖅᔪᐊᖅ ᕿᒥᕈᔭᐅᓗᓂ. ᖃᓄᓚᑦᑖᖅ ᐋᕿᒋᐊᖅᑕᐅᒋᐊᖏᑕ ᐃᓱᒪᒋᔭᐅᒻᒪᑕ? ᖁᔭᓐᓇᒦᒃ, ᐃᒃᓯᕙᐅᑖᖅ. ᐃᒃᓯᕙᐅᑕᖅ. ᒥᓂᔅᑕ ᒪᐃᓐ. ᓯᕗᓕᖅᑎ ᐋᕐᓗᒃ ᒪᐃᓐ: ᒪ’ᓇ, ᐃᒃᓯᕙᐅᑖᖅ. (ᑐᓵᔨᑎᒍᓕᖅᑐᖅ) ᑖᓇᓱᓕ ᐋᕿᑦᑕᐅᔭᕆᐊᓕᒃ ᐱᒻᒪᕆᐊᓘᒪ ᐊᑐᐊᒐᐅᓪᓗᓂ ᕿᒥᕈᔭᐅᒋᐊᖃᕐᖓᑦ. ᓄᓇᕗᓂᓛ ᐃᓱᒪᒋᓗᒍ ᑕᑯᕙᒃᑲᑦᑕ ᐊᒥᓱᓂ ᐃᓱᒫᓗᒋᔭᐅᓕᖅᑐᓂ ᐃᒥᐊᓗᒻᒥ ᐱᔾᔪᑎᓕᓐᓂ ᓄᓇᕗᒻᒥ, ᑕᐃᒫᓗ ᖃᐅᔨᒪᑦᑎᐊᕋᓱᒋᐊᖃᕋᑦᑕ ᐱᖁᔭᕐᐳᑦ ᐊᙳᑎᓯᒪᒐᓗᐊᕐᒪᖔ ᓄᓇᓖ ᐱᒍᒪᔭᖏᓐᓄᑦ ᐊᖑᒻᒪᑎᒋᐊᖃᑦᑕᕈᓐᓇᕐᒪᖔᑕ. ᐊᒻᒪ ᐊᔨᒌᖏᑦᑐᐃᑦ ᐊᓪᓗᕆᐊᓂᐅᒐᔭᖅᑐᑦ ᖃᐅᔨᒋᐊᖄᓚᐅᕐᓗᑎᑦ ᐃᓱᒪᖃᕐᕕᐅᒻᒪᖔᑕ ᐊᒻᒪ ᐅᕙᒍ ᖁᑦᑎᑦᑐᒦᓪᓗᑕ ᑐᓴᕈᒪᒐᑦᑕ ᓇᐅᒃᑯ ᐋᕿᒋᐊᕆᒍᓐᓇᕐᒪᖔᑕ ᐊᒻᒪᓗ ᓇᐅᒃᑯ ᐊᐅᓚᑎᒍᑎᕗᑦ ᐊᐅᓚᑦᑎᓂᖅᓴᐅᖁᓪᓗᒋ ᓄᓇᕗᒻᒥᐅᓄᑦ ᐊᒻᒪ ᐊᐅᓚᑦᑎᐊᖅᓯᒪᔪᓂ ᒪᓕᔅᓴᕆᐊᖃᑦᑕᕐᓗᑕ ᓄᓇᓕᓐᓂ ᖃᐅᔨᒪᔭᐅᓕᖅᑐᓂ, ᐊᒻᒪᑕᐅ ᐃᑲᔪᖅᓰᖃᑦᑕᕐᓗᑕ ᐱᓕᕆᖃᑕᐅᒍᒪᒐᑦᑕ. ᑕᒪᒃᑯᐊ ᐃᓱᒫᓗᒋᔭᐅᔪᐃᑦ ᐱᓕᕆᐊᕆᓗᒋ. ᖁᔭᓐᓇᒦᒃ, ᐃᒃᓯᕙᐅᖄᖅ. ᐃᒃᓯᕙᐅᑕᖅ (ᑐᓵᔨᑎᒍᑦ): ᒥᔅᑕ ᐲᑕᓴᑦ. ᐲᑕᓴᓐ (ᑐᓵᔨᑎᒍᑦ): ᖁᔭᓐᓇᒦᒃ. ᐱᓕᕆᕕᓯ ᐸᕐᓇᐅᑎᖓ 2026-2030 ᐱᓕᕆᐊᔅᓴᓄᑦ ᐸᕐᓇᐅᑎᖓ ᐅᖃᖅᓯᒪᒻᒪᑦ ᐃᓚᖓᒎᖅ ᐸᓇᓯᒪᔭᖓ ᐊᐅᓚᔾᔭᒋᐊᓛᕐᓗᒍ 2026-2027-ᒥ. ᑖᓐᓇᐅᒻᒪᑦ ᑐᑭᓯᐅᒪᖃᑎᒌᓐᓂᕐᒧᑦ ᐊᖏᖃᑎᒌᒍᑎᓕᐅᕐᓗᑎᑦ ᐊᖅᑯᓯᐅᕐᓗᑎᓪᓗ ᐊᑯᓐᓂᖏᓐᓂ ᑮᓇᐅᔭᓕᕆᔨᒃᑯᑦ ᓄᓇᕗᑦ ᒐᕙᒪᖓ ᓄᓇᕗᒻᒥᓗ ᐃᒥᐊᓗᓕᕆᓂᕐᒧᑦ ᓱᕐᕋᓇᖅᑐᓕᕆᓂᕐᒧᑦ ᑲᒥᓴᖓᓂ ᐊᒻᒪᓗ ᐸᓕᓯᒃᑯᓐᓂ ᑲᓇᑕᒥ ᐱᔾᔪᑎᖃᖅᑐᓂ ᐱᔪᓐᓇᐅᑎᓂᑦ ᐃᒥᐊᓗᒻᒧᑦ ᓱᕐᕋᓇᖅᑐᓄᓪᓗ ᐊᒻᒪᓗᑦᑕᐅᖅ ᐊᓯᖏᓐᓂ ᑭᒃᑯᑦ ᓂᐅᕕᖅᐸᒻᒪᖔᑕ ᑐᑭᓯᐅᒪᔾᔪᑎᓂ. ᖃᓄᐃᑦᑐᓚᑦᑖᓂ ᑐᑭᓯᐅᒪᔾᔪᑎᓂᑦ ᑐᓂᓯᖃᑦᑕᓛᕋᔅᓯ ᐸᓖᓯᓄᑦ? ᖁᔭᓐᓇᒦᒃ, ᐃᒃᓯᕙᑖᖅ. ᐃᒃᓯᕙᐅᑕᖅ (ᑐᓵᔨᑎᒍᑦ): ᒥᓂᔅᑕ ᒪᐃᓐ.

ᐊᐃᑉᐹ, ᔫᓂ 02, 2026 ᓄᓇᕗᒥ ᒪᓕᒐᓕᐅᕐᕕᒻᒧᑦ ᑲᑎᒪᔾᔪᑏᑦ 37 ᓯᕗᓕᖅᑎ ᐋᕐᓗᒃ ᒪᐃᓐ: ᒪ’ᓇ, ᐃᒃᓯᕙᐅᑖᖅ. (ᑐᓵᔨᑎᒎᓕᖅᑐᖅ) ᑕᐃᒃᑯᐊ ᐱᔭᐅᒐᓱᑦᑐᑦ ᑕᕝᕘᓇ ᖃᐅᔨᓴᕋᓱᑦᑐᒍᑦ ᓄᖅᑲᕐᔫᒥᑎᒍᓐᓇᕐᒪᖔᑦᑎᒍ ᐱᕋᔭᓐᓂᒃᑯᑦ ᐃᒥᐊᓗᒻᒥᒃ ᓂᐅᕕᐊᔅᓴᖃᖅᐸᑦᑐᐃᑦ. ᑕᐃᒃᑯᐊ ᐊᒥᓱᐊᓗᓐᓂᑦ ᐃᒥᐊᓗᒃᑖᖃᑦᑕᖅᑐᐃᑦ ᑕᑯᓐᓈᖅᑕᐅᒋᐊᕐᓗᑎ. ᒫᓐᓇᒫ ᐱᓕᕆᖃᑎᖃᖃᑦᑕᕇᕋᑦᑕ ᐃᒥᐊᓗᓕᕆᓂᕐᒧᑦ ᓱᕐᕋᓇᖅᑐᓕᕆᓂᕐᒧᓪᓗ ᑲᒥᓴᖑᔪᒥ ᐊᒻᒪᑦᑕᐅᖅ ᑲᓇᑕᒥ ᐸᓖᓯᒃᑯᑦ ᐱᓕᕆᖃᑎᒌᓐᓇᕐᒥᔭᕗᑦ ᐊᒻᒪᑦᑕᐅᖅ ᑕᑯᔪᓐᓇᐅᑎᓂᑦ ᑐᑭᓯᐅᒪᔾᔪᑎᓄᑦ ᐊᒻᒪ ᑲᙳᓇᖅᑐᓕᕆᓂᕐᒧᑦ ᐱᖁᔭᕐᔪᐊᖓ ᐊᑐᖅᑐᒍ. ᐸᓖᓯᒃᑯᓐᓄᑦ ᑐᓂᓯᖃᑦᑕᕈᓐᓇᕋᑦᑕ ᑐᑭᓯᒃᑲᓐᓂᕈᑎᔅᓴᓂᑦ. ᑕᐃᒫᓪᓕ ᑐᑭᓯᐅᒪᖃᑎᒌᓐᓂᕐᒧᑦ ᐊᖏᖃᑎᒌᒍᑎᓕᐅᕈᒪᕗᒍᑦ ᓇᓗᓇᐃᑦᑎᐊᕐᓂᐊᕋᑦᑎᒍ ᓇᓕᐊ ᑭᓱᓂᑦ ᑲᒪᔨᐅᒻᒪᖔᑕ. ᑖᒃᑯᐊ ᐃᒥᐊᓗᓐᓄᑦ ᓱᕐᕋᓇᖅᑐᓄᓪᓗ ᑲᒥᓴᖑᔪᐃᑦ ᑐᓴᖅᑎᑦᑎᖃᑦᑕᕖᙵᕈᒪᔫᒐᓗᐊᑦ ᑭᓯᐊᓂ ᑲᙳᓇᖅᑐᓕᕆᓂᕐᒥᑦᑕᐅᖅ ᐊᑐᕆᐊᖃᕐᖓᑕ ᓂᐅᕕᖃᑦᑕᖅᑐᐃᑦ ᒥᔅᓵᓄᑦ. ᒫᓐᓇ ᐱᕙᓪᓕᐊᔪᒍᑦ ᑐᑭᓯᐅᒪᖃᑎᒌᓐᓂᕐᒧᑦ ᐊᖏᖃᑎᒌᒍᑎᔅᓴᓕᐅᖅᐸᓪᓕᐊᔪᒍᑦ. ᒪᓕᒐᓕᕆᔨᒃᑯᓐᓄᑦ ᑖᒃᑯᐊ ᑕᑯᔭᐅᒍᓐᓇᖅᓯᓕᖅᑐᐃᑦ ᐊᒻᒪ ᐸᓖᓯᒃᑯᓐᓄᑦ, ᑖᓐᓇ ᐃᖏᕐᕋᖁᓂᐊᖅᑕᕋᓗᐊᕗᑦ. (ᑐᓵᔨᑎᒎᕈᓐᓃᖅᑐᖅ) ᒪ’ᓇ, ᐃᒃᓯᕙᐅᑖᖅ. ᐃᒃᓯᕙᐅᑕᖅ (ᑐᓵᔨᑎᒍᑦ): ᒥᔅᑕ ᐲᑕᓴᓐ. ᐲᑕᓴᓐ (ᑐᓵᔨᑎᒍᑦ): ᖁᔭᓐᓇᒦᒃ. ᑖᓐᓇ ᐊᖏᖃᑎᒌᒍᑎ ᓄᓇᕗᒻᒥ ᐃᖅᑲᖅᑐᐃᔨᒃᑯᓂᑦᑕᐅᖅ ᑐᓴᖅᑎᑦᑎᖃᑦᑕᕋᔭᖅᑭᓰ ᑕᐃᒃᑯᓄᖓ ᐱᔾᔪᑎᖃᕐᓗᓂ ᐃᒥᐊᓗᒋᖃᐊᖃᖅᑎᑕᐅᙱᑦᑐᓄᑦ ᐃᖅᑲᖅᑐᐃᕕᒃᑯᑦ? ᖁᔭᓐᓇᒦᒃ. ᐃᒃᓯᕙᐅᑕᖅ (ᑐᓵᔨᑎᒍᑦ): ᒥᓂᔅᑕ ᒪᐃᓐ. ᓯᕗᓕᖅᑎ ᐋᕐᓗᒃ ᒪᐃᓐ: ᒪ’ᓇ, ᐃᒃᓯᕙᐅᑖᖅ. (ᑐᓵᔨᑎᒎᓕᖅᑐᖅ) ᑖᓐᓇ ᑐᔅᓯᕌᕆᔭᑦᑕ ᐃᓗᐊᓃᖃᑕᐅᙱᑦᑐᖅ. (ᑐᓵᔨᑎᒎᕈᓐᓃᖅᑐᖅ) ᒪ’ᓇ, ᐃᒃᓯᕙᐅᑖᖅ. ᐃᒃᓯᕙᐅᑕᖅ (ᑐᓵᔨᑎᒍᑦ): ᒥᔅᑕ ᐲᑕᓴᓐ. ᐲᑕᓴᓐ (ᑐᓵᔨᑎᒍᑦ): ᖁᔭᓐᓇᒦᒃ. ᑕᐃᒫᒃ ᑭᐅᓂᐊᖅᑐᒋᕋᑖᙱᓇᒃᑯ ᖁᐊᖅᓵᒐᓛᑉᐳᖓ. ᐅᐱᓐᓇᕋᓂ ᐃᖅᑲᖅᑐᐃᔨᒃᑯᑦ ᐃᒥᐊᓗᒋᐊᖃᙱᑲᐃᓐᓇᑎᑦᑎᓲᖑᒻᒪᑕ. ᑖᒃᑯᐊᓕ ᑲᒥᓴᓐᑯᑦ ᖃᐅᔨᒪᙱᑉᐸᑕ, ᖃᓄᐊᓗᓪᓕ ᐃᒥᐊᓗᑦᑖᑎᑦᑎᑕᐃᓕᒪᒍᓐᓇᖅᑲᑦ ᖃᐅᔨᒪᙱᓪᓗᑎᑦ. ᓄᑖᒥᑦᑕᐅᖅ ᐃᒥᐊᓗᓐᓄᑦ ᑖᒃᓰᔭᐃᔭᕐᓂᕐᒧᑦ ᐱᖁᔭᕐᔪᐊᒥ 2022-ᒥ ᑲᔪᓯᑎᑕᐅᔪᖃᓚᐅᖅᓯᒪᒻᒪᑦ. ᐱᓕᕆᕕᓯ 2026- 2030 ᐱᓕᕆᐊᔅᓴᓄᑦ ᐸᕐᓇᐅᑎᖓ ᐅᖃᖅᓯᒪᒻᒪᑦ ᐸᕐᓇᓯᒪᔭᖓᒡᒎᖅ 2026-2027-ᒥ ᑕᒪᓐᓇᐅᒻᒪᑦ ᐃᒥᐊᓗᓕᕆᓂᕐᒧᑦ ᐃᒥᐊᓗᓐᓂ ᑖᒃᓰᔭᐃᑎᑦᑎᓂᕐᒧᑦ ᒪᓕᒐᓛᖏᓐᓂ ᓴᓇᓗᓯ ᐊᒻᒪ ᐊᑐᓕᖅᑎᑕᐅᓗᓂ ᐱᖁᔭᕐᔪᐊᖓ. ᖃᑦᑎᓂᑦ ᑮᓇᐅᔭᓂᑦ ᐃᒥᐊᓗᓐᓄᑦ ᑖᒃᓰᔭᐃᔭᕈᑎᓂᑦ ᑮᓇᐅᔭᓂᑦ ᐃᓯᖅᑐᖃᖃᑦᑕᓂᐊᖅᑐᒋᔅᓯᒐᔅᓯ ᐊᕐᕌᒍᑕᒫᑦ? ᖁᔭᓐᓇᒦᒃ. ᐃᒃᓯᕙᐅᑕᖅ (ᑐᓵᔨᑎᒍᑦ): ᒥᓂᔅᑕ ᒪᐃᓐ. ᓯᕗᓕᖅᑎ ᐋᕐᓗᒃ ᒪᐃᓐ: ᒪ’ᓇ, ᐃᒃᓯᕙᐅᑖᖅ. (ᑐᓵᔨᑎᒎᓕᖅᑐᖅ) ᐃᓚᒋᔭᐅᔪᒍᑦ ᒐᕙᒪᖃᕐᕕᐅᔪᓄᑦ ᑲᓇᑕᒥ ᐃᒥᖅᑕᐅᔪᓄᑦ ᑖᒃᓰᔭᕈᑎᖃᙱᓇᑦᑕ ᐃᒥᖅᑕᐅᕙᓪᓕᐊᔪᓄᑦ. ᒫᓐᓇ 10%-ᒦᑎᒃᑯᑦᑎᒍ $1.5-ᒥᓕᐊᓐᓂᑦ ᐃᓯᖅᑎᑦᑎᒐᔭᖅᑐᖅ, ᐊᒻᒪ ᖃᓄᑎᒋ ᐃᓯᖅᑐᐃᑦ ᑮᓇᐅᔭ ᒪᓕᑐᐃᓐᓇᕋᔭᕐᒥᔪᖅ ᖃᑦᑎ %-ᖑᑎᒻᒪᖔᑦᑎᒍ ᑖᒃᓰᔭᐃᔭᕈᑏᑦ.

ᐊᐃᑉᐹ, ᔫᓂ 02, 2026 ᓄᓇᕗᒥ ᒪᓕᒐᓕᐅᕐᕕᒻᒧᑦ ᑲᑎᒪᔾᔪᑏᑦ 38 ᑖᒃᑯᐊ ᓈᓴᐅᑎᓂᑦ ᖃᐅᔨᒪᑎᑕᐅᒐᑦᑕ ᐊᑯᓐᓂᖓᓃᒋᐊᖃᕐᒪᖔᖅ ᖃᑦᑎᓂᑦ ᑮᓇᐅᔭᓂᑦ. ᒪᓕᖓᓕᐅᕐᕕᒃ ᐋᖅᑭᔅᓯᒐᔭᖅᑐᖅ ᐱᖁᔭᓕᐅᕐᓂᖅᑎᒍᑦ, ᑭᓯᐊᓂ ᒪᓕᒐᕋᓛᖅᑎᒍᑦᑕᐅᖅ ᑖᓐᓇ ᐋᖅᑭᑦᑕᐅᒍᓐᓇᕆᓪᓗᓂ. ᑮᓇᐅᔭᓂᑦ ᐃᓯᒃᑲᓐᓂᖁᔨᓇᓪᓚᕆᑦᑑᒐᓗᐊᖅ ᑕᐃᒃᑯᐊ ᑖᒃᓰᔭᐃᔭᕈᑎᒥᓃᑦ ᓄᓇᓕᓐᓂ ᐱᓕᕆᔾᔪᑎᓄᑦ ᐃᓕᐅᖅᑲᕈᓐᓇᕋᔭᕋᑦᑎᒍ, ᑭᓯᐊᓂ ᑖᒃᑯᐊ ᐃᓯᕐᓂᐊᖅᑐᒋᔭᕗᑦ ᑮᓇᐅᔭᕐᔪᐊᕌᓘᙱᒻᒪᑕ. (ᑐᓵᔨᑎᒎᕈᓐᓂᖅᑐᖅ) ᒪ’ᓇ, ᐃᒃᓯᕙᐅᑖᖅ. ᐃᒃᓯᕙᐅᑕᖅ (ᑐᓵᔨᑎᒍᑦ): ᒥᔅᑕ ᖃᑉᓗᑦᓯᐊᖅ. ᖃᑉᓗᑦᓯᐊᖅ: ᒪ’ᓇ, ᐃᒃᓯᕙᐅᑖᖅ. (ᑐᓵᔨᑎᒎᓕᖅᑐᖅ) ᐱᓕᕆᕕᓯ ᓄᑖᖅ ᐋᖅᑭᑎᖅᓯᒪᓂᖓᓄᑦ ᓇᓗᓇᐃᖅᑐᐃᒍᑎ ᐱᖓᓱᓂᒡᒎᖅ ᐊᕕᒃᑐᖅᓯᒪᔪᓂ ᐊᐅᓚᑦᑎᕕᐅᔪᓂ ᐲᔭᐃᓂᐅᓴᒻᒪᑕ. ᐊᒻᒪᓗᑦᑕᐅᖅ ᐃᖅᑲᓇᐃᔮᕆᓚᐅᖅᑕᖏᑦ ᑕᐃᑲᓂ ᑮᓇᐅᔭᓕᕆᔨᒃᑯᓐᓄᑦ ᐊᐅᓪᓛᖅᑕᐅᓯᒪᔪᖅᔫᔮᕐᖓᑕ. ᓱᒻᒪᓄᑯᐊ ᐊᓯᔾᔨᑕᐅᓐᓂᖅᑲᑦ ᑕᐃᒪᐃᑦᑐᕈᖅᑎᑕᐅᓪᓗᑎᑦ? ᖁᔭᓐᓇᒦᒃ. ᐃᒃᓯᕙᐅᑕᖅ (ᑐᓵᔨᑎᒍᑦ): ᒥᓂᔅᑕ ᒪᐃᓐ. ᓯᕗᓕᖅᑎ ᐋᕐᓗᒃ ᒪᐃᓐ: ᒪ’ᓇ, ᐃᒃᓯᕙᐅᑖᖅ. (ᑐᓵᔨᑎᒎᓕᖅᑐᖅ) ᖃᓄᐃᔅᓴᖏᒃᑯᕕᑦ ᑐᖏᓕᕋ ᑭᐅᖁᔭᕋᓗᐊᕋ ᑖᔅᓱᒥᖓ. ᐃᒃᓯᕙᐅᑕᖅ (ᑐᓵᔨᑎᒍᑦ): ᑲᔪᓯᒋᑦ, ᒥᔅᑕ ᔭᖕ. ᔭᖕ (ᑐᓵᔨᑎᒍᑦ): ᖁᔭᓐᓇᒦᒃ, ᐃᒃᓯᕙᐅᑖᖅ, ᖁᔭᓐᓇᒦᓪᓗ ᐊᐱᕆᒐᕕᑦ ᑕᐃᒪᒃ. ᑕᓐᓇ ᐊᓯᔾᔨᔪᔭᕗᑦ ᐊᕐᕌᒎ ᒪᕐᕉᒃ ᐊᓂᒍᓕᖅᑑᒃ. ᐱᔾᔪᑎᖃᖅᑐᓂ ᐃᓐᓄᑦᑕᐅᓯᒪᒍᓐᓇᔪᙱᒻᒪᑕ ᑕᐃᑲᓂ ᐃᖅᑲᓇᐃᔮᖑᔪᐃᑦ, ᐊᖏᔪᖅᑳᖃᕐᕕᖓᓂ ᐱᓗᐊᖅᑐᒥ. ᐃᓐᓄᑦᑕᐅᒍᓐᓇᔪᙱᒻᒪᑕ. ᑭᓯᐊᓂ, ᐱᒍᒪᔪᖅᑕᖃᔪᔫᒐᓗᐊᖅ ᐊᐅᓚᑦᑎᔨᐅᓂᕐᒥ ᐃᖅᑲᓇᐃᔭᓂ, ᑕᐃᒫᒃ ᐊᓯᔾᔨᓚᐅᖅᑐᒋᑦ ᑕᐃᒃᑯᐊ ᐊᐅᓚᑦᑎᔩᑦ ᐃᖅᑲᓇᐃᔮᖏᑦ ᐃᓐᓄᒍᓐᓇᔪᕙᕗᑦ. ᐊᒻᒪᑦᑕᐅᖅ ᑮᓇᔭᓕᕆᔾᔪᑎᖏᑦ ᐋᖅᑭᑎᐊᖅᓯᒪᙱᓗᐊᖅᑑᔮᔪᒻᒪᑕ ᐊᒻᒪᓗ ᐱᔭᔅᓴᖏᑦ ᑕᑯᓐᓈᖅᑐᒋᑦ ᑕᐃᒪᓐᓈᓗᒃ ᐊᖏᔪᖅᑳᖃᕆᐊᖃᖅᑑᔮᔪᙱᒻᒪᑕ ᑕᕝᕗᖓ ᕿᑎᖓᓄᑦ ᑮᓇᐅᔭᓕᕆᔨᒃᑯᓐᓄᑦ ᐃᓕᐅᖅᑲᖅᑕᐅᑐᐃᓐᓇᔪᕗᑦ. ᑖᓐᓇ ᐊᓯᔾᔨᔪᔭᕗᑦ, ᐃᖅᑲᓇᐃᔮᖁᑎᖏᑦ ᐃᓐᓄᑦᑕᐅᓯᒪᑦᑎᐊᓂᖅᓴᐅᓗᐃᑦᑐᐃᑦ. ᖁᔭᓐᓇᒦᒃ, ᐃᒃᓯᕙᐅᑖᖅ. ᐃᒃᓯᕙᐅᑕᖅ (ᑐᓵᔨᑎᒍᑦ): ᒥᔅᑕ ᖃᑉᓗᑦᓯᐊᖅ. ᖃᑉᓗᑦᓯᐊᖅ (ᑐᓵᔨᑎᒍᑦ): ᑕᐃᓐᓇ ᓱᕐᕋᓇᖅᑐᓄᑦ ᐱᖁᔭᕐᔪᐊᖅ ᔫᓐ 13, 2018, ᓈᓴᐅᑎᓕᒃ 64 ᐅᖃᖅᓯᒪᔪᖅ ᑖᓐᓇ ᐱᖁᔭᕐᔪᐊᖅ ᕿᒥᕐᕈᓇᒃᑕᐅᖃᑦᑕᕐᓗᓂ ᑕᓪᓕᒪᑦ ᐊᕐᕌᒍᑦ ᐱᔭᕇᑐᐊᕌᖓᑦ. ᖃᓄᐃᑦᑐᓂᑦ ᐱᓕᕆᐊᖑᓂᐊᖅᑐᑦ ᐸᕐᓇᐅᑎᖏᑦ ᐊᒻᒪᓗ 2026-2027 ᐊᕐᕌᒍᐊᓂ ᑖᓐᓇ ᓱᕐᕋᓇᖅᑐᓄᑦ ᐱᖁᔭᕐᔪᐊᖅ ᕿᒥᕐᕈᓇᒃᑕᐅᓚᐅᕐᓂᖏᓐᓄᑦ ᐅᓂᒃᑳᒥᒃ ᓴᖅᑭᑦᑎᓗᑎᑦ. ᖃᓄᐃᑦᑐᓂᑦ ᐋᖅᑭᒋᐊᕈᑎᓂᑦ ᐃᓱᒪᒃᓴᖅᓯᐅᕈᑎᑲᖅᐱᓯ? ᐃᒃᓯᕙᐅᑕᖅ (ᑐᓵᔨᑎᒍᑦ): ᒥᓂᔅᑕ ᒪᐃᓐ. ᓯᕗᓕᖅᑎ ᐋᕐᓗᒃ ᒪᐃᓐ: ᒪ’ᓇ, ᐃᒃᓯᕙᐅᑖᖅ. (ᑐᓵᔨᑎᒎᓕᖅᑐᖅ) ᑖᓐᓇ ᕿᒥᕐᕈᓇᒃᑕᐅᓚᐅᖅᓯᒪᔪᖅ ᐊᒻᒪᓗ ᑐᖏᓕᕇᑦᓱᖅᑐᑦ ᑕᐃᒃᑯᐊ ᑲᒪᒋᔭᐅᓯᒪᓂᖏᑦ ᑕᑯᓪᓗᒋᑦ ᐱᖁᔭᕐᔪᐊᖓ ᑖᓐᓇ ᕿᒥᕐᕈᓇᒋᐊᖃᓚᐅᖅᓯᒪᔭᕗᑦ ᒪᓕᒃᓴᕐᓂᐊᕋᑦᑎᒃᑯᑦ.

ᐊᐃᑉᐹ, ᔫᓂ 02, 2026 ᓄᓇᕗᒥ ᒪᓕᒐᓕᐅᕐᕕᒻᒧᑦ ᑲᑎᒪᔾᔪᑏᑦ 39 ᐊᒻᒪᓗ ᐅᓪᓗᒥᒧᑦ ᑎᑭᒃᖢᒍ ᐱᓕᕆᐊᕆᓯᒪᔭᕗᑦ ᐊᒻᒪᓗ ᓇᓕᐊ ᐊᓯᔾᔨᖅᑕᐅᓂᐊᕐᒪᖔᑕ ᑖᒃᑯᐊ ᐱᖁᔭᕐᔪᐊᖅ ᐃᓗᓕᖏᓐᓃᑦᑐᑦ. ᐊᖏᔪᐊᓗᓐᓂᑦ ᐊᓯᔾᔨᓂᕐᒥᑦ ᐃᓱᒪᒋᔭᖃᙱᑦᑐᒍᑦ. ᑖᓐᓇ ᐱᖁᔭᕐᔪᐊᖅ ᑕᐃᒪᓐᓇ ᐊᐅᓚᔾᔭᕆᐊᖃᖅᑕᒥᓂᑦ ᐋᖅᑭᒃᓯᒪᕙᓗᖕᒪᑦ ᐊᒻᒪᓗ ᒪᑯᐊ ᐊᓪᓚᕕᒻᒥ ᐃᖅᑲᓇᐃᔮᕆᔭᐅᕙᑦᑐᑦ ᑕᐃᒃᑯᐊ ᓇᓗᓇᐃᔭᖅᑕᐅᓯᒪᓪᓗᑎᑦ. ᐅᓪᓗᒥ ᐅᓄᙱᑦᑐᑯᓗᓐᓂᑦ ᐊᓯᔾᔨᖅᓯᓗᐊᕌᓗᔾᔮᙱᑦᑐᑦ ᓴᓗᒻᒪᓴᖅᑕᐅᒐᓚᑐᐃᓐᓇᕋᔭᕐᒪᑦ. ᐱᐅᓯᒃᑲᓂᕐᕕᔅᓴᖃᖅᐸᑦ ᐃᓱᒪᒃᓴᖅᓯᐅᕈᑎᖃᕈᓐᓇᑎᐊᖅᑐᒍᑦ ᐅᖃᐅᔾᔭᐅᑐᐊᕈᑦᑕ. (ᑐᓵᔨᑎᒎᕈᓐᓃᖅᑐᖅ) ᒪ’ᓇ, ᐃᒃᓯᕙᐅᑖᖅ. ᐃᒃᓯᕙᐅᑕᖅ (ᑐᓵᔨᑎᒍᑦ): ᐊᐱᖅᑯᑎᒃᓴᐃᑦ? ᐊᖏᖅᐱᑖ ᑮᓇᐅᔭᓕᕆᔨᒃᑯᑦ ᐊᐅᓚᑕᐅᓂᖏᑦ ᑲᑎᓕᒫᕐᓗᒋᑦ ᐊᐅᓚᔾᔪᑏᑦ ᒪᑭᒪᐅᑏᑦ $4,996,000? ᐃᓚᖏᑦ ᑲᑎᒪᔩᑦ: ᐊᖏᖅᑐᑦ. ᐃᒃᓯᕙᐅᑕᖅ (ᑐᓵᔨᑎᒍᑦ): ᒪᒃᐱᖅᑐᒐᖅ C-5-ᒧᑦ ᓄᒃᑎᓕᕐᒥᓗᑕ. ᑮᓇᐅᔭᓕᕆᔨᒃᑯᑦ ᑮᓇᐅᔭᑦ ᐊᐅᓚᑕᐅᓂᖏᑦ. ᐊᐱᖅᑯᑎᒃᓴᐃᑦ? ᒥᔅᑕ ᑲᒪᓂᖅ. ᖃᒪᓂᖅ: ᓇᕿᓯᒪᓐᓂᕐᒪᑦ ᒪᒥᐊᓇᖅ. ᖁᔭᓐᓇᒦᒃ, ᐃᒃᓯᕙᐅᑖᖅ. (ᑐᓵᔨᑎᒎᓕᖅᑐᖅ) ᐱᓕᕆᕕᓯ 2026-2030 ᐱᓕᕆᐊᖑᓂᐊᖅᑐᑦ ᐸᕐᓇᐅᑎᖏᑦ ᐊᐅᓚᔾᔮᕆᔭᐅᔪᒪᔪᑦ ᐅᖃᖅᓯᒪᔪᖅ 2026-2027 ᑮᓇᐅᔭᓕᕆᓐᓇᐅᑉ ᐊᕐᕌᒍᐊᓂ ᖃᓄᖅᑑᕈᑎᖃᕐᓗᑎᑦ ᒥᑭᓐᓂᖅᓴᐃᑦ ᓄᓇᓖᑦ ᐱᔨᑦᑎᖅᑕᐅᔪᓐᓇᖁᓪᓗᒋᑦ ᓲᕐᓗ ᐃᑭᐊᖅᑭᕕᒃᑯᑦ ᓂᐅᕕᕈᓐᓇᕐᓗᑎᑦ ᐊᒻᒪᓗ ᖃᐅᔨᓴᐃᔪᓐᓇᕐᓗᑎᑦ ᐊᖏᕈᓯᐅᕐᓗᑎᓪᓗ ᐅᓄᖅᓯᒋᐊᖁᓪᓗᒋᑦ ᑕᒪᒃᑯᐊ ᐅᐸᒃᓯᒪᓪᓚᕆᙱᓪᓗᒍ ᓂᐅᕐᕈᑕᐅᖃᑦᑕᖅᑐᑦ. ᖃᓄᖅ “ᑖᒃᑯᐊ ᐊᖏᕈᑏᑦ ᐋᖅᑭᒃᓯᒪᓇᔭᖅᐸᑦ”? (ᑐᓵᔨᑎᒎᕈᓐᓃᖅᑐᖅ) ᖁᔭᓐᓇᒦᒃ, ᐃᒃᓯᕙᐅᑖᖅ. ᐃᒃᓯᕙᐅᑕᖅ (ᑐᓵᔨᑎᒍᑦ): ᒥᓂᔅᑕ ᒪᐃᓐ. ᓯᕗᓕᖅᑎ ᐋᕐᓗᒃ ᒪᐃᓐ: ᒪ’ᓇ, ᐃᒃᓯᕙᐅᑖᖅ. (ᑐᓵᔨᑎᒎᓕᖅᑐᖅ) ᑕᐃᒃᑯᐊ ᐆᒃᑑᑎᒋᔭᐅᓇᔭᖅᑐᑦ ᐊᖏᕈᑏᑦ, ᓲᕐᓗ ᑕᐃᒃᑯᐊ ᓇᒻᒥᓂᕆᔭᐅᔪᑦ ᐊᐅᓚᑦᑎᔪᓐᓇᕐᓗᑎᑦ ᓂᐅᕕᕐᕕᒻᒥ ᑭᒡᒐᑐᕐᓗᒋᑦ ᓄᓇᕗᒻᒥ ᓱᕐᕋᓇᖅᑐᑦ ᑲᒥᓴᖁᑎᖏᑦ. ᒫᓐᓇ ᑕᐃᒃᑯᐊ ᒪᕐᕉᒃ ᓂᐅᕕᕐᕖᒃ ᑕᒪᓂ ᐃᖃᓗᓐᓂ ᑲᖏᖅᖠᓂᕐᒥᓗ ᒐᕙᒪᒃᑯᓐᓄᑦ ᐊᐅᓚᑕᐅᔪᑦ. ᐊᒻᒪᓗ ᓄᓇᓖᑦ ᒥᑭᓐᓂᖅᓴᐃᑦ ᐃᒻᒪᖃ ᐊᐅᓚᓇᓱᓪᓗᒍ ᐱᔭᕐᓂᓂᖅᓴᐅᓂᐊᖅᑰᕐᒪᑦ. ᓲᕐᓗ ᐃᖃᓗᒃᑑᑦᑎᐊᖅ ᐃᑲᔪᖅᓱᖅᑕᐅᓯᒪᔪᖅ ᑕᐃᓐᓇ ᓇᒻᒥᓂᕆᔭᐅᔪᖅ ᐊᐅᓚᑎᓪᓗᓂ ᑖᓐᓇ ᓵᙵᓗᐊᙳᐊᖅᑕᕗᑦ ᒫᓐᓇᐅᔪᖅ ᑕᐃᒪᓐᓇ ᐋᖅᑭᒃᓯᓇᓱᑦᑎᓪᓗᑕ. ᑲᔪᓯᑦᑎᐊᖅᐸᑦ ᐃᖃᓗᒃᑑᑦᑎᐊᕐᒥ, ᑕᐃᓐᓇ ᐊᑐᖔᓕᕋᔭᖅᑕᕗᑦ. (ᑐᓵᔨᑎᒎᕈᓐᓃᖅᑐᖅ) ᒪ’ᓇ, ᐃᒃᓯᕙᐅᑖᖅ. ᐃᒃᓯᕙᐅᑕᖅ (ᑐᓵᔨᑎᒍᑦ): ᒥᔅᑕ ᖃᒪᓂᖅ. ᖃᒪᓂᖅ: ᖁᔭᓐᓇᒦᒃ, ᐃᒃᓯᕙᐅᑖᖅ. (ᑐᓵᔨᑎᒎᓕᖅᑐᖅ) ᐱᓕᕆᕕᓯ 2026-2030 ᐱᓕᕆᐊᖑᓂᐊᖅᑐᑦ ᐸᕐᓇᐅᑎᖏᑦ ᐅᖃᖅᓯᒪᔪᑦ 2026-2027 ᐊᕐᕌᒍᐊᓂ ᐋᖅᑭᓯᒡᓗᑎᑦ ᓄᑖᙳᕆᐊᖅᑎᑕᐅᓯᒪᔪᓂᑦ ᖃᑦᑎᕌᕋᔭᕐᒪᖔᑕ ᐊᑐᓂ ᑕᒪᒃᑯᐊ ᓂᐅᕐᕈᑕᐅᖃᑦᑕᖅᑐᑦ ᖃᑦᑎ %-ᒥᑦ ᐋᖓᔮᕐᓇᖅᑐᖃᕐᒪᖔᖅ ᒪᓕᓪᓗᒍ, ᑎᓴᒪᐃᓕᖓᓗᑎ. ᑭᓱᓂᑦ ᐊᓯᔾᔨᖅᑕᐅᔪᒃᓴᓂᑦ ᐃᓱᒪᒃᓴᖅᓯᐅᕈᑎᖃᕋᔅᓯ? (ᑐᓵᔨᑎᒎᕈᓐᓃᖅᑐᖅ) ᖁᔭᓐᓇᒦᒃ, ᐃᒃᓯᕙᐅᑖᖅ. ᐃᒃᓯᕙᐅᑕᖅ (ᑐᓵᔨᑎᒍᑦ): ᒥᓂᔅᑕ ᒪᐃᓐ. ᓯᕗᓕᖅᑎ ᐋᕐᓗᒃ ᒪᐃᓐ: ᒪ’ᓇ, ᐃᒃᓯᕙᐅᑖᖅ. (ᑐᓵᔨᑎᒎᓕᖅᑐᖅ) ᒥᔅᑕ ᒎᒋᓈᕝ ᑖᓐᓇ ᑭᐅᖁᓪᓗᒍ ᑖᔅᓱᒧᖓ. (ᑐᓵᔨᑎᒎᕈᓐᓃᖅᑐᖅ) ᒪ’ᓇ.

ᐊᐃᑉᐹ, ᔫᓂ 02, 2026 ᓄᓇᕗᒥ ᒪᓕᒐᓕᐅᕐᕕᒻᒧᑦ ᑲᑎᒪᔾᔪᑏᑦ 40 ᐃᒃᓯᕙᐅᑕᖅ (ᑐᓵᔨᑎᒍᑦ): ᐊᑏ, ᒥᔅᑕ ᒎᒋᓈᕝ. ᒎᒋᓈᕝ (ᑐᓵᔨᑎᒍᑦ): ᖁᔭᓐᓇᒦᒃ, ᐃᒃᓯᕙᐅᑖᖅ, ᐊᒻᒪᓗ ᖁᔭᓐᓇᒦᖅᖢᑎᒃ ᑖᓐᓇ ᐊᐱᖅᑯᑎᒋᒐᖕᓂ. ᑕᐃᒃᑯᐊ ᐃᒥᐊᓗᓕᕆᓂᕐᒧᑦ ᑲᒥᓴᐃᓐ ᑕᐃᒃᑯᐊᓗ ᓂᐅᕕᕐᕖᑦ ᒪᑯᐊ ᓂᐅᕕᖅᐸᑦᑐᑦ ᐊᑭᖏᑦ ᐋᖅᑭᒋᐊᖅᑕᐅᓗᑎᑦ. ᑕᐃᒃᑯᐊ ᐃᒥᐊᓗᖃᕐᓇᙱᑦᑐᑦ ᐊᑭᑭᓐᓂᖅᓴᐅᓂᐊᖅᑐᑦ ᑕᑯᓐᓇᕈᑦᑎᒃᑯᑦ ᑕᐃᒃᑯᐊ ᐃᒥᐊᓗᓖᑦ. ᑖᒃᑯᐊ ᐊᑭᖏᑦ ᐊᒻᒪᓗ ᖄᖏᓐᓂᑯᓕᐊᕈᑎᒃᓴᖏᓐᓂ ᐃᓕᓯᕝᕕᒋᓗᒍ. ᐊᓯᔾᔨᕐᓂᒐᓚᑯᓗᓐᓂᑦ ᑕᑯᓐᓇᔭᖅᑐᓯ ᐊᑭᖏᑦᑎᒍᑦ ᑕᒪᑐᒪᓂ ᐊᕐᕌᒍᒥ, ᖃᑦᑎ %-ᖓᓂᑦ ᐃᒥᐊᓗᖃᕐᓂᖓ ᒪᓕᑦᑕᐅᓗᑎᑦ ᐊᑭᖏᑦ ᐋᖅᑭᑦᑕᐅᒐᔭᖅᑐᑦ. ᖁᔭᓐᓇᒦᒃ, ᐃᒃᓯᕙᐅᑖᖅ. ᐃᒃᓯᕙᐅᑕᖅ (ᑐᓵᔨᑎᒍᑦ): ᐊᐱᖅᑯᑎᒃᓴᐃᑦ? ᒥᔅᑕ ᑲᐅᑐᒃ. ᑲᐅᑐᒃ (ᑐᓵᔨᑎᒍᑦ): ᖁᔭᓐᓇᒦᒃ, ᐃᒃᓯᕙᐅᑖᖅ. ᖃᖓ ᓄᓇᕗᑦ ᒐᕙᒪᒃᑯᑦ 2023-2024 ᐊᒻᒪᓗ 2024-2025 ᐊᕐᕌᒍᑕᒫᖅᓯᐅᑎᖏᑦᑕ ᐅᓂᒃᑳᑦ ᖃᖓ ᒪᓕᒐᓕᐅᕐᕕᒻᒧᑦ ᓴᖅᑭᑕᐅᓛᖅᐸᑦ ᑕᐃᒃᑯᐊ ᐅᑎᖅᑎᒋᐊᑐᙱᑦᑐᑦ ᑐᓐᓂᖅᑯᑎᒋᔭᐅᖃᑦᑕᖅᑐᑦ ᑮᓇᐅᔭᑦ ᐱᓪᓗᒋᑦ? ᖁᔭᓐᓇᒦᒃ, ᐃᒃᓯᕙᐅᑖᖅ. ᐃᒃᓯᕙᐅᑕᖅ (ᑐᓵᔨᑎᒍᑦ): ᒥᓂᔅᑕ ᒪᐃᓐ. ᓯᕗᓕᖅᑎ ᐋᕐᓗᒃ ᒪᐃᓐ: ᒪ’ᓇ, ᐃᒃᓯᕙᐅᑖᖅ. (ᑐᓵᔨᑎᒎᓕᖅᑐᖅ) ᑕᐃᒃᑯᐊ ᐅᓂᒃᑳᑦ ᐃᑭᐊᖅᑭᕕᒃᑰᖅᑎᑕᐅᓯᒪᓕᖅᑐᑦ, ᑕᐃᒃᑯᑎᒎᓇᖅ ᐃᑭᐊᖅᑭᕕᒃᑯᑦ ᐊᑐᐃᓐᓇᐃᑦ. (ᑐᓵᔨᑎᒎᕈᓐᓃᖅᑐᖅ) ᒪ’ᓇ, ᐃᒃᓯᕙᐅᑖᖅ. ᐃᒃᓯᕙᐅᑕᖅ (ᑐᓵᔨᑎᒍᑦ): ᒥᔅᑕ ᑲᐅᑐᒃ. ᑲᐅᑐᒃ (ᑐᓵᔨᑎᒍᑦ): ... ᖁᔭᓐᓇᒦᒃ, ᒥᓂᔅᑕ ᑭᐅᒐᕕᑦ. ᐱᓕᕆᕕᓯ 2026-2030 ᐱᓕᕆᐊᖑᓂᐊᖅᑐᑦ ᐸᕐᓇᐅᑏᑦ ᐅᖃᖅᓯᒪᔪᑦ 2026-2027 ᐊᕐᕌᒍᐊᓂ ᐋᖅᑭᒃᓯᓗᑎ ᒐᕙᒪᓕᒫᑦ ᐱᓕᕆᐊᙳᖅᑎᑕᐅᓯᒪᔪᖁᑎᖏᑦ ᕿᒥᕐᕈᓇᒃᑕᐅᓗᑎᑦ, ᒪᑯᐊᓗ ᐱᓕᕆᐊᙳᖅᑎᑕᐅᓯᒪᔪᓂᑦ ᒪᓕᒐᑦ ᒪᓕᓪᓗᒋᑦ ᐅᑯᐊ: ᐃᖏᕐᕋᑦᑎᐊᕐᓂᖓ, ᐊᑑᑎᖃᑦᑎᐊᕐᓂᖓ, ᐊᑑᑎᖃᕐᓂᖓ, ᐊᒃᑐᐃᓂᖓ, ᒪᑭᒪᔪᓐᓇᕐᓂᖓ, ᑐᑭᓯᓇᕐᓂᖓ, ᐊᒻᒪᓗ ᓄᓇᕗᓕᒫᒧᓪᓗ ᑐᕌᖓᔪᑦ ᓲᕐᓗ ᐃᓄᐃᑦ ᐅᒃᐱᕆᔭᖏᑦ. ᓇᓪᓕᐊᑦ ᐱᓕᕆᐊᖑᖅᑎᑕᐅᓯᒪᔪᑦ ᕿᒥᕐᕈᓇᒃᑕᐅᓂᐊᕐᓂᖏᑦ ᓯᕗᓪᓕᐅᔾᔭᐅᓯᒪᕙᑦ? ᖁᔭᓐᓇᒦᒃ, ᐃᒃᓯᕙᐅᑖᖅ. ᐃᒃᓯᕙᐅᑕᖅ (ᑐᓵᔨᑎᒍᑦ): ᒥᓂᔅᑕ ᒪᐃᓐ. ᓯᕗᓕᖅᑎ ᐋᕐᓗᒃ ᒪᐃᓐ: ᒪ’ᓇ, ᐃᒃᓯᕙᐅᑖᖅ. (ᑐᓵᔨᑎᒎᓕᖅᑐᖅ) ᐅᐊᑦᑎᐊᕈᐊᐃ. (ᑐᓵᔨᑎᒎᕈᓐᓃᖅᑐᖅ) ᒪ’ᓇ, ᐃᒃᓯᕙᐅᑖᖅ. (ᑐᓵᔨᑎᒎᓕᖅᑐᖅ) ᑖᓐᓇ ᐱᒋᐊᖅᑎᑕᐅᓯᒪᔪᖅ ᐋᖅᑭᑦᑕᐅᓯᒪᔪᖅ ᒐᕙᒪᒃᑯᑦ ᑮᓇᐅᔭᖁᑎᖏᓐᓂ ᐊᑐᑦᑎᐊᕋᓗᐊᕐᒪᖔᑕ; ᐅᕙᒎᙱᓇᑦᑕ ᓄᓇᕗᒻᒥᐅᓄᑦ ᐱᒋᔭᐅᒻᒪᑕ, ᑲᒪᒋᑦᑎᐊᕆᐊᖃᖅᑕᕗᑦ. ᐊᒻᒪᓗ ᑕᐃᒃᑯᐊ ᐱᓕᕆᐊᖑᖅᑎᑕᐅᓯᒪᔪᑦ ᐊᒻᒪᓗᓐᓃᑦ ᑕᐃᒃᑯᐊ ᓵᙵᓗᐊᙳᐊᖅᑕᕗᑦ ᐱᓕᕆᐊᕆᓂᐊᖅᑎᓪᓗᑎᒃᑯ ᑖᓐᓇ ᐅᕙᓂ. ᐅᖃᐅᓯᕆᔪᓐᓇᑕᒃᑲ ᑕᐃᒃᑯᐊ ᐱᓕᕆᐊᖑᖅᑎᑕᐅᓯᒪᔪᑦ ᑮᓇᐅᔭᑦ ᑐᙵᕕᖏᑦ ᐊᒻᒪᓗ ᑐᓴᖅᑕᐅᔪᒪᓗᐊᙳᐊᖅᑐᑦ ᑕᖅᑲᒃᑯᓄᖓ ᐊᒻᒪᓘᓐᓃᑦ ᑕᐃᒃᑯᓄᖓ ᐊᒃᑐᖅᑕᐅᓂᐊᖅᑐᓄᑦ ᐅᕝᕙᓘᓐᓃᑦ ᑮᓇᐅᔭᓕᐅᕋᓱᐊᖅᑎᐅᖏᑦᑐᓄᑦ.

ᐊᐃᑉᐹ, ᔫᓂ 02, 2026 ᓄᓇᕗᒥ ᒪᓕᒐᓕᐅᕐᕕᒻᒧᑦ ᑲᑎᒪᔾᔪᑏᑦ 41 ᑮᓇᐅᔭᑦ ᑕᐃᒃᑯᐊ ᐊᑐᖃᑦᑕᖅᑕᕗᑦ ᑕᒪᒃᑯᓄᖓ ᐱᓕᕆᐊᖑᖅᑎᑕᐅᓯᒪᔪᓄᑦ ᐅᓄᓛᓂᑦ ᐊᒃᑐᕐᓂᐊᕐᓂᖓ ᑕᐃᒪᓐᓇ ᐋᖅᑭᒃᓯᒪᓇᓱᑦᑕᕗᑦ. (ᑐᓵᔨᑎᒎᕈᓐᓃᖅᑐᖅ) ᒪ’ᓇ, ᐃᒃᓯᕙᐅᑖᖅ. ᐃᒃᓯᕙᐅᑕᖅ (ᑐᓵᔨᑎᒍᑦ): ᐊᐱᖅᑯᑎᒃᓴᐃᑦ? ᒥᔅᑕ ᐊᑕᒍᑦᑖᓗᒃ. ᐊᑕᒍᑦᑖᓗᒃ: ᖁᔭᓐᓇᒦᒃ, ᐃᒃᓯᕙᐅᑖᖅ. (ᑐᓵᔨᑎᒎᓕᖅᑐᖅ) ᖃᓄᖏᒃᑯᐊ ᓄᓇᓖᑦ ᑲᒪᒋᔭᐅᓂᐊᕐᒪᑕ ᐃᑭᐊᖅᑭᕕᒃᑯᑦ, ᑕᒪᒃᑯᑎᒎᓇᖅ ᐱᔨᑦᑎᕋᐅᑎᒃᑯᑦ? ᖁᔭᓐᓇᒦᒃ, ᐃᒃᓯᕙᐅᑖᖅ. ᐃᒃᓯᕙᐅᑕᖅ (ᑐᓵᔨᑎᒍᑦ): ᒥᓂᔅᑕ ᒪᐃᓐ. ᓯᕗᓕᖅᑎ ᐋᕐᓗᒃ ᒪᐃᓐ: ᒪ’ᓇ, ᐃᒃᓯᕙᐅᑖᖅ. (ᑐᓵᔨᑎᒎᓕᖅᑐᖅ) ᐃᓱᕿᔮᕈᑎᒋᔭᐅᓂᖅᓴᐅᖁᓪᓗᒋᑦ ᑕᐃᒃᑯᓄᖓ ᓂᐅᕕᖅᐸᑦᑐᓄᑦ ᐊᒻᒪᓗ ᓄᑖᓂᒃ ᓴᖅᑭᓵᖅᑐᓂᑦ ᓂᐅᕕᕋᓱᒃᑎᓪᓗᒋᑦ. ᒪᑯᐊᓗ ᓱᒃᑲᔪᒃᑯᓂᒃᑯᐊ ᑕᐃᒃᑯᓂᖓ ᐊᑐᕈᓐᓃᖅᐸᓪᓕᐊᓇᓱᒃᑲᑦᑕ. ᐊᑐᕆᐊᖃᖃᑦᑕᖅᖢᒋᑦ ᒪᑯᓄᖓ ᐄᔭᒐᕐᓂᑦ ᑎᑭᓴᐃᓂᐊᕐᓗᓂ, ᑭᓯᐊᓂ ᐃᒥᐊᓗᒃᑖᕋᓱᒃᖢᑎ ᑕᐃᒃᑯᐊ ᓱᒃᑲᔪᒃᑰᕈᑏᑦ ᐊᑐᙱᓂᖅᓴᐅᓇᓱᓕᕋᑦᑎᒍ ᐃᑭᐊᖅᑭᕕᒃᑯᖔᖅ ᐋᖅᑭᒐᓱᒃᑲᑎᒃᑯ. ᑖᓐᓇ ᐅᖃᐅᓯᕆᓪᓗᑎᒃᑯᑦ ᐊᒻᒪᓗ ᑕᐃᒃᑯᐊ ᓂᐅᕕᕐᕕᒃ, ᐊᑦᑕᓇᖅᑑᓂᖓ ᒥᒃᖠᒋᐊᒃᑲᓐᓂᕋᓱᒃᑕᕗᑦ ᕕᐊᖃᙱᑦᑐᑦ, ᐅᐊᐃᓐᖃᙱᑦᑐᓪᓗ ᑕᐃᒃᑯᐊ ᓄᓇᓖᑦ, ᐅᓄᕐᓂᖅᓴᓂᑦ ᓴᙱᓂᖅᓴᓂᑦ ᓂᐅᕕᖃᑦᑕᕐᓂᖏᑦ ᓇᓗᓇᙱᒃᖢᓂ. ᒪᑯᐊᓗ ᖃᖓᑦᑕᐅᑏᑦ ᐊᑭᑐᒻᒪᑕ ᐃᒥᐊᓗᒻᒥᒃ ᑎᑭᓴᐃᓂᐊᖅᖢᓂ ᒪᑯᓂᖓ ᐅᐊᐃᓐᓂᑦ ᕕᐊᓂᓪᓗ, ᑕᐃᒪᐃᑦᑑᒻᒪᑦ ᓴᙱᓂᖅᓴᓂᑦ ᓂᐅᕕᕈᒪᓂᖅᓴᐅᓲᑦ, ᐊᑲᐅᙱᓕᐅᕈᑕᐅᓂᖅᓴᐅᓪᓗᓂᓗ ᑕᒪᓐᓇ, ᖃᐅᔨᓴᖅᑕᐅᓂᕕᓃᑦ ᑕᑯᓪᓗᒋᑦ ᐊᑦᑕᓇᙱᓂᖅᓴᐅᔪᒨᕋᓱᒃᑲᑦᑕ. ᑕᐃᓐᓇ ᓂᐅᕕᕐᕕᒃ ᑎᑭᓴᐃᕝᕕᐅᔪᔪᓐᓇᖅᑐᖅ ᑕᑯᒥᓇᕆᓂᖅᓴᐅᔭᕗᑦ. (ᑐᓵᔨᑎᒎᕈᓐᓃᖅᑐᖅ) ᒪ’ᓇ, ᐃᒃᓯᕙᐅᑖᖅ. ᐃᒃᓯᕙᐅᑕᖅ (ᑐᓵᔨᑎᒍᑦ): ᐊᐱᖅᑯᑎᒃᓴᐃᑦ? ᐊᖏᖅᐱᓰ ᑭᓇᐅᔭᓕᕆᔨᒃᑯᑦ ᐱᓕᕆᕕᖓ ᐊᕐᕌᒍᒧᑦ ᐊᐅᓚᑦᑎᔾᔪᑎᖏᑦ ᑮᓇᐅᔭᓂᑦ $6,521,000? ᐃᓚᖏᑦ ᑲᑎᒪᔩᑦ: ᐊᖏᖅᑐᑦ. ᐃᒃᓯᕙᐅᑕᖅ (ᑐᓵᔨᑎᒍᑦ): C-6-ᒧᐊᕐᓗᓯ ᒪᒃᐱᒐᖓᓄᑦ. ᒫᓐᓇ ᑮᓇᐅᔭᓕᕆᔨᒃᑯᑦ ᐱᓕᕆᕕᖓ ᑮᓇᐅᔭᓕᕆᓂᕐᒧᑦ ᑲᒪᖃᑦᑕᖅᑐᑦ 2026-2027 ᑲᑎᑦᑐᒋᑦ $32,738,000. ᐊᐱᖅᑯᑎᒃᓴᐹ ᑲᑎᒪᔩᑦ? ᒥᔅᑕ ᐲᑕᓴᓐ. ᐲᑕᓴᓐ (ᑐᓵᔨᑎᒍᑦ): ᖁᔭᓐᓇᒦᒃ, ᐃᒃᓯᕙᐅᑖᖅ. ᐱᓕᕆᕕᓯ ᑐᒃᓯᕋᐅᑎᖓ 2026-2027-ᒥ ᐊᑐᕈᒫᖅᑐᑦ ᑮᓇᐅᔭᓕᕆᓂᕐᒧᑦ ᐱᓕᕆᕕᖓ ᐱᔨᔅᓯᖅᑕᐅᔪᓄᑦ ᐅᓄᖅᓯᒋᐊᕐᓂᐊᕐᒪᑕ $386,000-ᓂᑦ 2025-2026 ᐊᕐᕌᒍᐊᓂ $3.656-ᒥᓕᐊᓐᓄᑦ 2026-2027 ᐊᕐᕌᒍᐊᓂ. ᑖᒃᑯᐊ ᐅᓄᖅᓯᒋᐊᕈᑎᖃᖅᑐᑦ 850%. ᑭᓱᒧᑦ ᐱᔾᔪᑎᖃᕐᒪᑦ? ᖁᔭᓐᓇᒦᒃ. ᐃᒃᓯᕙᐅᑕᖅ (ᑐᓵᔨᑎᒍᑦ): ᒥᓂᔅᑕ ᒪᐃᓐ. ᓯᕗᓕᖅᑎ ᐋᕐᓗᒃ ᒪᐃᓐ: ᒪ’ᓇ, ᐃᒃᓯᕙᐅᑖᖅ. (ᑐᓵᔨᑎᒎᓕᖅᑐᖅ) ᑖᓐᓇ ᐱᔾᔪᑎᖃᖅᑐᖅ Oracle Fusion Cloud ᖃᕋᓴᐅᔭ ᑕᐃᔅᓱᒧᖓ. ᐃᓚᖏᓪᓗ ᐊᑭᑦᑐᕆᐊᕈᑎᐅᔪᑦ ᒫᓐᓇᑐᐃᓐᓇᖅ ᐊᑐᖅᑕᐅᑲᐃᓐᓇᖅᑐᑦ ᓴᓇᔭᐅᓂᖓᓂ ᑕᐃᒃᑯᐊ ᓂᐱᑦᓴᐃᔨᖓ ᖃᕋᓴᐅᔭᐅᑉ ᐊᒻᒪᓗ ᐊᒃᑐᐊᓂᖃᖅᑐᑦ ᓚᐃᓴᓐᓯᑖᕐᓂᕐᒧᑦ ᐊᑭᓕᕆᐊᓖᑦ ᑖᒃᑯᐊ ᖃᕋᓴᐅᔭᐃᑦ ᐃᓚᔅᓴᖏᓐᓄᑦ. (ᑐᓵᔨᑎᒎᕈᓐᓃᖅᑐᖅ) ᒪ’ᓇ, ᐃᒃᓯᐅᑖᖅ. ᐃᒃᓯᕙᐅᑕᖅ (ᑐᓵᔨᑎᒍᑦ): ᒥᔅᑕ ᐲᑕᓴᓐ.

ᐊᐃᑉᐹ, ᔫᓂ 02, 2026 ᓄᓇᕗᒥ ᒪᓕᒐᓕᐅᕐᕕᒻᒧᑦ ᑲᑎᒪᔾᔪᑏᑦ 42 ᐲᑕᓴᓐ (ᑐᓵᔨᑎᒍᑦ): ᖁᔭᓐᓇᒦᒃ. ᐱᓕᕆᕕᓯ 2026-2030 ᐸᕐᓇᐅᑎᖓ ᐅᖃᖅᓯᒪᒻᒪᑕ ᐊᐅᓚᔾᔭᑦᑕᐅᔪᒪᔪᑦ 2026- 2027 ᐊᕐᕌᒍᐊᓂ ᑖᒃᑯᐊ ᓯᕗᓕᖅᑎᐅᓂᐊᕐᓗᑎᑦ ᑖᒃᑯᓂᖓ ᐊᑐᖅᑕᐅᓂᖓᓂ ᑮᓇᐅᔭᓕᕆᔾᔪᑏᑦ ᖃᕋᓴᐅᔭᒃᑯᑦ ᒐᕙᒪᒃᑯᓐᓄᑦ ᓄᓇᕗᒻᒥ ᐊᑐᖅᑕᐅᓂᐊᖅᑎᓪᓗᒍ ᑖᒃᑯᐊ ᑎᒥᖁᑎᒋᔭᖏᓐᓂ. ᖃᓄᕐᓕ ᐊᒃᑐᐃᓂᑲᕐᓂᐊᖅᐸ ᒐᕙᒪᒃᑯᑦ ᐊᐅᓚᓂᖏᓐᓂ ᑕᒪᓐᓇ? ᐃᒃᓯᕙᐅᑕᖅ (ᑐᓵᔨᑎᒍᑦ): ᒥᓂᔅᑕ ᒪᐃᓐ. ᓯᕗᓕᖅᑎ ᐋᕐᓗᒃ ᒪᐃᓐ: ᒪ’ᓇ, ᐃᒃᓯᕙᐅᑖᖅ. (ᑐᓵᔨᑎᒎᕈᓐᓃᖅᑐᖅ) ᐱᔾᔪᑎᒋᓪᓗᒋᑦ ᑖᒃᑯᐊ ᐊᐅᓚᔾᔪᑏᑦ ᐱᓪᓗᒋᑦ, ᓂᕆᐅᙱᑦᑐᒍᑦ ᐊᖏᔪᒥᑦ ᐊᒃᑐᐃᓂᐊᕐᓂᖓᓂ. ᐊᒃᑐᓂᕆᒐᔭᖅᑕᖓ ᑖᒃᑯᐊ ᑮᓇᐅᔭᓕᕆᓂᕐᒧᑦ ᐅᓂᒃᑳᖅ ᐊᕐᕌᒍᒧᑦ ᑐᑭᓯᓇᕐᓂᖅᓴᐅᑦᑎᐊᓕᖁᓪᓗᒍ. ᐆᒃᑑᑎᒋᓪᓗᒍ, ᐃᓚᒋᐊᖅᑕᕗᑦ ᑮᓇᐅᔭᓕᕆᔾᔪᑎᓂᑦ ᑎᑎᕋᖅᑎᖃᑦᑕᕐᓂᕐᒥ ᑖᒃᓰᔭᕇᖅᓯᒪᓕᖅᑎᓪᓗᒋᑦ ᐊᒻᒪ ᐱᖁᔭᖅᑎᒍᑦ ᐊᑭᓕᖅᓱᕆᐊᓖᑦ. ᐊᔭᐅᖅᑐᐃᓪᓚᕆᑦᑐᒍᑦ ᐃᖅᑲᓇᐃᔭᕐᓂᕐᒧᑦ ᑖᔅᓱᒥᖓᐃᓛᒃ ᐱᓕᕆᐊᖃᕐᓂᕐᒥᒃ. ᕿᒥᕐᕈᓇᒃᑎᓪᓗᑕ 2025-2026 ᑮᓇᐅᔭᓕᕆᔾᔪᑎᕕᓂᖏᑦ ᑕᑯᒍᔅᓯᐅᒃ ᑖᒃᑯᓄᖓ ᐸᕐᓇᐅᑎᐅᔪᖅ ᐊᑐᓕᖅᑎᑕᐅᓚᐅᖅᑐᖅ ᓄᓇᕗᑦ ᒐᕙᒪᒃᑯᖏᑕ ᐱᓕᕆᕕᓕᒫᖏᓐᓂ ᐊᑐᓕᖅᑎᑕᐅᓚᐅᖅᑐᑦ ᐊᐃᐳᕈᓪ 1, 2025- ᖑᑎᓪᓗᒍ. ᑖᓐᓇ ᐊᑐᖅᑕᐅᓕᕙᓪᓕᐊᓕᕇᖅᑐᖅ. (ᑐᓵᔨᑎᒎᕈᓐᓃᖅᑐᖅ) ᒪ’ᓇ, ᐃᒃᓯᕙᐅᑖᖅ. ᐃᒃᓯᕙᐅᑕᖅ (ᑐᓵᔨᑎᒍᑦ): ᑲᑎᒪᔩᑦ ᐊᐱᖅᑯᑎᔅᓴᖃᖅᐸᑦ? ᑲᑎᒪᔩᑦ ᑮᓇᐅᔭᓕᕆᔨᒃᑯᑦ ᑮᓇᐅᔭᓕᕆᕝᕕᖓᑕ ᑖᒃᑯᐊ ᐊᐅᓚᔾᔪᑎᖏᑦ ᑲᑎᑦᑐᒋᑦ $32,738,000? ᐃᓚᖏᑦ ᑲᑎᒪᔩᑦ: ᐊᖏᖅᑐᑦ. ᐃᒃᓯᕙᐅᑕᖅ (ᑐᓵᔨᑎᒍᑦ): C-ᒧᐊᕐᓗᓯ. ᒫᓐᓇ ᑲᒪᒋᓂᐊᓕᖅᑕᕗᑦ ᑮᓇᐅᔭᓕᕆᔨᒃᑯᑦ ᐊᓪᓚᕝᕕᒻᒧᑦ ᑐᖅᑲᖅᑕᕐᕕᐅᔪᖅ ᑮᓇᐅᔭᓂᑦ. ᑲᑎᒪᔩᑦ ᐊᐱᖅᑯᑎᔅᓴᖃᖅᐹᑦ? ᒥᔅᑕ ᐊᑕᒍᑦᑖᓗᒃ. ᐊᑦᑕᒍᑦᑖᓗᒃ (ᑐᓵᔨᑎᒍᑦ): ᖁᔭᓐᓇᒦᒃ, ᐃᒃᓯᕙᐅᑖᖅ. ᐱᓕᕆᕕᓯ ᐆᒃᑑᑎᖓ 2026-2027 ᐊᐅᓚᔾᔪᑎᓄᑦ ᐊᑐᕈᒫᖅᑐᑦ ᐱᖃᓯᐅᔾᔨᓯᒪᒻᒪᑕ $30.1-ᒥᓕᐊᓂᑦ ᑮᓇᐅᔭᑦ ᖃᖓᑦᑕᐅᑎᔅᓴᓂ ᐃᖏᕐᕋᔾᔪᑎᔅᓴᓂᑦ ᑕᐃᑲᙵᑦ ᑐᖅᑲᖅᑕᕐᕕᒦᖔᖅᓯᒪᔪᑦ ᑮᓇᐅᔭᓂ. ᑖᓐᓇ ᐱᓕᕆᕕᐊᕈᓯᐅᔪᖅ ᑮᓇᐅᔭᖃᖅᑎᑦᑎᖃᑦᑕᖅᑐᖅ ᐃᖅᑲᓇᐅᔭᖅᑏᑦ ᐊᑦᑕᓇᔾᔭᐃᖅᓯᒪᓂᖏᓐᓄᑦ ᐊᒻᒪ ᐃᖅᑲᓇᐃᔭᖅᑐᓄᑦ ᐊᑦᑕᓇᖅᑐᓂᑦ ᓇᓪᓕᐅᒃᑯᒫᓂ ᖃᐅᔨᓴᖅᑎᖏᓐᓂ, ᐃᖅᑲᓇᐃᔭᖅᑏᓪᓗ ᐊᐅᓪᓚᕆᐊᖅᑐᖅᖢᑎᑦ ᐋᓐᓂᐊᕆᐊᖅᑐᖅᑐᑦ ᐊᐅᓪᓚᐅᑎᖏᑦ ᐃᑲᔪᕈᓯᐊᖏᓐᓄᑦ. ᑖᒃᑯᐊ ᐅᓄᖅᓯᒋᐊᖅᓯᒪᒻᒪᑕ 19.9% 2025-ᒥᑦ 2026- ᒧᑦ $25.1-ᒥᓕᐊᖑᓪᓗᑎᑦ. ᑭᓱᒧᑦ ᐊᑭᑦᑐᕆᐊᕈᑎᖃᕐᒪᑦ? ᖁᔭᓐᓇᒦᒃ, ᐃᒃᓯᕙᐅᑖᖅ. ᐃᒃᓯᕙᐅᑕᖅ (ᑐᓵᔨᑎᒍᑦ): ᒥᓂᔅᑕ ᒪᐃᓐ. ᓯᕗᓕᖅᑎ ᐋᕐᓗᒃ ᒪᐃᓐ: ᒪ’ᓇ, ᐃᒃᓯᕙᐅᑖᖅ. (ᑐᓵᔨᑎᒎᓕᖅᑐᖅ) ᐱᔾᔪᑎᒋᔭᐃᑦ ᐃᖅᑲᓇᐃᔭᖅᑏᑦ ᐊᐅᓪᓚᖃᑦᑕᕐᓂᖏᑦ ᐃᓅᓕᓴᖅᑕᐅᔭᖅᑐᕐᓗᑎᑦ, ᑖᒃᑯᐊ ᒥᐊᓂᕆᔭᕗᑦ ᑲᔪᓯᔪᒃᑯᑦ. ᐊᑐᖅᑕᐅᔪᒪᓂᖏᑦ ᐅᓄᖅᓯᕙᓪᓕᐊᑎᓪᓗᒋᑦ, ᑖᒃᑯᐊ ᑕᐅᑐᒃᑕᕗᑦ ᐋᖅᑭᓱᐃᓇᓱᑦᑐᒍᑦ ᐅᓄᕐᓂᕆᔭᖏᑦ, ᖃᐅᔨᒋᐊᕈᒪᔪᒍᑦ 2024-2025- ᒥ ᐊᑭᓕᐅᑕᐅᓚᐅᖅᑐᑦ ᐊᖑᒻᒪᑎᑦᑎᐊᖁᓪᓗᒋᑦ ᑮᓇᐅᔭᖅᑐᕈᑎᒃᓴᐃᑦ ᑕᒪᑐᒧᖓ. ᐃᖅᑲᓇᐃᔭᖅᑏᑦ ᐱᒻᒪᕆᐅᔪᒥᒃ ᐃᑲᔪᖅᑕᐅᔾᔪᑎᖃᑦᑎᐊᕆᐊᖃᕐᒪᑕ ᐃᓚᒋᔭᖏᓐᓄᓪᓗ, ᐊᒻᒪᓗ ᑮᓇᐅᔭᖃᑦᑎᐊᖁᓪᓗᒋᑦ ᑖᒃᑯᐊ ᐃᑲᔪᖅᑕᐅᔾᔪᑎᔅᓴᖏᓐᓄᑦ. (ᑐᓵᔨᑎᒎᕈᓐᓃᖅᑐᖅ) ᒪ’ᓇ, ᐃᒃᓯᕙᐅᑖᖅ.

ᐊᐃᑉᐹ, ᔫᓂ 02, 2026 ᓄᓇᕗᒥ ᒪᓕᒐᓕᐅᕐᕕᒻᒧᑦ ᑲᑎᒪᔾᔪᑏᑦ 43 ᐃᒃᓯᕙᐅᑕᖅ (ᑐᓵᔨᑎᒍᑦ): ᑲᑎᒪᔩᑦ ᐊᐱᖅᑯᑎᔅᓴᖃᖅᐸᑦ? ᐱᑕᖃᙱᑉᐸᑦ, ᑲᑎᒪᔩᑦ ᐊᖏᖅᐸᑦ ᑮᓇᐅᔭᓕᕆᔨᒃᑯᑦ ᑐᖅᑯᑕᕐᕕᖓ ᑮᓇᐅᔭᓂᑦ ᐊᐅᓚᔾᔪᑎᔅᓴᖏᑕ $75,727,000? ᐃᓚᖏᑦ ᑲᑎᒪᔩᑦ: ᐊᖏᖅᑐᑦ. ᐃᒃᓯᕙᐅᑕᖅ (ᑐᓵᔨᑎᒍᑦ): C-3ᒧᑦ ᒪᒃᐱᒐᕐᒧᑦ ᐅᑎᕐᓗᓯ. ᑲᑎᒪᔩᑦ ᐊᖏᖅᐸᑦ ᑮᓇᐅᔭᓕᕆᔨᒃᑯᑦ 2026-2027 ᐊᐅᓚᔾᔪᑎᔅᓴᖏᑦ ᑮᓇᐅᔭᖅᑐᕈᑎᔅᓴᖏᑦ $119,952,000, ᐊᖏᐱᓯᐅᒃ? ᐃᓚᖏᑦ ᑲᑎᒪᔩᑦ: ᐊᖏᖅᑐᑦ. ᐃᒃᓯᕙᐅᑕᖅ (ᑐᓵᔨᑎᒍᑦ): ᑲᑎᒪᔩᑦ ᐊᖏᖅᐸᑦ ᐱᔭᕇᕐᒪᑕ ᑮᓇᐅᔭᓕᕆᔨᒃᑯᑦ ᐱᓕᕆᕕᖓᑕ ᐊᑐᕈᒫᖅᑕᖏᑦ? ᐃᓚᖏᑦ ᑲᑎᒪᔩᑦ: ᐊᖏᖅᑐᑦ. ᐃᒃᓯᕙᐅᑕᖅ (ᑐᓵᔨᑎᒍᑦ): ᒪᑐᔾᔪᑎᒃᓴᓂᑦ ᐅᖃᐅᓯᒃᓴᖃᖅᐲᑦ, ᒥᓂᔅᑕ ᒪᐃᓐ? ᓯᕗᓕᖅᑎ ᐋᕐᓗᒃ ᒪᐃᓐ: ᒪ’ᓇ, ᐃᒃᓯᕙᐅᑖᖅ. (ᑐᓵᔨᑎᒎᓕᖅᑐᖅ) ᒫᓐᓇ ᖁᔭᓐᓇᒦᕈᒪᔭᒃᑲ ᑲᑎᒪᔨᕋᓛᖑᔪᓯ ᐃᓱᒪᒃᓴᖅᓯᐅᕈᑎᖃᕋᔅᓯ ᑕᒪᒃᑯᓂᖓ ᑐᒃᓯᕋᐅᑎᒋᔭᑦᑎᓐᓂ. ᖁᕕᐊᒋᑦᑎᐊᖅᑕᕗᑦ ᑖᓐᓇ ᐊᑐᕈᒫᖅᑐᖅ, ᐃᖅᑲᓇᐃᔭᖅᑏᓪᓗ ᖁᔭᓐᓇᒦᖅᑕᒃᑲ ᐊᒃᓱᕈᖅᖢᑎᑦ ᐃᖅᑲᓇᐃᔭᖃᑦᑕᕐᒪᑕ ᑕᑯᒃᓴᐅᙱᒃᑲᓗᐊᖅᑎᓪᓗᒋᑦ. ᓈᓴᐅᑏᑦ ᐅᓄᕐᓂᖓ ᐊᑐᕈᒫᖅᑐᑦ ᑕᕝᕙᓃᑦᑐᑦ, ᑲᑎᑦᑎᐊᕈᓐᓇᖃᑦᑕᙱᒻᒪᑕ ᑎᑎᕋᖅᑎᓪᓗᒋᑦ, ᑭᓯᐊᓂ ᖁᔭᓐᓇᒦᖅᑕᒃᑲ ᑖᒃᑯᐊ ᑲᑎᑦᑎᑎᑦᑎᐊᕈᓐᓇᕐᒪᑕ ᓈᓴᐅᑎᓂᑦ ᐊᔪᙱᑎᐊᕐᒪᑕ ᐊᖏᖅᓯᒪᑦᑎᐊᖅᖢᑎᑦ. ᖁᔭᓐᓇᒦᕈᒪᒻᒥᔭᒃᑲ ᑲᑎᒪᔩᑦ ᐃᑲᔪᖅᑐᐃᒻᒪᑕ. ᐃᓱᒪᒃᓴᖅᓯᐅᕈᑎᒋᔭᐅᔪᖅ ᓱᓕ, ᑲᑐᔾᔨᓪᓗᑕ ᐃᖅᑲᓇᐃᔭᖅᑐᒍᑦ ᑮᓇᐅᔭᓄᑦ ᓄᓇᕗᒻᒥ ᐊᖏᕐᕋᖃᖅᑐᑦ ᕿᑐᕐᖓᖅᑐᑦ ᓱᕈᓯᐊᕿᔾᔪᑎᖏᓐᓂ ᐊᑭᑦᑐᕆᐊᖅᑕᐅᖁᓪᓗᑎᒍᑦᑕᐅᖅ. ᑐᒃᓯᕋᐅᑎᕗᑦ ᒪᓕᓪᓗᒋᑦ ᐊᑐᓂ ᓱᕈᓰᑦ. ᐊᕐᕌᒍᑕᒫᑦ ᓱᕈᓯᐊᖅᑭᔾᔪᑕᐅᖃᑦᑕᕐᓗᑎᑦ $348-ᖑᓚᐅᕐᒪᑦ ᐊᕐᕋᒍᒥ $696, $700 ᖃᓂᒋᔮᓄᑦ ᐊᕐᕌᒍᑕᒫᑦ ᓱᕈᓯᐊᕿᔾᔪᑕᐅᖁᓪᓗᒋᑦ, ᓱᕈᓰᑦ ᓱᕈᓯᐊᕿᔾᔪᑎᖏᑦ ᓄᓇᕗᒻᒥ. ᓂᕆᐅᑦᑐᒍᑦ ᑖᒃᑯᐊ ᐃᑲᔪᖅᑐᖅᑕᐅᖏᓐᓇᕈᒪᓂᐊᖅᑐᒍᑦ ᑲᑎᒪᔨᓂᑦ, ᐊᑭᑦᑐᕆᐊᖅᐸᓪᓕᐊᒻᒪᑕ ᐃᓄᔾᔪᑎᒃᓴᐃᑦ ᓂᐅᕕᐊᒃᓴᐃᑦ ᒫᓐᓇ ᐊᑭᑐᓗᐊᓕᕐᒪᑕ ᓄᓇᕗᒻᒥᐅᓄᑦ. (ᑐᓵᔨᑎᒎᕈᓐᓃᖅᑐᖅ) ᒪ’ᓇ, ᐃᒃᓯᕙᐅᑖᖅ. ᐃᒃᓯᕙᐅᑕᖅ (ᑐᓵᔨᑎᒍᑦ): ᐃᖅᓱᖅᑏ, ᐅᑯᐊ ᐊᓂᑎᑲᐃᓐᓇᒃᑭᑦ. ᖃᓄᐃᓕᐅᕈᒪᕙᑦ ᑲᑎᒪᔨᕋᓛᑦ? ᒥᔅᑕ ᑕᖅᑐ. ᑕᖅᑐ (ᑐᓵᔨᑎᒍᑦ): ᖁᔭᓐᓇᒦᒃ, ᐃᒃᓯᕙᐅᑖᖅ. ᓅᑦᑎᕗᖓ ᓄᖅᑲᐸᓪᓕᐊᔪᒪᖢᖓ ᑲᑎᒪᓂᑦᑎᓐᓂ. ᖁᔭᓐᓇᒦᒃ, ᐃᒃᓯᕙᐅᑖᖅ. ᐃᒃᓯᕙᐅᑕᖅ (ᑐᓵᔨᑎᒍᑦ): ᖁᔭᓐᓇᒦᒃ. ᐱᖁᔨᕗᖔᕈᑦ ᑲᑎᒪᔾᔪᑕᐅᔪᓐᓇᖏᒻᒪᑦ. ᓈᒻᒪᓴᖅᑐᑦ ᐱᖁᔨᕗᖔᕐᒥ? ᐊᑭᕋᖅᑐᖅᑐᑦ? ᐱᖁᔨᕗᖔᕈᑦ ᑲᔪᓯᕗᖅ. ᓂᑯᕕᓐᓂᐊᓕᖅᐳᖓ ᐅᓂᒃᑳᕆᐊᖅᑐᕐᓗᖓ ᐱᕙᓪᓕᐊᓂᕆᔭᑦᑎᓐᓂ. >>ᑲᑎᒪᑐᐃᓐᓇᕐᓂᖅ ᓄᖅᑲᖅᑐᖅ 16:45 ᐊᒻᒪᓗ ᑲᑎᒪᓯᒋᐊᖅᑐᑦ 16:46 ᐅᖃᖅᑎ: ᐃᖏᒋᑦᓯ. ᑲᑎᒪᑐᐃᓐᓇᓚᐅᖅᑎᓪᓗᒋᑦ ᐅᓂᒃᑳᑦ. ᒥᔅᑕ ᖁᓕᒃᑖᓇ. ᑲᑎᒪᔾᔪᑎᒃᓴᖅ 21: ᑲᑎᒪᔨᕋᓛᑦ ᑲᑎᒪᑐᐃᓐᓇᓚᐅᖅᑎᓪᓗᒋᑦ ᐅᓂᒃᑳᖓᑦ

ᐊᐃᑉᐹ, ᔫᓂ 02, 2026 ᓄᓇᕗᒥ ᒪᓕᒐᓕᐅᕐᕕᒻᒧᑦ ᑲᑎᒪᔾᔪᑏᑦ 44 ᖁᓕᒃᑖᓇ (ᑐᓵᔨᑎᒍᑦ): ᖁᔭᓐᓇᒦᒃ, ᐅᖃᖅᑎᑦᑎᔩ. ᑲᑎᒪᔨᕋᓛᑦ ᑲᑎᒪᔾᔪᑎᖃᖅᑲᐅᒻᒪᑕ ᒪᓕᒐᒃᓴᖅ 1-ᒥ ᐱᕙᓪᓕᐊᓂᕐᒥᓄᑦ ᐅᓂᒃᑳᕈᒪᓪᓗᑎᑦ. ᐅᖃᖅᑏ, ᓄᑦᑎᕗᖓ ᑲᑎᒪᑐᐃᓐᓇᖅᑎᓪᓗᒋᑦ ᐅᓂᒃᑳᖓ ᐊᖏᖅᑕᐅᖁᓪᓗᒍ. ᖁᔭᓐᓇᒦᒃ. ᐅᖃᖅᑎ: ᐱᖁᔨᕗᖔᕈᑦ ᓈᒻᒪᒻᒪᑦ. ᐊᐃᑉᐱᖅᑕᐅᕚ? ᒥᔅ ᐊᖑᑎᐊᓗᒃ. ᐱᖁᔨᕗᖔᕈᑎᒧᑦ ᓂᕈᐊᓚᐅᕐᒥᒋᑦᓯ. ᓈᒻᒪᓴᖅᑐᑦ? ᓈᒻᒪᑦᓴᙱᑦᑐᑦ? ᑲᔪᓯᕗᖅ. ᑲᑎᒪᔾᔪᑎᒃᓴᖅ 21. ᐱᖓᔪᐊᓐᓂ ᐅᖃᓕᒫᖅᑕᐅᓂᖏᑦ ᒪᓕᒐᒃᓴᑦ. ᑲᑎᒪᔾᔪᑎᒃᓴᖅ 22. ᑲᑎᒪᔾᔪᑎᒃᓴᐃᑦ. ᐊᓪᓚᑎᒻᒪᕆᒃ. ᑲᑎᒪᔾᔪᑎᒃᓴᖅ 22: ᑲᑎᒪᔾᔪᑎᒃᓴᐃᑦ ᑎᑎᕋᖅᑎ: ᖁᔭᓐᓇᒦᒃ. ᑲᑎᒪᔨᕋᓛᑦ ᑲᑎᒪᓂᐊᖅᑐᑦ ᐱᖁᔭᒃᓴᓕᕆᓂᕐᒧᑦ 10-ᒧᐊᖅᐸᑦ ᐅᓪᓛᒃᑯᑦ. ᑲᑎᒪᔾᔪᑎᒃᓴᐃᑦ ᔫᓐ 3-ᒧᑦ: 1. ᑐᒃᓯᐊᕐᓂᖅ 2. ᐊᖓᔪᖅᑳᑦ ᐅᖃᐅᓯᖏᑦ 3. ᒪᓕᒐᓕᐅᖅᑏᑦ ᐅᖃᐅᓯᖏᑦ 4. ᑭᐅᔾᔪᑎᑦ ᐅᖃᐅᓯᒃᑯᑦ ᐊᐱᖅᑯᑎᓄᑦ 5. ᐃᓕᑕᖅᓯᓂᖅ ᐳᓛᖅᑎᓂᑦ 6. ᐅᖃᐅᓯᒃᑯᑦ ᐊᐱᖅᑯᑎᑦ 7. ᑎᑎᖅᑲᒃᑯᑦ ᐊᐱᖅᑯᑎᑦ 8. ᑭᐅᔾᔪᑎᑦ ᑎᑎᖅᑲᒃᑯᑦ ᐊᐱᖅᑯᑎᓄᑦ 9. ᑭᐅᔾᔪᑎᑦ ᒪᑐᐃᕈᑎᒧᑦ 10. ᑭᐅᔾᔪᑎᑦ ᑮᓇᐅᔭᖅᑑᑎᓄᑦ ᒪᑐᐃᕈᑎᖏᓄᑦ 11. ᐊᑎᓕᐅᕈᑕᐅᓯᒪᔪᑦ 12. ᑭᐅᔾᔪᑎᑦ ᐊᑎᓕᐅᕈᑕᐅᓯᒪᔪᓄᑦ 13. ᑲᑎᒪᔨᕋᓛᑦ ᑲᑎᒪᔨᕋᓛᖑᑲᐃᓐᓇᖅᑐᓪᓗ ᒪᓕᒐᒃᓴᓂᑦ ᐊᓯᖏᓐᓂᓪᓗ ᐅᓂᒃᑳᖏᑦ 14. ᑎᑎᖅᑲᓂᑦ ᓴᖅᑭᑎᕆᓂᖅ 15. ᖃᐅᔨᒃᑲᐃᒍᑎᑦ ᐱᒋᐊᖅᑎᑕᒃᓴᓂᑦ 16. ᖃᐅᔨᒃᑲᐃᒍᑎᑦ ᐱᒋᐊᖅᑎᑕᒃᓴᓂᑦ ᒪᓕᒐᒃᓴᐃᑦ ᐅᖃᓕᒫᕐᓂᒃᓴᒥᒃ ᓯᕗᓪᓕᖅᐹᖓᓐᓂᒃ 17. ᐱᒋᐊᖅᑎᑕᐃᑦ 18. ᓯᕗᓪᓕᖅᐹᒥᒃ ᐅᖃᓕᒫᕐᓂᖅ ᒪᓕᒐᒃᓴᓂᑦ. 19. ᐊᐃᑉᐹᓂᒃ ᐅᖃᓕᒫᕐᓂᖅ ᒪᓕᒐᒃᓴᓂᑦ 20. ᑲᑎᒪᔨᕋᓛᑦ ᑕᒪᐃᓐᓄᑦ ᒪᓕᒐᒃᓴᓄᑦ ᐊᓯᖏᓐᓂᓪᓗ ᐃᓱᒪᖅᓴᖅᓯᐅᕐᓂᖏᑦ

ᐊᐃᑉᐹ, ᔫᓂ 02, 2026 ᓄᓇᕗᒥ ᒪᓕᒐᓕᐅᕐᕕᒻᒧᑦ ᑲᑎᒪᔾᔪᑏᑦ 45 21. ᑲᑎᒪᔨᕋᓛᑦ ᑕᒪᐃᓐᓄᑦ ᐅᓂᒃᑳᖓᑦ 22. ᐱᖓᔪᐊᓐᓂᒃ ᐅᖃᓕᒫᕐᓂᖅ ᒪᓕᒐᒃᓴᓂᑦ 23. ᑲᑎᒪᔾᔪᑎᒃᓴᐃᑦ ᖁᔭᓐᓇᒦᒃ. ᐅᖃᖅᑎ: ᒪᓕᒐᓕᐅᕐᕕᒃ ᓄᖅᑲᖔᓚᐅᑲᓐᓂᐊᖅᐳᖅ ᐅᓪᓗᑐᐃᓐᓇᙳᕋᓱᓐᓂᖓᓂ, ᐅᑐᐱᕆ 25ᒥ, 9:00ᒨᖅᑲᑦ ᐅᓪᓛᒃᑯᑦ. ᐃᖅᓱᖅᑎ. >>ᑲᑎᒪᓂᖅ ᓄᖅᑲᖅᑐᖅ 17:59ᒧᐊᖅᑎᓪᓗᒍ

ᐊᐃᑉᐹ, ᔫᓂ 02, 2026 ᓄᓇᕗᒥ ᒪᓕᒐᓕᐅᕐᕕᒻᒧᑦ ᑲᑎᒪᔾᔪᑏᑦ 46 ᐅᐃᒍᖓ, ᔫᓂ 02, 20269

ᓄᓇᕗᑦ ᒪᓕᒐᓕᐅᕐᕕᐊ Nunavut Maligaliurvia Legislative Assembly of Nunavut Assemblée législative du Nunavut ᑭᐅᔾᔪᑎ ᐅᖃᐅᓯᒃᑯᑦ ᐊᐱᖅᑯᑎᒧᑦ ᐆᒪ ᐊᐱᖅᑯᑎᒋᔮ: ᒪᓕᒐᓕᐅᖅᑎ ᖁᕐᓗᖅᑐᕐᒧᑦ, ᓴᐃᒪᓐ ᖁᓕᑦᑖᓇ ᐊᐱᖅᑯᑕᐅᔪᖅ ᐆᒧᖓ: ᒥᓂᔅᑕ ᐅᖃᐅᓯᕐᓄᑦ, ᐳᕋᐃᐊᓐ ᑯᓄᒃ ᓇᐃᓴᐅᑖ: 28 − 7(2) ᐃᓄᐃᓐᓇᖅᑐᓐ ᐅᖃᐅᓯᖅ ᐅᓪᓗᖓ: ᒪᐃ 25, 2026 ᐱᔾᔪᑖ: ᐃᓄᐃᓐᓇᖅᑐᓐ ᐅᖃᐅᓯᖅ ᐊᑐᓕᖅᑎᑕᐅᒃᑲᓐᓂᕐᓂᖓ ᐅᖃᖅᑎᑦᓯᔩ, ᐅᓪᓗᒥ ᓇᖏᖅᓯᕗᖓ ᐃᓚᒋᐊᕈᒪᓪᓗᒍ ᑭᐅᔾᔪᑎᒐ ᐅᖃᐅᓯᒃᑯᑦ ᐊᐱᖅᑯᑎᒧᑦ 28-7(2), ᐊᐱᖅᑯᑕᐅᓚᐅᖅᑐᖅ ᒫᑦᓯ 25, 2026-ᒥ ᒪᓕᒐᓕᐅᖅᑎᒧᑦ ᖁᕐᓗᖅᑑᕐᒧᑦ, ᓴᐃᒪᓐ ᖁᓕᑦᑖᓇᒧᑦ. ᖁᔭᓐᓇᒦᕈᒪᕙᕋ ᒪᓕᒐᓕᐅᖅᑎ ᐊᐱᖅᑯᑎᖓᓄᑦ ᐃᓄᐃᓐᓇᖅᑐᓐ ᐅᖃᐅᓯᖅ ᐱᔾᔪᑎᒋᓪᓗᒍ. ᐅᖃᖅᑎᑦᓯᔩ, ᑭᐅᔾᔪᑎᒋᖅᑲᐅᔭᕋ, ᓇᓗᓇᐃᖅᓯᖅᑲᐅᒐᒪ ᐱᓕᕆᐊᖑᐃᓐᓇᖅᑐᒥᒃ ᒐᕙᒪᒃᑯᑦ ᑐᑭᓕᐅᕆᓂᕐᒧᑦ ᐊᑐᐊᒐᖓᓂᒃ, ᐱᓕᕆᖃᑎᖃᕐᓂᑦᑎᓐᓂᒃ ᐅᖃᐅᓯᕐᓄᑦ ᐱᖃᖃᑕᐅᔪᓂᒃ, ᑮᓇᐅᔭᖃᑦᑎᑦᓯᖃᑕᕐᒪᑦ ᐱᓕᕆᕝᕕᒋᔭᑦᑕ ᐊᑐᐃᓐᓇᐅᑎᑦᓯᓂᕐᒧᑦ ᐃᑲᔪᖅᑐᐃᔪᒪᓪᓗᑎᒃ ᐃᓄᐃᓐᓇᖅᑐᓐ ᐆᒻᒪᕆᐊᖅᑎᑦᓯᒃᑲᓐᓂᕐᓂᕐᒧᑦ ᐱᓕᕆᐊᖑᕙᓪᓕᐊᔪᒪᔪᓂᒃ. ᐅᖃᖅᑎᑦᓯᔩ, ᓇᓗᓇᐃᖅᓯᒃᑲᓐᓂᕈᒪᕗᖓ ᑖᓐᓇ ᐱᓕᕆᕝᕕᒋᔭᐅᔪᖅ ᓯᕗᒻᒧᐊᒃᑎᑦᓯᕙᓪᓕᐊᖏᓐᓇᕐᓂᖓᓂᒃ ᐊᖏᖅᓯᒪᓂᖃᕐᓂᕐᒧᑦ ᐃᓄᐃᓐᓇᖅᑐᑦ ᐅᖃᐅᓯᕐᒥᒃ ᐆᒻᒪᖅᑎᑦᓯᒃᑲᓐᓂᕐᓂᕐᒥᒃ ᓄᓇᕘᓕᒫᒥ. ᐋᖅᑭᑦᓱᐃᕙᓪᓕᐊᕗᒍᑦ ᓄᑖᙳᕆᐊᖅᓯᒪᔪᒥᒃ ᑐᑭᓕᐅᕆᓂᕐᒧᑦ ᐊᑐᐊᒐᕐᒥᒃ ᓅᑎᑦᓯᓂᐊᖅᑐᒥᒃ ᐃᓄᐃᓐᓇᖅᑐᓐ ᐱᓇᓱᐊᑦᑕᐅᒥᖓ ᐊᑕᖏᐅᒪᔪᓂᒃ, ᑭᒃᑯᑐᐃᓐᓇᓄᑦ ᓴᖅᑭᑎᑕᐅᕙᑦᑐᓂᒃ ᑐᕌᖔᓕᕐᓗᑎᒃ ᖃᓄᐃᓕᐅᖅᑕᐅᕙᓪᓕᐊᔪᒪᔪᓄᑦ, ᐊᑦᑐᖅᓯᕐᔪᐊᖅᑐᓄᑦ ᓯᕗᓪᓕᖅᐸᐅᔾᔭᐅᓯᒪᔪᓄᑦ. ᑖᓐᓇ ᐱᓕᕆᐊᖑᔪᖅ ᑐᙵᕕᖃᖅᑎᑕᐅᕗᖅ ᒪᓕᒐᑎᒍᑦ ᐱᓕᕆᐊᕆᔭᕆᐊᖃᖅᑕᑦᑎᓐᓄᑦ, ᐊᑐᓕᖅᑎᑕᐅᒃᑲᓐᓂᕐᓂᖓ ᑐᕌᕆᔭᑦᑎᓐᓄᑦ, ᐊᒻᒪᓗ—ᐱᒻᒪᕆᐅᓂᖅᐹᖅ— ᑐᑭᒧᐊᑦᑎᑦᓯᓂᕐᒧᑦ ᐊᑐᐃᓐᓇᐅᑎᑕᐅᔪᖅ ᐃᓄᐃᓐᓇᖅᑐᓐ−ᐅᖃᐅᓯᓕᓐᓄᑦ ᓄᓇᓕᓐᓄᑦ.

ᓯᕗᒻᒧᐊᒃᑎᑦᑐᒪᓪᓗᒍ ᑖᓐᓇ ᐱᓕᕆᐊᖅ, ᐅᖃᖅᑎᑦᓯᔩ, ᐱᓕᕆᕝᕕᐅᔪᖅ ᐱᓕᕆᖃᑎᖃᑦᓯᐊᕈᒪᕗᑦ ᓄᓇᕗᑦ ᑐᙵᕕᒃᑯᓐᓂ, ᕿᑎᕐᒥᐅᑦ ᐃᓄᐃᑦ ᑲᑐᔾᔨᖃᑎᒌᖏᓐᓂᒃ, ᐊᒻᒪᓗ ᐃᓄᐃᓐᓇᖅᑐᓐ ᐅᖃᐅᓯᓕᓐᓂᒃ ᓄᓇᓕᓐᓂᑦ ᓇᓗᓇᐃᖅᓯᔪᒪᓪᓗᑎᒃ ᓯᕗᓪᓕᐅᔾᔭᐅᔭᕆᐊᓕᓐᓂᒃ ᐋᖅᑭᑦᓯᒪᓂᕆᔭᖓ. ᑖᓐᓇ ᐱᓕᕆᐊᑦᓴᖅ ᓂᕆᐅᒋᔭᐅᔪᖅ ᐱᔭᕇᖅᑕᐅᓂᐊᕐᓂᖓᓂᒃ 2026-2027 ᑮᓇᐅᔭᓕᕆᓂᕐᒧᑦ ᐊᕐᕌᒍᖓᓂ, ᐊᑕᐅᑦᓯᒃᑰᖃᑎᖃᕐᓗᓂ ᐃᑲᔪᖅᑎᒌᒃᑕ ᐱᓕᕆᑦᒃᓴᖏᓐᓂ ᐸᕐᓇᐅᑭ ᓯᕗᓪᓕᐅᔾᔭᐅᔭᕆᐊᓕᓐᓄᑦ. ᐅᖃᖅᑎᑦᓯᔩ, ᐃᑉᐱᒋᑦᓯᐊᕐᓗᒍ ᐱᖃᖃᑕᐅᔪᑦ ᐃᓚᐅᑎᑕᐅᓂᖏᑦ, ᐃᓄᒃᑐᑦ ᐆᒻᒪᖅᑎᑦᓯᒃᑲᓐᓂᖅᑐᓕᕆᔨᕗᑦ ᖁᕐᓗᖅᑐᕐᒦᑦᑐᖅ ᐱᓕᕆᐊᑦᓴᖃᖅᑎᑕᐅᕗᖅ ᑐᓴᐅᒪᖃᑎᒌᑦᓯᐊᖏᓐᓇᕐᓂᕐᒥᒃ ᓄᓇᓕᓐᓂ ᐱᓕᕆᖃᑎᒋᔭᐅᔪᓂᒃ. ᐅᔾᔨᕆᔪᒪᒻᒥᔭᕋ ᓄᓇᖃᖅᑳᖅᓯᒪᔪᑦ ᐅᖃᐅᓯᖏᑕ ᐃᓗᓕᖏᑦᑎᒍᑦ, ᑲᓇᑕᒥ ᐃᓄᒃᑐᑦ ᑮᓇᐅᔭᐃᑦ ᐃᓄᐃᑦ ᑲᑐᔾᔨᖃᑎᒌᖏᓐᓄᐊᖅᑕᐅᕙᑦᑐᐃᖅ ᑲᑎᓪᓗᒋᑦ ᖄᖏᐅᑎᓯᒪᒻᒪᑕ ᒐᕙᒪᒃᑯᑦ ᐱᖃᑦᑕᖅᑕᖏᓐᓂᒃ ᓈᒻᒪᑦᓯᓕᕈᑎᒃᓴᓂᒃ ᒪᓕᒐᖅᑎᒍᑦ ᐱᓕᕆᐊᑦᓴᖏᓐᓄᑦ. ᑖᓐᓇ ᐊᐅᓚᑦᓯᓂᖅ ᐱᓕᕆᖃᑎᒌᓐᓂᕐᓗ ᐱᔭᕆᐊᖃᒻᒪᕆᓕᖅᐳᖅ. ᒐᕙᒪᒃᑯᓐᓄᑦ ᐃᖅᑲᓇᐃᔭᖅᑎᐅᓂᕐᒧᑦ ᐱᓕᒻᒪᑦᓴᕐᓂᕐᒧᑦ, ᐅᖃᖅᑎᑦᓯᔩ, ᐱᖓᓱᑦ ᑐᑦᓯᕋᐅᑎᐅᔪᑦ ᑐᑦᓯᕋᐅᑎᓂᑦ ᒫᓐᓇᐅᔪᖅ ᑭᖑᓪᓕᖅᐹᒥᑦ ᕿᒥᕐᕈᔭᐅᕙᓪᓕᐊᕗᑦ ᑐᓂᔭᐅᓚᐅᙱᓐᓂᖏᓐᓂ ᓂᐅᕕᕐᓂᕐᒧᑦ. ᐃᓚᖓᑦ ᐋᖅᑭᑦᑕᐅᓯᒪᓪᓗᐊᑕᖅᐳᖅ ᓇᓗᓇᐃᖅᓯᔾᔪᑕᐅᔪᒪᓪᓗᓂ ᐊᔪᙱᑦᑐᓂᒃ ᐊᖏᖃᑎᒌᒍᑎᒃᑯᑦ ᐃᖅᑲᓇᐃᔮᖅᑖᑎᑕᕐᓂᑦ ᑲᔪᓯᑎᑦᓯᓂᐊᕐᓗᑎᒃ ᑐᕌᕆᔭᐅᔪᓂᒃ ᐃᓄᐃᓐᓇᖅᑐᓐ ᐆᒻᒪᕆᐊᖅᑎᑦᓯᒃᑲᓐᓂᕐᓂᕐᒧᑦ ᐱᓕᕆᐊᖑᓂᐊᑦᑐᓂᒃ. ᒫᓐᓇᐅᔪᕐᓕ, ᒐᕙᒪᒃᑯᓐᓄᑦ ᐃᖅᑲᓇᐃᔭᖅᑏᑦ ᐊᑐᐃᓐᓇᖃᐃᓐᓇᖅᐳᑦ ᐱᕈᕐᕕᐅᑉ ᐱᒋᐊᕐᕕᖓᓂ ᐊᒻᒪᓗ ᕿᒫᕝᕕᒻᒥ ᐱᓕᕆᐊᑦᓴᓂᒃ. ᐅᖃᖅᑎᑦᓯᔩ, ᐃᓕᑕᕆᔪᒪᒻᒥᔭᕋ ᐱᒻᒪᕆᐅᓂᖓ ᑭᖑᕚᕆᓂᐊᖅᑕᑎᓐᓄᑦ ᑮᓇᐅᔭᓕᐅᕋᓱᐊᕐᓂᕐᒧᑦ. ᐊᖏᓂᖅᓴᒥᒃ ᑮᓇᐅᔭᖃᖅᑎᑦᓯᓂᕗᑦ ᐱᖃᓯᐅᔾᔨᔪᖅ $1.35 ᒥᓕᐊᓐᓂᒃ ᐊᕐᕌᒍᑕᒫᑦ ᓄᓇᕗᒻᒥ ᓯᓚᑦᑐᓴᕐᕕᒻᒧᑦ, ᐃᑲᔪᖅᑐᐃᓂᕐᒧᑦ ᐱᓕᕆᐊᖑᕙᓪᓕᐊᔪᒪᔪᓂᑦ ᓲᕐᓗ ᐃᓄᐃᓐᓇᖅᑐᓐ ᐅᖃᐅᓯᕐᒥᒃ ᐆᒻᒪᕆᐊᖅᑎᑦᓯᓂᕐᒧᑦ ᓇᓗᓇᐃᒃᑯᑕᖅᑖᕐᓂᕐᒧᑦ ᐱᓕᕆᐊᕐᒥᒃ. ᐊᒻᒪᓗᒃᑲᓐᓂᖅᑕᐅᖅ, ᐱᑎᑦᓯᕙᒃᑭᕗᒍᑦ $6.9 ᒥᓕᐊᓂᒃ ᐊᕐᕌᒍᑕᒫᑦ ᐃᓕᓐᓂᐊᕐᓂᓕᕆᔨᒃᑯᓐᓄᑦ ᐃᓄᒃᑐᑦ ᐃᑲᔫᑎᑦᓴᓄᑦ ᐋᖅᑭᑦᓱᐃᕙᓪᓕᐊᓂᕐᒧᑦ, 20%− ᖓ ᓴᓇᔭᐅᓚᐅᖅᓱᓂ ᓱᖏᐅᑕᐅᓯᒪᔪᓂᓪᓘᓐᓃᑦ ᐃᓄᐃᓐᓇᖅᑐᓐ 2025-2026−ᒥ. ᑭᖑᓪᓕᖅᐹᒥ, ᐅᖃᖅᑎᑦᓯᔩ, ᓇᓗᓇᐃᖅᓯᔪᒪᕗᖓ $487,602 ᐊᖏᖅᑕᐅᓯᒪᓕᕐᓂᖓᓂᒃ ᐊᐃᑦᑑᑎᓄᑦ ᐃᑲᔫᑎᓄᓪᓗ ᐃᓄᐃᓐᓇᖅᑐᓐ ᐱᓕᕆᐊᑦᓴᓄᑦ 2026-2027−ᒥ. ᑖᓐᓇ ᑭᒡᒐᖅᑐᐃᔪᖅ 22.6%-ᓂ ᐃᓄᓕᒫᓄᑦ ᓴᙵᔭᐅᔪᓂᒃ ᐃᓄᒃᑐᑦ ᐆᒻᒪᕆᐊᖅᑎᑦᓯᒃᑲᓐᓂᕐᓂᕐᒧᑦ ᑮᓇᐅᔭᖃᖅᑎᑕᐅᔾᔪᑎᓂᒃ. ᐅᖃᖅᑎᑦᓯᔩ, ᐃᓕᑕᖅᓯᓯᒪᕗᒍᑦ ᑐᐊᕕᕐᓇᕐᓂᖓᓂᒃ ᑕᒪᓐᓇ ᐱᓕᕆᐊᖅ ᐊᒻᒪᓗ ᐊᖏᖅᓯᒪᑦᑎᐊᖅᑐᒍᑦ ᒪᑐᐃᖓᑦᓯᐊᖅᑐᒥᒃ ᐅᖃᖃᑎᖃᖃᑦᑕᕈᒪᓪᓗᑕ ᒪᓕᒐᓕᐅᖅᑎᓂᒃ ᑕᒪᒃᑯᐊ ᐱᓇᓱᐊᖅᑕᐅᔪᑦ ᑲᔪᓯᕙᓪᓕᐊᑎᓪᓗᒋᑦ. ᓇᑯᕐᒦᒃ, ᐅᖃᖅᑎᑦᓯᔩ

Document details

Collection	Nunavut — Debates (Hansard)
Citation	2026-06-02 Blues Inuktitut
Type	statute
Volume / chapter	20260602 Blues Inuktitut 2
Language	en
Format	pdf
Source	TERRITORIAL
Identifier	00695b0701cb42bf7b6bab1e04b3c14947e8f4d1

Source file is stored in the law ingest library (pdf).